Connect with us

Love

മിയ, മരുമകൾ സീരീസിലെ മിയയുടെ ജീവിതത്തിലെ ചില സന്ദർഭങ്ങൾ…

Published

on

രാവിലെ പത്രം വായിച്ചു കൊണ്ടിരിക്കുന്നശേഖരൻ്റെ കയ്യിലേക്ക് ചായക്കപ്പ് വച്ച് കെടുത്തു കൊണ്ട് മിയ പത്രത്തിലേക്ക് എത്തി നോക്കി….. “ഉം’…. ഈ… രാവിലെയുള്ള പത്രവായന നിനക്ക് ഇല്ലാത്തതാണല്ലോ… എന്തു പറ്റി ” “വായ കൊണ്ട് ഒരു പ്രത്യേക ശബ്ദമുണ്ടാക്കി ഒന്നുമില്ലെന്ന് അവൾ പറഞ്ഞു. പിന്നെ ഒരു ഇളിഞ്ഞ ചിരിയും….,,കയ്യിലെ ചായ കുടിച്ചു കഴിഞ്ഞപ്പോൾ ശേഖരൻ്റെ കയ്യിലെ കപ്പും കയ്യിലെടുത്ത് അവൾ തിരിഞ്ഞു….. “…..നീയിന്ന് ഹോസ്പിറ്റലിൽ പോകുന്നില്ലേ…. ഇങ്ങനെ സാവകാശം നിന്നാലേ അവസാനം ഭക്ഷണം പോലും കഴിക്കാതെ ഓടേണ്ടി വരും…. എന്നിട്ട് വല്ല അസുഖവും വരുത്തി വയ്ക്കും’.. ഡോക്ടറായ നിന്നോട് ഭവിഷ്യത്ത് പറയേണ്ട കാര്യമില്ലല്ലോ ലേ’… “ശേഖരൻ ഇത്തിരി പരിഭവത്തോടെയാണത് പറഞ്ഞത്…. അദ്ദേഹം അതു പറയാൻ കാരണവുമുണ്ട്.,,, ഈയിടെ നൈറ്റ് സ്യൂട്ടി കുറച്ച് കൂടുതലാണ്.,,,

കൂടെയുള്ളവർക്ക് ചില അസൗകര്യങ്ങൾ:… പറയുമ്പോഴേ മിയ അവരെ സഹായിക്കുമെന്ന് അവർക്കറിയാം.,,, പക്ഷേ ചില ക്ഷീണവും മറ്റും മിയയെ അൽപം തളർത്തിയിട്ടുണ്ട്.,,, ശരിയായ സമയത്ത് ഭക്ഷണം കഴിക്കലും കുറവായത് ശരിക്കും ബാധിച്ചിട്ടുണ്ട്.,,, ” അജിത്തിനോട് ഹോസ്പിറ്റലിലേക്ക് എത്തിച്ചു തരാൻ പറയാം …. നീയിനി കുറച്ചു ദിവസം ഒറ്റക്ക് വണ്ടിയോടിച്ച് പോകണ്ട’…. സാവിത്രി അടുക്കളയിൽ നിന്നും ഇതു പറഞ്ഞു കൊണ്ട് ഉമ്മറത്തേക്ക് വരുന്നുണ്ട്… ”ശരിയാ’… നീ വണ്ടി ഓടിക്കണ്ട.,, കുറച്ചീസം കഴിയട്ടെ……., അതൊരു ആജ്ഞതന്നെയാണ് സ്നേഹശാസനം…… അജിത്താണ് മിയയെ ഹോസ്പിറ്റലിലേക്ക് എത്തിച്ചത്… വൈകിട്ട് വരാം എന്ന് പറഞ്ഞ് അജിത്ത് തിരിച്ചുപോയി’.. ഇന്ന് ഡ്യൂട്ടി | CU വിലാണ്….. അവൾ കോട്ടും മറ്റും ധരിച്ച് കാഷ്വാലിറ്റിയിലെത്തി.,, “… മഞ്ജൂ… ഇന്നലെ വന്ന കേസ് എന്തായി…. ഞാൻ നിന്നെ വിളിച്ചിരുന്നു ഫോൺ ഓഫാണല്ലോ.,, ”ഉ0…. ചാർജ് കഴിഞ്ഞു…

ഇന്നലെ നിന്നു തിരിയാൻ സമയം ഉണ്ടായിരുന്നില്ല’.. കുട്ടിക്ക് ബോധം വന്നിട്ടുണ്ട്., ക്രിട്ടിക്കൽസ് റ്റേജ് കഴിഞ്ഞു.,, ICU വിൽ തന്നെയാണ്…. നിനക്കിന്ന് ഡ്യൂട്ടി അവിടെയല്ലേ കാണാം.,,, ഫസൽ വന്നിട്ടുണ്ട് .ഇനി എൻ്റെ ഡ്യൂട്ടി കഴിഞ്ഞു … പോയി കുളിച്ച് ഒന്നുറങ്ങണം… വല്ലാത്ത ക്ഷീണം’.. മഞ്ജു യാത്ര പറഞ്ഞിറങ്ങി…. ഡോക്ടർമാരുടെയും നഴ്സുമാരുടെയും സ്ഥിതി ഇങ്ങനെതന്നെയാണ്‌… മിയ ഓർത്തു കഴിഞ്ഞ ദിവസം തൻ്റെ ഡ്യൂട്ടി ടൈം കഴിഞ്ഞ് അജിത്തിനെയും കാത്ത് നിൽക്കുന്നതിന് മുമ്പ് കാഷ്വാലിറ്റിയിൽ കയറിയതായിരുന്നു…. മഞ്ജു ഡ്യൂട്ടിയിൽ കയറിയ തേ ഉണ്ടായിരുന്നുള്ളു … ഈ സമയത്താണ് ഒരു പെൺകുട്ടിയെ ഞരമ്പുകൾ മുറിച്ച് അത്യാസന്ന നിലയിൽ എത്തിച്ചു കണ്ടത്.,, ഒരു ഇരുപത്തിനാലോ അഞ്ചോ വയസ് കാണും.,,, കൂടെ വന്നത് അവളുടെ ഏട്ടനാണെന്ന് തോന്നുന്നു… ദേഹമാസകലം രക്തത്തിൽ കുളിച്ച് …. ഏട്ടൻ്റെ കൂട്ടുകാരും ഒപ്പമുണ്ട്’….. ബ്ലഡ് ഒരുപാട് നഷ്ടപ്പെട്ട നിലയിലായിരുന്നു.. കൂട്ടുകാർ എല്ലാത്തിനും മുന്നിലുണ്ട്’…. കരഞ്ഞു കലങ്ങിയ കണ്ണുകളുമായി അങ്ങിങ്ങ് ഓടുന്ന ആ ചെറുപ്പക്കാരൻ ….

ഇന്നവൾ ഐ സി യു വിൽ പ്രാണൻ തിരിച്ചുകിട്ടി കിടപ്പുണ്ട്.,,,മിയ നേരെ ഐ സി യുവിലേക്ക് നടന്നു.. ചെറുപ്പക്കാരൻ ഐ സി യു വിൻ്റെ മുന്നിലുണ്ട്., കൂടെ കരഞ്ഞു തളർന്ന ഒരു സ്ത്രീയും… തളർന്ന് ഇരിക്കുന്ന ഒരു മനുഷ്യനും’. കണ്ടാൽ തന്നെ മനസിലാക്കാം ആ കുട്ടിയുടെ രക്ഷിതാക്കളാണെന്ന്…. ഐസിയുവിൽ കയറി… റൗണ്ട് സിൻ്റെ സമയമാണ്…. സീനിയർ ഡോക്ടർ രാമചന്ദ്രൻ സാറിൻ്റെ കൂടെയാണിന്ന്.,,,അദേഹം വരാറായി’…. കട്ടിലിൽ വാടിയ താമരത്തണ്ടു പോലെ ആ കുട്ടി… നല്ല മയക്കത്തിലാണ് … . വെളുത്തു കൊലുന്നനെയുള്ള ശരീരം…. നെറ്റിയിൽ സിന്ദൂര ചുവപ്പിൻ്റെ നേരിയ ലാഞ്ജന….. ചുണ്ടുകൾ വരണ്ടിരിക്കുന്നു’… ഒരു നിറം മങ്ങിയ ചുണ്ടുകൾ…… ഡോക്ടർ വന്നു പരിശോധന കഴിഞ്ഞു മരുന്ന് കുറിച്ചു…. ഡ്രിപ്പ് ഇട്ടിട്ടുണ്ട്.,, “പേടിക്കാനൊന്നുമില്ല… എങ്കിലും നല്ല ശ്രദ്ധ വേണം.. മിയാ… താൻ ഈ പേഷ്യൻ്റിനെ കെയർ ചെയ്യണം… എനിക്ക് നേരിട്ട് അറിയുന്ന ഫാമിലിയാണ്…

കഴിയുമെങ്കിൽ അവർക്ക് മെൻ്റൽസ്ട്രങ്ത് കൊടുക്കണം….. ആകെ ഭയന്ന് ഇല്ലാതായിട്ടുണ്ട് പാവങ്ങൾ…. മിയ തലയാട്ടി’… അവൾ പതുക്കെ ഡോർ തുറന്ന് പുറത്തേക്ക് വന്നു.,,,, “കീർത്തനയുടെ ……..” മുഴുവൻ പറയുന്നതിനു മുമ്പ് തന്നെ ആ ചെറുപ്പക്കാരൻ ഡോറിനടുത്തേക്ക് ഓടിയെത്തി.,, ” ഡോക്ടർ’… ഞാൻ കീർത്തനയുടെ ചേട്ടനാണ് ‘… പേടിക്കാനൊന്നുമില്ലല്ലോ അല്ലേ.,,,,, ” മിയ പുഞ്ചിരിച്ചു കൊണ്ട് പറഞ്ഞു ”പേടിക്കണ്ട.,,, രണ്ട് ദിവസം കഴിഞ്ഞ് വാർഡിലേക്ക് മാറ്റുo …. ബ്ലഡ് ധാരാളം നഷ്ടപ്പെട്ടതല്ലേ.,,,,,, ആ ചെറുപ്പക്കാരൻ്റെ കണ്ണീരിൽ ഒരായിരം നക്ഷത്രത്തിളക്കം…. ആ തിളക്കം കണ്ടതുകൊണ്ടാവാം അവരുടെ അമ്മയും അച്ഛനും ഒന്നു ആശ്വസിച്ചത്…. ”ഒന്നും കഴിച്ചിട്ടുണ്ടാവില്ലല്ലോ ….. പോയി ഭക്ഷണം കഴിക്കു….. കീർത്തന ക്കുള്ള ഭക്ഷണവും വാങ്ങിക്കോളു’…. ഉണരുമ്പോൾ ഞാൻ കൊടുക്കാം.,,,,,

മിയ പറഞ്ഞു പതുക്കെ ആ കുടുംബത്തിലെ കാര്യങ്ങൾ മനസിലായി …. എല്ലാം പറഞ്ഞത് കാർത്തിക് ….കീർത്തനയുടെ ചേട്ടൻ തന്നെയാണ്…. ബിസിനസ്സുകാരനായ അച്ഛൻ ഉന്നത നിലയിലെ ജീവിതം… ഇതിനിടയിൽ കീർത്തനയുടെ പ്രണയം… അത് സമ്മതമല്ലാഞ്ഞിട്ടു പോലും മകളുടെ മരണഭീഷണിക്ക് കീഴടങ്ങി നടത്തി കൊടുത്തവർ…… അവൾ അവരുടെ രാജകുമാരിയായിരുന്നു….. ധാരാളം സ്വർണവും പണവും നൽകി അവർ കീർത്തനയുടെ വിവാഹം നടത്തി.,, ഒരു വർഷം ആവാറായപ്പോഴേക്കും തുടങ്ങി പ്രശ്നങ്ങൾ…… കീർത്തനയുടെ പണം മുഴുവൻ ധൂർത്തടിച്ച് കളഞ്ഞ ശേഷം പ്രശ്നങ്ങൾ…… അവസാനം സ്വയം തിരഞ്ഞെടുത്ത ജീവിത പങ്കാളിയാൽ പ്രശ്നത്തിലായപ്പോൾ ആത്മഹത്യ ചെയ്യാൻ തീരുമാനിച്ചു:,,,,, ” എന്തുകൊണ്ട് പോലീസിൽ അറിയിച്ചില്ല.,, എന്ന ചോദ്യുണ്ടാക്കും.,,, പക്ഷേ അച്ഛൻ്റെ സുഹൃത്തായ രാമചന്ദ്രൻ ഡോക്ടർ ഇ വി ടു ളളതു കൊണ്ട് സമാധാനം……

ഒരു വിധം പറഞ്ഞ് സമ്മതിപ്പിച്ച ശേഷമാ ഡോക്ടർ സമ്മതിച്ചത്” കാർത്തിക് പറഞ്ഞു.. മിയക്ക് ദേഷ്യം വന്നു.,,,,’ ” കാർത്തിക് വിദ്യാഭ്യാസമുള്ള ചെറുപ്പക്കാരനല്ലേ….. എന്തേ കേസ് ഫയൽ ചെയ്യാത്തത്….. ” “അതു പിന്നെ….. ഞാൻ’… നാട്ടുകാർക്ക് പറഞ്ഞു ചിരിക്കാൻ ഒരു അവസരമുണ്ടാക്കാതിരിക്കാൻ…. എൻ്റെ മോൾടെ ഭാവി ആലോചിച്ച് …… ” കഷ്ടം……. ഇതിലൂടെ നിങ്ങൾ രക്ഷിച്ചത് ഇതിന് പ്രേരിപ്പിച്ചവനെയും ശിക്ഷിച്ചത് നിങ്ങളെത്തന്നെയുമാണ്….. ” രണ്ട് ദിവസങ്ങൾ കഴിഞ്ഞപ്പോൾ കീർത്തനയെ വാർഡി’ലേക്ക് മാറ്റി’…. എങ്കിലും സമയം കിട്ടുമ്പോൾ മിയ അവരെ സന്ദർശിക്കും…. തേജസ് നഷ്ടപ്പെട്ട ഒരു പാവയെപ്പോലെ കട്ടിലിൽ എല്ലാം അനുസരിക്കുന്ന കീർത്തന’……. ” കീർത്തന’….. വേദന കുറഞ്ഞില്ലേ…… ” ഉം ” ”സന്തോഷമായോ” “എന്തിന് ഡോക്ടർ’…. എല്ലാം ഞാൻ കാരണം.,,,,, എങ്ങനെ ഞാൻ”…… ”ഇവൾക്ക് എന്താ പറ്റിയത്… ഇവൾ നല്ല ബോൾഡായ പെൺകുട്ടിയായിരുന്നു.. ഇതു പോലെ ഒരു അവിവേകം ചെയ്യുമെന്ന് ഞങ്ങൾ കരുതിയില്ല’….

” അമ്മയാണ് മിയ ഒരു കസേര വലിച്ചിട്ട് ബെഡിനരികിൽ ഇരുന്നു….. ”ഇതു കണ്ടോ ഇവയുടെ ഫോട്ടോകൾ’… അമ്മ ഫോണിലുള്ള കുറേ ഫോട്ടോകൾ വീഡിയോകൾ എല്ലാം കാണിച്ചു.,,,, മോഡേൺ ആയി വസ്ത്രം ധരിച്ച കീർത്തനയുടെ സുന്ദരമായ ഫോട്ടോകൾ .,,, ഇൻസ്റ്റാ lഗാം റീലുകൾ””” മിയ ആ അമ്മയെ സഹതാപത്തോടെ നോക്കി…. ” അമ്മേ ഞാനൊരു കാര്യം പറയട്ടേ.,,,,,, ഒരു കുട്ടിയെ ബോൾഡാണ് എന്ന് പറയുന്നത് അവളുടെ വേഷം കണ്ടിട്ടാണോ.. അല്ല…. പുറംമോടികളിൽ മയങ്ങി നിൽക്കുന്ന യുവത്വത്തിൻ്റെ പ്രതീകങ്ങൾ മാത്രമാണ് ഇതുപോലുള്ള പലരും……. ഒരു പെൺകുട്ടിക്ക് ആദ്യം വേണ്ടത് സമൂഹത്തിൻ്റെ നേർക്കുള്ള കാഴ്ചപ്പാടുകളാണ്….. കണ്ണടച്ച് എല്ലാം വിശ്വസിക്കാതെ കണ്ണു തുറന്ന് കാണണം മിതത്വത്തോടെ അവയെ സമീപിക്കണം തീരുമാനങ്ങളെടുക്കമ്പോൾ സംയമനത്തോടെ സമയമെടുത്ത് ചിന്തിച്ച് വേണം……

കീർത്തന ഒന്നും മിണ്ടുന്നില്ല ” കീർത്തനയെ ഞാൻ കുറ്റപ്പെടുത്തുകയല്ല…. പക്ഷേ ഇനിയെങ്കിലും കുട്ടി കുട്ടിക്ക് വേണ്ടി തീരുമാനങ്ങളെടുക്കണം…. തെറ്റിനെതിരെ പ്രതികരിക്കണം…….. പോരാടണം:….. മരിക്കുമ്പോൾ സ്വയം തോൽക്കുകയാണ് ‘…. ജീവിച്ച് വിജയം കാണിക്കണം…. ജീവിതം ഇവിടെ അവസാനിക്കുന്നതാണോ…… ഇവിടം മുതൽ തുടങ്ങണം…….. കൂടാതെ’……. തെറ്റു ചെയ്തവർ ശിക്ഷിക്കപ്പെടുകയും വേണം…. ഇവരെ ഓർത്തെങ്കിലും….. രണ്ടു ദിവസം ഉണ്ണാതെ ഉറങ്ങാ തെ’. മോൾക്ക് വേണ്ടി കാത്തിരുന്ന നിൻ്റെ ചേട്ടനെ ഓർത്ത്…… ” ഏട്ടാ.,,,, പോലീസിൽ അറിയിക്കണം… എനിക്ക്.. ഡിവോഴ്സ് വേണം…… “ഉറച്ച ശബ്ദം കാര്യങ്ങൾ അതിൻ്റെ ശരിയായ രീതിയിൽ മുന്നോട്ടു പോകുന്നുണ്ട്…. കീർത്തനയുടെ ഭർത്താവിനെ പോലീസ് അറസ്റ്റ് ചെയ്തു.,,, അന്വേഷണം നടക്കുകയാണ് ‘.,,,, കീർത്തന ഡിസ്ചാർജായി…. കീർത്തന എങ്ങനെ ബോൾഡായ പെൺകുട്ടിയാവാം എന്ന റിസർച്ചിലാണ്… ഗുരു മറ്റാരുമല്ല’… മിയ തന്നെ….

ഇപ്പോൾ ആ പഴയ പുഞ്ചിരി നിറഞ്ഞ ഫോട്ടോകൾ ‘ … വീഡിയോകൾ::… അവൾ മാറി ചിന്തിച്ചു തുടങ്ങി.,,,, തൻ്റെ ജീവിതം മറ്റാർക്കും വേണ്ടി ഇല്ലാതാക്കാനുള്ളതല്ല.,, എന്നവൾ പൂർണമായും ഉൾക്കൊണ്ടു., “…… ഇത്രേം വൈകുമെങ്കിൽ ഒന്നു വിളിച്ചു പറഞ്ഞുടെ’… ” ശേഖരൻ അൽപം കലിപ്പിലാണ് ‘. ” ഇനി അമ്മായിഅപ്പനും മരുമകളും എന്താച്ചാ ആയിക്കോള്ളു…. ഞാൻ പോവ.. ” അജിത്ത് അവളുടെ ചെവിയിൽ പതുക്കെ പറഞ്ഞു അകത്തു കയറി.,,,, “അതേ….. പിന്നേയ് ‘.. വരാനിറങ്ങുമ്പോഴാ പുതിയൊരു കേസ്.’. അതാ ‘പിന്നെ…. ” ഇവിടെ ഇത് പതിവാണെന്ന് നിങ്ങൾക്കറിയാമല്ലോ.,,,, (വായിച്ചാൽ ഒരു വരി കുറിക്കുമല്ലോ മരുമകൾ സീരീസിലെ മിയയെ നിങ്ങൾ മറന്നില്ലെന്ന് കരുതുന്നു… മിയയുടെ ജീവിതത്തിലെ ചില സന്ദർഭങ്ങൾ …. നിങ്ങൾക്കായി, ലൈക്ക് ചെയ്ത് അഭിപ്രായങ്ങൾ അറിയിക്കണേ… )

രചന: Rinila Abhilash

Advertisement

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular

error: Content is protected !!