Connect with us

Relationship

വന്ന് താളം ചവിട്ടാതെ വാതിലടച്ചിട്ട് ഇവിടെ വന്നിരിക്കടി തേപ്പ്ക്കാരി….

Published

on

രചന: സുധിൻ സദാനന്ദൻ

ആദ്യരാത്രിയിൽ മുറിയിലേയ്ക്ക് കടന്നു വന്ന അവളുടെ കണ്ണുകൾ നിറഞ്ഞൊഴുകുവാൻ വെമ്പൽ കൊള്ളുകയാണ്,.. മറുവശത്ത്, തന്നെ തേച്ച് ഒട്ടിച്ച പെണ്ണിനെ തന്നെ കല്യാണം കഴിച്ച് ‘ഷമ്മി ഹീറോ ടാ ഹീറോ’ എന്ന് മനസ്സിൽ പറഞ്ഞ് മീശ പിരിച്ച് ഞാനും,.. “വന്ന് താളം ചവിട്ടാതെ വാതിലടച്ചിട്ട് ഇവിടെ വന്നിരിക്കടി തേപ്പ്ക്കാരി” എന്ന് അവൾക്കുനേരെ ആക്രോശിച്ചപ്പോൾ അവൾ തെല്ലൊന്നുമല്ല അമ്പരന്നത്, അത് അവളുടെ കരച്ചിലിൻ്റെ ആക്കം കൂട്ടുകയും ചെയ്തു,.. കല്യാണം ഉറപ്പിച്ചതിന് ശേഷം ഫോണിൽ ബ്ലോക്ക് ചെയ്ത എൻ്റെ നമ്പർ അൺബ്ലോക്ക് ചെയ്ത് തുരുതുരാ വിളിക്കുന്നുണ്ടായിരുന്നല്ലോ,… എന്തെ ഇപ്പൊ ഒന്നും മൊഴിയാനില്ലേ ഭവതിയ്ക്ക്, നിൻ്റെ ഉണ്ട കണ്ണുരുട്ടി പേടിപ്പിയ്ക്കാതെ വായ തുറന്ന് എന്തെങ്കിലും പറയെടി,.. “”എന്നോടുള്ള ദേഷ്യം എല്ലാം തീർത്തോളൂ, ഇനി ഒന്നും ബാക്കി വെയ്ക്കണ്ട, കാരണം ഞാനൊരു തേപ്പുക്കാരിയാണല്ലോ ശ്രീയേട്ടൻ്റെ മനസ്സിൽ,.. ” ആ എന്നെ, എന്തിനാ ശ്രീയേട്ടൻ ,….”” എന്തിനാ വിവാഹം കഴിച്ചത് എന്നല്ലേ, ചോദിക്കാൻ പോകുന്നത്,.. അതെനിയ്ക്ക് നിന്നോടുള്ള ഇഷ്ടം പെരുത്ത് വന്നിട്ടല്ല. നിന്നെ എൻ്റെ കാല് കീഴിൽ ചവിട്ടി മെതിയ്ക്കാൻ വേണ്ടിയാണ്, നീ എന്താ പറഞ്ഞേ “ശ്രീയേട്ടൻ്റെ മനസ്സിൽ ഒരു തേപ്പുക്കാരിയുടെ സ്ഥാനമല്ലേ എനിക്ക് എന്ന് അല്ലേ,..” . അല്ലടീ അഞ്ച് വർഷം പ്രണയിച്ച്., പെട്ടെന്ന് ഒരുദിവസം എന്നെ ഇട്ടേച്ചു പോയ നിന്നെ ഞാൻ മാതാവിനൊപ്പം രൂപക്കൂട്ടിൽ കൊണ്ടിരുത്താം എന്താ അത് മതിയോ,… അത് പറഞ്ഞ് തീർന്നതും അവൾ വാ പൊത്തി ശബ്ദം പുറത്തു വരാതെ കരഞ്ഞുകൊണ്ടിരുന്നു… ഇതൊക്കെ എന്തോന്ന് കരച്ചില് മോളെ, നീ എന്നെ ഇട്ടേച്ചു പോയപ്പോൾ, ഇതിനേക്കാൾ ഉറക്കെ ചങ്ക് പൊട്ടി കരഞ്ഞിട്ടുണ്ട് ഞാൻ, ദാ ഇവിടെ കിടന്ന്.,.. ലാലേട്ടൻ്റെ ഡയലോഗും പറഞ്ഞ് അവൾ കൊണ്ട് വന്ന പാല് മുഴുവനും ഒറ്റവലിയ്ക്ക് കുടിച്ച് ഞാനവളെ തന്നെ നോക്കിയിരുന്നു,… നമ്മൾ പ്രണയിച്ചിരുന്ന സമയത്ത് നിൻ്റെ സ്റ്റാറ്റസ്സില് മുഴുവനും, കലിപ്പൻ്റെ കാന്താരി, എന്നായിരുന്നല്ലോ,. നീ അന്ന് കണ്ടതൊന്നുമല്ല കലിപ്പ്, എൻ്റെ കലിപ്പ് നീ കാണാൻ പോവുന്നതേ ഉള്ളൂ,… ഇന്ന് ഇത്രയും മതി. ബാക്കി നാളെ, ഇപ്പൊ ആ മൂഡ് അങ്ങ് പോയി. ഞാൻ ലൈറ്റ് ഓഫാക്കാൻ പോവാ. കട്ടിലിൻ്റെ മറ്റേ അറ്റത്ത് പോയി കിടന്നോ,.. തേങ്ങി കരഞ്ഞ് കൊണ്ട്, എൻ്റെ മുഖത്ത് നോക്കാതെ ””ഞാൻ താഴെ കിടന്നോളാം.. “” എന്ന് പതിയെ പറഞ്ഞ് അവൾ കട്ടിലിൽ നിന്ന് എണീറ്റു. ഞാൻ പറഞ്ഞത് നീ അനുസരിച്ചാൽ മതി, കൂടുതലായിട്ട് ഇങ്ങോട്ട് പറയാൻ നില്ക്കണ്ട. കേട്ടോടി തേപ്പ്ക്കാരി,.. ഒന്നും മിണ്ടാതെ അനുസരണയുള്ള കുട്ടിയെ പോലെ അവൾ കട്ടിലിൽ, പുറം തിരിഞ്ഞ് ഭിത്തിയോട് ചേർന്ന് കിടന്നു,… അല്പം സമയം കഴിഞ്ഞ്, അവളുടെ തേങ്ങൽ കേൾക്കാതെ ആയപ്പോൾ, ഞാൻ അവളോടായി ചോദിച്ചു.,.. “”നീ ഉറങ്ങിയോ,..?”” ഇല്ല എന്ന അർത്ഥത്തിൽ അവൾ ഒന്ന് മൂളുകയും ചെയ്തു,… എങ്കിൽ ഞാൻ നിനക്ക് ഒരു കഥ പറഞ്ഞ് തരാം എന്ന് പറഞ്ഞപ്പോൾ അവൾ ‘എനിയ്ക്ക് ഒന്നും കേൾക്കണ്ട’ എന്ന് അതിന് മറുപടി പറഞ്ഞു. പെട്ടെന്ന് തന്നെ ഞാൻ മുറിയിലെ ലൈറ്റ് ഓൺ ചെയ്തു. ഒരു പൂച്ച കുഞ്ഞിനെ പോലെ കണ്ണ് മിഴിച്ച് എന്താ ഇയാൾ ചെയ്യാൻ പോവുന്നതെന്ന് ആലോചിക്കുന്ന അവളുടെ മുഖത്തെ നിഷ്ക്കളങ്കമായ ഭാവം കാണുവാൻ എന്തെന്നില്ലാത്ത ഭംഗി തോന്നി… “”എന്താടി പന്തം കണ്ട പെരുച്ചാഴിയെ പോലെ നോക്കുന്നെ,…?”” ഞാൻ കഥ പറഞ്ഞാൽ നീ അത് കേൾക്കണം, നൃത്തം ചെയ്യാൻ പറഞ്ഞാൽ അതും ചെയ്യണം, എന്തിനേറെ പറയുന്നു, ഒരു പശുവിനെ വാങ്ങി തന്ന് അതിനെ പാടത്ത് കൊണ്ടുപോയി മേയ്ക്കാൻ പറഞ്ഞാൽ അതും നീ ചെയ്യണം. കാരണം ഇന്നുമുതൽ നീ എൻ്റെ അടിമയാണ്,.. കേട്ടോടി തേപ്പ്ക്കാരി,… ബൈ ദ ബൈ നമ്മൾ വിഷയത്തിൽ നിന്ന് തെന്നിമാറിയിരിക്കുന്നു. അപ്പൊ എങ്ങിനാ കഥ കേൾക്കാൻ റെഡിയല്ലേ,..? രാവിലെ മുതലുള്ള ഫോട്ടോ ഷൂട്ടും, നിർത്താതെയുള്ള ഈ കരച്ചിലും അവളെ തീർത്തും ക്ഷീണിതയാക്കിയിട്ടുണ്ട്. എന്നോടുള്ള ഭയം കാരണം. ഞാൻ പറയുന്നതിന് കാതോർത്ത് തളർന്നു വീർത്ത കൺപോളകൾ ഉയർത്തി എന്നെ തന്നെ നോക്കിയിരിപ്പാണ് അവൾ,… ഞാൻ കഥ പറഞ്ഞു തുടങ്ങി,… ഒരു പ്രണയാർദ്രമായ കഥയാണ്, ഒരു ചേഞ്ചിന് ഞാൻ പെൺക്കുട്ടിയുടെ ഭാഗത്ത് നിന്ന് കഥ പറയാം,..

ഒരു ആറ് വർഷം മുൻപ് ഒരു സായം സന്ധ്യയിലാണ്, അവർ പരസ്പരം കാണുന്നത്. കണ്ട മാത്രയിൽ തന്നെ ആദ്യാനുരാഗം തോന്നിയത് അവൻ്റെയുള്ളിലായിരുന്നു. പിന്നെയും ഒരുപാട് ദിവസങ്ങൾ അവളെ ഒരു മാത്ര കാണുവാനായി അവൻ അവളുടെ വീടിന് മുൻപിലുള്ള വാകമരത്തിന് താഴെ അവളെ കാത്ത് നിന്നു,.. അവളെ കാണുമ്പോൾ ഒരു മനോഹരമായ പുഞ്ചിരി അവൾക്കായ് സമ്മാനിയ്ക്കും. എന്നാൽ അവളുടെ മുഖം ദേഷ്യത്താൽ ചുവന്നിരുന്നു. പിന്നെയും മാസങ്ങൾ കടന്നു പോയി, തന്നെ ഒരു നോട്ടം കൊണ്ട് പോലും ശല്യം ചെയ്യാതെ എപ്പോഴും പുഞ്ചിരിക്കുന്ന അവനെ അവളും ശ്രദ്ധിച്ചു തുടങ്ങി,.. ക്ലാസ്സ് കഴിഞ്ഞ്, അവനെ കാണുവാൻ അവളുടെ മനസ്സിലും ആഗ്രഹം ഉടലെടുത്തു. താൻ അറിയാതെ അവനോട് ഒരു ഇഷ്ടം മനസ്സിൽ മൊട്ടിട്ടിരുന്നു. എന്നാൽ ആ ദിവസം പതിവിന് വിപരീതമായി അവനെ ആ വഴിയിലൊന്നും കണ്ടില്ല… ഒന്നും, രണ്ടും ദിവസങ്ങളല്ല, ഒരു ആഴ്ച തന്നെ പിന്നിട്ടു. ഒരു ദിവസം അവൾ നിരാശയോടെ, അവൻ എന്നും നില്ക്കാറുണ്ടായിരുന്ന വാകമരത്തിന് താഴെ നോക്കിയപ്പോൾ, അവൻ്റെ ബൈക്ക് മാത്രം നില്ക്കുന്നു. ഇവൻ എവിടെയെന്ന് ചുറ്റും നോക്കുന്ന അവളുടെ മുന്നിലേയ്ക്ക് അവൻ, ഒരു കാറ്റിൻ്റെ വേഗതയിൽ വന്ന് നിന്നു. അവനെ നേരിൽ കാണുമ്പോൾ ചോദിക്കുവാനായി “ഇത്രനാൾ എവിടെ ആയിരുന്നു..?” എന്ന ചോദ്യം അവളുടെ മനസ്സിൽ ഉണ്ടായിരുന്നിട്ടു കൂടി അവൻ്റെ പുഞ്ചിരിയും,. പ്രണയാർദ്രമായ ആ നോട്ടവും നേരിടാനാവാതെ അവൾ തലതാഴ്ത്തി നിന്നു.. ഒട്ടും ഭയമില്ലാതെ തന്നെ അവൻ, തൻ്റെ പ്രണയം അവളോട് തുറന്ന് പറഞ്ഞു. അവനിൽ നിന്ന് കേൾക്കാൻ ആഗ്രഹിച്ച വാക്കുകൾ എന്നപ്പോലെ അവൾ അതിന് മുപടിയെന്നോണം ഒരു പുഞ്ചിരി സമ്മാനിച്ച് അവിടെ നിന്നും നടന്ന് അകന്നു,… പിന്നീടങ്ങോട് ആരെയും അസൂയപ്പെടുത്തും വിധം അവർ ഇരുവരും മത്സരിച്ച് പ്രണയിക്കുകയായിരുന്നു. അവൻ്റെ മുൻ കോപം നിയന്ത്രിയ്ക്കുവാൻ അവൾക്ക് മാത്രമേ കഴിഞ്ഞിരുന്നുള്ളൂ,. പെണ്ണായത് കൊണ്ട് സമൂഹം അവൾക്കു നല്കിയ സ്വാതന്ത്ര്യത്തിൻ്റെ കടിഞ്ഞാൺ അവൻ പൊട്ടിച്ച് ദൂരെ എറിഞ്ഞു. അവളുടെ സ്വപ്നങ്ങൾക്ക് അവൻ ഏഴ് വർണ്ണങ്ങൾ നല്കി. ഓരോ പുലരിയും അവർക്ക് പരസ്പരം കാണുവാൻ വേണ്ടിയായിരുന്നു. അതിനിടയിൽ ഒരുപാട് ഇണക്കങ്ങളും പിണക്കളുമായി വർഷങ്ങൾ ശരവേഗത്തിൽ ഓടി മറിഞ്ഞു.. അവളുടെ നിർബന്ധപ്രകാരം അവൻ നന്നായി പഠിച്ചു. നല്ലൊരു ജോലി നേടി. അവളുടെ ക്ലാസ്സ് കഴിയുമ്പോൾ വീട്ടിൽ വന്ന് പെണ്ണ് ആലോചിക്കാമെന്ന് അവർ കണക്കുകൂട്ടി ഇരുന്നു,.. എല്ലാ മാസത്തെയും പോലെ പീരിയഡ്സ് ൻ്റെ വേദന ഏഴ് നാളുകൾ മാത്രമായി തീരാതെ വന്നപ്പോഴാണ് അവൾ, ഹോസ്പിറ്റലിൽ പോയത്, ധാരാളം ടെസ്റ്റുകളുടെ റിപ്പോർട്ടുകൾ തിരിച്ചും മറിച്ചും നോക്കിയതിന് ശേഷം, ഡോക്ടറുടെ മുഖഭാവം കണ്ടിട്ടെന്നോണം അവളുടെ ഉള്ളിലും ഭയം തോന്നി തുങ്ങി,… “താൻ ചെറുപ്പമാണ് തന്നോട് ഞാനിതെങ്ങനെ പറയും”, എന്ന് ഡോക്ടർ മുഖവുരയോടെ പറഞ്ഞു നിർത്തി,.. ഒരു ദീർഘശ്വാസമെടുത്ത് ഡോക്ടർ തൻ്റെ കൈയ്യിലുള്ള റിപ്പോർട്ടിലേക്ക് വിരൽ ചൂണ്ടി കൊണ്ട് പറഞ്ഞു. ഈ കാണുന്നത്, തൻ്റെ യൂട്രസ്സിലെ ഇൻഫെക്ഷൻ ആണ്, ലാസ്റ്റ് സ്റ്റേജ് ആണ്, ട്രീറ്റ്മെൻ്റിലൂടെ സുഖപ്പെടുത്താനുള്ള സാധ്യത ഇല്ല. യൂട്രസ്സ് എത്രയും വേഗം നീക്കം ചെയ്യുകയല്ലാതെ മറ്റൊരു പോംവഴി എൻ്റെ മുന്നിലില്ല,. “”തനിയ്ക്ക് ഇനി ഒരു കുഞ്ഞിനെ ഗർഭം ധരിക്കാൻ സാധിക്കില്ലേ,…”” അവൾ ഡോക്ടറുടെ മുന്നിലിരുന്ന്, പൊട്ടിക്കരഞ്ഞു. ഡോക്ടറുടെ ക്യാബിനിൽ നിന്ന് സർജറിയ്ക്കു വേണ്ടി അഡ്മിറ്റാവേണ്ട തിയ്യതിയുമായി അവൾ ഇറങ്ങുമ്പോൾ, അവളുടെ മനസ്സിൽ അവൻ്റെ മുഖമായിരുന്നു. രാത്രി സംഭാഷണങ്ങളിൽ അവൻ പറയുന്ന വാക്കുകൾ ഒരു തിര പോലെ അവളുടെ ചെവിയിലങ്ങനെ അലയടിച്ചുകൊണ്ടിരുന്നു,.. “”എനിക്ക് നിന്നേപ്പോലൊരു കുറുമ്പി കുട്ടിയെ മതി. നിൻ്റെ നുണക്കുഴി കവിളും, ഈ കുസൃതി ചിരിയും ഉള്ള ഒരു കുറുമ്പി കുട്ടിയെ,”” ദിവസങ്ങളോളം അവൾ ഒരു ഇരുട്ട് മുറിയിൽ കഴിച്ചുകൂട്ടി..

ആ ദിവങ്ങൾ അത്രയും അവളുടെ ചിന്ത മുഴുവനും അവനെ കുറിച്ചായിരുന്നു. ഇനി അവൻ്റെ ജീവിതത്തിലേക്ക് കടന്ന് ചെല്ലുവാനുള്ള യോഗ്യത തനിക്കില്ലെന്ന് അവൾ ഉറപ്പിച്ചു. കൂടാതെ അവൻ്റെ ജീവിതത്തിൽ നിന്നും ഒഴിഞ്ഞ് മാറണം എന്നുള്ള തീരുമാനവും,.. “”എനിക്ക് നിന്നെ നേരിൽ കാണണം, അതും നമ്മുടെ പ്രണയം തുടങ്ങിയ വാകമരത്തിന് അരികിൽ വെച്ച് തന്നെ,..”” ഇടറിയ ശബ്ദത്തിൽ ഇത്രയും പറഞ്ഞ് അവൾ കോൾ കട്ട് ചെയ്യ്തു,.. ഒന്നും സംഭവിയ്ക്കാത്തതുപോലെ അവൾ അവനെയും കാത്ത് വാകമരത്തിന് കീഴെ കാത്തു നിന്നു… അകലെ നിന്ന് തന്നെ അവൻ്റെ മുഖത്തെ ദേഷ്യം അവൾ തിരിച്ചറിഞ്ഞു,… “”ഞാൻ നിന്നെ കാണാൻ ഇരിക്കായിരുന്നു,.. നിന്നെ എത്ര തവണ വിളിച്ചെടീ,.. എവിടെ പോയി കിടക്കായിരുന്നു. ഇന്നും കൂടി വിളിച്ച് കിട്ടിയില്ലെങ്കിൽ ഞാൻ നിൻ്റെ വീട്ടിലേയ്ക്ക് വരാൻ ഇരിയ്ക്കായിരുന്നു. നിൻ്റെ വായേലെന്താ, വായ തുറന്ന് പറയെടീ,…”” തന്നെ ഒരുവേള പിരിഞ്ഞിരിയ്ക്കാൻ കഴിയാത്ത സ്നേഹമാണ് ദേഷ്യത്തിൻ്റെ രൂപത്തിൽ അവൻ പ്രകടിപ്പിക്കുന്നതെന്ന് അവൾക്ക് അറിയാമായിരുന്നു,.. നിറഞ്ഞ് തുളുമ്പിയ കണ്ണുകൾ അവനറിയാതെ തുടച്ച്. അവൾ അവനോടായി പറഞ്ഞു,… ””ഇനിയും നിൻ്റെ ഈ ദേഷ്യം സഹിക്കാൻ എനിക്ക് വയ്യ. മടുത്തു എനിക്ക്. നമുക്ക് ഇത് ഇവിടെ വെച്ച് നിർത്താം. ഞാൻ നന്നായി ആലോചിച്ച് എടുത്ത തീരുമാനമാണ്. ദയവ് ചെയ്ത് ഇനി എന്നെ കാണാൻ വരാനോ, വിളിച്ച് ശല്യപ്പെടുത്തുകയോ ചെയ്യരുത്,.. എന്നെ എൻ്റെ ഇഷ്ടത്തിന് വിട്ടേക്കണം പ്ലീസ്സ്,…”” കേട്ടത് വിശ്വസിക്കാനാവാനെ പകച്ചു നില്ക്കുന്ന അവനെ നോക്കാതെ അവൾ അവിടെ നിന്നും നടന്നകന്നു. തൻ്റെ പ്രാണനെ പിരിയുന്ന വേദനയിൽ അവളുടെ ഹൃദയം പിടയുകയായിരുന്നു,… പിന്നീട് അവർ തമ്മിൽ ഒരു കൂടിക്കാഴ്ച ഉണ്ടായില്ല. അവൻ്റെ ഫോട്ടോയും, അവർ തമ്മിലുള്ള പഴയ ചാറ്റുകളും വായിച്ച് അവൾ തൻ്റെ മുറിയിൽ ഒതുങ്ങികൂടി,… അവൻ്റെ അവസ്ഥ വ്യത്യസ്തമായിരുന്നില്ല. പ്രണയമായിരുന്ന ലഹരി അവനിൽ നിന്ന് അകന്ന്പോയപ്പോൾ. മദ്യമെന്ന ലഹരിയിൽ അവൻ അഭയം പ്രാപിച്ചു,.. ആറ് മാസങ്ങൾക്കു ശേഷം ഡി അഡിക്ഷൻ സെൻ്ററിലെ സെല്ലിലേയ്ക്ക് അവനെ കാണുവാൻ ഒരാൾ വന്നു. അത് മറ്റാരും ആയിരുന്നില്ല. അവളുടെ കൂട്ടുകാരി ആയിരുന്നു. ആദ്യമൊന്നും കൂട്ടുകാരി പറയുന്നത് കേൾക്കുവാൻ അവൻ തയ്യാറായില്ല.. എല്ലാം അറിഞ്ഞപ്പോൾ അവൻ ഭിത്തിയിൽ തലയിടിച്ച് അലറി കരയുകയായിരുന്നു,… പിന്നീട് എല്ലാം വളരെ പെട്ടന്നായിരുന്നു. തൻ്റെ സമ്മതം പോലും ചോദിക്കാതെ ഉറപ്പിച്ച വിവാഹത്തിന് സമ്മതിയ്ക്കിെല്ലെന്നും, നിർബന്ധിച്ചാൽ ആത്മഹത്യ ചെയ്യുമെന്നും അവൾ വീട്ടുക്കാരെ പറഞ്ഞ് ഭയപ്പെടുത്തി.. വിവാഹത്തിന് ഏതാനും ദിവസങ്ങൾ മാത്രമേ ഉള്ളൂ എന്നും, ആ ദിവസങ്ങൾ അവളെ കൂടെ ഇരുന്ന് നോക്കി എൻ്റെ കൈകളിൽ ഏല്പിച്ചാൽ പഴയ മകളെ അമ്മയ്ക്ക് ഞാൻ തിരിച്ചു നല്കുമെന്ന് അവൻ അവളുടെ അമ്മയ്ക്ക് വാക്ക് നല്കി,… രണ്ട് പ്രാവശ്യം ആത്മഹത്യ ചെയ്യാൻ ശ്രമിച്ച അവളെ. അതിൽ നിന്നും രക്ഷപ്പെടുത്തി. കല്യാണ മണ്ഡപത്തിൽ എത്തിച്ചു അമ്മ തന്റെ കർത്തവ്യം പൂർത്തിയാക്കി,.. ഒരു പ്രതികാരത്തിന് വേണ്ടിയാണ് തന്നെ അവൻ വിവാഹം കഴിച്ചതെന്ന് അറിഞ്ഞപ്പോൾ ഒരു മരവിപ്പാണ് അവൾക്ക് ഉണ്ടായത്,.. ഇപ്പൊ ദാ, അവൾ നമ്മുടെ കഥയിലെ നായിക മരപ്പട്ടി, എൻ്റെ അപ്പുറത്ത് കിടന്ന് ചിരിക്കണോ കരയണോ എന്നറിയാതെ എക്സ്പ്രഷനിട്ട് ബുദ്ധിമുട്ടുന്നു,.. കഥ ഇഷ്ടമായോ എന്ന എൻ്റെ ചോദ്യത്തിന് നെഞ്ചിലൊരു കടിയായിരുന്നു അവളുടെ സമ്മാനം. ലച്ചുവിനെ എന്നിലേയ്ക്ക് ചേർത്ത് പിടിച്ച് ചുംബനങ്ങൾ കൊണ്ട് മൂടുമ്പോൾ, ഒരു പൂച്ച കുഞ്ഞിനെ പോലെ അവൾ എൻ്റെ നെഞ്ചിൽ പറ്റി കിടന്നു കൊണ്ട് ചോദിച്ചു,.. എല്ലാം അറിഞ്ഞിട്ട് പിന്നെയും എന്തിനാ ഇങ്ങനെ വേദനിപ്പിച്ചതെന്ന്,.. കലിപ്പൻ്റെ ദേഷ്യം മനസ്സിലാക്കിയ നിനക്ക് കലിപ്പൻ്റെ മനസ്സ് മനസ്സിലാക്കാതിരുന്നതിനുള്ള ചെറിയ ഒരു ശിക്ഷ.. നിനക്ക് അമ്മയാവാൻ കഴിയില്ലെന്ന് അറിഞ്ഞാൽ നിന്നെ വിട്ടു പോവുമെന്ന് കരുതിയോ നീ,. കുട്ടിത്തം വിട്ടു മാറാത്ത നീ ഉള്ളപ്പോൾ എന്തിനാടീ ഇനി മറ്റൊരു കുട്ടി,. നിനക്കും സ്നേഹിക്കാൻ ഒരു കുഞ്ഞ് ഉണ്ടല്ലോ,.. കുറച്ച് ദേഷ്യം കൂടുതലാണെന്നല്ലേ ഉള്ളൂ,.. “”എങ്ങനെ?? കേട്ടില്ല.. കുറച്ചു ദേഷ്യമോ?? “” എന്ന് ചോദിക്കുമ്പോഴും, നേർത്ത പുഞ്ചിരി വിടർന്ന ആ അധരങ്ങളിലും പരിഭവത്തിന്റെ പാഴ്ശ്രുതി എനിക്ക് മാത്രം കേൾക്കാവുന്ന പാകത്തിന് അപ്പോഴും തിരതല്ലുന്നുണ്ടായിരുന്നു “ഇനിയെന്താ “? എന്റെ ചോദ്യം കേട്ടതും എനിക്ക് നേരെ മുഖം തിരിച്ചു, ഉത്തരമായത് അവളുടെ നിറഞ്ഞ കണ്ണുകളും ശബ്ദം പുറത്ത് വരാതെയുള്ള അവളുടെ ഏങ്ങിയേങ്ങിയുള്ള കരച്ചിലും ആയിരുന്നു

“ശ്രീയേട്ടാ, ഒരു സ്ത്രീയെന്ന നിലയിൽ ഞാൻ തോറ്റ് പോയതല്ലേ,? ഏട്ടന്റെ വീട്ടുകാർക്ക് ഞാനൊരു ദുഃഖക്കനി ആയിരിക്കില്ലേ? അവരെന്നെ ശപിക്കില്ലേ? ” ചോദ്യം കേട്ടതും എന്നിൽ മുള പൊട്ടിയത് നേർത്തൊരു പുഞ്ചിരി മാത്രമായിരുന്നു,.. ” നീയെന്ത് കരുതി എന്റെ വീട്ടുകാർക്ക് ഒന്നും അറിയില്ല എന്നോ? നിന്റെ കഥകളെല്ലാം കേട്ടപ്പോൾ എന്റെ അച്ഛനാണ് പറഞ്ഞത് ഉടനടി തന്നെ നിന്നെ പെണ്ണ് കാണാൻ പോകണം എന്ന്, എന്റെ അമ്മ നിന്നെ കുറിച്ച് എന്താ പറഞ്ഞത് എന്ന് നിനക്കറിയോ? “”ഈ ലോകത്ത് നിന്നെ ഇത്ര മാത്രം സ്നേഹിക്കുന്ന മറ്റൊരു പെൺകുട്ടിയും കാണില്ല എന്നാണ്”” അത് കൊണ്ടല്ലേ നിന്റെ ജീവിതം നശിപ്പിക്കാതിരിക്കാൻ അവൾ സ്വയം ജീവനൊടുക്കാൻ തുനിഞ്ഞത് എന്ന്, ആ വീട്ടുകാർ നിന്നെയെങ്ങനെ ശപിക്കും, പിന്നേ ഒരു സ്ത്രീ എന്ന നിലയിൽ തോറ്റ് പോയെന്ന് നീ പറഞ്ഞല്ലോ, അതെങ്ങനെ നീ തോൽക്കും, ഇഷ്ട്ടപ്പെട്ട പുരുഷന് മേൽ അവളെക്കാൾ അധികം സ്ഥാനം മറ്റൊരുത്തിക്ക് ഇല്ലാത്തപ്പോൾ നീയെങ്ങനെ തോൽക്കും “അതേ നീയൊരിക്കലും തോൽക്കില്ല, ഞാൻ ജീവനോടെയുള്ളപ്പോൾ നീയൊരിക്കലും തോൽക്കില്ല പെണ്ണേ “,…. ഇഷ്ടമായെങ്കിൽ ലൈക്ക് കമന്റ് ചെയ്യൂ, സ്വന്തം രചനകൾ പേജിൽ വരാൻ മെസേജ് ആയി അയക്കൂ…

Relationship

പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ വിവാഹം കഴിഞ്ഞു ഇത്രേം മാസമല്ലേ ആയുള്ളൂ…

Published

on

By

രചന: Unni K Parthan

#ഇനിയും.. “പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ.. വിവാഹം കഴിഞ്ഞു ഇത്രേം മാസമല്ലേ ആയുള്ളൂ.. ഏട്ടന്റെ അമ്മയും അച്ഛനുമൊക്കെ ന്ത് വിചാരിക്കും..” ദേവികയുടെ ചോദ്യം കേട്ട് നിഖിൽ ചിരിച്ചു.. “നീ പഠിക്കാൻ പോകുന്നതിനു അവർക്ക് ന്താ ന്നേ… മാത്രല്ല നീ എന്റെ ഭാര്യയല്ലേ.. എന്റെ ഭാര്യ എന്ത് ചെയ്യണമെന്ന് ഞാൻ അല്ലെ തീരുമാനിക്കേണ്ടത്..” നിഖിൽ പറഞ്ഞത് കേട്ട് ദേവിക ഒന്ന് പതറി.. “അറിയാലോ ഏട്ടാ.. വീട്ടിലേ സാഹചര്യം.. മാത്രമല്ല നമ്മുടെ ലവ് മാര്യേജ് ആണ്.. ഏട്ടന്റെ അമ്മയ്ക്ക് ഒട്ടും താല്പര്യമില്ലായിരുന്നു എന്നേ.. ഏട്ടന്റെ നിർബന്ധം കൊണ്ടല്ലേ.. ഞാൻ ഈ വീട്ടിൽ വലതു കാൽ വച്ചു കയറിയത്..” ദേവികയുടെ ശബ്ദം ഇടറി.. “എനിക്ക് വിശക്കുന്നു.. നീ കഴിക്കാൻ എടുത്തു വെച്ചേ.. ഞാൻ കുളിച്ചിട്ട് താഴേക്ക് വരാം.. നേരത്തെ ഉറങ്ങണം.. രാവിലെ നേരത്തെ എണിക്കണം എനിക്ക്..” കൂടുതൽ ഒന്നും പറയാതെ നിഖിൽ.. ബാത്‌റൂമിലേക്ക് നടന്നു.. ദേവിക എഴുന്നേറ്റു താഴേക്ക് ചെന്നു.. “നിഖിൽ എവിടെ മോളേ..” പത്മാവതി ദേവികയോട് ചോദിച്ചു.. “കുളിക്കാൻ കേറി.. കഴിക്കാൻ എടുത്തു വെയ്ക്കാൻ പറഞ്ഞു ഏട്ടൻ..” “മ്മ്.. മോള് ഇങ്ങോട്ട് ഇരുന്നേ..” സെറ്റിയിൽ തനിക്കു അരികിലേക്ക് പത്മാവതി ദേവികയേ വിളിച്ചു.. “ന്തേ.. പഠിക്കാൻ പോണുണ്ടോ എന്നിട്ട്..” പത്മാവതിയുടെ ചോദ്യം കേട്ട് ദേവിക ഒന്ന് ഞെട്ടി… “കൃഷ്ണാ.. കൊല്ലാൻ ആണോ വളർത്താൻ ആണോ..” ദേവിക മനസ്സിൽ ചോദിച്ചു.. “അത് പിന്നേ…” ദേവിക വിക്കി.. ”

മോൾക്ക് ഇപ്പോളും എന്നേ മോളുടെ അമ്മയായി കാണാൻ കഴിഞ്ഞിട്ടില്ല ല്ലേ..” പത്മാവതിയുടെ ചോദ്യം കേട്ട് ദേവിക ഒന്ന് പിടിഞ്ഞു.. “ന്തേ..അമ്മ അങ്ങനെ ചോദിച്ചത്..” “അമ്മയേ മാത്രം അല്ല അച്ഛനേയും മോൾക്ക്‌ അങ്ങനെ കാണാൻ കഴിഞ്ഞിട്ടില്ല ലോ..” ഹരി ദേവികയേ നോക്കി പുഞ്ചിരിച്ചു കൊണ്ട് ചോദിച്ചു.. ദേവിക നിന്നിടത്തു നിന്ന് ഉരുകി.. “മോളേ..” പത്മാവതിയുടെ വിളി കേട്ട് ദേവിക തലയുയർത്തി നോക്കി.. “ഈ വിവാഹത്തിന് ഇഷ്ടകുറവ് ഉണ്ടായിരുന്നു എന്നുള്ളത് സത്യം.. പക്ഷെ.. ഈ വീട്ടിൽ വലതു കാൽ വെച്ച് കയറിയതു മുതൽ ഇന്ന് വരെയുള്ള ഈ നിമിഷം വരെ ഞങ്ങൾക്ക് മോള്.. ഞങ്ങളുടെ മോളാണ്.. ഇനി എന്നും മുന്നോട്ട് അങ്ങനെ തന്നേയായിരിക്കും.. പൊരുത്തപെടൽ മോൾക്ക് അൽപ്പം ബുദ്ധിമുട്ട് ഉള്ള കാര്യം ആണെന്ന് മനസിലായി.. പക്ഷെ.. മോള് പേടിക്കേണ്ട മോളേ ഞങ്ങൾക്ക് ഇഷ്ടാണ്.. ഞങ്ങൾ പറഞ്ഞിട്ടാണ് മോളോട് തുടർന്നു പഠിക്കാൻ മോൻ പറഞ്ഞത്.. കാരണം മോൾക്ക്‌ മുന്നിൽ ഒരു നല്ല ഭാവിയുണ്ട്.. ഇത്രേം നാളും കഷ്ടപാടുകൾക്ക് ഇടയിൽ നിന്നും പട വെട്ടി പൊരുതി നേടിയത് എല്ലാം ഒരു സുപ്രഭാതം കൊണ്ട് ഇല്ലാതാക്കണ്ട ന്നേ..

ഇനി മോൾക്ക്‌ കഷ്ടപാടുകൾ ഉണ്ടാവില്ല.. ഇന്ന് നിഖിലിന്റെ ഭാര്യ എന്ന് അറിയപ്പെടുന്ന മോള് കാലം കൊറേ കഴിയുമ്പോൾ ദേവികയുടെ ഭർത്താവാണ് എന്നുള്ള നിലയിലേക്കുള്ള വളർച്ചയുണ്ടാകും.. വിവാഹം ഒന്നിന്റെയും അവസാനമല്ല തുടക്കമാണ്.. പുതിയ ജീവിതവും പുതിയ ചുറ്റുപാടും.. അതിലെ പുതിയ അനുഭവങ്ങളും എല്ലാം മോൾക്ക് കരുത്തു നൽകുന്നത് മാത്രമാവും.. നാളേയുടെ പുലരികൾ.. ഞങ്ങൾ മോൾക്ക് വെളിച്ചമായ് മുന്നിൽ ഉണ്ടാവും.. കാലം മോൾക്ക് മുന്നിൽ കാത്തു വെച്ച നിധിയെന്ന സ്വപ്നം.. മോളുടെ ഭാവി.. എല്ലാം ഇനി ഭദ്രമായിരിക്കും.. പത്മാവതി പറഞ്ഞു നിർത്തി.. ദേവിക ഇരു കൈയ്യും കൂപ്പി പൊട്ടി കരഞ്ഞു.. “കരയല്ലേ പെണ്ണേ.. നീ ചിരിക്കാൻ നോക്ക്..” ഹരി പറഞ്ഞത് കേട്ട് ദേവിക ചിരിച്ചു.. ചുമരിൽ കൈയ്യും കെട്ടി തന്നെ നോക്കി നിൽക്കുന്ന നിഖിലിനെ നോക്കി ദേവിക ചിരിച്ചു.. മിഴികൾ സന്തോഷം കൊണ്ട് നിറഞ്ഞു… ശുഭം..

Continue Reading

Relationship

അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി…

Published

on

രചന: Seema Binu

പ്രണയം വരും വഴി “ങാ അഖീ പറ ” തോളിനും ചെവിക്കുമിടയിൽ ഫോണും പിടിച്ചു സംസാരിച്ചുകൊണ്ട് രണ്ടു് കയ്യിലും സാധങ്ങളുമായി വിദ്യ ഊണുമുറിയിലേയ്ക്ക് വന്നു . “ഹരിയേട്ടാ അവിടെ മേശപ്പുറത്ത് കഴിക്കാനുള്ളതും ടിഫിനും വച്ചിട്ടുണ്ട് . ഞാൻ പിള്ളേരെ എഴുന്നേൽപ്പിച്ചു സ്കൂളിൽ വിടാൻ നോക്കട്ടെ .” കഴിക്കാനായി വന്ന ഹരിയോട് അത്രയും പറഞ്ഞു കയ്യിലെ വെള്ളം ഇട്ടിരുന്ന നെറ്റിയിൽ തുടച്ചു ഫോണിൽ സംസാരിച്ചുകൊണ്ടു തന്നെ വിദ്യ അകത്തേയ്ക്ക് പോയി . ഇവൾക്കിപ്പോൾ എന്നോടു സംസാരിക്കാനോ എന്റെ കാര്യം നോക്കാനോ തീരെ സമയമില്ല . എന്തു പറഞ്ഞാലും ഒരു അഖി .. വിദ്യയുടെ പെരുമാറ്റം ഹരിയേ ചൊടിപ്പിച്ചു . അപ്പോഴേയ്ക്കും ഹരിക്കു കൊണ്ടുപോകാനുള്ള ബാഗുമായി വിദ്യയെത്തി . “നിനക്കെന്താ വിദ്യേ എന്നേ കണ്ണിൽ പിടിക്കുന്നില്ലേ ? നീ എന്നോടൊന്ന് ശരിക്കും സംസാരിച്ചിട്ട് എത്ര നാളായെന്നറിയാമോ ? എപ്പോൾ നോക്കിയാലും ഫോണിൽ തന്നെ .” അവൾ ഒരു നിമിഷം നിശബ്ദയായി . “അതിന് ഹരിയേട്ടൻ എപ്പോഴാ എന്നോട് സംസാരിച്ചിട്ടുള്ളത് ? പിന്നാലെ നടന്ന് എന്തെങ്കിലും പറഞ്ഞാൽ തന്നെ ഒന്നു നിർത്തുന്നുണ്ടോ എന്ന് പറഞ്ഞ് ഒച്ച വയ്ക്കും . ഞാനുമൊരു മനുഷ്യ ജീവിയല്ലേ ? എന്നേ കേൾക്കുന്ന ആരോടെങ്കിലും ഞാനും സംസാരിക്കട്ടെന്നേ ” “നിന്റെ ശബ്ദത്തിനെന്താ പതിവില്ലാത്തൊരു കടുപ്പം ?” ഹരിയുടെ ചോദ്യത്തിന് മറുപടി പറയാതെ അവൾ കുട്ടികളേ ഉണർത്താൻ പോയി . ശബ്ദത്തിന് കടുപ്പം പോലും ..

വെളുപ്പിന് അഞ്ചു മാണിക്കു തുടങ്ങുന്ന അങ്കമാ . എന്തെങ്കിലും ഒന്നു സഹായിക്കാൻ പറഞ്ഞാൽ അപ്പോൾ പറയും ഞങ്ങൾ അഞ്ചു മക്കളുടേം അച്ഛന്റേം പിന്നെ വീട്ടിലെ എല്ലാ പണീം ചെയ്തിട്ടും എന്റമ്മ ഒരു പരാതീം പറഞ്ഞിരുന്നില്ലല്ലോ എന്ന് .അതുപോലാണോ എനിക്ക് എന്നെങ്ങാനും പറഞ്ഞു പോയാൽ ഉടൻ വരും നിനക്ക് ജോലിയുണ്ടെന്നുള്ള അഹങ്കാരമാ എന്ന് .. അവൾക്ക് ദേഷ്യം വന്നു . വിദ്യ കുട്ടികളേ എഴുനെല്പിച്ചു റെഡിയാക്കി എങ്ങനെയൊക്ക്വയോ ബ്രേക്ക് ഫാസ്റ് കഴിപ്പിച്ചു സ്കൂൾ ബസിൽ കയറ്റി വീട്ടു . ഹരിയും കുട്ടികളും പോയപ്പോൾ അവൾ ടീ വി ഓണാക്കി സൗണ്ട് കുറച്ചു വച്ചു .ഫോൺ എടുത്തു നോക്കിയപ്പോൾ ഹരീടെ പെങ്ങളുടെ മൂന്നു മിസ്ഡ് കോൾ .. .അവൾ ഹിമയുടെ നമ്പർ ഡയൽ ചെയ്തു . ആദ്യത്തെ റിങ്ങിൽ തന്നെ ആള് ഫോണെടുത്തു . “നീ ഇത് എവിടെയാ വിദ്യേ ? എത്ര നേരം കൊണ്ട് ഞാൻ വിളിക്കുവാ ?” “അനിയന്റെ ദേഷ്യം അങ്ങോട്ടും പകർന്നോ ?”വിദ്യ ശബ്ദമില്ലാതെ ചിരിച്ചു . “നീ ഇന്നു ഓഫീസിൽ പോയില്ലേ ? “ഇല്ല ചേച്ചീ .. ഇന്നൊരു ലീവെടുത്തു . എന്റെ കൂടെ വർക്കു ചെയ്യുന്ന ഒരാളുടെ ബെർത്ത് ഡേ യാ . അതിനൊന്നു പോകണം ” “ലീവെടുത്തു പോകാനും മാത്രം ഇതാരാ ഇത്ര വല്യ ആള് ? അഖിയാണോ ??” “ങേ !!! ചേച്ചിക്ക് എങ്ങനെ മനസിലായി ?” “ങ ചേച്ചിക്കു പലതും മനസ്സിലാവുന്നുണ്ട് .

എന്താ വിദ്യേ നിന്റെ ഉദ്ദേശം ?” കുറച്ചു നേരം വിദ്യ ഒന്നും മിണ്ടിയില്ല . “ചേച്ചിക്ക് എന്താ അറിയേണ്ടത് ?” “ആരാ ഈ അഖി ? അയാളുമായി നിനക്കെന്താ ബന്ധം ?” “ഓ ഇത്രേയുള്ളോ ? അഖി .. അഖി എന്റൊപ്പം വർക്ക് ചെയ്യുന്ന വിവാഹമോചനം ഒക്കെ കഴിഞ്ഞ നല്ല സ്വീറ്റ് ആയ ഒരാൾ .. അഖിയെ എല്ലാർക്കും ഇഷ്ടമാ .. എനിക്കും . അഖി അടുത്തുള്ളപ്പോൾ ഞാൻ ഹാപ്പിയാ ചേച്ചീ …. ” “വിദ്യേ .. നീ … നീയെന്തൊക്കെയാ ഈ പറയുന്നത് എന്ന് നിനക്കു വല്ല ബോധവുമുണ്ടോ ? ഇതൊക്കെ ഹരി അറിഞ്ഞാൽ എന്തായിരിക്കും ഉണ്ടാവുക എന്നു വല്ലോം നീ ചിന്തിച്ചിട്ടുണ്ടോ ?? “ഹരിയേട്ടന് അറിയാല്ലോ ഞങ്ങളടെ ഫ്രണ്ട്ഷിപ്പിനെ പറ്റി .” വിദ്യ വാക്കുകളിൽ ദുഃഖത്തിന്റെ മേമ്പൊടിയിട്ടു. “ചേച്ചിക്കറിയാമോ വിവാഹം കഴിഞ്ഞുള്ള ഉപാധികളില്ലാത്ത പ്രണയത്തോടായിരുന്നു ബാലൻമാഷിന്റ മകൾക്കു പ്രണയം .. മനസിലും ശരീരത്തിലും ഒരാളേ മാത്രം നിറച്ചു ആ ആളിന്റെ രണ്ടു് മക്കളെ പ്രസവിച്ച എനിക്ക് പക്ഷേ ഈ പതിമൂന്നു വർഷങ്ങൾക്കിപ്പുറവും അറിയില്ല എന്താണ് പ്രണയമെന്ന് ?? ഞാനുമൊരു മനുഷ്യ സ്ത്രീ തന്നെയല്ലേ ? ഇനി എന്തിന്റെ പേരിലായാലും അഖിയുമായുള്ള സൗഹൃദം വേണ്ടെന്നു വയ്ക്കാൻ ഞാൻ തയ്യാറല്ല ചേച്ചീ ..” “എടീ ബാലൻ മാഷിന്റെ മോളേ…എന്റെ അനിയൻ കെട്ടിക്കൊണ്ടു വരുമ്പോഴല്ല നിന്നേ ഞാൻ ആദ്യമായി കാണുന്നത് കേട്ടോ . എന്തായാലും ഞാനൊന്നു കാണുന്നുണ്ട് നിന്റെയീ അഖിയേ . നിന്നെയൊക്കെ നേർവഴിക്ക് നടത്താൻ പറ്റുമോന്ന് ഞാനൊന്ന് നോക്കട്ടെ .” അടുത്ത ദിവസം തന്നെ ഹിമയുടെ കോൾ ഹരിക്ക് ചെന്നു . “ഹരീ പ്രശ്നം നമ്മള് കരുതിയതിലും സീരിയസ് ആണ് കേട്ടോ . നി ഇപ്പൊഴും നമ്മുടെ അച്ഛനെ റോൾ മോഡലാക്കി ഇരുന്നോ .ഇതു പണ്ടത്തെ കാലമൊന്നുമല്ല . അവളും ഈ പറഞ്ഞ അഖിയും ട്രാൻസ്ഫെറിന് ട്രൈ ചെയ്യുന്നെന്നാ കേട്ടത് .അവൾ അവളുടെ പാട്ടിനു പോകും . പോകട്ടെ അതാ നല്ലത് .. പറയുന്നത് കൊണ്ടൊന്നും തോന്നല്ലേ ഹരീ .. അവളേ പ്പോലൊരു പെണ്ണിനേ നീ അർഹിക്കുന്നില്ല .

അതാ സത്യം .” അപ്പുറത്ത് ഫോൺ കട്ടാകുന്ന ശബ്ദം കേട്ടിട്ടും അനങ്ങാനാവാതെ ഇരുന്നു ഹരി . സമയം കളയാതെ വീട്ടിലേയ്ക്ക് തിരിച്ചു . വീട്ടിലെത്തിയ ഹരി കാണുന്നത് എവിടേക്കോ പോകാൻ തയ്യാറായി പുറത്തേയ്ക്ക് വരുന്ന വിദ്യയെയാണ് . ഇവളിതെങ്ങോട്ടാ കെട്ടിയൊരുങ്ങി ??ഓർത്തത് അങ്ങനെയാണെങ്കിലും ചോദിച്ചത് മറ്റൊന്നാണ് . “ങേ. അടിപൊളിയാണല്ലോ .. എങ്ങോട്ടാ യാത്ര ??” ഹരീടെ ചോദ്യത്തിൽ കിളിപോയി നിന്നു വിദ്യ . “എന്താ ?” “അല്ല സാരിയൊക്കെ ഉടുത്ത് സുന്ദരി ആയിട്ട് എങ്ങോട്ടാണെന്ന് ചോദിച്ചതാ ” “അത് .. അത് കുറച്ചു സാധനങ്ങൾ വാങ്ങണം . പിന്നെ ഒരു ഫ്രണ്ടിന്റെ ബെർത്ഡേയാ .. അതിനും ഒന്നു പോകണം .” “വരാൻ വൈകുമോ ? പിക് ചെയ്യാൻ ഞാൻ വരണോ ?” വിദ്യയ്ക്ക് വീണ്ടും ഞെട്ടൽ .. “ഓ വേണ്ട … ഞാനിങ്ങു വന്നോളാം . പിന്നെ കുട്ടികൾ വരുമ്പോൾ ചായേം സ്നാക്സും എടുത്തു കൊടുക്കണേ ..” അവൾ പോകുന്നതു ഹരി നോക്കി നിന്നു . അവളുടെ ഉള്ളിൽ എന്താണെന്ന് ഒരു പിടിയും കിട്ടുന്നില്ലല്ലോ . ഇനി ചേച്ചി പറഞ്ഞതു പോലെ എന്തെങ്കിലും ??? ഏയ് .,,എങ്കിലും ഈയിടെയായി അവൾ തന്നേ അവഗണിക്കുന്നുണ്ടോന്നൊരു സംശയം .. തോന്നലാവും .. കുട്ടികൾ വന്നിട്ട് കുറച്ചു നേരം കൂടി കഴിഞ്ഞാണ് വിദ്യ എത്തിയത് . “ബെർത്ത് ഡേ പാർട്ടി എങ്ങെനെ ഉണ്ടായിരുന്നു ? എല്ലാവരും കൂടി അടിച്ചു പൊളിച്ചോ ?” ഹരിയുടെ ചോദ്യമാണ് അവളേ വരവേറ്റത് .അങ്ങനൊരു ചോദ്യം ഹരിയിൽ നിന്ന് പ്രതീക്ഷിച്ചില്ല . അതുകൊണ്ടുതന്നെ മറുപടി പറയാൻ ഇത്തിരി വൈകി . “എല്ലാവരുമൊന്നുമില്ല ..

ഞാനും അഖിയും മാത്രമുള്ളോരു കുഞ്ഞാഘോഷം .. പിന്നെ പാലട ഇഷ്ടമാണെന്നും പറഞ്ഞ് അതു വാങ്ങി വച്ചിരുന്നു . ഞാൻ ചെന്നിട്ട് അതുണ്ടാക്കി . ഒരു കേക്കും മുറിച്ചു തീർന്നു ആഘോഷം . എങ്കിലും നന്നായിരുന്നു .” “പാലടയോ ?? കൊള്ളാല്ലോ .. നീയിവിടെ പാലട ഉണ്ടാക്കിയിട്ട് ഒത്തിരി നാളായില്ലേ ?” “ഒരിക്കൽ ഞാൻ ഉണ്ടാക്കിയപ്പോൾ ഹരിയേട്ടന് ഇഷ്ടമല്ല അതുകൊണ്ട് ഇനി ഉണ്ടാക്കണ്ടാ എന്ന് പറഞ്ഞത് മറന്നു പോയോ ?” “അത് .. അതു പോട്ടെ . ഈ പറഞ്ഞ അഖിക്ക് ഇഷ്ടമാണോ ഈ വക സാധനങ്ങളൊക്കെ ?” “അഖിക്കല്ല .. എനിക്കിഷ്ടമാണെന്നറിഞ്ഞ് വാങ്ങിയതാ ” വിദ്യ അകത്തു കയറി പ്പോയിട്ടും ഹരി അതേ നിൽപ്പു നിന്നു . നിന്റെ ഇഷ്ടങ്ങളൊക്കെ അങ്ങു നിന്റെ വീട്ടിൽ . ഇവിടെ ഞാൻ പറയുന്നത് ഉണ്ടാക്കിയാൽ മതി …പണ്ടെന്നോ പറഞ്ഞ വാക്കുകൾ ഓർത്ത് ഹരിക്കു സ്വയം പുച്ഛം തോന്നി . ഒപ്പം വിദ്യയും അഖിയും മാത്രമുള്ള പാർട്ടി എന്നോർത്തൊരു അസ്വസ്ഥതയും ഹരിയേ പൊതിഞ്ഞു . വൈകിട്ട് കുട്ടികളേ പഠിപ്പിക്കാൻ ചെന്ന ഹരിയേ അവര് കണ്ടം വഴി ഓടിച്ചു . “അമ്മ ഞങ്ങളേ ഹോംവർക്ക് ചെയ്യിച്ചാൽ മതി .അച്ഛനറിയില്ല ഞങ്ങൾക്ക് പഠിക്കേണ്ടത് എന്തൊക്കെയാണെന്ന് .. ” “ആരു പറഞ്ഞു അച്ഛന് അറിയില്ലെന്ന് ?നിങ്ങൾക്കറിയാമോ അച്ഛൻ ജോലി കിട്ടുന്നതിന് മുൻപ് കുറേ നാള് പാരലൽ കോളേജിൽ പഠിപ്പിച്ചിട്ടുണ്ട് .. വന്നേ ഇന്ന് അച്ഛൻ പഠിപ്പിക്കാം . അതുമല്ല അമ്മയ്ക്ക് കിച്ചണിൽ ഒത്തിരി ജോലിയുണ്ട് ..” “അമ്മയ്ക്കെന്നും ഉണ്ടല്ലോ ഒത്തിരി ജോലി .. പിന്നെന്താ ഇന്ന് ? അച്ഛൻ പോ .ഞങ്ങളെ അമ്മ പഠിപ്പിച്ചാൽ മതി .” ഹരി മെല്ലെ ബെഡ്‌റൂമിലേക്ക് നടന്നു . വിദ്യയെ അവിടെ കാണാത്തതു കൊണ്ട് അടുക്കളയിൽ ചെന്ന് നോക്കിയപ്പോൾ ചപ്പാത്തിക്ക്‌ മാവ് കുഴയ്ക്കുന്നു . “ഇന്നെന്താ ചപ്പാത്തിയാ ? ഇങ്ങു താ . ഞാൻ ചുട്ടെടുക്കാം . നീ ചെന്ന് പിള്ളേരുടെ ഹോംവർക്ക് ചെയ്യിക്ക് ..” “വേണ്ടാ .. ” “അതു വിദ്യേ .. നിനക്കെല്ലാം കൂടി ബുദ്ധിമുട്ടാകില്ലേ ? ” വിദ്യ കുറച്ചു നേരം അനങ്ങാതെ നിന്നു . “എനിക്കു ബുദ്ധിമുട്ടൊന്നുമില്ല . ഹരിയേട്ടൻ പോയി റസ്റ്റ് എടുത്തോ . ” ഇനിയൊന്നും പറയാനില്ലാത്തതു പോലെ വിദ്യ തന്റെ ജോലി തുടർന്നു . “നീ ട്രാൻസ്ഫെറിന് ട്രൈ ചെയ്യുന്നെന്ന് ചേച്ചി പറഞ്ഞു ” “ങാ നോക്കുന്നുണ്ട് . ” “നീ പോയാൽ ഇവിടുത്തെ കാര്യങ്ങൾ ഒക്കെ എങ്ങനാ ?” “ഞാൻ ഇല്ലേലും ഇവിടെ ഒന്നും സംഭവിക്കില്ല ഹരിയേട്ടാ . അത്രയ്ക്ക് പറ്റില്ലെങ്കിൽ ഒരു ജോലിക്കാരിയെ വയ്ക്കണം . പിന്നെ രാത്രിയിലെ കാര്യത്തിന് പൈസ ഇത്തിരി കൂടുതൽ കൊടുക്കേണ്ടി വരുമായിരിക്കും .

എന്നാലും എല്ലാം നടക്കേണ്ടേ ??” “രാ ..രാത്രിയിലെ എന്തു കാര്യം ?”ഹരി നിന്നു വിക്കി . “പിള്ളേരുടെ പഠിപ്പീര് . അല്ലാതെന്താ ?അവരു ഹരിയേട്ടനെ അടുപ്പിക്കില്ലല്ലോ . അപ്പൊൾ പിന്നെ ട്യൂഷന് ആളിനേ നിർത്തണം . അവർക്ക് ഒക്കെ ഇപ്പോൾ എന്തു ഡിമാൻഡ് ആണെന്നറിയാമോ ?”അവൾ തിരിഞ്ഞു നോക്കിയപ്പോൾ ഹരി നിന്നിടം ശൂന്യം . പൊട്ടി വന്ന ചിരിയടക്കി വിദ്യ തന്റെ ജോലി തുടർന്നു . ഹരിയിൽ കാണപ്പെട്ട ചെറിയ ചില മാറ്റങ്ങൾ ഒഴിച്ചാൽ എന്നത്തേയും പോലെ വിദ്യയുടെ ആ ദിനവും പോയി മറഞ്ഞു . അടുത്ത ദിവസങ്ങളിൽ അവളേ ജോലിയിൽ സഹായിക്കാനും കുട്ടികളേ റെഡിയാക്കാനും ഒക്കെയായി ഹരി പിന്നാലെയുണ്ടായിരുന്നു . ഒന്നും പുറത്തു കാണിച്ചില്ലെങ്കിലും ഒരു കുഞ്ഞു സന്തോഷം തോന്നി അവൾക്ക് . ഒരു വെള്ളിയാഴ്ച വിദ്യ ജോലി കഴിഞ്ഞെത്തിയപ്പോൾ ഹരി മാത്രമേയുള്ളു വീട്ടിൽ . “പിള്ളേര് എന്തിയെ ? “അവൾ ഹരിയേ നോക്കി . “അതു ഞാൻ പറയാൻ വീട്ടു പോയി . ഇന്ന് അച്ഛനും അമ്മയും വന്നിട്ടുണ്ടായിരുന്നു . അവരുടെ കൂടെ പോകണമെന്ന് പിള്ളേർക്ക് ഒരേ നിർബന്ധം . പിന്നെ ഞാനും ഓർത്തു ശനിയും ഞായറുമല്ലേ . രണ്ടു ദിവസം അവിടെ നിൽക്കട്ടെ എന്ന് . ” “അവിടെ കായലും വെള്ളോമൊക്കെയുള്ളതല്ലേ .. നമ്മളില്ലാതെ അവരെ വിടേണ്ടിയിരുന്നില്ല .” “എന്റച്ഛനും അമ്മയുമില്ലേ ? എന്നേ വളർത്തിയ അവർക്കറിയില്ലേ എന്റെ പിള്ളേരെ എങ്ങനെ നോക്കണമെന്ന് ?” ങാ അതിന്റെ ഗുണം എനിക്കല്ലേ അറിയൂ . അവൾ മനസ്സിൽ പറഞ്ഞു . രാത്രിയിലേക്കുള്ള ഭക്ഷണം തയ്യാറാക്കുക ആയിരുന്ന വിദ്യയെ പിന്നിൽ നിന്നും ഹരി കെട്ടിപ്പിടിച്ചു . അവൾ ഞെട്ടിപ്പോയി . “ഹരിയേട്ടനിതെന്താ ? ഞാൻ ഇവിടെ ജോലി ചെയ്യുന്നത് കാണാൻ മേലേ ?” “അതു കൊള്ളാം എനിക്കെന്റെ ഭാര്യയേ ഒന്നു കെട്ടിപ്പിടിക്കണമെങ്കിൽ നേരോം കാലോം നോക്കണോ ?” “ആരുടെ ഉപദേശമാ ?” “എന്ത് ?” “അല്ല ഇപ്പോൾ ഈ കാട്ടിക്കൂട്ടിയത് ആരുടെ ഉപദേശമനുസരിച്ചാണെന്നാ ചോദിച്ചത് ?” “എനിക്കു നിന്നേ സ്നേഹിക്കാൻ ആരുടെയെങ്കിലും ഉപദേശം വേണോ ?” ” സ്നേഹിച്ചതാരുന്നോ ? ശീലമില്ലാത്തതു കൊണ്ടാവും എനിക്കങ്ങോട്ടു മനസിലായില്ല കേട്ടോ. സോറി ഹരിയേട്ടാ .. ” “നിന്റെ പരിഹാസം ഒക്കെ എനിക്കു മനസ്സിലാകുന്നുണ്ട് . ഞാനിനി എങ്ങനാ നിന്നേ പ്രീതിപ്പെടുത്തേണ്ടത് ? എന്റെ സ്നേഹം പോരാഞ്ഞിട്ടാണോ നീ …” “എന്തേ നിർത്തിക്കളഞ്ഞത് ? ” വിദ്യ ഹരിക്കു നേരേ നിന്നു . “ഞാനിനി മുഴുവൻ പറഞ്ഞാലേ നിനക്കു മനസിലാകൂ?” “എന്താണെങ്കിലും പറയാൻ വന്നത് മുഴുവൻ പറയെന്നേ . അല്ലാതെ ഞാൻ എങ്ങനെ അറിയും ?” “എന്നാൽ നീ അറിയണ്ടാ .” ഹരിക്ക് ദേഷ്യം വന്നു . “ഓക്കേ അത് ഹരിയേട്ടന് ഇഷ്ടമുള്ളപ്പോൾ പറഞ്ഞാൽ മതി .

ഇനി ഞാനൊരു കാര്യം പറയട്ടേ .?” എന്താണെന്നുള്ള അർത്ഥത്തിൽ ഹരി അവളേ നോക്കി . “ഞാൻ പറഞ്ഞിരുന്നില്ലേ ഞങ്ങൾ ട്രാൻസ്ഫെറിന് ട്രൈ ചെയ്യുന്നെന്ന് .” “ഞങ്ങളോ ?” “ങ ഞാനും അഖിയും .. അതു ശരിയായി .” “വിദ്യേ …”അറിയാതെ ഹരിയുടെ ശബ്ദം ഉയർന്നു . “ഹരിയേട്ടനെന്തിനാ ഒച്ചയെടുക്കുന്നത് ? ഞാൻ പറഞ്ഞു കഴിഞ്ഞില്ല . ഇപ്പോൾ അഖിക്ക് മാത്രേ ഓർഡർ വന്നുള്ളൂ . അതും ഒരു മ്യൂച്വൽ ട്രാൻസ്ഫർ . എനിക്കും താമസിയാതെ ശരിയാകുമെന്നാ സൂപ്രണ്ട് പറഞ്ഞത് . ങാ പറഞ്ഞു വന്നത് അതല്ല . നാളെ അഖി ഇങ്ങോട്ടു വരാൻ ഇരിക്കുകാരുന്നു .പോകുന്നതിനു മുൻപ് പിള്ളേരേം ഹരിയേട്ടനേം ഒന്നു കാണണം എന്ന് . ഇനിയിപ്പോൾ വരണ്ടാ എന്ന് എങ്ങനാ പറയുന്നേ ? വന്നിട്ട് പോട്ടെ .പിള്ളേരേ ഞാൻ അങ്ങോട്ടു കൊണ്ടുപോയി കാണിക്കാം അല്ലേ ? ഓഫീസിൽ വച്ചുള്ളതോന്നും പോരാഞ്ഞിട്ടായിരിക്കും ഇനി വീട്ടിലും . എന്തായാലും എന്റെ പിള്ളേരേ കൊണ്ട് നീ എവിടെ പോവില്ല. ഹരി മനസ്സിൽ ഉറപ്പിച്ചു . “ഓ വേണ്ടെങ്കിൽ വേണ്ടാ .അതു പോട്ടെ ആദ്യമായിട്ട് വരുവല്ലേ അഖി ഇവിടെ . അപ്പൊൾ ശരിക്കെന്തെങ്കിലും ഉണ്ടാക്കി കൊടുക്കണ്ടേ ? രാവിലെ പോയി കുറച്ചു നല്ല കൊഞ്ചു വാങ്ങിക്കൊണ്ടു വരണേ . അഖിക്ക് കൊഞ്ചു തീയൽ ഭയങ്കര ഇഷ്ടമാ .. ” മറുപടി പറയാതെ ഹരി തിരിഞ്ഞു മുറിയിലേയ്ക്ക് പോയി . നിന്റെ എല്ലാ കൊഞ്ചലും അവസാനിക്കാൻ പോകുവാ .. നാളെയിങ്ങു വരട്ടെ നിന്റെ മറ്റവൻ .കാണിച്ചു കൊടുക്കാം അവന് ഈ ഞാൻ ആരാണെന്ന് . ക്ഷമിക്കുന്നതിനൊക്കെ ഒരു ലിമിറ്റില്ലേ ? അടുത്ത ദിവസം രാവിലേ കോളിംഗ് ബെല്ലിന്റെ ശബ്ദം കേട്ട് ഹരി ക്ലോക്കിലേയ്ക്ക് നോക്കി . നേരം വെളുത്തില്ല അതിനു മുന്പിങ്ങെത്തിയോ ? ഈർഷ്യയോടെ വാതിൽ തുറന്ന ഹരി കണ്ടത് നല്ല ഭംഗിയായി വസ്ത്രധാരണം ചെയ്ത ഇരുപത്തഞ്ചിനും മുപ്പതിനും ഇടയിൽ പ്രായം തോന്നിക്കുന്ന ഒരു സ്ത്രീയെയാണ് . “ആരാ ?” ഹരിയുടെ ചോദ്യത്തിനുള്ള മറുപടിക്കു മുൻപ് വിദ്യ ഇറങ്ങി വന്ന് ആളിനെ അകത്തേയ്ക്ക് കൂട്ടിയിരുന്നു . “ദാ ഇതാ എന്റെ ഹരിയേട്ടൻ ” പിന്നാലെയെത്തിയ ഹരിയെ കൂട്ടുകാരിക്കു വിദ്യ പരിചയപ്പെടുത്തി . “ങാ എനിക്കറിയാം . ഫോട്ടോയിൽ കണ്ടിട്ടുണ്ടല്ലോ .” “ആളിനെ എനിക്കങ്ങോട്ട് പിടി കിട്ടിയില്ല .” ഹരി നിന്നു പരുങ്ങി . “ഞാൻ പറഞ്ഞിട്ടില്ലേ ഒരു അഖിയേ പറ്റി ?” “ഉവ്വ് . അപ്പൊൾ ഇത് അഖീടെ ??” “അഖീടെ ആരുമല്ല .

അഖി തന്നെയാ . എന്നു വച്ചാൽ അഖില .. അഖിയെന്നുള്ളത് അവളുടെ വിളിപ്പേരാ .. അല്ലേടാ ?” “ഞാൻ കരുതി ….”ഹരി എന്തു പറയണം എന്നറിയാതെ കുഴങ്ങി . “അഖി എന്റെ ബോയ് ഫ്രണ്ടാണെന്ന് അല്ലേ ?” “ഏ … ഏയ് .. അല്ല .. അതെന്തിനാ അങ്ങനെ കരുതുന്നത് ? നിങ്ങൾ സംസാരിക്ക് .. ഞാൻ ഒന്നു പുറത്തു പോയിട്ടു വരാം ..” “ഉം ഉം .ഒക്കെ ” ഹരി നിന്നു വിക്കുന്നത് കണ്ടു വിദ്യ ചിരിയടക്കി . അഖിലയുടെ ഇഷ്ടവിഭങ്ങൾ ഒക്കെ ഒരുക്കി വയറും മനസും നിറച്ചാണ് വിദ്യയും ഹരിയും അവളേ യാത്രയാക്കിയത് . കുട്ടികളേ കാണാൻ കഴിഞ്ഞില്ലല്ലോ എന്നു സങ്കടം പറഞ്ഞ അഖിയോട് അഖില പോകുന്നതിനു മുൻപൊരു ദിവസം കുട്ടികളേം കൊണ്ടു ഞങ്ങൾ അങ്ങോട്ടിറങ്ങാം .. എന്നു സന്തോഷത്തോടെ പറഞ്ഞു ഹരി. “അഖിലയല്ല ഹരിയേട്ടാ അഖി ” വിദ്യ ചിരിയോടെ തിരുത്തി. “എന്നേ കുഴക്കിയത് ഈ പേരാണ് . എന്നാലും അഖി മതി .. അതാ ഒരു ഭംഗി ..” ഹരിയും അവരുടെ ചിരിയിൽ പങ്കു ചേർന്നു . “കളഞ്ഞിട്ടു പോകുമെന്നു കരുതിയോ ?” അഖില പോകുന്നത് നോക്കി നിന്ന ഹരിയുടെ കണ്ണിലേക്ക് നോക്കി വിദ്യ . മറുപടിയായി ഹരി അവളേ വലിച്ചു നെഞ്ചോടു ചേർത്തിരുന്നു .

അവൾ അനങ്ങാതെ നിന്നു . “ഹരിയേട്ടാ ..” “എന്താ ?? ഇനി ഇതും അഭിനയമാണെന്നാണോ ??” ഹരിയുടെ ശബ്ദം അടഞ്ഞിരുന്നു . അവൾ ശബ്ദമില്ലാതെ ചിരിച്ചു കൊണ്ട് ഒന്നുകൂടി അവനോടു ചേർന്നു നിന്നു .. “ഈ കുറച്ചു ദിവസങ്ങൾ കൊണ്ട് ഞാനങ്ങ് ഇല്ലാതായിപ്പോയി .”അവൻ ആ നെറുകയിൽ മെല്ലെ തലോടി . “അത്രയ്ക്കിഷ്ടമാ എന്നേ ??” മറുപടി പറയാതെ അവളുടെ നെറുകിൽ ചുണ്ടു ചേർത്തു ഹരി . “കുട്ടികളേ കൂട്ടിക്കൊണ്ടു വരാൻ എപ്പോഴാ പോകേണ്ടത് ?” “അവരു രണ്ടു് ദിവസം അവിടെ വെള്ളത്തിലും കായലിലും ഒക്കെ കളിക്കട്ടെന്നേ ” “ശരിക്കും ? ” “ആന്നേ .. ഇന്നിവിടെ നമ്മളു മാത്രം മതി .. ” അവന്റെ കണ്ണിൽ കുസൃതി മിന്നി . “ഇന്ന് എനിക്കെന്റെ പെണ്ണിനേ ശരിക്കൊന്നു സ്നേഹിക്കണം .” അവൾ കണ്ണു കൂർപ്പിച്ചു . “ഇന്നു മാത്രമല്ല ഇനിയെന്നും …” അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി ചുണ്ടു ചേർക്കുമ്പോൾ അനിയനെ നന്നാക്കാൻ ബുദ്ധി ഉപദേശിച്ച ഹിമയ്ക്ക് മനസുകൊണ്ട് നന്ദി പറയുന്ന തിരക്കിലായിരുന്നു വിദ്യ .

Continue Reading

Relationship

ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്…

Published

on

By

രചന: വിദ്യ പ്രദീപ്‌ ❤

നേരം രാത്രിയായി.. അടുക്കള ജോലിയെല്ലാം തീർത്തു അന്നും അവൾ കുളിച്ചു അയാളെയും കാത്തു മുറിയിൽ സമയം ചിലവഴിച്ചു… എന്തുകൊണ്ടോ മനസ്സിൽ കുറെ പരാതികളും പരിഭവങ്ങളും അവളുടെ ഉറക്കം കെടുത്തി…. ഇവൾ ലക്ഷ്മി… ആളൊരു പാവമാണ്… “ഏട്ടൻ വന്നിട്ടു വേണം കുറച്ചെങ്കിലും എന്തെങ്കിലും സംസാരിക്കാൻ..” മോനെ വേഗം ഉറക്കി ഫോണിൽ നോക്കി ലക്ഷ്മി സമയം ചിലവഴിച്ചു… കുറച്ചു കഴിഞ്ഞ് ഒരുപാട് ടെൻഷനോടെയും പകലന്തിയോളം പണിയെടുത്തു ഓടിനടന്നതിന്റെ ക്ഷീണത്തിൽ ഉറക്ക ചടപ്പോടെ അയാൾ റൂമിലെത്തി ഒന്ന് കിടന്നാൽ മതിയെന്ന ഭാവത്തിൽ… ഇതാണ് ലക്ഷ്മിയുടെ ഭർത്താവ്.. മാർച്ച്‌ ഏപ്രിൽ മാസത്തെ കൊടും ചൂടിൽ വീട്ടിലെ ഏറ്റവും ചൂട് കൂടിയ റൂമിനു ഉടമയായിരുന്നു അവർ..

മുറിയിൽ ചിലവഴിക്കുന്ന സമയം മുഴുവൻ അയാൾക്ക് അരോചകമായിരുന്നു.. വന്നു….വെള്ളം കുടിച്ചു…. ക്ഷീണത്താൽ കിടന്നു… ഒരു ചെറു ചിരിയോടെ അവൾ അവനെ നോക്കി. കണ്ണുകളടച്ചു പാതി ചെരിഞ്ഞു കിടക്കുന്ന അയാളുടെ മനസ് മുഴുവൻ ഒരുപാട് ചിന്തകളായിരുന്നു… ആരോടും തുറന്നു പറയാതെ അടക്കി പിടിക്കുന്ന ഒരുപാട് കാര്യങ്ങൾ…. കണ്ണുകൾ കള്ളം പറയില്ല എന്നത് കൊണ്ടായിരിക്കാം ആ കണ്ണുകൾ അവൾക്ക് നേരെ അടയുന്നത്… ഒരുപാട് സംസാരിക്കണം.. ഒരു ദിവസത്തിൽ തനിക്ക് ആകെ കിട്ടുന്ന സമയം ഈയൊരു 10മിനുട്ട് ആണ് .. അല്പം ഈഗോ രണ്ടുപേരിലും ഉള്ളതുകൊണ്ടാണോ എന്നറിയില്ല ഒരാളുടെ മൗനം രണ്ടുപേരുടെയും ചിന്തകളെ ഉണർത്തിയില്ല… തണുത്ത കാറ്റിനു പകരം ഫാനിൽ നിന്ന് വരുന്ന ഉഷ്ണവും മാനസിക പിരിമുറുക്കവും അയാളിൽ അരോചകം സൃഷ്ടിച്ചു.. ലക്ഷ്മി അയാളോട് ചേർന്ന് കിടന്നു… മുടിയിഴകൾ പതുക്കെ തലോടി.. നെറ്റിയിൽ ഉമ്മ വെച്ചു… “എന്തെങ്കിലും പറയ് “എന്ന അവളുടെ ചോദ്യം അയാളിൽ ദേഷ്യമുണർത്തി.. “നിനക്കെന്താ പറഞ്ഞാൽ…. ഞാൻ കേൾക്കുന്നുണ്ടല്ലോ…. ഉറക്കം വരുന്നെങ്കിൽ ഉറങ്ങിക്കോ “…എന്ന മറുപടി അവൾക്ക് അസഹ്യമായി… മുറിയിൽ തിങ്ങി നിൽക്കുന്ന മൗനം അവരെ വീർപ്പു മുട്ടിച്ചു… പരസ്പരം കണ്ണുകളിൽ നോക്കി സംസാരിക്കാനോ എന്തിനേറെ ഒരു പുഞ്ചിരി വിടർത്താനോ പോലും അവൾക് ആയില്ല.. നേരത്തെ എണീക്കുന്നത് കൊണ്ടാകാം അവളിൽ അതുവരെയുള്ള അലച്ചിലിന്റെ ക്ഷീണം പതിയെ വന്നു .. ശേഷം ഉറക്കം…. പാതി ഉറക്കത്തിൽ രണ്ടാളും പരസ്പരം ചോദിച്ചു..” നീ ഉറങ്ങിയോ “…. ഇല്ലാ… എന്നാ എന്തേലും പറയ് “.. വീണ്ടും മൗനം…. എന്തുകൊണ്ടോ സ്വന്തം ജീവിതത്തെ കുറിച്ച് ഒന്നും സംസാരിക്കാനില്ലാതെ അവർ നിശ്ശബ്ദരാകും.. രണ്ടാളുടെയും മനസിലുണ്ട് ഒന്ന് കെട്ടിപ്പുണർന്നെങ്കിൽ..

ഉമ്മ വെച്ചിരുന്നെങ്കിൽ…😔 ഒരു ചെറു പുഞ്ചിരി മതി നമ്മുടെ മനസിനെ കുളിർമഴ പെയ്യിക്കാൻ… പതിവുപോലുള്ള മുടി തലോടലിലെ സുഖം കൊണ്ടോ അതുവരെയുള്ള ക്ഷീണം കൊണ്ടോ എന്നറിയില്ല അയാൾ ഉറങ്ങിപ്പോയി… ഉഷ്ണകാറ്റു അയാളുടെ കഴുത്തിലും പുറത്തുമൊക്കെ വിയർപ്പു തുള്ളികൾ സൃഷ്ടിച്ചു.. എന്തെല്ലാമോ പ്രതീക്ഷിച്ചു കാത്തിരുന്ന അവൾ എന്തെ തനിക്കൊരു ഉമ്മ പോലും തരാൻ തോന്നാഞ്ഞു എന്നാലോചിച്ചു സ്വയം കണ്ണീർ വാർത്തു.. ഒരുപക്ഷെ അവനിൽ ആകർഷണം ഉണർത്തി മനസിനെ സന്തോഷിപ്പിക്കാൻ അവൾക്കായില്ല എന്നതാണ് സത്യം… എല്ലാം പെണ്ണിന്റെ തെറ്റായി കാണുന്ന സമൂഹത്തിൽ സ്വന്തം തെറ്റുകളെ സ്വയം ശപിച്ചു വിദൂരതയിലേക്ക് നോക്കി അവൾ സമയം ചിലവഴിച്ചു…. ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്….

Continue Reading

Most Popular