Connect with us

Love

കൊടുക്കുന്ന സ്നേഹത്തിൽ നിന്ന് ഇച്ചിരി സ്നേഹം എനിക്കും കൂടി

Published

on

രചന : Ismayil
ആദ്യ രാത്രിയിലെ ആതിരയുടെ സംസാരം കേട്ട് അവൻ ഞെ-ട്ടിതരിച്ചു പ്രശാന്ത് എനിക്ക് തന്നോട് ഒരു കാര്യം പറയാനുണ്ട്.

എന്റെ മനസ്സിൽ ഒരാൾക്ക് മാത്രമേ സ്ഥാനം ഉള്ളു ഞാൻ ഒരാളെ മാത്രമേ സ്നേഹിച്ചിട്ടുള്ളൂ എന്റെ ഹരിയെ വഞ്ചിക്കാൻ എനിക്ക് കഴിയില്ല. വേറെ ഒരാൾക്കും എന്റെ മനസ്സിനും ശരീരത്തിനും അവകാശമില്ല അവൻ വന്ന് വിളിച്ചാൽ ഞാൻ കൂടെ പോകും അത് ഇനി എങ്ങോട്ടായാലും അവളുടെ സംസാരം കേട്ടതും അവന്റെ സപ്തനാടികളും തളർന്നു പോകുന്നത് പോലെ തോന്നി അവന് പിന്നെ എന്തിനാടി നീ ഈ കല്യാണത്തിന് സമ്മതം മൂളിയത് നിനക്ക് ആദ്യം തന്നെ അവന്റെ കൂടെയങ്‌ പൊക്കൂടായിരുന്നോ ഈ രണ്ട് കുടുംബങ്ങളുടെ സന്തോഷം ഇങ്ങനെ തല്ലിക്കെടുത്തിയിട്ട് വേണമായിരുന്നോ ഇതേല്ലാം ദേഷ്യവും സങ്കടവും പരമാവധി നിയന്ത്രിച്ചു കൊണ്ടാണവൻ അത് ചോദിച്ചത് എന്റെ അച്ചന്റെ ഇഷ്ടത്തിന് തല്ക്കാലം നിന്നു കൊടുത്തു എന്നെ ഉള്ളു അല്ലാതെ തന്നോട് പ്രേമം കൂടിയിട്ടൊന്നുമല്ല അപ്പൊ അവളുടെ അച്ചന്റെ കണ്ണിൽ പൊടിയിടാനുള്ള താൽക്കാലിക മാർഗ്ഗ മായിരുന്നു ഈ കല്യാണം അല്ലേ ഈശ്വരാ എന്നോട് ന്തിനായിരുന്നു ഈ ചതി രാവിലെ തന്റെ മുന്നിൽ താലി കെട്ടാൻ കഴുത്ത് നീട്ടിയ അവളായിരുന്നില്ല രാത്രിയിൽ അവൻ കണ്ടത് ജീവിതത്തിലെ എല്ലാ പ്രതീക്ഷയും നഷ്ടപ്പെട്ടു എപ്പോഴോ അറിയാതെ ഉറങ്ങിപ്പോയി പിറ്റേ ദിവസം നേരം വെളുത്തപ്പോൾ അവളെ കണ്ടതും അവന് അവളെ കൊല്ലാനുള്ള ദേഷ്യം ഉണ്ടായിരുന്നു എന്റെ ജീവിതം തകർത്തിട്ട് യാതൊരു ഭാവവിത്യാസവുമില്ലാതെ അവൾ എല്ലാരോടും ചിരിച്ചു കളിച്ചു സംസാരിക്കുന്നു മോനെ ഇനി മുതൽ ഇവളാണ് ഈ വീടിന്റെ വിളക്ക് ഇവളെ നീ ഒരു കുറവും വരുത്താതെ നോക്കണം എന്ന അച്ചന്റെ വാക്കുകളാണ് അവനെ ചിന്തയിൽ നിന്ന് ഉണർത്തിയത് അച്ചൻ അത് പറയുമ്പോൾ അവന്റെ മനസ്സ് നീറുകയായിരുന്നു ദിവസങ്ങൾ കടന്നു പോയി ചുരുങ്ങിയ ദിവസം കൊണ്ട് വീട്ടിലുള്ള എല്ലാവരെയും കയ്യിലെടുക്കാൻ അവൾക്ക് സാധിച്ചു അവനെ മാത്രം അവൾ വെറുപ്പോടെ മാറ്റി നിർത്തി പക്ഷെ വീട്ടിലുള്ള എല്ലാ കാര്യങ്ങളിലും അവളുടെ സാനിദ്യം ഉണ്ടായിരുന്നു സ്വന്തം മകനേക്കാൾ ഏറെ അവർ അവളെ സ്നേഹിക്കുന്നു പാവങ്ങൾ അവർക്കറിയില്ലല്ലോ തന്റെ മകന്റെ ഭാര്യ മറ്റൊരുവന് വേണ്ടി കാത്തിരിക്കുന്ന പെണ്ണാണെന്ന് മാസങ്ങൾ കടന്നു പോയി വീട്ടുകാരോടുള്ള അവളുടെ സമീപനം അവളറിയാതെ അവൻ അവളെ ശ്രദ്ധിക്കാൻ തുടങ്ങി മെല്ലെ അവന്റെ മനസ്സിലും അവളോടൊരു ഇഷ്ടകൂടുതൽ തോന്നിതുടങ്ങി അവൻ അവളോട് സംസാരിക്കാൻ ശ്രമിക്കുമ്പോഴെല്ലാം മനപ്പൂർവ്വം അവൾ ഒഴിഞ്ഞു മാറി ഇതിന്റെ ഇടക്ക് ഒരിക്കൽ പോലും ഒരു ഭർത്താവിനോടുള്ള പെരുമാറ്റവും സമീപനവും അവളിൽ നിന്ന് ഉണ്ടായിട്ടില്ല ഇനിയും ഇങ്ങനെ ജീവിക്കുന്നതിൽ ഒരു അർത്തവുമില്ല അവൻ സ്വയം തന്നോട് തന്നെ പറഞ്ഞു അന്ന് രാത്രി ഉറങ്ങാൻ കിടന്നപ്പോൾ….

എനിക്ക് നിന്നോട് ഒരു കാര്യം പറയാനുണ്ട് മ്.. എന്താ നിന്നെ താലി കെട്ടിയത് മുതൽ നിന്നെ ഒരുപാട് സ്നേഹിച്ചിരുന്നു ഞാൻ പക്ഷെ സ്നേഹം ഒരാൾക്ക് മാത്രം തോന്നിയത് കൊണ്ട് കാര്യമില്ലല്ലോ അത് പറയുമ്പോൾ അവന്റെ ശബ്ദമിടറിയിരുന്നു നിന്നെ മാത്രം സ്നേഹിക്കുന്ന ഒരു കുടുംബം ഉണ്ട് ഇവിടെ ഇതെല്ലാം അറിഞ്ഞാൽ ആ പാവങ്ങൾക്ക് അത് താങ്ങാൻ കഴിഞ്ഞു എന്ന് വരില്ല ഇനിയും നമ്മൾ ഇങ്ങനെ ജീവിക്കുന്നതിൽ യാതൊരു അർത്തവുമില്ല ഇനിയും ഇങ്ങനെ ജീവിച്ചിട്ട് പിന്നെ അവർ എല്ലാം അറിയുമ്പോൾ അവർക്ക് താങ്ങാൻ കഴിഞ്ഞു എന്ന് വരില്ല അത് പിന്നെ……ഞാൻ അവൾ പറയുന്നത് കേൾക്കാൻ നിൽക്കാതെ അവൻ റൂമിൽ നിന്ന് പുറത്തേക്ക് പോയി പിറ്റേ ദിവസം ചായ കുടിച്ചിട്ട് പുറത്തേക്ക് പോയ അവനെ നേരം ഏറെ ഇരുട്ടിയിട്ടും കാണാനില്ല അവളുടെ മനസ്സിൽ എന്തോ ഒരു പേടി പോലെ അവൾ ഉമ്മറപടിയിൽ തന്നെ അവനെ തന്നെ നോക്കി നിൽക്കുന്ന അവളോടായി അച്ചൻ പറഞ്ഞു മോള് പോയി ഉറങ്ങിക്കോ അവനിങ് വന്നോളും എന്ന് അച്ചൻ പറഞ്ഞു എങ്കിലും അവൾക്കെന്തോ ഒരു പേടി പോലെ……ഇന്നലത്തെ സംസാരം അവളുടെ മനസ്സിലേക്ക് തികട്ടിവന്നു കുറച്ചു സമയം കഴിഞ്ഞപ്പോൾ നാലുകാലിൽ വരുന്ന അവനെയാണ് അവൾക്ക് കാണാൻ സാദിച്ചത് അവളോടൊന്നും മിണ്ടാതെ നേരെ ചെന്ന് കിടക്കയിൽ വീണ പാടെ ഉറക്കത്തിലേക്ക് വീണു ഇടക്കെപ്പോഴോ മയക്കത്തിൽ നിന്ന് എണീറ്റപ്പോൾ അടുത്ത് ആരോ ഇരിക്കുന്നത് പോലെ തോന്നി അവന് നേരെ നോക്കിയപ്പോൾ അവൾ ചായയുമായി മുന്നിൽ നിൽക്കുന്നു ചായ…അവളുടെ സംസാരത്തിൽ എന്തോ ഒരു പ്രതേകത ഉള്ളത് പോലെ തോന്നി അവന് ഇന്നലെ ഏട്ടൻ എവിടെ പോയതാണ് ഞാൻ ആകെ പേടിച്ചു പോയി അത് പറയുമ്പോൾ അവളുടെ ശബ്ദമിടയിരുന്നു എന്തിന് ഇത്രയും നാളും ഇല്ലാത്ത പേടിയൊന്നും ഇനി വേണ്ട അഭിനയം എന്റെ മുന്നിൽ വേണ്ട അവരുടെ മുന്നിൽ മതി അവരാകുമ്പോൾ അത് പെട്ടന്ന് വിശ്വസിച്ചോളും പോകാൻ തുനിഞ്ഞ അവളെ തടഞ്ഞു നിറുത്തി കൊണ്ടവൻ പറഞ്ഞു ഇന്നലെ നിന്റെ ഹരിയെ കണ്ടിരുന്നു ഇന്ന് അവൻ ഡ്രീംസ് പാർക്കിൽ വരാം എന്ന് പറഞ്ഞിട്ടുണ്ട് അവളുടെ മുഖത്ത് നോക്കാതെയാണ് അവനത് പറഞ്ഞത് വൈകുന്നേരം റെഡിയായി നിന്നോളൂ ആരോടും ഒന്നും പറയണ്ട എല്ലാം ഞാൻ തന്നെ പറഞ്ഞോളാം ണ് ഏട്ടാ..എനിക് ഒരു കാര്യം……

വേണ്ട ഇനിയൊന്നും പറയണ്ട ഇനി അതിനൊന്നും നമ്മുടെ ഇടയിൽ സ്ഥാനമില്ല അത് പറയുമ്പോൾ അവന്റെ ശബ്ദമിടറിയിരുന്നു അന്ന് വൈകുന്നേരം….. അച്ഛാ…ഞങ്ങൾ ഒന്ന് പുറത്തു പോയിട്ട് വരാം ഇറങ്ങാൻ നേരം അവൾ അമ്മയെ കെട്ടിപിടിച്ചു പൊട്ടിക്കരഞ്ഞു അത് കണ്ട് അവന്റെ കണ്ണുകളും ഈറനണഞ്ഞിരുന്നു കല്യാണം കഴിഞ്ഞു ആദ്യമായിട്ടാണ് ഒരുമിച്ചൊരു യാത്ര അവസാനത്തെതും പാർക്കിൽ ചെന്ന ഉടനെ അവളെ കണ്ടതും അവൻ ചാടിഎണീറ്റു അവൻ അവളെ നോക്കിയൊന്ന് പുഞ്ചിരിച്ചു ഇന്നലെ നിന്റെ പ്രശാന്തേട്ടൻ എന്നെ വന്ന് കണ്ടിരുന്നു അവൾക്ക് അത് ഇഷ്ടപെടാത്തത് പോലെ അവൾ പ്രശാന്തിന്റെ മുഖത്തേക്ക് നോക്കി കല്യാണം കഴിഞ്ഞതിന്റെ ശേഷമാണ് നിങ്ങൾ തമ്മിൽ ഇഷ്ടത്തിലാണ് എന്ന് ഇവൾ പറയുന്നത് പെണ്ണ് കാണാൻ വന്ന അന്ന് ഇവൾ അത് പറഞ്ഞിരുന്നുവെങ്കിൽ ഇങ്ങനെയൊരു നാടകത്തിന്റെ ആവശ്യം വരില്ലായിരുന്നു ഈ സ്നേഹം എന്നത് പൂർണ്ണമാകുന്നത് രണ്ടുപേരും സ്നേഹിക്കുമ്പോഴല്ലേ നമുക്ക് പിടിച്ചു വാങ്ങാൻ കഴിയുന്ന ഒന്നല്ലല്ലോ സ്നേഹം അത് പറയുമ്പോൾ അവന്റെ കണ്ണുകൾ നിറഞ്ഞിരുന്നു അത് കൊണ്ടാണ് അവൾ ഒരുപാട് സ്നേഹിക്കുന്ന നിങ്ങളെയൊന്ന് കാണാൻ വന്നത് ഉള്ളിലുള്ള വിഷമം പുറത്ത് കാണിക്കാതെ അവൻ പറഞ്ഞു പ്രശാന്ത് എനിക്ക് അവളോട് തനിച്ച്‌ ഒന്ന് സംസാരിക്കണം തിരിച്ചു പോകുമ്പോൾ അവൾ അവനെ നിസ്സഹായതോടെ നോക്കി അവളുടെ കണ്ണുകൾ നിറഞ്ഞിരുന്നുവോ ഏയ് തനിക്ക് വെറുതെ തോന്നിയതാകും അവൻ വണ്ടിയിലേക്ക് കയറാൻ വേണ്ടി ഡോർ തുറന്നതും ടപ്പേ….. എന്ന അടിയുടെ ശബ്ദം അവന്റെ കാതിൽ മുഴങ്ങി….

അവൻ ശബ്ദം കേട്ട ഭാഗത്തേക്ക് നടന്നു ചെന്നപ്പോൾ കണ്ടത് ദേഷ്യത്തോടെ ഹരിയോട് സംസാരിക്കുന്ന അവളെയാണ് നീ ഇങ്ങനെ ദേശ്യപ്പെടുകയൊന്നും വേണ്ട ഞാൻ ചോദിച്ചതിൽ എന്താണ് തെറ്റ് എന്റെ കൂടെ ജീവിക്കണമെങ്കിൽ എനിക്കത് അറിയണം എന്താണ് ….. എന്താ.. പ്രശ്നം ….. കാര്യം മനസ്സിലാവാതെ അവൻ രണ്ട് പേരെയും പരസ്പരം മാറി മാറി നോക്കി ഇവന്റെ കൂടെ ജീവിക്കണമെങ്കിൽ ഞാൻ പരിശുദ്ധയാണോ എന്നറിയണം ഇവന് അതിന് ഇവന്റെ കൂടെ ഡോക്‌ടറുടെ അടുത്തേക്ക് ചെല്ലാൻ പറഞ്ഞു ഇവൻ പൊട്ടിക്കരഞ്ഞു കൊണ്ടാണവൾ അത് പറഞ്ഞത് നിനക്ക് വേണ്ടിയാണ് എന്നെ ജീവന് തുല്യം സ്നേഹിച്ച ഈ പാവത്തിനെ പോലും ഞാൻ …… ഇനി എന്റെ മനസ്സിൽ നീ ഇല്ല നിന്നെ ഇത്രയും കാലം മനസ്സിൽ സൂക്ഷിച്ചതിന് എനിക്ക് എന്നോട് തന്നെ വെറുപ്പ് തോന്നുന്നു അല്ലെങ്കിലും നിന്നെ ഇനി ആർക്ക് വേണം ആളുകൾ കൂടിയതോടെ സംഭവം പന്തിയല്ലെന്ന് മനസ്സിലാക്കിയ അവൻ സ്ഥലം വിട്ടിരുന്നു നിലത്തുവീണു പൊട്ടികരയുന്ന അവളെ അവൻ താങ്ങിപ്പിടിച്ചപ്പോൾ ഒരു കൊച്ചു കുട്ടിയെ പോലെ അവൾ അവന്റെ കയ്യിൽ കിടന്ന് പൊട്ടിക്കരഞ്ഞു പ്രശാന്തേട്ട…..ഞാൻ … എനിക്ക് വേണ്ട ഇപ്പൊ ഒന്നും പറയണ്ട അവന് നിന്നെ ഉപേക്ഷിച്ചു പോകാം പക്ഷെ എനിക്കത് പറ്റില്ലല്ലോ ഞാൻ താലി കെട്ടിയ എന്റെ പെണ്ണാണ് നീ ഈ താലിയിൽ ഒരു വിശ്വാസമുണ്ട് രണ്ടു ശരീരവും ഒരു മനസ്സുമായി ജീവിത അവസാനം വരെ കൂടെയുണ്ടാകണം എന്ന് “ഏട്ടാ.. എന്നോട് പൊറുക്കണം മാപ്പ് പറയാൻ പോലും എനിക്ക്” വാക്കുകൾ മുഴുമിപ്പിക്കാനാവാതെ അവൾ പൊട്ടിക്കരഞ്ഞു ഇത്രയൊക്കെ വേ-ദനിപ്പിച്ചിട്ടും എന്നെ ഇത്രയേറെ സ്നേഹിക്കുന്ന ഏട്ടനോടുള്ള കടം ഞാൻ എങ്ങനെയാ….. വാക്കുകൾ മുഴുമിപ്പിക്കാനാവാതെ അവൾ പൊട്ടിക്കരഞ്ഞു എന്റെ അച്ചനും അമ്മക്കും നീ കൊടുക്കുന്ന സ്നേഹത്തിൽ നിന്ന് ഇച്ചിരി സ്നേഹം എനിക്കും കൂടി തന്ന മതി ഏട്ടാ….. ഞാൻ … ഒരു തേങ്ങലോട് കൂടി അവൾ അവന്റെ നെഞ്ചിലേക്ക് വീണു

Advertisement

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular

error: Content is protected !!