Connect with us

Love

“””കണ്ണേട്ടാ….”””” ഓ നാശം… എവിടെ പോയാലും വന്നോളും…

Published

on

രചന: അഞ്‌ജലി മോഹൻ

“””കണ്ണേട്ടാ….”””” ഓ നാശം… എവിടെ പോയാലും വന്നോളും…കുറച്ച് മെല്ലെ പറയെടാ കണ്ണാ അവള് കേൾക്കും…. നീയൊന്ന് പൊ വിനോദെ അടുത്തൂന്ന് പടക്കം പൊട്ടിച്ചാൽ വരെ ആ ഒറ്റച്ചെവിയത്തി അത് കേൾക്കൂല…. കണ്ണേട്ടാ…. ദാ.. നമ്മൾ കുഴിച്ചിട്ട ചാമ്പക്കമരത്തിലെ ചാമ്പക്കയാ.. ഇത്തിരി പുളിയുണ്ട് ന്നാലും നല്ല രാസാന്നെ… ഓടി ചെന്നവൾ രണ്ടുപേരുടെയും നടുക്കിരുന്നു.. ദാ വിനുവേട്ടാ കഴിച്ച് നോക്ക്…. കണ്ണേട്ടാ… കഴിക്കുന്നില്ലേ,???? “”ശല്യം….””” കേട്ടില്ലെങ്കിലും എഴുന്നേറ്റ് പോണത് കണ്ടപ്പോ കൺപീലികൾ നനഞ്ഞു…. കഷ്ടപ്പെട്ട് വരുത്തിയ ചിരിയോടെ വിനോദിനെ ഒന്ന് നോക്കി….. വിനുവേട്ടാ… ഞാൻ കേട്ടില്ല ഏട്ടൻ പറഞ്ഞത്… ഒന്ന് മെല്ലെ എന്റെ വലതുചെവിയിൽ അതൊന്ന് പറഞ്ഞു തരാവോ…? വേഗത്തിൽ പറഞ്ഞാലും ഉച്ചത്തിൽ പറഞ്ഞാലും എനിക്കിപ്പം ഒന്നും മനസിലാവുന്നില്ലന്നേ….. അവനു അത്യാവശ്യയിട്ട് എങ്ങോട്ടോ പോവാനുണ്ട് ദേവൂട്ടി അതാ അവൻ വേഗം പോയത്… നീയെന്തിനാ ഈ കണ്ണ് നിറച്ചേക്കണേ…??? “”കുഞ്ഞുന്നാളിൽ എന്നെ വല്യ ഇഷ്ടായിരുന്നു…. വാ തോരാതെ സംസാരിക്കുമായിരുന്നു എന്നോട്… ഇടത്തെ ചെവി പോയപോഴേക്കും എനിക്ക് വ്യക്തമായി ഒന്നും കേൾക്കാതെയായി… എന്ത് പറഞ്ഞാലും മൂന്ന് നാല് തവണ ഏഹ് ഏഹ് ന്ന് ചോയ്ച്ചുപോവും….. പിന്നേ പിന്നെ ന്നൊടുള്ള സംസാരവും കുറഞ്ഞു…. ഇപ്പെന്നെ ദൂരെന്ന് കാണുമ്പോഴേ മുഖം ചുവന്നു കണ്ണ് മാറ്റിക്കളയും….”” “ഏട്ടൻ ഒന്ന് പറയുവോ ദേവൂട്ടിക്ക് കേൾക്കാഞ്ഞിട്ടാ പിന്നെയും പിന്നെയും ചോദിക്കുന്നെന്ന്….” “ഇഷ്ടാണോ ദേവൂട്ടി നിനക്കവനെ…???” പിടയുന്ന കണ്ണുകളോടെ അവള് വിനോദിനെ ഒന്ന് നോക്കി…. “”ചെവി കേൾക്കില്ല വിനുവേട്ടാ എനിക്ക്… ഇഷ്ടാവില്ലാ ദേവൂട്ടിയെ ആർക്കും..'”” വാക്കുകൾ ഇടറിപ്പോയി…. ഞാൻ പൊക്കോട്ടെ… കണ്ണേട്ടനെ കൂട്ടി ചെല്ലാന എന്നെ പറഞ്ഞു വിട്ടേ… എങ്ങോട്ട് പോയോ ആവോ….. “നീ വാ അവനാ ആൽത്തറയിൽ കാണും…” ദൂരെനിന്ന് അവളെ കണ്ടപ്പോഴേ ആ മുഖം കറുത്തു “കണ്ണേട്ടാ… ദേവിയമ്മ പറഞ്ഞു ഒന്ന് അങ്ങോട്ട് ചെല്ലാൻ.. അത് പറയാനാ ഞാൻ വന്നേ…” “””എന്നാ അത് പറഞ്ഞിട്ട് പോണം….””” അവനവളുടെ കവിളിനിടതുഭാഗത്തേക്ക് മുഖം കൊണ്ടുപോയി പറഞ്ഞു… ഒന്നും കേൾക്കാത്തതുകൊണ്ട് മുഖം ചെരിച്ചവൾ അവന്റെ ചുണ്ടിന്റെ അനക്കം നോക്കി… “”ഏഹ്…””” അറിയാതെ വീണ്ടും ചോയ്ച്ചുപോയി… “”ഇടതുഭാഗം കേൾക്കില്ല കണ്ണേട്ടാ….”” അവൻ ചാടിത്തുള്ളി പോകുമ്പോ അവള് നിറഞ്ഞകണ്ണോടെ പിറകിൽനിന്നും ഉച്ചത്തിൽ വിളിച്ചു പറഞ്ഞു….

“”ഇതിവിടെ കുഴിച്ചിടാം വളർന്ന് വലുതായി നിറയെ ചാമ്പക്ക ഉണ്ടാകും.. അപ്പൊ നമ്മുക്ക് കുറെ കഴിക്കാം… കുറെ ഉപ്പിലിടാം.. കുറച്ച് രാഘവേട്ടന്റെ പീടിയേൽ കൊടുത്ത് പകരം പല്ലിന്മേലൊട്ടി വാങ്ങിച്ചു തിന്നാം… ല്ലേ ദേവൂട്ടി…””” ഓർമയിൽ നിറമുള്ള കുട്ടിക്കാലം വന്ന് ചേർന്നു…. “വാ ദേവൂട്ടി എന്തിനാ പുറത്തിരിക്കണേ… ചെല്ല് ചെന്ന് ചെവീല് മരുന്നാക്കിക്കെ എന്നിട്ട് ചെന്ന് കിടക്ക്…..” “എന്തിനാമ്മേ എനിക്കിനി മരുന്നൊക്കെ ഇനി ഈ ചെവിയൊട്ടും കേൾക്കില്ല.. പിന്നെ വെറുതെ ന്തിനാ….” “എന്തേ അമ്മേടെ കുട്ടിക്ക്.. സുഖല്യേ…??? അതോ കണ്ണൻ ഇന്നും എന്തേലും പറഞ്ഞോ…??” അവരൊരു ചിരിയോടെ അവളുടെ മുടിയിഴകളിലൂടെ തലോടി… “ഇഷ്ടാണോ അമ്മേടെ കുട്ടിക്ക് കണ്ണനെ….???” അവള് നിറകണ്ണുകളോടെ അമ്മേടെ മുഖത്തേക്ക് നോക്കി… “വേണ്ട കുട്ട്യേ.. അവനിപ്പം പഴയ ഇഷ്ട്ടൊന്നും എന്റെ മോളോടില്ല…. പിന്നെ നമ്മക്കും കുറവുകളില്ലേ… ദേവൂട്ടി അതൊക്കെ അങ്ങ് മറന്നേക്ക്…” പറയുന്നതിനൊപ്പം ഒലിച്ചിറങ്ങുന്ന മിഴിനീരാമ്മ തുടച്ചുമാറ്റി….””കണ്ണേട്ടാ…. കണ്ണേട്ടോ… ഒന്ന് നിന്നെ…”” തടസ്സം നിൽക്കാതെ വഴീന്ന് മാറ് പെണ്ണേ… “ഇന്ന് വീട്ടിലേക്ക് വരാൻ പറഞ്ഞു അമ്മ കണ്ണേട്ടനോടും ദേവിയമ്മയോടും…” “എന്താ അവിടെ നിന്റെ അപ്പൂപ്പൻ ചത്തോ… ???” “”ഏഹ്..? “” ഒന്നും മെല്ലെ പറയെന്റെ കണ്ണേട്ടാ…. എനിക്ക് ചെവിയില്ലാന്ന് അറിയില്ലേ… “”നീയൊന്ന് മാറിക്കെ എനിക്ക് പോയിട്ട് വേറെ പണിയുണ്ട്…”” വീണ്ടുമവൻ ഇടതുചെവിടെ സൈഡിലേക്ക് മുഖം ചേർത്ത് പറഞ്ഞു… ദേവു എന്നത്തേയും പോലെ അവന്റെ ചുണ്ടനക്കം നോക്കി… മുന്നോട്ട് നടന്ന അവന്റെ കൈകളിൽ അവൾ പിടുത്തമിട്ടു…. “””ദേവൂട്ടിനെ കാണാൻ ഇന്നൊരു കൂട്ടര് വരുന്നുണ്ട്.. ഞങ്ങൾക്ക് രണ്ടാൾക്കും നിങ്ങള് മാത്രല്ലേ ഉള്ളൂ അമ്മയൊന്ന് അത്രിടംവരെ വരാൻ പറഞ്ഞു…””” പറഞ്ഞു കഴിഞ്ഞതും കൈകൾ അയച്ചവൾ തിരിഞ്ഞു നടന്നുപോയി…. ദേ ഇതാണ് ചെറുക്കൻ… ദേവു നേർത്ത ചിരിയോടെ വന്നവർക്ക് ചായ കൊടുത്തു.. ഇടയ്ക്കിടെ ഒളികണ്ണിട്ട് അവൾടെ കണ്ണേട്ടനെ നോക്കികൊണ്ടിരുന്നു… ഫോണിൽ നിന്നും തലയുയർത്തുന്നില്ലായിരുന്നു….. അവരെല്ലാം പറഞ്ഞുറപ്പിക്കുമ്പോഴും പ്രതീക്ഷ നഷ്ടപ്പെടാതെ അവള് കണ്ണനെ ഉറ്റുനോക്കി… തിരിഞ്ഞ് ചെന്ന് റൂമിൽ കയറി നിലത്തേക്ക് ഊർന്നിറങ്ങി ശബ്ദം പുറത്തുവരാതെ കരഞ്ഞു തീർത്തു….

“”കണ്ണേട്ടാ… എന്തേ കുളപ്പടവിൽ…”” അവളവന്റെ വലതുഭാഗത്തായി ഇരുപ്പുറപ്പിച്ചു….. “”മോശൊന്നുല്യാ ലേ കണ്ണേട്ടാ… നമ്മടെ കറുമ്പി പശൂനെപോലെ ഇത്തിരി നിറം കുറവാ ആൾക്ക്… ന്നാലും മുറ്റത്തെ ചാമ്പക്കേടെ ചുമപ്പാ കണ്ണിനും ചുണ്ടിനും, വലത്തേ കൈപ്പത്തി ഏതോ മെഷീന്റെ ഉള്ളിൽ കുടുങ്ങ്യപ്പോ മുറിച്ചു മാറ്റീതാത്രെ.. പിന്നെ മുന്നിലുള്ള പൊട്ടിയ പല്ലില്ലേ ഇച്ചിരി നിറം വ്യത്യാസം ഉള്ളത്.. അത് കുഞ്ഞുന്നാളിൽ കളിച്ചപ്പോൾ വീണതാണെന്നാ പറഞ്ഞേ…””” ചിരിയോടെ എങ്ങനെയൊക്കെയോ പറഞ്ഞു “എന്നാലും ഈ പൊട്ടിയെ ഇഷ്ടായെന്നാ പറഞ്ഞേ.. ന്റെ ഭാഗ്യാലെ കണ്ണേട്ടാ…?? നിറഞ്ഞ കണ്ണുകൾ മറച്ചുപിടിച്ചവൾ പൂപ്പൽ പിടിച്ച കുളക്കടവിലെ ഭിത്തിമേലുള്ള കുഞ്ഞു ചെടികൾ പറിച്ചെടുത്തുകൊണ്ടിരുന്നു….” “””ഇഷ്ടായിരുന്നു ദേവൂട്ടിക്ക് ഈ കണ്ണേട്ടനെ… ഈ ചെവി ഉണ്ടായിരുന്നെങ്കിൽ ഞാൻ ആർക്കും വിട്ടുകൊടുക്കില്ലായിരുന്നു… ശ്രീലയത്തെ ദേവിയമ്മേടെ അടുക്കളേൽ ഞാനും ഉണ്ടായിരുന്നേനെ ആ അമ്മയ്ക്കൊരു കൂട്ടായിട്ട്.. നേർത്ത സ്വരത്തിൽ അവളവളുടെ ഉള്ള് തുറന്നു… വലതു ചെവി അടച്ചു പിടിച്ചു… ചെറിയൊരു ഒരു അവഗണനയുടെ വാക്ക്പോലും ഇനിയും കേൾക്കാൻ വയ്യാ….””” പതിവ് പോലവൻ ഇടതുചെവിക്കരുകിൽ എന്തോ പറഞ്ഞു… അവളവന്റെ ചുണ്ടിലേക്ക് തന്നെ നോക്കികൊണ്ടിരുന്നു…. “”കേട്ടില്ല കണ്ണേട്ടാ ദേവൂട്ടിക്ക് ഇടത്തെ ചെവി ഒട്ടും കേൾക്കണില്ലാന്നേ…. ഇനീപ്പം കേൾകേം വേണ്ടാട്ടോ…. മുഖം കണ്ടാലറിയാം ന്നെ വഴക്ക് പറഞ്ഞതാന്ന്…”” എഴുന്നേറ്റ് പോകാൻ തുനിഞ്ഞപ്പോൾ അവനവളെ പിടിച്ചുവലിച്ച് മടിയിലേക്ക് ചെരിച്ചു കിടത്തി… “””ദേവിയമ്മേടെ അടുക്കളേൽ ചോറും മോര്കാളനും ഉണ്ടാക്കണേൽ ചായ കൊടുക്കേണ്ടത് കണ്ട അവനും ഇവനും ഒന്നുമല്ലാന്ന്…. മനസിലായൊടി ഒറ്റച്ചെവിയത്തി….””” വലത്തേ ചെവിയിൽ അലയടിച്ച അവന്റെ ശബ്ദം കേട്ടവൾ ഞെട്ടലോടെ കണ്ണുയർത്തി അവനെ നോക്കി…. ഈ ചെവിപോയ സമയത്ത് നീയെന്നോട് മിണ്ടാട്ടം നിർത്തീത് ഓർമണ്ടോ ദേവൂട്ടിക്ക്….? ഞാൻ എന്തേലും പറഞ്ഞാലും ശ്രദ്ധിക്കാതെ വേറെ എന്തൊക്കെയോ ഓർത്തിരുന്ന് ഒരു നൂറുവട്ടം നീ “”ഏഹ് ഏഹ്”” ന്ന് ആവർത്തിച്ച് ചോയ്ച്ചോണ്ടിരിക്കും… “ദേഷ്യവും സങ്കടവും വന്നിട്ടാ ഞാൻ സംസാരം നിർത്തീത്…. പിന്നെ ഒരുപാടിഷ്ടായിരുന്നു നീ കണ്ണേട്ടാന്ന് വിളിച്ച് പുറകെവരണത് കാണാൻ.. ഞാൻ ദേഷ്യപ്പെടുമ്പോ, പിണങ്ങുമ്പോ കണ്ണ് നിറയ്ക്കണ നിന്നെ കാണാൻ നല്ല ചേലാടി ദേവൂട്ടി… ” അവനിത്തിരി കുറുമ്പോടെ പറഞ്ഞു… “അപ്പം എന്തിനാ എപ്പഴും എന്റെ ഇടത്തെ ചെവിക്കരുകിൽ സംസാരിക്കുന്നെ…??? അറിയില്ലേ എനിക്ക് ആ ചെവി കേൾക്കൂലാന്ന്…”പരിഭവം നിറഞ്ഞു വാക്കുകളിൽ “അതോ…ഞാൻ അങ്ങനെ സംസാരിക്കുമ്പോ നിന്റെ കണ്ണെപ്പോഴും എന്റെ ചുണ്ടിലായിരിക്കും…. അപ്പോഴൊക്കെ എന്റെ കണ്ണെവിടാന്ന് നീ ശ്രദ്ധിച്ചിട്ടുണ്ടോടി..?? മ്മ്ഹ്ഹ്…??” “”മ്മ്ഹ് മ്ഹ്ഹ്….”” അവള് ഇല്ലാന്ന് തലയനക്കി “ദേ ഇവിടെ… അവൾടെ ഇടത്തെ കവിളിലെ ചെവിയുടെ അരികിലായുള്ള കറുത്ത വലിയ കാക്കപുള്ളിയിൽ അവൻ വിരലോടിച്ചു… ആവേശത്തിൽ ചുണ്ടുകൾ അവിടെ പതിഞ്ഞു…..അവളൊന്ന് പൊള്ളിപ്പിടഞ്ഞവന്റെ ഷർട്ടിൽ മുറുകെ പിടിച്ചു…..””””ദേവൂട്ടി….””” അവളവന്റെ വയറിലേക്ക് മുഖം പൂഴ്ത്തി… “കണ്ണേട്ടാ…” “എന്തോ…” “ദേ….” അവള് മുറുകെപ്പിടിച്ച കൈകൾ പതുക്കെ തുറന്നു.. ‘ചുവന്ന ചാമ്പയ്ക്ക…’ അവനൊരു ചിരിയോടെ അത് വാങ്ങി കടിച്ചു… ബാക്കി പകുതി നിറഞ്ഞ ചിരിയാലെ അവൻ അവൾക്കായി പകുത്തുനൽകി….

കഥ ഇഷ്ടമായെങ്കിൽ ലൈക്ക് കമന്റ് ചെയ്യണേ… കൂടുതൽ കഥകൾക്കായി ഈ പേജ് ലൈക്ക് ചെയ്യൂ….

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular