Connect with us

Love

മതി രണ്ടും സംസാരിച്ചത് ബാക്കി കല്യാണം കഴിഞ്ഞ് സംസാരിക്കാം.

Published

on

രചന: ശ്രീലക്ഷ്മി വിഷ്ണു
“ശ്രുതീ….. എടീ …. ശ്രുതി….. ” “ദാ ……….. വരുന്നെടീ….. ” “ഒന്നു വേഗം വാടീ … സമയം വൈയ്കീ…. ” “അമ്മേ ഞാൻ ഇറങ്ങുന്നേ…” “ഒന്നു വേഗം വാടീ …. എത്ര നേരായി ഞാൻ കാത്ത് നില്ക്കണേ….. ” “ഓ…… പിന്നേ നിന്റെ വിളി കേട്ടാ തോന്നും കോളേജിൽ പോകാൻ അത്രയ്ക്ക് ഉത്സാഹമാന്ന്….. നിനക്ക് ബസ് റ്റോപ്പിൽ പോയി നിന്റെ വിഷ്ണു ഏട്ടനെ കാണാനല്ലേ …….?” “ഓ… ഒന്ന് പോടീ ……” “എത്ര നാളായടീ ….. 10 ൽ പഠിക്കുമ്പോൾ തുടങ്ങിയതല്ലേ, നിന്റെയീ അസ്ഥിക്ക് പിടിച്ചപ്രേമം …… കൊല്ലം അഞ്ചാവുന്നു, രാവിലെ ബസ് റ്റോപ്പിൽ പോയി പുള്ളിയെ നോക്കി നില്ക്കുന്നു, നീയാണെങ്കിൽ ഇഷ്ടമാണ് എന്ന് പറയേം ഇല്ല …. അയാളാണെങ്കിൽ നിന്നെ ഒന്നു നോക്കുക പോലും ഇല്ല; രണ്ട് പേരും ഒരേ സ്റ്റോപ്പി ന്ന് കയറും, ഒരേ ബസ്സിൽ പോകും എന്നിട്ടും ഇഷ്ടം പറയാൻ പറ്റീട്ടില്ല …..” ” അതു പിന്നെ ഇഷ്ടം പറഞ്ഞാൽ ആളെങ്ങിനെ പ്രതികരിക്കും എന്നറിയില്ലല്ലോ?അതാ ഞാൻ….. എന്നാലും ഞാൻ പറയും.. എന്റെ സ്നേഹം വിഷ്ണു ഏട്ടൻ അറിയാതെ പോകരുത്….. ” ” ഉം….. നീയിതു പറയാൻ തുടങ്ങീട്ട് കാലം കുറെയായി;ഇന്ന് പറഞ്ഞില്ലെങ്കിൽ നോക്കിക്കോ; പറഞ്ഞ് തീർന്നില്ല ദേ നിക്കണ് നിന്റെ വിഷണു ഏട്ടൻ….. ബസ്സ് വരാൻ ഇനിയും സമയമുണ്ട്, വേറെ ആരും ഇല്ല നീ പോയി പറ…. പോ…. ” ” അത് പിന്നെ ഇപ്പോവേണ്ട എന്റെ കൈയ്യും കാലുമൊക്കെ വിറയ്ക്കണപോലെ…. പിന്നെ പറയാം…. ” ” എന്റെ ഭദ്രേ… നീയിപ്പോ പറഞ്ഞില്ലെങ്കിൽ പിന്നെ എപ്പോഴാ പറയാ….. ഇന്നത്തോടെ college തീരും പിന്നെ കാണാനും പറ്റില്യ ആള് വേറെ ആരേങ്കിലും കെട്ടും…. നീ പോയി പറയ ടീ ….” “ദേ ആൾ ഇങ്ങട് നോക്കണുണ്ട്…… പോയി പറ…….പോ”

“ശ്രുതി….. വേണ്ട ടീ ….” “നിന്നെ ഞാനിന്ന് കൊല്ലും; എന്റെ കൈ പിടിച്ച് ഇറുക്കാതെ പോയി പറയിടീ …….. വിഷ്ണു ഏട്ടൻ ….വിഷ്ണു ഏട്ടൻ എന്ന് ഒറ്റ കാലിൽ തപസ്സു ചെയ്ത്, അമ്പലത്തിൽ അർച്ചന കഴിച്ച് നടന്നാ പോരാ; പ്രേമിക്കാൻ കുറച്ച് ചങ്കൊറപ്പ് വേണം…. പോയി പറയടീ … ഭദ്രേ ..” “ഇന്ന് വേണ്ട ടീ..” ” ദേ…..നോക്കടീ ….ആളിങ്ങ് വരുന്നു …..” ——————————————————— ” ഭദ്രേന്നല്ലേ പേര് ?” ” അതേ ” “എന്റെ പേര് വിഷ്ണു;എനിക്ക് തന്നോട് ഒരു കാര്യം പറയാനുണ്ട്, ഒന്നിങ്ങ് വരോ?” ” ഉം… ” “എടീ ഭദ്രേ ആൾക്ക് നിന്നെ ഇഷ്ടാന്ന് പറയാനാവും;നീ വേഗം പോ…” എന്ത് ചെയ്യണമെന്ന് അറിയാതെ സ്തംഭിച്ച് നിന്ന ഭദ്ര യേ, ശ്രുതി വിഷ്ണുവിന്റെ അടുത്തേക്ക് തള്ളിവിട്ടു…. ” ഭദ്രേ എനിക്കൊരു കാര്യം പറയാനുണ്ട്…. താൻ ഇതെങ്ങിനെ എടുക്കും എന്ന് എനിക്കറിയില്ല; എനിക്ക് തന്റെയൊരു സഹായം വേണം … ” “എന്താ …. ഞാൻ എങ്ങിനെയാ സഹായിക്ക്വാ?” “അതേയ്, തന്റെ കുട്ടുകാരി ശ്രുതിയെ എനിക്കിഷ്ടമാണ്, താൻ അവളോടൊന്ന് സംസാരിക്കോ? ആ കുട്ടിയോട് നേരിട്ട് പറയാനൊരു പേടി…. ആ കുട്ടി എങ്ങിനെ പ്രതികരിക്കും എന്നറിയില്ല.. താനൊന്ന് സംസാരിക്കോ?” “ടീ …എടി ഭദ്രേ…. നീയിത് ഏതു ലോകത്താ? എന്താ ആള് പറഞ്ഞേ? നീ ഇഷ്ടാന്ന് പറഞ്ഞോ? എന്താ കണ്ണീരൊക്കെ വരുന്നേ ?എന്താ നിന്റെ മുഖം വല്ലാതെ? എന്താടീ..എന്തു പറ്റി നിനക്ക്?” “ഏയ് ഒന്നു ലാ ടീ….. ഞാൻ വെറുതെ ഓരോ …….” “എന്താ ഭദ്രേ….. എന്താ ടീ …… എന്തിനാ നീ കരയണേ? ആൾക്കാരൊക്കെ ശ്രദ്ധിക്കുന്നു ….. എന്താ വിഷ്ണു ഏട്ടൻ പറഞ്ഞേ….?” ” ഒന്നും ഇല്ല; ഞാൻ പറയാം… ദാ ബസ്സ് വരുന്നു …. ” ——————————————————— “എടാ ….. ഭദ്രേ എന്ത് പറ്റി നിനക്ക്? ക്ലാസ്സിലിരുന്നു നീ ഇടയ്ക്ക് കരയുന്നത് ഞാൻ കണ്ടിരുന്നു…. പിന്നെ മറ്റുള്ളവരെ കൂടെ അറിയിക്കണ്ടല്ലോന്ന് കരുതിയാ ചോദിക്കാഞ്ഞേ; ബസ്സിലിരുന്നപ്പോഴും ഒന്നും പറഞ്ഞില്ല ….. എന്താ? എന്താ രാവിലെ അയാൾ പറഞ്ഞേ?” ” അത്…. ഏട്ടന് നിന്നെ ഇഷ്ടമാണെന്നും, നിന്നോട് പറഞ്ഞാൽ നീയെങ്ങനെ പ്രതികരിക്കുമെന്ന് അറിയാത്തതുകൊണ്ട് എന്നോട് പറഞ്ഞതാ….. ” ” ഭദ്രേ….. ഞാൻ ….” “സാരില്ലടാ ….. എന്റെ മനസ്സിലെ ആഗ്രഹങ്ങൾ അങ്ങിനെ തന്നെ ഇരിക്കട്ടേ, എല്ലാം എന്റെ തെറ്റാ വിഷ്ണു ഏട്ടന്റെ മനസ്സിൽ എന്താന്നറിയാണ്ട് ….. എനിക്ക് കുഴപ്പമൊന്നും ഇല്ലടാ ….. നിനക്ക് നന്നായി ചേരും….. എന്നെ ഓർത്ത് നീ വിഷമിക്കേണ്ട; ഞാൻ ഒരിക്കലും നിങ്ങൾ ടെ ഇടയിൽ ശല്യം ആയി വരില്ല….

സ്നേഹിക്കുന്ന ആൾടെ സന്തോഷത്തിന് നമ്മുടെ ആഗ്രഹങ്ങൾ ത്യജിക്കുന്നതും സ്നേഹം തന്നെയാണ്…. ഞാൻ പോണ ടീ …. മനസ്സിലെ സങ്കടം പുറത്ത് കാട്ടാതെ ഭദ്ര നടന്നു… ——————————————————- “ആ… ഇതാരാ ശ്രുത മോളോ? മോള് വാ” “ഭദ്രയെ വിടെ അമ്മേ? ” ” ഇന്ന്, ഭദ്രേ കാണാൻ ഒരു കൂട്ടരുവരുന്നുണ്ട്, മോൾ അവളോടൊന്ന് പറ…. ഞാൻ പറഞ്ഞ് മടുത്തു അവൾക്ക് ഇപ്പോ കല്യാണമൊന്നും വേണ്ടാന്ന് പറഞ്ഞ് വാശി പിടിച്ച് മുറിയിൽ കയറി ഇരിപ്പാ;അവൾടെഅച്ഛന്റെ സ്വഭാവം അറിയാലോ അദ്ദേഹത്തിന്റെ വാക്കേ ഇവിടെ നടക്കു…. ദല്ലാൾ രാമൻ കുട്ടി കൊണ്ട് വന്നൊരാ ലോചനയാ ഇവിടെ അടുത്തു തന്നെയാ സഹകരണ ബാങ്കിൽ ജോലിയുണ്ട് ചെക്കന്;മോള് അവളോടൊന് പറയ്, നിങ്ങൾ നല്ല കൂട്ടുകാരികൾ അല്ലേ, മോൾവേഗം അവളെ ഒന്ന് ഒരുക്കി നിർത്ത്…. ഇല്ലേ അവൾ ടേ അച്ഛൻ വന്ന് എന്താ ചെയ്യാന്ന് പറയാൻ കഴിയൂല്യ ……” ” ഞാൻ നോക്കി കോളാം അമ്മേ…. അമ്മ മറ്റ് ഒരുക്കങ്ങൾ നടത്തിക്കോ ” “എടാ… ഭദ്രേ…. ഇതെന്തു കോല മാടി? രണ്ട് ദിവസം കൊണ്ട് ആൾ ആകെ മാറിയല്ലോ? ഇന്ന് നിന്നെ പെണ്ണുകാണാൻ വരുന്നെന്ന് പറഞ്ഞു അമ്മ ….. എന്നിട്ട് കല്യാണ പെണ്ണ് ഇങ്ങനാണോ നിക്കണേ നീ പോയി കുളിച്ച് ഡ്രെസ്സൊക്കെ മാറിക്കേ….. നല്ല സുന്ദരികുട്ടിയായിട്ട് വേണ്ടെ ചെക്കന്റെ മുമ്പിൽ നിക്കാൻ; നിന്നെ പറഞ്ഞ് സമ്മതിപ്പിക്കാന്ന് നിന്റെ അമ്മയ്ക്ക് വാക്കു കൊടുത്തിട്ടാ ഞാൻ വന്നേ….. ” “നിനക്കെല്ലാം അറിയാവുന്നതല്ലേശ്രുതീ: ..?.” “അതൊക്കെ കഴിഞ്ഞില്ലേ? നീയല്ലേ നിന്റെ വിഷ്ണു ഏട്ടനെ എനിക്ക് വിട്ടു തന്നെ? എനിക്കിഷ്ടാ ന്ന് ഞാൻ പറഞ്ഞു; എന്റെ കാര്യം ഓക്കെയായി……. നീ പോയി വേഗം കുളിച്ചിട്ടുവാ…. ” നിറഞ്ഞ മിഴികളോടെ നിൽക്കുന്ന ഭദ്ര യേ ശ്രുതി കണ്ടില്ലന്ന് നടിച്ചു……. “ഒരുക്കം കഴിഞ്ഞില്ലേ? ഭദ്രേ ദാ..

അവര് വന്നു…. അച്ഛൻ വിളിക്കണുണ്ട് താഴേക്ക് വാ വേഗം .. ” “സാരിയൊക്കെ ഉടുത്തപ്പോ സുന്ദരിയായിട്ടുണ്ട്; കണെന്നൊക്കെ തുടച്ച് നല്ല കുട്ടിയായ് ചായകൊടുത്തിട്ട് വാ…..” അമ്മ കൊടുത്ത ചായയുമായി, ഒരു പാവ കണക്കെ അവൾ നിന്നു; കണ്ണുകൾ നിറഞ്ഞ് വിതുമ്പി നിന്നു… അച്ഛന്റെ മുഖം കണ്ടപ്പോൾ ചുണ്ടിൽ ചിരി വരുത്തിയെന്ന് ധരിപ്പിച്ച് ചായ നീട്ടി….. ചെറുക്കന്റെ മുഖത്തേക്ക് നോക്കാനുള്ള ശക്തി അവൾക്കുണ്ടായില്ല, തിരിഞ്ഞ് പോകാൻ ഒരുങ്ങിയപ്പോൾ “ചെറുക്കന്റെ മുഖത്തേക്ക് നോക്കിക്കോ കുട്ടി പിന്നെ കണ്ടില്ലാന്ന് പരാതി പറഞ്ഞേക്കരുത്” ദല്ലാൾ രാമൻകുട്ടിയുടെ സംസാരത്തിൽ ഒരു ചെറു ചിരിയുയർന്നു….. ഭദ്ര പതിയെ തലയുയർത്തി നോക്കി ;അവളുടെ കണ്ണുകളെ വിശ്വസിക്കാനായില്ല;താ നീ കാണുന്നത് സ്വപ്നേമാ യാഥാർത്യമോ എന്ന് ആലോചിക്കും മുൻപേ, ” കുട്ടികൾക്കെന്തെങ്കിലും സംസാരിക്കാനുണ്ടെങ്കിൽ സംസാരിക്കട്ടെ ” എന്ന് ചെറുക്കന്റെ അച്ഛൻ പറഞ്ഞത് ….. ഇവിടെ നടക്കുന്നത് സ്വപ്നമാണോ ഈശ്വരാ ?താൻ സ്നേഹിച്ച സ്വന്തമാക്കണമെന്ന് ആഗ്രഹിച്ച വിഷ്ണു ഏട്ടൻ തന്നെയാണോ? അത്? എന്റെ കണ്ണുകൾ എന്നെ ചതിക്കുന്നതാണോ? അവൾ മനസ്സിൽ പറഞ്ഞു… “താൻ എന്താടോ സ്വപ്നം കാണുകയാണോ? എന്നോട് ഒന്നും സംസാരിക്കാനില്ലേ?” എന്ന ചോദ്യം കേട്ടപ്പോൾ ആണ് ഭദ്രയ്ക്ക് സ്ഥലകാലബോധം വന്നത്……. സത്യമാണ് എന്റെ മുൻപിൽ നിൽക്കുന്നത് വിഷ്ണു ഏട്ടൻ തന്നേ…… “ഭദ്രേ എന്താടോ ഒന്നും മിണ്ടാത്തെ?” “ശ്രുതി…. ?അവൾ …..?അന്ന് പറഞ്ഞത്?” ” അതിനുള്ള മറുപടി ഞാൻ പറയാ ടീ മോളേ.” ഭദ്ര അമ്പരപ്പോടെ രണ്ട് പേരയും മാറി മാറി നോക്കി…. ” ഈ വിഷ്ണു ഏട്ടനെ എന്റെ വല്യമ്മേടെ മോനാ.. നിന്റെ മനസ്സിലെ ദിവ്യ പ്രേമം പണ്ടെ ഞാൻ വിഷ്ണു ഏട്ടനോട് പറഞ്ഞതാ….. വിഷ്ണു ഏട്ടനെ കാണാൻ വേണ്ടി മാത്രം ബസ് റ്റോപ്പിലേക്ക് ഓടുന്നതും, അർച്ചന കഴിക്കണതും, വിഷ്ണു ഏട്ടനെ കല്യാണം കഴിക്കാൻ വൃതം എടുത്ത് നടക്കണ തൊക്കെ ഞാൻ പറഞ്ഞിരുന്നു… നിന്നെ കാണാനാ വണ്ടിയുണ്ടായിട്ടും ബസ്സിൽ വന്നോണ്ടിരുന്നത് വിഷ്ണു ഏട്ടൻ; നീയെന്നെങ്കിലും ഇഷ്ടം പറയോന്ന് നോക്കാന്ന് കരുതിയല്ലേ ഇത്രയും നാൾ വെയിറ്റ് ചെയ്തത്….. ”

” എന്നെ പ്രണയിക്കുന്ന കാര്യം ഞാനെങ്കിലും അറിയണ്ടേ മാഷേ? താനെന്നാലും നല്ല ആളാ കൂട്ടുകാരിയെ ഇഷ്ടമാന്ന് പറഞ്ഞിട്ടും ഒരക്ഷരം മിണ്ടാതെ നിന്നില്ലേ?” “അതു പിന്നെ ….. എന്റെ ഇഷ്ടം പറഞ്ഞാൽ… തിരിച്ച് ഇഷ്ടമല്ലെന്ന് പറഞ്ഞാൽ സഹിക്കാൻ പറ്റില്ലായിരുന്നു എനിക്ക് ….. പിന്നെ ശ്രുതിയെയാണ് ഇഷ്ടം എന്ന് പറഞ്ഞപ്പോൾ എന്ത് ചെയ്യണം എന്ന് അറിയാത്ത അവസ്ഥയായി പോയി…. പിന്നെ ആലോചിച്ചപ്പോ അവളെയാണ് ഇഷ്ടമെങ്കിൽ ഞാൻ ഒരു തടസ്സം ആകരുത് എന്ന് കരുതി….. അത് സ്നേഹക്കുറവുകൊണ്ടല്ലാ… സ്നേഹ കൂടുതൽ കൊണ്ടാ.. നമ്മൾ സ്നേഹിക്കുന്നവരുടെ സന്തോഷം അല്ലേ നമ്മൾ ആഗ്രഹിക്കേണ്ടത്……..” ” ഉം…. മതി…. മതി….. നീ അത്രയക്ക് ത്യാഗിയൊന്നും ആകണ്ട ….. പിന്നെ ദല്ലാൾ രാമൻകുട്ടിയൊന്നും അല്ല ഈ ആലോചന കൊണ്ടു വന്നേ;അത് കൊണ്ട് നല്ല കമ്മീഷൻ വേണം …… എന്നാ പിന്നെ നിങ്ങൾ സംസാരിക്ക് … ഞാൻ സ്വർഗ്ഗത്തിലെ കട്ടുറുമ്പ് ആ കണില്ല …. ” ” ഇനിയെങ്കിലും ഒന്ന് പറയടോ…?” “എന്ത്?” “I Love you …….ന്ന് ” “അയ്യട…… ഞാൻ പറയൂല….” “ആഹാ.. കഴിഞ്ഞ 5 വർഷായിട്ട് കേൾക്കാൻ കൊതിച്ചിരുന്നതാ…. എന്നിട്ട് ഇപ്പോ പെണ്ണ് പറയണകേട്ടില്ലെ? നിനക്ക് ഞാൻ വെച്ചിട്ടുണ്ടെടി കാന്താരീ …… ആ …. അപ്പഴേ എനിക്ക് കൂട്ടുകാരിയെ അല്ലാട്ടോ …… ഈ ഭദ്രേ തന്നെയാ ഇഷ്ടം… ” ” മതി മതി…. രണ്ടും സംസാരിച്ചത്; ബാക്കി കല്യാണം കഴിഞ്ഞ് സംസാരിക്കാം….. വല്യച്ഛൻ അന്വേക്ഷിക്കുന്നുണ്ട്…… അപ്പോഴേ എന്റെ കമ്മീഷന്റെ കാര്യം മറക്കണ്ട രണ്ടും …… ” ” സമ്മതിച്ചേ ….” മൂന്നു പേരും പൊട്ടിച്ചിരിച്ചു…….

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular