രചന/കടപ്പാട്: ദേവു ദേവകൃപ

സ്വപ്‍നത്തിൽ പോലും വിചാരിച്ചിരുന്നില്ല ഞാൻ ‘,…ഒരു കുഞ്ഞുള്ളയാളെ വിവാഹം കഴിക്കേണ്ടി വരുമെന്ന് …… അദ്ദേഹത്തിന്റെ വിവാഹലോചന എന്നിലേക്ക് വരുമ്പോൾ ‘, ….അയാൾക്കൊപ്പം എന്നെ യാത്രയാക്കാൻ എന്നെക്കാളേറെ താൽപ്പര്യം അച്ഛനും അമ്മയ്ക്കുമായിരുന്നു …… അവരെ എങ്ങനെ കുറ്റം പറയാൻ കഴിയും ??… എനിക്ക് താഴെയുള്ള ആളെയും കൂടിയവർ ഓർത്തുക്കാണും …..അല്ലേലും അദ്ദേഹത്തിന് എന്താണോരു കുറവ്?….ആദ്യ ഭാര്യൽ ഒരു കുഞ്ഞുണ്ടെന്നോഴിച്ച പറയാത്തക്ക ജോലിയുമുണ്ട് ‘,….സമ്പന്നന്നുമാണ്’, ഒരൊറ്റ മകനും………. വന്നവർ വന്നവർ കാള കച്ചോടം നടത്തും പോലെ ഞാനെന്ന പെണ്ണിനെ വച്ചു സ്ത്രീധന ലേലം വിളിച്ചപ്പോൾ അവരുടെ മുന്നിലെല്ലാം നിസ്സഹായതയോടെയാണ് ഇരുന്നതെന്റെച്ഛൻ …… അന്ന് മുതലേ വിവാഹലോചനയെന്നത് എന്നെ സംബന്ധിച്ചിടത്തോളം പേടിയുള്ള കാര്യമായി മാറിയിരുന്നു …… കൂലിപ്പണിക്കാരനായ അച്ഛന്റെ മോൾക്ക് പിന്നെ രാജകുമാരൻ വരുല്ലോന്ന് ???…. അമ്മായിയും അയൽ വക്കത്തുള്ളൊരും ചോദിക്കുന്നത് ഞാനും മനസ്സിൽ ഒരായിരം തവണ ചോദിച്ചു നോക്കി ….. ഇല്ല …. കൃത്യമായി ഒരുത്തരം കിട്ടിയിരുന്നില്ല …… കുടുംബത്തിന്റെ സ്ഥിതി അത്ര നന്നല്ലാത്തത് കൊണ്ട് ഡിഗ്രീ വരെ ഒരു തടസമില്ലാതെ മുന്നോട്ട് പോയി …. പിന്നെയും പഠിക്കണമെന്നൊക്കെ ഉണ്ടായിരുന്നെങ്കിലും ആ ആഗ്രഹം മനസ്സിലിട്ടു കുഴിച്ചു മൂടി കവലക്ക്‌ അടുത്തുള്ള ചിട്ടി ഫിനാൻസിൽ ജോലിക്ക് ചെന്നു കയറിയത് ….. ഇതിനിടയിൽ പ്രണയം പോലും വേണ്ടെന്ന് വച്ചു …… കാരണം പേടി തന്നെ വില്ലനായി ….. ചിലപ്പോൾ പ്രണയത്തിന്റെ ഒടുവിൽ വിവാഹത്തിലെത്തുമ്പോൾ ചോദിക്കുന്ന സ്ത്രീധനം നൽകാൻ സാധിക്കുമോയെന്ന ഭയം …… അങ്ങനെയുള്ള ചോദ്യത്തിനു ഉത്തരവുമായാണ് ഇദ്ദേഹത്തിന്റെപ്പൊമുള്ള ഈ വിവാഹം പോലും …… എപ്പോഴൊക്കെയോ ചിട്ടി ഫിനാൻസിൽ വന്നപ്പോൾ ഇയാളുടെ അമ്മയ്‌ക്ക് കണ്ടു ഇഷ്ട്ടപ്പെട്ടുന്ന് മാത്രമാണ് അച്ഛൻ പറഞ്ഞത് …….ചെറുതിലെ തൊട്ട് ഹാർട്ടിൻ ബ്ലോക്കുള്ള അനിയത്തിടെ ഓപ്പറേഷനും കൂടി സഹയിക്കാന്നവർ പറഞ്ഞത് കേട്ടപ്പോൾ ‘, ഈ വിവാഹത്തോടെ അവൾ രക്ഷപ്പെടുലൊന്ന ഓർത്തു ഞാനും അങ്ങട് സമ്മതിച്ചു കൊടുത്തു…… ചെറിയൊരു ചടങ്ങു മാത്രമായിരുന്നു എന്റെ വിവാഹം ….. പേരിനൊരു താലിയും സിന്ദൂരവും ചാർത്തി അദ്ദേഹമെന്നെ അദ്ദേഹത്തിന്റെ അവകാശിയാക്കിയപ്പോൾ വലതു കൈയിൽ ഇടം നേടിയിരുന്ന കുരുന്നും ….. വിളിച്ചവരോ വന്നവരിലോ ആയിരുന്നില്ല എന്റെ ശ്രദ്ധ. അതത്രയും അയാളുടെ കൈയിലിരുന്ന കുഞ്ഞി മോളിലായിരുന്നു …..വെറുതെ പാളി എന്റെ അവകാശിയെയുമൊന്ന് നോക്കി ‘, ഇല്ല …. അവിടെ നിന്നൊരു നോട്ടമില്ല …. ആരുടെയോ നിർബന്ധമാണ് ഈ കല്യാണത്തിന് പിന്നിലെന്ന് അദ്ദേഹത്തിന്റെ പെരുമാറ്റം തന്നെ മനസ്സിലാക്കി തന്നിരുന്നു ചുരുങ്ങിയ നിമിഷങ്ങളിലൂടെ ……. “”””എത്രയൊക്കെ ഭാര്യാന്ന് പറഞ്ഞാലും രണ്ടാംതരക്കാരിയല്ലേ ??……””””” “”””നിന്റെ തലയ്ക്ക് വല്ല ഓളവും ഉണ്ടോ … ഒരു കുഞ്ഞുള്ളാളെ കെട്ടാൻ ??? ….”” എന്ന് വിവാഹത്തിന് വന്ന കൂട്ടുകാരികളും അദ്ദേഹത്തിന്റെ ബന്ധുമിത്രാദികളുടെയൊക്കെ സംസാരത്തിനും ചോദ്യത്തിനും മറുപടി കൊടുത്തില്ല …. പകരം ചിരിച്ചു തള്ളി ഞാൻ ….. അല്ലേലും ജീവിതവും സ്വപ്നവും ത്രാസ്സിൽ തൂക്കിയെടുത്തു വിറ്റവൾക്ക്‌ ഇനിയെന്തല്ലേ ??……. ********** “കൗസ്തുഭം” അതായിരുന്നു ആ വീട്ടുപേര് …. ശരിക്കും പറഞ്ഞൊലൊരു പഴയ തറവാട് പെരുമ നിറഞ്ഞു നിന്നന്തരീക്ഷം …..

പട്ടിക്കൂട് പോലെ ഉള്ള തന്റെ വീട്ടിലെ ഓരോ മുറി പോലും ഈ വീടിന്റെ വരാന്തയ്ക്ക് അത്രയും പോലും കാണില്ല ‘,ഇത്ര വല്യ ആളാണെങ്കിൽ പിന്നെ എന്തിനാണ് ഇയാൾക്ക് എന്നെപോലെ സാധാരണ പെണ്ണ് ?.. ഇനി വല്ല കുഴപ്പവും ?? അങ്ങനെ നീണ്ടു നീണ്ടു പോയേന്റെ ലിസ്റ്റ് ….. എല്ലാത്തിനും കൂച്ചു വിലങ്ങിട്ട് ആ വീടിന്റെ പടി കയറുമ്പോഴും അദ്ദേഹത്തിന്റെ മുഖം മാത്രം ഇരുണ്ടിരുന്നു ….. ആദ്യ ദിവസമല്ലെയെന്ന് കരുതി ഞാനും അങ്ങട് ചെന്നില്ല …. തുറന്നു പറയും ‘, പറയാതെ എവിടെ പോവാനെന്ന് സ്വയം മനസ്സിനെ സമാധാനിപ്പിച്ചു അവിടെ മരുമകളായി മാറി ….. അദ്ദേഹത്തിന്റെ കയ്യിൽ നിന്നെന്നിലേക്ക് വരാൻ വല്യ മടിയായിരുന്നു കുഞ്ഞിപെണ്ണിന് ….. വെറും മൂന്നു വയസ്സിനോട് അടുത്താണ് പ്രായമെങ്കിലുമവളുടെ ചന്തമുള്ള ചിരിയിൽ ആരായാലുമൊന്ന് നോക്കിയിരുന്നു പോവും ആ പൊന്നു മോളെ…..അൽപ്പസ്വല്പം പാടുപ്പെട്ടാണെങ്കിലും കുഞ്ഞിയേ കയ്യിലൊതുക്കി……. പിന്നീടുള്ള എന്റെ ദിവസങ്ങൾ അവളിൽ തുടങ്ങി അവളിലായിരുന്നു അവസാനിച്ചത്……. മുത്തശ്ശിടെ കുറുമ്പി കുട്ടീ ,’ അദ്ദേഹത്തിന്റെ ആമി ‘, എന്റെ കുഞ്ഞാറ്റയും …… ഞാൻ അറിയാതെ തന്നെ ദിവസങ്ങൾ കൊണ്ടവൾ എന്നിൽ വേരൂറപ്പിച്ചു, അതുപോലെ കുഞ്ഞിപെണ്ണിൻ ” അമ്മെന്ന് ” വിളിയിൽ മനസ്സ് ഓരോ തവണയും നിറഞ്ഞിരുന്നു …. അളവിൽ കവിഞ്ഞു പിറവിയെടുത്ത മാതൃ വത്സല്യമായിരുന്നു ആ കുറുമ്പിയോട് …. ചെയ്യാവുന്നത്രെ കുസൃതിയും ഒപ്പിച്ചു വച്ചിട്ടുള്ള ചിരിയും മുന്താണി മറവിൽ വന്നൊളിച്ചു കളിയും …… അതായിരുന്നു എന്റെ കുഞ്ഞുസ്‌ …. ഓരോ തവണയും എന്തെങ്കിലും കുസൃതികൾ കാണിച്ചവൾ കുഞ്ഞരി പല്ലുകൾ കാണിച്ചു ചിരിക്കുമ്പോൾ വെറുതേയെങ്കിലും ഉടലെടുത്ത കപട ദേഷ്യമെങ്ങോ പോയി മറയും…..അദ്ദേഹത്തിന്റെ അമ്മയ്ക്കു എന്നെ വല്യ ഇഷ്ട്ടാണ് …. “””” ഓഹ് …. ഓഹ് എവിടെയും ഇല്ലാത്തോരു അമ്മയും മോളും ….. “””” ന്ന് അമ്മ പറഞ്ഞു കളിയാക്കി ചിരിക്കുമ്പോൾ ആ പൊടിപെണ്ണ് മുത്തശ്ശിയെ അവളുടെ വല്യ കണ്ണുകളുരുട്ടി പേടിപ്പിക്കുന്നത് കാണുമ്പോൾ ചിരി വന്നുപ്പോവും ……പക്ഷേ……അദ്ദേഹം മാത്രം വിവാഹം കഴിഞ്ഞ രാത്രി അളന്നു മുറിച്ചു രണ്ടു വാക്കുകളാണ് സംസാരിച്ചു ” മോളെ മാത്രം നോക്കിയ മതി” ന്നു ഒഴിച്ചു പിന്നീട് ഇതുവരെ ഒന്നു മിണ്ടിയിട്ടുമില്ല ….. ഇനി വിവാഹത്തിന് വന്നവർ രണ്ടാം കെട്ടാണെന്ന് പറഞ്ഞു കളിയാക്കിയത് കൊണ്ടാണോ ??… അതോ എന്നെ സ്വീകരിക്കാൻ കഴിയാത്തത് കൊണ്ടാണോ ??…. എന്റേതായ കാര്യങ്ങളിൽ ഇടപെടാറില്ല അയാൾ ….. ഞാനും മോളിലേക്ക് തന്നെ ഒതുങ്ങി കൂടിയിരുന്നു …. ഒരൊറ്റ മുറി ‘, ഒരു കട്ടിലിൽ ഇരു ധ്രുവങ്ങളിലേക്ക് നോക്കി കിടക്കുന്നവരാണ് ഞാനും അദ്ദേഹവും ….. കുഞ്ഞിപ്പെണ്ണിന്റെ ആവശ്യങ്ങൾക്ക് മാത്രം ഒന്നോ രണ്ടോ വാക്ക് ….. അല്ലെങ്കിൽ അതും ഉണ്ടാവില്ല്യന്നായി ….. എന്തോ വല്ലാത്ത ഒരു സങ്കടം വന്നു മൂടും നെഞ്ചിൽ ….. അപ്പോഴും ഓടി വന്നേന്നെ ചുറ്റിപിടിച്ച കുഞ്ഞു കൈയും “അമ്മേ ” ന്ന വിളിയും കേൾക്കുമ്പോൾ ആ സങ്കടമൊക്കെ എങ്ങോ പോയി മറയും ….. ദിവസങ്ങൾ ഓരോന്നായി കൊഴിഞ്ഞു വീഴുമ്പോൾ മാതൃ വാത്സല്യം കൊണ്ടെന്റെ മനസ്സ് ആകെയെങ്ങ് വല്ലാത്ത സന്തോഷം കൊണ്ട് നിറയും …. രാത്രി അദ്ദേഹത്തിന്റെ നെഞ്ചിൽ ചേർന്നു കിടന്നുറങ്ങുന്ന പീക്കിരിയേ കാണും തോറും കണ്ണുകൾ അനുസരണ കേട് കാണിക്കും … ഒന്ന് മിണ്ടികൂടെ ???…. എന്നാണ് ഞാൻ ഇങ്ങനെ എന്നൊക്കെ മനസ്സിൽ തന്നെ ചോദിക്കും…കുറെ നേരം അവരെ ഇരുവരെയും നോക്കിയങ്ങനെ ഇരുന്നു എപ്പോഴോ ഉറങ്ങുന്നത് പതിവാക്കി …… കടലോളം സ്‌നേഹാ ആ പെണ്ണിന് എന്നോട് …… ചെറിയൊരു വേദന അദ്ദേഹം തന്നെയായിരുന്നു …….

ആഴ്ചകളും മാസങ്ങളും കടന്നുപ്പോയി …..എന്തേ എന്നോട് മിണ്ടാതെ ??… ഇനി അയാളുടെ നിലയ്ക്കും വിലയ്ക്കും ചേർന്നവൾ അല്ലെ ??? ആദ്യ ഭാര്യക്ക്‌ എന്താ സംഭവിച്ചത് ? മരിച്ചുന്നാ പറഞ്ഞത് പക്ഷേ …. എല്ലാം അറിയണമെന്നുണ്ട് ആരോട് ചോദിക്കാൻ….. അമ്മയോട് ചോദിച്ചാല് ചിലപ്പോൾ ദേഷ്യപ്പെടുമോയെന്നോർത്തു മനസ്സിലൊതുക്കി വച്ചു …….എന്നോട് ശീതകാല സമരത്തിലായിരുന്നെങ്കിലും ഇതിനിടെ അനിയത്തിടെ ഓപ്പറേഷനും സഹായമൊക്കെ ചെയ്തു കൊടുത്തദേഹം…..ഓരോന്നോർത്ത് തൊടിന്ന് പറിച്ചെടുത്ത ചീര നന്നാക്കി എടുക്കുമ്പോൾ പൊടിപെണ്ണ് ചാടി തുള്ളി വന്നത് …… “””” അമ്മേ നിച്ചു കുഞ്ഞാവേ വാങ്ങി വരോ ???…. “”” കുഞ്ഞാവേയോ ???….. അറിയാതെ ഞാൻ അതെ ചോദ്യം ആവർത്തിച്ചപ്പോൾ പെണ്ണ് എളിയിൽ കയ്യും കുത്തി ചുണ്ട് പിളർത്തി …… ഇതെന്തെപ്പ കഥ ??… എവിടെന്ന് കിട്ടിയാവോ ഈ പൂതി ??…. “””” ആഹ് അമ്മേ ‘, വല്യമ്മ പയഞ്ഞുല്ലോ …. നിച്ചു കുഞ്ഞാവേ അമ്മ തരുന്നു….. അമ്മമ്മേം പയഞ്ഞു ???…. “”” മറുപടിയൊന്നും പറയാതെ പിന്നിലായി ഇരുന്നയാളെയൊന്നു നോക്കി …… പിന്തിരിഞ്ഞു നടക്കാൻ തുടങ്ങിതും കുഞ്ഞിപെണ്ണ് ഓടി വന്നു വട്ടം പിടിച്ചു വീണ്ടും വീണ്ടും ചോദിച്ചു ….. എന്ത് പറയണം ??…. ഞാൻ ‘, അങ്ങനൊരു ഭാഗ്യം ഇതു വരെ നിക്ക് ഇല്ല്യന്നോ ??… എനിക്ക് നേർക്കിരുന്ന ആ മനുഷ്യനെ നോക്കി നിന്നു … തിരിച്ചൊരു നോട്ടണ്ടവില്ല്യന്നറിഞ്ഞിട്ടും വെറുതെ ഒരു നോക്ക് ….. പിന്നെയും അവളത് ചോദിക്കുമെന്ന് ഭയന്നൊരു വെപ്രാളപ്പെട്ടുള്ള രക്ഷപ്പെടലായിരുന്നു …….

ജോലികൾ ഒതുക്കി തീർത്തു മുറിയിലേക്ക് വന്നു കയറുമ്പോഴും ഇതുവരെയില്ലാത്ത ഭയായിരുന്നു ….. എന്തിനാണ് അറിയാതെ കൈ കാലു വിറയ്ക്കുന്ന കണ്ടപ്പോൾ ദേഷ്യം തോന്നി …. മെല്ലെ തലയുള്ളിലേക്ക് ഇട്ടൊന്ന് എത്തി നോക്കി ….. കുഞ്ഞു പെണ്ണ് ഉറക്കായി , പക്ഷേ അദ്ദേഹം ….. ഇല്ല്യ ഉറങ്ങിട്ടില്ല….. ഉച്ചയ്ക് പെണ്ണ് പറഞ്ഞതിന്റെ വിശദീകരണം തരാനുള്ള ഇരിപ്പാണോന്ന് ആലോചിച്ചു അകത്തു കയറിയതും ന്നെ നോക്കി നിൽക്കായിരുന്നയാൾ ……. “”””അതേയ് ‘, …… മോൾ അറിയാതെ പറഞ്ഞതാണ് ??…. താനത് കാര്യക്കണ്ട ??…””” അറുത്തു മുറിച്ച സംസാരം ‘, കണ്ണാടിയിലൂടെ അദ്ദേഹത്തെ നോക്കി നിന്നു ….. എന്താണ് ‘, എന്താണ് ഇയാളുടെ പ്രശ്നമെന്നറിയാനായി പിന്തിരിഞ്ഞയാൾക്ക് മുന്നിൽ കയറി തടസ്സം നിന്നു ……… “””””എന്നെ….. ന്നെ താല്പര്യല്ലാതയാണോ വിവാഹം കഴിച്ചെ …… അതോ എല്ലാരും പറയണേ പോലെ മോളെ ഉപദ്രവിക്കുന്നക്കെ പേടിച്ചാണോ???…..”””” “””””അറിഞ്ഞിട്ടിപ്പോൾ എന്തിനാണ് ??… കിടക്കാൻ നോക്ക് …..””””” അതോടെ ആ സംസാരം അവിടെ തീർന്നുന്ന് പറയണേയാവും ശരി ……. അന്നത്തെ രാത്രി എന്തോ ഉറക്കം വന്നില്ല …. ആകെയൊരു തരം ദേഷ്യയാർന്നു എന്നോട് തന്നെ ….. തിരിഞ്ഞു മറിഞ്ഞും കിടന്നെ ദിവസം വെളുപ്പിച്ചു എടുത്തുന്ന് പറയാം …….. പിന്നെയും ….. പിന്നേം ദിവസം ഓടിപ്പോയി കൊണ്ടിരുന്നു ….. പക്ഷേ പഴേത് പോലെ ചോദ്യം ചോദിക്കാനോ അദ്ദേഹത്തെ ബുദ്ധിമുട്ടിക്കാനോ നിന്നില്ല ….. എന്തേലും ആയിക്കോട്ടെന്ന് വച്ചു ഞാൻ മോളിലേക്ക് മാത്രം ചുരുങ്ങി കൂടി ……. പിന്നാമ്പുറത്ത് പറമ്പ് ഒത്തിരിയുള്ളത് കൊണ്ട് അദ്ദേഹം പോയികഴിഞ്ഞ പിന്നെ ഞാനും അമ്മയും മോളും കൂടി അവിടെയായി ……. ജോലിയൊക്കെ തീർത്തു പറമ്പിൽ കുഞ്ഞു കുഞ്ഞു പടവലം പാവയും അങ്ങനെ വേണ്ട വീട്ടവശ്യം അനുസരണമുള്ള പച്ചക്കറി നട്ടു പിടിപ്പിച്ചു ….. അതിലൊക്കെ എന്നെക്കാൾ ഏറെ കുഞ്ഞാറ്റക്കായിരുന്നു തിടുക്കം ….. നനയ്ക്കാൻ കയറിയ പിന്നെ പറയണോ കഥ .. വീട്ടമ്മടെ ഭരണം പോലെയായിരുന്നു ….. ഞങ്ങൾ ചെയ്യുന്നതൊന്നും കുഞ്ഞിപ്പെണ്ണിന്റെ അച്ഛൻ മാത്രം ഇഷ്ടമായിരുന്നില്ല …… പലപ്പോഴും ഇതേ ചൊല്ലി തർക്കിച്ചു …….ഒടുവിൽ മോളുടെ വാശിക്ക് മിണ്ടാട്ടമില്ലാതായായി…… അദ്ദേഹത്തിന്റെ പെരുമാറ്റത്തിൽ അളവിൽ കവിഞ്ഞ ദേഷ്യമായിരുന്നു ….. പ്രേത്യകിച്ചു എന്നോട്….. ചിലപ്പോൾ എന്നെ ആദ്യ ഭാര്യടെ സ്ഥാനത്ത് സ്വീകരിക്കാൻ കഴിയാത്തത് കൊണ്ടന്നും മനസ്സിനെ പറഞ്ഞു പഠിപ്പിച്ചു …….. എങ്കിലും ഇത്തവണ ആ ചേച്ചിയെ കുറിച്ചുള്ള കാര്യം അറിയാനായി ജിജ്ഞാസയെറിയ കൊണ്ട് ഒരിക്കൽ …. ഒരിക്കൽ അടുക്കളയിൽ സഹായ ജോലികൾക്കിയിൽ ചോദിച്ചുപ്പോയി…. അന്ന് വരെ കരയാത്ത അമ്മയുടെ മിഴികളിൽ നീർ തിളക്കവും ദേഷ്യവും ഒരുപോലെ കണ്ടപ്പോൾ ചോദിക്കേണ്ടിയിരുന്നില്ലന്ന് തോന്നിപ്പോയി ….. എന്തായാലും അറിയണം എന്നാ ചിന്തയിൽ ചോദിച്ചും പോയതാണ് ….. “”””” ചത്ത കൊച്ചിന്റെ ജാതകം വായിച്ചിട്ട് എന്തിനാണ് ??…. നീ നിന്റെ പണി നോക്ക് മോളെ …”””” ചുവന്ന കണ്ണുകൾക്കൊപ്പം അമ്മ അന്ന് കടുപ്പിച്ചു വിലക്കി …… പിന്നെന്തോ ചോദിച്ചില്ല …. അല്ല ചോദിക്കാൻ പേടിയായിരുന്നു …….. പതിവില്ലാതെ അച്ഛൻ കാണണമെന്ന് വിളിച്ചറിച്ചപ്പോൾ ഓടി പോയി വരാന്ന് കരുതി ഒരുങ്ങിയപ്പോഴായിരുന്നു പെണ്ണിന്റെ വാശി ….. കരച്ചിലിന് ഒടുവിലവളുടെ വാശിക്ക് സമ്മതം അറിയിച്ചു അമ്മയോടും പറഞ്ഞവളെയും കൂട്ടി ചെന്നു …… വേഗം വരാന്ന് തന്നെ കരുതിതും …..വയ്യാത്ത അച്ഛനേയും അവിടെത്തെ വീടും പറമ്പും കണ്ടപ്പോൾ കുഞ്ഞിപെണ്ണിന് വരാൻ മടിയായി ….. എങ്ങനെയൊക്കെ പറഞ്ഞു മനസ്സിലാക്കിച്ചും മോളുമായി തിരിച്ചെത്തിയ നിമിഷം മുതൽ ഉറഞ്ഞു തുള്ളുകയായിരുന്നദ്ദേഹം …… എന്തിനെന്ന് പോലുമറിയാതെ മോളേയും പിടിച്ചു വാങ്ങി കണ്ണ് പൊട്ടുന്ന ചീത്തയും പറഞ്ഞു….. “””” തോന്നിയത് പോലെ ഇറങ്ങിപ്പോയി വാരനിത് സത്രല്ല ??… നിനക്ക് പോണമെങ്കിൽ ആവാം …. എന്റെ മോളേം കൊണ്ടു തെരുവ് തെണ്ടനാ നിന്റെ ഉദ്ദേശ്യമെങ്കിലതു വേണ്ട …. കൊന്നു കളയും മേലിൽ മോളേം കൊണ്ട് പോയിന്നറിഞ്ഞ ….. അതെങ്ങനെയാ തെരുവിൽ കഴിയേണ്ടതിനോ‌ക്കെ പിടിച്ചു മെത്തയിൽ കിടത്തിയ അതുക്കിടക്കില്ലല്ലോ … അത് അതിന്റെ സ്വഭാവ ഗുണം കാണിക്കും…… മതി എങ്ങോട്ടാന്ന് വെച്ച പൊയ്ക്കോ ….. “””” കരഞ്ഞുപ്പോയിരുന്ന ആ പെണ്ണ് ….. ഇതിലും ഭേദം എങ്ങോട്ടെങ്കിലും ഓടി രക്ഷപ്പെട്ട മതിന്ന് വരെ തോന്നിയോ ….അമ്മയെ ഒന്ന് നോക്കിയതും അമ്മ ദൈന്യമായി ആ മിഴി നിറച്ചു….. മോൾ എന്തോ നടന്നതെന്നറിയതെ പേടിച്ചു വിറച്ചിരുന്നു…. ഓടി മുറിയിലേക്ക്‌ കയറുമ്പോഴും കാതിൽ മുഴങ്ങി കേട്ടു ” തെരുവ് പെണ്ണെന്നത്”””….. അന്നത്തെ രാത്രിയിലൂടെ നീളം കരഞ്ഞു തീർക്കുമ്പോൾ മനസ്സ് നീറി പുകഞ്ഞു …. ഒരിക്കലെങ്കിലും സ്നേഹിക്കുമെന്ന പ്രതീക്ഷയും നഷ്ട്ടപ്പെട്ടിരുക്കുന്നു…. ഇനിയെന്താ …. ഇനിയെന്താ ബാക്കിയുള്ളത് …. ചാർത്തി തരനുള്ള പേരുകൾ മാത്രല്ലേ …… കവിളിനെ ചുംബിച്ചിറങ്ങുന്ന നീർമുത്തുകൾ തുടച്ചു നീക്കി മുട്ടിലേക്ക് മുഖമമർത്തി വച്ചന്നത്തെ നേരം വെളുപ്പിച്ചു ……. പിറ്റേന്നത്തെ രാവിലെയോ ….. ഉച്ചയ്ക്കോന്നും പുറത്തിറങ്ങില്ല….. എപ്പോഴോ അരികിലായി വന്നിരുന്നു കുഞ്ഞിപെണ്ണേന്നെ മുറുകെ കെട്ടി പിടിക്കുന്നതും തലോടുന്നതും അറിഞ്ഞിട്ടും ഒന്നും മിണ്ടിയില്ല …… മിണ്ടിയിട്ട് എന്തിനെന്ന് തോന്നലിൽ അങ്ങനെ കിടന്നപ്പോൾ അവൾ കുഞ്ഞു വായിൽ വിളിച്ചു തുടങ്ങിയിരുന്നു ……. “”””അമ്മേ…… കയല്ലേ ‘, അമ്മേ ….””” ചുണ്ട് കൂട്ടിപ്പിടിച്ചുള്ളവളുടെ വിളിയിലവളെ വാരിയെടുത്തു നെഞ്ചോട് ചേർത്തു ….. നിറെ നിറെ മുത്തങ്ങൾ കൊണ്ട് പൊതിഞ്ഞു ….. ഒരാൾക്കും ….ഒരാൾക്കും കൊടുക്കില്ലെന്ന് വാശിയിൽ ഇറുകെ …. മുറുകെ വരിഞ്ഞു പിടിച്ചു …..

ആ സമയങ്ങളിളൊന്നും വന്നില്ലയായൾ അരികിലേക്ക് ….. വേണ്ട വരേണ്ട വല്ലാത്ത ദേഷ്യം മാത്രയിരുന്നദേഹത്തോട് …. എങ്ങനെ ഇങ്ങനെയൊക്ക സംസാരിക്കാൻ തോന്നിയെന്ന് ഓർത്തുള്ള ദേഷ്യം …… ഇനിയും ഇവിടെ നിന്നാൽ ചിലപ്പോൾ ശ്വാസം മുട്ടി ചത്തു പോവോന്ന് കരുതി… കൊണ്ടുവന്ന ഡ്രെസ്സ് മാത്രം വാരി ബാഗിലേക് നിറച്ചു …… കാര്യം ഒന്നും മനസ്സിലായിലെങ്കിലും കുഞ്ഞിടെ ചുണ്ട് കൂട്ടിപിടിച്ചുള്ള നോട്ടത്തിൽ മുഖം കൊടുത്തില്ല…കൊടുത്ത തന്നെ താൻ കരഞ്ഞു പോവും ‘, ഹൃദയം പറിയുന്ന വേദനയിൽ വരന്തയിലേക്ക് ഇറങ്ങിയതും പിൻവിളി വന്നിരുന്നു …… “””” മോളെ ….. “””” ന്ന വിളിയിൽ തടയാൻ ശ്രമിച്ചയാളുടെ അമ്മയോട് അരുതെന്ന് തലയാട്ടി ഇറങ്ങാൻ തുടങ്ങിയതും കുഞ്ഞി കൈയെന്റെ കാലിൽ ഒന്നാനങ്ങാൻ പോലും സമ്മതിക്കാതെ വട്ടം ചുറ്റിപിടിച്ചു ……… “””” അമ്മേ ‘, ….. ഞാനും വര …. ന്നെ വിട്ടിട്ട് പോച്ചല്ലേ ??…. അമ്മേ …. “””” എന്ത് ചെയ്യണമെന്നറിയതെ ബലമായി ആ കൈകൾ അടർത്തി മാറ്റി ….. പൊക്കി – യെടുത്തു കവിളിലൊന്ന് വാത്സല്യത്തോടെ ചുംബിച്ചു …… “”””അമ്മ പോയിട്ട് വേം വരാം …. മോൾ നല്ല കുട്ടിയായി ഇരിക്കണേ ….. അച്ഛേ പറയാണൊക്കെ കേൾക്കാണേ …. അമ്മേടെ മുത്ത് ….””””” നിഷ്കളങ്കമായി തലയാട്ടുന്നവളെ മെല്ലെ അമ്മേടെ കയ്യിൽ കൊടുത്തു തിരിയുമ്പോൾ കണ്ടു ….. വാതിൽക്കൽ ഞങ്ങളെ നോക്കി നിന്നയാളെ ….. മുഖം തിരിച്ചു പോവാനായി ഒരുങ്ങിയതും കൈകളിൽ പിടിത്തം വീണിരുന്നു ….. തിരിയേണ്ട ആവിശ്യമില്ലയിരുന്നാളെ അറിയാൻ ….. “”””വിട് ‘, ഞാൻ കാരണം ഇവിടെ ആർക്കും ചീത്തപ്പേരോന്നും വരേണ്ട …..”””” മറുവാക്കോ ഉത്തരങ്ങളോ ഇല്ലാതെ എന്നെയും വലിച്ചു ‘, ഒരു കയ്യിൽ മോളേയും എടുത്തു പതിവില്ലാതെയുള്ള ചിരിയിൽ കാറിലേക്ക് കയറ്റി ….. ചോദിച്ചപ്പോൾ വീട്ടിലേക്ക് അദ്ദേഹം തന്നെ കൊണ്ടു വിടാന്ന് പറഞ്ഞു ഒറ്റ വാക്കിലൊതുക്കി ‘, മോളെ എന്റെ മടിയിലേക്കിരുത്തി …… എന്താണ് സംഭവിക്കുന്നതൊന്നും അറിയാതെ അമ്മയെ നോക്കിയതും നനുത്ത ചിരിയിൽ അകത്തേക്ക് കയറി പോയിരുന്നവർ …… പിന്നീട് എല്ലാം വേഗത്തിലായിരുന്നു …. വീട്ടിലേക്കുള്ള വഴി മറികടന്നു പോകുന്നത് കണ്ടപ്പോൾ സംശയമായിരുന്നു ….. ചോദിക്കാൻ നാവുയുർന്നെങ്കിലും ചോദിച്ചില്ല , കുഞ്ഞാറ്റയിലേക്ക് തന്നെ ശ്രദ്ധ തിരിച്ചു വിട്ടിരുന്നു ……  “””””എനിക്ക്‌ എനിക്ക്‌ പേടിയാണ് നിന്നെ സ്നേഹിക്കാൻ …..”””” സന്ധ്യ വിരുന്നെത്തിയ കടൽ തീരത്തോട്‌ ചേർന്നു നടക്കുമ്പോഴായിരുന്നു അദ്ദേഹം നിശബ്ദതയേ ഭേദിച്ചത് …… പിന്തിരിഞ്ഞു മോളോയൊന്ന് നോക്കി മെല്ലെ കടലിലേക്ക് മുഖം തിരിച്ചു ……. “”””” എനിക്കറിയാം ‘, ഇന്നലെ നീ പോയത് വീട്ടിലേക്കാന്ന് …. പക്ഷേ എനിക്ക് പേടിയാണ് ‘, രണ്ടു വർഷം മുന്നേ ഒരു കാരണം പോലുമില്ലാതെയാണ് ശ്രുതി മോളെ പോലും വേണ്ടന്ന് വലിച്ചെറിഞ്ഞു പോയി ….. കോടതിയിൽ വച്ചും മോൾക്ക് വേണ്ടി തിരിച്ചു വിളിച്ചു നോക്കി , എന്നാൽ അവൾക്ക് പോവേണ്ടത് അവളുടെ കാമുകനൊപ്പമാണെന്ന് പറഞ്ഞ ആ നിമിഷം മുതൽ അമ്മയൊഴിച്ചു ബാക്കിയുള്ള ഏത് പെണ്ണിനെ കണ്ടാലും പേടിയായിരുന്നു …. അന്ന് മുതൽ ശ്രുതി മരിച്ചുന്നു തന്നെയാണ് ഞാൻ മോളെ പറഞ്ഞു പഠിപ്പിച്ചതും ….. ഒളിച്ചോടി പോയ അമ്മേടെ മോളാന്ന് കേട്ടു വളരേണ്ട എന്റെ കുഞ്ഞെന്ന് കരുതി ….. ഇനി വിവാഹം കഴിച്ചാലും വരുന്നവളും അങ്ങനെ പോവോന്ന ഭയം …. മോളെ നോക്കുവോന്ന പേടിയും ??…… കല്യാണം പോലും സമ്മതിക്കാതിരുന്ന എന്നെക്കൊണ്ട് അമ്മ നിർബന്ധം പിടിച്ച നിന്നെ കൂടെ കൂട്ടാൻ പറഞ്ഞത് …. അപ്പോഴും മനസ്സ് അനുവാദിച്ചില്ല നിന്നെ സ്വീകരിക്കാൻ ….അതാണ് പരമാവധി ഞാൻ നിന്നിൽ നിന്നകന്നു നിന്നതും……ആ അതേ പേടികൊണ്ടാണ് ഇന്നലെ പോലും …. ???….

“””” ഒത്തിരി വാർത്തകളിൽ മാത്രം കേട്ട കേൾവി-യുള്ള കഥ …… ആ കഥേടെ ബാക്കിയായ രണ്ട് ജന്മങ്ങളാണ് തന്റെ മുന്നിലും ….എത്രയൊക്കെ പറഞ്ഞാലും ജന്മം നൽകിയ കുഞ്ഞിനെ വരെ ഉപേക്ഷിച്ചു പോവന്നത് പൊറുക്കാൻ കഴിയില്ല …. എന്റെ അരികിലായി നിന്നദ്ദേഹത്തിന്റെ കണ്ണുകളിൽ നീർത്തിളക്കം കണ്ടപ്പോൾ എന്തോ നെഞ്ചു പൊട്ടുന്ന വേദന എന്നിലേക്കും പടർന്നു ….. എങ്ങനെ …. എങ്ങനെ ഇങ്ങനെ ഈ ചുന്ദരി കുറുമ്പിയേ ഉപേക്ഷിക്കാൻ അവർക്ക് തോന്നിയത് ……അവരെന്ന സ്ത്രീയെ പോലും വെറുത്തുപ്പോയി ഈ നിമിഷം താൻ പോലും … ആ ഒരു അവസ്ഥയിലൂടെ വന്ന ഇദ്ദേഹം അപ്പോൾ ….അയാളുടെ കൈ പിടിച്ചു മണൽ തരിയിൽ ഒന്നുമറിയാതെ കളിക്കുന്ന കുഞ്ഞിനെ നോക്കി മനസ്സിൽ ചോദിച്ചു ….. “””””എനിക്കറിയാം നിനക്ക് ‘, എന്റെ മോളെ വല്യ ഇഷ്ട്ടാന്ന് …. ഇതുവരെ നീ അവളുടെ കണ്ണ് നിറയ്ക്കുന്നത് ഞാൻ കണ്ടിട്ടില്ല ….. ഇനിയും അങ്ങനെയാവുന്നു …. പറഞ്ഞതും ചെയ്തതുമൊക്കെ തെറ്റാണ് …. പെട്ടെന്ന് ശ്രുതിയേ ഓർമ വന്നപ്പോൾ പറഞ്ഞു പോയതാണ് ….. നീയും അങ്ങനെ …. എന്റെ കുഞ്ഞിൽ നീയാണ് ഉള്ളത് …. നിന്നെയും നഷ്ട്ടപ്പെടുത്താൻ വയ്യഞ്ഞിട്ട അത്ര ദേഷ്യത്തിൽ ഞാൻ …. ക്ഷമിക്കാൻ കഴിയോ നിനക്ക് എന്നോട് ???….. എല്ലാം എന്റെ തെറ്റാണ് ….””””” കൈകൾ കൂപ്പൻ തുടങ്ങിയ ആ മനുഷ്യന്റെ കൈ പിടിച്ചു തടഞ്ഞു വേണ്ടന്ന് വിലക്കി …… ഒരു കരച്ചിലോടെ നെഞ്ചിൽ മുഖമമർത്തി കരയുമ്പോൾ ഇതുവരെ ഉണ്ടായിരുന്നു സങ്കടങ്ങൾ എങ്ങോ പോയിരുന്നു ….ആ കര വലയത്തിൽ ചേർന്നു നിന്നുറക്കെ ഉറക്കെ വിളിച്ചു പറയണമെന്ന് തോന്നി ….. കുഞ്ഞിനെ മാത്രല്ല ആ മനുഷ്യനേം ഇഷ്ട്ടാന്ന് ‘, അവൾ എന്റെയന്ന് …… എന്റെ മോളാണെന്ന്… എത്ര നേരത്തോളം കരഞ്ഞു നിന്നെന്നറിയില്ല … “””””അമ്മേ ….””””” കുഞ്ഞിപെണ്ണിന്റെ വിളിയിലവളെ വാരിയെടുത്തു ‘, ആവേശത്തോടെ വീണ്ടും ചുംബിച്ചു …. കളഞ്ഞു പോകുമെന്ന് നിധി തിരിച്ചു കിട്ടിയ പ്രതീതി ….. സങ്കടവും സന്തോഷം മതിവരുവോളം മുത്തി …. അവളും കവിളിലമർത്തി മുത്തി ….. അപ്പോഴും അദ്ദേഹം മൗനത്തോടെ വാത്സല്യത്തോടെ നോക്കി നിൽക്കായിരുന്നു ……. “”””ഞാൻ …. ഞാനാണ്…. ഞാനാണ് ആമിടെ അമ്മ ….. എന്റെ മോളാണ് ആമി ….. എന്റെ വയറ്റിൽ ജനിച്ചില്ലെന്നേയുള്ളൂ … പക്ഷേ അവൾ എല്ലാ അർത്ഥത്തിലും എന്റെ മോൾ തന്നെയാണ് …. എന്റെ മകൾ ….. നമ്മുടെ മകൾ തന്നെയാണ് …..””””” കൂടുതൽ സംസാരങ്ങളോ വിശദീകരണമോ വേണ്ടി വന്നില്ലവളിലെ അമ്മയേയറിയാൻ അയാൾക്ക് ….. തന്റെ മകളെയും ചേർത്തു പിടിച്ചു കൊഞ്ചിച്ചു നിൽക്കുന്നവളെ വലിച്ചു നെഞ്ചോട് ചേർത്തു ….. ഓരോ തവണയും കരയെ ചുംബിച്ചു മടങ്ങുന്ന കടലിനെ സാക്ഷിയാക്കി ആ മൂന്ന് പേരിൽ ‘, അവളിലേക്കും മോളിലേക്കും ഒതുങ്ങുയായിരുന്നു ആ മനുഷ്യൻ ….. പ്രണയത്തിന്റെ മാതൃ വാത്സല്യത്തിന്റെ കാണാപ്പുറം തേടിയുള്ള തുടക്കം …… പെയ്തൊഴിഞ്ഞ കാർമേഘം പോലെ ആ മണൽ തരിയിൽ ഇരിക്കുമ്പോൾ മനസ്സ് ശാന്തമായിരുന്നു …… ആ പെണ്ണിന്റെ ….. ആ മനുഷ്യന്റെ ….. ആ കുരുന്നിന്റെ …… തോളോട് ചേർത്തണച്ചവളുടെ സിന്ദൂരത്തിലൊന്ന് മുത്തിയതും …. കുഞ്ഞു ചുണ്ടുകൾ പിളർത്തി കൂർപ്പിച്ചു നോക്കിയ പെണ്ണും …… വാത്സല്യവും….. കരുതലും…. സ്നേഹത്തോടെ നടുക്കായി ആ കുഞ്ഞിപ്പെണ്ണിനേയും ചേർത്തിരുത്തി കടലിന്റെ ആഴങ്ങളിലേക്ക് മുങ്ങി താഴാൻ തുടങ്ങിയ സൂര്യനെ നോക്കിയിരുന്നുവർ ….. പുതു പുലരിയെ തേടിയുള്ള സൂര്യന്റെ വരവെന്ന പോലെ ഇനിയുള്ള സ്വപ്നവും പങ്ക് വച്ചുള്ളവരുടെ യാത്ര ………… അമ്മയാൻ സ്വന്തം വയറ്റിൽ തന്നെ ജന്മമെടുക്കണോ ??….. രണ്ടാനമ്മയാണ് ‘, അത്രയ്ക്ക് സ്നേഹമേ കാണുള്ളോ ….. ???? ആദ്യ ഭാര്യേ പോലെയിവളും ഒളിച്ചോടി പോകുമോ ???…. എന്നിങ്ങനെയുള്ള ചോദ്യങ്ങൾ ഉള്ള ഒരുപാട് ഒരുപാട് ഉത്തരങ്ങൾ ബാക്കിയായിരുന്നവ അത്രയുകടലിൽ ഒഴുകിയിരുന്നവർ…… അവസാനിച്ചു…