Connect with us

പ്രണയം

കൃഷ്ണ!!! നീയെന്താ ആലോചിക്കുന്നെ??, നിന്റെ ജീവിതം ഇനിയും ഇങ്ങിനെ നശിപ്പിക്കണോ?

Published

on

രചന: രോഹിത വിജേഷ്
“കൃഷ്ണ!!! നീയെന്താ ആലോചിക്കുന്നെ??, നിന്റെ ജീവിതം ഇനിയും ഇങ്ങിനെ നശിപ്പിക്കണോ? ഒരിക്കലും ലഭിക്കാത്ത, കിട്ടില്ലെന്നുറപ്പുള്ള ഒരു സ്നേഹത്തിനു വേണ്ടി നിന്റെ ഈ ജന്മം മുഴുവൻ നശിപ്പിക്കാനാണോ നിന്റെ പുറപ്പാട്….”

നന്ദു അത് ചോദിക്കുമ്പോൾ ദൂരെയെങ്ങോ മറഞ്ഞു കൊണ്ടിരിക്കുന്ന അസ്തമയ സൂര്യനെ നോക്കി ചിന്തയിലാണ്ടിരിക്കുകയായിരുന്നു കൃഷ്ണ…

“ഞാൻ പറയുന്നത് ശ്രദ്ധിക്കുന്നുണ്ടോ കൃഷ്ണ?”…

” നമുക്കൊന്ന് നടന്നാലോ നന്ദു ഏട്ടാ?”

കാൽപാദങ്ങളെ തിരകൾ തഴുകുമ്പോൾ അവളുടെ അഴിഞ്ഞുലഞ്ഞ മുടിയിഴകൾ അവനെ തലോടി കൊണ്ടിരുന്നു… അവളുടെ മുടിയിലെ കാച്ചെണ്ണയുടെ മണം… അവളൾക് എന്തൊരു ഊർജ്ജമാണ് ഇപ്പോഴും നടക്കാൻ.. താൻ തളർന്നിരിക്കുന്നു….

“കൃഷ്ണ, നീയൊന്നും പറഞ്ഞില്ല?”

“നന്ദു ഏട്ടാ, ഈ തിരകളെ കണ്ടോ? ഒരിക്കലും ചേരാനാവില്ലെന്നറിഞ്ഞിട്ടും അവയെന്നും തീരത്തേക്ക് അണഞ്ഞു കൊണ്ടേയിരിക്കുന്നു..എന്നെങ്കിലും സ്വന്തമാവുമെന്നു കരുതി.. സൂര്യകാന്തി പൂക്കളെ കണ്ടിട്ടില്ലേ? സൂര്യഭഗവാൻ എന്നെങ്കിലും വരുമെന്നുള്ള പ്രതീക്ഷയാണ് അവരുടെ ജീവിതം… ”

“നിന്റെ മലയാള സാഹിത്യത്തിലുള്ള ബിരുദം പരീക്ഷിക്കാനല്ല ഞാനിവിടെ വന്നിരിക്കുന്നെ? ഇത് ജീവിതമാണ്.. കഥയും സാഹിത്യോം പറയാൻ കളിയല്ല… ഇനിയും എത്ര നാൾ ഇങ്ങിനെ തുടരണാനാണ് നിന്റെ പരിപാടി? വീട്ടിലെല്ലാവർക്കും ഇന്നൊരു മറുപടി കൊടുത്തെ പറ്റൂ… നിന്റെ ഇഷ്ടത്തിന് ഇത്രയും നാൾ കൂട്ട് നിന്നു.. ഇനി പറ്റില്ല.. ഒരിക്കലും കിട്ടാത്തതിനു വേണ്ടി കാത്തിരുന്ന് നശിപ്പിക്കാനുള്ളതല്ല നിന്റെ ജീവിതം…. ഒരു താലി നിന്റെ കഴുത്തിൽ ചാർത്തി എന്നുള്ളതല്ലാതെ ഒരു ബന്ധവും നമ്മള് തമ്മിൽ ഇല്ലെന്ന് നമുക്കറിയാം.. കൃഷ്ണാ, ഇനിയെങ്കിലും നിയൊന്ന് പ്രാക്ടിക്കൽ ആവണം… നീ കാരണം വിഷമിക്കുന്നത് നിന്റെ വീട്ടുകാരാണ്…”

” നന്ദു ഏട്ടൻ എത്ര നിസ്സാരമായി പറഞ്ഞിരിക്കുന്നു, ഒരു താലിയുടെ ബന്ധം മാത്രം എന്ന്?? അതൊരു നിസ്സാര ബന്ധമാണോ?? ഒരു പെണ്ണിനെ സംബന്ധിച്ച് അവളേറ്റവും വിലമതിക്കുന്നത് അവളുടെ താലിയാണ്…. ”

“കൃഷ്ണ, ഞാൻ അതല്ല ഉദ്ദേശിച്ചത്.. എനിക്കറിയാം.. പക്ഷെ നിന്നെ സ്നേഹിക്കാൻ എനിക്കാവില്ല മ
കുട്ടി!!! നിന്നെ ഇത് വരെ സ്നേഹിച്ചിട്ടില്ലാത്ത, ഒരിക്കലും സ്നേഹിക്കും എന്നുറപ്പില്ലാത്ത ഒരാൾക്ക് വേണ്ടി ജീവിതം തുലക്കുന്നത് ഭ്രാന്തല്ലേ??”

” ഏട്ടനിത് ഭ്രാന്തയിരിക്കും.. എനിക്കിതെന്റെ ജീവിതമാണ്… ഒരിക്കലും തിരിച്ചു കിട്ടില്ലെന്ന്‌ ഏട്ടൻ കരുതുന്നു, എന്നെങ്കിലുമൊരിക്കൽ തിരിച്ചു കിട്ടുമെന്ന് ഞാനും”…..

“കൃഷ്ണ, ഞാൻ ഒരിക്കലും നിന്നെ സ്നേഹിച്ചിട്ടില്ല, എന്റെ മനസ്സ് മുഴുവൻ അനു മാത്രമാണ്.. അവൾക്കു വേണ്ടി മാറ്റിവെച്ചതാണ് എന്റെ ഈ ജീവിതം.. മറ്റൊരു പെണ്ണിനെ സ്നേഹിക്കുന്ന ഒരാൾക്ക് വേണ്ടി നീയിനിയും കാത്തിരുന്ന് വിഡ്ഢിയാകാരുത്… നീയിപ്പോഴും ചെറുപ്പമാണ്… നിനക്കൊരു ജീവിതം ഇനിയും സാധ്യമാണ്.. എനിക്ക് വേണ്ടി പാഴാക്കുന്ന നിന്റെ ഈ ജീവിതം കണ്ട് ഞാൻ എന്നെ തന്നെ വെറുത്തു പോവും കൃഷ്ണാ… പ്ലീസ്.. എന്നെയൊന്നു മനസ്സിലാക്ക്!!!! ”

ഒരു പൊട്ടിച്ചിരിയാണ് അവനതിനുള്ള മറുപടിയായി കൃഷ്ണ നൽകിയത്..

” നന്ദു ഏട്ടാ, ഒരു പെണ്ണും കേൾക്കാൻ ആഗ്രഹിക്കാത്തതായിരുന്നു മണിയറയിൽ ആദ്യരാത്രിയിൽ ഏട്ടൻ എന്നോട് പറഞ്ഞത്.. എല്ലാ പെൺകുട്ടികളെയും പോലെ ഒരുപാട് സ്വപ്നങ്ങളുമായാണ് ഞാനും മണിയറയിലേക്ക് കയറി വന്നത്.. ആ എന്നോട് “തന്നെ എനിക്കൊരിക്കലും സ്നേഹിക്കാൻ ആവില്ലെടോ എന്നാണ് ഏട്ടൻ ആദ്യം പറഞ്ഞത്” …

എല്ലാരും ചേർന്ന് എന്നെ ചതിക്കുകയായിരുന്നു…ഏട്ടൻ ഒരു തെറ്റും ചെയ്തിട്ടില്ല… ഏട്ടന് മറ്റൊരു പെൺ കുട്ടിയെ ഇഷ്ടമാണെന്ന് ഏട്ടൻ എന്നേ എന്റെ അച്ഛനെ അറിയിച്ചതാണ്.. അന്നവരത് ചെവിക്കൊണ്ടില്ലല്ലോ…. ഒരു ഡോക്ടറെ മരുമകനായി കിട്ടാൻ പോകുന്നതിന്റെ അന്തസ്സും ആഭിജാത്യവും മാത്രം നോക്കിയ അച്ഛൻ ഏട്ടന്റെ വീട്ടുകാരുടെ കൂടെ ചേർന്ന് ,സ്വന്തം മകളുടെ ജീവിതത്തിന്‌ ഒരു വിലയും കല്പിക്കാതെ ഏട്ടനെ ഏല്പിച്ചു.. എന്നിട്ട് ഇപ്പോഴെന്തിനാണ് അവർക്ക് വിഷമം??…”

” എന്റെ സ്വപ്നങ്ങളെ തല്ലി കെടുത്തിയ ഏട്ടനോട് ആദ്യമെനിക്ക് വെറുപ്പായിരുന്നു.. എത്ര ക്രൂരമായിട്ടാണ് ഞാൻ പെരുമാറിയിരുന്നത്….. അന്നും ഏട്ടൻ എന്നെ ഒരു വാക്ക് കൊണ്ട് പോലും നോവിച്ചിട്ടില്ല.. ”

“ഞാൻ അതിനൊക്കെ അർഹനാണ് കൃഷ്ണ! മറ്റൊരു പെണ്ണിനെ മനസ്സിലിട്ടു കൊണ്ട് നിന്റെ കഴുത്തിൽ താലി ചാർത്തിയത് വലിയൊരു തെറ്റാണ്… വീട്ടുകാരുടെ മരണ ഭീഷണിക്ക് മുന്നിൽ തളർന്നു പോയി, തന്റെ ജീവിതം കൂടി നശിപ്പിച്ചവനാണ് ഞാൻ.. തന്റെ അച്ഛനോട് എല്ലാ കാര്യങ്ങളും തുറന്നു പറഞ്ഞപ്പോഴെങ്കിലും എല്ലാം ശരിയാവുമെന്നു കരുതി. അവിടെയും എന്റെ വീട്ടുകാരുടെ ശക്തമായ ഇടപെടൽ, എന്നെ കൊണ്ട് ഈ വലിയ തെറ്റ് ചെയ്യിച്ചു.. വിധിക്കു മുന്നിൽ തോറ്റു കൊടുക്കാനല്ലാതെ പ്രതികരിക്കാൻ എനിക്കായില്ല… പക്ഷെ, ഇനിയും പാടില്ല.. തെറ്റ് തിരുത്തിയെ പറ്റൂ.. ഈ ബന്ധനത്തിൽ നിന്നും നിന്നെ മോചിപ്പിച്ചേ പറ്റൂ… നിന്റെ സ്വപ്നങ്ങൾ അത് സാക്ഷാത്കരിക്കാൻ എനിക്കാവില്ല.. ഒരു ഭാര്യയായി ഒരിക്കലും നിന്നെ സ്നേഹിക്കാൻ എനിക്ക് സാധിക്കില്ല.. എനിക്ക് വേണ്ടി ഹോമിക്കപ്പെടേണ്ടതല്ല നിന്റെ ഈ ജീവിതം.. പറയുന്നത് മനസ്സിലാക്കൂ കൃഷ്ണ….

“എനിക്കറിയാം എട്ടനൊരിക്കലും എന്നെ സ്നേഹിക്കാനാവില്ല എന്ന്… ആദ്യമൊക്കെ എന്റെ ജീവിതം നശിപ്പിച്ച ഏട്ടന്റെ ജീവിതം എങ്ങിനെയും നരകതുല്യമാക്കണം എന്ന് മാത്രമായിരുന്നു എന്റെ ലക്ഷ്യം… പക്ഷെ, ഒരിക്കൽ അനുവിന്റെ അമ്മയെന്നെ കാണാൻ വന്നപ്പോൾ , അനുവിനെ കുറിച്ചറിഞ്ഞപ്പോൾ , നിങ്ങളുടെ കഥ അറിഞ്ഞപ്പോൾ ഞാൻ അറിയാതെ മാറുകയായിരുന്നു…. പലപ്പോഴും അനുവിനോട് അസൂയ തോന്നിയിട്ടുണ്ട് എനിക്ക്… ഒരു പെണ്ണിനെ ഇത്രയും സ്നേഹിക്കാനാവുമോ ആർക്കെങ്കിലും… അതും ഒരിക്കലും അവളിനി ഏട്ടന്റെ ജീവിതത്തിലേക്ക് തിരിച്ചു വരില്ലെന്നുറപ്പുണ്ടായിട്ടും….”

“അറിയില്ല കൃഷ്ണ…., അവളോട് ചെയ്തു പോയ തെറ്റിന്റെ കുറ്റബോധമോ, പശ്ചാത്താപമോ എന്ത് വേണമെങ്കിലും തനിക്ക് വിശ്വസിക്കാം,തന്നെ എന്നിൽ നിന്നും അകറ്റുന്നത്….. എനിക്ക് വേണ്ടിയാണ് അവൾ അവളുടെ ജീവൻ നഷ്ടപ്പെടുത്തിയത്… എന്റെ സ്നേഹത്തിനു വേണ്ടി.. ഒരിത്തിരി ധൈര്യം ഞാൻ കാണിച്ചിരുന്നെങ്കിൽ ഇന്ന് അവളീ ലോകത്തുണ്ടാകുമായിരുന്നു… ചെയ്തില്ല.. അവളെ കൊന്നത് ഞാനാണ്… സ്നേഹിച്ചു സ്നേഹിച്ചു കൊന്നു ഞാനവളെ…. ജാതിയുടെയും മതത്തിന്റെയും അതിർ വരമ്പുകൾ ചൂണ്ടി കാണിച്ച് എന്നിൽ നിന്നും പുറം തിരിഞ്ഞു നടന്ന അവളെ ഞാൻ എന്നിലേക്ക് വലിച്ചടുപ്പിക്കുകയായിരുന്നു… ഒരിക്കലും കൈവിടില്ല എന്ന പാഴ് വാഗ്ദാനം നൽകി, അവൾക്ക് ഒത്തിരി സ്വപ്‌നങ്ങൾ സമ്മാനിച്ച് , അവസാനം എന്റെ വീട്ടുകാർ മരിക്കരുത് എന്ന സ്വാർത്ഥ ചിന്തയിൽ അവളെ കൊലക്ക് കൊടുത്തു… നിന്റെ ഒപ്പം ജീവിക്കാനാവില്ലെങ്കിൽ എനിക്ക് ജീവിതമില്ല എന്നായിരുന്നു അവളെനിക്ക് അവസാനം അയച്ച മെസ്സേജ്…ഞാൻ എത്തുമ്പോഴേക്കും എല്ലാം എല്ലാം അവസാനിച്ചിരുന്നു… ”

“അന്ന് ഈ ലോകത്തോട് തന്നെ വെറുപ്പ് തോന്നിയതാണ്…. വീണ്ടും അമ്മയുടെ കണ്ണീരിനും മരണ ഭീഷണിക്കും മുന്നിൽ തോറ്റു കൊടുത്തു.. അച്ഛന്റെ സുഹൃത്തായത് കൊണ്ട് അവർ എല്ലാ കാര്യങ്ങളും നിസ്സാരവത്കരിച്ചു നിന്റെ വീട്ടിൽ അറിയിച്ചിരുന്നു…നിന്നെ പെണ്ണ് കാണാൻ വന്ന അന്ന് തന്നെ ഞാൻ എല്ലാം നിന്റെ അച്ഛനോട് പറഞ്ഞതാണ്.. പക്ഷെ, എന്റെ വീട്ടുകാരുടെ അതിസൂക്ഷ്മമായ ഇടപെടൽ കൊണ്ട് , നിന്റെ അച്ഛനെ അവർ തെറ്റിദ്ധരിപ്പിച്ചിരുന്നു.. വിവാഹം കഴിഞ്ഞാൽ എല്ലാം ശരിയാവുമെന്നു അവർ അദ്ദേഹത്തെ വിശ്വസിപ്പിച്ചു.. അദ്ദേഹം ഒരിക്കലും തെറ്റു കാരനല്ല.. മകൾക്ക് നല്ലൊരു ഭാവി, അതെ അദ്ദേഹം ചെയ്തിട്ടുള്ളൂ… തെറ്റ് ചെയ്തത് മുഴുവൻ ഞാനാണ്.. ”

നന്ദുവിന്റെ കവിൾ തടങ്ങളിലൂടെ കണ്ണീർ അണപൊട്ടിയൊഴുകി… ഒരു കൈക്കുഞ്ഞിനെ പോലെ കൈകൾ പൊത്തിപ്പിടിച്ചു അവൻ വാവിട്ടു കരഞ്ഞു…

“നന്ദു ഏട്ടാ, കരഞ്ഞോളൂ, ആ മനസ്സിലെ ഭാരം മുഴുവൻ എങ്ങിനെയെങ്കിലും ഒന്ന് കുറയട്ടെ….”

“നന്ദു ഏട്ടന് ഓർമ്മയുണ്ടോ? ഒരിക്കൽ ബാത്ത് റൂമിൽ തെന്നി വീണ എന്നെ ഒരു കുഞ്ഞിനെ പോലെ,അല്ല സുഹൃത്തിനെ പോലെ എന്റെ എല്ലാ വെറുപ്പിനയും അതിജീവിച്ച് എട്ടനെന്നെ നോക്കിയത്….എന്റെ വെറുപ്പ് അന്നാണ് സ്നേഹത്തിലേക്കു വഴി മാറിയത്… പിന്നീട് എപ്പോഴോ ,ഞാൻ പോലുമറിയാതെ അത് ആരാധനയിലേക്കും പ്രണയത്തിലേക്കും വഴി മാറി… ഏട്ടന്റെ പ്രണയത്തിന്റെ തീക്ഷ്ണത കണ്ടാണ് പ്രണയിക്കാൻ പോലും ഞാൻ പഠിച്ചത്….”

“അനുവിനോടുള്ള ഏട്ടന്റെ നിലക്കാത്ത പ്രണയം, ആ പ്രണയമാണ് ഏട്ടനിലേക്ക് എന്നെ അടുപ്പിച്ചത്.. ഏട്ടനോടുള്ള എന്റെ പ്രണയം അനുവിനോടുള്ള ഏട്ടന്റെ പ്രണയം കൊണ്ടുണ്ടായതാണ്… ”

“വിഡ്ഢിത്തം പറയാതിരിക്കൂ കുട്ടി… ” തേങ്ങലടക്കി കൊണ്ട് നന്ദു പറഞ്ഞു..

“ഇനിയും വൈകരുത്.. ഇന്ന് നീ ഡിവോഴ്‌സ് പേപ്പറിൽ ഒപ്പു വെച്ചേ പറ്റൂ… ഒരു ഭാര്യക്ക് നൽകേണ്ട സ്നേഹമോ കരുതലോ പ്രണയമോ ഒന്നും നിനക്ക് നല്കാൻ എനിക്കാവില്ല.. അത് നിന്റെ തെറ്റു കൊണ്ടല്ല..എന്റെ മനസ്സിലും ജീവിതത്തിലും ഒരേയൊരു പെണ്ണിനെ സ്ഥാനമുള്ളു… അനു… അവളുടെ മരിക്കാത്ത ഓർമകളിൽ ജീവിക്കാനാണ് എനിക്കിഷ്ടം.. കൃഷ്ണ, ഞാൻ വിവേകുമായി സംസാരിച്ചിട്ടുണ്ട്… അവനെന്നെ നന്നായി അറിയാം, നിന്നെ വിവാഹം കഴിക്കാൻ അവൻ തയ്യാറാണ്.. ഒരു സ്ത്രീയുടെ എല്ലാ സ്വപ്നങ്ങളും നിനക്കുമുണ്ടാകും… ജീവിതം ഇങ്ങിനെ പാഴാക്കരുത് .. ഞാൻ കാരണം നിന്റെ ജീവിതം കൂടി നശിക്കുന്നത് കാണാനുള്ള ത്രാണിയില്ല എനിക്ക്.. അത് കൊണ്ടാ…. നീ അവനെ വിവാഹം കഴിക്കാൻ സമ്മതിക്കണം…”

“ശരി,സമ്മതിക്കാം… എന്നിട്ട് ഏട്ടനെ മനസ്സിൽ വെച്ച് വിവേകിന്റെ ജീവിതം കൂടി ഞാൻ നശിപ്പിക്കാം.. അത് മതിയോ?”

“കൃഷ്ണ!!! നീ എന്താണിങ്ങനെ?? ഞാൻ പറയുന്നത് നിയൊന്ന് മനസ്സിലാക്കാൻ ശ്രമിക്ക്… ജീവിതം മുന്നോട്ട് ഒരുപാടുണ്ട്.. നീയെടുത്ത തീരുമാനം തെറ്റായി പോയെന്നു പിന്നീട് ദുഃഖിച്ചിട്ടു കാര്യമില്ല…”

അവളെന്റെ കണ്ണുകളിലേക്ക് നോക്കി പറഞ്ഞു…

“ഒരിക്കലുമില്ല…. ഏട്ടന്റെ താലി കഴുത്തിലിട്ട്, ഏട്ടന്റെ ഭാര്യ എന്നുള്ള സ്ഥാനവുമായി ഏട്ടന്റെ നല്ല ഒരു സുഹൃത്തായി ഈ ജന്മം മുഴുവൻ കഴിച്ചു കൂട്ടാനും എനിക്കൊരു വിഷമവുമില്ല.. ഒരു ഭാര്യക്ക് വേണ്ടതൊന്നും ഏട്ടന് തരാൻ പറ്റില്ലെന്നല്ലേ പറഞ്ഞത്.. ഞാനൊന്നും അവശ്യപ്പെടുന്നില്ലെങ്കിലോ??… എനിക്കൊന്നും വേണ്ട.. ഏട്ടന്റെ ഈ താലിയല്ലാതെ… അത് എന്നോട് തിരിച്ചു ചോദിക്കരുത്… ”

“നിനക്ക് ഭ്രാന്താണ് കൃഷ്ണാ,ജീവിതത്തിൽ തോൽക്കാൻ വേണ്ടിയുള്ള പുറപ്പാടാണ് നീ….!!!”

അവൾ പൊട്ടി ചിരിച്ചു പറഞ്ഞു….

“പക്ഷെ, പ്രണയത്തിന് തോൽവിയില്ലല്ലോ…!! അതെന്നെ പഠിപ്പിച്ച ആളല്ലേ എന്റെ മുന്നിലിരിക്കുന്നെ…”

അസ്തമയ സൂര്യൻ കടലിലേക്കാഴ്ന്നിറങ്ങി കൊണ്ടിരിക്കുന്നു….. ഭൂമിയിലേക്കരിച്ചിറങ്ങാനായി നിലാവെത്തി നോക്കികൊണ്ടിരിക്കുന്നു.. തിരകൾ തീരത്തെ പുൽകാൻ വെമ്പൽ കൊള്ളുന്നു…

“പത്തു വർഷത്തിനിപ്പുറവും ഈ കടൽക്കരക്കും ഈ കാറ്റിനും ഒരു വ്യത്യാസവുമില്ലല്ലേ നന്ദു ഏട്ടാ…”

അവന്റെ മടിത്തട്ടിൽ ഒരു കുഞ്ഞിനെ പോലെ തല ചായ്ച്ചു കിടന്നിരുന്ന അവളുടെ പാറിപ്പറന്ന മുടിയിഴകൾ കോതിയൊതുക്കി കൊണ്ട് അവൻ ചോദിച്ചു…

“നിനക്കെങ്ങനെ എന്നെ ഇത്രയും പ്രണയിക്കാൻ സാധിക്കുന്നു ?? എന്റെ സ്നേഹം തിരിച്ചു കിട്ടുമെന്ന് ഒരുറപ്പുമില്ലാതിരുന്നിട്ടും നീ എന്തെ എന്നെ വിട്ടു പോവാതിരുന്നത്?? ”

അവന്റെ കൈ നെഞ്ചോട് ചേർത്തവൾ പറഞ്ഞു… “എന്റെ പ്രണയമെന്ന ശക്തി… പ്രണയമെന്ന ഭ്രാന്ത്… ഏതു ശിലയെയും ഉരുക്കാനുള്ള തീവ്രമായ കഴിവുണ്ട് ആ ശക്തിക്ക്….പ്രണയത്തിന് തോൽവിയില്ലല്ലോ ഏട്ടാ “….

അതെ പ്രണയത്തിന് തോൽവിയില്ല… നീണ്ട ഒൻപത് വർഷങ്ങൾ എനിക്കായി സമർപ്പിച്ച് എന്നെ പ്രണയിച്ച്, എനിക്കായി ജീവിച്ച് അവളത് തെളിയിച്ചു… പ്രണയത്തിന് തോൽവിയില്ല.. തോൽക്കുന്നത് പ്രണയിക്കുന്നവർ മാത്രമാണ്.. പ്രണയം അനശ്വരമാണ്… ഇനി എന്റെ ഊഴം… നിനക്ക് അന്യമായതൊക്കെ നിനക്ക് നൽകാനുള്ള എന്റെ ഊഴം… എന്റെ പ്രണയം….. അതിനി നീയാണ്…….

ശുഭം
(-നിങ്ങളുടെ സ്വന്തം രചനകൾ വളപ്പൊട്ടുകൾ പേജിൽ ഉൾപ്പെടുത്തുവാൻ പേജ്‌ ഇൻബോക്സിലേക്ക്‌ മെസേജ്‌ അയക്കൂ…)

പ്രണയം

കൂടെ പഠിച്ച കുട്ടിയല്ലേ എന്നു കരുതി കുറച്ചു സ്വാതന്ത്ര്യത്തോടെ പെരുമാറിയപ്പോൾ…

Published

on

രചന: നിഷ L

“നീയും ഹസ്ബൻഡും തമ്മിൽ എങ്ങനാ… “?? “!സ്വരൂപിന്റെ ചോദ്യം കേട്ട് മിഥില ഒന്ന് സംശയിച്ചു ..”അതെന്തടാ… അങ്ങനെ ചോദിച്ചത്.. രാജീവേട്ടൻ ഒരു പാവം ആണെടാ…. “!!”അതെനിക്കറിയാം ഞാൻ ചോദിച്ചത് അതല്ല.. “!!”പിന്നെ നീ എന്താ ചോദിക്കുന്നത്..? “!!”അല്ല… ഈ ബെഡ്റൂമിൽ ഒക്കെ ആൾ അങ്ങനെ എന്ന്..? “!!!ഒന്നു ഞെട്ടി മിഥില പെട്ടെന്ന് ഫോൺ കട്ട് ചെയ്തു..ഈശ്വരാ ഇവൻ എന്തൊക്കെയാ ചോദിക്കുന്നത്.. !!! കൂടെ പഠിച്ച കുട്ടിയല്ലേ എന്നു കരുതി കുറച്ചു സ്വാതന്ത്ര്യത്തോടെ പെരുമാറിയപ്പോൾ… എന്തും ചോദിക്കാം എന്നായിരിക്കുന്നോ അവന്…പഠിക്കുന്ന കാലത്ത് വളരെ നല്ല കുട്ടി ആയിരുന്നു അവൻ… ഇപ്പോൾ എന്താണ് പറ്റിയത്..????അവന്റെ ആ ചോദ്യം മിഥിലയുടെ മനസ്സിനെ അന്നു മൊത്തം അലട്ടിക്കൊണ്ടിരുന്നു..അവളുടെ മനസ്സിലേക്ക് അവളുടെ ഭർത്താവ് രാജീവന്റെയും രണ്ടു കുഞ്ഞുങ്ങളുടെ മുഖം കടന്നുവന്നു.. രാജീവ്‌ ഒരു പ്രൈവറ്റ് കമ്പനിയിലെ ജോലിക്കാരനാണ്. രണ്ടു ആൺകുട്ടികൾ ആണ് രാജീവിനും മിഥുവിനും. ഒരാൾ അഞ്ചിലും ഒരാൾ മൂന്നിലും പഠിക്കുന്നു. ഉള്ളത് കൊണ്ട് സന്തോഷമായി ജീവിക്കുന്ന ഒരു കൊച്ചു കുടുംബം.സ്വരൂപ്‌മായുള്ള ബന്ധം എത്രയും പെട്ടെന്ന് നിർത്തണം…. ഇല്ലെങ്കിൽ അത് തന്റെ കുടുംബ ജീവിതത്തെ തന്നെ ബാധിക്കും… മിഥു മനസ്സിലോർത്തു…

രാജീവും കുട്ടികളും പോയി കഴിയുമ്പോൾ വെറുതെ ഇരിക്കുന്ന സമയത്തു അവൾ വാട്സ്ആപ്പ് നോക്കാറുണ്ട്. അങ്ങനെ ഇരിക്കെ ഒരു മാസം മുൻപ് തുടങ്ങിയതാണ് അവളുടെ പത്താം ക്ലാസ്സ്‌ ബാച്ചിലെ കുട്ടികൾ ചേർന്നൊരു വാട്സ്ആപ്പ് ഗ്രൂപ്പ്. അവിടെ നിന്നാണ് അവൾക്ക് സ്വരൂപും ആയിട്ടുള്ള ബന്ധം തുടങ്ങുന്നത്. പഴയ കൂട്ടുകാരുടെ ഒക്കെ വിശേഷങ്ങൾ അറിയാൻ സാധിച്ചത് ആ ഗ്രൂപ്പിൽ കൂടിയാണ്. അതുകൊണ്ട് ഒഴിവ് സമയങ്ങളിൽ കൂട്ടുകാർ എല്ലാം ഗ്രൂപ്പിൽ വരികയും വിശേഷങ്ങൾ പങ്കു വയ്ക്കുകയും ചെയ്തു പോന്നു.അങ്ങനെ ഒരു ദിവസമാണ് സ്വരൂപിന്റെ പേഴ്സണൽ മെസ്സേജ് വരുന്നത്. അതിൽ അവൾക്ക് അസ്വാഭാവികത ഒന്നും തോന്നിയതുമില്ല. ആദ്യമൊക്കെ വളരെ നല്ല രീതിയിൽ തന്നെയായിരുന്നു സംസാരിച്ചിരുന്നത്. ഇന്നിപ്പോൾ സംസാരത്തിന്റെ ഗതി മാറിയിരിക്കുന്നു. മറ്റു കൂട്ടുകാരെ പോലെ വിശേഷങ്ങൾ പങ്കു വയ്ക്കാനൊന്നും അവന് താല്പര്യമില്ല. പകരം അവന് മറ്റെന്തൊക്കെയോ അറിയാനായിരുന്നു താല്പര്യം. കൂടെ പഠിച്ച കുട്ടികളുടെ കൂട്ടത്തിൽ ഇതുവരെ വിവാഹം കഴിക്കാത്തത് അവൻ മാത്രമാണ്.എന്തായാലും അവനുമായി ഒരു അകലം പാലിക്കാൻ അവളുടെ മനസ് പറഞ്ഞു.എങ്കിലും അവൾ തന്റെ പഴയ കൂട്ടുകാരികളെ വിളിച്ചു അവനെ കുറിച്ച് തിരക്കാൻ തീരുമാനിച്ചു.”ഹലോ പ്രിയ ഇതു ഞാനാടി മിഥില.. “!!”ഹാ… പറയെടി എന്തൊക്കെയുണ്ട് വിശേഷം..?? “!!”ഒന്നുമില്ലെടി…. ഞാനൊരു കാര്യം ചോദിക്കാൻ വിളിച്ചതാ.. “!!”എന്താടി കാര്യം..? “!!”നമ്മുടെ കൂടെ പഠിച്ച സ്വരൂപില്ലേ… അവൻ എങ്ങനെ..? “!!”അതെന്താ നീ അങ്ങനെ ചോദിച്ചത്…? “!!” അല്ലാ എനിക്കൊരു സംശയം അവൻ പഴയ ആൾ തന്നെയാണോന്ന് .. സ്വഭാവത്തിൽ കാര്യമായ മാറ്റം വന്നിട്ടുണ്ടെന്ന് തോന്നുന്നു.. “!!”എന്താടി അങ്ങനെ തോന്നാൻ..? “!!” ഇന്നലെ അവൻ എന്നോട് മോശമായി സംസാരിച്ചു…”!!ശേഷം മിഥു സംഭവിച്ചതൊക്കെ പ്രിയയോട് പറഞ്ഞു.ഒരു നിമിഷത്തെ ആലോചനയ്ക്ക് ശേഷം പ്രിയ പറഞ്ഞു…”ശരിയാടി എന്നോടും അവൻ മോശമായി സംസാരിച്ചിരുന്നു മുൻപ്. അതോടുകൂടി ഞാൻ അവനുമായുള്ള ബന്ധം നിർത്തിവെച്ചിരിക്കുകയാണ്.. “!!”ങ്‌ഹേ… സത്യമാണോ നീ പറയുന്നത്..?? “!!

“അതേടി അവന് നമ്മുടെ പേഴ്സണൽ കാര്യങ്ങളൊക്കെ അറിയണം പോലും.. എന്നോടൊരിക്കൽ അശീലമായി സംസാരിച്ചതുകൊണ്ട് ഇപ്പോ ഞാൻ അവനുമായി ഒരു കോൺടാക്ടും ഇല്ല… എനിക്ക് പേടിയാ വെറുതെ എന്തിനാ അവനോടൊക്കെ അടുപ്പത്തിന് പോയി നമ്മുടെ കുടുംബം തകർക്കുന്നത്…”!!”ശരിയാടി … ഞാനും അങ്ങനെ തന്നെയാ ചിന്തിച്ചത്.. വെറുതെ വേലിയിൽ കിടക്കുന്ന പാമ്പിനെ എടുത്തു തോളത്തു വയ്ക്കണ്ട. നമ്മുടെ ഗ്രൂപ്പിലെ ബാക്കി പെൺകുട്ടികൾക്ക് കൂടി ഒരു മുന്നറിയിപ്പ് കൊടുത്തേക്കാം. ആരും ഇനി അവനോടു കൂടുതൽ അടുപ്പത്തിന് പോകാതിരിക്കട്ടെ… !!””ഞാനെന്നാൽ നമ്മുടെ മറ്റു കൂട്ടുകാരികളെ ഒന്ന് വിളിച്ച് നോക്കട്ടെ.. നീയും മാക്സിമം പേരോട് പറയാൻ ശ്രമിക്കണം…. “!!”ശരിയെടി…..വെറുതെ മിണ്ടാതിരുന്നാൽ അവൻ മറ്റുള്ളവരോടും ഈ രീതിയിൽ പെരുമാറും… ഞാനും പറയാമെടി .. “!!”പിന്നീട് മിഥില കൂട്ടുകാരായ റീനയെയും കാവ്യയേയും മഞ്ജുവിനെയും വിളിച്ചു ഇതേകാര്യം പറഞ്ഞു.. . അതിൽ കാവ്യക്കും മഞ്ജുവിനും അവനിൽനിന്ന് ഇതേ അനുഭവം നേരിട്ടതായി അവർ പറഞ്ഞു…അപ്പോൾ അവൻ വിചാരിച്ചതിലും വലിയ തറയാണ്. ഇനി അവനെ വെറുതെ വിട്ടുകൂടാ… അവൾ മനസ്സിലോർത്തു.പിന്നീട് മിഥില ഗ്രൂപ്പിൽ ഉണ്ടായിരുന്ന മുഴുവൻ പെൺകുട്ടികൾക്കും പേഴ്സണൽ മെസ്സേജ് അയച്ചു..”സ്വരൂപിനെ സൂക്ഷിക്കണം… അവൻ വളരെ മോശം സ്വഭാവമാണ് ഇപ്പോൾ.. ഒരു അകലം പാലിക്കുന്നതാണ് നമുക്ക് നല്ലത്… “!!!മെസ്സേജ് കിട്ടിയവർ ഒക്കെ അവളെ വിളിച്ച് കാര്യം അന്വേഷിക്കുകയും…മിഥു അവൾക്ക് നേരിട്ട ദുരനുഭവം അവരോട് പറയുകയും ചെയ്തു..രണ്ടു മൂന്നു ദിവസങ്ങൾക്കുശേഷം സ്വരൂപ് വീണ്ടും മിഥിലയെ വിളിച്ചു. പക്ഷേ അവൾ ഫോൺ എടുത്തില്ല.. നിരാശനായ അവൻ മറ്റു പെൺകുട്ടികൾക്ക് മെസ്സേജ് അയച്ചു എങ്കിലും അവരൊക്കെ മെസ്സേജ് കണ്ടു എന്നുള്ളതിന് തെളിവായി നീലവര മാത്രം തെളിഞ്ഞു കണ്ടു. പക്ഷേ ആരും മറുപടി അയച്ചില്ല..അവന് എന്തൊക്കെയോ സംശയങ്ങൾ തോന്നി.. ഇതെന്താ ആരും മൈൻഡ് ചെയ്യാത്തത്… എന്തോ പ്രശ്നമുണ്ടല്ലോ.. ചിന്തിച്ചു കൊണ്ട് അവൻ വീണ്ടും മിഥുവിനെ ഫോൺ ചെയ്തു.. ഇപ്രാവശ്യം അവൾ കോൾ എടുത്തു..”എന്താടി വിളിച്ചിട്ട് എടുക്കാഞ്ഞത്….? “!!”നീ വിളിക്കുമ്പോൾ ഉടനെ എടുക്കാൻ നീ എന്റെ ആരാ..?? !!! ഭർത്താവോ, അച്ഛനോ അതോ കാമുകനോ… !!””അവൾ പരുഷമായിചോദിച്ചു..”നിന്റെ സ്വരത്തിന് എന്താ ഒരു മാറ്റം…”?? !!” എന്താ നിന്നോട് തേനൂറുന്ന സ്വരത്തിൽ സംസാരിക്കണമെന്ന് നിർബന്ധമുണ്ടോ..? “!!”ഡി….. “!!!അവൻ ദേഷ്യത്തോടെ വിളിച്ചു..”ഹ്മ്മ്… നിന്റെ ദേഷ്യം നിന്റെ വീട്ടിൽ ഉള്ളവരോട് കാണിച്ചാൽ മതി… എന്നോട് വേണ്ട.. “!!”നിനക്കിപ്പോൾ പഠിക്കുന്ന കാലത്തെ സ്വഭാവമല്ലെന്നും ,,, നിന്റെ സ്വഭാവത്തിൽ വന്ന മാറ്റത്തെ കുറിച്ചുമൊക്കെ എനിക്ക് നന്നായി അറിയാം. നീ പ്രിയയോടും മഞ്ചുവിനോടും കാവ്യയോടും പറഞ്ഞതൊക്കെ അവളുമാർ എന്നോട് പറഞ്ഞിട്ടുണ്ട്….. “!!!

അവൻ ഒന്ന് ഞെട്ടി..”എന്താ… എന്താ പറഞ്ഞത്… “??? !!”ഹാ.. നീയിപ്പോഴേ വിയർക്കാൻ തുടങ്ങിയാൽ എങ്ങനെയാ… ഞാൻ ബാക്കി കൂടി പറയട്ടെ…… !!!”നമ്മുടെ ബാച്ചിലെ മുഴുവൻ പെൺകുട്ടികൾക്കും ഞാൻ നിന്നെ കുറിച്ച് മുന്നറിയിപ്പ് കൊടുത്തിട്ടുണ്ട്. അതുകൊണ്ട് ഇനി നിന്റെ മറ്റേ സ്വഭാവം കൊണ്ട് ആരുടെയും അടുത്തേക്ക് ചെല്ലണ്ട… കുട്ടികളും കുടുംബവുമായി ജീവിക്കുന്ന ഞങ്ങൾക്ക് ഞങ്ങളുടെ ജീവിതം തന്നെയാ വലുത്. അല്ലാതെ പണ്ടെങ്ങോ കൂടെ പഠിച്ച കൂട്ടുകാരനല്ല… “!!!താൻ മെസ്സേജ് അയച്ചിട്ടുണ്ട് ആരും റിപ്ലൈ തരാഞ്ഞതിന്റെ കാരണം അവൻ ഇപ്പോൾ പിടികിട്ടി…അവന്റെ മനസ്സിൽ മിഥുവിനോട് പക തോന്നി..മിഥു വീണ്ടും തുടർന്നു….” നിന്റെ വീട്ടിലും ഇല്ലേ രണ്ടു പെൺകുട്ടികൾ,,, നിന്റെ പെങ്ങന്മാർ.. അവർ കൂടെ പഠിച്ച ആൺകുട്ടികളോട് ഇത്തിരി അടുപ്പത്തിൽ പെരുമാറി എന്ന് കരുതി ആരെങ്കിലും നിന്റെ പെങ്ങമ്മാരോട് മോശമായി സംസാരിച്ചാൽ നിനക്ക് ഇഷ്ടപ്പെടുമോ…???? !!! അതു പോലെതന്നെ അന്തസ്സും അഭിമാനവും ഉള്ള പെണ്ണുങ്ങൾ തന്നെയാണ് ഞങ്ങളും.. കൂടെ പഠിച്ചു എന്ന് കരുതി എന്തും ചോദിക്കാനുള്ള ലൈസൻസ് അല്ല അത്….”!!!”നിനക്ക് ഇപ്പോൾ എന്നെ കൊല്ലാനുള്ള ദേഷ്യമുണ്ടാവും എന്ന് എനിക്കറിയാം. പക്ഷേ നീയത് അടക്കി നിന്റെ മനസ്സിൽ തന്നെ വച്ചുകൊണ്ടിരിക്കുന്നതായിരിക്കും നിനക്ക് നല്ലത്….. “!!”ഇല്ലെങ്കിൽ നമ്മുടെ ബാച്ചിൽ ഉള്ള മുഴുവൻ ആൺകുട്ടികളെയും ഞാൻ ഇന്ന് തന്നെ നിന്റെ തനി സ്വഭാവത്തെക്കുറിച്ച് അറിയിക്കും,. അതുമാത്രമല്ല നിന്റെ വീട്ടിൽ വന്നു നിന്റെ അമ്മയുടെയും പെങ്ങന്മാരുടെയും മുന്നിൽവച്ച് നിന്നോട് ഞങ്ങൾ ചോദിക്കുകയും ചെയ്യും…..!!!”ദേഷ്യത്തോടെ പറഞ്ഞു കൊണ്ട് അവൾ ഫോൺ കട്ട്‌ ആക്കി.ഛെ….!!!ഇനി ഇവളുമാരുടെ അടുത്ത് ഒന്നും നടക്കില്ല.. അവന് വല്ലാത്ത നിരാശ തോന്നി.. ഇനി ആരോടും കൂടുതൽ സംസാരിക്കാൻ പോകാതിരിക്കുന്നതാണ് നല്ലത് എന്ന് അവന് തോന്നി…. ഇപ്പോൾ പെൺകുട്ടികൾ മാത്രമേ തന്റെ സ്വഭാവ മഹിമ അറിഞ്ഞിട്ടുള്ളു… ഇനി ഇവളുമ്മാരോട് കൂടുതൽ വാശിക്ക് നിന്നാൽ ഇതിൽ കൂടുതൽ താൻ നാണം കെടും എന്നവന് മനസ്സിലായി….തന്റെ വിവാഹവും ഇതുവരെ നടന്നിട്ടില്ല… കൂടാതെ കുറച്ചു രാഷ്ട്രീയവുമൊക്കെയായി മറ്റുള്ളവരുടെ മുന്നിൽ ” മാന്യൻ” ആയി പോകുകയാണ്. തന്റെ തനി സ്വഭാവത്തെ കുറിച്ച് ആരെങ്കിലും അറിഞ്ഞാൽ ജീവിതത്തിലെയും രാഷ്ട്രീയത്തിലെയും ഭാവി നശിക്കും. അതുകൊണ്ട് ഇനി ഇവളുമാരുമായുള്ള അടുപ്പം നിർത്തുന്നതാണ് തന്റെ “നല്ല “ഭാവിക്ക് നല്ലത്..മനസ്സിൽ ചിന്തിച്ചു കൊണ്ട് അവൻ ഫേസ്ബുക് തുറന്നു…. അതിലെ കാണാമറയത്തെ സൗഹൃദങ്ങൾക്കായി അവൻ വല വിരിച്ചു കാത്തിരുന്നു… ഏതെങ്കിലും ഒരു ഇര തന്റെ വലയിൽ കുരുങ്ങുമെന്ന പ്രതീക്ഷയോടെ..!!!!ലൈക്ക് കമന്റ്‌ ചെയ്യണേ…

Continue Reading

പ്രണയം

അറിയാതെ കിട്ടിയ പ്രണയം….

Published

on

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി….ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു… അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്…അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു…ചേട്ടൻ ഇപ്പൊ ബാംഗ്ലൂർ അല്ലേ…അതേല്ലോ… അതെങ്ങനെ അറിയാം…അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്…ആഹാ താൻ നഴ്സിംഗ് എല്ലാം കഴിഞ്ഞോ…കഴിഞ്ഞു… ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല…M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു…ഇപ്പോഴും കള്ളുകുടി ഉണ്ടോ…അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും..

ചേട്ടന്റെ കല്യാണം എന്തെകിലും ആയോ…ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..?എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ…അങ്ങനെ തന്നോട് ആരാ പറഞ്ഞത്…ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്..അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ… അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്…അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു…ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി…അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു…അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ…അതെ സത്യം…ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക…ഇതൊക്കെ തനിക്ക് എങ്ങനെ അറിയാം…അതോ… അത് പിന്നെ പറയാം…ഹ കഷ്ടമുണ്ട്ട്ടോ പറഞ്ഞിട്ട് പോ…പറയാം… പക്ഷെ ഇനി കള്ളുകുടിക്കരുത്…അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ…

അപ്പൊ അവള് പറയുവാണേൽ അപ്പൊ നോക്കാം…ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ..എന്താ… എന്താ പറഞ്ഞത്…അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”…എന്നിട്ടോഎന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്…എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്….അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു…

കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?..ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല… പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല…അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു…അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല…….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

പ്രണയം

അപ്പുവേട്ടൻ തൊടുമ്പോൾ എനിക്ക് ഒരു മണിക്കൂർ പോലും ഒരുനിമിഷം ആയി മാറുന്നു

Published

on

രചന: Vijay Lalitwilloli Sathya

“അപ്പുവേട്ടാ..ഈഹുക്സ് ഒന്ന്‌ ഇട്ടു തരുമോ””തന്റെ പ്രിയതമ ബ്ലൗസിന് ഹുക്സ് ഇടാൻ വിളിച്ചപ്പോൾ ബെഡിൽ ഇരുന്ന് പുസ്തകം വായിക്കുകയായിരുന്നു അപ്പു.”ഇതെന്താ ശിവകാമി പഴയ മോഡൽ””ഒന്ന് പരീക്ഷിക്കാം എന്ന് വെച്ചു “പണ്ട് തന്നെ ഇത് പോലെ അമ്മ താൻ രണ്ടു,മൂന്ന് ക്ലാസിൽ പഠിക്കുന്ന കാലത്തു വിളിക്കാറുണ്ട്. അപ്പു അപ്പോൾ ഓർത്തു.”പ്ലീസ് പിറകിൽ ആയതുകൊണ്ടല്ല…. ഹെല്പ് ചെയ്യ്…വാ”അവൾ കെഞ്ചി.അപ്പു എഴുന്നേറ്റ് ചെന്ന് ഹുക്സുകൾ ഓരോന്ന് ഇട്ടുകൊടുത്തു.””ഇവളുടെ ഒരു കാര്യം”അപ്പുവിനെ വിരലുകളിലെ സ്പർശനം ഏറ്റപ്പോൾ അവളൊന്നു പുളകിതയായി.അപ്പു എന്ന ആരാധ്യപുരുഷൻ അവളിലേക്ക് വന്ന ആ നിമിഷവും ആ ഓർമ്മയും ഇടയ്ക്കിടെ അവൾ വന്നു നിറയാറുണ്ട്അവളുടെ ചിന്തയെ ആ കഴിഞ്ഞ പഴയ മായിക ലോകത്തെക്ക്കൂട്ടിക്കൊണ്ടുപോയി.സുബ്രു കനകമ്മാൾ ദമ്പതികൾക്ക് കുട്ടികളില്ല.സുബ്രു ക്ഷേത്ര കർമ്മങ്ങളും നോക്കുന്ന ഒരാളാണ്. രാവിലെ അതിരാവിലെ ക്ഷേത്രത്തിലെത്തി പൂജയ്ക്ക് വേണ്ട ഒരുക്കങ്ങൾ ഒരുക്കുന്നതിൽ പൂജാരിയെ സഹായിക്കുന്നു.ഒരു ദിവസം പ്രഭാതത്തിൽ എഴുന്നേറ്റ് ഇങ്ങനെ പോകുമ്പോൾ ക്ഷേത്ര കുളക്കടവിൽ ഒരു പിഞ്ചു കുഞ്ഞിന്റെ കരച്ചിൽ കേട്ടു നോക്കുമ്പോൾ ഒരു പിഞ്ചുകുഞ്ഞിനെ ആരോ ഉപേക്ഷിച്ച അവിടെ കിടത്തി പോയിരിക്കുന്നു.സുബ്രു വേഗം വാരിയെടുത്തു. ആരെയും കാണാതെ വേഗം വീട്ടിലേക്ക് പോയി. തന്റെ ഭാര്യ കനകം മാളിന് വിളിച്ചു കാണിച്ചു.

അവൾക്കും സന്തോഷമായി.”സുബ്ര അണ്ണാ നമുക്ക് ഇതിനെ വളർത്താം പക്ഷേ ഈ നാട്ടിൽ നിന്നാൽ ഇത് ആരുടേതാണെന്ന് ചോദ്യം ഉണ്ടാവും നമുക്ക് വേറൊരു നാട്ടിലേക്ക് പോകാം അവിടെ താമസിച്ചു കുട്ടി ഇച്ചിരി വലുതാവുമ്പോൾ നമുക്ക് തിരിച്ചു വരാം “അങ്ങനെ തീരുമാനിച്ച അവർ ആ കുട്ടിയെ കൊണ്ട് വെള്ളകീറും മുമ്പേ നാട്ടിൽ നിന്നും സ്ഥലംവിട്ടു.പിന്നെ വേറെ നാട്ടിൽ പോയി ജീവിച്ച അവർ മകൾക്ക് പത്തു വയസ്സായപ്പോൾ സ്വന്തം നാട്ടിൽ തിരിച്ചെത്തി.നാട്ടുകാർ കരുതിയത് സുബ്രു അണ്ണൻ പോയതിനുശേഷം ആ നാട്ടിൽ വച്ചുണ്ടായ കുട്ടിയായിരിക്കും എന്നാണ്. ആർക്കും ഒരു സംശയവും ഉണ്ടായില്ല.നാട്ടിൽ വന്ന് അവർ പഴയ ആ ക്ഷേത്രത്തിൽ ജോലി നോക്കി ജീവിക്കുകയാണ് ഇപ്പോൾ.ഇതിനിടെ അവർക്ക് വേറെ കുട്ടികൾ ഒന്നും ഉണ്ടായില്ല. ആ കുട്ടിക്ക് അവർ ശിവകാമി എന്നാണ് പേര് വെച്ചത്.അതിവസുന്ദരികുട്ടി ശിവകാമിയെകാണാൻ അവളുടെ നോട്ടംകിട്ടാൻ ആ നാട്ടിലെ ആൺകുട്ടികൾ ശ്രമിക്കാറുണ്ട്.അവളെ കണ്ടു ഉന്നത ക്ലാസുകളിൽ പോകുമ്പോൾ കുട്ടികൾ എല്ലാവരും ചോദിച്ചുആരാണീ സുന്ദരി. അപ്പോൾ അവളുടെ കൂട്ടുകാരികൾ പറയുംഅമ്പല കാര്യങ്ങൾ നോക്കുന്ന കുടുംബത്തിൽ ഉള്ളതാണ് അവൾ.സുബ്രു കനകമമാൾ ദമ്പതികളുടെ അരുമ മകൾ.!പാട്ടി പട്ടമ്മാളുടെ ചെല്ലം!!ശിവകാമിയുടെ വീടിനടുത്ത് ഒരു അമ്പലമുണ്ട്.അവിടെ ആൽത്തറയിൽ ഒരറ്റത്തു എന്നും വന്നിരിക്കും.അതിന്റെ മുമ്പിൽ മൈതാനമാണ് ആ മൈതാനത്തിൽ വൈകിട്ട് കുട്ടികൾ വന്നു ഫുട്ബോളും ക്രിക്കറ്റും കളിക്കാറുണ്ട്. ശിവകാമി അവിടെയിരുന്നു ക്ഷേത്രത്തിലേക്കുള്ള പൂമാല കോർത്തു കൊണ്ടിരിക്കുംകുഞ്ഞുങ്ങളിലെ ഉള്ള ശീലം.അത്രയേ ഉള്ളൂ.ഈയിടെയായി അവളുടെ മനസ്സിൽ ചെറുപ്പക്കാരൻ സ്ഥാനംകൊണ്ടു. അപ്പു.

അപ്പുവും ആ ഗ്രൗണ്ടിൽ കളിക്കാൻ വരും. അവൾ അപ്പുവേട്ടനിലേക്ക് അടുക്കാൻ ഉണ്ടായ കാരണം ഓർത്തു”കനകം..അന്ത ടിവി പയ്യനെ കൂപ്ഡ് തമിഴ് സംമ്പരുത്തി പാക്കരുത്ക്ക്‌ ടൈം മാച്ച് “ശിവകാമിയുടെ പാട്ടിപട്ടഅമ്മാൾഓർഡർ ഇട്ടു..ഉടനെ ടിവി നന്നാക്കുന്ന അപ്പുവേട്ടനും ശരത്തും വന്നു അപ്പുനെ ഇത്രേം അടുത്തു ആദ്യം കാണുകയണ്‌ അവൾ”ഹമ്മോ എന്തൊരു സൗന്ദര്യം”ഓഫീസ് റൂമിൽ പഠിക്കുകയായിരുന്ന അവൾ വേഗം പുസ്തകംഅവിടെയിട്ട് അകത്തു കയറിപ്പോയി.30 മിനിറ്റിനുള്ളിൽ അവർ ടിവി നന്നാക്കി മടങ്ങി പോയി.അവളുടെ മനസ്സിൽ അപ്പുവിനെ മുഖം തെളിഞ്ഞു നിന്നു എന്താ ഒരു തേജസ് അവൾ തോന്നി.ശിവ കാമി ഫൈനൽ ഇയർ bsc ഫിസിക്സ് പഠിക്കുന്നു..പിറ്റേന്ന് കോളേജിൽ”എവിടെയാ ശിവകാമി നീ””ലാബിലാർന്നെടി “ക്ലാസ്സിൽ നീ ഇന്ന് വല്ല്യ ആളായെടി “”എങ്ങനെ?””ഫിസിക്സ് പ്രൊഫസർ ഇന്നലെ നമുക്ക് തന്ന പ്രോസസ് നീ മാത്രമേ സോൾവ് ചെയ്തുള്ളൂ. ക്ലാസ്സിലെ പഠിപ്പിസ്റ്റ് സോളമന് പോലും ഒന്നു പോലും ചെയ്യാൻ പറ്റിയില്ല.മൂന്നു പ്രോസും നീ സോൾവ് ചെയ്തു… എങ്ങനെ ഒപ്പിച്ചടി ഇതിന്റെ ഉത്തരം””ങേ “ഇന്നലെ രാത്രി വരെ ഒന്നും കമ്പ്ലീറ്റ് ചെയ്തില്ലല്ലോ പിന്നെ ഇതെങ്ങനെ സംഭവിച്ചു..എങ്ങനെ സംഭവിച്ചു എന്നതിനെക്കുറിച്ച് ആലോചിച്ചിട്ട് ഒരു പിടിയും കിട്ടിയില്ല.” നീയാണോ എന്റെ പുസ്തകം എടുത്തു സാറിന് കൊടുത്തത്?”ശിവകാമി അത്ഭുതത്തോടെ ചോദിച്ചു”എല്ലാവരുംകൊടുക്കുന്ന കൂട്ടത്തിൽ നിന്റെ ബുക്‌സും നിന്റെ ബാഗിൽ നിന്ന് എടുത്തു ഞാൻ കൊടുത്തു… ഉം എന്താ..?”സത്യത്തിൽ താൻ ഒന്നും ചെയ്തില്ലല്ലോഅത് എങ്ങനെയുള്ള പറയും. ഏതായാലും ഞാൻ ബുക്സ് കാണട്ടെ അപ്പോൾ അറിയാമല്ലോ.. അവൾ കരുതി.ക്ലാസ്സിൽ കയറി ചെന്നപ്പോൾ പ്രൊഫസർ അവളെ പ്രശംസിച്ചു.”അഭിനന്ദനങ്ങൾ ഇത്രയുംഡിഫിക്കല്റ്റായ പ്രോബ്ലം സോൾവ് ചെയ്തത നീ നാളത്തെ ഐഎസ്ആർഒ വാഗ്ദാനമാണ്‌.

കീപ്പിറ്റപ്പ്””ങേ “അവൾ അത്ഭുതപരതന്ത്രനായി.സത്യം തന്നെയാണോ ഒരുപക്ഷേ മാഷിന് പുസ്തകം മാറിയിട്ടുണ്ടാവും എന്ന് അവൾക്കു തോന്നി.സത്യത്തിൽ ഇന്നലെ വരെതന്റെ ബുക്കിൽ താൻ ഒരു അക്ഷരം പോലും എഴുതിയിട്ടില്ല.എങ്കിലും മാഷ് അഭിനന്ദിച്ചപ്പോൾ അവൾ”താങ്ക്സ്”വിറച്ചുകൊണ്ട് പറഞ്ഞു.അവൾ പുസ്തകംഎടുത്തു നോക്കി ശരിയാണ് തന്റെ പുസ്തകത്തിൽ നല്ലകൈപ്പടയിൽ ആരോ പ്രോബ്ലം സോൾവ് ചെയ്തിരിക്കുന്നു. ഈശ്വരാ ഇതെന്തു മറിമായംഈശ്വരൻ നേരിട്ട് സഹായിച്ചത്ആണോ…..അവൾ ശങ്കിച്ചു പോയി. ആ നിമിഷം…..കണ്ടിട്ട് ഈശ്വരന്റെ കയ്യക്ഷരം ആണെന്ന് തോന്നുന്നില്ല…..അതിനവൾക്ക് ഈശ്വരനെ മുമ്പിൽ കണ്ടിട്ടില്ലല്ലോ പിന്നെങ്ങനെ ഈശ്വരനെ കൈയ്യക്ഷരം അറിയും.അവൾ അവളുടെ കഴിഞ്ഞ ദിവസത്തിലെ ജീവിതത്തിലെ ഓരോ നിമിഷവും റീവൈൻഡ് ചെയ്തു.അപ്പോഴാണ് തലേന്നാൾ രാത്രി ടിവി മെക്കാനിക് വീട്ടിൽ വരുന്ന നേരം താൻ ബുക്സും കൊണ്ട് ഓഫീസ് റൂമിൽ ആയിരുന്നു പഠിച്ചിരുന്ന കാര്യം അവൾക്ക് ഓർമ്മയിൽ തെളിഞ്ഞത്.ടിവി നന്നാക്കുക അത് ഫിസിക്സ് പഠിച്ചതിന് ഭാഗമാണല്ലോഅങ്ങനെയെങ്കിൽ അവരിൽ ആരോ ആണ് അത് ചെയ്തത്.സംശയിക്കുന്ന രണ്ട് പേരിൽഏറെ നാളത്തെ പരിശ്രമത്തിനൊടുവിൽ ആളെ കൃത്യമായ ആളെ കണ്ടെത്തി.അന്ന് ടീവി നന്നാക്കാൻ വന്നപ്പോൾ മേശ പുറത്തു വച്ചിട്ടുണ്ടായിരുന്നുണ്ടായിരുന്ന പുസ്തകം അപ്പുവേട്ടൻ കണ്ടപ്പോൾആ പ്രോബ്ലംസോൾവ് ചെയ്യുകയായിരുന്നുഇത്രയുംവിദ്യാഭ്യാസം ഉണ്ടായിരുന്നെന്ന് അറിഞ്ഞിരുന്നില്ല.’ഈശ്വരാ അപ്പുവേട്ടൻ ഫിസിക്സ് എംഎസ്സി ആണെന്ന് ‘അന്നു മൊട്ടിട്ട ഒരു കുഞ്ഞു പ്രണയം മനസ്സിൽ ഉള്ളിലുണ്ട്.ആരവമുയർന്നു അപ്പുവേട്ടൻ മൈതാനത്തിൽ എത്തി എന്നു തോന്നുന്നു ഒന്ന് കാണാൻ അവളും എഴുന്നേറ്റു.അപ്പും അവളെ കണ്ടു.അവൾ പുഞ്ചിരിച്ചു!അവരുടെ പ്രണയം നാൾക്കുനാൾ വളർന്നു.കുളക്കടവിൽ ക്ഷേത്രമതിൽക്കെട്ടിനു പുറത്തു ഊടു വഴികളിലും അവർ കണ്ടുമുട്ടി. പരസ്പരം സംസാരിച്ചു മനസ്സുകൾ കൈമാറി സ്വപ്നങ്ങൾ പങ്കു വെച്ചു ദിനങ്ങൾ കഴിച്ചുകൂട്ടി.

ടിവി മെക്കാനിക് ജോലി നോക്കിയിരുന്നു അപ്പുവിനു ശാസ്ത്രസാങ്കേതിക വകുപ്പിൽ ജോലി ലഭിച്ചു. അതിനുള്ള യോഗ്യത അയാൾക്ക് ഉണ്ടായിരുന്നല്ലോ.നല്ലൊരു മുഹൂർത്തത്തിൽ ശിവകാമിയുടെ യും അപ്പുവിനെയും വിവാഹം കെങ്കേമമായി നടന്നു.ശിവകാമിയുടെ വളർച്ചയും ജീവിതവും എല്ലാം കണ്ട് ആസ്വദിച്ച് ആരുമറിയാതെ കഴിയുന്ന ഒരു അമ്മ ഏതോ ഒരു കുടുംബത്തിൽ അവരുടെ ഭർത്താവിന്റെ കൂടെ അവരുടെ കുട്ടികളുമായി ജീവിച്ചു വരികയാണ്.അന്ന് കുട്ടിയെ കുളക്കടവിൽ ഉപേക്ഷിച്ചു അവര് ഒരിടത്തു മറഞ്ഞ് ഇരിക്കുകയായിരുന്നു. മക്കളില്ലാത്ത സുബ്രു എന്തായാലും തന്റെ കുഞ്ഞിന് കാണുമെന്നും അയാൾ എടുത്തുകൊണ്ടു പോയി വളർത്തണമെന്നും നല്ല നിശ്ചയമുള്ള ഒരമ്മയാണതു.”ശിവകാമി നീ എവിടെയാണ്”അപ്പുവിനെ വിളി കേട്ട ശിവകാമി ചിന്തയിൽ നിന്നുണർന്നു. ക്ലോക്കിൽ നോക്കിയപ്പോൾനാല്പത് മിനിറ്റ് കടന്നുപോയിരിക്കുന്നു”അയ്യോ…എന്താ അപ്പുവേട്ടാ ഇത് നാലു കുടുക്കുകൾ ഇടാൻ നാല്പത് മിനിറ്റോ””നീ എന്തെടുക്കുകയായിരുന്നു.. അപ്പോൾ””അത് പിന്നെ ഞാൻ…എന്റെ അപ്പുവേട്ടൻ തൊടുമ്പോൾ എനിക്ക്…. ഒരു മണിക്കൂർ പോലും ഒരുനിമിഷം ആയി മാറുന്നു…ശോ..”അതും പറഞ്ഞ് അവൾ അടുക്കളയിലേക്കോടി…..വായിച്ചുകഴിഞ്ഞാൽ രണ്ടു വാക്കു പറഞ്ഞു പോകാൻ മറക്കല്ലേ…..

Continue Reading

Most Popular