Connect with us

തുടർക്കഥകൾ

പറയാതെ, Part 6

Published

on

രചന: നന്ദു
അപ്പോ നമ്മൾ പറഞ്ഞ് നിർത്തിയത് ആദിടെ ക്ലാസ്സ്മേറ്റ്നെ പറ്റിയല്ലെ. അവന് ശ്രിയയെ ക്ലാസ്സ്മേറ്റ്. ആയിട്ട് കിട്ടിയതിന് ഞാൻ എന്ത് ചെയ്യാനാ. പക്ഷേ അവളൊരു പിടിവള്ളിയല്ലെ. അങ്ങനെ അറിയേണ്ടത് എല്ലാം അറിഞ്ഞു. അവൾ ചെന്നൈയിലാണെന്ന് അറിവ് കിട്ടി. അവിടെ ഫാഷൻ & അപ്പാരെൽ എൻജിനീയറിങ് പഠിക്കുന്നു. പോയി കാണാൻ ഒരു മടി. വീണ്ടും തല്ല് കിട്ടിയാലോ, വേണ്ട പഠിപ്പ് കഴിഞ്ഞ് ഒരു ജോലിയായിട്ട്‌ അവളുടെ വീട്ടിൽ പോയി ചോദിക്കാം എന്ന് കരുതി. ഒരു വർഷം കഴിഞ്ഞപ്പോ ആദി അവളുടെ കാര്യങ്ങൾ ഒന്നും എന്നോട് പറയാതായി. അപ്പോഴേ വിചാരിച്ചു എന്തോ എവിടെയോ ഒരു തകരാറ് പോലെ. അങ്ങനെ 5 വർഷം കഴിഞ്ഞു. എല്ലാം കെട്ടി പെറുക്കി വേഗം വീട്ടിലേക്ക്. എന്തൊക്കെയോ കഴിച്ചെന്നു വരുത്തി നേരെ പോയത് മെഡിക്കൽ കോളേജിലാ. ആദിയെ കാണാൻ. അവിടെ ചെന്നപ്പോ ആദി ആദി പിടിച്ച് ഓടുന്നു. ചോദിച്ചപ്പോ ഒരു പേഷ്യന്റിന് ബ്ലഡ് വേണം. ബ്ലഡ് ബാങ്കിൽ സ്റ്റോക്ക് തീർന്നു പോയി. ചോദിച്ചപ്പോ എന്റെ അതെ ഗ്രൂപ്പ്… പതിയെ തലയൂരാൻ നോക്കി. സൂചി പേടിയാണെ. സിഐഡി മൂസ തൊരപ്പൻ കൊച്ചുണ്ണിയെ നോക്കുമ്പോലെ അവനെന്നെ നോക്കി. പക്ഷേ ഊരിപോവാൻ പറ്റിയില്ല. അവനെന്നെ പിടിച്ച് ഒരു മുറിയിൽ കിടത്തി. “അതിങ്ങു തന്നേക്ക്‌.” അവൻ പറഞ്ഞു. അയ്യോ ജോൺ ഹോനായ്, ഒരു പെട്ടിയുടെ കുറവേ ഉള്ളൂ. ആ നഴ്സ് പാട് പെടുന്നുണ്ട്. പെട്ടെന്ന് ഒരാൾ മുറി തുറന്ന് അകത്തേക്ക് വന്നു.

ആളെ കണ്ടപ്പോ ഞെട്ടി പോയി. ശിവ!!! ആളാകെ മാറി പോയി. സാരിയാണ് വേഷം. പക്ഷേ സ്ലീവ് ലെസ്സ് ബ്ലൗസ്. ആളങ്ങു സീറോ സൈസ് ആയി. മുടിയിൽ കളറും, കേളിങ്ങും, സ്ട്രെറ്റനിങ്ങും എല്ലാം ചെയ്തിട്ടുണ്ട്. പുറകു വശത്ത് ബ്ലൗസിന്റെ ഏതെങ്കിലും ഭാഗം ഉണ്ടോന്ന് തന്നെ സംശയം. ങാ കുറച്ച് എന്തൊക്കെയോ ഉണ്ട്. അവളെന്റെ അടുത്തു വന്നു… “സിസ്റ്ററേ, ഇനി ധൈര്യമായിട്ട് കുത്തിക്കോ. ചാടി പോവില്ല.” ഇതും പറഞ്ഞ് ആദി പുറത്ത് പോയി. കുറച്ച് കഴിഞ്ഞപ്പോൾ നഴ്സും. അവർ ചിരിക്കുന്നുണ്ടോ?? ഏയ് തോന്നിയതാവും, ഞാൻ അവളുടെ വയറിലൂടെ പഴയത് പോലെ ചുറ്റി പിടിച്ചു. ഒന്നും ചോദിച്ചില്ല, അവളുടെ കണ്ണിൽ നിന്നും കണ്ണെടുതിട്ട്‌ വേണ്ടേ അതൊക്കെ. ബ്ലഡ് നിറഞ്ഞതൊന്നും ഞാൻ അറിഞ്ഞില്ല. “ടാ മതി ഇനി ബ്ലഡ് കൊടുത്താൽ നീ കാഞ്ഞ് പോവും.” ഓ സൂര്യ ഇവനെപ്പോ എത്തി. “ഇനി ചത്താലും സാരമില്ലെടാ.” ഞാൻ ശിവാനിയേ നോക്കി പറഞ്ഞു. നഴ്സ് വന്ന് എല്ലാം ഊരി എടുത്ത് കൊണ്ട് പോയി. അവിടേക്ക് ശ്രിയയും ഒപ്പം പഷ്മീനും എത്തി. ഇന്നാദ്യമായാണ് പഷ്മീനെ നേരിൽ കാണുന്നത്. പക്ഷേ അതിന്റെ ഭാവഭേദം ഒന്നും അവളുടെ മുഖത്ത് കണ്ടില്ല. നല്ലോരു പഞ്ചാബി പെങ്കൊച്ച് എന്റെ ദുരന്തം ചങ്കിന് എങ്ങനെ വളഞ്ഞു എന്ന് ഞാൻ പലപ്പോഴും ആലോചിക്കും. അവളുടെ വീട്ടിലായിരുന്നു ഇവൻ പേയിങ് ഗസ്റ്റ് ആയിട്ട് ഉത്തരാഖണ്ഡിൽ താമസിച്ചിരുന്നത്. ഞാൻ കഴുത എന്നാ വിളിക്കാറ്. അവളുടെ വിചാരം അതെന്തോ പൊന്നും മുത്തും പോലെ എന്തോ അവളുടെ നിക്ക് നെയിം ആണെന്നാ. എന്റെ പാവം കുഞ്ഞനിയത്തി. അവൾ വന്നെന്‍റെ കവിളുകളെ പിച്ചെടുത്തു. “How are you Bhaiyya.” ഞാൻ ഫൈൻ എന്ന് തലയാട്ടി. “പഞ്ചാബി പെൺപിള്ളേരേ കണ്ട് പഠിക്കണം ഇൗ മലയാളി പെണ്ണുങ്ങൾ. എന്താ ഇവളുടെ ഒക്കെ ജാഡ. ആ കൊച്ചിനെ ഞാൻ ആദ്യമായിട്ടാ കാണണെ. അവൾ വന്ന് എന്നോട് വിശേഷങ്ങൾ ഒക്കെ ചോദിച്ചു. ഇവിടെ ചിലരുണ്ട്, കണ്ടിട്ട് നാലഞ്ച് വർഷമായി. സുഖമാണോ എന്നൊരു വാക്ക്, ങേഹേ…” ഞാൻ അവൾക്കിട്ട്‌ ഒന്ന് കുത്തി. അങ്ങനെ എങ്കിലും എന്തെങ്കിലും ഒന്ന് മിണ്ടാൻ. “ചേട്ടോ എല്ലാരെയും ആ ഗ്രൂപ്പിൽ പെടുത്തണ്ടാ.

ജാഡ ഇല്ലാത്ത മലയാളി പെൺപിള്ളേർ ഇവിടെ ഇപ്പോഴും ഉണ്ട്.” ശ്രിയയുടെ കമന്റ് വന്നു. അവൾ എനിക്ക് സൈഡിലൂടെ വന്നൊരു ഹഗ് തന്നു. “Glad to see you again” ഞങ്ങൾ അന്യോന്യം പരിചയം പുതുക്കി. പിന്നെയും ഞാൻ അവളെ തന്നെ നോക്കി നിന്നു. ചേട്ടനോട് ഒന്ന് മിണ്ട് മുത്തേ, പ്ലീസ്. ഇവൾക്ക് ശരിക്കും ഭംഗി കൂടി, പുതിയ വേഷത്തിൽ പ്രത്യേകിച്ചും. അപ്പോഴാണ് ആദിടെ കൂടെ സീനിയർ ഡോക്ടർ അകത്തേക്ക് വന്നത്. 28 വയസ്സ് തോന്നിക്കും. ആളെന്നെ പരിചയപ്പെട്ടു. അവനെന്റെ പേരെങ്കിലും ഓർമ്മ കാണുമോ എന്തോ. സംസാരിക്കുന്നത് എന്നോടാണെങ്കിലും എന്റെ പെണ്ണിനെ അടി മുതൽ മുടി വരെ അവൻ സ്കാൻ ചെയ്യുന്നുണ്ട്. ഞാൻ അവൾ ഒരു വശത്തേക്ക് ഒതുക്കി ഇട്ടിരുന്ന നീണ്ട് ചുരുണ്ട തലമുടി എടുത്ത് ബാക്കിലേക്ക്‌ വിടർത്തി ഇട്ടു. അതോടെ അവളുടെ പുറകുവശം മറഞ്ഞു. “നിനക്ക് മുടി എടുത്ത് ബാക്കിൽ ഇട്ടൂടേ.” ഞാൻ ദേഷ്യപ്പെട്ടു. എന്നിട്ട് അവളുടെ അരക്കെട്ടിലൂടെ ചുറ്റി പിടിച്ചു. അവനെ ഒന്ന് കണ്ണുരുട്ടി നോക്കി. “ഇറങ്ങി പോടാ. ഇവിടെ ചോദിക്കാനും പറയാനും ആളുണ്ട്.” എന്നൊരു അർത്ഥം അതിനുണ്ടായിരുന്നു. അവൻ അപ്പോൾ തന്നെ തടി തപ്പി. “നിനക്കൊന്നു നേരേ ചൊവ്വേ ഡ്രസ്സ് ധരിച്ചു കൂടെ.” ഞാൻ ദേഷ്യപ്പെട്ടു. അവൾ കരച്ചിലിന്റെ വക്കോളമെത്തി. ഇടക്കു ശ്രീയെ തുറിച്ച് നോക്കി. “ആദി ഞാൻ പോവാ. നീ ചരമകോളത്തിൽ ഒരു സ്ഥലം ബുക്ക് ചെയ്തു വച്ചോ. ശ്രിയ 21 വയസ്സ്.” അവൾ തടി തപ്പി. “തന്റെ ഇൻസ്റ്റാ സ്റ്റോറീസിൽ, തന്റെ കൂടെ നിക്കുന്ന പെണ്ണുങ്ങൾ നേരേ ഡ്രസ്സ് ചെയ്തിട്ടുണ്ടോടോ.” അപ്പോ അവൾക്ക് നാക്കുണ്ട്. ഞാൻ തറയിൽ എന്തോ തിരഞ്ഞു.

“നീ എന്താ ഇൗ തപ്പണെ.” സൂര്യ ചോദിച്ചു. “തമ്പുരാട്ടിടെ വായിൽ നിന്ന് വീണ മുത്ത് തിരഞ്ഞ് നടന്നതാ.” അവൾ ബെഡിൽ പോയിരുന്ന് കരയാൻ തുടങ്ങി. “നീ എന്താടാ ഇൗ കാണിച്ചെ.. കല്യാണം ഉറപ്പിച്ച പെണ്ണാ വെറുതെ പാവത്തിനെ കരയിപ്പിച്ചു. പോരാത്തതിന് ആളിന്ന് ഇവളെ കാണാൻ വരുവാ.” സൂര്യ പറഞ്ഞു. ക കല്യാണം!!! അവളുടെ കല്യാണം ഉറപ്പിച്ചോ. പിന്നെയൊന്നും കേട്ടില്ല, കണ്ണു നിറഞ്ഞ് ഒന്നും കാണാൻ പറ്റിയില്ല. 8 കൊല്ലം പുറകേ നടന്നതെല്ലാം വെറുതെ. അവൾക്ക് വേണ്ടി നേരത്തെ ഉറക്കം എണീറ്റ് ട്യൂഷന് പോയതും, ഫുഡ്ബോഡിൽ തൂങ്ങി സ്കൂളിൽ പോയതും, അവളെ കാത്ത് നിന്നതും, എല്ലാം വെറുതെ… ഇനി അവളുടെ സമ്മതം ഇല്ലാതെ ആയിരിക്കുമോ എല്ലാം. ഞാനവളുടെ മുഖത്തേക്ക് നോക്കി. ആ മുഖത്തെ നാണം എനിക്ക് എല്ലാത്തിനും ഉത്തരം തന്നു. “ടാ ചേട്ടാ. നിനക്ക് അമ്മ ഒരു പെണ്ണിനെ നോക്കി വച്ചിട്ടുണ്ട് പോയി കാണാൻ പറഞ്ഞു.” ആദി പറഞ്ഞു. എനിക്ക് ദേഷ്യം ഇരച്ചു കയറി. “വേണ്ട… 8 കൊല്ലം ഒരുത്തീടെ പുറകേ പട്ടിയെ പോലെ നടന്നതാ. ഇഷ്ടായിട്ട്‌ തന്നെയാ പുറകേ നടന്നത്. ഇനി വയ്യ.” ഞാൻ അവിടന്ന് ഇറങ്ങി നടന്നു.മനസ്സിൽ ഒരു കടൽ ഇരമ്പുന്നുണ്ട്. എവിടെ എങ്കിലും പോയി ഒന്ന് കരഞ്ഞ് തീർക്കണം. അവൾ എന്റെ അടുത്തേക്ക് ഓടി വന്നു നിന്നു. “എന്താ.” എല്ലാം ഒപ്പിച്ചു വച്ചിട്ട്. പച്ചവെള്ളം കൊടുത്താൽ ചവച്ചു കുടിക്കും ആ നിപ്പാ. “കാറിന്റെ കീ ഇങ്ങ് തന്നേക്ക് ഞാൻ ഡ്രൈവ് ചെയ്യാം. ബ്ലഡ് കൊടുത്തതല്ലേ ക്ഷീണം കാണും.”

“അങ്ങ് ചാവട്ടെ.” അവൾ പൊട്ടിച്ചിരിക്കാൻ തുടങ്ങി. ഞാനവളെ കാറിനോട് ചേർത്ത് നിർത്തി. എന്റെ നഖങ്ങൾ അവളുടെ തോളുകളിൽ ആഴ്ന്നിറങ്ങി… “ആഹ്‌ ആര്യൻ എനിക്ക് വേദനിക്കുന്നു വിട്.” അവൾ കുതറി മാറാൻ ശ്രമിച്ചു. “വേദനിക്കട്ടെ എന്റെ വേദനയുടെ നാലിലൊന്ന് പോലുമില്ല ഇത്. നീ എന്ത് കണ്ടിട്ടാ വേറൊരുത്തനെ മനസ്സിൽ കുടിയിരുത്തിയേ. .” വെയിലും, ബ്ലഡ് കൊടുത്ത ക്ഷീണവും പിന്നെ നെർവസ്‌നസും എല്ലാം കൂടെ ആയപ്പോ എനിക്ക് തല കറങ്ങാൻ തുടങ്ങി. ബോധം പതിയെ നഷ്ടപ്പെട്ട് തുടങ്ങി…പിന്നെ കണ്ണു തുറന്നപ്പോ അവളുടെ മടിയിലായിരുന്നു. പഴയ വാർഡിൽ അവളുടെ കണ്ണുകൾ കരഞ്ഞ് കലങ്ങി ഇരിക്കുന്നു. “ഡ്രിപ്പ് തീർന്നാൽ ഉടനെ പോവാം.” അവൾ പറഞ്ഞൊപ്പിച്ചു.. പഴയതൊക്കെ ഓർത്തെടുതപ്പോ നെഞ്ചിലൊരു വിങ്ങൽ. ഞാനാ കൈകളിൽ മുറുകെ പിടിച്ചു. “ഞാൻ നോക്കിക്കോളാം പൊന്ന് പോലെ. മറന്നൂടെ നിനക്കയാളെ” അവൾ ഒന്ന് ചിരിച്ചു. പിന്നെ കൈയ്യുടെ അറ്റം കൊണ്ട് കണ്ണീർ തുടച്ചു.. “എന്റെ വീട്ടിലേക്ക് വരുന്നോ. നീ ഇതുവരെ അങ്ങോട്ട് വന്നിട്ടില്ലല്ലോ. ” അപ്പോഴേക്കും നഴ്സ് വന്ന് ഡ്രിപ്പ് ഊരിയെടുത്തു. “ഇത് കുടിക്ക്‌.” ഒരു ഗ്ലാസ്സ് ഓറഞ്ച് ജ്യൂസ് അവൾ എനിക്ക് എടുത്ത് തന്നു. ഞാൻ ഒറ്റയിരുപിൽ എല്ലാം അകത്താക്കി. നല്ല കുട്ടി ആയാൽ ചിലപ്പോ അവളെന്നെ കെട്ടിയാലോ. ഗൃഹാതുരത്വം തുളുമ്പുന്ന ഒരു വീട്. നല്ല ഐശ്വര്യം. വീടിന് മുൻവശത്ത് വെള്ള ചെമ്പരത്തിയും പിങ്ക് പനിനീർ പൂക്കളും പൂത്ത് കിടക്കുന്നു. ലക്ഷ്മി വാസം ഉള്ളിടത്ത് മാത്രമേ ഇതൊക്കെ പൂവിടൂ എന്ന് അമ്മ പറഞ്ഞ് കേട്ടിട്ടുണ്ട്. അവളുടെ അച്ഛൻ അകത്തിരിപ്പുണ്ട്. കണ്ട ഉടനെ എന്നെ സ്വീകരിച്ച് അടുത്തിരുത്തി. എന്നെ കാത്തിരുന്ന പോലെ. പിന്നെ ഒരുപാട് എന്തൊക്കെയോ സംസാരിച്ചു. കൂടുതലും എന്റെ ഫ്യൂചർ പ്ലാൻസ്. ശ്രീക്കുട്ടി ഓടി വന്ന് അടുത്തിരുന്നു. . അപ്പോഴേക്കും അവളും ആൻ്റിയും ചായയുമായി വന്നു. കുറച്ച് മുന്നേ ജ്യൂസ് കുടിച്ചത് കൊണ്ട് ഞാൻ വേണ്ടെന്ന് പറഞ്ഞു.

“കുടിക്ക് ചേട്ടാ ഇതൊക്കെ ഓരോ കീഴ്‌വഴക്കങ്ങൾ അല്ലേ.” ശ്രീയുടെ മറുപടി. എനിക്കൊന്നും മനസിലായില്ല. അവളുടെ മുത്തശ്ശനും മുത്തശ്ശിയും എല്ലാവരുമായി ഞാൻ പെട്ടെന്ന് കൂട്ടായി. അവരെ ഒന്നും മിസ്സ് ചെയ്യാൻ വയ്യ. അവളുടെ കൂടെ ഇവരെയും എനിക്ക് നഷ്ടപ്പെടുമെന്ന കാര്യം ഒാർത്തപ്പോ ഒരു വിഷമം. “ഇനി എത്ര നാള് കൂടിയാ എന്റെ മോള് ഞങ്ങളെ ഒക്കെ വിട്ട് പോവില്ല.” അച്ഛമ്മ ആരോടെന്നില്ലാതെ പറഞ്ഞു. എല്ലാം ഒന്ന് മറന്ന് വരുവായിരുന്നു. വീണ്ടും പഴയതൊക്കെ ഓർമ്മ വരുന്നു. ഞാൻ പോകാനൊരുങ്ങി. “മോൻ പോവാണോ ഈ വീടും, ഞങ്ങളെയും ഒക്കെ ഇഷ്ടപ്പെട്ടോ??” അവളുടെ അച്ഛൻ ചോദിച്ചു. ” ഉം, നല്ല വീട്, വീട്ടുകാർ.പക്ഷേ എനിക്ക് വിധി ഇല്ലാതെ പോയി.” ഞാൻ കണ്ണീർ തുടച്ചു, പോകാനൊരുങ്ങി. “എന്താ അനന്താ ഇത് എന്റെ മോളെ കാണാൻ വന്നിട്ട്. ഒരു വാക്ക് പോലും പറയാതെ പോവാണോ നിന്റെ മോൻ.” അപ്പോഴാണ് പടി കയറി വരുന്ന അച്ഛനെയും അമ്മയെയും ഞാൻ കണ്ടത്. “മച്ചാ പെണ്ണുുകാണലൊക്കെ പൊളിച്ചില്ലെ.” സൂര്യ പുറത്ത് നിന്ന് വിളിച്ച് ചോദിച്ചു. “സോറി ഡാ ചേട്ടാ എല്ലാം പ്ലാനിംഗ് ആയിരുന്നു.” ആദി എന്റെ തോളിൽ തട്ടി പറഞ്ഞു. പഷ്മീൻ എന്റെ പുറത്തിനിട്ട് ഒരിടി. “എന്നെ കലുത വിലിച്ചില്ലെ. This is a small revenge from my side.” മനുഷ്യനെ പറ്റിക്കുന്നതിനും ഒരതിരൊക്കെ ഉണ്ട്. ഞാനും എല്ലാരേയും ഒന്ന് പറ്റിക്കാം എന്ന് കരുതി. “അയ്യോ ഒരഞ്ച് മിനിറ്റ് മുന്നേ പറയാത്തതെന്താ. എന്റെ ഒരു classmate കുറേ കാലമായി എന്റെ പുറകേയാ. ഞാനവളോട് യെസ് പറഞ്ഞു.” എല്ലാവരും ഞെട്ടിപ്പോയി… ഞാൻ ഏറു കണ്ണിട്ട് അവളെ നോക്കി. ഇപ്പോ കരയും ആള്. “ഡാ നീ ചുമ്മാ കളിക്കല്ലെ. എന്നിട്ട് ഞങ്ങളാരും കണ്ടില്ലല്ലോ.” “ഞാൻ അവൾക്ക് മേസേജാ അയച്ചെ.” അടുത്ത കള്ളം അങ്ങ് പാസാക്കി. “ഒരു മെസേജ് അയച്ച് ബന്ധം ഉറപ്പിക്കാൻ പറ്റുവോ മോനെ.” അമ്മ ചോദിച്ചു. അങ്ങനെ ചോദ്യവും പറച്ചിലും ഒക്കെ നീണ്ട് പോയി. അവൾ പൊട്ടി കരയാൻ തുടങ്ങി… എനിക്ക് വേണ്ടി കരയുന്നത് കണ്ടപ്പോ എന്തോ ഒരാശ്വാസം. “കരയണ്ട ഞാനാർക്കും വാക്കൊന്നും കൊടുത്തിട്ടില്ല. വെറുതെ തമാശയ്ക്ക് പറഞ്ഞതാ.” അവള് കരച്ചിൽ നിർത്തി എന്നെ രൂക്ഷമായി നോക്കി. എന്നോട് പിണങ്ങി. അപ്പോഴേക്കും ആന്റി എല്ലാവരെയും കഴിക്കാൻ വിളിച്ചു. അമ്മയും വിളമ്പാൻ കൂടി. ” ശിവ മോളെ പരിപ്പ്‌കറി ഇങ്ങ് എടുത്തിട്ട് വന്നേ.” ആന്റി അവളെ അടുക്കളയിലേക്ക് പറഞ്ഞയച്ചു. ഞാനും പുറകെ ചെന്നു. മുഖം കടന്നല് കുത്തിയത് പോലുണ്ട്. ഞാനടുത്ത് ചെന്നു. “പിണക്കമാണോ എന്നോടിണക്കമാണോ. അടുത്ത് വന്നാലും പൊന്നേ മടിച്ചു നിൽക്കാതെ.” ഞാൻ പാടി. അവൾ ഒന്നും മിണ്ടാതെ ബൗളും എടുത്ത് നടന്നു. പെട്ടെന്ന് തിരിഞ്ഞ് നടന്നിട്ട് എന്റെ ചെവിയിൽ പാടി. “മിടുക്കി പ്രാവിൻ നെഞ്ചിൻ മിടുക്ക് പോലെ. തുടിച്ചു ചാഞ്ചാടും എന്റെ മനസ്സറിഞ്ഞൂടെ.” ശ്രീ അകത്തേക്ക് വന്നു.

“ചേച്ചി ഇവിടെ നിക്കുവാണോ. ആ പരിപ്പിങ്ങെടുക്ക്‌.” അവൾ ബൗൾ വാങ്ങി കൂടെ ശിവാനിയെയും കൊണ്ട് പോയി. അവളപ്പോഴും തിരിഞ്ഞ് എന്നെ തന്നെ നോക്കി പുഞ്ചിരിക്കുന്നുണ്ടായിരുന്നു. “കണ്ണുകളിൽ കുറുമ്പിന്റെ മിന്നലില്ലെ. പൂങ്കുയിലായ് കുറുകുന്ന പ്രായമല്ലെ.” ഞാൻ വീണ്ടും പാടി. കഴിക്കുന്നതിനിടയിൽ അവളെനിക്ക്‌ ഗ്ലാസ്സിൽ വെള്ളം ഒഴിച്ച് വച്ചു. എന്നിട്ട് വീണ്ടും പാടി പതുക്കെ. “മാനത്തെ അമ്പിളിയായ്‌ നീ ഒളിച്ചീല്ലേ.” അവൾ മുകളിലേക്ക് നോക്കി പാടി. ഒരു കുരുപ്പ് ഇതെല്ലാം കേട്ട് എന്റെ അടുത്ത് ഇരിപ്പുണ്ട്, ശ്രീ. “ഇത് വരെ എല്ലാം മനസിലായി ചേട്ടാ. പക്ഷേ ഇൗ വരി നോ ഐഡിയ.” “ആരും കാണാതെ ടെറസ്സിലേക്ക് വരാനാ പറഞ്ഞേ.” “ഞങ്ങളും വരട്ടെ. ഞാനും ആദിയും. വല്ലതുമൊക്കെ പഠിക്കാല്ലോ.” “ഏഴെട്ട് കൊല്ലം കൊണ്ട് നീ പഠിക്കാതതൊന്നും ഒരു രാത്രി കൊണ്ട് പഠിക്കാൻ പോണില്ല. ആ പരിസരത്ത് കണ്ടാ. രണ്ടെണ്ണത്തിനേം ചാക്കിൽ കെട്ടി ആമയിഴഞ്ചാൻ തോട്ടിലെറിയും.” അല്ലപിന്നെ ഇന്നാദ്യമായ് ഒന്ന് മനസ്സ് തുറന്ന് സംസാരിക്കാൻ പോവുമ്പോ വന്നോളും ഓരോരോ മാരണങ്ങൾ. ഞാൻ ടെറസിൽ പോയിരുന്നു. ഇന്ന് ഫുൾ മൂണാണല്ലോ. നിറച്ച് നക്ഷത്രങ്ങളും. അടുത്ത് കിടന്ന ദിവാനിൽ ഞാൻ കാലും നീട്ടിയിട്ട്‌ ഇരുന്നു. പടി കയറി വരുന്ന കൊലുസിന്റെ കിലുക്കം കേൾക്കാം. പക്ഷേ അവള് വന്ന് നിന്നപ്പോ ഞാൻ ഞെട്ടിപ്പോയി. ഒരു ഓഫ് വൈറ്റ് സിമ്പിൾ ലഹങ്ക. അധികം വർക്കുകൾ ഒന്നും ഇല്ല. പാറി പറക്കുന്ന അവളുടെ നീളൻ മുടിയിഴകൾ. ഗോതമ്പിന്റെ നിറവും. ബ്രഹ്മാവ് ചന്ദ്രനെ ഉണ്ടാക്കിയതിൽ ബാക്കി വന്ന മാവ് കൊണ്ടാവും ഇവളെയും സൃഷ്ടിച്ചത്. ഇത് ഗ്രീക്ക് ദേവത ഒന്നുമല്ല പുരാണത്തിലെ ഏതോ രാജകുമാരിയാ… അവളെന്റെ അടുത്ത് വന്നിരുന്നു. “Your favorite desert.” ഭഗവാനെ എന്താ ഇത്. ഇവരെ ഞാൻ ഇത്ര മിസ്സ് ചെയ്തെന്ന് എനിക്കെ അറിയൂ. എന്റെ വായിൽ വെള്ളമൂറി. സേമിയ പായസവും ബോളിയും. എങ്കിലും ഗൗരവം വിടാതെ ഞാൻ പറഞ്ഞു. “എനിക്ക് വേണ്ട ഒരു മൂഡില്ല. എങ്കിലും വാരി തന്നാൽ കഴിക്കാം.

” സേമിയ പായസം, ബോളി പിന്നെ തരുന്നത് എന്റെ പെണ്ണും. എന്റെ സാറേ….”ഇനി എന്നോട് പറ ഐ ലവ്യൂന്ന്.” അവൾ നാണിച്ച് തല താഴ്ത്തി. ഞാനവളുടെ തോളിലെ മുടിയിഴകളെ മാടിയൊതുക്കി. ഒരുമ്മ കൊടുക്കണം എന്നൊക്കെ ഉണ്ട്. പക്ഷേ കരണം പുകഞ്ഞാലോ. അങ്ങനെ ആലോചിച്ച് സങ്കടപ്പെട്ടു ഇരിക്കുമ്പോഴാണ് അത് ശ്രദിച്ചത്. അവളുടെ പിൻകഴുത്തിൽ എന്റെ പേര്. “അയ്യോ ഇത് ഞാൻ അന്ന് എഴുതിയതല്ലേ, ഇതെങ്ങനെ??” അവൾ എന്നെ വെറുതെ നോക്കി ചിരിച്ചു. ചേട്ടനെ നോക്കി ഇങ്ങനെ ചിരിക്കല്ലെ മുത്തേ. ചേട്ടൻ ചത്ത് പോവും. കല്യാണത്തിന് മുന്നേ നീ വിധവയാകും. “അന്ന് തന്നെ ഞാൻ പോയി ടാറ്റൂ ചെയ്തു. പിന്നെ ഖത്തറിൽ നിന്ന് അമ്മ വന്നപ്പോ കൈയ്യോടെ പിടിച്ചു. ലൈൻ കേസ് വീട്ടിൽ പിടിച്ചാൽ അറിയാല്ലോ. അടിയൊക്കെ ഒരുപാട് കിട്ടി. ഇൗ ടാറ്റൂ മായ്ച്ചു കളയാൻ ഒരുപാടവർ ശ്രമിച്ചതാ പക്ഷേ പറ്റിയില്ല. പിന്നെ എന്നേം ശ്രീക്കുട്ടിയേയും ഇവിടെ നിർത്തിയില്ല. അവരുടെ കൂടെ ഖത്തറിലേക്ക് കൊണ്ട് പോയി. അതൊരു കുറച്ച് കാലം അപ്പോഴേക്കും ചെന്നൈയിൽ എൻജിനീയറിങ്ന്‌ അഡ്മിഷൻ ആയിരുന്നു. പിന്നെയും കാണാൻ പറ്റുമെന്ന് കരുതിയതല്ല. എങ്കിലും നിന്നെ വന്ന് കണ്ട് എല്ലാം പറയണമെന്ന് പലപ്പോഴും വിചാരിച്ചിട്ടുണ്ട്. അങ്ങനെ എന്റെ വിഷമം കണ്ടപ്പോ അച്ഛൻ പോയി നിന്റെ അച്ഛനെ കണ്ടു. അവിടെ ആയിരുന്നു ട്വിസ്റ്റ്. അവര് പഴയ ചങ്ക്‌സാ. പിന്നെ എല്ലാം പെട്ടെന്നായിരുന്നു.” അവളെന്റെ നെഞ്ചിലേക്ക് ചാഞ്ഞു. “എന്നിട്ടെന്താ ആരും എന്നോട് ഒന്നും പറയാത്തത്.”, ഞാൻ ചോദിച്ചു. “എന്നാല് പിറ്റേന്ന് നീ ഇങ്ങ് വന്നേനെ. പിന്നെ കോഴ്സ് ആര് കംപ്ലീറ്റ് ചെയ്യും??. ഞാനാ പറഞ്ഞേ പറയണ്ടാന്ന്.

” ഞാൻ ദീർഘമായി ഒന്ന് നിശ്വസിച്ചു. ഒരു നൂറ്റാണ്ടിലെ മഴയാ പെയ്തൊഴിഞ്ഞത്. “എന്നാലും അന്നൊരിക്കലും തോന്നിയിട്ടില്ലേ എല്ലാം തുറന്നു പറയണമെന്ന്.”, ഞാൻ ചോദിച്ചു. പിന്നെയും അവളൊരു വരി പാടി. “പ്രേമമായിരുന്നെന്നിൽ സഖാവേ. പേടിയായിരുന്നെന്നും പറഞ്ഞിടാൻ.” “അപ്പോ ഞാൻ സത്യത്തിൽ ആർക്കെങ്കിലും വാക്ക് കൊടുത്തിരുന്നെങ്കിൽ??” അവൾ എന്നെ നോക്കി ഒരു യക്ഷിയെ പോലെ ചിരിച്ചു. “ഇരിക്കുന്ന ബസിലെ വിൻഡോ സീറ്റ് പോലും ആർക്കും കൊടുക്കാത്ത ഞാൻ….നിന്നെ വിട്ടു കളയുമെന്ന് നിനക്ക് തോന്നുന്നുണ്ടോ?? നിന്നേം കൊല്ലും ഞാനും ചാവും.” അയ്യോ ഇവൾ ദേവതയും രാജകുമാരിയും ഒന്നുമല്ല കള്ളിയങ്കാട്ട്‌ നീലിയാ. *** “സൂര്യയുടെയും മീനൂൻ്റെയും വിവാഹം കഴിഞ്ഞിട്ട് അപ്പോഴേക്കും ഒരു മാസമായിരുന്നു. ഒരു മലയാളി പഞ്ചാബി ശാദി. പിന്നെയാണ് അറിഞ്ഞത്. മീനു അവളുടെ റൂം മേറ്റ് ആയിരുന്നു ചെന്നൈയിൽ. രണ്ടുപേരും നല്ല ഫ്രണ്ട്സ്. ഒരു ചെറിയ coincidence ആയിരിക്കാം. മീനു പാവം കിട്ടിയാ, പിന്നെ ശ്രീക്കുട്ടിക്ക് ശിവയെ കഴിഞ്ഞേ ഉള്ളൂ ആരും. അങ്ങനെ കുറെ കുടുംബഛിദ്രങ്ങൾ ഒഴിവായി കിട്ടി. ഞങ്ങൾ 3 പേരുടെയും ഫ്രണ്ട്ഷിപ്പ് ഇപ്പോഴും നന്നായി പോകുന്നു. സൂര്യ അവൻ പഠിച്ച സോഫ്റ്റ്‌വെയർ പരിപാടിയൊക്കെ വിട്ടിട്ട് അങ്കിളിന്റെ ഹോട്ടൽ ബിസിനസ് ഏറ്റെടുത്ത് നടത്താൻ തുടങ്ങി. ഇപ്പോ കുഴപ്പം ഇല്ലാതെ പോകുന്നുണ്ട്. ഒരിക്കൽ ഞങ്ങൾ എല്ലാവരും സൂര്യയുടെ ഹോട്ടലിൽ ഒരു ഡിന്നറിന് പോയ രാത്രി. അവളും ശ്രീയും അന്റിയും അങ്കിളും താമസിച്ചാണ് എത്തിയത്. ഇന്നൊരു ഒലിവ് ഗ്രീൻ സ്കർട്ടും പർപ്പിൾ കളർ ടോപ്പുമാണ് വേഷം. കറുപ്പും chocolate നിറവും കലർന്ന മുടി ഇങ്ങനെ നീണ്ട് വലുതായി ചുരുണ്ട് താഴേക്ക് കിടപ്പുണ്ട്. ജലദോഷമായത് കാരണം മൂക്കൊക്കെ ചെറിപ്പഴം പോലെ ചുവന്നിരിപ്പുണ്ട്. എല്ലാവരും കഴിക്കാനിരുന്ന സമയം. ഞാനവളോട് ഞാൻ പോയിക്കഴിഞ്ഞ ശേഷം എന്റെ പുറകെ വരാൻ മെസേജ് ചെയ്തു. ഞാൻ കയ്യിൽ ഒരു 🍩 ഡോണറ്റ്‌ എടുത്തു കൊണ്ട് അവിടുന്ന് തലയൂരി. പിന്നെ ഞങ്ങൾ ഒന്നിച്ച് ഗാർഡൻ ഏരിയയിലേക്ക് നടന്നു. “ഡോണറ്റ്‌ വേണോ.” ഫോർക്കുകൊണ്ട് ഒരു കഷ്ണം എടുത്ത് ഞാൻ ചോദിച്ചു. വേണ്ടെന്ന് അവൾ തലയാട്ടി. അപ്പോഴാണ് ഒരു കോൾ വന്നത്. ഞാൻ പ്ലേറ്റ് അവളുടെ കയ്യിൽ കൊടുത്തിട്ട് സംസാരിച്ചു. ഫോൺ വച്ചിട്ട് തിരിഞ്ഞ് നോക്കിയപ്പോ പ്ലേറ്റ് കാലി. “എല്ലാം തീർത്തല്ലെ. എനിക്കിപ്പോ എന്റെ ഡോണറ്റ്‌ വേണം.” “ഞാൻ എവിടന്ന് തരാനാ തീർന്നു പോയില്ലെ.” അവൾ കൈമലർത്തി. “ഇല്ലെങ്കിൽ വാങ്ങാൻ എനിക്കറിയാം.” ഞാനവളുടെ അടുത്തേക്ക് നീങ്ങി. അവൾ പുറകിലേക്ക് നടന്നു, ചുവര് അവളെ തടയുന്നത് വരെ. ഞാൻ അവളുടെ അക്കെട്ടിൽ ചുറ്റിപ്പിടിച്ച് അവളെ എന്നോട് കൂടുതൽ ചേർത്ത് നിർത്തി. മെല്ലെ ഞാനെന്റെ ചുണ്ടുകളെ അവളുടെ ചുണ്ടുകളോട് ചേർത്തു. അവളുടെ ചുണ്ടുകളിൽ പറ്റിയിരുന്ന ചോക്കലേറ്റിൻ്റെ രുചി ഞാനറിഞ്ഞു. ഒരൊന്നു രണ്ട് മിനിറ്റ്. അപ്പോഴേക്കും അവളെന്നെ തള്ളി മാറ്റി. ഭഗവാനെ കാരണം പുകയാൻ നേരമായി. ഇവൾക്കിതെന്താ.

ഇഷ്ടമല്ലെങ്കിൽ അത് നേരത്തെ പറയാൻ പാടില്ലായിരുന്നോ. അങ്ങനെ ഒക്കെ ചിന്തിച്ച് നിന്നപ്പോഴാ കാര്യം മനസ്സിലായത്. പാവം തുമ്മല് കാരണമാ. ഒറ്റ ഇരുപ്പിൽ ഒരു പത്ത് ഇരുപത്തഞ്ച് എണ്ണം. മഞ്ഞ് കൂടെ ആയപ്പോ ജലദോഷം കൂടിയിട്ടുണ്ടാവും. ഞാനവളെയും വിളിച്ച് അകത്ത് പോയി. അവിടെ എല്ലാവരും കഴിക്കാതെ ഞങ്ങളെയും കാത്ത് ഇരുപ്പായിരുന്നു. ഞാൻ പോയി അവളുടെ അച്ഛനടുത്ത് ഇരുന്നു. “എവിടായിരുന്നു രണ്ടുപേരും കുറേ നേരായല്ലോ പോയിട്ട്. ഇവിടെ എല്ലാവരും ഓർഡർ കൊടുക്കാതെ നിങ്ങളെയും നോക്കി ഇരുപ്പായിരുന്നു.” അമ്മ എന്നോട് ദേഷ്യപ്പെട്ടു. “അ അമ്മേ അത്……. ഹാച്‌ഛി.” പിന്നെ വല്യ എക്സ്പ്ലനേഷൻ ഒന്നും കൊടുക്കേണ്ടി വന്നില്ല. “അങ്കിളെ അത്…” അവളുടെ അച്ഛനോട് ഞാൻ എന്തോ പറയാൻ തുനിഞ്ഞു. ” വല്യ ഡെക്കറേഷൻ ഒന്നും വേണ്ട. എല്ലാം മനസിലായി 🙏🏻🙏🏻” ഞാനാകെ അങ്ങ് ഇല്ലാണ്ടായി. കൂടെ അവളും. പിന്നെയും കുറച്ചു നല്ല ദിവസങ്ങൾ. അവൾക്ക് ലണ്ടനിൽ മാസ്റ്റേഴ്സ് ചെയ്യാൻ ഒരു opportunity കിട്ടി. ഞാൻ തടസ്സമൊന്നും പറഞ്ഞില്ല. എങ്കിലും ഒരു വിഷമം. അവൾ പോവുന്ന ദിവസം അച്ഛൻ എനിക്കൊരു എൻഫീൽഡ് എടുത്തു തന്നു. നിരാഹാര സമരവും ദണ്ഡി യാത്രയും ഒക്കെ നടതിയപ്പോഴാ എനിക്കൊരു സൈക്കിൾ കിട്ടിയത്. ഇപ്പോ മരുമകൾക്ക് എന്നേം കൂട്ടി കറങ്ങാൻ ഒരു തടസ്സവും പറയാതെ എടുത്ത് തന്നിരിക്കുന്നു. ഞാൻ അവളെയും കൂട്ടി സിറ്റി മുഴുവൻ ഒന്ന് കറങ്ങി. പാളയം എത്തിയപ്പോ മനസ്സിനൊരു വിങ്ങൽ. യൂണിവേഴ്സിറ്റി കോളേജ്😢😥. പഴയതൊക്കെ വീണ്ടും വന്നു വേദനിപ്പിക്കാൻ തുടങ്ങി. അവളെ കിട്ടി. പക്ഷേ ഇൗ മോഹം ഇനി ഒരിക്കലും നടക്കില്ല. “ചുവപ്പു കോട്ടയിലേക്ക് സ്വാഗതം.” എന്നൊരു ബാനർ കൂടെ കണ്ടപ്പോ ഞാൻ കരയും എന്നായി. മോഹിച്ചതെല്ലാം വെറുതെയായി. പെട്ടെന്ന് അവളെന്നെ കൊണ്ട് വണ്ടി നിർത്തിച്ചു. “നാളെ ഞാൻ പോയി കഴിഞ്ഞാ പിന്നെന്താ പരിപാടി. എന്തായാലും മാമൻ നിന്നെ ഇപ്പോഴൊന്നും ഓഫീസിൽ കയറ്റില്ല. അതിനുള്ള പക്വത നിനക്ക് വന്നിട്ടില്ല.” “അറിയില്ല” ഞാൻ കൈ മലർത്തി. ” പി. ജി. ചെയ്തൂടെ ഇവിടെ.” അവൾ ചോദിച്ചു. “പക്ഷേ എന്റെ പ്രായം. പിന്നെ എനിക്ക് already ഒരു പോസ്റ്റ് ഗ്രാജുവേഷൻ ഉണ്ട്.” “23 വയസ്സൊക്കെ ഒരു പ്രായമാണോ. PG കോഴ്സുകൾക്ക് പ്രായ പരിധി ഇല്ല.. പിന്നെ 2 പിജി ചെയ്യരുതെന്ന് നിയമം ഒന്നും ഇല്ലല്ലോ.” ആ സ്പോട്ടിൽ തന്നെ അവളെനിക്ക്. ബുക്കുകൾ എടുത്ത് തന്നു. ” ഇതാ ബുക്സ്. നാളെ മുതൽ കോളേജിൽ പൊക്കോണം കേട്ടല്ലോ.” “പക്ഷേ അച്ഛൻ…” അപ്പോ അവളെന്റെ കൈയ്യിൽ ചുറ്റി പിടിച്ച് എന്റെ തോളിലേക്ക് ചാഞ്ഞു. “സമ്മതിച്ചു, ഞാൻ സമ്മതിപ്പിച്ചു. ഒരുപാട് അഗ്രഹിച്ചതല്ലെ ഇവിടെ പഠിക്കാനും സമരം വിളിക്കാനും എല്ലാം. പോ പോയി അടിച്ച് പൊളിക്ക്‌. ഇനി 2 വർഷം. അത് കഴിയുമ്പോ ഞാനിങ് വരും. പിന്നെ നമ്മൾ ഒരുമിച്ച് അങ്ങനെ അങ്ങനെ…” പിറ്റേന്ന് അവൾ പോയി. ഞാൻ കോളേജിലും പോയി തുടങ്ങി. പിന്നെ 2 വർഷം. ഒന്നും പറയാനില്ല പൊളിച്ചു.

സമരം വിളി, ആർട്സ് ഡേ ടൂർ എല്ലാം…. ഇന്നലെ കഴിഞ്ഞ പോലെ. പിന്നെ അവൾ അറിയാതെ വായ്‌നോട്ടവും 2 വർഷം കഴിഞ്ഞപ്പോ ഞാൻ അവളെ അങ്ങ് കെട്ടി. അന്ന് രാത്രി എല്ലാ ഭാര്യമാരെയും പോലെ ഒരു ഗ്ലാസ്സ് പാലുമായി അവൾ അകത്തേക്ക് വന്നു. അവളെ കണ്ട ഉടനെ ഞാൻ ഒരു ടാബ്‌ലറ്റ് എടുത്ത് അവൾക്ക് കൊടുത്തു. “ഇപ്പോ നമുക്കിടയിൽ മൂന്നാമത്തൊരാള് വേണ്ടെന്നാണോ.”, അവളുടെ മുഖം വാടി. “അയ്യോ ജലദോഷത്തിനുള്ള ഗുളികയാടി പുല്ലേ. ഇനി നിനക്ക് ജലോധോഷം വന്ന്, അതെനിക്കായി വീട്ടുകാർക്ക് വന്ന്. അത് അവസാനം നിപ്പയായി, നാട്ടിലെ വവ്വാലുകൾക്ക് പഴിയും വന്ന്.” അവളുടെ മുഖം തേനീച്ച കുത്തിയ പോലെ ചുവന്നു. “അപ്പോ നിപ്പ പരത്തുന്നത് ഞാൻ ആണെന്നാണോ😡😡.” അവൾ ഒരു തലയിണയും ബെഡ്ഷീറ്റും എടുത്ത് പുറത്തേക്കിറങ്ങി. “ഇനി നിപ്പ വരുത്തണ്ട ഞാൻ പുറത്ത് പോയി കിടന്നോളാം.” ഞാനവളെ കൈയ്യിൽ പിടിച്ച് വലിച്ച് ബെഡിൽ എടുത്തിട്ടു. “നീ അവിടെ കിടക്ക്, വല്ലതും വന്നാൽ ഞാൻ അങ്ങ് സഹിച്ചു.” അവൾ എഴുന്നേറ്റ് ഇരുന്നു. നാണത്തിന്റെ കനം കൊണ്ടാണോ എന്തോ അവളുടെ തല താഴ്ന്ന് പോയി. ഞാനവളുടെ മുടിയിഴകളെ മാറ്റി നോക്കി. എന്റെ പേര് ഇപ്പോഴും അവിടെ തന്നെ ഉണ്ട്. “ഇനി ബുക്കൊന്നും ചെയ്യണ്ട മുഴുവനായി പതിച്ച് എടുത്തോ.” ഞാൻ എന്റെ പേര് പതിഞ്ഞിടത് എന്റെ അധരങ്ങൾ ചേർത്ത് വച്ചു. ******** വൈകാതെ എനിക്ക് കമ്പനിയുടെ ചുമതല ഏറ്റെടുക്കേണ്ടി വന്നു. എന്തൊക്കെ ചെയ്തിട്ടും ഒന്നും നന്നായില്ല. ചെയ്യുന്നത് എല്ലാം ഫൗളും. അങ്ങനെ കുറെ ഡീൽ ഒക്കെ കാൻസൽ ആയി. പലപ്പോഴും എനിക്ക് അവളോട് അസൂയ തോന്നാറുണ്ട്. അവൾക് ഇഷ്ടപ്പെട്ട കരിയർ. സ്വന്തമായി ഒരു boutique തുടങ്ങാൻ അവൾ പ്ലാൻ ചെയ്യുന്നുണ്ട്. പേര് പോലും സെലക്ട് ചെയ്ത് വച്ചു. “ശിവാര്യ” എന്തൊക്കെ ചെയ്തിട്ടും job satisfaction കിട്ടാതായപ്പോ ഓഫീസിൽ പോകാതായി. എന്തെങ്കിലും creative ആയിട്ട് ചെയ്യണം എന്നുള്ള തോന്നൽ മനസ്സിൽ ശക്തിപ്പെടാൻ തുടങ്ങി.

പക്ഷേ അതെന്താണെന്ന് എനിക്ക് ഒരിക്കലും മനസ്സിലാക്കാൻ കഴിഞ്ഞില്ല. ഞാനത് അച്ഛനോട് പറഞ്ഞു. അച്ഛൻ എന്നെ എന്റെ ഇഷ്ടത്തിന് വിട്ടു. പക്ഷേ എത്ര നാള് കഴിഞ്ഞിട്ടും എന്റെ ലക്ഷ്യം എന്താണെന്നോ, ഞാൻ എന്താണ് ചെയ്യേണ്ടത് എന്നോ എനിക്ക് മനസ്സിലായില്ല. അതോടെ ഞാനും അച്ഛനും തമ്മിൽ തെറ്റി. അന്ന് അവളുടെ കൈയ്യും പിടിച്ച് ആ വീടിന്റെ പടിയിറങ്ങി. അതിപ്പോ ഇങ്ങനെ ഒക്കെയും ആയി. ഞാൻ അവളുടെ വയറിൽ ചേവിയോർത്ത് നോക്കി. എന്റെ മക്കള് സുഖമായി ഉറങ്ങുകയാണ്. പെട്ടെന്ന് എനിക്കൊരു കോൾ വന്നു. റോയ് ആണ് വിളിക്കുന്നത്. ഞാൻ അവനെ പൂർവ്വയുടെ പുറകേ പറഞ്ഞു വിട്ടതാ. ഞാൻ ഫോണെടുത്തു. “സാർ…സാർ… ഞാനിവിടെ.” അവൻ കിതയ്ക്കുന്നു… പിന്നെ അവൻ പറഞ്ഞത് കേട്ട് ഞാൻ ഞെട്ടി…..(തുടരും…….)

Love

ആലില താലി ചാർത്തി ദുർഗയെ തന്റെതാക്കിയ കാലം തൊട്ട് അവർ മത്സരിച്ചു സ്നേഹിക്കുകയായിരുന്നു…

Published

on

രചന: അക്ഷര മോഹൻ

“ച്ഛേ അമ്മൂത്തിടെ അമ്മ എപ്പോയ വദുന്നേ…” തന്റെ നെഞ്ചിൽ കിടന്നുകൊണ്ട് രണ്ട് കുഞ്ഞികൈകളും താടിയിൽ വച്ചു ചോദിക്കുന്ന അമ്മു മോളെ കണ്ടപ്പോൾ എന്തുകൊണ്ടോ ആദിത്യന്റെ ഹൃദയം വിങ്ങി… “അമ്മ പെട്ടെന്ന് വരൂലോ അച്ഛേടെ അമ്മൂട്ടിയെ കാണാൻ…അമ്മ അമ്മൂട്ടിക്ക് പാപ്പം തരും അമ്മൂട്ടിയെ കുളിപ്പിക്കും അമ്മൂട്ടിടെ കൂടെ കളിക്കും…ട്ടോ” “ചത്യം…” പീലികൾ നിറഞ്ഞ കണ്ണുകൾ വിടർത്തി ചോദിച്ചപ്പോൾ അയാൾ ഒന്നുകൂടെ ആ കുഞ്ഞിനെ നെഞ്ചോടടക്കി പിടിച്ചു… “ആട കണ്ണാ ചത്യം..” കുഞ്ഞു നെറ്റിയിൽ ഉമ്മ വച്ചു പറഞ്ഞപ്പോൾ സന്തോഷം കൊണ്ട് മുഖം വിടരുന്നതും കുഞ്ഞരി പല്ലുകൾ കാട്ടി ചിരിക്കുന്നതും അയാൾ നോക്കി നിന്നു… അയാളുടെ കൈ വിടുവിച്ചു നെഞ്ചിൽ കയറി ഇരുന്ന് ആ കുഞ്ഞിപ്പെണ്ണ് അയാളുടെ മുഖം നിറയെ തുരു തുരെ ഉമ്മ വച്ചു.. “നാളെ അങ്കമ്പാദിൽ പോയിട്ടമ്പോ അമ്മൂത്തി കിച്ചൂത്തനോദു പദയൂലോ കിച്ചൂത്തന്റെ അമ്മേ പോലെ എനിച്ചും അമ്മ പാപ്പം വാദിതദുംന്ന്…” അയാളുടെ മീശയിൽ പിടിച്ചു വലിച്ചു കൊണ്ട് കൊഞ്ചലോടെ പറയുന്ന അമ്മുമോളെ കട്ടിലിൽ നെഞ്ചോട് ചേർത്ത് കിടത്തി കുഞ്ഞു മുടിയിലൂടെ വിരലോടിച്ചു… “നമുക്ക് പറയാം ട്ടോ…ഇപ്പൊ അച്ഛേടെ അമ്മൂത്തി ഒങ്ങിക്കോ…” ഒന്നുകൂടെ നെറ്റിയിൽ ഉമ്മവച്ചു കൊണ്ട് പറഞ്ഞപ്പോൾ അമ്മുമോളും അയാളെ ചുറ്റി പിടിച്ചു കിടന്നു… അമ്മൂട്ടി ഉറക്കത്തിലേക്ക് വഴുതി വീണപ്പോൾ ആദിത്യന്റെ മനസ്സ് വർഷങ്ങൾ പിറകിലോട്ട് പോവുകയായിരുന്നു…

“ഈ ഭ്രാന്തി പെണ്ണിനെ തന്നെ വേണോ ആദിയേട്ടന്…” മുഖത്തിൽ ഒരു ഭാവവ്യത്യാസവും ഇല്ലാതെ തന്റെ കണ്ണുകളിലേക്ക് ഉറ്റു നോക്കുന്ന ദുർഗയെ അമ്പരപ്പോടെ ആദിത്യൻ നോക്കി നിന്നു… “എനിക്കിനിയും ഭ്രാന്ത്‌ വരും ആദിയേട്ടാ…അങ്ങനെയുള്ള എന്നെ ആദിയേട്ടന് സഹിക്കാൻ പറ്റീന്ന് വരില്ല…” ദൂരെയെങ്ങോട്ടോ മിഴികളൂന്നി പറയുന്നവളെ ആദിത്യൻ ആദ്യമായി കാണുന്നത് പോലെ നോക്കി…അവളുടെ അങ്ങനെയൊരു മുഖം ആദ്യമായി ആയിരുന്നു അവൻ കണ്ടത്… “അമ്മ മാത്രേ ഉണ്ടായിരുന്നുള്ളു എനിക്ക്…അമ്മയെന്ന് പറഞ്ഞാൽ വളർത്തമ്മ…” മൗനം ബേധിച്ചു കൊണ്ട് അവൾ തന്നെ സംസാരിച്ചു തുടങ്ങി… ആറ് വയസ്സ് വരെ അനാഥാലയത്തിൽ ആയിരുന്നു…ചെറിയ ഓർമ്മകൾ മാത്രേ ഉള്ളു…അമ്മക്കും ആരുമില്ലായിരുന്നു എന്നെ പോലെ…ആ അമ്മ എന്നെ കൂടെ കൂട്ടി…എന്നെ സ്വന്തം മകളായി വളർത്തി…ആരോരുമില്ലാത്ത ഞങ്ങൾക്ക് ആരൊക്കെയോ ഉണ്ടെന്ന തോന്നൽ…എനിക്ക് അമ്മയും അമ്മയ്ക്ക് ഞാനും…ജീവിതത്തിൽ ആദ്യമായി സന്തോഷം എന്തെന്നറിഞ്ഞ നാളുകൾ…” ആ ഓർമകളിൽ അവളുടെ ചുണ്ടിൽ ഒരു പുഞ്ചിരി വിരിഞ്ഞു… “പക്ഷേ +2വിലെ പരീക്ഷ കഴിഞ്ഞ അന്ന്…” നൊടിയിടയിൽ കണ്ണുകൾ നിറഞ്ഞൊഴുകി…അവൾ എങ്ങലടിച്ചു കരഞ്ഞു… കരയരുതെന്ന് പറഞ്ഞു അശ്വസിപ്പിക്കാൻ അവന് തോന്നിയെങ്കിലും ഇതുവരെ മനസ്സിൽ ഒളിപ്പിച്ചു വച്ച സങ്കടം കരഞ്ഞു തീർക്കട്ടെയെന്ന് കരുതി അവൻ അവൾ പറയുന്നതിനായി കാതോർത്തു…

“വീട്ടിലേക്കുള്ള അത്യാവശ്യസാധനങ്ങൾ വാങ്ങി സ്കൂളിന് മുന്നിൽ എന്നെ കാത്തുനിൽക്കുവായിരുന്നു ന്റെ അമ്മ..അമ്മയെ കണ്ടിട്ടും കാണാത്ത പോലെ കൂട്ടുകാരുടെ കൂടെ ഞാൻ റോഡിലേക്ക് ഓടി…ന്റെ പിറകെ തന്നെ അമ്മയും..പക്ഷേ എന്നെ മാത്രം കണ്ട അമ്മ റോഡിലൂടെ വന്ന ബസ് കണ്ടില്ല…

” നിറഞ്ഞു കൊണ്ടിരുന്ന കണ്ണുകൾ അവൾ വീണ്ടും വീണ്ടും അമർത്തി തുടച്ചു… “ന്റെ കണ്മുന്നിൽ വച്ചാ ന്റെ അമ്മ…ചോര വാർന്നു പിടഞ്ഞു പിടഞ്ഞു…അവസാനം ന്റെ മടിയിൽ കിടന്നു തന്നെ…” ഒരു പൊട്ടികരച്ചിലോടെ ദുർഗ ആദിത്യന്റെ നെഞ്ചിലേക്ക് വീണു… “ഞാൻ കാരണാ ന്റെ അമ്മ…ഞാൻ അന്ന് അമ്മയുടെ കൂടെ തന്നെ നിന്നിരുന്നെങ്കിൽ ന്റെ അമ്മ ഇന്നും ന്റെ കൂടെ ഉണ്ടാകുവായിരുന്നു…” ആദിത്യന്റെ നെഞ്ചിൽ മുഖമുരസി കൊണ്ടവൾ കരഞ്ഞു… തന്റെ നെഞ്ചിൽ കിടന്നു കണ്ണീർ വാർക്കുന്നവളെ അവൻ മുറുകെ ചേർത്തു പിടിച്ചു… പെട്ടെന്ന് ഒരു പിടച്ചിലോടെ അവൾ അവനിൽ നിന്ന് അകന്നു മാറി… മുഖമുയർത്താതെ മറ്റൊരിടത്തേക്ക് ദൃഷ്ടി പായിച്ചു… “ന്റെ മുന്നിൽ കിടന്നു മരിച്ച അമ്മയുടെ മുഖം…അമ്മ മരിക്കാൻ കാരണം ഞാൻ ആണെന്നുള്ള തോന്നൽ…വീട്ടിൽ ഒറ്റപെട്ട ദിവസങ്ങൾ…അപ്രതീക്ഷിതമായി വീണ്ടും അനാഥത്വം…എല്ലാം കൊണ്ടും ഞാൻ ഭ്രാന്തി ആയി…മുഴു ഭ്രാന്തി…ഒരു വർഷത്തോളം ആശുപത്രിയിൽ…അവിടെ നടന്നതൊന്നും ഇന്നും എനിക്ക് ഓർമ ഇല്ല…ഒടുവിൽ എല്ലാം മാറി വീട്ടിൽ എത്തിയപ്പോൾ എല്ലാവരും ഭ്രാന്തിപ്പെണ്ണെന്ന് പറഞ്ഞു അകറ്റി നിർത്തി…എല്ലായിടത്തും ആ പേര് മാത്രമായി… ദുർഗ എന്ന പേര് ഞാൻ പോലും മറന്നു തുടങ്ങി… ഭ്രാന്തി എന്ന പേര് മാത്രം ചെവിയിൽ മുഴങ്ങി കേട്ടപ്പോൾ വീണ്ടും മനസ്സ് കൈ വിട്ടുപോകുമെന്ന് തോന്നിയപ്പോൾ അവിടം വിട്ടു… പിന്നീട് പഠിച്ചും അതിനിടയിൽ ജോലി ചെയ്തും 7 വർഷം കൊണ്ട് ദാ ഇവിടെ വരെ എത്തി…” കണ്ണുകൾ തുടച്ചു ചെറുപുഞ്ചിരിയോടെ മുന്നിലുള്ള LP സ്കൂൾ ചൂണ്ടി കാണിച്ചവൾ പറഞ്ഞപ്പോൾ അവളുടെ ചുണ്ടിലെ പുഞ്ചിരി അവനിലേക്കും പകർന്നു… “ഇവിടെ ഈ കുട്ട്യോൾടെ കളിയും ചിരിയുമൊക്കെ കാണുമ്പോൾ പഴയതൊക്കെ മറക്കുവാ ഞാൻ…ചിലപ്പോൾ സാഹചര്യങ്ങൾ പ്രതികൂലമായാൽ വീണ്ടും ഞാനൊരു ഭ്രാന്തിയാവാം…വെറുതെ എന്നെ സ്നേഹിച്ച കുറ്റത്തിന് ആദിയേട്ടന്റെ ജീവിതം പാഴാക്കാൻ ഞാൻ സമ്മതിക്കില്ല…” പ്രതീക്ഷയോടെ അവളെ തന്നെ നോക്കി നിൽക്കുന്ന ആദിത്യനോട് പറഞ്ഞു കൊണ്ട് തെളിച്ചമില്ലാത്ത ഒരു ചിരിയോടെ അവൾ തിരിഞ്ഞു നടന്നു… കുഞ്ഞു കുട്ടികളോടുള്ള ഇഷ്ടം കൊണ്ടാണ് താൻ ഈ ജോലിയിലേക്ക് തിരിഞ്ഞത്…ജോയിൻ ചെയ്ത് രണ്ട് വർഷത്തിന് ശേഷമാണ് ദുർഗ വരുന്നത്..ചുണ്ടിൽ എന്നും പുഞ്ചിരി ഉണ്ടാകുമെങ്കിലും അവളുടെ കണ്ണിൽ എന്നുമൊരു വിഷാദമായിരുന്നു… എല്ലാവരോടുമുള്ള അവളുടെ സൗമ്യമായ പെരുമാറ്റം തന്നെയാണ് തന്നെയും അവളിലേക്ക് അടുപ്പിച്ചത്…പതിയെ സൗഹൃദം സ്ഥാപിക്കുകയും അവളുടെ ആദി മാഷ് എന്ന വിളി ആദിയേട്ടനിലേക്ക് മാറുകയും ചെയ്തു…കുറച്ച് കാലങ്ങളായി മനസ്സിൽ കൊണ്ട് നടക്കുന്ന ആഗ്രഹമായിരുന്നു ഇന്ന് തുറന്നു പറഞ്ഞത്…അത് ഇങ്ങനെ ആയപ്പോൾ ഉള്ള സങ്കടം അമ്മയോട് പറയുകയായിരുന്നു ആദിത്യൻ…

“നിനക്ക് അത്രയ്ക്ക് ഇഷ്ടമാണെങ്കിൽ നമുക്ക് അവളെ ഇങ്ങട് കൂട്ടാം മോനേ…നിന്നെ ഇഷ്ടമല്ലെന്ന് ദുർഗ മോള് പറഞ്ഞില്ലല്ലോ…അടുത്ത ഞായറാഴ്ച്ച തന്നെ അവൾ താമസിക്കുന്ന ഹോസ്റ്റലിൽ പോയി സംസാരിക്കാം നമുക്ക്…” അമ്മയെയും കൂട്ടി അവളുടെ ഹോസ്റ്റലിലേക്ക് തിരിക്കുമ്പോൾ ഹൃദയം അതിവേഗം മിടിക്കുകയായിരുന്നു…ദുർഗ എതിർപ്പ് പറയരുതേ എന്ന ഒരു പ്രാർത്ഥന മാത്രമേ ഇരുവർക്കും ഉണ്ടായിരുന്നുള്ളു… “ദുർഗ…എനിക്ക് ന്റെ അമ്മ മാത്രേ ഉള്ളു…അമ്മയ്ക്കും ഒത്തിരി ഇഷ്ടാടോ തന്നെ…വന്നൂടെ…ന്റെ കൂടെ…ന്റെ അമ്മയുടെ മകളായിട്ട്…ന്റെ പെണ്ണായിട്ട്…” കസേരയിലിരുന്നു തന്നെ പ്രതീക്ഷയോടെ നോക്കുന്ന അമ്മയിലേക്കും നിറയാൻ വെമ്പി നിൽക്കുന്ന ആദിത്യന്റെ മിഴികളിലേക്കും നോക്കി ഒരു നിമിഷം ദുർഗ എന്ത് പറയണമെന്നറിയാതെ പതറി… “ആദിയേട്ടാ…ഭ്രാന്തിയാ ഞാൻ…ഭ്രാന്തി…” അത് പറഞ്ഞു പൂർത്തിയാക്കുന്നതിനു മുന്നേ ആദിത്യന്റെ കൈവിരലുകൾ ദുർഗയുടെ ചുണ്ടുകളെ പൊതിഞ്ഞിരുന്നു… “നിന്റെ കഴിഞ്ഞ കാലം എനിക്ക് പ്രശ്നമല്ല പെണ്ണേ…അതൊരു കഥയായി മാത്രം ഓർത്താൽ മതി നീയും…” “എനിക്കിനിയും ഭ്രാന്ത് വരും ആദിയേട്ടാ പേടിയാ എനിക്ക്…ആദിയേട്ടന്റെ ജീവിതവും ഞാൻ കാരണം തകരും…വേണ്ട…എനിക്ക് പേടിയാ…” നിറകണ്ണുകളോടെ..ഒരു കുഞ്ഞിന്റെ നിഷ്കളങ്കതയോടെ പറയുന്ന ആ പെണ്ണിനോട് അവന് എന്തെന്നില്ലാത്ത വാത്സല്യം തോന്നി… “ഒന്നും സംഭവിക്കില്ല…ന്റെ ഭ്രാന്ത്‌ നീയാണ്…അതിനേക്കാൾ വലിയ ഭ്രാന്ത് മറ്റൊന്നുമില്ല…” തന്റെ മുഖത്തേക്ക് തന്നെ നോക്കി നിൽക്കുന്ന ദുർഗയോട് പുഞ്ചിരിയോടെ ആദിത്യൻ പറഞ്ഞു… “എന്നെ ഇഷ്ടമാണോ ദുർഗ തനിക്ക്…അതോ എന്നെ ഒഴിവാക്കാൻ വേണ്ടിയാണോ താൻ ഇങ്ങനൊക്കെ…” ആദിത്യന്റെ കലങ്ങിയ കണ്ണുകൾ കണ്ടതും മറ്റൊന്നും ചിന്തിക്കാതെ ദുർഗ അവനെ വാരി പുണർന്നു… “ഇഷ്ടമാണ് എനിക്ക് ന്റെ ആദിയേട്ടനെ…ജീവനാണ് എനിക്ക്…” അവന്റെ നെഞ്ചിൽ തലചായ്ച്ചു പറഞ്ഞ ദുർഗയുടെ നെറ്റിയിൽ ആദിത്യൻ ചുണ്ടുകൾ ചേർത്തു…

ഒരു ആലില താലി ചാർത്തി ദുർഗയെ തന്റെതാക്കിയ കാലം തൊട്ട് അവർ മത്സരിച്ചു സ്നേഹിക്കുകയായിരുന്നു… ഇടയ്ക്ക് അപ്രതീക്ഷിതമായി അമ്മയുടെ മരണം തളർത്തിയെങ്കിലും അമ്മുമോളുടെ വരവോടെ അവർക്കിടയിലേക്ക് പഴയ സന്തോഷം തിരികെ വരികയായിരുന്നു… പക്ഷേ ആ സന്തോഷത്തിനും അധികം ആയുസ്സില്ലാതെ അവരുടെ ജീവിതത്തിൽ കരി നിഴൽ വീണു… അമ്മുമോൾക്ക് അഞ്ച് മാസം പ്രായമായപ്പോൾ കുഞ്ഞിനെ ഇറയത്ത് പായ വിരിച്ചു കിടത്തി കളിപ്പിക്കുന്നതിനിടയിൽ അടുക്കളയിലേക്ക് പോയതായിരുന്നു ദുർഗ…തിരികെ വരുമ്പോഴേക്കും കുഞ്ഞിനെ കാണാതായിരുന്നു… വീണ്ടും ദുർഗ ഒരു ഭ്രാന്തി ആവുകയാണെന്ന് അറിയാതെ ആദിത്യൻ കുഞ്ഞിനെ തിരയുന്നതിൽ മാത്രം ശ്രദ്ധ കേന്ദ്രീകരിച്ചു… തന്റെ അമ്മയെ പോലെ നൊന്തു പ്രസവിച്ച കുഞ്ഞും താൻ കാരണം തന്നിൽ നിന്നകന്നു പോയി എന്ന് വിശ്വസിച്ച ദുർഗ ആ നിമിഷം തന്നെ മുഴുഭ്രാന്തിയായി… അലറി കരഞ്ഞും സ്വയം വേദനിപ്പിച്ചും അമ്മുമോളുടെ കുഞ്ഞുടുപ്പ് നെഞ്ചോട് ചേർത്ത് പിടിച്ചു ആരെയും കാണാൻ കൂട്ടാക്കാതെ ഇരുന്ന ദുർഗയെ ആശുപത്രിയിൽ എത്തിച്ചു ദിവസങ്ങൾക്ക് ശേഷം തന്നെ ടൗണിലുള്ള നാടോടികളുടെ കൈയിൽ നിന്നും അമ്മൂട്ടിയെ കണ്ടെത്തി… കുഞ്ഞിനേയും കൊണ്ട് ദുർഗയെ കാണാൻ പോയെങ്കിലും ”ന്റെ കുഞ്ഞ് പോയി…ഞാൻ…ഞാനാ…ഞാനാ ന്റെ കുഞ്ഞിനെ കൊണ്ട് കളഞ്ഞേ…” എന്നുള്ള അവളുടെ നിലവിളികൾ മാത്രമായിരുന്നു അവിടെ ഉയർന്നത്… നമ്മുടെ കുഞ്ഞാണെന്നും പറഞ്ഞു അമ്മൂട്ടിയെ ദുർഗയെ കാണിച്ചപ്പോൾ ആരാണെന്ന സംശയത്തോടെ അവനെ നോക്കി പിന്നീട് അവനെ തള്ളി മാറ്റി മുടിയിൽ വിരലുകൾ കോർത്തു വലിച്ചു അവൾ അലറി വിളിച്ചു…

പിന്നീട് പലതവണ ഇത് തന്നെ ആവർത്തിച്ചപ്പോൾ തന്റെ കുഞ്ഞിന്റെ മനസ്സിൽ അവളുടെ അമ്മയുടെ മുഖം ഭ്രാന്തിയായി തെളിയാതിരിക്കാൻ ആദിത്യൻ മനഃപൂർവം അമ്മൂട്ടിയെ കൂടെ കൂട്ടാതെ ആശുപത്രിയിൽ പോയി ദുർഗയെ കണ്ടുമടങ്ങി… അപ്പോഴും ന്റെ കുഞ്ഞ് എന്ന് മാത്രമേ അവളുടെ ചുണ്ടുകൾ മന്ത്രിച്ചുള്ളൂ… എല്ലാം കഴിഞ്ഞു രണ്ട് വർഷങ്ങൾ പിന്നിട്ടിരിക്കുന്നു… ആദ്യമായാണ് ഇന്ന് അമ്മൂട്ടി അവളുടെ അമ്മയെ കുറിച്ച് ചോദിച്ചത്… അങ്കണവാടിയിലെ കുട്ടികൾ പറയുന്നത് കൊണ്ടാവാമെന്ന ധാരണയോടെ ഓർമകളെ മായിച്ചു കൊണ്ട് ആദിത്യൻ തന്നെ ചുറ്റിപിടിച്ചുറങ്ങുന്ന അമ്മൂട്ടിയെ ഒന്നുകൂടി ഉമ്മ വച്ചു… “അമ്മൂട്ടിടെ അമ്മ പെട്ടെന്ന് വരുംട്ടോ…” ഉറക്കത്തിൽ ചിരിച്ച കുഞ്ഞിന്റെ ചെവിയിൽ പറഞ്ഞു കൊണ്ട് ആദിത്യനും എപ്പോഴോ ഉറങ്ങി… ദിവസങ്ങൾ കൊഴിഞ്ഞു കൊണ്ടിരിക്കെ ആശുപത്രിയിൽ നിന്ന് വന്ന ഫോൺ കാൾ ആയിരുന്നു ആദിത്യനെ ഒരു ദിവസം രാവിലെ ഉണർത്തിയത്… കണ്ണുകൾ താൻ പോലുമറിയാതെ നിറഞ്ഞൊഴുകുമ്പോൾ ആദിത്യൻ സ്വസ്ഥമായി ഉറങ്ങുന്ന അമ്മൂട്ടിയെ വാരിയെടുത്തു മുഖം നിറയെ മതിവരാത്തത് പോലെ വീണ്ടും വീണ്ടും ചുംബിച്ചു… ഉറക്കം പോയ വിഷമത്തിൽ കണ്ണ് തിരുമ്മി ചിണുങ്ങി കൊണ്ട് എഴുന്നേറ്റ അമ്മൂട്ടി അച്ഛയുടെ നിറഞ്ഞ കണ്ണുകൾ കണ്ടപ്പോൾ കുഞ്ഞി ചുണ്ടുകൾ ഒന്നൂടി പിളർത്തി ആദിത്യന്റെ തോളിലേക്ക് ചാഞ്ഞു… “കയ്യല്ലേ ച്ഛേ…അച്ഛ കഞ്ഞാൽ അമ്മൂത്തിയും കയ്യും…” തന്റെ കണ്ണുകൾ തുടച്ചു തന്ന് പറയുന്ന അമ്മൂട്ടിയെ ആദിത്യൻ നെഞ്ചോട് ചേർത്തു… “അച്ഛേടെ അമ്മൂട്ടിക്ക് അമ്മയെ കാണണ്ടേ…” അമ്മൂട്ടിയുടെ പുറത്ത് തലോടി കൊണ്ട് ആദിത്യൻ ചോദിച്ചപ്പോൾ അവന്റെ കഴുത്തിൽ മുഖം പൂഴ്ത്തി കിടന്ന അമ്മൂട്ടി ഞെട്ടി പിടഞ്ഞു എഴുന്നേറ്റു… “അമ്മ…” കുഞ്ഞികൈകൾ ആദിത്യന്റെ കവിളിൽ ചേർത്ത് അമ്മൂട്ടിയുടെ കുഞ്ഞിച്ചുണ്ടുകൾ അത് ഉരുവിട്ടപ്പോൾ ആദിത്യൻ ആ കുഞ്ഞി കൈയിൽ ചുണ്ട് ചേർത്തു… “ആട കണ്ണാ…ന്റെ അമ്മൂട്ടിടെ അമ്മ…കാണണ്ടേ അമ്മൂട്ടിക്ക്…” ആദിത്യന്റെ ചോദ്യത്തിന് തലയാട്ടി കൊണ്ട് വീണ്ടും വീണ്ടും വേണമെന്ന് പറഞ്ഞു കൊണ്ടിരുന്നു അമ്മൂട്ടി… “അമ്മൂട്ടി ഷീബാന്റിടെ വീട്ടിൽ നല്ല കുട്ടി ആയിട്ട് ഇരിക്കണം ട്ടോ…അച്ഛ അമ്മേം കൂട്ടി പെട്ടെന്ന് വരാവേ…” അതിനും തലയാട്ടി സമ്മതം മൂളിയ അമ്മൂട്ടിയെ അയൽവീട്ടിൽ ആക്കികൊണ്ട് ആശുപത്രിയിലേക്ക് കുതിക്കുകയായിരുന്നു ആദിത്യൻ… ആശുപത്രിയിൽ നിന്നിറങ്ങി വന്ന ദുർഗ പൊട്ടികരഞ്ഞു കൊണ്ട് ആദിത്യന്റെ നെഞ്ചിലേക്ക് വീണു… “ഭ്രാന്തിയായി പോയി ആദിയേട്ടാ ഞാൻ…” തന്റെ നെഞ്ചിൽ തലയിട്ടടിച്ചു പദം പറയുന്നവളെ ആദിത്യൻ മുറുകെ മുറുകെ പുണർന്നു… അവളുടെ നെറ്റിയിൽ അമർത്തി ചുംബിച്ച് ആദ്യമായി കാണുന്നത് പോലെ ആദിത്യൻ അവളെ മതിമറന്നു നോക്കി…

“ന്റെ കുഞ്ഞ്…ആദിയേട്ടാ…കാണണം നിക്കെന്റെ മോളെ…”ആദിത്യന്റെ വിരലിൽ വിരലുകൾ ചേർത്ത് ദുർഗ പറഞ്ഞപ്പോൾ അവൻ അവളെ ഒന്നുകൂടെ ചേർത്ത് പിടിച്ചു ചുംബിച്ചു…. ദുർഗയുടെ കൂടെ വീട്ടിലേക്കുള്ള വഴിയേ അമ്മൂട്ടിയുടെ കുറുമ്പുകൾ വാ തോരാതെ പറയുന്ന ആദിത്യനെ കേൾക്കുമ്പോൾ അവളുടെ കണ്ണുകൾ വീണ്ടും വീണ്ടും നിറഞ്ഞു… അച്ഛയുടെ വണ്ടിയുടെ ശബ്ദം കേട്ട് മുറ്റത്തേക്ക് ഓടി വന്ന അമ്മൂട്ടി കൂടെ ദുർഗയെ കണ്ട് സംശയത്തോടെ ആദിത്യനെ നോക്കി അവന്റെ കൈയിലേക്ക് ചാടി കയറി… “അമ്മൂട്ടിടെ അമ്മയാ…” ദുർഗയെ ചേർത്ത് പിടിച്ചു ആദിത്യൻ പറഞ്ഞപ്പോൾ ആ കുഞ്ഞു മുഖം സന്തോഷം കൊണ്ട് വിടർന്നു…പല്ലുകൾ വെളുക്കെ കാട്ടി ചിരിച്ചുകൊണ്ട് ദുർഗയുടെ കവിളിൽ കൈ വച്ചു കൊണ്ട് അവൾ അമ്മേ എന്ന് വിളിച്ചു… “അമ്മൂട്ടീ…അമ്മേടെ കുഞ്ഞാ…”ആദിത്യന്റെ കൈയിൽ നിന്ന് കുഞ്ഞിനെ എടുത്ത് മുഖം നിറയെ മുത്തങ്ങൾ കൊണ്ട് മൂടുമ്പോൾ സങ്കടം കൊണ്ടോ സന്തോഷം കൊണ്ടോ ദുർഗയുടെ കണ്ണുകൾ അവൾ പോലുമറിയാതെ നിറഞ്ഞൊഴുകി… “ശീബാന്റി അമ്മൂത്തിടെ അമ്മയാ…”ഉമ്മറത്തു നില്കുന്നവരെ നോക്കി ദുർഗയുടെ മാറിലേക്ക് പറ്റി ചേർന്ന് ഗമയോടെ അമ്മൂട്ടി പറഞ്ഞപ്പോൾ എല്ലാവരുടെയും ചുണ്ടിൽ നറുപുഞ്ചിരി വിരിഞ്ഞു… ദുർഗയുടെ കവിളിലൂടെ ഒലിച്ചിറങ്ങിയ കണ്ണുനീർ തുടച്ചു മാറ്റി കൊണ്ട് ആ കുഞ്ഞിപ്പെണ്ണ് അവിടെ ചുണ്ട് ചേർത്തപ്പോൾ ആദിത്യൻ രണ്ട് പേരെയും പൊതിഞ്ഞു പിടിച്ചു ഇനി ഒരിക്കലും കൈ വിടില്ലെന്ന പോലെ….. (അവസാനിച്ചു)

ലൈക്ക് ചെയ്ത് അഭിപ്രായങ്ങൾ കമന്റ്‌ ചെയ്യണേ…

രചന: അക്ഷര മോഹൻ

Continue Reading

തുടർക്കഥകൾ

പെയ്തൊഴിയാനേരം …… തുടർക്കഥ ഭാഗം പന്ത്രണ്ട്…..

Published

on

രചന: Chethana Rajeesh
അവർ യാത്ര പറഞ്ഞിറങ്ങിയപ്പോൾ മുകളിൽ നിന്നവൾ നോക്കി.. അവൻ ഇരുന്നിരുന്ന സ്ഥലം കാലിയാണ്.. കുറച്ചു നേരം കഴിഞ്ഞപ്പോൾ നകുലൻ അവളെ വിളിച്ചു.. “നിന്നെ ഉണ്ണി വിളിച്ചിരുന്നോ..?? ” “ഇല്ല എന്തെ..?? ” “നിന്റെ വീടിന് മുന്നിൽ ഉണ്ടായിരുന്നതാ.. നീ സമ്മതമല്ലെന്ന് പറഞ്ഞപ്പോൾ മായ അവനെ വിളിച്ചു പറഞ്ഞിരുന്നു.. അതിനു ശേഷം ഫോൺ ഓഫ്‌ ആണ്.. വീട്ടിലുമെത്തിയിട്ടില്ല.. ” കേട്ടപ്പോൾ വല്ലാത്തൊരു സങ്കടം തോന്നി.. “ആ എനിക്കറിയില്ല.. ” അതും പറഞ്ഞു അവൾ ഫോൺ കട്ട്‌ ചെയ്തു.. ഇപ്പൊ വരാമെന്ന് പറഞ്ഞവൾ വീട്ടിൽ നിന്നിറങ്ങി.. പൊട്ടിപൊളിഞ്ഞ കല്മണ്ഡപത്തിനരികിൽ എത്തിയപ്പോൾ കണ്ടു ചുമരിൽ തലചായ്ച്ചു ഇരിക്കുന്ന ഉണ്ണിയെ.. അരികിൽ എത്തിയപ്പോൾ മനസിലായി കരഞ്ഞിട്ടുണ്ടെന്ന്.. ഭൂമി അവനരികിൽ ഇരുന്നു.. തല അവന്റെ തോളിൽ ചായ്ച്ചു.. തന്റെ അരികിൽ ഭൂമി ഉണ്ടെന്ന് അറിഞ്ഞിട്ടും ഉണ്ണി കണ്ണ് തുറന്നു നോക്കിയില്ല.. എത്ര നേരം ആ ഇരുപ്പ് തുടർന്നെന്ന് അവർക്കറിയില്ല… “ആഹാ രണ്ടും ഇവിടെ ഇരിപ്പാണോ..?? ” നകുലന്റെ വാക്ക് കേട്ടപ്പോഴാണ് രണ്ടാളും കണ്ണ് തുറന്നത്.. അപ്പോഴും ഭൂമി ഉണ്ണിയോട് ചേർന്ന് തന്നെയാ ഇരുന്നത്.. “നീയല്ലേ ഇവനെവിടെ ആണെന്ന് അറിയില്ലെന്ന് പറഞ്ഞത്. കണ്ടെങ്കിൽ ഒന്ന് പറഞ്ഞൂടായിരുന്നോ..?? മനുഷ്യനെ പേടിപ്പിക്കാൻ.. ” “ഓ എല്ലാരും അറിഞ്ഞതൊന്നും എന്നോടും പറയാറില്ലല്ലോ..” ഭൂമി ചുണ്ട് കോട്ടി.. “ഞാനൊന്നും പറയുന്നില്ല.. അത് വിട് ഈ കല്യാണം വേണ്ടെന്ന് പറഞ്ഞവൾ എന്തിനാ ഇവനെ ഒട്ടി ഇരിക്കുന്നെ..?? ” “സൗകര്യം ഉണ്ടായിട്ട്.. ” “ആ അപ്പൊ സമ്മതം ആണ് അല്ലേ..? ” “ആര് പറഞ്ഞു..?? എനിക്ക് ഉണ്ണിയേട്ടനെ ഇഷ്ടമല്ല ഇഷ്ടമല്ല ഇഷ്ടമല്ല… ഈ കല്യാണം നടക്കൂല.. ഐ ഹേറ്റ് യൂ ഉണ്ണിയേട്ടാ… ” അതും പറഞ്ഞു അവന്റെ തോളിൽ മുഖമമർത്തി ഇരുന്നു.. അത് കണ്ടപ്പോൾ രണ്ടാൾക്കും ചിരി വന്നു.. കലങ്ങി ചുവന്ന കണ്ണുകൾ ഉണ്ണി ഒരു കൈ കൊണ്ടു തുടച്ചിട്ട് നകുലനെ നോക്കി പൊയ്ക്കൊള്ളാൻ കണ്ണ് കാണിച്ചു.. ശരിയെന്നു തലയാട്ടി അവൻ നടന്നകന്നു.. “… നേരം സന്ധ്യയായി.. എനിക്ക് പോണം ..? ” “അതിനു ഞാനെന്തു വേണം.. ഞാൻ ആരുടേം കൂടെയല്ല വന്നേ.. ഒറ്റയ്ക്ക് പോകാൻ എനിക്കറിയാം.. ” മുഖമുയർത്താതെ അവൾ പറഞ്ഞു.. “അതേ നിന്നെ കൂട്ടിനു വിളിച്ചതല്ല .. നീ എണീറ്റാലെ എനിക്ക് പോകാൻ പറ്റു.. ” അവൾ പെട്ടെന്ന് മാറികൊടുത്തു.. “മതിയായി നിന്റെ പിറകെ ഇനി ഞാൻ വരില്ല.. വേറെ പെണ്ണ് നോക്കാൻ ഞാൻ വീട്ടിൽ പറഞ്ഞോളാം.. താഴുന്നതിന് ഒരു പരിധി ഉണ്ട് ഭൂമി.. ” അവൻ ദേഷ്യത്തിൽ പറഞ്ഞു പോകാൻ ഇറങ്ങി.. “ഉണ്ണിയേട്ടാ.. “ഇടർച്ചയോടെ അവൾ വിളിച്ചു.. “വേണ്ട ഭൂമി നീ വിളിക്കണ്ട.. മതിയായി ഇങ്ങനെ ടെൻഷൻ അടിച്ചു ഞാൻ പെട്ടെന്ന് ചത്തുപോകും.. ” ഭൂമി അവന്റെ വായ പൊത്തി.. “അങ്ങനെ പറയല്ലേ.. ഞാൻ ഞാൻ ചെയ്തത് തെറ്റാണ്.. ഇഷ്ടമല്ലാഞ്ഞിട്ടല്ല.. ഒരിക്കൽ വേണ്ടെന്ന് പറഞ്ഞിട്ട് മറ്റൊരു കല്യാണത്തിന് സമ്മതിച്ചതാ.. അവസാനം ആ കല്യാണം മുടങ്ങിയപ്പോ ഞാൻ ഉണ്ണിയേട്ടനെ വീണ്ടും സ്വീകരിച്ചാൽ നിങ്ങളൊക്കെ എന്നെ പറ്റി എന്ത് കരുതും..?? ” “എന്ത് കരുതാൻ..?? നിന്നെ ഞങ്ങൾക്കൊക്കെ നന്നായി അറിയില്ലേ പിന്നെന്തിനാ നാടകം.. സ്വന്തം ജീവിതം വെച്ചിട്ട് തന്നെ വേണോടി അഭിനയിക്കാൻ.. ” അവൻ കൈയോങ്ങി.. അവൾ പെട്ടെന്ന് പേടിച്ചിട്ട് മുഖം തിരിച്ചു.. അടി കിട്ടാഞ്ഞപ്പോ തിരിഞ്ഞു നോക്കി.. “എന്താടി വേണോ നിനക്ക്.. ” “വേണ്ട.. ” “എന്നാ എനിക്ക് വേണം.. ” “എന്ത്..?? ” “നിനക്ക് ഇഷ്ടമുള്ള എന്ത് വേണേലും തന്നോ.. ” കള്ള ചിരിയോടെ അവൻ പറഞ്ഞു.. അവന്റെ തോളത്തൊരു കടിയും കൊടുത്തു അവൾ ഓടി .. “ഔ.. എടി നീ പട്ടിടെ ജന്മമാണോ.. കടിച്ചിടത്തു മുറിഞ്ഞു.. ” “നന്നായിപ്പോയി.. ” അവളുടെ പിന്നാലെ അവൻ നടന്നു.. “നിക്കെടി..” അവൾ നിന്നില്ല.. “ടി.. നീ ഒന്ന് കേട്ടോ… ഈ ഭൗമികയുടെ കഴുത്തിൽ ഒരുത്തൻ താലി കെട്ടുന്നെങ്കിൽ അതീ അഭിമന്യു ആയിരിക്കും.. നീ സമ്മതിച്ചാലും ഇല്ലെങ്കിലും.. ഇപ്പൊ എന്നെ വേദനിപ്പിക്കുന്നതിന് പകരം ഞാൻ ചോദിക്കും.. ഞാൻ ഒറ്റയ്ക്കല്ല നമ്മുക്ക് ഉണ്ടാവുന്ന നാലഞ്ചു മക്കളെയും കൂട്ടും.. കണ്ടോ..” “അയ്യടാ എന്തൊരു പൂതി.. ” അറിയാതെ അവൾ ചിരിച്ചു.. വീട്ടിൽ എത്തിയപ്പോഴേക്കും കല്യാണത്തിന്റെ കാര്യം തീരുമാനമായി.. എൻഗേജ്മെന്റ് രണ്ടു ദിവസം കഴിഞ്ഞും കല്യാണം അത് പത്തു ദിവസം കഴിഞ്ഞുള്ള മുഹൂർത്തത്തിൽ.. അധികം നീട്ടണ്ട എന്നാണ് എല്ലാവരുടെയും അഭിപ്രായം.. അവർക്കിടയിലുള്ള പ്രശനങ്ങൾ വീട്ടിൽ അറിഞ്ഞെന്നു അവൾക്ക് അവരുടെ ഭാവത്തിൽ നിന്ന് മനസിലായി.. ചിപ്പി വിളിച്ചപ്പോൾ അവൾക്കത് ബോധ്യമായി.. ഉണ്ണീടെ വിഷമം കണ്ടപ്പോൾ വീട്ടുകാരൊക്ക കാരണം ചോദിച്ചിരുന്നു.. അവസാനം ചാരു എല്ലാകാര്യവും പറഞ്ഞു വീട്ടുകാരോട് .. അത് കൊണ്ട് തന്നെ ഇനി ചോദ്യോ പറച്ചിലോ വേണ്ടെന്ന് തീരുമാനിച്ചു.. രാത്രി കൂട്ടുകാരെ വിളിച്ചു ജീവിതത്തിൽ ഉണ്ടായ ട്വിസ്റ്റ്‌ പറഞ്ഞു.. അവരാകെ ത്രില്ല് ആയി.. ഉണ്ണി വിളിക്കുമെന്ന് അവൾ കരുതി എങ്കിലും വിളിച്ചില്ല.. അങ്ങോട്ട്‌ വിളിക്കാനും മനസ്സനുവദിച്ചില്ല.. പിറ്റേന്ന് ഒന്നിനും നേരം കിട്ടിയില്ല എന്ന് പറയുന്നതാവും ശരി.. ഓരോ കാര്യങ്ങൾ അവരൊക്കെ അവളെ ഏൽപ്പിക്കും.. എല്ലാം കഴിഞ്ഞപ്പോൾ സന്ധ്യയായി.. രാത്രി കിടക്കാൻ നേരത്തും എന്തിനെന്നറിയാതെ മനസ് പിടയാൻ തുടങ്ങി.. പിറ്റേന്ന് വെളുപ്പിന് തന്നെ അവളെ മുത്തശ്ശി വിളിച്ചുണർത്തി.. കുളിച്ചു അമ്പലത്തിൽ ചെന്നു തിരിച്ചു വന്നപ്പോഴേക്കും അച്ഛന്റെ വീട്ടിൽ നിന്ന് എല്ലാരും എത്തിയിരുന്നു.. പത്തു മണിയോടെ ഉണ്ണിയും കുടുംബവും എത്തി..

എല്ലാവരോടും ഭൂമി മിണ്ടി എങ്കിലും തന്റെ നോട്ടം ആഗ്രഹിക്കുന്ന മുഖത്തേക്ക് മാത്രം നോക്കിയില്ല.. എന്തോ കഴിയുന്നില്ല.. എന്തോ ഭയമോ നാണമോ എന്തൊക്കെയോ തോന്നുന്നു.. മുഹൂർത്തസമയം ആയതിനാൽ അവളെ എല്ലാരും കൂടെ ഉണ്ണീടെ അടുത്ത് നിർത്തി.. വിരലിൽ മോതിരമിടുമ്പോഴേക്കും വിറക്കാൻ തുടങ്ങി.. അത് കണ്ടിട്ടെന്നോണം ഒരു കൈ കൊണ്ടു അവളുടെ കൈയിൽ മുറുകെ പിടിച്ചു മറു കൈ കൊണ്ട് അവൻ മോതിരമണിയിച്ചു.. ഫോട്ടോ സെക്ഷനിൽ അവർ പറയുന്ന പോലെയൊക്കെ പോസ് ചെയ്തു നിന്നു.. പക്ഷെ അവന്റെ മുഖത്തേക്ക് ധൈര്യമായി നോക്കാൻ പറ്റുന്നില്ല.. ഒരുമിച്ചിരുന്നു ആഹാരം കഴിച്ചപ്പോഴും മിണ്ടാതിരുന്നു.. സാധാരണ അഞ്ചു മിനിറ്റിൽ കൂടുതൽ അടങ്ങി ഇരിക്കാൻ പറ്റാത്തയാളാണ്.. അവർ പോകാൻ ഇറങ്ങിയപ്പോഴാണ് ഉണ്ണിയെ നോക്കി അവൾ പുഞ്ചിരി നൽകിയത്.. പിന്നീടുള്ള ദിവസങ്ങൾ തിരക്കിൽ തന്നെയായി അവൾ.. അതിനിടയിൽ ഹോസ്പിറ്റൽ വിളിച്ചു ലീവ് എക്സ്ടെന്റ് ചെയ്തു. ഉണ്ണി വിളിക്കുമെങ്കിലും അധികം സംസാരിക്കാറില്ല.. അതവൾക്ക് വിഷമമായി.. തിരക്കായിരിക്കും എന്നവൾ ഊഹിച്ചു.. അല്ലെങ്കിലും പരാതി പറയാൻ പറ്റില്ലല്ലോ.. എന്തെങ്കിലും പറഞ്ഞാൽ ഭിത്തിയിൽ ഒട്ടിച്ചു വയ്ക്കും.. അതോണ്ട് മിണ്ടാതെ അവന്റെ ഫോട്ടോയും നോക്കി ഇരിക്കും.. പിന്നെ ഉള്ള ദിവസങ്ങൾ ഡ്രസ്സ്‌ എടുക്കലും ഒർണമെന്റ്സ് എടുക്കലും ഒക്കെയായി ആകെ ബിസി ആയി.. അവിടെ ഉണ്ണിയും കൂടെ ഉണ്ടായിരുന്നെങ്കിലും ഒരു നോട്ടമോ വാക്കോ അത്ര മാത്രമേ അവനിൽ നിന്നവൾക്ക് ലഭിച്ചുള്ളൂ… ഇടയ്ക്ക് നകുലേട്ടന്റെ വീട്ടിൽ മുഖം കാണിച്ചിട്ട് തിരിച്ചു വന്നതാണ് അവൾ.. കല്യാണത്തിന് രണ്ടു ദിവസം മുൻപ് കൊച്ചുവും റീജയും എത്തി.. പിന്നെ അവരോടൊപ്പം ആയി ആഘോഷം.. ലിയ കുടുംബസമേതം എത്തിയെന്നും ഉണ്ണിയേട്ടന്റെ വീട്ടിലുണ്ടെന്നും പറഞ്ഞു അവൾ വിളിച്ചു.. തലേന്ന് മുതൽ വീട്ടിൽ ആളുകൾ നിറഞ്ഞു.. ബന്ധുക്കളും സ്വന്തക്കാരും ഒക്കെയായി ഒരുപാട് പേര്.. അച്ഛന്റെ കുടുംബത്തിൽ നിന്നും എല്ലാവരും എത്തി.. സത്യം പറഞ്ഞാൽ വല്ലപ്പോഴും ഒന്ന് പോകും എന്നല്ലാതെ അറ്റാച്ച്മെന്റ് ഒന്നുമില്ല ആ കുടുംബത്തിനോട്‌.. മെഹന്ദി ഇടലും മറ്റുമായി രാവിലെ തൊട്ട് തിരക്കായി.. വൈകുന്നേരം അമ്പലത്തിൽ പോകണം. മാത്രമല്ല വീഡിയോ എടുപ്പ് ഉണ്ട് രണ്ടാളും കൂടി അത് അറിഞ്ഞപ്പോൾ വല്ലാത്തൊരു വിറയാണ്.. സെറ്റ് സാരി ഒക്കെ ഉടുത്തു റെഡി ആയി നിന്നു.. അധികം ആഭരണം ഒന്നും ഇട്ടില്ല.. റീജയും കൊച്ചുവും കൂടെ പോയി.. അമ്പലത്തിൽ എത്തിയപ്പോഴേക്കും ഉണ്ണിയേട്ടൻ ഹാജർ ആണ്.. നകുലേട്ടനും ബാക്കി ടീമുകളും ഉണ്ടായിരുന്നു.. എല്ലാരുടേം മുഖത്തും വല്ലാത്തൊരു ചിരിയും.. വീഡിയോഗ്രാഫർ പറയുന്ന പോലെ ഉണ്ണിയും ഭൗമിയും അനുസരിച്ചു.. തൊഴുതു വലം വച്ചു കൈയും പിടിച്ചു അമ്പല കുളത്തിലേക്ക്.. പിന്നെ അങ്ങോട്ടും ഇങ്ങോട്ടും ഓടിപ്പിക്കൽ അങ്ങനെ അവരുടെ സാഹസം മറ്റുള്ളവർക്ക് ചിരി ആയി.. ഉണ്ണിയെ നോക്കാനുള്ള ധൈര്യം ഇനി എപ്പഴാണാവോ വരിക… രാത്രി ആയപ്പോൾ ആണ് അവർ ഫ്രീ ആയത്.. എന്തോ തിരിച്ചു പോകാൻ മനസ് വരാത്ത പോലെ ഭൂമി അവനരികിൽ നിന്നു.. അവന്റെ അവസ്ഥയും മറിച്ചല്ലയിരുന്നു.. “അതേ.. കല്യാണം നാളെയാണ് ഇന്നല്ല.. നാളെതൊട്ട് ഇങ്ങനെ ഇരിക്കാം.. ഇപ്പൊ വീട് പിടിക്കാൻ നോക്ക്.. ” രണ്ടാളെയും നോക്കി നകുലൻ പറഞ്ഞു.. ഒന്നും മിണ്ടാതെ ഭൗമി അവിടുന്ന് മാറി നിന്നു.. പിന്നെ എല്ലാരുടേം കൂടെ വീട്ടിലേക്കു നടന്നു.. കിടന്നിട്ടും ഉറക്കം കിട്ടിയില്ല അവൾക്ക്.. ഉണ്ണിയോട് സംസാരിക്കാൻ തോന്നി.. പക്ഷെ എന്തോ അവൾ വിളിച്ചില്ല.. ജീവിതത്തിൽ നടന്ന ഓരോ കാര്യങ്ങളും മനസിലേക്ക് കടന്നു വന്നു… പിറ്റേന്ന് വെളുപ്പിനാണ് അവൾ കണ്ണടച്ചത് അപ്പോഴേക്കും വിളി തുടങ്ങി.. ഉറക്കചടവോടെ അവളെഴുന്നേറ്റു.. കുളിച്ചു വന്നപ്പോഴേക്കും ബ്യൂട്ടീഷ്യൻ എത്തി. ഇടവും വലവും റീജയും കൊച്ചുവും ഉണ്ടായിരുന്നു.. ഒരുങ്ങി കഴിഞ്ഞു കണ്ണാടി നോക്കിയപ്പോൾ ആളാകെ മാറിപ്പോയ പോലെ അവൾക്ക് തോന്നി.. എല്ലാവർക്കും ദക്ഷിണ ഒക്കെ കൊടുത്തു അനുഗ്രഹം വാങ്ങി.. അതിനിടയിൽ ആരോ ഭക്ഷണം കൊടുത്തെങ്കിലും അവൾക്ക് കഴിക്കാൻ കഴിഞ്ഞില്ല.. ആകെ ഒരു പരവേശം… വീട്ടിൽ തന്നെയായിരുന്നു കല്യാണം അത് മുത്തശ്ശനും മുത്തശ്ശിക്കും നിർബന്ധമായിരുന്നു.. ചെറുക്കനും കൂട്ടരും എത്തി എന്നറിഞ്ഞപ്പോൾ കൈയും കാലുമൊക്കെ വിറക്കാൻ തുടങ്ങി.. നാദസ്വരമേളം കേൾക്കാൻ തുടങ്ങി.. അപ്പോഴേക്കും പെണ്ണിനെ കൊണ്ടുപോകാൻ ആളെത്തി.. മുഖം ഉയർത്തി നോക്കാനുള്ള ബുദ്ധിമുട്ട് കൊണ്ട് അവൾ തലകുനിച്ചു നടന്നു.. മണ്ഡപത്തിൽ ഉണ്ണിയുടെ അരികിലായി ഇരുന്നു.. ഉണ്ണിയുടെ താലി കൂപ്പുകൈയോടെ ഏറ്റുവാങ്ങുമ്പോൾ അവൾ അച്ഛനമ്മമാരെ ഓർത്തു.. ചടങ്ങുകൾ മുറയ്ക്ക് നടന്നു… വല്യമ്മാവൻ ആണ് അവളെ കൈപിടിച്ച് ഉണ്ണിയുടെ കൈയിൽ കൊടുത്തത്.. ആരൊക്കെയോ വന്നു ആശംസകൾ അർപ്പിച്ചു പോയി.. എല്ലാവർക്കും ചിരി നൽകി കൊണ്ട് അവരിരുവരും നിന്നു… ആളുകൾക്കിടയിൽ കാണണം എന്നാഗ്രഹിച്ച മുഖം കണ്ടപ്പോൾ അവൾ ഉണ്ണിയോട് ചേർന്നു നിന്നു.. ഉണ്ണിയും അവനെ കണ്ടിരുന്നു.. ഭക്ഷണം ഒക്കെ കഴിഞ്ഞു പോകാൻ ഇറങ്ങിയപ്പോഴേക്കും മുത്തശ്ശനും മുത്തശ്ശിയും കരയാൻ തുടങ്ങി.. പൊട്ടികരച്ചിലോടെ അവൾ അവരെ കെട്ടിപിടിച്ചു.. അവരുടെ സ്നേഹപ്രകടനം തീരില്ല എന്ന് തോന്നിയപ്പോൾ അമ്മാവൻ അവളെ അവരിൽ നിന്ന് വേർപെടുത്തി ഉണ്ണിയെ ഏല്പിച്ചു.. എങ്ങലോടെ ആണ് അവൾ വണ്ടിയിൽ ഇരുന്നത്.. ഉണ്ണിയുടെ വീട്ടിലേക്ക് ആണ് പോയത്.. ഉണ്ണിയുടെ അമ്മ വിളക്ക് നൽകി അവളെ സ്വീകരിച്ചു.. ഫോട്ടോ എടുപ്പും ബാക്കിയുള്ള ബന്ധുക്കളുടെ സംസാരവും എല്ലാം കഴിഞ്ഞപ്പോഴേക്കും രാത്രി ആയി..

കൊച്ചുവും റീജയും അവരുടെ കൂടെ വന്നിരുന്നു. ഈ കുറച്ചു ദിവസം കൊണ്ട് ചിപ്പിയും ചാരുവും ഒക്കെയായി അവർ നല്ല കമ്പനി ആയി.. ലിയയും അവരിൽ ഒരാളായി.. പത്തു മണി വരെ എല്ലാവരും കൂടെയിരുന്ന് കത്തിയടി ആയിരുന്നു.. ഉണ്ണീടെ അമ്മ അവളെ അവിടുന്ന് വിളിച്ചു കൊണ്ടുപോയി.. കുറച്ചു കഴിഞ്ഞപ്പോൾ എല്ലാരും കൂടി ഉണ്ണിയെ മണിയറയിലേക്ക് കയറ്റി.. അകത്തു കയറിയപ്പോൾ കണ്ടു ഭൂമി കട്ടിലിൽ ഇരിക്കുന്നു.. അവളെ കണ്ടപ്പോൾ അവന്റെ മുഖം മങ്ങി.. “ചെ നശിപ്പിച്ചു… ” ഉണ്ണിയുടെ പറച്ചിൽ കേട്ടപ്പോഴാണ് ഭൂമി തല ഉയർത്തി നോക്കിയത്.. എന്തെന്ന ഭാവത്തിൽ അവൾ പുരികം ഉയർത്തി.. “എടി ഇത് നമ്മുടെ ഫസ്റ്റ് നൈറ്റ്‌ ആണ് ഓർമ്മ വല്ലതും ഉണ്ടോ..?? ” “അതിന്..?? ” “അതിനൊന്നൂല്ലേ… സെറ്റ് സാരിയും മുല്ലപ്പൂവും കുറച്ചു നാണവും ഒക്കെയായി പാൽ ഗ്ലാസും കൊണ്ട് വരേണ്ടേ നീ… ഇതിപ്പോ ത്രീ ഫോർത്തും ഇട്ടിട്ടു അയ്യേ.. ” “സാരി ഒക്കെ ഉടുത്തിട്ട് ഉറങ്ങാനോ..?? അതൊക്കെ സിനിമയിലെ നടക്കൂ.. ” അവൾ ഉടക്കാൻ തന്നെയാണ്.. “ആണോ.. ശരി.. എന്നാലും പാല്.. ” “പാല് കുടിച്ചുറങ്ങാൻ കുഞ്ഞു വാവയാ?? ” “പോടീ പിശാചേ.. ഇതിനുള്ള മറുപടി അറിയാഞ്ഞിട്ടല്ല ആദ്യരാത്രി കുളമാക്കണ്ട എന്ന് കരുതി വെറുതെ വിടുന്നു.. ” അപ്പോഴേക്കും കതക് ആരോ തട്ടി.. തുറന്നു നോക്കിയപ്പോൾ അമ്മ.. പാൽ ഗ്ലാസ്‌ അവനെ ഏല്പിച്ചു അമ്മ തിരികെ പോയി.. ഉണ്ണി നാണമൊക്കെ വരുത്തി മന്ദം മന്ദം അവളുടെ അടുത്ത് വന്നു പാൽ ഗ്ലാസ്‌ നീട്ടി.. അത് കണ്ടപ്പോൾ അവൾക്ക് ചിരി അടക്കാൻ പറ്റിയില്ല.. അവളത് വാങ്ങി അവന് തന്നെ കൊടുത്തു. അവൻ കുടിച്ചു ബാക്കി അവളും.. പാൽ ഗ്ലാസ്‌ അവിടെ വച്ചിട്ട് അവൾ കിടക്കാൻ ഒരുങ്ങി.. “എങ്ങോട്ടാ..?? ” “അമേരിക്കയ്ക്ക്… ന്താ വരുന്നോ..?? ” “എടി ഇന്ന് ഉറങ്ങാൻ പാടില്ല.. ” “പിന്നെ രണ്ടു ദിവസായി മനുഷ്യൻ നേരാം വണ്ണം ഉറങ്ങിയിട്ട്.. ഒന്ന് പോയേ ഉണ്ണിയേട്ടാ.. ” അവളെ അവൻ തടഞ്ഞു നിർത്തി. “അതെന്താ രണ്ടു ദിവസം നീ കോഴിയെ പിടിക്കാൻ പോയോ..?? ” “ഏയ്‌..ഈ പൂവൻ കോഴി ഉള്ളപ്പോൾ വേറെ കോഴിയെ പിടിക്കാൻ ഞാൻ പോവ്വോ..?? ” “ഡി പരട്ടെ.. ആദ്യ രാത്രി തന്നെ എന്റെ കൈയിൽ നിന്ന് നീ വാങ്ങും.. ” അവൾ ചിരിച്ചു.. “നീ ഉറങ്ങിക്കോ അതിന് മുൻപ് എനിക്ക് ഒരു ഉത്തരം കിട്ടണം.. ” “എന്ത്‌..?? ” “എന്നോട് പറ ഐ ലവ് യൂ എന്ന്.. അതും ഇങ്ങനെ കെട്ടിപിടിച്ചു.. ” അവൻ കെട്ടിപിടിക്കുന്നത് പോലെ ആംഗ്യം കാണിച്ചു.. “എനിക്ക് ഇഷ്ടമല്ലല്ലോ പിന്നെങ്ങനെ ആണെന്ന് പറയുവാ.. ” “ആ ശരി. നീ ഉറങ്ങിക്കോ.. ” അതും പറഞ്ഞു ഒരു ഷീറ്റ് വലിച്ചിട്ടു താഴെ കിടക്കാൻ ഒരുങ്ങി .. “ഏയ്‌.. ഉണ്ണിയേട്ടാ.. ഇവിടെ കട്ടിലിൽ കിടന്നാ മതി .. ” അവൾ അവനെ പിടിച്ചു നിർത്തി.. അവൻ അവളുടെ കൈ തട്ടി മാറ്റി.. “ഞാൻ എവിടേലും കിടന്നോളാം നീ ഉറങ്ങിക്കോ.. ” “അയ്യോ ഈ മനുഷ്യൻ.. എന്റെ പൊന്നു കെട്ട്യോനെ.. നിങ്ങളെ ഇഷ്ടല്ലാഞ്ഞിട്ടാണോ ഈ താലി ഞാൻ ഏറ്റുവാങ്ങിയേ..?? സോറി ഞാൻ സങ്കടപ്പെടുത്തിയതിനു സോറി.. ” അവനൊന്നും പറഞ്ഞില്ല.. അവൾ അവനെ കൈയിൽ പിടിച്ചു കട്ടിലിലേക്ക് ഇടാൻ നോക്കി.. എവിടെ.. ഇതൊരു നടയ്ക്ക് പോകില്ല എന്ന് മനസിലായപ്പോൾ അവനെ പിറകിൽ നിന്ന് കെട്ടിപിടിച്ചു.. “എന്നോട് ഇഷ്ടം മറച്ചു വച്ചില്ലേ അതാ ഞാൻ അങ്ങനൊക്കെ പെരുമാറിയെ.. എന്റെ വീഴ്ചയിൽ എന്നെ പിടിച്ചുയർത്തിയത് ഉണ്ണിയേട്ടൻ ആണ്.. അപ്പോഴും ഈ മനസ്സിൽ ഞാനുണ്ടെന്ന് അറിഞ്ഞില്ല.. പക്ഷെ ചിലപ്പോൾ ഉള്ള നോട്ടം എന്റെ മനസിലേക്കാണ് പതിക്കാ. അതെന്താണെന്ന് പിടികിട്ടിയിരുന്നില്ല.. ഈ മനസ്സിൽ ഞാനേ ഉള്ളു എന്നറിഞ്ഞപ്പോൾ എന്താ ചെയ്യേണ്ടൂ എന്ന് പോലും അറിഞ്ഞില്ല.. എപ്പോഴോ ഞാൻ മനസിലാക്കി എന്നിലും ഈ മുഖം ആഴ്ന്നുപോയെന്നു.. കറങ്ങി തിരിഞ്ഞു അവസാനം എനിക്ക് തന്നെ കിട്ടിയില്ലേ.. ” അവൾ അവന്റെ പുറകിൽ ചുംബിച്ചു.. “ഈ കലിപ്പനെ എനിക്ക് ഭയങ്കര ഇഷ്ടാ.. മരണം വരെ എനിക്കീ സ്നേഹം വേണം.. ലവ് യൂ…. ഇനി വന്നു കിടന്നൂടെ എനിക്ക് ഉറക്കം വരുന്നു .. ” അവൾ ചിണുങ്ങി.. അവൻ ചിരിയോടെ തിരിഞ്ഞു നിന്നു.. അവളെ നോക്കിയപ്പോൾ കണ്ടു ആയിരം നക്ഷത്രങ്ങൾ ആ കണ്ണിൽ വിരിഞ്ഞു നിൽക്കുന്നത്.. (ഇനി ഇടവേളയില്ല അവർ ജീവിച്ചു തുടങ്ങട്ടെ… നമ്മൾ പിന്നാലെ പോകുന്ന സ്നേഹം ചിലപ്പോൾ നഷ്ടപ്പെട്ടേക്കാം.. അപ്പൊ ഒരിക്കലും തളരരുത് കാരണം നമുക്കായി ദൈവം ഒരാളെ കരുതി വച്ചിട്ടുണ്ടാവും.. മനസ്സിൽ കൂട്ടി വച്ച സ്നേഹം മുഴുവൻ നൽകാൻ… ) എന്റെ ഓരോ കഥയെയും സ്നേഹത്തോടെ സ്വീകരിച്ച കൂട്ടുകാർക്ക് നന്ദി.. നിങ്ങളാണ് മുന്നോട്ടു എഴുതാനുള്ള പ്രേരണ.. എല്ലാവരോടും ഇഷ്ടം മാത്രം..

Continue Reading

തുടർക്കഥകൾ

പെയ്തൊഴിയാനേരം… തുടർക്കഥയുടെ എട്ടാം ഭാഗം വായിക്കൂ….

Published

on

രചന: Chethana Rajeesh
അകത്തു അവർക്കായുള്ള വിഭവങ്ങൾ റെഡി ആയിരുന്നു.. മീനും ഇറച്ചിയും ഒക്കെ തീന്മേശയിൽ നിരന്നു നിന്നു.. അത് കണ്ടപ്പോൾ വിശപ്പിന്റെ വിളികൾ എല്ലാരിലും പടർന്നു.. പിന്നെ തീറ്റ തുടങ്ങി… ഭക്ഷണം കഴിഞ്ഞതും എല്ലാരും കൂടി ചുറ്റും കൂടി ഇരിപ്പായി.. “അല്ല നിന്റെ പെണ്ണ് കാണൽ വിശേഷം പറഞ്ഞില്ലല്ലോ.. ” ചാരു ചോദിച്ചു. “ഞാനും അതാ ആലോചിക്കുന്നേ ചാരു ന്താ ചോദിക്കാഞ്ഞേ എന്ന്.. ” ഭൂമി ചിരിച്ചു.. “വിശേഷങ്ങൾ പറ.. “എന്ത് പറയാൻ ഒരു അമുൽ ബേബി ആണ്. ക്ലീൻ ഷേവ് എസ്‌സിക്യൂട്ടീവ് ലുക്ക്.. മുടിഞ്ഞ ഇംഗ്ലീഷ്.. സി ബി എസ് സി സിലബസ് ആണെന്ന് തോന്നുന്നു.. മലയാളം എഴുതാനും വായിക്കാനും അറിയില്ലെന്ന് പറഞ്ഞു.. ” “ആ അത് കൊള്ളാലോ.. നിനക്ക് ഇഷ്ടായോ..? ” “ഞാൻ ഒന്നും പറഞ്ഞില്ല.. ഇനിയും വീട്ടുകാരെ സങ്കടപ്പെടുത്തുന്നില്ല. അവർ തീരുമാനിക്കുന്ന ഏത് ബന്ധവും എനിക്ക് സമ്മതമാണ്.. ” “പിന്നെ ഒരുത്തൻ വേണ്ടാന്ന് വെച്ചപ്പോ ബാക്കിയെല്ലാം വീട്ടുകാർക്ക് കൊടുക്കാനോ..? നിനക്കെന്താ വട്ടുണ്ടോ പെണ്ണേ.. ഇഷ്ടായില്ലേൽ പറഞ്ഞൂടെ. നിനക്കെന്താ ചെക്കനെ കിട്ടൂലെ..? ” ചിപ്പിയാണ്.. “ആ അവരെന്താ തീരുമാനിക്കുന്നെ എന്ന് നോക്കട്ടെ. ഈ ഗ്രാമത്തിലെ ലൈഫ് ഒന്നും അവർക്ക് പിടിക്കും എന്ന് തോന്നുന്നില്ല.. നാളേം കൊണ്ട് വിവരമറിയാം..” “മ്മ്…” “അതേ ആ ടോപ്പിക്ക് വിട്ടേ.. നമ്മളിവിടെ അടിച്ചു പൊളിക്കാൻ വന്നതാ.. പാട്ടൊക്കെ തുടങ്ങിക്കോ.. ” ഭൗമി വിഷയം മാറ്റി.. പാട്ടും കളിയും ഫുഡും ഒക്കെയായി നേരം കൂട്ടി.. മായ എല്ലാവരുമായി പെട്ടെന്ന് ഇണങ്ങി.. വൈകുന്നേരം ആയപ്പോൾ ആർക്കും തിരിച്ചു പോകാൻ മനസില്ല.. ബോട്ട് കരയ്‌ക്കെത്തിയതും മനസില്ലാമനസോടെ അവരിറങ്ങി.. എല്ലാവരും കാറിൽ കയറാൻ തുടങ്ങിയപ്പോൾ ഉണ്ണി ഭൗമിയെ വിളിച്ചു. “ഭൂമി മറ്റന്നാൾ ഞാൻ പോവാ. നീ വരുന്നേൽ ഒരുമിച്ച് പോകാം.. ബസിന് ബുക്ക് ചെയ്യണം. രാത്രി ആകുമ്പോഴേക്കും വിവരം താ.. ” “മ്മ് ശരി.. ” ആദ്യം മായയെ വീട്ടിൽ കൊണ്ടുവിട്ടു.. അവിടുത്തെ എല്ലാരേയും പരിചയപ്പെട്ടു. പിന്നെ വീട്ടിലേക്ക് ചെന്നു. അപ്പോഴേക്കും രാത്രി ആയിരുന്നു. അന്നത്തെ സംഭവങ്ങൾ ഒക്കെ മുത്തശ്ശിയോടും മുത്തശ്ശനോടും വിവരിച്ചു.. പിന്നെ ഉണ്ണിയെ വിളിച്ചു ടിക്കറ്റ്‌ ബുക്ക് ചെയ്തോളാൻ പറഞ്ഞു. ഭക്ഷണം കഴിഞ്ഞു വേഗം തന്നെ കിടന്നുറങ്ങി. പിറ്റേന്നത്തെ പകൽ സാധരണ പോലെത്തന്നെ പോയി.. ചെറുക്കൻ വീട്ടിൽ നിന്ന് വിളിയൊന്നും വന്നില്ല.. അങ്ങോട്ട്‌ കേറി വിളിക്കണ്ട എന്ന് മാമന്മാർ തീരുമാനിച്ചു.. “നടക്കേണ്ടതാണേൽ നടക്കും.. അതല്ലെങ്കിൽ മറ്റൊന്ന്.. വരുമ്പോൾ വരട്ടെ.. ” മുത്തശ്ശൻ പറഞ്ഞു.. പിറ്റേന്ന് ഉണ്ണി പറഞ്ഞ സമയത്തിന് അവൾ ടൗണിൽ ചെന്നു. വല്യമ്മാമൻ ആണ് കൊണ്ടുവിട്ടത്. ഉണ്ണിയെ കണ്ടപ്പോൾ അവർ തമ്മിൽ സംസാരിച്ചു.. അവളെ ഉണ്ണിയെ ഏൽപ്പിച്ചു അയാൾ പോയി.. ഒരുമിച്ചുള്ള സീറ്റ്‌ ആണ് അവരുടേത്.. ഇടയ്ക്ക് വച്ചു ഭക്ഷണം കഴിക്കാൻ വേണ്ടി വണ്ടി നിർത്തിയപ്പോൾ ഉണ്ണി അവളെയും കൊണ്ട് ഹോട്ടലിൽ കയറി കഴിച്ചു.. തിരിച്ചിറങ്ങി ബസിലേക്ക് നടക്കുമ്പോൾ പ്രജിയെ അവർ കണ്ടു. കൂട്ടുകാരുടെ കൂടെയാണ് അവൻ വന്നത്. ഭൗമിയെ കണ്ടപ്പോൾ അവനൊന്നു വല്ലാതായി. കൂട്ടത്തിൽ ഉണ്ണിയെ കൂടി കണ്ടപ്പോൾ കുശുമ്പ് തലപൊക്കി തുടങ്ങി.. അവൾ അവനെ കണ്ടഭാവം പോലും നടിക്കാതെ ഉണ്ണിയുടെ കൈയും പിടിച്ചു നടന്നു.. “ഭൗമി… ” പ്രജി വിളിച്ചു.. അവർ രണ്ടാളും തിരിഞ്ഞു നോക്കി.. “എനിക്ക് സംസാരിക്കണം.. ” “എന്ത്‌..? ” ഉണ്ണിയാണ് മറുപടി പറഞ്ഞത്. “നിന്നോടല്ല ഇവളോടാണ്.. ” “എന്നോടായാലും ഇവളോടായാലും ഒന്ന് തന്നെയാ.. താൻ കാര്യം പറ.. ” പ്രജി ദേഷ്യത്തോടെ അവനെ നോക്കി.. “നീ ഇവളുടെ ആരാ..?? ” “ഇപ്പൊ അവൾക്കേറ്റവും വേണ്ടപ്പെട്ട ആളാണ്. അത്ര അറിഞ്ഞാൽ പോരെ.. ” “സത്യം പറയെടി ഇതാരാ..?? ” “ഞാൻ കെട്ടാൻ പോകുന്നയാൾ.. ” “ആഹാ മോഹം കൊള്ളാലോ.. നിന്നെ കെട്ടാൻ ഒരുത്തൻ പെണ്ണ് കാണാൻ വന്നിരുന്നു എന്ന് ഞാനറിഞ്ഞല്ലോ.. എന്തായാലും അവനല്ല ഇവൻ. ഞാൻ നിന്റെ കാര്യമൊക്കെ അറിയുന്നുണ്ട് കേട്ടോടി.. ”

“അവളെന്റെ കൂടെ വന്നാൽ നിനക്കെന്താ .?? ” ഉണ്ണി ചോദിച്ചു.. പ്രജി കലിയോടെ ഉണ്ണീടെ കോളറിൽ കയറി പിടിച്ചു എന്നിട്ട് അവളോട്‌ പറഞ്ഞു. “ഓ അപ്പൊ നീയിവന്റെ കൂടെ അഴിഞ്ഞാടി നടക്കുവാ അല്ലെടി.. കൊള്ളാം… ഇപ്പൊ മനസിലായി നിന്റെ തരം.. ” “അത് ചോദിക്കാൻ നീയാരാടാ..? ” ഭൗമി അങ്ങനെ പറയുമെന്ന് രണ്ടാളും കരുതിയില്ല.. ഭൗമിയുടെ കണ്ണുകൾ കത്തി നിൽക്കുവായിരുന്നു.. പ്രജിയും ഞെട്ടി നോക്കി.. അവന്റെ കൈകൾ പതിയെ അയഞ്ഞു. “എന്റെ കാര്യത്തിൽ ഇടപെടാൻ നീയാരാ..?? ഞാൻ അഴിഞ്ഞാടി നടന്നാൽ നിനക്കെന്താ..?? ” അവൻ ഉത്തരമില്ലാതെ നിന്നു.. “പണ്ട് എന്നോട് പ്രേമം അഭിനയിച്ച പേരിലാണെങ്കിൽ വേണ്ട. ഒരേസമയം ഒന്നിൽ കൂടുതൽ ബന്ധം കൊണ്ടുനടക്കുന്ന നിന്നെപ്പോലെ ഒരുത്തനെ പ്രേമിച്ചത് ഓർക്കുമ്പോൾ അറപ്പ് തോന്നുവാ.. ഞാനെനിക്ക് ഇഷ്ടമുള്ളവന്റെ കൂടെ പോകും വേണച്ചാൽ അവന്റെ കൂടെ കിടക്കും അത് എന്റെ ഇഷ്ടം. നിനക്ക് അതിന്റെ പേരിൽ കടിക്കുന്നുണ്ടെങ്കിലേ കെട്ടി ഒരെണ്ണത്തിനെ വീട്ടിൽ പ്രതിഷ്ഠിച്ചിട്ടുണ്ടല്ലോ അവളോട്‌ ചെന്ന് തീർത്താൽ മതി. ഇങ്ങോട്ടെടുക്കണ്ട.. പിന്നെ ഇത് ഉണ്ണിയേട്ടൻ നിന്നെപ്പോലെ തേക്കാനും സിമന്റിടാനും നടക്കുന്നോനല്ല. എന്റെ ജീവനാണ്. അതോണ്ട് തന്നെ ഉണ്ണിയേട്ടനെ നീ എന്തേലും പറയാനോ ചെയ്യാനോ വന്നാൽ ഉത്തരം തരുന്നത് എന്റെ കൈ ആയിരിക്കും.. അപ്പോഴേക്കും ആളുകൾ ശ്രദ്ധിച്ചു തുടങ്ങി.. ഉണ്ണി അവളുടെ കൈ പിടിച്ചു വലിച്ചു ബസിനകത്തേക്ക് കൊണ്ടുപോയി.. ദേഷ്യം അടക്കാൻ അവൾ പാടുപെടുന്നത് അവൻ കണ്ടു.. അത്കൊണ്ട് തന്നെ അവനവളെ വെറുതെ വിട്ടു.. ബസ് എടുത്തു കുറച്ചു നേരം കഴിഞ്ഞപ്പോൾ ഒരു ദീർഘ നിശ്വാസം എടുത്തു ഭൂമി ഉണ്ണിയുടെ തോളിൽ തല ചായ്ച്ചു.. വല്ലാത്തൊരു സുരക്ഷിതത്വം അവൾക്കപ്പോൾ തോന്നി.. “ഉണ്ണിയേട്ടാ സോറി.. ” “എന്തിനാ പെണ്ണേ..?? ” “അല്ല അവനോടു അങ്ങനെ സംസാരിച്ചതിന്. പെട്ടെന്ന് കേറി ഉണ്ണിയേട്ടൻ എന്റെയാണെന്ന് പറഞ്ഞത് തെറ്റായി പോയി. ആ ദേഷ്യത്തിന് പറഞ്ഞതാ..” “അത് സാരല്ല… നിന്റെ മാനസികാവസ്ഥ എനിക്ക് മനസിലാവും.. ആ പഴയ ജാൻസി റാണി ഉയർന്നെഴുന്നേറ്റല്ലോ.. ഇമ്പ്രൂവ് ഉണ്ട്.. ഇങ്ങനെ ആവണം എപ്പഴും.. ഞങ്ങൾക്കൊക്കെ ആ ഭൂമിയെയാ ഇഷ്ടം.. ” ഉണ്ണി അങ്ങനെ പറഞ്ഞപ്പോൾ ഭൂമി ചിരിച്ചു.. കുറച്ചു നേരം സംസാരിച്ചു കഴിഞ്ഞു രണ്ടു പേരും ഉറക്കത്തിലേക്ക് വീണു… രാവിലെ ഉണ്ണി തട്ടി വിളിച്ചപ്പോഴാണ് അവളുണർന്നത്. ബസ് ഇറങ്ങി ഒരു ഓട്ടോ പിടിച്ചാണ് അവർ ഫ്ലാറ്റിലേക്ക് എത്തിയത്.. ഭൗമിക്ക് അന്ന് ഡ്യൂട്ടിക്ക് പോകണ്ടായിരുന്നു.. റൂമിലെത്തിയപ്പോഴേക്കും ലിയ പോകാനുള്ള ഒരുക്കത്തിലായിരുന്നു. പെട്ടെന്ന് വരാമെന്ന് പറഞ്ഞു ഉണ്ണി ഒരുങ്ങി അവളുടെ കൂടെ ജോലിക്ക് പോയി.. അന്ന് പ്രത്യേകിച്ച് പണി ഇല്ലാത്തതു കൊണ്ട് കൊച്ചുനെയും റീജയേം കാണാൻ പോയി.. ഒരാൾക്ക് ഓഫും ഒരാൾക്ക് മോർണിംഗ് ഡ്യൂട്ടിയും ആയിരുന്നു.. വൈകുന്നേരത്തോടെ റീജ ഡ്യൂട്ടി കഴിഞ്ഞു വന്നു. അന്നവൾ അവരുടെ കൂടെ കൂടി.. ലിയയെ വിളിച്ചു പറഞ്ഞിരുന്നു. പ്രജിയെ കണ്ട കാര്യങ്ങൾ ഒക്കെ അവരോടു വിശദീകരിച്ചപ്പോൾ വിശ്വസിക്കാൻ പറ്റാതെ അവർ നിന്നു.. “നീ ഇങ്ങനെ ഒക്കെ പറയുമോ..?? അതും അവനോടു.. ” “രണ്ടെണ്ണം കൊടുക്കാനാ ആദ്യം തോന്നിയെ. പിന്നെ വേണ്ടാന്ന് വെച്ചു.. ” “ഇങ്ങനെ വേണം ഉശിരുള്ള കുട്ടി.. പക്ഷെ നീ റൊമ്പ ലേറ്റ്.. അവനെ പ്രേമിക്കുമ്പോ പറഞ്ഞിരുന്നെങ്കിൽ ഇത്തിരി കൂടി നന്നായേനെ.. ” ഭൂമിക്കും അത് ശരിയാണെന്നു തോന്നി.. പിറ്റേന്ന് രാവിലെ അവൾ തിരിച്ചു വന്നു ഡ്യൂട്ടിക്ക് കയറി.. മൂന്നാല് ദിവസം കഴിഞ്ഞപ്പോൾ നകുലേട്ടൻ വിളിച്ചു കല്യാണത്തിന്റെ ഡേറ്റ് പറഞ്ഞു.. മൂന്നാഴ്ച്ച കഴിഞ്ഞുള്ള ഞായറാഴ്ച.. അമ്പലത്തിൽ വച്ചാണ് കല്യാണം.. കേട്ടപ്പോൾ ഒത്തിരി സന്തോഷം.. ചാരും ചിപ്പിയും ഭൂമിക്കും കൂടി ഡ്രസ്സ്‌ ഒക്കെ എടുക്കാമെന്ന് ഏറ്റു.. ഒരേപോലെ ഡിസൈൻ ചെയ്യാനാണ് പ്ലാൻ.. ആകെ മൊത്തം സന്തോഷമയം ആയി.. കല്യാണത്തിന് മൂന്നാല് ദിവസം മുന്നേ പോകാന്നു ഉണ്ണിയേട്ടനും ഏറ്റു.. അതോണ്ട് തന്നെ ലീവ് ചോദിച്ചു വച്ചു. പത്തു ദിവസത്തെ ലീവ് കിട്ടി.. വീട്ടിലും വിളിച്ചു വരുന്ന വിവരം പറഞ്ഞു.. കുറച്ചു ദിവസം കഴിഞ്ഞു മാമൻ വിളിച്ചു.

“ആ മോളേ സനൂപിന്റെ വീട്ടുകാർ വിളിച്ചിരുന്നു.. അങ്ങോട്ട്‌ ചെല്ലാൻ പറഞ്ഞു കല്യാണം ഉറപ്പിക്കാൻ. അപ്പൊ മോളോടൊന്ന് പറഞ്ഞിട്ട് ആവാമെന്ന് കരുതി.. മോൾക്ക് ഇഷ്ടക്കുറവ് ഒന്നുല്ലല്ലോ അല്ലേ..?? ” പെട്ടെന്ന് കേട്ടപ്പോൾ ഒന്ന് ഞെട്ടി. ആദ്യം കരുതി അവർ കല്യാണത്തിൽ നിന്ന് ഒഴിഞ്ഞു കാണുമെന്നു.. ഇതിപ്പോ വിചാരിക്കാതെ.. എങ്കിലും അവൾ മറുപടി കൊടുത്തു. “അതെന്താ മാമേ അവരിത്രേം താമസിച്ചേ..?? ” “ആ അത് ഞങ്ങളും ചോദിച്ചു.. ചെക്കന്റെ അച്ഛന് ബിസിനസ് അല്ലേ.. വിദേശയാത്ര ഉണ്ടായിരുന്നു.. രണ്ടു ദിവസം മുന്നെയാ വന്നേ.. ” “ആ.. ” “മോൾടെ അഭിപ്രായം പറഞ്ഞില്ല.. ” “എനിക്ക് പ്രശ്നം ഒന്നുല്ല മാമേ.. നിങ്ങൾ എന്താ എന്ന് വെച്ചാൽ ചെയ്തോളു. എനിക്ക് പൂർണ്ണ സമ്മതമാണ്.. ” “ഞങ്ങൾക്ക് സന്തോഷായി മോളെ.. എന്നാ വെച്ചു നീട്ടുന്നില്ല. നാളെത്തന്നെ പോയേക്കാം. എന്നാ നാളെ വിളിക്കാം.. ” അവൾ ഫോൺ വെച്ചു.. സമ്മതം അറിയിച്ചെങ്കിലും മനസ്സിലെന്തോപോലെ.. കാരണം അറിയാത്തൊരു നോവ്.. പിറ്റേന്ന് മുഴുവൻ ആകെ ഒരു മൂഡോഫ് ആയിരുന്നു. കല്യാണം പെട്ടെന്ന് ഉണ്ടെങ്കിൽ തനിക്കു അയാളുമായി അഡ്ജസ്റ്റ് ചെയ്യാനാവുമോ..?? ചോദ്യോത്തരങ്ങളുടെ വേലിയേറ്റം മനസ്സിൽ നിറഞ്ഞു.. സനൂപിനെ കണ്ടപ്പോൾ പോലും മനസ്സിൽ ഒരിഷ്ടം പോലും തോന്നിയിട്ടില്ല.. അതാണ് അധികം സംസാരിക്കാൻ പോലും മുതിരാതിരുന്നത്.. ഇത്രയും ദിവസം വിളിക്കാഞ്ഞപ്പോ എന്തോ ഒരു സന്തോഷം തോന്നിയിരുന്നു. പക്ഷെ… ഒരുപക്ഷേ ഇതായിരിക്കും എന്റെ വിധി.. വൈകുന്നേരം വീട്ടിൽ നിന്ന് വിളിച്ചു. എല്ലാവരും അവിടെ ഉണ്ടെന്ന് മനസിലായി.. “മോളെ കല്യാണം തീരുമാനിച്ചുട്ടോ.. നിശ്ചയം വേഗം നടത്താൻ തീരുമാനിച്ചു.. അടുത്ത ബുധനാഴ്ച ആണ് മുഹൂർത്തം കിട്ടിയത്.. ഇനിയിപ്പോ ഒരാഴ്ച അല്ലേ ഉള്ളു.. അധികമാരുമില്ല. നിന്റെ അച്ഛന്റെ വീട്ടുകാരും പിന്നെ ഇവിടെ അടുത്തുള്ളോരും നമ്മൾ വീട്ടുകാരും മാത്രം.. അവരും ഒരു പത്തു പതിനഞ്ചു പേരെ വരുള്ളൂ.. കല്യാണത്തിന് ഇനി പത്തുനാല്പതു ദിവസം കൂടെയുണ്ട്.. മോള് ചൊവ്വാഴ്ച എത്താമെന്നല്ലേ പറഞ്ഞേ.. പറ്റിയാൽ മൂന്നാല് ദിവസം മുന്നേ ഇങ്ങു വായോ.. ഡ്രസ്സ്‌ ഒക്കെ വാങ്ങണ്ടേ.. ” കേട്ടപ്പോൾ ആകെ സ്തബ്ദയായ് പോയി. ഒരാഴ്ച കൊണ്ട് നിശ്ചയം ഒന്നരമാസത്തിനുള്ളിൽ കല്യാണം.. “മോളെന്താ മിണ്ടാത്തെ..?? ” മുത്തശ്ശിടെ ഒച്ച കേട്ടപ്പോഴാണ് ചിന്തയിൽ നിന്നുണർന്നത്.. “ഒന്നുല്ല മുത്തശ്ശി.. പെട്ടെന്ന് അച്ഛനേം അമ്മേം ഓർത്തു.. ” അവൾ പറഞ്ഞു.. “ശരി.. ഇപ്പൊ അവരും സന്തോഷിക്കുന്നുണ്ടാവും.. മോള് വേഗം വാ കേട്ടോ.. ” “നേരത്തെ വന്നാൽ നകുലേട്ടന്റെ കല്യാണം കൂടാൻ പറ്റില്ല മുത്തശ്ശി.. ഡ്രസ്സ്‌ ഒക്കെ നിങ്ങൾ എടുത്തോ.. ഞാൻ ചൊവ്വാഴ്ച വന്നാപ്പോരേ.. ഇനി കല്യാണം കഴിഞ്ഞാൽ ഇങ്ങനെ അടിച്ചു പൊളിക്കാനുള്ള അവസരം കിട്ടൂല്ലല്ലോ.. നകുലേട്ടന്റെ കല്യാണം ഗംഭീരമാക്കണം.. ” “ശരി അങ്ങനെ ആണെങ്കിൽ അങ്ങനെ നിന്നെ നിർബന്ധിക്കുന്നില്ല.. പിന്നെ ഉണ്ണിയോടും കൂടി വിവരം പറയൂ.. വരാൻ പറയണം.. ” “ശരി മുത്തശ്ശി… ” അവൾ ഫോൺ കട്ട്‌ ചെയ്തു.. (ഇടവേള… ) അടുത്ത ഭാഗം നോട്ടിഫിക്കേഷനോടെ വായിക്കുവാൻ ലൈക്ക് ചെയ്ത ശേഷം കമന്റ് ഇടൂ….

Continue Reading

Most Popular