Connect with us

Love

ഒരു ലോക്ക്ഡൗൺ പെണ്ണുകാണൽ

Published

on

രചന: പ്രവീൺ ചന്ദ്രൻ

അടുത്ത ദിവസം അവളെ പെണ്ണുകാണാൻ ചെറുക്കനും കൂട്ടരും വരുന്നുണ്ടെന്ന് കേട്ടതോടെ അവളുടെ ടെൻഷൻ ഇരട്ടിയായി.. “നീ എന്തിനാ അച്ചു ഇങ്ങനെ ടെൻഷനടിക്കുന്നത്? അവര് വന്ന് കണ്ടിട്ട് പോട്ടേന്ന്.. ” അനുജത്തിയെ ആശ്വസിപ്പിക്കാനെന്നോണം ആതിര ചോദിച്ചു.. “ഇവർക്ക് ഈ ലോക്ക്ഡൗൺ കഴിഞ്ഞിട്ട് വന്നാ പോരേ? ഇപ്പോ തന്നെ കെട്ടി എടുക്കണോ? അല്ലേലെ എനിക്ക് ഈ ഒരുങ്ങികെട്ടി നിക്കണത് ഇഷ്ടല്ല.. ഇതെത്രാമത്തെ തവണയാ..” അല്പം മുഷിപ്പോടെയാണ് അവളത് പറഞ്ഞത്.. “അതൊന്നും നമ്മുടെ കയ്യിലല്ലല്ലോ മോളേ.. നിന്റെ യോഗം ചിലപ്പോ ഇതിലാണെങ്കിലോ? ” അതല്ല ചേച്ചി.. ഈ മുഖക്കുരു കണ്ടോ മൂക്കിലും ഉണ്ട് കവിളത്തും ഉണ്ട് ചക്കപോലത്തെ.. കണ്ണാടീ നോക്കുമ്പോ തന്നെ എന്തൊരു വൃത്തികേടാ.. ഇങ്ങനെ കണ്ടാ ഏത് ചെക്കനാ ഇഷ്ടപെടാ.. മൂന്നാല് ദിവസം കഴിഞ്ഞ് വന്നിരുന്നെങ്കിൽ ഇത് പോയേനെ…” അവൾ പറഞ്ഞത് കേട്ടിട്ട് ആതിരയ്ക്ക് ചിരിയാണ് വന്നത്.. ” ഓ പിന്നെ നിന്റെ ഒരു മുഖക്കുരു.. അതൊക്കെ ഈ പ്രായത്തിലുള്ള പെണ്ണുങ്ങൾക്ക് പറഞ്ഞിട്ടു ള്ളതല്ലേ? അതൊന്നും സാരല്ല്യ.. എന്റെ കല്ല്യാണ സമയത്ത് വരെ ഉണ്ടായിരുന്നു ചക്കപോലത്തെ രണ്ടെണ്ണം.. ” “ചേച്ചിക്ക് അത് പറയാം.. അല്ലേലെ ഉള്ള ക്രീമെല്ലാം വാരിത്തേച്ചാ ഒരു മെനയൊക്കെ ഉണ്ടാക്കി എടുത്തത്.. ? അതാണേൽ കൃത്യമായി മൂക്കിൽ തന്നെ വന്നു.. പൊട്ടിച്ച് കളഞ്ഞാ അതിനും വൃത്തി കേടാവും.. ” അവളുടെ വിഷമം കണ്ടപ്പോൾ ആതിരയ്ക്കും ആശങ്കയായി.. എത്രയോ കൂട്ടരാണ് അവളെ ഇത് വരെയ്ക്കും പെണ്ണ് കാണാൻ വന്നിട്ടുള്ളത് എല്ലാം ഓരോരോ കാരണങ്ങൾ വന്ന് മുടങ്ങും.. ഇത് അവരുടെ അകന്ന ബന്ധു വഴി വന്ന ഒരു ആലോചന ആയിരുന്നു.. ജാതകം നോക്കി ചേർന്നതിന് ശേഷമാണ് അവർ വരുന്നത്.. തന്നെ യുമല്ല തങ്ങളുടെ കുടുംബത്തിന്റെ അവസ്ഥയെ ല്ലാം അറിഞ്ഞ് കൊണ്ട് തന്നെയാണ് അവർ വരുന്നതും.. എന്ത് ചെയ്യണമെന്ന് ആലോചിച്ചിരിക്കുമ്പോ ഴാണ് ആതിരയ്ക്ക് ഒരു ആശയം തോന്നിയത്… ” ഡീ ഒരു വഴിയുണ്ട്.. ” ” എന്താ ചേച്ചി?” അവൾ ആകാംക്ഷയോടെ ആതിരയുടെ മുഖത്തേക്ക് നോക്കി.. “ബ്രേക്ക് ദ ചെയിൻ” ” എന്താ ചേച്ചി പറഞ്ഞ് വരുന്നത്?” “ഡീ ഇപ്പോ കൊറോണക്കാലം അല്ലേ? മാസ്ക്ക് ധരിക്കുന്നത് കരുതലിന്റെ ഭാഗമല്ലേ? അതുകൊണ്ട് നീ ഒരു മാസ്ക്ക് വയ്ക്ക്.. അപ്പോ നിന്റെ മുഖക്കുരു ആരും കാണുകയുമില്ല.. ധൈര്യമായി അവരുടെ മുന്നിൽ പോയി നിൽക്കു കയും ചെയ്യാം… എങ്ങനുണ്ട് ഐഡിയ?” ആതിര പറഞ്ഞത് കേട്ട് അവൾക്ക് സംശയമായി.. “സംഗതി കൊള്ളാം.. പക്ഷെ അവർ മാസ്ക്ക് അഴിച്ച് കാണണമെന്ന് പറഞ്ഞാൽ?” ” അതിന് വഴിയുണ്ട്.. അവരെക്കൊണ്ട് അത് ചോദിപ്പിക്കാതിരുന്നാ പോരേ.. ഞാൻ ചേട്ടനോടും കൂടെ ഒന്ന് പറയാം.. നമുക്ക് ഒന്ന് ശ്രമിച്ച് നോക്കാടി.. ” ചേച്ചി പറയുന്നതിനോട് പൂർണ്ണമായി യോചിപ്പി ല്ലെങ്കിലും അതല്ലാതെ വേറെ വഴിയൊന്നുമില്ലാ ത്തത് കൊണ്ട് അവൾ അതിന് വഴങ്ങുകയായിരുന്നു.. പിറ്റെ ദിവസം പറഞ്ഞ സമയത്ത് തന്നെ ചെറുക്കനും കൂട്ടരും വന്നു… ചെറുക്കനും അമ്മാവനും രണ്ട് സുഹൃത്തുക്കളുമായിരുന്നു വന്നിരുന്നത്.. ലോക്ക്ഡൗൺ ആയതിനാൽ എല്ലാവരുടേയും മുഖത്ത് മാസ്കും ഉണ്ടായിരുന്നു… വീടിന് പുറത്ത് വച്ചിരിക്കുന്ന ഹാന്റ് വാഷും ബക്കറ്റും വെള്ളവും കണ്ട് ചെറുക്കനും കൂട്ടർക്കും പ്രത്യേകിച്ച് ഒന്നും തോന്നിയില്ല.. ഈ സമയം അങ്ങനെയാണല്ലോ… അവരെ സ്വീരിക്കാനായി ആതിരയുടെ ഭർത്താവാണ് ഉമ്മറത്ത് നിന്നിരുന്നത്.. ” ഒന്നും വിചാരിക്കരുത്.. ഒരു കരുതൽ എന്ന നിലയ്ക്ക് ആ കൈകൾ നീട്ടിക്കോളൂ.. സാനിറ്റൈസറാണ്.. ആരോഗ്യ പ്രവർത്തകരും സർക്കാരും പറയുന്നത് നമ്മൾ അനുസരിക്കണമല്ലോ..” ചേട്ടൻ ചിരിച്ചു കൊണ്ടാണ് അത് പറഞ്ഞത്.. അത് കേട്ട് ഒന്നമ്പരന്നെങ്കിലും ഇപ്പോഴത്തെ സാഹചര്യത്തിൽ വേണ്ടാന്ന് പറയാൻ അവർക്കു മായില്ല.. “അതിനെന്താ വളരെ നല്ല കാര്യമല്ലേ? നമ്മൾ സൂക്ഷിച്ചാ നമുക്ക് കൊള്ളാം.. ” അമ്മാവനാണ് അത് പറഞ്ഞത്.. കൈകൾ വൃത്തിയാക്കിയതിന് അവർ അകത്തേക്ക് കയറി.. സോഫയിൽ അവരെ ഇരുത്തിയതിന് ശേഷം ചേട്ടൻ ഒന്നുകൂടെ അവരോട് പറഞ്ഞു.. “ആ മാസ്ക്ക് അഴിക്കണ്ടാട്ടോ.. പിന്നെ ഒരു മീറ്റർ അകലം പാലിച്ചിരുന്നാ മതി…”

“എന്ത് കരുതലാണീ മൻസ്യന്” ചേട്ടൻ പറഞ്ഞത് കേട്ട് സുഹൃത്ത് ചെറുക്കന്റെ ചെവിട്ടിൽ പറഞ്ഞു.. അത് കേട്ട് അവനും ചിരി വന്നു.. “അല്ല ഞാൻ ആരോഗ്യവകുപ്പിലാണേ വർക്ക് ചെയ്യുന്നത് അത് കൊണ്ടാ കുറച്ചൂടെ മുൻകരുതൽ .. ഒന്നും തോന്നരുത്..” ചേട്ടൻ പറഞ്ഞത് കേട്ടപ്പോഴാണ് അവർക്ക് കാര്യങ്ങൾ കൂടുതൽ വ്യക്തമാക്കിയത്.. “അതൊന്നും സാരമില്ല്യ.. നല്ല കാര്യമല്ലേ?” അമ്മാ വൻ വീണ്ടും ഇടക്ക് കയറി.. ഇതെല്ലാം ജനലിലൂടെ ഒളിച്ച് കണ്ട ആതിര അവളോടായ് പറഞ്ഞു.. “എങ്ങനുണ്ടെന്റെ ബുദ്ധി? ഇനി നിന്നോട് മാസ്ക്ക് ഊരാൻ അവർ പറയില്ല മോളേ?” അത് കേട്ടപ്പോൾ അവൾക്കും സന്തോഷമായി.. മാസ്ക്ക് ധരിച്ച് ചായയുമായി മന്ദം മന്ദം അവൾ അവരുടെ മുന്നിലേക്ക് ചെന്നു… അവൻ അവളുടെ മുഖത്തേക്ക് നോക്കി.. ആകെ പുറത്ത് കാണുന്ന അവളുടെ ഉണ്ടക്കണ്ണ് അവന് പെരുത്തിഷ്ടമായി… അല്പനേരം ആ കണ്ണുകളിലേക്ക് തന്നെ അവൻ നോക്കി.. അവന്റെ നോട്ടം കണ്ട് അവൾക്കും നാണമായി.. കട്ട താടിയും മീശയുമുള്ള ചെക്കനെ വേണമെന്നായിരുന്നു അവളുടെ സങ്കൽപം.. താടിയുടെ അല്പഭാഗങ്ങൾ മാസ്ക്കിനടിയിലൂടെ കണ്ടത് കൊണ്ട് താടി ഉണ്ടെന്ന് അവൾക്ക് ബോധ്യമായി… “അല്ലാ കുട്ടികൾക്കെന്തെങ്കിലും സംസാരിക്കാ നുണ്ടാവുമല്ലോ അല്ലേ? ” അമ്മാവൻ പറഞ്ഞത് കേട്ട് അവളൊന്ന് ഞെട്ടി… അവൾ ചേട്ടന്റെ മുഖത്തേക്ക് നോക്കി.. “അതിനെന്താ പുറത്തെ മാവിൻ ചുവട്ടിലേക്ക് പോയ്ക്കൊള്ളൂ.. നല്ല തണലുണ്ട്.. മനസ്സ് തുറന്ന് സംസാരിച്ചോളൂ… ” അത് കൂടെ കേട്ടതോടെ അവൾക്ക് ആധി കൂടി.. അതോടെ പണി പാളിയെന്ന് ആതിരയ്ക്കും തോന്നി… അവർ ഇരുവരും മാവിൻ ചുവട്ടിലേക്ക് നടന്നു.. രണ്ട് പേരുടേയും മുഖത്ത് പരിഭ്രമം പ്രകടമായി രുന്നു.. മാവിൻ ചുവട്ടിലെത്തിയതും അവൻ ചോദിച്ചു.. ” അച്ചൂന്ന് ആണല്ലേ എല്ലാരും വിളിക്കുന്നത്? നല്ല പേരാട്ടോ” “ങ്ങും” അവൻ പറഞ്ഞത് കേട്ട് അവൾ അല്പം നാണത്തോടെ മൂളി.. ” എനിക്ക് കൂടുതൽ ഒന്നും ചോദിക്കാനില്ല.. ഞാൻ തന്നെ കണ്ടിട്ടുണ്ട് ഒരുപാട് തവണ.. ബസ്സിൽ വച്ചും അമ്പലത്തിൽ വച്ചും ഒക്കെ.. അച്ചു എന്നെ ശ്രദ്ധിച്ചിട്ടില്ലെന്നേ ഉള്ളൂ.. എനിക്ക് ഇഷ്ടമാണ്.. ഇഷ്ടം തുറന്ന് പറയാൻ പേടിയുണ്ടാ യിട്ടല്ല.. അത് അന്തസ്സായി തന്നെ വന്ന് പറയാമെന്ന് കരുതി…അച്ചൂന് എന്തേലും എന്നെക്കുറിച്ച് അറിയാനുണ്ടേൽ ചോദിക്കാം..” അവൻ പറഞ്ഞത് കേട്ട് അവൾക്ക് ആശ്ചര്യമായി അവൾ അവന്റെ മുഖത്തേക്ക് തന്നെ സൂക്ഷിച്ച് നോക്കി.. “എന്താ ഇങ്ങനെ നോക്കുന്നത്? ഞാൻ പറഞ്ഞില്ലേ എന്നെ കണ്ട്കാണാൻ വഴിയില്ലാന്ന്.. എന്നെ കാണണമെന്ന് ഉണ്ടാവുമല്ലേ? എന്ത് ചെയ്യാനാ മാസ്ക്ക് ഊരരുതെന്നല്ലേ ചേട്ടൻ പറഞ്ഞിരിക്കുന്നത് ” അവൻ പറഞ്ഞത് കേട്ട് അവൾക്ക് ചിരിവന്നു..

“അങ്ങനെ ഒന്നുമില്ല.. ഇനി ഇപ്പോ എന്തായാലും സത്യം പറയാലോ.. ഈ മാസ്ക്ക് ഒക്കെ ചേച്ചീടെ ഐഡിയയാ.. വേറൊന്നുമല്ലാട്ടോ ഒന്ന് രണ്ട് മുഖക്കുരു വന്നത് കാരണം മുഖം കാണിക്കാൻ വിഷമിച്ചിരുന്നത് കൊണ്ട് ചേച്ചിയും ചേട്ടനും കൂടെ ഒപ്പിച്ചപണിയാ… ഇനീപ്പോ ഇതിന്റെ ആവശ്യമില്ലല്ലോ..” അതും പറഞ്ഞ് ചിരിച്ച് കൊണ്ട് അവൾ മുഖത്തെ മാസ്ക്ക് അഴിച്ചു… അത് കേട്ട് അവനും ചിരിവന്നു.. “ആഹാ.. അപ്പോ താനും എന്റെ പോലെ അറിഞ്ഞ് കൊണ്ട് തന്നെയാ മാസ്ക്ക് ഇട്ടതല്ലേ? ഈ കൊറോണകൊണ്ട് അങ്ങനേം ഉപകാരമു ണ്ടായല്ലോ? ” അവൻ പറഞ്ഞത് കേട്ട് അവൾ സംശയത്തോടെ അവനെ നോക്കി.. ” ചേട്ടനും മുഖക്കുരുവാണോ പ്രശ്നം?” ” ഏയ്.. മുഖക്കുരു ഒന്നും അല്ല.. രാവിലെ ചെറിയൊരു അബദ്ധം പറ്റി.. ബാർബർഷോപ്പ് എല്ലാം മുടക്കല്ലേ.. മീശയിൽ ഒന്ന് പണി പഠിച്ചതാ.. അബദ്ധത്തിൽ ഒരു ഭാഗം അല്പം കയറിപ്പോയി.. ആകെ വിഷമത്തിലിരിക്കു മ്പോഴോ ഫ്രണ്ട് മാസ്ക്കിന്റെ കാര്യം പറഞ്ഞത്.. മാസ്ക്ക് അഴിക്കേണ്ടി വരുമോന്ന് ഒരു ടെൻഷനുണ്ടായിരുന്നു.. ഇവിടെ വന്നപ്പോൾ ചേട്ടന്റെ സ്വീകരണം കൂടെ കണ്ടപ്പോളാ സമാധാനമായത്.. ഇനീപ്പോ കാണിക്കുന്നതിൽ വിരോധമില്ലല്ലോ?” അത് പറഞ്ഞു അവനും മാസ്ക് അഴിച്ച് മാറ്റി…. ആ മീശ കണ്ട് അവളും അറിയാതെ ചിരിച്ച് പോയി.. ആ ചിരി പിന്നെ അവരുടെ ജീവിതത്തിലേക്ക് പടരാൻ അധിക സമയം വേണ്ടി വന്നില്ല.. അങ്ങനെ ബ്രേക്ക് ദ ചെയിൻ വീട്ടുകാരെല്ലാം കൂടെ ലോക്ക് ദ ചെയിൻ (താലികെട്ട്) ആക്കി മാറ്റി…

ഇഷ്ടമായെങ്കിൽ ലൈക്ക് കമന്റ് ചെയ്യൂ… അഭിപ്രായങ്ങൾ അറിയിക്കൂ… കൂടുതൽ കഥകൾക്ക് ഈ പേജ് ലൈക്ക് ചെയ്യൂ…

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular