Connect with us

Relationship

ഭർത്താവിനൊരു പഴയ പ്രണയം ഉണ്ടായിരുന്നതായി കൃഷ്ണിമക്ക് അറിയാമായിരുന്നെങ്കിലും…

Published

on

 

 

രചന: Pratheesh

 

 

കൃഷ്ണിമയുടെ ഇപ്പോഴത്തെ പ്രശ്നം, ഭർത്താവ് ശ്രീഹർഷന്റെ പഴയ കാമുകി ഹാർമ്യകയാണ് ! ഭർത്താവിനൊരു പഴയ പ്രണയം ഉണ്ടായിരുന്നതായി കൃഷ്ണിമക്ക് അറിയാമായിരുന്നെങ്കിലും വീണ്ടും അതവരുടെ ജീവിതം അലങ്കോലമാക്കാൻ അവരിലേക്ക് കടന്നു വരുമെന്നവൾ കരുതിയതേയില്ലായിരുന്നു, അങ്ങിനെ കരുതാനുള്ള കാരണം, ശ്രീക്ക് അവളെ തന്നെ കല്യാണം കഴിക്കണമെന്നുണ്ടായിരുന്നെങ്കിലും വീട്ടുകാർക്ക് താൽപ്പര്യമില്ലെന്ന ഒറ്റ കാരണത്താൽ ഹാർമ്യക തന്നെയായിരുന്നു ശ്രീയേ ഒഴിവാക്കിയതും വിട്ടു പോയതും ! അതേ തുടർന്ന് ഹാർമ്യക മറ്റൊരാളെ വിവാഹം കഴിക്കുകയും, അതിന്റെ പേരിൽ ശ്രീ കുറച്ചു കാലം നിരാശയോടെ കഴിയുകയും ചില മാനസീക പ്രശ്നങ്ങൾ അനുഭവിക്കുകയും ഒക്കെ ചെയ്തിരുന്നു അതിനു ശേഷം ഒന്നര വർഷത്തിനു ശേഷമാണ് കൃഷ്ണിമയുമായുള്ള വിവാഹം നടക്കുന്നതും ജീവിതത്തിലേക്ക് തിരിച്ചു വരുന്നതും ! കഴിഞ്ഞ നാലു വർഷമായി പറയതക്ക വലിയ പ്രശ്നങ്ങളൊന്നുമില്ലാതെ കൃഷ്ണിമയുടെയും ശ്രീഹർഷന്റെയും ജീവിതം കടന്നു പോകുകയായിരുന്നു, എന്നാൽ ഒരു പഴയ കൂട്ടുകാരന്റെ കല്യാണത്തിനിടയിൽ വളരെ യാതൃശ്ചികമായി ഹാർമ്യകയും ശ്രീയും വീണ്ടും കണ്ടുമുട്ടിയതോടെ ഹാർമ്യകയിൽ അതുവരേയും ഉറങ്ങികിടക്കുകയായിരുന്ന ശ്രീയോടുള്ള പഴയ ഇഷ്ടങ്ങൾക്ക് പിന്നെയും ചിറകു മുളക്കുകയായിരുന്നു! ആ കല്യാണ പരിപാടിയിൽ ശ്രീക്കൊപ്പം കൃഷ്ണിമയും ഉണ്ടായിരുന്നെങ്കിലും ഹാർമ്യകയുടെ നോട്ടം മുഴുവൻ ശ്രീയിലായിരുന്നു കൃഷ്ണിമ ആദ്യം അതത്ര കാര്യമാക്കിയില്ലെങ്കിലും ഹാർമ്യകയുടെ നോട്ടങ്ങളിൽ പഴയ ആരാധന തെളിയാൻ തുടങ്ങിയതോടെ കൃഷ്ണിമയുടെ ഉള്ളിൽ ഭയം നിറയാൻ തുടങ്ങി, എത്രയോക്കെ അകന്നാലും പഴയ കാമിതാക്കൾ എന്നും തീയും വെടിമരുന്നും പോലെയാണെന്നവൾക്കറിയാം, ഒരു തീപൊരി തന്നെ ധാരാളമാണ് എല്ലാം ആളിപടർന്നു ചുറ്റുമുള്ളതെല്ലാം കത്തി ചാമ്പലാക്കാൻ ! മൂന്നു കാര്യങ്ങൾ കൊണ്ടാണ് അവളിൽ ആ സമയം അത്രയും ഭയം നിറഞ്ഞത് അതിലൊന്ന് വീണ്ടും അവനെ കൃഷ്ണിമയിൽ നിന്നും അവളിലേക്ക് വളച്ചെടുക്കുമോ എന്നത് ! രണ്ട്, ചെറുപ്പത്തിലേ അച്ഛനേയും അമ്മയേയും നഷ്ടപ്പെട്ട് ഒറ്റപ്പെട്ടു പോയ അവൾ വീണ്ടും ഒറ്റപ്പെട്ടു പോകുമോ എന്നതും,അന്നവളെ ആ ഒറ്റപ്പെടലിനിടയിൽ നിന്നും സംരക്ഷിച്ചു പിടിച്ചു വളർത്തി വലുതാക്കിയ ഏക ആശ്രയമായിരുന്ന അച്ഛമ്മയും ഇന്നില്ലായെന്നതും, തിരിച്ചു പോകാൻ വീടുണ്ടെങ്കിലും കൂട്ടിനാളില്ലെന്ന ഭയവും ! മൂന്ന് തന്നെ തിരഞ്ഞെത്തിയ സുഗന്ധമാണവൻ എന്ന വിശ്വസത്തോടെ സ്വന്തം ജീവനേക്കാളും ഏറെ ഇന്ന് കൃഷ്ണിമ അവനെ സ്നേഹിക്കുന്നു എന്നതു കൊണ്ടും ! ആ കല്യാണ പന്തലിൽ വെച്ചവൾ മറ്റൊന്നു കൂടി അറിഞ്ഞു ഭർത്താവുമായുള്ള സൗന്ദര്യപിണക്കവുമായി അയാളെ വിട്ട് ഹാർമ്യക സ്വന്തം വീട്ടിൽ തന്നെയാണ് കുറച്ചു നാളായി ഉള്ളതെന്നും, ചിലപ്പോൾ ആ ബന്ധം ഡിവോഴ്സിൽ അവസാനിക്കാനാണു സാധ്യതയെന്നു കൂടി കേട്ടതോടെ അവളുടെ നെഞ്ചിൽ തീയാളാൻ തുടങ്ങി,

കല്യാണം കഴിഞ്ഞ് തിരിച്ചു പോരാൻ നേരം ഹാർമ്യക ശ്രീയിൽ നിന്നവന്റെ ഫോൺ നമ്പർ കൂടി വാങ്ങി അവളുടെ ഫോണിൽ സേവ് ചെയ്യുന്നതു കൂടി കണ്ടതോടെ കൃഷ്ണിമയുടെ ഹൃദയം നിന്നു കത്താൻ തുടങ്ങി, അവിടുന്ന് തിരിച്ചു വരുമ്പോൾ ശ്രീക്കു പിന്നാലെ ശ്രീയേ അനുഗമിച്ച് ഹാർമ്യകയും ഹാളിനു പുറത്തു വരെ വന്നു ഞങ്ങൾ കാറിൽ തിരിച്ചു പോരുമ്പോൾ പോലും കാഴ്ച്ചയിൽ നിന്നു മറയും വരെ ഹാർമ്യകയുടെ കണ്ണുകൾ ശ്രീയിൽ തന്നെ ഉടക്കി നിൽക്കുകയായിരുന്നു എന്നതും അവളെ അസ്വസ്ഥയാക്കി, ശ്രീ സ്വന്തമായതു മുതൽ കൃഷ്ണിമയിൽ നില നിന്നിരുന്ന സന്തോഷമെല്ലാം ആ സമയം മുതൽ കൃഷ്ണിമക്കു കൈമോശം വന്നിരുന്നു, വീടെത്തിയിട്ടും അവളുടെ ചിന്തകൾ അതുവരെ കഴിഞ്ഞു പോയ കാര്യങ്ങളിൽ തന്നെയായിരുന്നു, രാത്രിയിലെ ഉറക്കവും പകലിന്റെ സമാധാനവും അവൾക്കു നഷ്ടമായി, കുറച്ചു ദിവസത്തിനപ്പുറം ഒരു ദിവസം രാവിലെ ശ്രീക്കു പ്രാതൽ വിളമ്പി കൊടുത്തു കൊണ്ടിരിക്കേ പെട്ടന്നു ശ്രീയുടെ ഫോണിൽ ഒരു വാട്ട്സാപ്പ് മെസേജ് ശബ്ദം കേട്ടതും കൃഷ്ണിമയുടെയും ശ്രീയുടെയും നോട്ടം ഒന്നിച്ചു ഫോണിലായതും കൃഷ്ണിമ ഫോണിൽ ഹാർമ്യകയുടെ പേരു കണ്ടു ആ നിമിഷം അവളുടെ ഹൃദയം പെട്ടന്നൊന്നു പിടഞ്ഞു, ശ്രീ പെട്ടന്നു തന്നെ ഫോണിന്റെ സൈഡ് സ്വിച്ച് പിടിച്ചമർത്തി ഫോണിലെ ലൈറ്റ് കെടുത്തി ഫോൺ കമഴ്ത്തി വെച്ചതും കൃഷ്ണിമയുടെ നെഞ്ച് പിന്നെയും ഒന്നു വെട്ടി ! രണ്ടു ദിവസത്തിനു ശേഷം ഒരു ഫോൺ വന്നതും ശ്രീ ഫോണുമായി വീടിനു പുറത്തിറങ്ങീ ഗെയ്റ്റിനടുത്തു പോയി സംസാരിക്കാൻ തുടങ്ങി, സാധാരണ വീട്ടിലുള്ളപ്പോൾ ആരുടെ ഫോൺ വന്നാലും TV യുടെ വോളിയം കുറച്ച് അവിടെ ഇരുന്നു തന്നെ സംസാരിക്കാറുള്ള ശ്രീയുടെ മാറ്റം കൃഷ്ണിമക്കു കാര്യങ്ങൾ കൂടുതൽ വ്യക്തമാക്കി കൊടുക്കുന്നതായിരുന്നു, കാര്യങ്ങൾ പതിവിനു വിവരീതമായി സംഭവിക്കാൻ തുടങ്ങിയതോടെ തന്റെ പ്രിയപ്പെട്ടവൻ തന്നിൽ നിന്നും പതിയേ അകലുകയാണെന്ന സത്യം കൃഷ്ണിമ മനസിലാക്കി, എന്നാലും ശ്രീയേ നഷ്ടപ്പെടുകയെന്നത് അവൾക്കു ഒാർക്കാൻ കൂടി സാധിക്കുമായിരുന്നില്ല, എത്രയോക്കെ വേദനകൾ നൽകി പിരിഞ്ഞു പോയാലും പഴയ കാമുകിയേ മിക്ക ആണുങ്ങളും അത്രപെട്ടന്ന് മറക്കില്ലെന്ന സത്യം അവളെ അന്നേരം ഏറേ വേദനിപ്പിച്ചു, അതോടെ അവൾ പതിയെ ശ്രീയിൽ നിന്നും ഉൾവലിയാൻ തുടങ്ങി, എന്നിട്ടും ശ്രീയേ നഷ്ടപ്പെട്ടേക്കുമോ എന്ന ഭയത്താൽ മനസിന്റെ നിയന്ത്രണം നഷ്ടമായ കൃഷ്ണിമ ഒരു ദിവസം ഫോണുമായി പുറത്തേക്കിറങ്ങിയ ശ്രീ ഹാർമ്യകയുമായി സംസാരിക്കുന്നതു ഒളിച്ചു കേൾക്കാൻ ശ്രമിച്ചു അവർ പറയുന്നതെല്ലാം കേൾക്കാൻ സാധിച്ചില്ലെങ്കിലും അവരുടെ സംസാരങ്ങളിൽ നിന്നു തെറിച്ചു അവളുടെ കാതുകളിൽ വീണ ബീച്ച്, കാണാം,

5 മണി എന്നീ മൂന്നു വാക്കുകളിൽ അവളുടെ ശ്രദ്ധ വല്ലാതെ പതിഞ്ഞു അതിൽ നിന്നവൾ കാര്യങ്ങളെ കൂടുതലായി ഊഹിച്ചു മനസിലാക്കി, അവർ തമ്മിൽ അന്ന് വൈകുന്നേരം അഞ്ചു മണിക്ക് ബീച്ചിൽ വെച്ച് കാണാൻ പോകുന്നു എന്നത് കൃഷ്ണിമയേ വല്ലാതെ ഭയപ്പെടുത്തുന്ന ഒന്നായിരുന്നു ! അതോടെ സങ്കടങ്ങളുടെ അഗ്നിപർവ്വതം പോലെ അവൾ നിന്ന് ഉരുകാൻ തുടങ്ങി, സങ്കടങ്ങളെല്ലാം പെരുകി വന്നതോടെ ഉള്ളിലുള്ളതെല്ലാം ഒന്നിച്ച് പൊട്ടിതെറിച്ച് സ്വയം ഇല്ലാതെയാവുമോ എന്നു ഭയപ്പെട്ട അവൾ അവസാനം ഒരാശ്വാസത്തിനായി ശ്രീയുടെ അമ്മയോട് കാര്യങ്ങൾ തുറന്നു പറഞ്ഞു, എല്ലാം കേട്ട അവളോട് അമ്മ പറഞ്ഞു, അങ്ങിനെ ഒരു കാര്യം ഉണ്ടെങ്കിൽ അവരുടെ കണ്ടുമുട്ടൽ നമുക്കും ഒന്നു കണ്ടുകളയാമെന്ന് അമ്മയും തീർത്തു പറഞ്ഞു, എന്നാൽ അവൾക്ക് ആ കാഴ്ച്ച കാണാനുള്ള ത്രാണി അപ്പോഴും ഇല്ലായിരുന്നു എന്നാൽ അമ്മയുടെ വാക്കുകളെ നിഷേധിക്കാനുള്ള ശക്തിയും അവൾക്കില്ലായിരുന്നു, അങ്ങിനെ അന്നു ശ്രീ ഇറങ്ങിയതിനു പിന്നാലെ അവരും ഇറങ്ങി ശ്രീ കാണാതെ അവരും അവനു പിന്നാലേ ബീച്ചിലെത്തി, കുറച്ചു കഴിഞ്ഞതോടെ അവർ തമ്മിൽ പറഞ്ഞുറപ്പിച്ച സ്ഥലത്ത് ശ്രീ ഹാർമ്യകക്കായി കാത്തു നിൽക്കുകയും വളരെ സന്തോഷത്തോടെയും ചിരിച്ച മുഖത്തോടെയും ഹാർമ്യക അവനടുത്തേക്ക് കടന്നു വരുകയും ചെയ്തു അതു കണ്ടതും കൃഷ്ണിമയുടെ ഉള്ളു കിടന്നു പിടക്കാൻ തുടങ്ങി, എന്നാൽ അതെ കാഴ്ച്ച കണ്ട അമ്മ കൃഷ്ണിമയേ നോക്കി അവളോടു പറഞ്ഞു, നീ നോക്കിക്കോ ആ പെണ്ണിന്റെ ചിരിച്ച മുഖം ഇപ്പോൾ മാറും ! അമ്മ അതു പറഞ്ഞു തീർന്നതും അടുത്ത നിമിഷം ഹാർമ്യകയുടെ മുഖം മാറി ! ആഗ്രഹിച്ചതു കേൾക്കാൻ കഴിയാത്ത ഭാവങ്ങൾ കൊണ്ട് അവളുടെ മുഖം നിറഞ്ഞു, അമ്മ പറഞ്ഞതവിടെ സംഭവിച്ചെങ്കിലും അതു കണ്ടും കൃഷ്ണിമക്ക് പ്രത്യേകിച്ചൊന്നും മനസിലായില്ല, വളരെ കുറച്ചു സമയം കൊണ്ടു തന്നെ ശ്രീയുടെയും ഹാർമ്യകയുടെയും സംഭാഷണം അവസാനിക്കുകയും വിവർണ്ണമായ മുഖത്തോടെ ഹാർമ്യക തിരിച്ചു പോകുകയും ചെയ്തു ! അതു കണ്ട അമ്മ കൃഷ്ണിമയോടു പറഞ്ഞു, പല പെണ്ണുങ്ങൾക്കും ഒരു വിചാരമുണ്ട് ബാങ്കിൽ പണയം വെച്ച സ്വർണ്ണ ഉരുപ്പടി പോലെയാണ് പഴയ കാമുകനെന്നും, ഇന്ററസ്റ്റ് അടച്ച് മുതല് തിരിച്ചെടുക്കും പോലെ എപ്പോൾ വേണമെങ്കിലും അവരെ തിരിച്ചെടുക്കാമെന്നും ! എന്നാൽ ഈ ആണുങ്ങൾക്ക് ഒരു കുഴപ്പമുണ്ട് പ്രണയിച്ച പെണ്ണിനെ അവരൊരിക്കലും മറക്കില്ലാ എന്നതു പോലെ സ്വന്തം ഭാര്യയേ കൈവിട്ട് അവളെ തിരിച്ചവർ ഒരിക്കലും സ്വന്തം ജീവിതത്തിലേക്ക് ചേർത്തു വെക്കുകയുമില്ല !

ഒരാണ് ഒരുവൾക്കു വേണ്ടി വാശി പിടിക്കുകയും അവൾക്കു വേണ്ടി ഈ ലോകം തന്നെ നഷ്ടപ്പെടുത്താൻ തയ്യാറാവുകയും ചെയ്യും എന്നാൽ പോലും എന്തെങ്കിലും കാരണം കൊണ്ട് അതിനൊരു കോട്ടം തട്ടി അവർ മറ്റൊരു ജീവിതം തിരഞ്ഞെടുത്താൽ പിന്നെയവളെ പൊന്നിൽ തീർത്തു കൊടുത്താൽ പോലും അവരവളെ സ്വീകരിക്കണമെന്നില്ല ! ആണുങ്ങൾക്ക് സ്വന്തം ഭാര്യമാരോട് പലപ്പോഴും ദേഷ്യവും, കോപവും, ഇഷ്ടകുറവും ഒക്കെയുണ്ടാവാമെങ്കിലും അവർക്കുള്ളിൽ അവരുടെ കുഞ്ഞിന്റെ അമ്മയോടവർക്കു വലിയൊരു മതിപ്പുണ്ട്, എക്കാലവും മാറ്റമില്ലാതെ തുടരുന്ന ഒന്നാണത് ! ഒരുവൾ എത്ര സുന്ദരിയും പ്രിയപ്പെട്ടവളും ആയിരുന്നാൽ പോലും ഈ ആണുങ്ങൾ പെണ്ണുങ്ങൾക്ക് ഒരവസരം മാത്രമേ നൽകുകയുള്ളു അതു പോലും പല പെണ്ണുങ്ങൾക്കും അറിയുക പോലുമില്ല, സ്ഥിരം ഒരു കാമുകി മാത്രമായിരിക്കണോ അതോ ഭാര്യയും അവന്റെ കുഞ്ഞിന്റെ അമ്മയുമായിരിക്കണമോ എന്നത് അവൻ സ്നേഹിക്കുന്ന പെണ്ണിന്റെ തീരുമാനമായിരിക്കാം, എന്നാൽ എക്കാലവും ഇതിൽ ഏതെങ്കിലും ഒന്നു മാത്രമേ സാധ്യമാവുകയുള്ളൂ ! ഒരിക്കൽ അവളെ ഒരുപാട് സ്നേഹിച്ചിരുന്നു എന്നതു കൊണ്ട് അവർ കാമുകിയേ എല്ലാ വിധത്തിലും പരിഗണിച്ചേക്കാം, സ്വന്തം ജീവിതത്തിലേക്ക് വീണ്ടും അവരെ ചേർത്തു വെക്കുന്നതൊഴിച്ച് ! നമ്മൾ ഇപ്പോൾ അവിടെ കണ്ടത് അതാണ് ! അവളെ പോലുള്ളവർക്ക് ഇത്തരം സന്ദർഭം വന്നു ചേരുമ്പോഴേ അതു മനസിലാവുകയുള്ളു എന്നു മാത്രം ! അവനു വേണ്ടി നിന്റെ ആലോചന വന്നപ്പോൾ ഞങ്ങളിൽ പലരും അവനോടു ചോദിച്ചു, ഒരച്ഛമ്മയല്ലാതെ ഉറ്റവരും ഉടയവരും ആയി അങ്ങിനെ പറയത്തക്ക ബന്ധുക്കളാരും ഇല്ലാത്ത കൊച്ചാണ് ഈ ബന്ധം നമുക്ക് വേണമോയെന്ന് ? അന്നവൻ അതിനു മറുപടി പറഞ്ഞത് അങ്ങിനെയെങ്കിൽ അവളിലെ സ്നേഹം പങ്കുവെച്ചു പോകാതെ അവളെന്നെ മാത്രം സ്നേഹിച്ചോളുമല്ലോ എന്നാണ് ! അമ്മയതു പറഞ്ഞതും കൃഷ്ണിമയുടെ മുഖം സന്തോഷം കൊണ്ടു നിറയുകയും അവളുടെ കണ്ണുകളിലെ തിളക്കം വീണ്ടും അവളിലേക്ക് തിരിച്ചു വരുകയും ചെയ്തു, ആ സമയം ശ്രീയും അവർക്കു മുന്നിലോട്ടു എത്തിപ്പെടുകയും പെട്ടന്നവരെ അവിടെ കണ്ട് ഒന്നത്ഭുതപ്പെടുകയും തുടർന്നവരേ നോക്കി നിങ്ങളിവിടെ ? എന്നു ചോദിച്ചതും അമ്മ പറഞ്ഞു ഞങ്ങളും ബീച്ച് കാണാൻ വന്നതാണെന്ന് ! എന്നാ പോയാലോ ? എന്നമ്മ തിരിച്ചവനോടു ചോദിച്ചതും അവനതിന് ഒന്നു തലയാട്ടി കൊണ്ട് ഡ്രൈവിങ്ങ് സീറ്റിൽ കയറാനായി പോയതും കാറിന്റെ മുന്നിലെ ഡോർ അവൾക്കായി തുറന്നു കൊടുത്തു കൊണ്ട് അമ്മ അവളോടു പറഞ്ഞു അവനോടൊപ്പം ഈ സീറ്റ് എന്നും നിനക്ക് അവകാശപ്പെട്ടതാണെന്ന് ! അതു കേട്ടതും കൃഷ്ണിമയുടെ കണ്ണുകളും വന്നു നിറഞ്ഞു….!!!!!

Advertisement

Relationship

പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ വിവാഹം കഴിഞ്ഞു ഇത്രേം മാസമല്ലേ ആയുള്ളൂ…

Published

on

By

രചന: Unni K Parthan

#ഇനിയും.. “പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ.. വിവാഹം കഴിഞ്ഞു ഇത്രേം മാസമല്ലേ ആയുള്ളൂ.. ഏട്ടന്റെ അമ്മയും അച്ഛനുമൊക്കെ ന്ത് വിചാരിക്കും..” ദേവികയുടെ ചോദ്യം കേട്ട് നിഖിൽ ചിരിച്ചു.. “നീ പഠിക്കാൻ പോകുന്നതിനു അവർക്ക് ന്താ ന്നേ… മാത്രല്ല നീ എന്റെ ഭാര്യയല്ലേ.. എന്റെ ഭാര്യ എന്ത് ചെയ്യണമെന്ന് ഞാൻ അല്ലെ തീരുമാനിക്കേണ്ടത്..” നിഖിൽ പറഞ്ഞത് കേട്ട് ദേവിക ഒന്ന് പതറി.. “അറിയാലോ ഏട്ടാ.. വീട്ടിലേ സാഹചര്യം.. മാത്രമല്ല നമ്മുടെ ലവ് മാര്യേജ് ആണ്.. ഏട്ടന്റെ അമ്മയ്ക്ക് ഒട്ടും താല്പര്യമില്ലായിരുന്നു എന്നേ.. ഏട്ടന്റെ നിർബന്ധം കൊണ്ടല്ലേ.. ഞാൻ ഈ വീട്ടിൽ വലതു കാൽ വച്ചു കയറിയത്..” ദേവികയുടെ ശബ്ദം ഇടറി.. “എനിക്ക് വിശക്കുന്നു.. നീ കഴിക്കാൻ എടുത്തു വെച്ചേ.. ഞാൻ കുളിച്ചിട്ട് താഴേക്ക് വരാം.. നേരത്തെ ഉറങ്ങണം.. രാവിലെ നേരത്തെ എണിക്കണം എനിക്ക്..” കൂടുതൽ ഒന്നും പറയാതെ നിഖിൽ.. ബാത്‌റൂമിലേക്ക് നടന്നു.. ദേവിക എഴുന്നേറ്റു താഴേക്ക് ചെന്നു.. “നിഖിൽ എവിടെ മോളേ..” പത്മാവതി ദേവികയോട് ചോദിച്ചു.. “കുളിക്കാൻ കേറി.. കഴിക്കാൻ എടുത്തു വെയ്ക്കാൻ പറഞ്ഞു ഏട്ടൻ..” “മ്മ്.. മോള് ഇങ്ങോട്ട് ഇരുന്നേ..” സെറ്റിയിൽ തനിക്കു അരികിലേക്ക് പത്മാവതി ദേവികയേ വിളിച്ചു.. “ന്തേ.. പഠിക്കാൻ പോണുണ്ടോ എന്നിട്ട്..” പത്മാവതിയുടെ ചോദ്യം കേട്ട് ദേവിക ഒന്ന് ഞെട്ടി… “കൃഷ്ണാ.. കൊല്ലാൻ ആണോ വളർത്താൻ ആണോ..” ദേവിക മനസ്സിൽ ചോദിച്ചു.. “അത് പിന്നേ…” ദേവിക വിക്കി.. ”

മോൾക്ക് ഇപ്പോളും എന്നേ മോളുടെ അമ്മയായി കാണാൻ കഴിഞ്ഞിട്ടില്ല ല്ലേ..” പത്മാവതിയുടെ ചോദ്യം കേട്ട് ദേവിക ഒന്ന് പിടിഞ്ഞു.. “ന്തേ..അമ്മ അങ്ങനെ ചോദിച്ചത്..” “അമ്മയേ മാത്രം അല്ല അച്ഛനേയും മോൾക്ക്‌ അങ്ങനെ കാണാൻ കഴിഞ്ഞിട്ടില്ല ലോ..” ഹരി ദേവികയേ നോക്കി പുഞ്ചിരിച്ചു കൊണ്ട് ചോദിച്ചു.. ദേവിക നിന്നിടത്തു നിന്ന് ഉരുകി.. “മോളേ..” പത്മാവതിയുടെ വിളി കേട്ട് ദേവിക തലയുയർത്തി നോക്കി.. “ഈ വിവാഹത്തിന് ഇഷ്ടകുറവ് ഉണ്ടായിരുന്നു എന്നുള്ളത് സത്യം.. പക്ഷെ.. ഈ വീട്ടിൽ വലതു കാൽ വെച്ച് കയറിയതു മുതൽ ഇന്ന് വരെയുള്ള ഈ നിമിഷം വരെ ഞങ്ങൾക്ക് മോള്.. ഞങ്ങളുടെ മോളാണ്.. ഇനി എന്നും മുന്നോട്ട് അങ്ങനെ തന്നേയായിരിക്കും.. പൊരുത്തപെടൽ മോൾക്ക് അൽപ്പം ബുദ്ധിമുട്ട് ഉള്ള കാര്യം ആണെന്ന് മനസിലായി.. പക്ഷെ.. മോള് പേടിക്കേണ്ട മോളേ ഞങ്ങൾക്ക് ഇഷ്ടാണ്.. ഞങ്ങൾ പറഞ്ഞിട്ടാണ് മോളോട് തുടർന്നു പഠിക്കാൻ മോൻ പറഞ്ഞത്.. കാരണം മോൾക്ക്‌ മുന്നിൽ ഒരു നല്ല ഭാവിയുണ്ട്.. ഇത്രേം നാളും കഷ്ടപാടുകൾക്ക് ഇടയിൽ നിന്നും പട വെട്ടി പൊരുതി നേടിയത് എല്ലാം ഒരു സുപ്രഭാതം കൊണ്ട് ഇല്ലാതാക്കണ്ട ന്നേ..

ഇനി മോൾക്ക്‌ കഷ്ടപാടുകൾ ഉണ്ടാവില്ല.. ഇന്ന് നിഖിലിന്റെ ഭാര്യ എന്ന് അറിയപ്പെടുന്ന മോള് കാലം കൊറേ കഴിയുമ്പോൾ ദേവികയുടെ ഭർത്താവാണ് എന്നുള്ള നിലയിലേക്കുള്ള വളർച്ചയുണ്ടാകും.. വിവാഹം ഒന്നിന്റെയും അവസാനമല്ല തുടക്കമാണ്.. പുതിയ ജീവിതവും പുതിയ ചുറ്റുപാടും.. അതിലെ പുതിയ അനുഭവങ്ങളും എല്ലാം മോൾക്ക് കരുത്തു നൽകുന്നത് മാത്രമാവും.. നാളേയുടെ പുലരികൾ.. ഞങ്ങൾ മോൾക്ക് വെളിച്ചമായ് മുന്നിൽ ഉണ്ടാവും.. കാലം മോൾക്ക് മുന്നിൽ കാത്തു വെച്ച നിധിയെന്ന സ്വപ്നം.. മോളുടെ ഭാവി.. എല്ലാം ഇനി ഭദ്രമായിരിക്കും.. പത്മാവതി പറഞ്ഞു നിർത്തി.. ദേവിക ഇരു കൈയ്യും കൂപ്പി പൊട്ടി കരഞ്ഞു.. “കരയല്ലേ പെണ്ണേ.. നീ ചിരിക്കാൻ നോക്ക്..” ഹരി പറഞ്ഞത് കേട്ട് ദേവിക ചിരിച്ചു.. ചുമരിൽ കൈയ്യും കെട്ടി തന്നെ നോക്കി നിൽക്കുന്ന നിഖിലിനെ നോക്കി ദേവിക ചിരിച്ചു.. മിഴികൾ സന്തോഷം കൊണ്ട് നിറഞ്ഞു… ശുഭം..

Continue Reading

Relationship

അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി…

Published

on

രചന: Seema Binu

പ്രണയം വരും വഴി “ങാ അഖീ പറ ” തോളിനും ചെവിക്കുമിടയിൽ ഫോണും പിടിച്ചു സംസാരിച്ചുകൊണ്ട് രണ്ടു് കയ്യിലും സാധങ്ങളുമായി വിദ്യ ഊണുമുറിയിലേയ്ക്ക് വന്നു . “ഹരിയേട്ടാ അവിടെ മേശപ്പുറത്ത് കഴിക്കാനുള്ളതും ടിഫിനും വച്ചിട്ടുണ്ട് . ഞാൻ പിള്ളേരെ എഴുന്നേൽപ്പിച്ചു സ്കൂളിൽ വിടാൻ നോക്കട്ടെ .” കഴിക്കാനായി വന്ന ഹരിയോട് അത്രയും പറഞ്ഞു കയ്യിലെ വെള്ളം ഇട്ടിരുന്ന നെറ്റിയിൽ തുടച്ചു ഫോണിൽ സംസാരിച്ചുകൊണ്ടു തന്നെ വിദ്യ അകത്തേയ്ക്ക് പോയി . ഇവൾക്കിപ്പോൾ എന്നോടു സംസാരിക്കാനോ എന്റെ കാര്യം നോക്കാനോ തീരെ സമയമില്ല . എന്തു പറഞ്ഞാലും ഒരു അഖി .. വിദ്യയുടെ പെരുമാറ്റം ഹരിയേ ചൊടിപ്പിച്ചു . അപ്പോഴേയ്ക്കും ഹരിക്കു കൊണ്ടുപോകാനുള്ള ബാഗുമായി വിദ്യയെത്തി . “നിനക്കെന്താ വിദ്യേ എന്നേ കണ്ണിൽ പിടിക്കുന്നില്ലേ ? നീ എന്നോടൊന്ന് ശരിക്കും സംസാരിച്ചിട്ട് എത്ര നാളായെന്നറിയാമോ ? എപ്പോൾ നോക്കിയാലും ഫോണിൽ തന്നെ .” അവൾ ഒരു നിമിഷം നിശബ്ദയായി . “അതിന് ഹരിയേട്ടൻ എപ്പോഴാ എന്നോട് സംസാരിച്ചിട്ടുള്ളത് ? പിന്നാലെ നടന്ന് എന്തെങ്കിലും പറഞ്ഞാൽ തന്നെ ഒന്നു നിർത്തുന്നുണ്ടോ എന്ന് പറഞ്ഞ് ഒച്ച വയ്ക്കും . ഞാനുമൊരു മനുഷ്യ ജീവിയല്ലേ ? എന്നേ കേൾക്കുന്ന ആരോടെങ്കിലും ഞാനും സംസാരിക്കട്ടെന്നേ ” “നിന്റെ ശബ്ദത്തിനെന്താ പതിവില്ലാത്തൊരു കടുപ്പം ?” ഹരിയുടെ ചോദ്യത്തിന് മറുപടി പറയാതെ അവൾ കുട്ടികളേ ഉണർത്താൻ പോയി . ശബ്ദത്തിന് കടുപ്പം പോലും ..

വെളുപ്പിന് അഞ്ചു മാണിക്കു തുടങ്ങുന്ന അങ്കമാ . എന്തെങ്കിലും ഒന്നു സഹായിക്കാൻ പറഞ്ഞാൽ അപ്പോൾ പറയും ഞങ്ങൾ അഞ്ചു മക്കളുടേം അച്ഛന്റേം പിന്നെ വീട്ടിലെ എല്ലാ പണീം ചെയ്തിട്ടും എന്റമ്മ ഒരു പരാതീം പറഞ്ഞിരുന്നില്ലല്ലോ എന്ന് .അതുപോലാണോ എനിക്ക് എന്നെങ്ങാനും പറഞ്ഞു പോയാൽ ഉടൻ വരും നിനക്ക് ജോലിയുണ്ടെന്നുള്ള അഹങ്കാരമാ എന്ന് .. അവൾക്ക് ദേഷ്യം വന്നു . വിദ്യ കുട്ടികളേ എഴുനെല്പിച്ചു റെഡിയാക്കി എങ്ങനെയൊക്ക്വയോ ബ്രേക്ക് ഫാസ്റ് കഴിപ്പിച്ചു സ്കൂൾ ബസിൽ കയറ്റി വീട്ടു . ഹരിയും കുട്ടികളും പോയപ്പോൾ അവൾ ടീ വി ഓണാക്കി സൗണ്ട് കുറച്ചു വച്ചു .ഫോൺ എടുത്തു നോക്കിയപ്പോൾ ഹരീടെ പെങ്ങളുടെ മൂന്നു മിസ്ഡ് കോൾ .. .അവൾ ഹിമയുടെ നമ്പർ ഡയൽ ചെയ്തു . ആദ്യത്തെ റിങ്ങിൽ തന്നെ ആള് ഫോണെടുത്തു . “നീ ഇത് എവിടെയാ വിദ്യേ ? എത്ര നേരം കൊണ്ട് ഞാൻ വിളിക്കുവാ ?” “അനിയന്റെ ദേഷ്യം അങ്ങോട്ടും പകർന്നോ ?”വിദ്യ ശബ്ദമില്ലാതെ ചിരിച്ചു . “നീ ഇന്നു ഓഫീസിൽ പോയില്ലേ ? “ഇല്ല ചേച്ചീ .. ഇന്നൊരു ലീവെടുത്തു . എന്റെ കൂടെ വർക്കു ചെയ്യുന്ന ഒരാളുടെ ബെർത്ത് ഡേ യാ . അതിനൊന്നു പോകണം ” “ലീവെടുത്തു പോകാനും മാത്രം ഇതാരാ ഇത്ര വല്യ ആള് ? അഖിയാണോ ??” “ങേ !!! ചേച്ചിക്ക് എങ്ങനെ മനസിലായി ?” “ങ ചേച്ചിക്കു പലതും മനസ്സിലാവുന്നുണ്ട് .

എന്താ വിദ്യേ നിന്റെ ഉദ്ദേശം ?” കുറച്ചു നേരം വിദ്യ ഒന്നും മിണ്ടിയില്ല . “ചേച്ചിക്ക് എന്താ അറിയേണ്ടത് ?” “ആരാ ഈ അഖി ? അയാളുമായി നിനക്കെന്താ ബന്ധം ?” “ഓ ഇത്രേയുള്ളോ ? അഖി .. അഖി എന്റൊപ്പം വർക്ക് ചെയ്യുന്ന വിവാഹമോചനം ഒക്കെ കഴിഞ്ഞ നല്ല സ്വീറ്റ് ആയ ഒരാൾ .. അഖിയെ എല്ലാർക്കും ഇഷ്ടമാ .. എനിക്കും . അഖി അടുത്തുള്ളപ്പോൾ ഞാൻ ഹാപ്പിയാ ചേച്ചീ …. ” “വിദ്യേ .. നീ … നീയെന്തൊക്കെയാ ഈ പറയുന്നത് എന്ന് നിനക്കു വല്ല ബോധവുമുണ്ടോ ? ഇതൊക്കെ ഹരി അറിഞ്ഞാൽ എന്തായിരിക്കും ഉണ്ടാവുക എന്നു വല്ലോം നീ ചിന്തിച്ചിട്ടുണ്ടോ ?? “ഹരിയേട്ടന് അറിയാല്ലോ ഞങ്ങളടെ ഫ്രണ്ട്ഷിപ്പിനെ പറ്റി .” വിദ്യ വാക്കുകളിൽ ദുഃഖത്തിന്റെ മേമ്പൊടിയിട്ടു. “ചേച്ചിക്കറിയാമോ വിവാഹം കഴിഞ്ഞുള്ള ഉപാധികളില്ലാത്ത പ്രണയത്തോടായിരുന്നു ബാലൻമാഷിന്റ മകൾക്കു പ്രണയം .. മനസിലും ശരീരത്തിലും ഒരാളേ മാത്രം നിറച്ചു ആ ആളിന്റെ രണ്ടു് മക്കളെ പ്രസവിച്ച എനിക്ക് പക്ഷേ ഈ പതിമൂന്നു വർഷങ്ങൾക്കിപ്പുറവും അറിയില്ല എന്താണ് പ്രണയമെന്ന് ?? ഞാനുമൊരു മനുഷ്യ സ്ത്രീ തന്നെയല്ലേ ? ഇനി എന്തിന്റെ പേരിലായാലും അഖിയുമായുള്ള സൗഹൃദം വേണ്ടെന്നു വയ്ക്കാൻ ഞാൻ തയ്യാറല്ല ചേച്ചീ ..” “എടീ ബാലൻ മാഷിന്റെ മോളേ…എന്റെ അനിയൻ കെട്ടിക്കൊണ്ടു വരുമ്പോഴല്ല നിന്നേ ഞാൻ ആദ്യമായി കാണുന്നത് കേട്ടോ . എന്തായാലും ഞാനൊന്നു കാണുന്നുണ്ട് നിന്റെയീ അഖിയേ . നിന്നെയൊക്കെ നേർവഴിക്ക് നടത്താൻ പറ്റുമോന്ന് ഞാനൊന്ന് നോക്കട്ടെ .” അടുത്ത ദിവസം തന്നെ ഹിമയുടെ കോൾ ഹരിക്ക് ചെന്നു . “ഹരീ പ്രശ്നം നമ്മള് കരുതിയതിലും സീരിയസ് ആണ് കേട്ടോ . നി ഇപ്പൊഴും നമ്മുടെ അച്ഛനെ റോൾ മോഡലാക്കി ഇരുന്നോ .ഇതു പണ്ടത്തെ കാലമൊന്നുമല്ല . അവളും ഈ പറഞ്ഞ അഖിയും ട്രാൻസ്ഫെറിന് ട്രൈ ചെയ്യുന്നെന്നാ കേട്ടത് .അവൾ അവളുടെ പാട്ടിനു പോകും . പോകട്ടെ അതാ നല്ലത് .. പറയുന്നത് കൊണ്ടൊന്നും തോന്നല്ലേ ഹരീ .. അവളേ പ്പോലൊരു പെണ്ണിനേ നീ അർഹിക്കുന്നില്ല .

അതാ സത്യം .” അപ്പുറത്ത് ഫോൺ കട്ടാകുന്ന ശബ്ദം കേട്ടിട്ടും അനങ്ങാനാവാതെ ഇരുന്നു ഹരി . സമയം കളയാതെ വീട്ടിലേയ്ക്ക് തിരിച്ചു . വീട്ടിലെത്തിയ ഹരി കാണുന്നത് എവിടേക്കോ പോകാൻ തയ്യാറായി പുറത്തേയ്ക്ക് വരുന്ന വിദ്യയെയാണ് . ഇവളിതെങ്ങോട്ടാ കെട്ടിയൊരുങ്ങി ??ഓർത്തത് അങ്ങനെയാണെങ്കിലും ചോദിച്ചത് മറ്റൊന്നാണ് . “ങേ. അടിപൊളിയാണല്ലോ .. എങ്ങോട്ടാ യാത്ര ??” ഹരീടെ ചോദ്യത്തിൽ കിളിപോയി നിന്നു വിദ്യ . “എന്താ ?” “അല്ല സാരിയൊക്കെ ഉടുത്ത് സുന്ദരി ആയിട്ട് എങ്ങോട്ടാണെന്ന് ചോദിച്ചതാ ” “അത് .. അത് കുറച്ചു സാധനങ്ങൾ വാങ്ങണം . പിന്നെ ഒരു ഫ്രണ്ടിന്റെ ബെർത്ഡേയാ .. അതിനും ഒന്നു പോകണം .” “വരാൻ വൈകുമോ ? പിക് ചെയ്യാൻ ഞാൻ വരണോ ?” വിദ്യയ്ക്ക് വീണ്ടും ഞെട്ടൽ .. “ഓ വേണ്ട … ഞാനിങ്ങു വന്നോളാം . പിന്നെ കുട്ടികൾ വരുമ്പോൾ ചായേം സ്നാക്സും എടുത്തു കൊടുക്കണേ ..” അവൾ പോകുന്നതു ഹരി നോക്കി നിന്നു . അവളുടെ ഉള്ളിൽ എന്താണെന്ന് ഒരു പിടിയും കിട്ടുന്നില്ലല്ലോ . ഇനി ചേച്ചി പറഞ്ഞതു പോലെ എന്തെങ്കിലും ??? ഏയ് .,,എങ്കിലും ഈയിടെയായി അവൾ തന്നേ അവഗണിക്കുന്നുണ്ടോന്നൊരു സംശയം .. തോന്നലാവും .. കുട്ടികൾ വന്നിട്ട് കുറച്ചു നേരം കൂടി കഴിഞ്ഞാണ് വിദ്യ എത്തിയത് . “ബെർത്ത് ഡേ പാർട്ടി എങ്ങെനെ ഉണ്ടായിരുന്നു ? എല്ലാവരും കൂടി അടിച്ചു പൊളിച്ചോ ?” ഹരിയുടെ ചോദ്യമാണ് അവളേ വരവേറ്റത് .അങ്ങനൊരു ചോദ്യം ഹരിയിൽ നിന്ന് പ്രതീക്ഷിച്ചില്ല . അതുകൊണ്ടുതന്നെ മറുപടി പറയാൻ ഇത്തിരി വൈകി . “എല്ലാവരുമൊന്നുമില്ല ..

ഞാനും അഖിയും മാത്രമുള്ളോരു കുഞ്ഞാഘോഷം .. പിന്നെ പാലട ഇഷ്ടമാണെന്നും പറഞ്ഞ് അതു വാങ്ങി വച്ചിരുന്നു . ഞാൻ ചെന്നിട്ട് അതുണ്ടാക്കി . ഒരു കേക്കും മുറിച്ചു തീർന്നു ആഘോഷം . എങ്കിലും നന്നായിരുന്നു .” “പാലടയോ ?? കൊള്ളാല്ലോ .. നീയിവിടെ പാലട ഉണ്ടാക്കിയിട്ട് ഒത്തിരി നാളായില്ലേ ?” “ഒരിക്കൽ ഞാൻ ഉണ്ടാക്കിയപ്പോൾ ഹരിയേട്ടന് ഇഷ്ടമല്ല അതുകൊണ്ട് ഇനി ഉണ്ടാക്കണ്ടാ എന്ന് പറഞ്ഞത് മറന്നു പോയോ ?” “അത് .. അതു പോട്ടെ . ഈ പറഞ്ഞ അഖിക്ക് ഇഷ്ടമാണോ ഈ വക സാധനങ്ങളൊക്കെ ?” “അഖിക്കല്ല .. എനിക്കിഷ്ടമാണെന്നറിഞ്ഞ് വാങ്ങിയതാ ” വിദ്യ അകത്തു കയറി പ്പോയിട്ടും ഹരി അതേ നിൽപ്പു നിന്നു . നിന്റെ ഇഷ്ടങ്ങളൊക്കെ അങ്ങു നിന്റെ വീട്ടിൽ . ഇവിടെ ഞാൻ പറയുന്നത് ഉണ്ടാക്കിയാൽ മതി …പണ്ടെന്നോ പറഞ്ഞ വാക്കുകൾ ഓർത്ത് ഹരിക്കു സ്വയം പുച്ഛം തോന്നി . ഒപ്പം വിദ്യയും അഖിയും മാത്രമുള്ള പാർട്ടി എന്നോർത്തൊരു അസ്വസ്ഥതയും ഹരിയേ പൊതിഞ്ഞു . വൈകിട്ട് കുട്ടികളേ പഠിപ്പിക്കാൻ ചെന്ന ഹരിയേ അവര് കണ്ടം വഴി ഓടിച്ചു . “അമ്മ ഞങ്ങളേ ഹോംവർക്ക് ചെയ്യിച്ചാൽ മതി .അച്ഛനറിയില്ല ഞങ്ങൾക്ക് പഠിക്കേണ്ടത് എന്തൊക്കെയാണെന്ന് .. ” “ആരു പറഞ്ഞു അച്ഛന് അറിയില്ലെന്ന് ?നിങ്ങൾക്കറിയാമോ അച്ഛൻ ജോലി കിട്ടുന്നതിന് മുൻപ് കുറേ നാള് പാരലൽ കോളേജിൽ പഠിപ്പിച്ചിട്ടുണ്ട് .. വന്നേ ഇന്ന് അച്ഛൻ പഠിപ്പിക്കാം . അതുമല്ല അമ്മയ്ക്ക് കിച്ചണിൽ ഒത്തിരി ജോലിയുണ്ട് ..” “അമ്മയ്ക്കെന്നും ഉണ്ടല്ലോ ഒത്തിരി ജോലി .. പിന്നെന്താ ഇന്ന് ? അച്ഛൻ പോ .ഞങ്ങളെ അമ്മ പഠിപ്പിച്ചാൽ മതി .” ഹരി മെല്ലെ ബെഡ്‌റൂമിലേക്ക് നടന്നു . വിദ്യയെ അവിടെ കാണാത്തതു കൊണ്ട് അടുക്കളയിൽ ചെന്ന് നോക്കിയപ്പോൾ ചപ്പാത്തിക്ക്‌ മാവ് കുഴയ്ക്കുന്നു . “ഇന്നെന്താ ചപ്പാത്തിയാ ? ഇങ്ങു താ . ഞാൻ ചുട്ടെടുക്കാം . നീ ചെന്ന് പിള്ളേരുടെ ഹോംവർക്ക് ചെയ്യിക്ക് ..” “വേണ്ടാ .. ” “അതു വിദ്യേ .. നിനക്കെല്ലാം കൂടി ബുദ്ധിമുട്ടാകില്ലേ ? ” വിദ്യ കുറച്ചു നേരം അനങ്ങാതെ നിന്നു . “എനിക്കു ബുദ്ധിമുട്ടൊന്നുമില്ല . ഹരിയേട്ടൻ പോയി റസ്റ്റ് എടുത്തോ . ” ഇനിയൊന്നും പറയാനില്ലാത്തതു പോലെ വിദ്യ തന്റെ ജോലി തുടർന്നു . “നീ ട്രാൻസ്ഫെറിന് ട്രൈ ചെയ്യുന്നെന്ന് ചേച്ചി പറഞ്ഞു ” “ങാ നോക്കുന്നുണ്ട് . ” “നീ പോയാൽ ഇവിടുത്തെ കാര്യങ്ങൾ ഒക്കെ എങ്ങനാ ?” “ഞാൻ ഇല്ലേലും ഇവിടെ ഒന്നും സംഭവിക്കില്ല ഹരിയേട്ടാ . അത്രയ്ക്ക് പറ്റില്ലെങ്കിൽ ഒരു ജോലിക്കാരിയെ വയ്ക്കണം . പിന്നെ രാത്രിയിലെ കാര്യത്തിന് പൈസ ഇത്തിരി കൂടുതൽ കൊടുക്കേണ്ടി വരുമായിരിക്കും .

എന്നാലും എല്ലാം നടക്കേണ്ടേ ??” “രാ ..രാത്രിയിലെ എന്തു കാര്യം ?”ഹരി നിന്നു വിക്കി . “പിള്ളേരുടെ പഠിപ്പീര് . അല്ലാതെന്താ ?അവരു ഹരിയേട്ടനെ അടുപ്പിക്കില്ലല്ലോ . അപ്പൊൾ പിന്നെ ട്യൂഷന് ആളിനേ നിർത്തണം . അവർക്ക് ഒക്കെ ഇപ്പോൾ എന്തു ഡിമാൻഡ് ആണെന്നറിയാമോ ?”അവൾ തിരിഞ്ഞു നോക്കിയപ്പോൾ ഹരി നിന്നിടം ശൂന്യം . പൊട്ടി വന്ന ചിരിയടക്കി വിദ്യ തന്റെ ജോലി തുടർന്നു . ഹരിയിൽ കാണപ്പെട്ട ചെറിയ ചില മാറ്റങ്ങൾ ഒഴിച്ചാൽ എന്നത്തേയും പോലെ വിദ്യയുടെ ആ ദിനവും പോയി മറഞ്ഞു . അടുത്ത ദിവസങ്ങളിൽ അവളേ ജോലിയിൽ സഹായിക്കാനും കുട്ടികളേ റെഡിയാക്കാനും ഒക്കെയായി ഹരി പിന്നാലെയുണ്ടായിരുന്നു . ഒന്നും പുറത്തു കാണിച്ചില്ലെങ്കിലും ഒരു കുഞ്ഞു സന്തോഷം തോന്നി അവൾക്ക് . ഒരു വെള്ളിയാഴ്ച വിദ്യ ജോലി കഴിഞ്ഞെത്തിയപ്പോൾ ഹരി മാത്രമേയുള്ളു വീട്ടിൽ . “പിള്ളേര് എന്തിയെ ? “അവൾ ഹരിയേ നോക്കി . “അതു ഞാൻ പറയാൻ വീട്ടു പോയി . ഇന്ന് അച്ഛനും അമ്മയും വന്നിട്ടുണ്ടായിരുന്നു . അവരുടെ കൂടെ പോകണമെന്ന് പിള്ളേർക്ക് ഒരേ നിർബന്ധം . പിന്നെ ഞാനും ഓർത്തു ശനിയും ഞായറുമല്ലേ . രണ്ടു ദിവസം അവിടെ നിൽക്കട്ടെ എന്ന് . ” “അവിടെ കായലും വെള്ളോമൊക്കെയുള്ളതല്ലേ .. നമ്മളില്ലാതെ അവരെ വിടേണ്ടിയിരുന്നില്ല .” “എന്റച്ഛനും അമ്മയുമില്ലേ ? എന്നേ വളർത്തിയ അവർക്കറിയില്ലേ എന്റെ പിള്ളേരെ എങ്ങനെ നോക്കണമെന്ന് ?” ങാ അതിന്റെ ഗുണം എനിക്കല്ലേ അറിയൂ . അവൾ മനസ്സിൽ പറഞ്ഞു . രാത്രിയിലേക്കുള്ള ഭക്ഷണം തയ്യാറാക്കുക ആയിരുന്ന വിദ്യയെ പിന്നിൽ നിന്നും ഹരി കെട്ടിപ്പിടിച്ചു . അവൾ ഞെട്ടിപ്പോയി . “ഹരിയേട്ടനിതെന്താ ? ഞാൻ ഇവിടെ ജോലി ചെയ്യുന്നത് കാണാൻ മേലേ ?” “അതു കൊള്ളാം എനിക്കെന്റെ ഭാര്യയേ ഒന്നു കെട്ടിപ്പിടിക്കണമെങ്കിൽ നേരോം കാലോം നോക്കണോ ?” “ആരുടെ ഉപദേശമാ ?” “എന്ത് ?” “അല്ല ഇപ്പോൾ ഈ കാട്ടിക്കൂട്ടിയത് ആരുടെ ഉപദേശമനുസരിച്ചാണെന്നാ ചോദിച്ചത് ?” “എനിക്കു നിന്നേ സ്നേഹിക്കാൻ ആരുടെയെങ്കിലും ഉപദേശം വേണോ ?” ” സ്നേഹിച്ചതാരുന്നോ ? ശീലമില്ലാത്തതു കൊണ്ടാവും എനിക്കങ്ങോട്ടു മനസിലായില്ല കേട്ടോ. സോറി ഹരിയേട്ടാ .. ” “നിന്റെ പരിഹാസം ഒക്കെ എനിക്കു മനസ്സിലാകുന്നുണ്ട് . ഞാനിനി എങ്ങനാ നിന്നേ പ്രീതിപ്പെടുത്തേണ്ടത് ? എന്റെ സ്നേഹം പോരാഞ്ഞിട്ടാണോ നീ …” “എന്തേ നിർത്തിക്കളഞ്ഞത് ? ” വിദ്യ ഹരിക്കു നേരേ നിന്നു . “ഞാനിനി മുഴുവൻ പറഞ്ഞാലേ നിനക്കു മനസിലാകൂ?” “എന്താണെങ്കിലും പറയാൻ വന്നത് മുഴുവൻ പറയെന്നേ . അല്ലാതെ ഞാൻ എങ്ങനെ അറിയും ?” “എന്നാൽ നീ അറിയണ്ടാ .” ഹരിക്ക് ദേഷ്യം വന്നു . “ഓക്കേ അത് ഹരിയേട്ടന് ഇഷ്ടമുള്ളപ്പോൾ പറഞ്ഞാൽ മതി .

ഇനി ഞാനൊരു കാര്യം പറയട്ടേ .?” എന്താണെന്നുള്ള അർത്ഥത്തിൽ ഹരി അവളേ നോക്കി . “ഞാൻ പറഞ്ഞിരുന്നില്ലേ ഞങ്ങൾ ട്രാൻസ്ഫെറിന് ട്രൈ ചെയ്യുന്നെന്ന് .” “ഞങ്ങളോ ?” “ങ ഞാനും അഖിയും .. അതു ശരിയായി .” “വിദ്യേ …”അറിയാതെ ഹരിയുടെ ശബ്ദം ഉയർന്നു . “ഹരിയേട്ടനെന്തിനാ ഒച്ചയെടുക്കുന്നത് ? ഞാൻ പറഞ്ഞു കഴിഞ്ഞില്ല . ഇപ്പോൾ അഖിക്ക് മാത്രേ ഓർഡർ വന്നുള്ളൂ . അതും ഒരു മ്യൂച്വൽ ട്രാൻസ്ഫർ . എനിക്കും താമസിയാതെ ശരിയാകുമെന്നാ സൂപ്രണ്ട് പറഞ്ഞത് . ങാ പറഞ്ഞു വന്നത് അതല്ല . നാളെ അഖി ഇങ്ങോട്ടു വരാൻ ഇരിക്കുകാരുന്നു .പോകുന്നതിനു മുൻപ് പിള്ളേരേം ഹരിയേട്ടനേം ഒന്നു കാണണം എന്ന് . ഇനിയിപ്പോൾ വരണ്ടാ എന്ന് എങ്ങനാ പറയുന്നേ ? വന്നിട്ട് പോട്ടെ .പിള്ളേരേ ഞാൻ അങ്ങോട്ടു കൊണ്ടുപോയി കാണിക്കാം അല്ലേ ? ഓഫീസിൽ വച്ചുള്ളതോന്നും പോരാഞ്ഞിട്ടായിരിക്കും ഇനി വീട്ടിലും . എന്തായാലും എന്റെ പിള്ളേരേ കൊണ്ട് നീ എവിടെ പോവില്ല. ഹരി മനസ്സിൽ ഉറപ്പിച്ചു . “ഓ വേണ്ടെങ്കിൽ വേണ്ടാ .അതു പോട്ടെ ആദ്യമായിട്ട് വരുവല്ലേ അഖി ഇവിടെ . അപ്പൊൾ ശരിക്കെന്തെങ്കിലും ഉണ്ടാക്കി കൊടുക്കണ്ടേ ? രാവിലെ പോയി കുറച്ചു നല്ല കൊഞ്ചു വാങ്ങിക്കൊണ്ടു വരണേ . അഖിക്ക് കൊഞ്ചു തീയൽ ഭയങ്കര ഇഷ്ടമാ .. ” മറുപടി പറയാതെ ഹരി തിരിഞ്ഞു മുറിയിലേയ്ക്ക് പോയി . നിന്റെ എല്ലാ കൊഞ്ചലും അവസാനിക്കാൻ പോകുവാ .. നാളെയിങ്ങു വരട്ടെ നിന്റെ മറ്റവൻ .കാണിച്ചു കൊടുക്കാം അവന് ഈ ഞാൻ ആരാണെന്ന് . ക്ഷമിക്കുന്നതിനൊക്കെ ഒരു ലിമിറ്റില്ലേ ? അടുത്ത ദിവസം രാവിലേ കോളിംഗ് ബെല്ലിന്റെ ശബ്ദം കേട്ട് ഹരി ക്ലോക്കിലേയ്ക്ക് നോക്കി . നേരം വെളുത്തില്ല അതിനു മുന്പിങ്ങെത്തിയോ ? ഈർഷ്യയോടെ വാതിൽ തുറന്ന ഹരി കണ്ടത് നല്ല ഭംഗിയായി വസ്ത്രധാരണം ചെയ്ത ഇരുപത്തഞ്ചിനും മുപ്പതിനും ഇടയിൽ പ്രായം തോന്നിക്കുന്ന ഒരു സ്ത്രീയെയാണ് . “ആരാ ?” ഹരിയുടെ ചോദ്യത്തിനുള്ള മറുപടിക്കു മുൻപ് വിദ്യ ഇറങ്ങി വന്ന് ആളിനെ അകത്തേയ്ക്ക് കൂട്ടിയിരുന്നു . “ദാ ഇതാ എന്റെ ഹരിയേട്ടൻ ” പിന്നാലെയെത്തിയ ഹരിയെ കൂട്ടുകാരിക്കു വിദ്യ പരിചയപ്പെടുത്തി . “ങാ എനിക്കറിയാം . ഫോട്ടോയിൽ കണ്ടിട്ടുണ്ടല്ലോ .” “ആളിനെ എനിക്കങ്ങോട്ട് പിടി കിട്ടിയില്ല .” ഹരി നിന്നു പരുങ്ങി . “ഞാൻ പറഞ്ഞിട്ടില്ലേ ഒരു അഖിയേ പറ്റി ?” “ഉവ്വ് . അപ്പൊൾ ഇത് അഖീടെ ??” “അഖീടെ ആരുമല്ല .

അഖി തന്നെയാ . എന്നു വച്ചാൽ അഖില .. അഖിയെന്നുള്ളത് അവളുടെ വിളിപ്പേരാ .. അല്ലേടാ ?” “ഞാൻ കരുതി ….”ഹരി എന്തു പറയണം എന്നറിയാതെ കുഴങ്ങി . “അഖി എന്റെ ബോയ് ഫ്രണ്ടാണെന്ന് അല്ലേ ?” “ഏ … ഏയ് .. അല്ല .. അതെന്തിനാ അങ്ങനെ കരുതുന്നത് ? നിങ്ങൾ സംസാരിക്ക് .. ഞാൻ ഒന്നു പുറത്തു പോയിട്ടു വരാം ..” “ഉം ഉം .ഒക്കെ ” ഹരി നിന്നു വിക്കുന്നത് കണ്ടു വിദ്യ ചിരിയടക്കി . അഖിലയുടെ ഇഷ്ടവിഭങ്ങൾ ഒക്കെ ഒരുക്കി വയറും മനസും നിറച്ചാണ് വിദ്യയും ഹരിയും അവളേ യാത്രയാക്കിയത് . കുട്ടികളേ കാണാൻ കഴിഞ്ഞില്ലല്ലോ എന്നു സങ്കടം പറഞ്ഞ അഖിയോട് അഖില പോകുന്നതിനു മുൻപൊരു ദിവസം കുട്ടികളേം കൊണ്ടു ഞങ്ങൾ അങ്ങോട്ടിറങ്ങാം .. എന്നു സന്തോഷത്തോടെ പറഞ്ഞു ഹരി. “അഖിലയല്ല ഹരിയേട്ടാ അഖി ” വിദ്യ ചിരിയോടെ തിരുത്തി. “എന്നേ കുഴക്കിയത് ഈ പേരാണ് . എന്നാലും അഖി മതി .. അതാ ഒരു ഭംഗി ..” ഹരിയും അവരുടെ ചിരിയിൽ പങ്കു ചേർന്നു . “കളഞ്ഞിട്ടു പോകുമെന്നു കരുതിയോ ?” അഖില പോകുന്നത് നോക്കി നിന്ന ഹരിയുടെ കണ്ണിലേക്ക് നോക്കി വിദ്യ . മറുപടിയായി ഹരി അവളേ വലിച്ചു നെഞ്ചോടു ചേർത്തിരുന്നു .

അവൾ അനങ്ങാതെ നിന്നു . “ഹരിയേട്ടാ ..” “എന്താ ?? ഇനി ഇതും അഭിനയമാണെന്നാണോ ??” ഹരിയുടെ ശബ്ദം അടഞ്ഞിരുന്നു . അവൾ ശബ്ദമില്ലാതെ ചിരിച്ചു കൊണ്ട് ഒന്നുകൂടി അവനോടു ചേർന്നു നിന്നു .. “ഈ കുറച്ചു ദിവസങ്ങൾ കൊണ്ട് ഞാനങ്ങ് ഇല്ലാതായിപ്പോയി .”അവൻ ആ നെറുകയിൽ മെല്ലെ തലോടി . “അത്രയ്ക്കിഷ്ടമാ എന്നേ ??” മറുപടി പറയാതെ അവളുടെ നെറുകിൽ ചുണ്ടു ചേർത്തു ഹരി . “കുട്ടികളേ കൂട്ടിക്കൊണ്ടു വരാൻ എപ്പോഴാ പോകേണ്ടത് ?” “അവരു രണ്ടു് ദിവസം അവിടെ വെള്ളത്തിലും കായലിലും ഒക്കെ കളിക്കട്ടെന്നേ ” “ശരിക്കും ? ” “ആന്നേ .. ഇന്നിവിടെ നമ്മളു മാത്രം മതി .. ” അവന്റെ കണ്ണിൽ കുസൃതി മിന്നി . “ഇന്ന് എനിക്കെന്റെ പെണ്ണിനേ ശരിക്കൊന്നു സ്നേഹിക്കണം .” അവൾ കണ്ണു കൂർപ്പിച്ചു . “ഇന്നു മാത്രമല്ല ഇനിയെന്നും …” അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി ചുണ്ടു ചേർക്കുമ്പോൾ അനിയനെ നന്നാക്കാൻ ബുദ്ധി ഉപദേശിച്ച ഹിമയ്ക്ക് മനസുകൊണ്ട് നന്ദി പറയുന്ന തിരക്കിലായിരുന്നു വിദ്യ .

Continue Reading

Relationship

ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്…

Published

on

By

രചന: വിദ്യ പ്രദീപ്‌ ❤

നേരം രാത്രിയായി.. അടുക്കള ജോലിയെല്ലാം തീർത്തു അന്നും അവൾ കുളിച്ചു അയാളെയും കാത്തു മുറിയിൽ സമയം ചിലവഴിച്ചു… എന്തുകൊണ്ടോ മനസ്സിൽ കുറെ പരാതികളും പരിഭവങ്ങളും അവളുടെ ഉറക്കം കെടുത്തി…. ഇവൾ ലക്ഷ്മി… ആളൊരു പാവമാണ്… “ഏട്ടൻ വന്നിട്ടു വേണം കുറച്ചെങ്കിലും എന്തെങ്കിലും സംസാരിക്കാൻ..” മോനെ വേഗം ഉറക്കി ഫോണിൽ നോക്കി ലക്ഷ്മി സമയം ചിലവഴിച്ചു… കുറച്ചു കഴിഞ്ഞ് ഒരുപാട് ടെൻഷനോടെയും പകലന്തിയോളം പണിയെടുത്തു ഓടിനടന്നതിന്റെ ക്ഷീണത്തിൽ ഉറക്ക ചടപ്പോടെ അയാൾ റൂമിലെത്തി ഒന്ന് കിടന്നാൽ മതിയെന്ന ഭാവത്തിൽ… ഇതാണ് ലക്ഷ്മിയുടെ ഭർത്താവ്.. മാർച്ച്‌ ഏപ്രിൽ മാസത്തെ കൊടും ചൂടിൽ വീട്ടിലെ ഏറ്റവും ചൂട് കൂടിയ റൂമിനു ഉടമയായിരുന്നു അവർ..

മുറിയിൽ ചിലവഴിക്കുന്ന സമയം മുഴുവൻ അയാൾക്ക് അരോചകമായിരുന്നു.. വന്നു….വെള്ളം കുടിച്ചു…. ക്ഷീണത്താൽ കിടന്നു… ഒരു ചെറു ചിരിയോടെ അവൾ അവനെ നോക്കി. കണ്ണുകളടച്ചു പാതി ചെരിഞ്ഞു കിടക്കുന്ന അയാളുടെ മനസ് മുഴുവൻ ഒരുപാട് ചിന്തകളായിരുന്നു… ആരോടും തുറന്നു പറയാതെ അടക്കി പിടിക്കുന്ന ഒരുപാട് കാര്യങ്ങൾ…. കണ്ണുകൾ കള്ളം പറയില്ല എന്നത് കൊണ്ടായിരിക്കാം ആ കണ്ണുകൾ അവൾക്ക് നേരെ അടയുന്നത്… ഒരുപാട് സംസാരിക്കണം.. ഒരു ദിവസത്തിൽ തനിക്ക് ആകെ കിട്ടുന്ന സമയം ഈയൊരു 10മിനുട്ട് ആണ് .. അല്പം ഈഗോ രണ്ടുപേരിലും ഉള്ളതുകൊണ്ടാണോ എന്നറിയില്ല ഒരാളുടെ മൗനം രണ്ടുപേരുടെയും ചിന്തകളെ ഉണർത്തിയില്ല… തണുത്ത കാറ്റിനു പകരം ഫാനിൽ നിന്ന് വരുന്ന ഉഷ്ണവും മാനസിക പിരിമുറുക്കവും അയാളിൽ അരോചകം സൃഷ്ടിച്ചു.. ലക്ഷ്മി അയാളോട് ചേർന്ന് കിടന്നു… മുടിയിഴകൾ പതുക്കെ തലോടി.. നെറ്റിയിൽ ഉമ്മ വെച്ചു… “എന്തെങ്കിലും പറയ് “എന്ന അവളുടെ ചോദ്യം അയാളിൽ ദേഷ്യമുണർത്തി.. “നിനക്കെന്താ പറഞ്ഞാൽ…. ഞാൻ കേൾക്കുന്നുണ്ടല്ലോ…. ഉറക്കം വരുന്നെങ്കിൽ ഉറങ്ങിക്കോ “…എന്ന മറുപടി അവൾക്ക് അസഹ്യമായി… മുറിയിൽ തിങ്ങി നിൽക്കുന്ന മൗനം അവരെ വീർപ്പു മുട്ടിച്ചു… പരസ്പരം കണ്ണുകളിൽ നോക്കി സംസാരിക്കാനോ എന്തിനേറെ ഒരു പുഞ്ചിരി വിടർത്താനോ പോലും അവൾക് ആയില്ല.. നേരത്തെ എണീക്കുന്നത് കൊണ്ടാകാം അവളിൽ അതുവരെയുള്ള അലച്ചിലിന്റെ ക്ഷീണം പതിയെ വന്നു .. ശേഷം ഉറക്കം…. പാതി ഉറക്കത്തിൽ രണ്ടാളും പരസ്പരം ചോദിച്ചു..” നീ ഉറങ്ങിയോ “…. ഇല്ലാ… എന്നാ എന്തേലും പറയ് “.. വീണ്ടും മൗനം…. എന്തുകൊണ്ടോ സ്വന്തം ജീവിതത്തെ കുറിച്ച് ഒന്നും സംസാരിക്കാനില്ലാതെ അവർ നിശ്ശബ്ദരാകും.. രണ്ടാളുടെയും മനസിലുണ്ട് ഒന്ന് കെട്ടിപ്പുണർന്നെങ്കിൽ..

ഉമ്മ വെച്ചിരുന്നെങ്കിൽ…😔 ഒരു ചെറു പുഞ്ചിരി മതി നമ്മുടെ മനസിനെ കുളിർമഴ പെയ്യിക്കാൻ… പതിവുപോലുള്ള മുടി തലോടലിലെ സുഖം കൊണ്ടോ അതുവരെയുള്ള ക്ഷീണം കൊണ്ടോ എന്നറിയില്ല അയാൾ ഉറങ്ങിപ്പോയി… ഉഷ്ണകാറ്റു അയാളുടെ കഴുത്തിലും പുറത്തുമൊക്കെ വിയർപ്പു തുള്ളികൾ സൃഷ്ടിച്ചു.. എന്തെല്ലാമോ പ്രതീക്ഷിച്ചു കാത്തിരുന്ന അവൾ എന്തെ തനിക്കൊരു ഉമ്മ പോലും തരാൻ തോന്നാഞ്ഞു എന്നാലോചിച്ചു സ്വയം കണ്ണീർ വാർത്തു.. ഒരുപക്ഷെ അവനിൽ ആകർഷണം ഉണർത്തി മനസിനെ സന്തോഷിപ്പിക്കാൻ അവൾക്കായില്ല എന്നതാണ് സത്യം… എല്ലാം പെണ്ണിന്റെ തെറ്റായി കാണുന്ന സമൂഹത്തിൽ സ്വന്തം തെറ്റുകളെ സ്വയം ശപിച്ചു വിദൂരതയിലേക്ക് നോക്കി അവൾ സമയം ചിലവഴിച്ചു…. ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്….

Continue Reading

Most Popular

error: Content is protected !!