പ്രണയം
ഭാര്യ ചെറുകഥ വായിക്കാം…
രചന: ജെസ്സി ജോർജ്
“ഏട്ടൻ ഇതെങ്ങടാ രാവിലെ തന്നെ … ഇന്ന് ജോലിക്ക് പോണ്ടാലോ ” രാവിലെ തന്നെ പുറത്തേക്കിറങ്ങുമ്പോൾ മീനുവിന്റെ വക ചോദ്യം കേട്ടുവെങ്കിലും മറുപടി ഒന്നും കൊടുത്തില്ല അജു. തലേന്നത്തെ വഴക്കിന്റെ പരിഭവം മനസ്സിൽ ബാക്കി നിന്നതു കൊണ്ട് തന്നെ ഒന്നും മിണ്ടുവാൻ തോന്നിയില്ല എന്നതാണ് സത്യം. വലിയ സംഭവം ഒന്നുമായിരുന്നില്ല സുഹൃത്തുക്കളുടെ കൂടെ ഒന്ന് പുറത്തു പോയി.പരമാവധി ഒഴിഞ്ഞു മാറിയെങ്കിലും അവരുടെ നിർബന്ധത്തിനു വഴങ്ങി രണ്ട് പെഗ് കഴിക്കേണ്ടി വന്നു. വീട്ടിലെത്തിയപ്പോൾ എങ്ങനെയോ അവൾ മണത്തു കണ്ടുപിടിക്കുകയും ചെയ്തു. തുടങ്ങയില്ലേ പൂരം…. അവസാനം അവളുടെ തലയിൽ കൈ വെച്ചു സത്യം ചെയ്യേണ്ടി വന്നു ഇനി കുടിക്കില്ലെന്ന്. എന്തായാലും തോറ്റു കൊടുക്കുവാൻ പാടില്ലല്ലോ മീനുവിനെ അവഗണിച്ചു കൊണ്ട് തന്നെ കാറിനരികിലേക്ക് നടന്നു അവൻ “അജുവേട്ടാ എന്നോട് പിണക്കമാണോ… ഏട്ടൻ ഇനി എത്ര വേണേലും കുടിച്ചോ ഞാനൊന്നും പറയില്ല പക്ഷേ എന്നോടിങ്ങനെ മിണ്ടാതിരിക്കരുതേ… എനിക്കത് സഹിക്കില്ല എവിടേയ്ക്കാ ന്ന് ഒന്ന് പറഞ്ഞിട്ട് പോ..” അതൊരു അപേക്ഷയായിരുന്നു സ്നേഹിക്കുവാൻ മാത്രമറിയാവുന്ന ഒരു പാവം നാട്ടിൻപുറത്തുകാരിയുടെ അപേക്ഷ …അതിനു മുന്നിൽ വീണ്ടും മുഖം തിരിക്കുവാൻ അജുവിന് കഴിഞ്ഞില്ല.മനസ്സിൽ ഉടലെടുത്ത പരിഭവത്തിന്റെ അവസാന കണികയും അലിഞ്ഞില്ലാതായിരുന്നു ആ നിമിഷം. “ഞാൻ ഒന്ന് പുറത്തു പോയി വരാം മീനു ഇന്ന് ഓഫ് ആണെങ്കിലും കുറച്ചു ജോലി ഉണ്ട് ഓഫീസിൽ ഇന്ന് തന്നെ ചെയ്ത് തീർക്കണം. ഞാൻ വരാൻ ലേറ്റ് ആകും ചിലപ്പോൾ ഒന്ന് രണ്ട് സുഹൃത്തുക്കളെ കൂടി കാണേണ്ടതുണ്ട് . ഇന്നലത്തെ പോലെ കാത്തിരിക്കുവൊന്നും വേണ്ട നീയും മോളും കഴിച്ചു കിടന്നോളൂ” ആ വാക്കുകൾ കേൾക്കവേ മീനുവിന്റെ മുഖം വാടുന്നത് കണ്ട് മനസ്സിൽ വല്ലാത്തൊരു നോവ് അനുഭവപ്പെട്ടു അജുവിന്. പതിയെ അരികിലേക്ക് ചെന്ന് കുമ്പിട്ടുനിന്ന അവളുടെ മുഖം കൈക്കുമ്പിളിൽ കോരിയെടുത്ത് നെറുകയിലൊരു മുത്തം നൽകി അവൻ “പേടിക്കേണ്ട ഇന്നലത്തെ പോലൊന്നും ഉണ്ടാകില്ല ഏട്ടൻ പോയിട്ട് വേഗം വരാട്ടോ” ആ വാക്കുകൾ മാത്രം മതിയായിരുന്നു അവളുടെ മുഖം വിടരുവാൻ. പുഞ്ചിരിയോടെയവൾ തന്റെ മാറിലേക്ക് ചായുമ്പോൾ അജുവിന്റെ ഉള്ളൊന്ന് പിടഞ്ഞു സ്നേഹിക്കുവാൻ മാത്രമറിയാവുന്ന തന്നെ മാത്രം വിശ്വസിക്കുന്ന ഒരു പാവം പൊട്ടിപെണ്ണ് വിവാഹത്തിനു മുൻപും ഇപ്പോഴും പല സ്ത്രീകളുമായും തനിക്കുള്ള ബന്ധങ്ങൾ.. എന്തിനു ഇപ്പോഴുള്ള ഈ പോക്ക് പോലും ഓഫീസിലെ ലക്ഷ്മിയുടെ ഫ്‌ളാറ്റിലേക്കാണ് എന്ന് അറിഞ്ഞാൽ ചങ്ക് പൊട്ടി ചത്തുപോകും പാവം . ഒരു നിമിഷം മനസ്സിന്റെ കോണിലെവിടെയോ കുറ്റബോധത്തിന്റെ കണികകൾ നാമ്പിടുന്നത് അവൻ അറിഞ്ഞു തുടങ്ങിയിരുന്നു അതുകൊണ്ട് തന്നെ അധിക സമയം നിൽക്കാതെ അവൻ കാറിലേക്ക് കയറി. കാർ ഗേറ്റ് കടന്നു പുറത്തേക്കു പോകുമ്പോൾ ഗേറ്റിനു മുന്നിൽ നിലയുറപ്പിച്ചതാണ് മീനു. കണ്ണിൽ നിന്നു മറയുന്നത് വരേയും ആ നിൽപ്പ് അതുപോലെ തുടർന്നത് സൈഡ് മിററിലൂടെ അജു ശ്രദ്ധിച്ചിരുന്നു റോഡിലൂടെ വണ്ടി പായിക്കുമ്പോൾ ലക്ഷ്യം ഒന്നേ ഉണ്ടായിരുന്നുള്ളൂ ലക്ഷ്മിയുടെ ഫ്‌ളാറ്റ്. ലക്ഷ്മി…. അവളെപ്പറ്റി ഓർക്കുമ്പോൾ തന്നെ അജുവിന്റെ മനസ്സ് കുളിരുകോരി അവളൊരു മോഹമായി മനസ്സിൽ കുടിയേറിയിട്ട് നാളുകളേറെയായി കാറിൽ പ്ലേ ചെയ്തിരുന്ന റൊമാന്റിക് സോങ്ങിന്റെ അകമ്പടി കൂടിയായപ്പോൾ നിമിഷങ്ങൾക്കകം തന്നെ അവന്റെ മനസ്സിൽ മീനുവിന് മേൽ ലക്ഷ്മിയുടെ ഓർമ്മകൾ സ്ഥാനം പിടിച്ചിരുന്നു . സിഗ്നലിൽ വണ്ടി നിർത്തുമ്പോൾ കൈ കുഞ്ഞുമായി ഒരു സ്ത്രീ ഭിക്ഷയാചിച്ചു വന്നു സാധരണ ഇങ്ങനെ ഉള്ളവരെ ഒന്നും ശ്രദ്ധിക്കാതെ മുന്നോട്ട് പോകാറാണ് അവന്റെ പതിവ്. പക്ഷെ ഇവരെ കണ്ടപ്പോ എന്തോ മനസ്സിലൊരു നോവ് .കുഞ്ഞുമായി നിർത്തിയിട്ടിരിക്കുന്ന ഓരോ വണ്ടിക്കരികിലും പോയി പ്രതീക്ഷയോടെ കൈ നീട്ടുന്നുണ്ട് അവർ. തന്റെ അരികിലേക്കെത്തുമ്പോൾ പെട്ടെന്ന് പോക്കറ്റിൽ നിന്നും നൂറുരൂപയുടെ ഒരു നോട്ടെടുത്ത് നീട്ടി അജു. നിറകണ്ണുകളോടെ അതുവാങ്ങി അവർ നടന്നകലുമ്പോൾ മനസ്സിൽ ഒരു വിങ്ങൽ അനുഭവപ്പെട്ടു അവന്. ഒരു നിമിഷം മീനുവിന്റെ മുഖം വീണ്ടുമവനെ അലട്ടി “ശ്ശേ ! ഓരോന്ന് വന്നോളും മനുഷ്യന്റെ മൂഡ് കളയാൻ.” പിറു പിറുത്തു കൊണ്ടവൻ മുഖം തിരിച്ചു.സിഗ്നൽ പച്ച കത്തവേ കാർ വീണ്ടും മുന്നോട്ട് കുതിച്ചു.. ഫ്ളാറ്റിന് മുന്നിലെ സെക്യൂരിറ്റി ഗേറ്റിനു മുന്നിലാണ് ആ വണ്ടി പിന്നെ നിന്നത്. “ഫ്ലാറ്റ് നമ്പർ 12 ലക്ഷ്മി …ഞങ്ങൾ ഒരുമിച്ച് വർക്ക് ചെയ്യുന്നവരാ. ” പോകേണ്ട അഡ്രെസ്സ് പറഞ്ഞു കൊടുക്കുമ്പോൾ സെക്യൂരിറ്റിയുടെ ഉഴപ്പിച്ചുള്ള നോട്ടത്തിനു മുന്നിൽ ഒന്ന് പതറിയെങ്കിലും ധൈര്യ സമേതം കാറ് പാർക്കിങ്ങിലേക്കെടുത്തു.
വണ്ടി പാർക്ക് ചെയ്ത് ഒരിക്കൽ കൂടി മുഖ സൗന്ദര്യമൊക്കെയൊന്ന് നോക്കി പതിയെ പുറത്തേക്കിറങ്ങി ലക്ഷ്മിയെ വിളിക്കാൻ ഫോൺ എടുത്തതും അവളുടെ കോൾ ഫോണിലേക്ക് വന്നതും ഒരുമിച്ചായിരുന്നു. നെഞ്ചിടിപ്പോടെയാണവൻ ഫോൺ കാതോട് ചേർത്തത് ” ഹലോ അജു എവിടെയാ എത്ര നേരമായി വെയിറ്റ് ചെയ്യുന്നു. ” ആ മധുരശബ്ദം കേൾക്കേ അവന്റെ ഉള്ളിൽ കുളിരുകോരി. ” ഞാൻ ദേ എത്തി ഡിയർ സിഗ്നലിൽ കുറച്ചു ബ്ളോക് ആയി പോയി പിന്നെ വീട്ടിന്ന് എന്തെങ്കിലും കള്ളം പറഞ്ഞു വേണ്ടേ ഇറങ്ങാൻ നിനക്ക് ആവേശമായോ ചക്കരേ .. ഞാൻ ദേ പാർക്കിങ്ങിലുണ്ട് ഇപ്പോഴങ്ങ് എത്തും ” കള്ള ചിരിയോടെ മറുപടി പറഞ്ഞു പറഞ്ഞു കൊണ്ടവൻ പതിയെ മുന്നിലേക്ക് നടന്നു “ആ വേഗം കയറിപോര് കേട്ടോ ” ലക്ഷ്മി കോൾ കട്ടാക്കിയതോടെ ആവേശത്താൽ കുതിക്കുകയായിരുന്നു അജു ഫ്‌ളാറ്റിനു മുന്നിലേക്കെത്തിയപ്പോൾ അവന്റെ നെഞ്ചിടിപ്പ് ഇരട്ടിയായി ചുറ്റുമൊന്ന് കണ്ണോടിച്ചു ആരും ശ്രദ്ധിക്കുവാനില്ല എന്ന് ഉറപ്പ് വരുത്തി പതിയെ ഡോർ ബെല്ലിൽ വിരൽ അമർത്തി. നെഞ്ചിൽ പെരുമ്പറ മുഴങ്ങി തുടങ്ങിയ നിമിഷം പതിയെ വാതിൽ തുറക്കപ്പെട്ടു. കൺമുന്നിൽ ലക്ഷ്മിയെ കണ്ട് ഒരു നിമിഷം അന്ധാളിച്ചു നിന്നു പോയി അവൻ ” എന്ത് ഭംഗിയാ ലക്ഷ്മി നിന്നെ കാണാൻ ഏത് ഡ്രസും ചേരും നിനക്ക് ഈ സാരിയും സൂപ്പർ ” വായ് പൊളിച്ചു നിൽക്കുന്ന അജുവിനെ കാൺകെ അറിയാതെ ചിരിച്ചുപോയി ലക്ഷ്മി “വെറുതെ സുഖിപ്പിക്കാൻ നിൽക്കാതെ അകത്തേക്കു വാ മാഷേ ” അവളുടെ പിന്നാലെ അകത്തേക്ക് കയറുമ്പോൾ അജുവിന്റെ മിഴികൾ അവളുടെ ഉടലിൻ മേൽ ആയിരുന്നു “കുടിക്കാൻ എന്താ ചായയോ കാപ്പിയോ അതോ ജ്യൂസ് എന്തെങ്കിലും …..” “നിന്റയിഷ്ടം പോലെ ഈ അവസ്ഥയിൽ എന്ത് കിട്ടിയാലും ഞാൻ കുടിച്ചോളാം..” ” ആഹാ അത് കൊള്ളാലോ ” കള്ളച്ചിരിയോടെ ലക്ഷ്മി കിച്ചണിലേക്ക് പോകുമ്പോൾ കാത്തിരുന്ന നിമിഷം കൺമുന്നിൽ എത്തിയ സന്തോഷത്തിന്റെ പരമ കോടിയിലായിരുന്നു അജു ജ്യൂസുമായി തിരികെയെത്തിയ ലക്ഷ്മി അവനു മുഖാമുഖമായി സെറ്റിയിലേക്കിരുന്നു “പിന്നെ പറ ഇന്നെന്താ അജുവിന്റെ പ്രോഗ്രാം..” ” ഇതെന്ത് ചോദ്യമാ ലക്ഷ്മി ഇന്നത്തെ എന്റെ ദിവസം മുഴുവൻ നിനക്കുള്ളതല്ലേ …. ഈ മുറിയിൽ ഇതുപോലൊരു അവസരത്തിനായി എത്ര കഷ്ടപ്പെട്ടതാ ഞാൻ …” ഒരു കള്ള ചിരിയോടെ അവളോട് അത് പറയുമ്പോ അവളുടെ മുഖത്തും ഒരു പുഞ്ചിരി വിടർന്നിരുന്നു.. “അജു എനിക്ക് തന്നോട് ഒരു കാര്യം പറയാൻ ഉണ്ട്..” “പറഞ്ഞോളൂ ഒന്നോ രണ്ടോ പറയൂ എന്ത് വേണോ കേൾക്കാം ഞാൻ ” നിമിഷ നേരം കൊണ്ട് ലക്ഷ്മിയുടെ മുഖഭാവം മാറുന്നത് അവൻ ശ്രദ്ധിച്ചിരുന്നു “അജു ഇവിടെ നമ്മളെ കൂടാതെ ഒരാൾ കൂടി ഉണ്ട്” “ങേ …!! ” ഒരു നിമിഷം അജു പകച്ചു പോകവേ അകത്തേ മുറിയുടെ വാതിൽ പതിയെ തുറന്നു. ഇരുനിറത്തിൽ സുമുഖനായ ഒരു ചെറുപ്പക്കാരൻ പുറത്തേക്കുവരുമ്പോൾ അന്ധാളിച്ചു പോയി അജു.ഒന്നും മനസ്സിലാകാതെ തങ്ങളെ മാറി മാറി നോക്കുന്ന അജുവിന് മുന്നിലേക്ക് അവനും പതിയെ വന്നിരുന്നു ” അജു ..ഇത് നീരജ് എന്റെ ഫാമിലി ഫ്രണ്ട്.. കളിക്കൂട്ടുകാരൻ അങ്ങനെ എന്ത് വേണേലും വിളിക്കാം ഞങ്ങളുടെ വിവാഹം പണ്ടേ വീട്ടുകാർ പറഞ്ഞുറപ്പിച്ചതാ മിക്കവാറും അടുത്ത വര്ഷം ഉണ്ടാകും” ഒരു നിമിഷം മനസ്സിലെ നടുക്കം വിട്ടുമാറവേ രോക്ഷത്തോടെ ചാടി എഴുന്നേറ്റു അജു. “നീ എന്താ ആളെ വിളിച്ചു വരുത്തി ഫൂൾ ആക്കുവാണോ ” “അജു കൂൾ ഡൗൺ . ഇരിക്കൂ ..” നീരജ് പതിയെ എഴുന്നേറ്റ് നിർബന്ധിച്ചു സെറ്റിയിലേക്കിരുത്തുമ്പോൾ ഏറെ അക്ഷമനായിരുന്നു അവൻ. വളരെ ശാന്തനായാണ് നീരജ് സംസാരിച്ചു തുടങ്ങിയത് “ലക്ഷ്മി പറഞ്ഞിട്ടുണ്ട് അജുവിനെ കുറിച്ചെല്ലാം… ജോലി അത്യാവശ്യമായ സബോടിനേറ്റിനെ പവർ ഫുൾ ആയ സുപ്പീരിയർ ഓഫീസർ അവിഹിതത്തിന് നിർബന്ധിക്കുന്നു വഴങ്ങിയില്ലെങ്കിൽ ജോലി നഷ്ടമാകുമെന്ന അവസ്ഥ .. സ്വാഭാവികം ചിലരെങ്കിലും ഗതികേട് കൊണ്ട് വഴങ്ങി പോകും പക്ഷേ എന്റെ ലക്ഷ്മി .. അവൾ കരഞ്ഞു കൊണ്ട് നേരെ വന്നത് എന്റെ അരികിലേക്ക് തന്നെയാണ്. അതിനു ശേഷം ഇവളുടെ ഓരോ പ്രവർത്തികളും എന്റെ നിർദ്ദേശമനുസരിച്ചയിരുന്നു ഇന്നത്തെ ഈ ദിവസവും എന്റെ തന്നെ പ്ലാനിങ് ആണ്.ചില കാര്യങ്ങൾ തന്നെ ഒന്ന് മനസ്സിലാക്കിച്ചു തരുവാൻ എത്രത്തോളം വലിയ തെറ്റാണ് സ്വന്തം കുടുംബത്തോട് താൻ കാട്ടുന്നത് എന്ന് പറഞ്ഞു തരുവാൻ ” നീരജ് പറഞ്ഞു നിർത്തുമ്പോൾ ഇളിഭ്യനായി തല കുമ്പിട്ടിരുന്നു അജു ” വിവാഹം കഴിഞ്ഞു ഒരു കുട്ടി ആയിട്ടും മറ്റു പെൺകുട്ടികളെ ഒക്കെ വലയിലാക്കുവാൻ ശ്രമിക്കുന്നത് മോശം അല്ലെ അജു അതും സുന്ദരിയായ ഭാര്യ വീട്ടിൽ ഉള്ളപ്പോൾ” ആ ചോദ്യത്തിനു മുന്നിൽ മറുപടിയില്ലാതെ അജു വിയർക്കുമ്പോൾ പതിയെ അരികിലായി ചെന്നിരുന്നു ലക്ഷ്മി ” നോക്കൂ അജു ഞാൻ മനസ്സിലാക്കിയിടത്തോളം തന്നെ ജീവനായി കരുതുന്ന ഒരു പാവമാണ് മീനു. ഇന്നത്തെ ഈ സംഭവത്തിൽ ഞങ്ങളോട് വാശിയും വൈരാഗ്യവുമല്ല പുതിയൊരു തിരിച്ചറിവാണ് അജുവിനുണ്ടാകേണ്ടത് കഴിയുമെങ്കിൽ മനസ്സിലാക്കു മീനുവിനെ ഇനിയെങ്കിലും ചതിക്കാതിരിക്കു ” എന്ത് മറുപടി പറയണം എന്നറിയാതെ ഇളിഭ്യനായി അവിടെ നിന്ന് ഇറങ്ങുമ്പോൾ ആദ്യമായി വല്ലാത്ത കുറ്റബോധം അനുഭവപ്പെട്ടു അവന്. പലയിടത്തും കറങ്ങി നടന്ന് രാത്രി ഏറെ വൈകിയാണ് അജു വീടെത്തിയത്. മീനുവും മോളും ഉറങ്ങിയിരുന്നു. തനിക്കുള്ള ഭക്ഷണം മൂടിവച്ചിട്ടുണ്ട്. വിശപ്പേറെയുണ്ടായിരുന്നതുകൊണ്ട് തന്നെ കൈ കഴുകി ഭക്ഷണം കഴിക്കുവാനായി ഇരുന്നു.കഴിക്കുന്നതിനിടയിൽ അവൻ ചുറ്റുമൊന്ന് ശ്രദ്ധിച്ചു വീടു മുഴുവൻ അടിച്ചു വാരി വൃത്തിയാക്കി സൂക്ഷിച്ചിട്ടുണ്ട് മോളുടെ ഒരു കളിപ്പാട്ടം പോലും അനാവശ്യമായി എവിടെയും ചിതറി കിടപ്പില്ല . കഴിച്ചു കഴിഞ്ഞു കിച്ചണിലേക്ക് ചെല്ലുമ്പോഴും അതുപോലെ തന്നെയായിരുന്നു. അടുക്കും ചിട്ടയോടും കൂടി എല്ലാം വൃത്തിയാക്കി വച്ചിട്ടുണ്ട്. തന്റെ ഭാര്യയുടെ മഹത്വം ആദ്യമായി അവൻ മനസ്സിലാക്കി തുടങ്ങിയിരുന്നു. ബെഡ്‌റൂമിലേക്ക് ചെല്ലുമ്പോൾ വാടിയ പൂത്തണ്ടുപോൽ തളർന്നുറങ്ങുകയായിരുന്നു മീനു. നിദ്രയിലും അടുത്തു കിടക്കുന്ന കുഞ്ഞുമോളെ പ്രത്യേകം ശ്രദ്ധയോടെ ചേർത്തു പിടിച്ചിരുന്നു അവൾ.
അൽപസമയം അവരെ നോക്കി നിന്ന ശേഷം ലുങ്കിയെടുക്കുവാനായി അലമാര തുറക്കവേ തന്റെ ഡ്രസ്സുകളെല്ലാം വൃത്തിയായി അലക്കിതേച്ചു മടക്കി വച്ചിരിക്കുന്നതു കൂടി കാൺകെ അവന്റെ ഉള്ളു പിടഞ്ഞു ” ഈശ്വരാ ഈ ജോലികളെല്ലാം ഒരു മടിയും കൂടാതെ ചെയ്തു തളർന്നുറങ്ങുകയാണ് പാവം ‘ കുറ്റബോധത്താൽ നിന്നുരുകി അജു. അപ്പോഴാണ് തുണികൾക്കിടയിൽ തിരുകി വച്ചിരുന്ന തന്റെ പഴയ ഡയറി അവന്റെ ശ്രദ്ധയിൽ പെട്ടത്. നടുക്കത്തോടെ അത് കയ്യിലേക്കെടുക്കവേ അവന്റെ കൈകൾ വിറ പൂണ്ടു തുടങ്ങിയിരുന്നു.തന്റെ പഴയ കലാ വിരുതുകളെല്ലാം എഴുതി നിറച്ചിരുന്ന ഡയറി. എപ്പോഴോ നഷ്ടമായെന്ന് കരുതിയതാണ് ‘ഈശ്വരാ … എല്ലാം അറിഞ്ഞു കൊണ്ട് തന്നെയാണോ ഇവൾ തന്നെ ഇത്ര അധികം സ്നേഹിച്ചത്.” മീനുവിന്റെ മുഖത്തേക്കു നോക്കുമ്പോൾ കുറ്റബോധത്താൽ അവന്റെ ഉള്ളു പിടഞ്ഞു. അവളുടെ അരികിലായി ചെന്നിരിക്കുമ്പോൾ സങ്കടം അടക്കി വയ്ക്കുവാൻ കഴിയാതെ പൊട്ടിക്കരഞ്ഞു പോയി അജു. മിഴിനീർ തുള്ളികൾ മുഖത്തേക്ക് പതിച്ചപ്പോൾ ഞെട്ടിയുണർന്ന മീനു ഒരു നിമിഷം പകച്ചു പോയി . “എന്താ … എന്താ ഏട്ടാ ഇത് എന്തുപറ്റി .. എന്തിനാ ഏട്ടൻ കരയണേ ” വേവലാതിയോടെ നോക്കിയിരുന്ന അവളെ മാറോട് ചേർത്ത് വാരി പുണർന്നു അജു “ഏട്ടനോട് ക്ഷമിക്ക് മോളെ… വിവാഹത്തിന് മുൻപ് ഒരുപാട് ബന്ധങ്ങളുണ്ടായിട്ടുണ്ട് എനിക്ക് വിവാഹത്തിന് ശേഷവും അതിൽ പലതും ആവർത്തിച്ചപ്പോൾ ഒന്നും മനസ്സിലാകാത്ത പൊട്ടി പെണ്ണാണ് നീയെന്നു കരുതി അഹങ്കരിച്ചു ഞാൻ. എന്നാൽ എല്ലാം അറിഞ്ഞു കൊണ്ട് തന്നെ എന്നെ ജീവനായി സ്നേഹിക്കുന്ന നിന്റെ മനസ്സ് ഇന്നാണ് എനിക്കറിയുവാൻ കഴിഞ്ഞത് … എന്നോട് ക്ഷമിക്കൂ നീ ഇനിയൊരിക്കലും നിന്നെയും മോളെയും മറന്നുകൊണ്ട് മറ്റു സുഖങ്ങൾ തേടി പോകില്ല ഞാൻ ” പൊട്ടിക്കരയുന്ന അജുവിന്റെ മുഖം കൈക്കുമ്പിളിൽ കോരിയെടുക്കുമ്പോൾ മീനുവിന്റെ മിഴികളും തുളുമ്പിയിരുന്നു “ഏട്ടാ … ഈ ഒരു നിമിഷം … സ്വന്തം തെറ്റുകൾ സ്വയം മനസ്സിലാക്കി ഏട്ടൻ പശ്ചാത്തപ്പിക്കുന്ന ഈ നിമിഷത്തിനു വേണ്ടിയാണ് ഞാൻ ഇത്രയും നാൾ കാത്തിരുന്നത്. ഇനിയെനിക്ക് വേദനകളില്ല എന്റെ ഏട്ടനെ എനിക്കു മാത്രമായി കിട്ടിയിരിക്കുന്നു. ഇനി മുതൽ നമുക്ക് സ്വപ്നം കാണാം നമ്മുടേത് മാത്രമായ ആ ലോകം ..” അജുവിന്റെ മാറിലേക്കവൾ ചായുമ്പോൾ നിറുകയിൽ ഒരു മുത്തം നൽകി അവൻ….. സന്തോഷ പൂർണ്ണമായ ഒരു കുടുംബ ജീവിതത്തിനു അവിടെ വീണ്ടും ആരംഭം കുറിക്കുകയായിരുന്നു പിറ്റേന്നു രാവിലെ എഴുന്നേൽക്കുമ്പോൾ ലക്ഷ്മിയുടെ വാട്ട്സാപ്പിൽ അജുവിന്റെ മെസേജ് ഉണ്ടായിരുന്നു. അൽപം പതർച്ചയോടെയാണവൾ അത് ഓപ്പൺ ആക്കിയത്. എന്നാൽ പതിയെ അവളുടെ മിഴികൾ വിടർന്നു ചുണ്ടിന്റെ കോണിൽ ആശ്വാസത്തിന്റെ പുഞ്ചിരി വിടർന്നു ‘ നന്ദി ലക്ഷ്മി ….. കുത്തഴിഞ്ഞ എന്റെ ജീവിതത്തിലേക്ക് വെളിച്ചം പകർന്നു തന്നതിന്… എന്റെ മീനുവിനെ മനസ്സിലാക്കുവാൻ സഹായിച്ചതിന് … മറക്കില്ലൊരിക്കലും രണ്ടാളെയും ‘ ഇതൊരു തിരിച്ചറിവാകണം ….. സ്വസ്ഥതയും സമാധാനവും സന്തോഷവും സ്വന്തം കുടുംബത്തിൽ തന്നെയാണ് എന്ന തിരിച്ചറിവ് .ഇക്കരെ നിൽക്കുമ്പോൾ അക്കരെ പച്ച കാണുന്നവർക്ക് ഇതൊരു പാഠവും……. (നിങ്ങൾ സ്വയം എഴുതിയ നിങ്ങളുടെ ചെറുകഥകൾ, തുടർക്കഥകൾ എന്നിവ വളപ്പൊട്ടുകൾ പേജിൽ ഉൾപ്പെടുത്താൻ പേജ് ഇൻബോക്സിലേക്ക് ഇപ്പോൾ തന്നെ മെസേജ് അയക്കൂ….)
രചന: നിഷ L
“നീയും ഹസ്ബൻഡും തമ്മിൽ എങ്ങനാ… “?? “!സ്വരൂപിന്റെ ചോദ്യം കേട്ട് മിഥില ഒന്ന് സംശയിച്ചു ..”അതെന്തടാ… അങ്ങനെ ചോദിച്ചത്.. രാജീവേട്ടൻ ഒരു പാവം ആണെടാ…. “!!”അതെനിക്കറിയാം ഞാൻ ചോദിച്ചത് അതല്ല.. “!!”പിന്നെ നീ എന്താ ചോദിക്കുന്നത്..? “!!”അല്ല… ഈ ബെഡ്റൂമിൽ ഒക്കെ ആൾ അങ്ങനെ എന്ന്..? “!!!ഒന്നു ഞെട്ടി മിഥില പെട്ടെന്ന് ഫോൺ കട്ട് ചെയ്തു..ഈശ്വരാ ഇവൻ എന്തൊക്കെയാ ചോദിക്കുന്നത്.. !!! കൂടെ പഠിച്ച കുട്ടിയല്ലേ എന്നു കരുതി കുറച്ചു സ്വാതന്ത്ര്യത്തോടെ പെരുമാറിയപ്പോൾ… എന്തും ചോദിക്കാം എന്നായിരിക്കുന്നോ അവന്…പഠിക്കുന്ന കാലത്ത് വളരെ നല്ല കുട്ടി ആയിരുന്നു അവൻ… ഇപ്പോൾ എന്താണ് പറ്റിയത്..????അവന്റെ ആ ചോദ്യം മിഥിലയുടെ മനസ്സിനെ അന്നു മൊത്തം അലട്ടിക്കൊണ്ടിരുന്നു..അവളുടെ മനസ്സിലേക്ക് അവളുടെ ഭർത്താവ് രാജീവന്റെയും രണ്ടു കുഞ്ഞുങ്ങളുടെ മുഖം കടന്നുവന്നു.. രാജീവ്‌ ഒരു പ്രൈവറ്റ് കമ്പനിയിലെ ജോലിക്കാരനാണ്. രണ്ടു ആൺകുട്ടികൾ ആണ് രാജീവിനും മിഥുവിനും. ഒരാൾ അഞ്ചിലും ഒരാൾ മൂന്നിലും പഠിക്കുന്നു. ഉള്ളത് കൊണ്ട് സന്തോഷമായി ജീവിക്കുന്ന ഒരു കൊച്ചു കുടുംബം.സ്വരൂപ്‌മായുള്ള ബന്ധം എത്രയും പെട്ടെന്ന് നിർത്തണം…. ഇല്ലെങ്കിൽ അത് തന്റെ കുടുംബ ജീവിതത്തെ തന്നെ ബാധിക്കും… മിഥു മനസ്സിലോർത്തു…
രാജീവും കുട്ടികളും പോയി കഴിയുമ്പോൾ വെറുതെ ഇരിക്കുന്ന സമയത്തു അവൾ വാട്സ്ആപ്പ് നോക്കാറുണ്ട്. അങ്ങനെ ഇരിക്കെ ഒരു മാസം മുൻപ് തുടങ്ങിയതാണ് അവളുടെ പത്താം ക്ലാസ്സ്‌ ബാച്ചിലെ കുട്ടികൾ ചേർന്നൊരു വാട്സ്ആപ്പ് ഗ്രൂപ്പ്. അവിടെ നിന്നാണ് അവൾക്ക് സ്വരൂപും ആയിട്ടുള്ള ബന്ധം തുടങ്ങുന്നത്. പഴയ കൂട്ടുകാരുടെ ഒക്കെ വിശേഷങ്ങൾ അറിയാൻ സാധിച്ചത് ആ ഗ്രൂപ്പിൽ കൂടിയാണ്. അതുകൊണ്ട് ഒഴിവ് സമയങ്ങളിൽ കൂട്ടുകാർ എല്ലാം ഗ്രൂപ്പിൽ വരികയും വിശേഷങ്ങൾ പങ്കു വയ്ക്കുകയും ചെയ്തു പോന്നു.അങ്ങനെ ഒരു ദിവസമാണ് സ്വരൂപിന്റെ പേഴ്സണൽ മെസ്സേജ് വരുന്നത്. അതിൽ അവൾക്ക് അസ്വാഭാവികത ഒന്നും തോന്നിയതുമില്ല. ആദ്യമൊക്കെ വളരെ നല്ല രീതിയിൽ തന്നെയായിരുന്നു സംസാരിച്ചിരുന്നത്. ഇന്നിപ്പോൾ സംസാരത്തിന്റെ ഗതി മാറിയിരിക്കുന്നു. മറ്റു കൂട്ടുകാരെ പോലെ വിശേഷങ്ങൾ പങ്കു വയ്ക്കാനൊന്നും അവന് താല്പര്യമില്ല. പകരം അവന് മറ്റെന്തൊക്കെയോ അറിയാനായിരുന്നു താല്പര്യം. കൂടെ പഠിച്ച കുട്ടികളുടെ കൂട്ടത്തിൽ ഇതുവരെ വിവാഹം കഴിക്കാത്തത് അവൻ മാത്രമാണ്.എന്തായാലും അവനുമായി ഒരു അകലം പാലിക്കാൻ അവളുടെ മനസ് പറഞ്ഞു.എങ്കിലും അവൾ തന്റെ പഴയ കൂട്ടുകാരികളെ വിളിച്ചു അവനെ കുറിച്ച് തിരക്കാൻ തീരുമാനിച്ചു.”ഹലോ പ്രിയ ഇതു ഞാനാടി മിഥില.. “!!”ഹാ… പറയെടി എന്തൊക്കെയുണ്ട് വിശേഷം..?? “!!”ഒന്നുമില്ലെടി…. ഞാനൊരു കാര്യം ചോദിക്കാൻ വിളിച്ചതാ.. “!!”എന്താടി കാര്യം..? “!!”നമ്മുടെ കൂടെ പഠിച്ച സ്വരൂപില്ലേ… അവൻ എങ്ങനെ..? “!!”അതെന്താ നീ അങ്ങനെ ചോദിച്ചത്…? “!!” അല്ലാ എനിക്കൊരു സംശയം അവൻ പഴയ ആൾ തന്നെയാണോന്ന് .. സ്വഭാവത്തിൽ കാര്യമായ മാറ്റം വന്നിട്ടുണ്ടെന്ന് തോന്നുന്നു.. “!!”എന്താടി അങ്ങനെ തോന്നാൻ..? “!!” ഇന്നലെ അവൻ എന്നോട് മോശമായി സംസാരിച്ചു…”!!ശേഷം മിഥു സംഭവിച്ചതൊക്കെ പ്രിയയോട് പറഞ്ഞു.ഒരു നിമിഷത്തെ ആലോചനയ്ക്ക് ശേഷം പ്രിയ പറഞ്ഞു…”ശരിയാടി എന്നോടും അവൻ മോശമായി സംസാരിച്ചിരുന്നു മുൻപ്. അതോടുകൂടി ഞാൻ അവനുമായുള്ള ബന്ധം നിർത്തിവെച്ചിരിക്കുകയാണ്.. “!!”ങ്‌ഹേ… സത്യമാണോ നീ പറയുന്നത്..?? “!!
“അതേടി അവന് നമ്മുടെ പേഴ്സണൽ കാര്യങ്ങളൊക്കെ അറിയണം പോലും.. എന്നോടൊരിക്കൽ അശീലമായി സംസാരിച്ചതുകൊണ്ട് ഇപ്പോ ഞാൻ അവനുമായി ഒരു കോൺടാക്ടും ഇല്ല… എനിക്ക് പേടിയാ വെറുതെ എന്തിനാ അവനോടൊക്കെ അടുപ്പത്തിന് പോയി നമ്മുടെ കുടുംബം തകർക്കുന്നത്…”!!”ശരിയാടി … ഞാനും അങ്ങനെ തന്നെയാ ചിന്തിച്ചത്.. വെറുതെ വേലിയിൽ കിടക്കുന്ന പാമ്പിനെ എടുത്തു തോളത്തു വയ്ക്കണ്ട. നമ്മുടെ ഗ്രൂപ്പിലെ ബാക്കി പെൺകുട്ടികൾക്ക് കൂടി ഒരു മുന്നറിയിപ്പ് കൊടുത്തേക്കാം. ആരും ഇനി അവനോടു കൂടുതൽ അടുപ്പത്തിന് പോകാതിരിക്കട്ടെ… !!””ഞാനെന്നാൽ നമ്മുടെ മറ്റു കൂട്ടുകാരികളെ ഒന്ന് വിളിച്ച് നോക്കട്ടെ.. നീയും മാക്സിമം പേരോട് പറയാൻ ശ്രമിക്കണം…. “!!”ശരിയെടി…..വെറുതെ മിണ്ടാതിരുന്നാൽ അവൻ മറ്റുള്ളവരോടും ഈ രീതിയിൽ പെരുമാറും… ഞാനും പറയാമെടി .. “!!”പിന്നീട് മിഥില കൂട്ടുകാരായ റീനയെയും കാവ്യയേയും മഞ്ജുവിനെയും വിളിച്ചു ഇതേകാര്യം പറഞ്ഞു.. . അതിൽ കാവ്യക്കും മഞ്ജുവിനും അവനിൽനിന്ന് ഇതേ അനുഭവം നേരിട്ടതായി അവർ പറഞ്ഞു…അപ്പോൾ അവൻ വിചാരിച്ചതിലും വലിയ തറയാണ്. ഇനി അവനെ വെറുതെ വിട്ടുകൂടാ… അവൾ മനസ്സിലോർത്തു.പിന്നീട് മിഥില ഗ്രൂപ്പിൽ ഉണ്ടായിരുന്ന മുഴുവൻ പെൺകുട്ടികൾക്കും പേഴ്സണൽ മെസ്സേജ് അയച്ചു..”സ്വരൂപിനെ സൂക്ഷിക്കണം… അവൻ വളരെ മോശം സ്വഭാവമാണ് ഇപ്പോൾ.. ഒരു അകലം പാലിക്കുന്നതാണ് നമുക്ക് നല്ലത്… “!!!മെസ്സേജ് കിട്ടിയവർ ഒക്കെ അവളെ വിളിച്ച് കാര്യം അന്വേഷിക്കുകയും…മിഥു അവൾക്ക് നേരിട്ട ദുരനുഭവം അവരോട് പറയുകയും ചെയ്തു..രണ്ടു മൂന്നു ദിവസങ്ങൾക്കുശേഷം സ്വരൂപ് വീണ്ടും മിഥിലയെ വിളിച്ചു. പക്ഷേ അവൾ ഫോൺ എടുത്തില്ല.. നിരാശനായ അവൻ മറ്റു പെൺകുട്ടികൾക്ക് മെസ്സേജ് അയച്ചു എങ്കിലും അവരൊക്കെ മെസ്സേജ് കണ്ടു എന്നുള്ളതിന് തെളിവായി നീലവര മാത്രം തെളിഞ്ഞു കണ്ടു. പക്ഷേ ആരും മറുപടി അയച്ചില്ല..അവന് എന്തൊക്കെയോ സംശയങ്ങൾ തോന്നി.. ഇതെന്താ ആരും മൈൻഡ് ചെയ്യാത്തത്… എന്തോ പ്രശ്നമുണ്ടല്ലോ.. ചിന്തിച്ചു കൊണ്ട് അവൻ വീണ്ടും മിഥുവിനെ ഫോൺ ചെയ്തു.. ഇപ്രാവശ്യം അവൾ കോൾ എടുത്തു..”എന്താടി വിളിച്ചിട്ട് എടുക്കാഞ്ഞത്….? “!!”നീ വിളിക്കുമ്പോൾ ഉടനെ എടുക്കാൻ നീ എന്റെ ആരാ..?? !!! ഭർത്താവോ, അച്ഛനോ അതോ കാമുകനോ… !!””അവൾ പരുഷമായിചോദിച്ചു..”നിന്റെ സ്വരത്തിന് എന്താ ഒരു മാറ്റം…”?? !!” എന്താ നിന്നോട് തേനൂറുന്ന സ്വരത്തിൽ സംസാരിക്കണമെന്ന് നിർബന്ധമുണ്ടോ..? “!!”ഡി….. “!!!അവൻ ദേഷ്യത്തോടെ വിളിച്ചു..”ഹ്മ്മ്… നിന്റെ ദേഷ്യം നിന്റെ വീട്ടിൽ ഉള്ളവരോട് കാണിച്ചാൽ മതി… എന്നോട് വേണ്ട.. “!!”നിനക്കിപ്പോൾ പഠിക്കുന്ന കാലത്തെ സ്വഭാവമല്ലെന്നും ,,, നിന്റെ സ്വഭാവത്തിൽ വന്ന മാറ്റത്തെ കുറിച്ചുമൊക്കെ എനിക്ക് നന്നായി അറിയാം. നീ പ്രിയയോടും മഞ്ചുവിനോടും കാവ്യയോടും പറഞ്ഞതൊക്കെ അവളുമാർ എന്നോട് പറഞ്ഞിട്ടുണ്ട്….. “!!!
അവൻ ഒന്ന് ഞെട്ടി..”എന്താ… എന്താ പറഞ്ഞത്… “??? !!”ഹാ.. നീയിപ്പോഴേ വിയർക്കാൻ തുടങ്ങിയാൽ എങ്ങനെയാ… ഞാൻ ബാക്കി കൂടി പറയട്ടെ…… !!!”നമ്മുടെ ബാച്ചിലെ മുഴുവൻ പെൺകുട്ടികൾക്കും ഞാൻ നിന്നെ കുറിച്ച് മുന്നറിയിപ്പ് കൊടുത്തിട്ടുണ്ട്. അതുകൊണ്ട് ഇനി നിന്റെ മറ്റേ സ്വഭാവം കൊണ്ട് ആരുടെയും അടുത്തേക്ക് ചെല്ലണ്ട… കുട്ടികളും കുടുംബവുമായി ജീവിക്കുന്ന ഞങ്ങൾക്ക് ഞങ്ങളുടെ ജീവിതം തന്നെയാ വലുത്. അല്ലാതെ പണ്ടെങ്ങോ കൂടെ പഠിച്ച കൂട്ടുകാരനല്ല… “!!!താൻ മെസ്സേജ് അയച്ചിട്ടുണ്ട് ആരും റിപ്ലൈ തരാഞ്ഞതിന്റെ കാരണം അവൻ ഇപ്പോൾ പിടികിട്ടി…അവന്റെ മനസ്സിൽ മിഥുവിനോട് പക തോന്നി..മിഥു വീണ്ടും തുടർന്നു….” നിന്റെ വീട്ടിലും ഇല്ലേ രണ്ടു പെൺകുട്ടികൾ,,, നിന്റെ പെങ്ങന്മാർ.. അവർ കൂടെ പഠിച്ച ആൺകുട്ടികളോട് ഇത്തിരി അടുപ്പത്തിൽ പെരുമാറി എന്ന് കരുതി ആരെങ്കിലും നിന്റെ പെങ്ങമ്മാരോട് മോശമായി സംസാരിച്ചാൽ നിനക്ക് ഇഷ്ടപ്പെടുമോ…???? !!! അതു പോലെതന്നെ അന്തസ്സും അഭിമാനവും ഉള്ള പെണ്ണുങ്ങൾ തന്നെയാണ് ഞങ്ങളും.. കൂടെ പഠിച്ചു എന്ന് കരുതി എന്തും ചോദിക്കാനുള്ള ലൈസൻസ് അല്ല അത്….”!!!”നിനക്ക് ഇപ്പോൾ എന്നെ കൊല്ലാനുള്ള ദേഷ്യമുണ്ടാവും എന്ന് എനിക്കറിയാം. പക്ഷേ നീയത് അടക്കി നിന്റെ മനസ്സിൽ തന്നെ വച്ചുകൊണ്ടിരിക്കുന്നതായിരിക്കും നിനക്ക് നല്ലത്….. “!!”ഇല്ലെങ്കിൽ നമ്മുടെ ബാച്ചിൽ ഉള്ള മുഴുവൻ ആൺകുട്ടികളെയും ഞാൻ ഇന്ന് തന്നെ നിന്റെ തനി സ്വഭാവത്തെക്കുറിച്ച് അറിയിക്കും,. അതുമാത്രമല്ല നിന്റെ വീട്ടിൽ വന്നു നിന്റെ അമ്മയുടെയും പെങ്ങന്മാരുടെയും മുന്നിൽവച്ച് നിന്നോട് ഞങ്ങൾ ചോദിക്കുകയും ചെയ്യും…..!!!”ദേഷ്യത്തോടെ പറഞ്ഞു കൊണ്ട് അവൾ ഫോൺ കട്ട് ആക്കി.ഛെ….!!!ഇനി ഇവളുമാരുടെ അടുത്ത് ഒന്നും നടക്കില്ല.. അവന് വല്ലാത്ത നിരാശ തോന്നി.. ഇനി ആരോടും കൂടുതൽ സംസാരിക്കാൻ പോകാതിരിക്കുന്നതാണ് നല്ലത് എന്ന് അവന് തോന്നി…. ഇപ്പോൾ പെൺകുട്ടികൾ മാത്രമേ തന്റെ സ്വഭാവ മഹിമ അറിഞ്ഞിട്ടുള്ളു… ഇനി ഇവളുമ്മാരോട് കൂടുതൽ വാശിക്ക് നിന്നാൽ ഇതിൽ കൂടുതൽ താൻ നാണം കെടും എന്നവന് മനസ്സിലായി….തന്റെ വിവാഹവും ഇതുവരെ നടന്നിട്ടില്ല… കൂടാതെ കുറച്ചു രാഷ്ട്രീയവുമൊക്കെയായി മറ്റുള്ളവരുടെ മുന്നിൽ ” മാന്യൻ” ആയി പോകുകയാണ്. തന്റെ തനി സ്വഭാവത്തെ കുറിച്ച് ആരെങ്കിലും അറിഞ്ഞാൽ ജീവിതത്തിലെയും രാഷ്ട്രീയത്തിലെയും ഭാവി നശിക്കും. അതുകൊണ്ട് ഇനി ഇവളുമാരുമായുള്ള അടുപ്പം നിർത്തുന്നതാണ് തന്റെ “നല്ല “ഭാവിക്ക് നല്ലത്..മനസ്സിൽ ചിന്തിച്ചു കൊണ്ട് അവൻ ഫേസ്ബുക് തുറന്നു…. അതിലെ കാണാമറയത്തെ സൗഹൃദങ്ങൾക്കായി അവൻ വല വിരിച്ചു കാത്തിരുന്നു… ഏതെങ്കിലും ഒരു ഇര തന്റെ വലയിൽ കുരുങ്ങുമെന്ന പ്രതീക്ഷയോടെ..!!!!ലൈക്ക് കമന്റ്‌ ചെയ്യണേ…
രചന: വയലിനെ പ്രണയിക്കുന്നവൻ
രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി….ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു… അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്…അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു…ചേട്ടൻ ഇപ്പൊ ബാംഗ്ലൂർ അല്ലേ…അതേല്ലോ… അതെങ്ങനെ അറിയാം…അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്…ആഹാ താൻ നഴ്സിംഗ് എല്ലാം കഴിഞ്ഞോ…കഴിഞ്ഞു… ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല…M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു…ഇപ്പോഴും കള്ളുകുടി ഉണ്ടോ…അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും..
ചേട്ടന്റെ കല്യാണം എന്തെകിലും ആയോ…ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..?എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ…അങ്ങനെ തന്നോട് ആരാ പറഞ്ഞത്…ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്..അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ… അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്…അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു…ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി…അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു…അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ…അതെ സത്യം…ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക…ഇതൊക്കെ തനിക്ക് എങ്ങനെ അറിയാം…അതോ… അത് പിന്നെ പറയാം…ഹ കഷ്ടമുണ്ട്ട്ടോ പറഞ്ഞിട്ട് പോ…പറയാം… പക്ഷെ ഇനി കള്ളുകുടിക്കരുത്…അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ…
അപ്പൊ അവള് പറയുവാണേൽ അപ്പൊ നോക്കാം…ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ..എന്താ… എന്താ പറഞ്ഞത്…അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”…എന്നിട്ടോഎന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്…എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്….അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു…
കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?..ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല… പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല…അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു…അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല…….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……
രചന: Vijay Lalitwilloli Sathya
“അപ്പുവേട്ടാ..ഈഹുക്സ് ഒന്ന് ഇട്ടു തരുമോ””തന്റെ പ്രിയതമ ബ്ലൗസിന് ഹുക്സ് ഇടാൻ വിളിച്ചപ്പോൾ ബെഡിൽ ഇരുന്ന് പുസ്തകം വായിക്കുകയായിരുന്നു അപ്പു.”ഇതെന്താ ശിവകാമി പഴയ മോഡൽ””ഒന്ന് പരീക്ഷിക്കാം എന്ന് വെച്ചു “പണ്ട് തന്നെ ഇത് പോലെ അമ്മ താൻ രണ്ടു,മൂന്ന് ക്ലാസിൽ പഠിക്കുന്ന കാലത്തു വിളിക്കാറുണ്ട്. അപ്പു അപ്പോൾ ഓർത്തു.”പ്ലീസ് പിറകിൽ ആയതുകൊണ്ടല്ല…. ഹെല്പ് ചെയ്യ്…വാ”അവൾ കെഞ്ചി.അപ്പു എഴുന്നേറ്റ് ചെന്ന് ഹുക്സുകൾ ഓരോന്ന് ഇട്ടുകൊടുത്തു.””ഇവളുടെ ഒരു കാര്യം”അപ്പുവിനെ വിരലുകളിലെ സ്പർശനം ഏറ്റപ്പോൾ അവളൊന്നു പുളകിതയായി.അപ്പു എന്ന ആരാധ്യപുരുഷൻ അവളിലേക്ക് വന്ന ആ നിമിഷവും ആ ഓർമ്മയും ഇടയ്ക്കിടെ അവൾ വന്നു നിറയാറുണ്ട്അവളുടെ ചിന്തയെ ആ കഴിഞ്ഞ പഴയ മായിക ലോകത്തെക്ക്കൂട്ടിക്കൊണ്ടുപോയി.സുബ്രു കനകമ്മാൾ ദമ്പതികൾക്ക് കുട്ടികളില്ല.സുബ്രു ക്ഷേത്ര കർമ്മങ്ങളും നോക്കുന്ന ഒരാളാണ്. രാവിലെ അതിരാവിലെ ക്ഷേത്രത്തിലെത്തി പൂജയ്ക്ക് വേണ്ട ഒരുക്കങ്ങൾ ഒരുക്കുന്നതിൽ പൂജാരിയെ സഹായിക്കുന്നു.ഒരു ദിവസം പ്രഭാതത്തിൽ എഴുന്നേറ്റ് ഇങ്ങനെ പോകുമ്പോൾ ക്ഷേത്ര കുളക്കടവിൽ ഒരു പിഞ്ചു കുഞ്ഞിന്റെ കരച്ചിൽ കേട്ടു നോക്കുമ്പോൾ ഒരു പിഞ്ചുകുഞ്ഞിനെ ആരോ ഉപേക്ഷിച്ച അവിടെ കിടത്തി പോയിരിക്കുന്നു.സുബ്രു വേഗം വാരിയെടുത്തു. ആരെയും കാണാതെ വേഗം വീട്ടിലേക്ക് പോയി. തന്റെ ഭാര്യ കനകം മാളിന് വിളിച്ചു കാണിച്ചു.
അവൾക്കും സന്തോഷമായി.”സുബ്ര അണ്ണാ നമുക്ക് ഇതിനെ വളർത്താം പക്ഷേ ഈ നാട്ടിൽ നിന്നാൽ ഇത് ആരുടേതാണെന്ന് ചോദ്യം ഉണ്ടാവും നമുക്ക് വേറൊരു നാട്ടിലേക്ക് പോകാം അവിടെ താമസിച്ചു കുട്ടി ഇച്ചിരി വലുതാവുമ്പോൾ നമുക്ക് തിരിച്ചു വരാം “അങ്ങനെ തീരുമാനിച്ച അവർ ആ കുട്ടിയെ കൊണ്ട് വെള്ളകീറും മുമ്പേ നാട്ടിൽ നിന്നും സ്ഥലംവിട്ടു.പിന്നെ വേറെ നാട്ടിൽ പോയി ജീവിച്ച അവർ മകൾക്ക് പത്തു വയസ്സായപ്പോൾ സ്വന്തം നാട്ടിൽ തിരിച്ചെത്തി.നാട്ടുകാർ കരുതിയത് സുബ്രു അണ്ണൻ പോയതിനുശേഷം ആ നാട്ടിൽ വച്ചുണ്ടായ കുട്ടിയായിരിക്കും എന്നാണ്. ആർക്കും ഒരു സംശയവും ഉണ്ടായില്ല.നാട്ടിൽ വന്ന് അവർ പഴയ ആ ക്ഷേത്രത്തിൽ ജോലി നോക്കി ജീവിക്കുകയാണ് ഇപ്പോൾ.ഇതിനിടെ അവർക്ക് വേറെ കുട്ടികൾ ഒന്നും ഉണ്ടായില്ല. ആ കുട്ടിക്ക് അവർ ശിവകാമി എന്നാണ് പേര് വെച്ചത്.അതിവസുന്ദരികുട്ടി ശിവകാമിയെകാണാൻ അവളുടെ നോട്ടംകിട്ടാൻ ആ നാട്ടിലെ ആൺകുട്ടികൾ ശ്രമിക്കാറുണ്ട്.അവളെ കണ്ടു ഉന്നത ക്ലാസുകളിൽ പോകുമ്പോൾ കുട്ടികൾ എല്ലാവരും ചോദിച്ചുആരാണീ സുന്ദരി. അപ്പോൾ അവളുടെ കൂട്ടുകാരികൾ പറയുംഅമ്പല കാര്യങ്ങൾ നോക്കുന്ന കുടുംബത്തിൽ ഉള്ളതാണ് അവൾ.സുബ്രു കനകമമാൾ ദമ്പതികളുടെ അരുമ മകൾ.!പാട്ടി പട്ടമ്മാളുടെ ചെല്ലം!!ശിവകാമിയുടെ വീടിനടുത്ത് ഒരു അമ്പലമുണ്ട്.അവിടെ ആൽത്തറയിൽ ഒരറ്റത്തു എന്നും വന്നിരിക്കും.അതിന്റെ മുമ്പിൽ മൈതാനമാണ് ആ മൈതാനത്തിൽ വൈകിട്ട് കുട്ടികൾ വന്നു ഫുട്ബോളും ക്രിക്കറ്റും കളിക്കാറുണ്ട്. ശിവകാമി അവിടെയിരുന്നു ക്ഷേത്രത്തിലേക്കുള്ള പൂമാല കോർത്തു കൊണ്ടിരിക്കുംകുഞ്ഞുങ്ങളിലെ ഉള്ള ശീലം.അത്രയേ ഉള്ളൂ.ഈയിടെയായി അവളുടെ മനസ്സിൽ ചെറുപ്പക്കാരൻ സ്ഥാനംകൊണ്ടു. അപ്പു.
അപ്പുവും ആ ഗ്രൗണ്ടിൽ കളിക്കാൻ വരും. അവൾ അപ്പുവേട്ടനിലേക്ക് അടുക്കാൻ ഉണ്ടായ കാരണം ഓർത്തു”കനകം..അന്ത ടിവി പയ്യനെ കൂപ്ഡ് തമിഴ് സംമ്പരുത്തി പാക്കരുത്ക്ക്‌ ടൈം മാച്ച് “ശിവകാമിയുടെ പാട്ടിപട്ടഅമ്മാൾഓർഡർ ഇട്ടു..ഉടനെ ടിവി നന്നാക്കുന്ന അപ്പുവേട്ടനും ശരത്തും വന്നു അപ്പുനെ ഇത്രേം അടുത്തു ആദ്യം കാണുകയണ്‌ അവൾ”ഹമ്മോ എന്തൊരു സൗന്ദര്യം”ഓഫീസ് റൂമിൽ പഠിക്കുകയായിരുന്ന അവൾ വേഗം പുസ്തകംഅവിടെയിട്ട് അകത്തു കയറിപ്പോയി.30 മിനിറ്റിനുള്ളിൽ അവർ ടിവി നന്നാക്കി മടങ്ങി പോയി.അവളുടെ മനസ്സിൽ അപ്പുവിനെ മുഖം തെളിഞ്ഞു നിന്നു എന്താ ഒരു തേജസ് അവൾ തോന്നി.ശിവ കാമി ഫൈനൽ ഇയർ bsc ഫിസിക്സ് പഠിക്കുന്നു..പിറ്റേന്ന് കോളേജിൽ”എവിടെയാ ശിവകാമി നീ””ലാബിലാർന്നെടി “ക്ലാസ്സിൽ നീ ഇന്ന് വല്ല്യ ആളായെടി “”എങ്ങനെ?””ഫിസിക്സ് പ്രൊഫസർ ഇന്നലെ നമുക്ക് തന്ന പ്രോസസ് നീ മാത്രമേ സോൾവ് ചെയ്തുള്ളൂ. ക്ലാസ്സിലെ പഠിപ്പിസ്റ്റ് സോളമന് പോലും ഒന്നു പോലും ചെയ്യാൻ പറ്റിയില്ല.മൂന്നു പ്രോസും നീ സോൾവ് ചെയ്തു… എങ്ങനെ ഒപ്പിച്ചടി ഇതിന്റെ ഉത്തരം””ങേ “ഇന്നലെ രാത്രി വരെ ഒന്നും കമ്പ്ലീറ്റ് ചെയ്തില്ലല്ലോ പിന്നെ ഇതെങ്ങനെ സംഭവിച്ചു..എങ്ങനെ സംഭവിച്ചു എന്നതിനെക്കുറിച്ച് ആലോചിച്ചിട്ട് ഒരു പിടിയും കിട്ടിയില്ല.” നീയാണോ എന്റെ പുസ്തകം എടുത്തു സാറിന് കൊടുത്തത്?”ശിവകാമി അത്ഭുതത്തോടെ ചോദിച്ചു”എല്ലാവരുംകൊടുക്കുന്ന കൂട്ടത്തിൽ നിന്റെ ബുക്സും നിന്റെ ബാഗിൽ നിന്ന് എടുത്തു ഞാൻ കൊടുത്തു… ഉം എന്താ..?”സത്യത്തിൽ താൻ ഒന്നും ചെയ്തില്ലല്ലോഅത് എങ്ങനെയുള്ള പറയും. ഏതായാലും ഞാൻ ബുക്സ് കാണട്ടെ അപ്പോൾ അറിയാമല്ലോ.. അവൾ കരുതി.ക്ലാസ്സിൽ കയറി ചെന്നപ്പോൾ പ്രൊഫസർ അവളെ പ്രശംസിച്ചു.”അഭിനന്ദനങ്ങൾ ഇത്രയുംഡിഫിക്കല്റ്റായ പ്രോബ്ലം സോൾവ് ചെയ്തത നീ നാളത്തെ ഐഎസ്ആർഒ വാഗ്ദാനമാണ്‌.
കീപ്പിറ്റപ്പ്””ങേ “അവൾ അത്ഭുതപരതന്ത്രനായി.സത്യം തന്നെയാണോ ഒരുപക്ഷേ മാഷിന് പുസ്തകം മാറിയിട്ടുണ്ടാവും എന്ന് അവൾക്കു തോന്നി.സത്യത്തിൽ ഇന്നലെ വരെതന്റെ ബുക്കിൽ താൻ ഒരു അക്ഷരം പോലും എഴുതിയിട്ടില്ല.എങ്കിലും മാഷ് അഭിനന്ദിച്ചപ്പോൾ അവൾ”താങ്ക്സ്”വിറച്ചുകൊണ്ട് പറഞ്ഞു.അവൾ പുസ്തകംഎടുത്തു നോക്കി ശരിയാണ് തന്റെ പുസ്തകത്തിൽ നല്ലകൈപ്പടയിൽ ആരോ പ്രോബ്ലം സോൾവ് ചെയ്തിരിക്കുന്നു. ഈശ്വരാ ഇതെന്തു മറിമായംഈശ്വരൻ നേരിട്ട് സഹായിച്ചത്ആണോ…..അവൾ ശങ്കിച്ചു പോയി. ആ നിമിഷം…..കണ്ടിട്ട് ഈശ്വരന്റെ കയ്യക്ഷരം ആണെന്ന് തോന്നുന്നില്ല…..അതിനവൾക്ക് ഈശ്വരനെ മുമ്പിൽ കണ്ടിട്ടില്ലല്ലോ പിന്നെങ്ങനെ ഈശ്വരനെ കൈയ്യക്ഷരം അറിയും.അവൾ അവളുടെ കഴിഞ്ഞ ദിവസത്തിലെ ജീവിതത്തിലെ ഓരോ നിമിഷവും റീവൈൻഡ് ചെയ്തു.അപ്പോഴാണ് തലേന്നാൾ രാത്രി ടിവി മെക്കാനിക് വീട്ടിൽ വരുന്ന നേരം താൻ ബുക്സും കൊണ്ട് ഓഫീസ് റൂമിൽ ആയിരുന്നു പഠിച്ചിരുന്ന കാര്യം അവൾക്ക് ഓർമ്മയിൽ തെളിഞ്ഞത്.ടിവി നന്നാക്കുക അത് ഫിസിക്സ് പഠിച്ചതിന് ഭാഗമാണല്ലോഅങ്ങനെയെങ്കിൽ അവരിൽ ആരോ ആണ് അത് ചെയ്തത്.സംശയിക്കുന്ന രണ്ട് പേരിൽഏറെ നാളത്തെ പരിശ്രമത്തിനൊടുവിൽ ആളെ കൃത്യമായ ആളെ കണ്ടെത്തി.അന്ന് ടീവി നന്നാക്കാൻ വന്നപ്പോൾ മേശ പുറത്തു വച്ചിട്ടുണ്ടായിരുന്നുണ്ടായിരുന്ന പുസ്തകം അപ്പുവേട്ടൻ കണ്ടപ്പോൾആ പ്രോബ്ലംസോൾവ് ചെയ്യുകയായിരുന്നുഇത്രയുംവിദ്യാഭ്യാസം ഉണ്ടായിരുന്നെന്ന് അറിഞ്ഞിരുന്നില്ല.’ഈശ്വരാ അപ്പുവേട്ടൻ ഫിസിക്സ് എംഎസ്സി ആണെന്ന് ‘അന്നു മൊട്ടിട്ട ഒരു കുഞ്ഞു പ്രണയം മനസ്സിൽ ഉള്ളിലുണ്ട്.ആരവമുയർന്നു അപ്പുവേട്ടൻ മൈതാനത്തിൽ എത്തി എന്നു തോന്നുന്നു ഒന്ന് കാണാൻ അവളും എഴുന്നേറ്റു.അപ്പും അവളെ കണ്ടു.അവൾ പുഞ്ചിരിച്ചു!അവരുടെ പ്രണയം നാൾക്കുനാൾ വളർന്നു.കുളക്കടവിൽ ക്ഷേത്രമതിൽക്കെട്ടിനു പുറത്തു ഊടു വഴികളിലും അവർ കണ്ടുമുട്ടി. പരസ്പരം സംസാരിച്ചു മനസ്സുകൾ കൈമാറി സ്വപ്നങ്ങൾ പങ്കു വെച്ചു ദിനങ്ങൾ കഴിച്ചുകൂട്ടി.
ടിവി മെക്കാനിക് ജോലി നോക്കിയിരുന്നു അപ്പുവിനു ശാസ്ത്രസാങ്കേതിക വകുപ്പിൽ ജോലി ലഭിച്ചു. അതിനുള്ള യോഗ്യത അയാൾക്ക് ഉണ്ടായിരുന്നല്ലോ.നല്ലൊരു മുഹൂർത്തത്തിൽ ശിവകാമിയുടെ യും അപ്പുവിനെയും വിവാഹം കെങ്കേമമായി നടന്നു.ശിവകാമിയുടെ വളർച്ചയും ജീവിതവും എല്ലാം കണ്ട് ആസ്വദിച്ച് ആരുമറിയാതെ കഴിയുന്ന ഒരു അമ്മ ഏതോ ഒരു കുടുംബത്തിൽ അവരുടെ ഭർത്താവിന്റെ കൂടെ അവരുടെ കുട്ടികളുമായി ജീവിച്ചു വരികയാണ്.അന്ന് കുട്ടിയെ കുളക്കടവിൽ ഉപേക്ഷിച്ചു അവര് ഒരിടത്തു മറഞ്ഞ് ഇരിക്കുകയായിരുന്നു. മക്കളില്ലാത്ത സുബ്രു എന്തായാലും തന്റെ കുഞ്ഞിന് കാണുമെന്നും അയാൾ എടുത്തുകൊണ്ടു പോയി വളർത്തണമെന്നും നല്ല നിശ്ചയമുള്ള ഒരമ്മയാണതു.”ശിവകാമി നീ എവിടെയാണ്”അപ്പുവിനെ വിളി കേട്ട ശിവകാമി ചിന്തയിൽ നിന്നുണർന്നു. ക്ലോക്കിൽ നോക്കിയപ്പോൾനാല്പത് മിനിറ്റ് കടന്നുപോയിരിക്കുന്നു”അയ്യോ…എന്താ അപ്പുവേട്ടാ ഇത് നാലു കുടുക്കുകൾ ഇടാൻ നാല്പത് മിനിറ്റോ””നീ എന്തെടുക്കുകയായിരുന്നു.. അപ്പോൾ””അത് പിന്നെ ഞാൻ…എന്റെ അപ്പുവേട്ടൻ തൊടുമ്പോൾ എനിക്ക്…. ഒരു മണിക്കൂർ പോലും ഒരുനിമിഷം ആയി മാറുന്നു…ശോ..”അതും പറഞ്ഞ് അവൾ അടുക്കളയിലേക്കോടി…..വായിച്ചുകഴിഞ്ഞാൽ രണ്ടു വാക്കു പറഞ്ഞു പോകാൻ മറക്കല്ലേ…..