Love
സംസാരിക്കാൻ ഒന്നും ഇല്ല എന്ന് പറഞ്ഞ എന്റെ മുഖത്തുനോക്കി സംസാരിക്കാനുണ്ട് എന്നുപറഞ്ഞ ഒരു പെണ്ണിനെ കണ്ടു….
രചന: Vidhun Chowalloor
“താലികെട്ടിന് തൊട്ടുമുമ്പാണ് ആ ചെക്കൻ മരിച്ചത് കല്യാണ പന്തലിൽ വച്ച് തന്നെ അവനോട് ഒന്നുകൂടി ആലോചിക്കാൻ പറ എന്തൊക്കെയോ പ്രശ്നങ്ങൾ ഉണ്ട് ആ കുട്ടിക്ക് നാട്ടിലെന്താ വേറെ കുട്ടിയെ കിട്ടാഞ്ഞിട്ട് ആണോ അവന് ഇതിനെ തന്നെ വേണമെന്ന് എന്താ ഇത്ര വാശി………” “ഞാൻ പറയാനുള്ളതെല്ലാം പറഞ്ഞു നോക്കി കല്യാണമേ വേണ്ട എന്ന് പറഞ്ഞു നടന്ന ചെക്കനാ ഒരു ആലോചന വന്നപ്പോൾ കയ്യും കാലും പിടിച്ചാണ് ഞാൻ കൊണ്ടുപോയി കാണിച്ചത് പക്ഷേ ആ കാര്യം ഇങ്ങനെ ഒന്നാവും എന്ന് ഞാനും കരുതിയില്ല ആ കുട്ടിയെ കുറിച്ചോ വീടിനെ കുറിച്ചോ ഒന്നും ആലോചിച്ചില്ല അന്വേഷിച്ചില്ല അവൻ സമ്മതിച്ചതിന്റെ സന്തോഷത്തിൽ ആ കാര്യം ഞാൻ മറന്നു പെണ്ണ് കണ്ടിറങ്ങിയപ്പോൾ ഇഷ്ടപ്പെട്ടു എന്ന് സമ്മതം മൂളി വിളിക്കാത്ത ദൈവങ്ങളില്ല കഴിക്കാത്ത വഴിപാടുകളും സന്തോഷത്തോടെ ബന്ധുക്കളെ അറിയിച്ചു തുടങ്ങിയപ്പോഴാണ് ഇങ്ങനെ ഒരു സംഭവം അറിയുന്നത്….. ഇപ്പോൾ കയിച്ചിട്ട് ഇറക്കാൻ പറ്റുന്നില്ല മധുരം കൊണ്ട് തുപ്പാനും വയ്യ എന്ന അവസ്ഥയാണ്. ഒരു സന്തോഷം തന്നപ്പോൾ കണ്ണൻ മറ്റൊരു സങ്കടവും കൂടി തന്നു…. പിന്നെ ഞാനെങ്ങനെ പറയും അവനോട്…..” “വല്യമ്മ അല്ലാതെ മറ്റാരു പറഞ്ഞാലും അവൻ കേൾക്കില്ല പിന്നെ കണിയാനെ കൊണ്ട് ജാതകം ഒന്നുകൂടി നോക്കണം അവളുടെയും പരിഹാരക്രിയ വല്ലതുമുണ്ടെങ്കിൽ എല്ലാം ചെയ്യിക്കാം പിന്നെ എല്ലാം നമ്മുടെ ചെക്കന്റെ യോഗം പോലെ ഇരിക്കും എന്നാ ഞാൻ ഇറങ്ങട്ടെ പിള്ളേര് വരാൻ സമയമായി പോയിട്ട് പിന്നെ വരാം…..”
“അളിയാ…… കല്യാണത്തിന് കുപ്പി എത്ര എണ്ണം ഇറക്കും ബിവറേജിൽ ഇപ്പോൾ റേഷൻ ആണ്….. അതുകൊണ്ട് വിദേശി വേണ്ട നമുക്ക് നാടൻ മതി” ഒറ്റ ശ്വാസം കൊണ്ട് അവന് പറയാനുള്ളതെല്ലാം എന്റെ കാതിൽ എത്തിച്ചു…… ആ എന്നിട്ട് വേണം കുറെ എണ്ണത്തിന്റെ കണ്ണും കരളും എല്ലാ അടിച്ചു പോവാൻ അവസാനം എനിക്ക് ജയിലും…… ഒരു പെണ്ണ് വിശ്വസിച്ചു ഇറങ്ങിവരുന്നത് അല്ലടാ അതുകൊണ്ട് ഈ പരിപാടി വേണ്ട എന്ന് വെച്ചു വലിയ ആർഭാടങ്ങൾ ഒന്നുമില്ല ഒരു ചെറിയ പരിപാടി എന്നുകരുതി പിശുക്കി എന്ന് തോന്നാനും പാടില്ല ബാക്കിവരുന്ന കാശ് ഒരാളുടെ ഹാർട്ട് ഓപ്പറേഷൻ നടത്താനാണ് എന്റെ തീരുമാനം പ്രിയയുടെ വീട്ടുകാർക്കും സമ്മതമാണ് കഷ്ടപ്പെട്ട് ഉണ്ടാക്കുന്ന കാശ് ചുമ്മാ അങ്ങനെ പൊടിച്ചു കളയുന്നതിലും നല്ലതല്ലേ ഒരു ജീവൻ രക്ഷിക്കാൻ ഉപയോഗിക്കുന്നത് ആ പണത്തിന് അപ്പോഴാണ് ശരിക്കും വിലയും ഉണ്ടാകുന്നത്…… “ഹോ…… നന്മമരം ആവാനുള്ള ഉദ്ദേശമാണ് അല്ലേ” “ഹേയ് ഒരിക്കലുമില്ല…. പക്ഷേ ഒരു തൈ നടുന്നത്തിൽ തെറ്റില്ല…..അല്ലെ” ദേഷ്യം കൊണ്ടാവും അവൻ ഫോൺ കട്ട് ചെയ്തു ഇനി രണ്ടുദിവസത്തിന് വിളിയും പറച്ചിലും ഒന്നും ഉണ്ടാവില്ല……. ദൈവമേ…….. ഇന്ന് ഡ്രസ്സ് എടുക്കാൻ ഉള്ള ദിവസമാണ് അഞ്ചു മണിയാവുമ്പോൾ പ്രിയ അവിടെ വരാം എന്ന് ഏറ്റിട്ടുണ്ട്…….. ഞാൻ വണ്ടി പാർക്ക് ചെയ്തു വീട്ടിലേക്ക് കയറി…. വാതിൽ തുറന്നു തന്നെ കിടക്കുന്നുണ്ട് ഹാളിൽ ഫാനും ലൈറ്റും എല്ലാം ഓടുന്നുണ്ട് അമ്മ ഇവിടെ ഒന്നുമില്ല ഉണ്ടെങ്കിൽ ഇതൊന്നും ഇങ്ങനെ കിടക്കുകയും ഇല്ല……. ശെടാ……. മൂപ്പര് അവിടെ തന്നെ ഇരിപ്പുണ്ടല്ലോ….. ഇങ്ങനെ ഒരു ഇരിപ്പ് പതിവില്ലാത്തതാണ് ഞാൻ ഭാഗമായി മുറിയിലേക്ക് പോയി ഡ്രസ്സ് മാറി….. ഒരു ചായ വരാനുള്ള സമയം കഴിഞ്ഞു ഇതെന്തുപറ്റി മുറിയിൽ നിന്നുള്ള എത്തി നോട്ടത്തിൽ അമ്മ അവിടെ തന്നെ ഇരിപ്പുണ്ട്……… “അമ്മാ……. സച്ചിയുടെ കടയിൽ പോണം…… ഡ്രസ്സ് അല്ല അവിടെ നിന്ന് വാങ്ങിക്കാം പ്രിയ അവിടെ വരാം എന്ന് പറഞ്ഞിട്ടുണ്ട്… കുറച്ചു നേരത്തെ ഇറങ്ങാം തുണിക്കടയിൽ കയറിയ പെണ്ണും വെള്ളത്തിൽ ഇറങ്ങിയാ പോത്തും തിരിച്ചു കയറില്ല എന്നാണ് പ്രമാണം…… അവസാനം സമയം തികഞ്ഞില്ല എന്ന് പരാതി പറയരുത്……” ഒന്നും മിണ്ടുന്നില്ല……. ഞാൻ പിന്നിൽ പോയി ഉച്ചത്തിൽ #ട്ടോ…… എന്ന് ഓളി ഇട്ടു അമ്മ ഒന്നു ഞെട്ടി കൊണ്ട് തിരിഞ്ഞുനോക്കി “ആ….. നീയോ……???? നീ എപ്പോ വന്നു……..” “ആ ബെസ്റ്റ് അപ്പോൾ ഞാൻ ഇത്രയും നേരം പറഞ്ഞത് ആരോടാ…….” “ഓ…… ചായ കിട്ടിയില്ല അല്ലേ ഇപ്പോൾ എടുക്കാം” “ഒരു നേരം ചായ കുടിച്ചില്ല എന്നുവച്ച് ചത്തൊന്നും ഒന്നും പോവില്ല ഞാൻ അമ്മയെ പിടിച്ച് കസേരയിൽ തന്നെ ഇരുത്തി….. എന്തുപറ്റി എന്റെ ലക്ഷ്മിക്കുട്ടി അമ്മയ്ക്ക് പതിവില്ലാത്ത ഒരു ദിവാസ്വപ്നം കാണൽ… എന്റെ അച്ഛൻ എങ്ങാനും വന്നു ഇനി ഡിസ്റ്റർബ് ചെയ്യുന്നുണ്ടോ എന്റെ അമ്മേനെ…..” അമ്മ കണ്ണു നിറച്ചു കൊണ്ട് ഹാളിലെ ഭിത്തിയിൽ വച്ചിരിക്കുന്നു അച്ഛന്റെ ഫോട്ടോയിലേക്ക് നോക്കി……… “എന്താ അമ്മ കാര്യം……. പ്രിയയോട് എന്തെങ്കിലും ഇഷ്ടക്കേട് ഉണ്ടോ അമ്മയ്ക്ക് അല്ല നാളെ അവൾ നമ്മുടെ കൂടെ ജീവിക്കുമ്പോൾ ഒരു പ്രശ്നം ഉണ്ടാകാൻ പാടില്ലല്ലോ അതുകൊണ്ടാണ് അമ്മ എനിക്ക് എന്റെ ജീവനാണ്…. അവളെ അങ്ങനെ മാറ്റി നിർത്താനും പറ്റില്ല പിന്നെ ഇതും പറഞ്ഞ് അമ്മയോട് ഗുസ്തി പിടിക്കാൻ ഒന്നും വയ്യ നല്ല ഹാപ്പി ആയിട്ട് ജീവിക്കണം അതിപ്പോൾ സങ്കടത്തിൽ ആയാലും സന്തോഷത്തിലായാലും അങ്ങനെ തന്നെ. …… ഉണ്ടോ എന്തെങ്കിലും പറയാൻ അമ്മക്ക്……”
“നിന്റെ വാശി എനിക്കറിയാം…… അതിന്റെ കാരണമാണ് എനിക്കറിയേണ്ടത് എന്തെങ്കിലും ഒന്നുമില്ലാതെ ചുമ്മാ നീ അവളെ ഇഷ്ടപ്പെടില്ല. പ്രിയയെക്കാൾ നല്ല കുട്ടികളുമായുള്ള ആലോചന നിനക്ക് വന്നിട്ടുള്ളതാണ് എന്നിട്ടും…….” “അതാണോ…… ഒരുപാട് കള്ളം പറഞ്ഞു പറ്റിച്ചു പോയ ഒരു പെൺകുട്ടി കാണുന്ന എല്ലാവർക്കും അവളുടെ പ്രതിച്ഛായ അങ്ങനെ ആണ് ഞാൻ കണ്ടത് എല്ലാവരും അങ്ങനെയല്ല എന്നെനിക്കറിയാം പക്ഷേ എന്നാലും ഞാൻ എന്റെ വിശ്വാസത്തിൽ ഉറച്ചു നിന്നു അമ്മയുടെ സമാധാനത്തിനുവേണ്ടി ഒരു ചായ കുടി No….” എന്ന രണ്ടു വാക്കിൽ ഞാൻ ദിവസങ്ങൾ തള്ളി നീക്കി സംസാരിക്കാൻ ഒന്നും ഇല്ല എന്ന് പറഞ്ഞ എന്റെ മുഖത്തുനോക്കി സംസാരിക്കാനുണ്ട് എന്നുപറഞ്ഞ ഒരു പെണ്ണിനെ കണ്ടു…. ആരോ പറ്റിച്ച കഥ…… അല്ലെങ്കിൽ ആരെയോ പറ്റിച്ച കഥ ഇതിൽ ഏതെങ്കിലും ഒന്ന് പ്രതീക്ഷിച്ചു ചെന്ന എന്റെ അടുത്ത് ഒരു ജീവിതം പറഞ്ഞ ഒരു പെണ്ണ്….. പ്രിയ …. കേട്ടപ്പോൾ കുറച്ചു സങ്കടം തോന്നി ആർക്കായാലും തോന്നിപോവും ആരുടെ മുമ്പിൽ വേണമെങ്കിലും എപ്പോൾ വേണമെങ്കിലും പ്രത്യക്ഷപ്പെടുന്ന ഒരു അതിഥി മരണം…… ആ അതിഥിക്ക് നിറമോ പ്രായമോ ആരോഗ്യമോ ഒന്നും തന്നെ ഒരു പ്രശ്നമല്ല പക്ഷേ ഒരു കല്യാണപന്തലിൽ നടന്നതുകൊണ്ട് അതിന്റെ തെറ്റ് ഒരു പെൺകുട്ടിയുടെ തലയിൽ വയ്ക്കാൻ വിധിക്ക് കഴിഞ്ഞു കൂടാത്ത അതിന് ജാതക പ്രശ്നം സമയദോഷം ചൊവ്വ ബുധൻ വ്യാഴം വെള്ളി….. എന്നിങ്ങനെ വേറെയും സത്യത്തിൽ അവൾ പോലും അങ്ങനെ വിശ്വസിക്കണം എന്നുണ്ടെങ്കിൽ എത്ര ആഴത്തിൽ മുറിവേൽപ്പിച്ചിട്ടുണ്ടാവും അവളെ മറ്റുള്ളവർ……..” ഒരു ഉത്തരം കൊടുക്കാതെയാണ് ഞാനാ മുറി വിട്ടിറങ്ങിയത് പക്ഷേ അമ്മയോട് ഞാൻ പറഞ്ഞിരുന്നു അവിടെ നിന്ന് ഇറങ്ങുമ്പോൾ തന്നെ എനിക്ക് സമ്മതമാണെന്ന് ഞാൻ തന്നെയാണ് പറഞ്ഞത് മറ്റുള്ളവരോട് ഈ കഥ പറയാൻ നിൽക്കണ്ട എന്ന് എന്നോടുള്ള ഇഷ്ടം കൊണ്ട് ആരും സമ്മതിക്കില്ല എന്ന് എനിക്ക് ഉറപ്പായിരുന്നു….. “പിന്നെ അമ്മയല്ലേ പറയാറുള്ളത് ഒരുപാട് സങ്കടപ്പെടുന്ന വരെ സന്തോഷിപ്പിക്കാൻ പറ്റുന്നത് ഒരു പുണ്യമാണെന്ന്…..” അമ്മ അന്തം വിട്ടു നോക്കി…… എന്നാലും ഞാൻ ഇത്ര പ്രതീക്ഷിച്ചില്ല…. അമ്മ എന്നെ കളിയാക്കി ചിരിച്ചു ഒപ്പം ഞാനും ചെറിയ രണ്ടു കുടുംബങ്ങളുടെ സാന്നിധ്യത്തിൽ വിവാഹ ചടങ്ങുകൾ എല്ലാം ആരംഭിച്ചു എന്റെ അടുത്ത് വന്നിരുന്ന് ഒരു പുഞ്ചിരി എനിക്ക് സമ്മാനിച്ചു പെട്ടെന്ന് എന്തോ നെഞ്ചിനകത്ത് ഒരു വേദന പോലെ കൈ നെഞ്ചോട് ചേർത്ത് വെച്ച് ഞാൻ പ്രിയയുടെ തോളിലേക്ക് ചാഞ്ഞു കുറച്ചു പരിഭ്രാന്തിയോടെ അവൾ എന്നെ ചേർത്തുപിടിച്ചു മുഖത്ത് തട്ടി ഉണർത്താൻ ശ്രമിച്ചു ഒറ്റ കണ്ണടച്ച് പിടിച്ചു കൊണ്ടുള്ള ആ നോട്ടത്തിൽ എന്റെ കള്ളത്തരം അവൻ കയ്യോടെ പിടിച്ചു ഒന്ന് ചിരിക്കാൻ പോലും സമയം തരാതെ മുഖത്തിട്ട് ഒരെണ്ണം കിട്ടി സ്വന്തം ഭാര്യയുടെ ആദ്യത്തെ സർപ്രൈസ് ഗിഫ്റ്റ് കവിളിൽ തന്നെ #ചുട്ടഅടി……. ചിരിയടക്കാൻ കഴിയാതെ ചിരിക്കുന്ന അമ്മയെ ആണ് കണ്ടത്………കൂടെ പ്രിയയും കൂടി ചേർന്നപ്പോൾ ശുഭം അല്ലെങ്കിലും ചിലപ്പോഴൊക്കെ ഒരു അടിയുടെ കുറവുണ്ടാവാറുണ്ട് എനിക്ക് ഇപ്പോൾ ആ കാര്യത്തിലും തീരുമാനമായി……♥️ സ്നേഹം പ്രണയമാണോന്ന് എനിക്കറിയില്ല പക്ഷേ അത് ഒരു വസന്തമായി കൂടെ ഉണ്ടാവാനുള്ള ഭാഗ്യം അവൾക്കുണ്ടാവട്ടെ എന്ന് ആഗ്രഹിച്ചുകൊണ്ട് അവളെ സിന്ധുരം കൊണ്ട് ചുവപ്പിച്ചു ………ഒത്തിരി ഇഷ്ടത്തിന്റെ #ചുവപ്പ്
രചന: ഭാഗ്യലക്ഷ്മി. കെ. സി.
മൊബൈലും അവളും
ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.
വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.
പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.
രചന: സജി തൈപ്പറമ്പ്
“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,
കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,
എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?
നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല
രചന: വയലിനെ പ്രണയിക്കുന്നവൻ
രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…
അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…
ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…
അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…
ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…
അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…
പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……