Connect with us

Love

ആത്മാവിൽ ചേർന്നവർ…

Published

on

രചന: Ammu Santhosh
“മീനുട്ടിയെ, പഴയ പോലല്ല ചിലവൊക്കെ.. കുറച്ചു കൂടി ഫണ്ട്‌ അനുവദിക്കു പ്ലീസ്..” ഉണ്ണി മീനാക്ഷിയുടെ തോളിൽ കൂടി കയ്യിട്ട് ചേർത്ത് പിടിച്ചു “നല്ല പോലെ വെളുത്തല്ലോ.. ഫേഷ്യൽ ചെയ്തോ? ” മീനാക്ഷിക്ക് ചിരി പൊട്ടി “ടാ ടാ മതിയെടാ..സോപ്പ്..മതി ” മനു അവന്റെ തലയിൽ ഒന്ന് തട്ടി “നിങ്ങളോടാരാ മനുഷ്യാ ഇങ്ങോട്ടിപ്പോ വരാൻ പറഞ്ഞത്.. ഒന്നു പോയെ ” ഉണ്ണി മനുവിനെ പിടിച്ചു ഉന്തി തള്ളി വാതിലിനരികിൽ ആക്കി “ശ്ശെടാ എന്റെ ഭാര്യയോട് മിണ്ടാനും എനിക്ക് നിന്റെ പെർമിഷൻ വേണോ?”മനു ചിരിച്ചു “ഇപ്പോൾ ഞങ്ങൾ സീരിയസ് ആയി ഒരു കാര്യം ഡിസ്കസ്സ് ചെയ്യുവാ അല്ലെ മീനു..?കുറച്ചു കഴിഞ്ഞു നിങ്ങളുടെ ഭാര്യ അങ്ങോട്ട് വരും.. പോ പോ ” മനു വീണ്ടും ചിരിയോടെ അവിടേം വിട്ട് പോയി “എന്താ ഇപ്പോൾ പുതിയ ചിലവ്?” മീനാക്ഷി അവന് നേരെ തിരിഞ്ഞു. “അത്… അവളുടെ പിറന്നാൾ.താരയുടെ…” അവന്റെ മുഖത്തെ നാണം കണ്ടു മീര പൊട്ടിച്ചിരിച്ചു “ചെക്കന്റെ നാണം നോക്ക് ” “ഒരു ഗിഫ്റ്റ് കൊടുക്കണം. പിന്നെ വലിയ പാർട്ടി ഒക്കെയല്ലേ? കുറച്ചു ഡീസന്റ് ആയിട്ട് പോകണം. ഒരു ഉഗ്രൻ ഷർട്ടും പാന്റും എടുക്കണം..” “ഇത്രേം ഉള്ളു?എന്റെ ബാഗിലുണ്ട് പൈസ. എത്ര വേണം ന്നു വെച്ചാൽ എടുത്തോളൂ ” “സത്യം?” “പോയി എടുത്തൊന്ന് ” “എന്റെ മീനു എന്റെ മുത്താണ്..”അവൻ കെട്ടിപിടിച്ചു ഒരു ഉമ്മ കൊടുത്തിട്ട് ഓടിപ്പോയി.. “നീ അവനെ ഇങ്ങനെ വഷളാക്കല്ലേ കേട്ടോ.

കാര്യം എന്റെ അനിയനോക്കെ തന്നെ. നിന്നേ കല്യാണം കഴിഞ്ഞു കൊണ്ട് വരുമ്പോൾ അവന് പത്തു വയസ്സാ.. അമ്മയില്ലാത് വളർന്ന കൊണ്ട് കുറച്ചു കൂടുതൽ ലളിച്ചിട്ടുമുണ്ട്. എന്നാലും പ്രായം വല്ലാത്തതാ.. ഒരു നിയന്ത്രണം വേണം ” “എന്റെ ഉണ്ണി തെറ്റൊന്നും ചെയ്യില്ല. അവനെ ഞാനാ വളർത്തിയെ..അല്ലി മോളെ ഹോം വർക്ക്‌ തീർന്നോ? ഈ കുട്ടി ഇപ്പോഴും ടീവി ക്കു മുന്നിൽ തന്നെ ആണോ?” അതും ചോദിച്ചു വേഗം അവൾ മകളുടെ അടുത്തേക്ക് പോയി.. എത്ര കൈകളാണവൾക്കെന്ന് ചിലപ്പോൾ മനു ഓർക്കും. നഗരത്തിലെ അറിയപ്പെടുന്ന വക്കീലാണവൾ. അല്ലിമോളുടെ അമ്മയാണ്. തന്റെ എല്ലാമാണ്. തന്റെ അനിയന്റെ മീനുട്ടി ആണ്. തന്റെ അച്ഛന്റെ പൊന്നുമോളാണ്. അവളോടുള്ള സ്നേഹധിക്യത്തിൽ അവന്റെ കണ്ണ് നിറഞ്ഞു.. ഉണ്ണി വരും വരെ മീനാക്ഷി ഉറങ്ങിയില്ല. “നീ വന്നു കിടക്കു അവനിങ്ങ് വരും.. എടി അവനൊരു ആൺകുട്ടിയാണ് “പറഞ്ഞു കൊണ്ട് നിൽക്കെ ഒരു കാർ വന്നു നിന്നു അതിൽ നിന്നു ഉണ്ണി ഇറങ്ങി. അവന് ലേശം ആട്ടമുണ്ട്.. നേരെ നിൽക്കാൻ ശ്രമിക്കുന്നുണ്ട്. പക്ഷെ വേച്ചു പോകുന്നുണ്ട്. “കുടിച്ചിട്ടുണ്ടോ നീ?” മനു അവന്റെ മുന്നിൽ നിന്നു. മീനാക്ഷി അമ്പരപ്പോടെ മനുവിന്റെ അരികിലേക്ക് ചെന്ന് ഉണ്ണിയുടെ മുഖത്ത് സൂക്ഷിച്ചു നോക്കി.

“കുറച്ച്. ഫ്രണ്ട്സ് നിർബന്ധിച്ചപ്പോ.. കുറച്ചു കുടിച്ചാൽ എന്താ കുഴപ്പം?” ഒറ്റ അടി വീണു അവന്റെ മുഖത്ത്. മീനാക്ഷിയുടെ ഉയർന്ന കൈകളിലേക്ക് മനു നടുക്കത്തോടെ നോക്കി മീനാക്ഷി യുടെ കൈകൾ വീണ്ടും ഉയർന്നു താണു. “മീനു മതി “മനു അവളുടെ കയ്യിൽ പിടിച്ചു. “കൈ വിട് മനുവേട്ടാ “അവൾ ചീറി “കുറച്ചു കുടിച്ചാൽ കുഴപ്പമില്ല അല്ലേടാ? ഇങ്ങനെ ആണ് പലതും തുടങ്ങുക. പിന്നെ ശീലമാക്കുക. അഡിക്റ്റാകുക.. പലതവണ ഞാൻ നിന്നോട് ഇതൊക്കെ പറഞ്ഞു തന്നിട്ടുണ്ട്..”അവന്റെ കയ്യിലും പുറത്തും അവൾ ആഞ്ഞടിച്ചു “നീ..നീ.. എങ്ങനെ തോന്നി? ഇങ്ങനെ ഉറയ്ക്കാത്ത കാലിൽ വീട്ടിൽ കയറി വരാൻ.. നിന്നേ ഞാൻ എങ്ങനെ വളർത്തിയതാ ഉണ്ണി..”അവൾ പൊട്ടിക്കരഞ്ഞു “എനിക്ക് നിന്നേ കാണണ്ട പൊയ്ക്കോ എങ്ങോട്ടെങ്കിലും “അവൾ വീടിനുള്ളിലേക്ക് ഓടിപ്പോയി. ഉണ്ണിയുടെ ലഹരി ഒറ്റ നിമിഷം കൊണ്ടിറങ്ങിപോയി. എല്ലാവരും കുടിച്ചു. താര ഉൾപ്പെടെ.. അവളാണ് നിർബന്ധിച്ചത്.. ഇതൊക്കെ സമൂഹമര്യാദയുടെ ഭാഗമാണ് എന്ന് പറഞ്ഞു തന്നത്.. വേറെ എന്തൊക്കെയോ കൂടി ഉണ്ടായിരുന്നു. എന്തൊക്കെയോ പേരുകളും അവർ പറഞ്ഞു കേട്ടു.. അത് മാത്രം വേണ്ട എന്ന് പറഞ്ഞു.. മീനു കരഞ്ഞു.. താൻ കാരണം.. ഈശ്വര! അവന് നെഞ്ച് പൊട്ടുന്ന പോലെ തോന്നി. ഏട്ടൻ അവനെ ചേർത്ത് പിടിച്ചു.. “മോൻ വാ.. അവള് സങ്കടം കൊണ്ട് തല്ലിയതാ ഒന്നും തോന്നേണ്ട. വന്നു കിടക്കു ” അവൻ നിറഞ്ഞ കണ്ണുകളോടെ ഏട്ടനെ നോക്കി “മീനു ഇനി എന്നോട് മിണ്ടില്ലേ?” “ശ്ശെ.അവൾ മിണ്ടാതെ പിന്നെ എവിടെ പോകാൻ “? നീ പോയി കിടക്ക് ” “ഞാൻ മീനുനോട് ഒരു സോറി പറയട്ടെ?.

” “ഇപ്പോൾ വേണ്ട. ഒത്തിരി രാത്രി ആയി… പോയി കിടന്നോ ” അവനെ മുറിയിലാക്കി മനു വരുമ്പോളും മീനാക്ഷി കരയുകയാണ് “എന്താ പറയുക എന്റെ കൊച്ചേ അവനൊരു ആണല്ലേ.. ഇച്ചിരി കുടിച്ചു പോയി.. ക്ഷമിക്ക്.. എന്നാ അടിയാ നീ അവനെ അടിച്ചത്? എന്നിട്ട് ഒറ്റ അക്ഷരം പറഞ്ഞോ അവൻ..?പോട്ടെ സാരോല്ല ഇനി ചെയ്യില്ല. നീ ക്ഷമിക് ” അവൾ ഒന്നും മിണ്ടാതെ ലൈറ്റ് അണച്ചു കിടന്നു മീനാക്ഷി അവനെ അവഗണിച്ചു കളഞ്ഞു പലതവണ അവൻ ദയനീയമായി നോക്കിക്കൊണ്ട് അവളുടെ മുന്നിൽ വന്നു.. “ഞാനീ കാല് പിടിക്കാം ഏട്ടത്തിയമ്മേ..”അവൻ കരഞ്ഞു കൊണ്ട് നിലത്തിരുന്നു ആ കാലിൽ തൊട്ടു. “ഭൂമിയിൽ ആരു പിണങ്ങിയാലും എനിക്ക് സഹിക്കാൻ പറ്റും. എന്റെ ഏട്ടത്തിയമ്മ എന്നോട് പിണങ്ങല്ലേ പ്ലീസ് “അവൾ ആ ശിരസ്സിൽ വിറയാർന്ന കൈകൾ വെച്ച് അൽപനേരം അനങ്ങാതെ നിന്നു.. “എന്റെ പൊന്ന് ഏട്ടത്തിയമ്മയല്ലേ? ഞാൻ ഹൃദയം പൊട്ടി മരിച്ചു പോകും എന്നോട് മിണ്ടാതെ.. ഇങ്ങനെ. വയ്യ.. പ്ലീസ് ” മീനാക്ഷി നിലത്തിരുന്നു അവനെ ചേർത്ത് പിടിച്ചു.. രണ്ടു പേരും കരഞ്ഞു കൊണ്ടിരുന്നു. എപ്പോഴോ കണ്ണീർ പെയ്ത്ത് നിന്നു.. അവൻ ആ മടിയിൽ മുഖം വെച്ച് കിടന്നു.. കുഞ്ഞിലേ അങ്ങനെ ആയിരുന്നു ഉറങ്ങുക.. ആ മടിയിൽ മുഖം വെച്ച്… “മോനെ കുറച്ചു മദ്യപിച്ചത് കൊണ്ടോ കൊണ്ടോ ഒരു സിഗരറ്റ് വലിച്ചത് കൊണ്ടോ ഒരാൾ ചീത്തയാവില്ല. പക്ഷെ ലഹരി നമ്മളെ അടിമയാക്കും.നമ്മൾ നശിച്ചു പോകും.അന്ന് നിന്റെ ഷർട്ടിൽ വേറെ ഒരു മണമുണ്ടായിരുന്നു. ഡ്രഗ്ഗ്സ്.. അതിന്റ? അത് പാടില്ല മോനെ ” “ഞാൻ അത് എടുത്തിട്ടില്ല സത്യം.. ഫ്രണ്ട്സ് ഉപയോഗിച്ചതാ സത്യായിട്ടും.” “ഉം “അവൾ മൂളി “കോളേജിൽ പഠിക്കുമ്പോൾ ഇതൊക്കെ ടൂറുകളിൽ ഞാനും കണ്ടിട്ടുണ്ട്. ഉപയോഗിക്കാൻ തോന്നിയിട്ടില്ല. അമ്മയുടെ മുഖം ഓർക്കും. ഒത്തിരി കഷ്ടപ്പെട്ടാ എന്നെ പഠിപ്പിച്ചേ.നമുക്ക് പ്രിയമുള്ളവരേ വേദനിപ്പിക്കാതിരിക്കാൻ ചില സന്തോഷം വേണ്ടന്ന് വെയ്ക്കാൻ കഴിയണം. എത്ര പ്രലോഭന മുണ്ടായാലും ” “ചെയ്യില്ല സത്യം.. എന്റെ ഏട്ടത്തിയമ്മയുടെ കണ്ണ് നിറയുന്നത് ഒന്നും ഞാൻ ചെയ്യില്ല. എന്റെ മരിച്ചു പോയ അമ്മ സത്യം ” അവൾ ആ നെറ്റിയിൽ ചുണ്ടമർത്തി. അവൾ ആ മുടിയിലൂടെ വിരലോടിച്ചു “, മോനെ ഏട്ടത്തി ഒത്തിരി അടിച്ചു ” “സാരോല്ല എനിക്ക് നൊന്തില്ല. പക്ഷെ എന്റെ മീനു കരഞ്ഞപ്പോൾ സത്യായിട്ടും എന്റെ നെഞ്ച് പൊട്ടിപ്പോയി..” അവന്റെ ശബ്ദം ഇടറി “,പോട്ടെ കഴിഞ്ഞത് കഴിഞ്ഞു.. നിനക്ക് എന്താ വേണ്ടേ പറഞ്ഞോ? ബിരിയാണി ഉണ്ടാക്കി തരട്ടെ?”അവൾ ചിരിച്ചു “അയ്യടാ ബിരിയാണി.. എനിക്ക് വേണ്ട. എനിക്ക് ചമ്മന്തി ചോറുണ്ടാക്കി താ. അത് മതി.

ഞാൻ രണ്ടു ദിവസം ആയി ശരിക്ക് കഴിച്ചിട്ടില്ലന്നെ “അവൻ കുസൃതി യിൽ പറഞ്ഞു അവൾ പുഞ്ചിരിച്ചു. അരകല്ലിൽ അരയ്ക്കുന്ന മാങ്ങാച്ചമ്മന്തിയുടെ എരിവ്നൊപ്പം ചോറും കൂടി കുഴഞ്ഞപ്പോ നല്ല നിറം.. അവൾ അത് ഒരു പാത്രത്തിൽ എടുത്തു “എനിക്കും വേണം “അല്ലി “ഞാനും ഉണ്ടിവിടെ “മനു “കുറച്ചു നാളായി ഇത് കഴിച്ചിട്ട് “അച്ഛൻ “പറഞ്ഞു വന്നപ്പോൾ എല്ലാർക്കും വേണം.. ഞാനാ ഇത് പറഞ്ഞു ഉണ്ടാക്കിയത്. എനിക്ക് താ ആദ്യം “ഉണ്ണി കുശുമ്പോടെ പറഞ്ഞു അവന്റെ വായിലേക്ക് തന്നെ മീനാക്ഷി ആദ്യ ഉരുള വേച്ചു കൊടുത്തു.. പിന്നെ അല്ലി. മനു. അച്ഛന് ഒരു പാത്രത്തിൽ കുറച്ചു എടുത്തു കൊടുത്തു..അവൾ സംതൃപ്തിയോടെ അത് നോക്കി നിന്നു. പിന്നെ മനുവും അവളും തനിച്ചായ ഒരു നിമിഷം. “അതേയ്.. നിനക്ക് അവനെ ഇത്ര സ്നേഹിക്കാൻ പറ്റുന്നത് എങ്ങനെയാ മീനു?” മനു കൈകളിൽ അവളുടെ മുഖം ഉയർത്തി മെല്ലെ ചോദിച്ചു അങ്ങോട്ടേക്ക് വരികയായിരുന്ന ഉണ്ണി ആ ചോദ്യം കേട്ട് നിന്നു “അവൻ എന്റെ മോനാ മനുവേട്ടാ..എന്റെ പൊന്നു മോൻ. മകനാവാൻ ഗർഭത്തിൽ ചുമക്കെണ്ടതില്ല..എന്റെ കുഞ്ഞാ അവൻ ” അവളുടെ ശബ്ദം ഇടറി. മനു അവളെ നെഞ്ചിൽ ചേർത്ത് അമർത്തി പിടിച്ചു. ഉണ്ണിയുടെ കണ്ണുകൾ പെയ്തു കൊണ്ടിരുന്നു അവൻ അമ്മയുടെ ഫോട്ടോക്ക് മുന്നിൽ പോയി നിന്നു.. “അമ്മ എന്റെ ഏട്ടത്തിയുടെ ഉള്ളിലിരുന്നു എന്നെ സ്നേഹിക്കുവാ അല്ലെ?” അവൻ നിശബ്ദമായ് ചോദിച്ചു അമ്മയുടെ മുഖത്തെ തിളക്കം… ആ പുഞ്ചിരി.. ഭൂമി വിട്ട് പോയാലും ആത്മാക്കൾ ഒപ്പമുണ്ടാകും… അമ്മയ്ക്കെങ്ങനെ മകനെ വിട്ട് പോകാനാകും? അവരങ്ങനെ ഉള്ളിലുണ്ടാകും പ്രിയമുള്ളവരുടെ ഹൃദയത്തിൽ.. ആത്മാവിൽ.. സ്നേഹിച്ചു സ്നേഹിച്ചു കൊതി തീരാതെ അങ്ങനെ അങ്ങനെ അങ്ങനെ…. ലൈക്ക് ചെയ്ത് അഭിപ്രായങ്ങൾ കമന്റ് ചെയ്യണേ…

Advertisement

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular

error: Content is protected !!