Connect with us

Love

വിവാഹം കഴിഞ്ഞ് ഇത്ര നാളായിട്ടും നിൻ്റെ ശരീരത്തിൽ അവൻ ഒരിക്കൽപ്പോലും…

Published

on

രചന: സനൽ SBT

“വിവാഹം കഴിഞ്ഞ് ഇത്ര നാളായിട്ടും നിൻ്റെ ശരീരത്തിൽ അവൻ ഒരിക്കൽപ്പോലും കൈ വെച്ചിട്ടില്ലന്നോ?” “എൻ്റെ പൊന്നു ചേച്ചി ഒന്ന് പതിയെ പറ അപ്പുറത്ത് അമ്മ ഉണ്ട് കേൾക്കും.” “എൻ്റെ കൊച്ചെ നീ ഈ പറയുന്നത് സത്യാണോ? ” “ഉം. അതെ മായേച്ചി. ” വൈഗ മായേച്ചിയോട് ആ നഗ്ന സത്യം തുറന്ന് പറഞ്ഞപ്പോഴേക്കും അവളുടെ രണ്ട് ഉണ്ടക്കണ്ണുകളും നിറഞ്ഞ് തുളുമ്പിയിരുന്നു. ” അല്ലാ എനിക്ക് അറിയാൻ പാടില്ലാത്തോണ്ട് ചോദിക്കുവാ ഇന്നത്തെക്കാലത്ത് ഇങ്ങനെയും പിള്ളേരുണ്ടോ? ഇതെന്ത് കൂത്ത് ഓരോരുത്തര് വിവാഹം ഒന്ന് കഴിയാൻ കാത്ത് നിക്കുമ്പോഴാ ഇങ്ങനത്തെ ഓരോ മണുകോണാഞ്ചന്മാര് ഇതിപ്പോ മാസം രണ്ട് കഴിഞ്ഞില്ലേ.” “ഉം. ” “പുള്ളിക്കാരൻ ആണേൽ പെട്ടിയും കിടക്കയും എടുത്ത് ദുബായിക്കും പോയി. ശ്ശെടാ എന്നിട്ട് ഇത്രയും കാലം നീ ഇത് ആരോടും പറഞ്ഞില്ലേ കൊച്ചേ. ” ” ചേച്ചി എന്ത് വിഡ്ഢിത്തമാണ് ഈ പറയണേ ഇതൊക്കെ ഇവിടെയുള്ള അച്ഛനോടും അമ്മയോടും പറയാൻ പറ്റിയ കാര്യാണോ?” “ഹാ അതും ശരിയാ ഞാനത് ഓർത്തില്ല. അല്ല കൊച്ചെ അവന് നിന്നോട് എന്തെങ്കിലും ഇഷ്ട്ടക്കുറവോ മറ്റോ? അല്ല വല്ല നിരാശാ കാമുകനാണോ എന്നറിയാനാ .” “പൊന്നു ചേച്ചി ഇവിടുള്ള രണ്ട് മാസം എന്നോട് നല്ല സ്നേഹായിരുന്നു ദാ ഇപ്പോ പോയിട്ട് ദിവസം രണ്ട് നേരം വിളിക്കും അതിനോന്നും ഒരു കുറവും ഇല്ല. ” “പിന്നെപ്പോ അവന് ഇത് എന്ത് പറ്റി ഞാൻ ഈ നാട്ടിലേക്ക് കെട്ടിക്കയറി വന്ന അന്ന് മുതൽ കാണാൻ തുടങ്ങിയതാ ഈ മഹിയെ ഇനി വെറെന്തെങ്കിലും കുഴപ്പം.” “ഒന്ന് പോ ചേച്ചി ചുമ്മാ മനുഷ്യനെ വട്ടാക്കാതെ.” “അതല്ല പൊത്തെ ഞാൻ പറഞ്ഞത് ചിന്തിക്കുമ്പോൾ എല്ലാ വശവും ചിന്തിക്കണമല്ലോ ? അതും നിന്നെ പൊലെ ഒരു കൊച്ചിനെ ഇത്രയും നാൾ കൈയിൽ കിട്ടിയിട്ട് ഒന്നും ചെയ്തില്ല എന്ന് പറയുമ്പോൾ ൻ്റെ തൃപ്പങ്ങോട്ടപ്പാ .” “ഹോ ഞാനിപ്പത് ആരോടാ ഈ പറയണേ.” “അതല്ല അപ്പോ മഹി ദുബായിലേക്ക് പോകുന്നതിൻ്റെ തലേന്ന് ഒന്നും ………” “ആ ബെസ്റ്റ് കൂട്ടുകാരും മാമൻ്റെ മക്കളും ഒക്കെ ചേർന്ന് വെള്ളമടിച്ച് പൂക്കുറ്റിയായി നല്ല പോത്ത് പൊലെ കിടന്നുറങ്ങി പിന്നെ പുലർച്ചയ്ക്ക് എണീറ്റ് പോവും ചെയ്തില്ലേ.” “ഉം.മം’ ൻ്റെ പൊന്നു മോളെ എന്നിട്ട് നീ എങ്ങനെ പിടിച്ച് നിൽക്കണു.” “ഓ പിന്നെ പത്തിരുപത്തിരണ്ട് വർഷം ഇങ്ങനെയല്ലേ ജീവിച്ചത് ഇനി രണ്ട് കൊല്ലം കൂടി പിടിച്ച് നിൽക്കാനാണോ പാട്. ” “എന്നാലും” “എനിക്ക് പിന്നെ ഒറ്റത്തവണ പൊലും ഇതിൻ്റെ ഒരു എക്സ്പീരിയൻസ് ഉണ്ടായിട്ടിലല്ലോ അതു കൊണ്ട് കുഴപ്പമില്ല.” “ഹാ അതിനൊക്കെ ഇവിടൊരാള് കല്ല്യാണം കഴിഞ്ഞതിൽ പിന്നെ മര്യാദയ്ക്ക് ഞാൻ കിടന്ന് ഉറങ്ങിയിട്ടില്ല. ആ പിന്നെ നിനക്കൊരു കാര്യം അറിയോ ” “ന്താ ചേച്ചി.” “ഞാൻ ഇവിടെ വന്നതിൽ പിന്നെ മെൻസസ് ആയിട്ടില്ല. പത്ത് മാസം കഴിഞ്ഞപ്പോഴേക്കും കിച്ചു മോനെ പ്രസവിച്ചു ഞങ്ങടെ ഒന്നാം വിവാഹ വാർഷികത്തിന് അവൻ കുഞ്ഞാ .” “ആഹാ അത് കൊള്ളാലോ? ” “ഹും എന്നിട്ടും കഴിഞ്ഞോ പൂരം അവന് ഒന്നര വയസ്സ് തികയുന്നതിന് മുൻപ് ഞാൻ വീണ്ടും ഗർഭിണിയായി. ഹാ അത് പറഞ്ഞപ്പോഴാ ഞാൻ ഓർത്തത് നിനക്ക് അപ്പം വിശേഷം ആയില്ലേന്ന് കുടുംബക്കാരൊന്നും ചോദിക്കാറില്ലേ? ” “ങ്ങാ അതൊക്കെ ചോദിക്കുന്നുണ്ട് ഞാൻ വല്ലോം പറഞ്ഞ് നൈസായി അങ്ങ് ഒഴിഞ്ഞ് മാറും അല്ലാതെ ഇതോക്കെ ഇപ്പോ നാട്ടുകാരോട് പറയാൻ പറ്റ്വോ? ” “അത് നീ പറഞ്ഞത് നേരാ.” “ൻ്റെ വിധി അല്ലാതെ എന്ത് പറയാനാ.” “ഹാ അതിനും വേണം ഒരു യോഗം .” “യോ മായേച്ചി നേരം സന്ധ്യയായി ഞാൻ പോയി മേല് കഴുകി വിളക്ക് വെയ്ക്കട്ടെ ഇല്ലേൽ അമ്മ എന്നെ ഇന്ന് കീറി അടുപ്പത്ത് വെയ്ക്കും. ” “നിന്നോട് സംസാരിച്ച് ഇരുന്ന് സമയം പോയത് അറിഞ്ഞില്ല. പിള്ളേര് ഇപ്പം ട്യൂഷൻ കഴിഞ്ഞ് വരും ഞാനും എന്നാൽ ഇറങ്ങാൻ നോക്കട്ടെ.” “അപ്പം ശരി ചേച്ചി നാളെ കാണാം .” വൈഗ വീടിൻ്റെ പൂമുഖത്തു നിന്ന് നേരെ റൂമിലേക്ക് നടന്നു. കുളി കഴിഞ്ഞ് തറവാട്ട് വക കുടുംബക്ഷേത്രത്തിലും അതിനോടടുത്തുള്ള സർപ്പക്കാവിലും വിളക്ക് തെളിയിച്ചു. ദേവിയേയും നാഗത്താൻന്മാരെയും മനമുരുകി പ്രാർത്ഥിച്ചു. “മോളെ വൈഗേ കുറെ നേരമായല്ലോ നിൻ്റെ ഫോൺ കിടന്ന് ബെല്ലടിക്കാൻ തുടങ്ങിയിട്ട്.” “ഞാൻ വിളക്ക് വെയ്ക്കാൻ കാവിൽ പോയതാ അമ്മേ. ” “ഹാ എന്നാൽ പോയി ആരാന്ന് നോക്ക് ചിലപ്പോൾ മഹിയാവും.” “ആ ശരിയമ്മേ. ”

“ഹലോ ” “ഹലോ മഹിയേട്ടാ. ” “ൻ്റെ വൈഗേ എത്ര നേരായി ഞാൻ കിടന്ന് വിളിക്കുന്നു. നീ ഇത് എവിടെ പോയി കിടക്കുവാ. ” “ഓ ഒലിപ്പീര് ഒക്കെ കേട്ടാൽ തോന്നും ഇപ്പോ അങ്ങ് മല മറിയ്ക്കും എന്ന്. ” “ന്താ നീ പറഞ്ഞേ ഇത് നെറ്റ് കോളാണ് ശരിക്ക് കേട്ടില്ല. ഓലപ്പീപ്പിയോ. ? ” “അയോ അതല്ല ഞാൻ കാവിൽ വിളക്ക് വെയ്ക്കാൻ പോയതാ എന്ന് പറയുവാർന്നു. ” “ആ അങ്ങിനെ. പിന്നെ നിനക്ക് സുഖല്ലേ. ” “ഹോ ഇങ്ങനെയൊക്കെ കഴിഞ്ഞ് പോകുന്നപ്പാ . എന്ത് സുഖം ” “അത് ശരിയാ ഞാൻ ഇവിടെയല്ലേ ല്ലേ.” “ഹോ. പറയണ് കേട്ടാൽ തോന്നും ഇവിടെ ഉണ്ടാവുമ്പോൾ വല്യ സുഖത്തിലാണ് എന്ന്. ” “ന്താ പറഞ്ഞേ കേട്ടില്ല.” “അല്ല മഹിയേട്ടൻ ഇനി എന്നാ വരുന്നേ നാട്ടിലേക്ക്.” “ഇപ്പോ വന്നിട്ട് കുറച്ചല്ലേ ആയൊള്ളൂ ലീവ് കിട്ടിയാൽ അപ്പോ വരാം.” “ആ മഹിയേട്ടൻ പെട്ടെന്ന് വരാൻ നോക്ക് ഇവിടെ വീട്ടിൽ ചുമ്മാ ഇരുന്ന് വേരുറച്ചു. ” “ഞാൻ നിന്നോട് പണ്ടേ പറഞ്ഞതല്ലേ നിൻ്റെ കോഴ്സ് കംപ്ലീറ്റ് ചെയ്തോളാൻ. ” “ശ്ശെടാ കല്ല്യാണം കഴിഞ്ഞ് ഞാൻ പ്രഗ്നൻ്റ് ഒക്കെയായി ആശുപത്രിയിൽ പോക്കും വരവും അങ്ങിനെ വല്യ ബിസി യാവും എന്നല്ലേ ഞാൻ വിചാരിച്ചേ. ഇതിപ്പോ ഇങ്ങനെയാവും എന്ന് ഞാൻ അറിഞ്ഞോ ? ” ഇത്തവണ ഏതായാലും ആ പറഞ്ഞ് മഹിയ്ക്ക് ശരിക്കും കൊണ്ടു. “ങ്ങാ. ശരി. ശരി എനിക്ക് ഇവിടെ കുറച്ച് പണിയുണ്ട്.പിന്നെ ഞാൻ ഇപ്പോ ഡ്യൂട്ടി കഴിഞ്ഞ് വന്നതേയുള്ളൂ പിന്നെ വിളിക്കാടോ കാര്യങ്ങൾ നടക്കട്ടെ. ” “ഓക്കെ ശരി മഹിയേട്ടാ.” “ഇങ്ങേർക്ക് ഇതെന്ത് തലയ്ക്ക് ഓളവോ. ഇങ്ങേര് ഇല്ലാതെ ഇതെന്ത് കാര്യങ്ങള് നടക്കാൻ .ശ്ശോ ആ മായേച്ചീടെ കാര്യങ്ങള് ഒക്കെ കേട്ടിട്ട് മനുഷ്യന് കൊത്യാവാ. ” വൈഗ പിറുപിറുത്തു കൊണ്ട് റൂമിൽ നിന്ന് കിച്ചണിലേക്ക് ഇറങ്ങിപ്പോയി. ഇങ്ങനെ ചെറിയ ഇണക്കങ്ങളും പിണക്കങ്ങളുമൊക്കെയായി മാസങ്ങൾ കടന്നു പോയി പെട്ടെന്നൊരു സുപ്രഭാതത്തിൽ മുറ്റമടിക്കാൻ ഇറങ്ങിയ വൈഗ കാറിൽ വന്നിറങ്ങിയ മഹിയെ കണ്ട് ഞെട്ടി. “വൈഗേ മിഴിച്ച് നിൽക്കാതെ കാറിൽ നിന്ന് ഈ പെട്ടിയൊക്കെ ഒന്ന് വിലച്ചിറക്ക്.” “ങ്ങേ . ഇതെന്താ മഹിയേട്ടാ ഒരു മുന്നറിയിപ്പും ഇല്ലാതെ .” “ലീവ് പെട്ടെന്ന് കിട്ടി അടുത്ത ഫ്ലയ്റ്റിന് ഞാനിങ്ങ് പോന്നു. പിന്നെ വിളിച്ച് പറയാതിരുന്നത് നിനക്കൊരു സർപ്രൈസ് ആയിക്കോട്ടെ എന്ന് വിചാരിച്ചു. ” ” ഹോ. പോയിട്ട് ആറുമാസം അല്ലേ അയുള്ളൂ ഞാനും വിചാരിച്ചു ഉള്ള പണിയും പോയി കൂടും കുടുക്കയും എടുത്ത് വണ്ടി കയറിയതാണെന്ന്. ” “നീ ഇങ്ങ് വന്നേ വിശേഷം ഒക്കെ പിന്നെ പറയാം നീയില്ലാതെ എനിക്ക് എന്ത് ആഘോഷം. ” “മഹി വൈഗയുടെ തോളിലൂടെ കൈയിട്ട് ചേർത്ത് പിടിച്ചു. ” “അയ്യടാ എന്തൊരു സ്നേഹം .ദേ നാട്ടുകാര് കാണും മുറ്റത്ത് നിന്ന് റൊമാൻസ് കാണിക്കാതെ വീട്ടിന് അകത്ത് കയറാൻ നോക്ക്. ” “അമ്മ എന്തിയെടീ. ” “അപ്പുറത്ത് ഉണ്ട് വാ.” “ഹേയ് സരോവരം ന്താ രാവിലെ പരിപാടി. ഇന്നെന്താ സ്പെഷ്യൽ അപ്പവും മുട്ടക്കറിയും ആണോ? ” “ൻ്റെ ഗുരുവായൂരപ്പാ മഹീ മോനെ .പേടിപ്പിച്ച് കളഞ്ഞല്ലോടാ നീ. ” “ഒരു മാസത്തെ ലീവ് കിട്ടി ഇങ് പോന്നു വെറൊന്നും ഇല്ല അമ്മേ. ” “മക്കള് വരുന്ന വഴിക്ക് വല്ലതും കഴിച്ചോ? ” “ഇല്ലന്നെ നേരെ ഇങ് പോന്നൂ. ” “എന്നാൽ വേഗം കുളിച്ചിട്ട് വാ അമ്മ കാപ്പി എടുത്തു വെയ്ക്കാം ‘ ” “ങ്ങാ ശരിയമ്മേ.” “ടീ വന്ന് എണ്ണയും തോർത്തും എടുത്ത് തന്നേ. ” വൈഗ പതിയെ റൂമിലേക്ക് നടന്നു കൂടെ മഹിയും. റൂമിൻ്റെ കതക് അടച്ചതും മഹി വൈഗയെ ചേർത്ത് പിടിച്ചു. ഒന്നും വിശ്വസിക്കാനാവാതെ അവൾ മഹിയുടെ കണ്ണുകളിലേക്ക് നോക്കി നിന്നു. ഇനി ഇതെല്ലാം വല്ല സ്വപ്നവും ആയിരിക്കുമോ? മഹി ഒന്നു കൂടെ അവളെ ചേർത്ത് പിടിച്ച് അവളുടെ നുണക്കുഴി കവിളിൽ ഒരു ചുംബനം നൽകി.നാണത്താൽ പൂത്തുലഞ്ഞ അവളുടെ അധരത്തിൽ മഹി തുരുതുരെ ചുംബനങ്ങൾ കൊണ്ട് പൊതിഞ്ഞു. പെട്ടെന്ന് അവൾ മഹിയെ തള്ളി മാറ്റി. “ശ്ശോ വിട് ഏട്ടാ എന്താ ഈ കാണിക്കണേ.” “നീ ഇങ്ങ് വന്നേ ഈ ഒരു ദിവസത്തിന് വേണ്ടി ഞാൻ എത്ര നാളായി കാത്തിരിക്കുന്നു എന്ന് അറിയാവോ?”

“മഹിയേട്ടന് ഇത് എന്താ പറ്റിയെ കല്ല്യാണം കഴിഞ്ഞ് രണ്ട് മാസം ഇവിടെ തന്നെ ഉണ്ടായിരുന്നില്ലേ അന്നൊന്നും കണ്ടിലല്ലോ ഇത് .ഇത് ഒരു മാതിരി ഗ്രഹണി പിടിച്ച പിള്ളേര് ചക്കക്കൂട്ടാൻ കണ്ട പൊലെ .” ” അതിൻ്റെ കാര്യം ഒന്നും പറയാതിരിക്കുന്നതാ നല്ലത്. നന്മടെ കല്ല്യാണത്തിൻ്റെ ഒരാഴ്ച മുമ്പാ എനിക്കൊരു ഓപ്പറേഷൻ കഴിഞ്ഞത് പിന്നെ അങ്ങോട്ട് ആറ് മാസം മരുന്നും മന്ത്രവും നീ ടെൻഷൻ ആവണ്ട എന്ന് വിചാരിച്ച് ഞാൻ ഒന്നും പറഞ്ഞില്ല എന്നെയുള്ളൂ. ഹോ ഈ ആറു മാസക്കാലം പിടിച്ച് നിൽക്കാൻ ഞാൻ പെട്ടൊരു പെടാപ്പാട് .” ” എന്തിൻ്റെ ഓപ്പറേഷൻ. ” ” ആ അത് ചെറിയൊരു ഓപ്പറേഷൻ നിന്നോട് പറഞ്ഞാൽ നിനക്ക് മനസ്സിലാവില്ല. അതൊക്കെ പോട്ടെ നീ ഇപ്പം ഇങ് വാ കുറച്ച് കഴിഞ്ഞാൽ അമ്മ വിളി തുടങ്ങും. ” മഹി വൈഗയുടെ കൈ പിടിച്ച് ബെഡിലേക്ക് വലിച്ചിട്ടു. “പൊന്നു മോനെ ഒരു പരിപാടിയും നടക്കില്ല. ഞാൻ ഔട്ടാണ്. ” “ഔട്ടോ അതിനെന്താ ഇവിടെ വല്ല ക്രിക്കറ്റ് കളിയും നടക്കുന്നുണ്ടോ? ” “യോ മരമണ്ടൻ അതല്ല പറഞ്ഞത് ഒരാഴ്ച പറ്റത്തില്ല എന്ന് .” “ൻ്റെ മാതാവേ ഏത് നേരത്താണാവോ ഇല്ലാത്ത ലീവും ഉണ്ടാക്കി അവിടെ നിന്ന് കുറ്റിയും പറിച്ച് പോരാൻ തോന്നിയത്. ” “സർപ്രൈസ് എന്നും പറഞ്ഞ് ഓരോന്ന് ചെയ്യുമ്പോൾ ആലോചിക്കണമായിരുന്നു ഇനിയിപ്പം കുറച്ച് പച്ചവെള്ളം കുടിച്ച് അങ്ങ് കമഴ്ന്ന് കിടന്നോ .ഒരാഴ്ച തോടാൻ പറ്റില്ല മോനെ. ” ഇതാണ് പണ്ടുള്ളവർ പറയുന്നത് ഇടി വെട്ടിയവൻ്റെ കാലേൽ പാമ്പ് കടിച്ചു എന്ന്. ഹോ ഇത്രയും വലിയ സർപ്രൈസ് സ്വപ്നങ്ങളിൽ മാത്രം . ദൈവമേ ഇതിനേക്കാളും വലിയ ഗതികെട്ടവൻ ലോകത്ത് വെറെ ആരും ഉണ്ടാവരുതെ.

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular