Connect with us

Love

ഒരു ഒളിച്ചോട്ടത്തിന്റെ പ്രതിഫലം…

Published

on

രചന: എസ് സുർജിത്

എന്റെ പേരു സിനി. ഞാനിപ്പോൾ ദുബായിലാണുലുള്ളതു.അവസാന വർഷ ബിരുദ വിദ്യാർത്ഥിനി ആയിരുന്നപ്പോൾ എന്റെ ജീവിതത്തിൽ നടന്ന ഒരു സംഭവവികാസമാണ് ഇന്നു എന്ന ഇവിടെ എത്തിച്ചത്, ഞാൻ വലിയ കാശുള്ള വീട്ടിലെ പെൺകുട്ടിയൊന്നും അല്ലായിരുന്നു . എന്റെ അച്ഛൻ ഒരു ചുമട്ടു തൊഴിലാളിയായിരുന്നു , സാധാരണ അമ്മമാരെ പോലെ വീട് ജോലികളും ആടിനെയും കോഴിയെയും വളർത്തി കുടുംബത്തിന് വേണ്ടി കഷ്ടപ്പെടുന്ന ഒരു വീട്ടമ്മ ആയിരുന്നു എന്റെ അമ്മ സഹോദരി എന്നേക്കാൾ നാലു വയസ് മൂത്തതാണ് വിവാഹിതയാണ് ഒരു കുട്ടിയുമുണ്ട്, പക്ഷെ പുള്ളിക്കാരി കുഞ്ഞുമായി വീട്ടിലുണ്ടായിരുന്നു.. സാധരണ നമ്മുടെ ചുറ്റുവട്ടത്തു കാണുന്ന പ്രശ്നങ്ങൾ ആയിരുന്നു കാരണം, വേറൊന്നുമല്ല വിവാഹത്തിന് പറഞ്ഞു ഉറപ്പിച്ച സ്ത്രീധനത്തിന്റെ ബാക്കി വാങ്ങിക്കൊണ്ടു വരാൻ വേണ്ടി ചേട്ടൻ കൊണ്ടു വീട്ടിൽ ആക്കിയതായിരുന്നു….. എന്റെ നാട് വലിയ സിറ്റി ഒന്നുമല്ലയിരുന്നു. അതു കൊണ്ടു യാത്രാ സൗകര്യങ്ങൾക്കു പരിമിധികൾ ഉണ്ടായിരുന്നു … എനിക്കു കോളേജിൽ പോകാനും വരാനും ആകെ ഒരു ബസിനെ ആശ്രയിക്കണമായിരുന്നു ……അതു കിട്ടിയില്ലെങ്കിൽ പിന്നെ ഏകദേശം നാലു കിലോമീറ്റർ നടക്കണം പലപ്പോളും ഞാനും എന്റെ കൂട്ടുകാരികളും നടന്നിട്ടുമുണ്ട്. സ്ഥിരം പോകുന്ന ബസ്‌ ആയതു കൊണ്ടു അതിലെ സ്റ്റാഫകൾക്ക് ഞങ്ങളെ നല്ല പരിജയവും ഉണ്ടായിരുന്നു….അന്നും പതിവുപോലെ ഞാനും കൂട്ടുകാരികളും ബസ്‌ കാത്തു സ്റ്റോപ്പിൽ നിൽക്കുകയായിരുന്നു……പക്ഷെ അന്നു ആ ബസ്‌ സ്റ്റോപ്പിൽ നിർത്താതെ കുറച്ചു മുന്നോട്ടാണ് നിർത്തിയതു. ഞങ്ങൾ എല്ലാവരും ബസിനരികിലേക്കു കുറച്ചു വേഗത്തിൽ നടന്നുചെന്നു . അടുത്തെത്തിയപോളാണ് ഡ്രൈവറെ ശ്രദിച്ചേ, അതൊരു പുതിയ ആളായിരുന്നു …. . ഒരു ചെറുപ്പക്കാരൻ നെറ്റിയിൽ രണ്ടു മൂന്നു നിറത്തിലെ ചന്ദന പൊട്ടുകളും കൈയിൽ പല തരത്തിലുള്ള ചരടുകളും അണിഞ്ഞ ഒരുവൻ. നടത്തിച്ചതിന്റെ പ്രധിക്ഷേധം ഞങ്ങളുടെ മുഖത്തു പ്രകടമാക്കിയിരുന്നിട്ടും അയാളിൽ ഒരു ഭാവമാറ്റവും കണ്ടില്ല. മാത്രവുമല്ല ഞങ്ങളെ ഹാസ്യഭാവത്തിൽ നോക്കിയിരുന്നു….. ബസിൽ തിരക്ക് കൂടി കൊണ്ടേയിരുന്നു, ഞാനായിരുന്നു ഏറ്റവും മുന്നിൽ നിന്നിരുന്നേ അധികം താമസിക്കാതെ ഡ്രൈവറുടെ അരികിലുമെത്തി. അയാൾ അറിയാത്തതു പോലെ എന്റെ ശരീരത്തിൽ സ്പർശിച്ചു ഞാനും അതു അറിയാത്തതു പോലെ നിന്നു ഏകദേശം ഒരു ആഴ്ച കഴിഞ്ഞപ്പോൾ അയാൾ സ്റ്റോപ്പിൽ നിർത്തുവാനും മുഖത്തു പുഞ്ചിരി പ്രകടിപ്പിക്കുവാനും തുടങ്ങി. ഒരു ദിവസം എന്റെ കൈയിൽ അയാൾ ഒരു പേപ്പർ കഷണം നൽകി ഞാൻ അതു വാങ്ങി തുറന്നു നോക്കിയപ്പോൾ ഒരു ഫോൺ നമ്പർ ആയിരുന്നു…എന്റെ കൈയിൽ ഫോണില്ല എന്ന കാര്യം അയാൾക്കറിയാൻ പാടില്ലല്ലോ……

ഞാൻ ഇക്കാര്യം ആരോടും പറഞ്ഞില്ല പിറ്റേന്ന് രാവിലെ അയാൾക്ക്‌ ഞാൻ ഒരു പേപ്പറിൽ “നിങ്ങൾ കൊടുത്ത നമ്പറിൽ വിളിക്കാൻ എന്റെ കൈയിൽ ഫോണില്ല ” എന്നു മാത്രം എഴുതി തിരിച്ചു നൽകി അന്നു വൈകുന്നേരം തിരിച്ചു വരുമ്പോൾ അയാൾ ഒരു പൊതി ആരും കാണാതെ എനിക്കു നൽകി ഞാൻ വീട്ടിൽ കൊണ്ടു വന്നു തുറന്നു നോക്കി അതിനുള്ളിൽ ഒരു ഫോണും ചാർജറും ഒരു സിം കാർഡുമുണ്ടായിരുന്നു..അതിൽ നിന്നും ഞാൻ ആദ്യ വിളിച്ചതും അയാൾ രാവിലെ തന്നിരുന്ന നമ്പറിലേക്കായിരുന്നു…… അതു റിങ് ചെയ്തു പക്ഷെ ആരും എടുത്തില്ല….. എന്റെ ചേച്ചിയോടും അമ്മയോടും എന്റെ കൂട്ടുകാരി പഠന കാര്യങ്ങൾക്കായി ഞാനുമായി ബന്ധപ്പെടാൻ നൽകിയ ഫോണാണ് ഒരു കള്ളവും പറഞ്ഞു,അവർ അതു വിശ്വസിച്ചു.. രാത്രി എട്ടു മണി ആയപ്പോൾ എന്റെ ഫോൺ ശബ്ദിക്കാൻ തുടങ്ങി, ഞാൻ അതു അറ്റൻഡ് ചെയ്തു ഒരു പുരുഷ ശബ്ദം “സിനി അല്ലേ “….. ഞാൻ “അതെ”….എന്നു മറുപടി പറഞ്ഞു അയാൾ തുടർന്നു….”ഞാൻ കണ്ണനാണ് ” ആ പേരു കേട്ടപ്പോൾ എനിക്ക് ആളെ പിടികിട്ടി.. ഞങ്ങൾ കുറച്ചു നേരം സംസാരിച്ചു ഈ സംഭാഷണം സ്ഥിരമായി തുടർന്നു കൂടെ ഞങ്ങളുടെ ബന്ധവും ദൃഢമായിക്കൊണ്ടിരുന്നു . സ്ത്രീധനം ഇല്ലാതെ സ്ത്രീയെ ധനമായി കാണുന്ന കണ്ണനെ എനിക്ക് വിട്ടു പിരിയാൻ പറ്റാത്ത അവസ്ഥയായി. എന്റെ ചില കൂട്ടുകാരികൾ കണ്ണനുമായുള്ള എന്റെ അടുപ്പം അറിഞ്ഞു. അതിൽ പലരും ഉപദേശിച്ചു ആ ബന്ധം അവസാനിപ്പിക്കാൻ ആവശ്യപെട്ടു ..പക്ഷെ ഞാൻ അതൊന്നും ചെവിക്കൊണ്ടില്ല,, ഞങ്ങൾ ഒരുമിച്ചു ജീവിക്കാൻ തീരുമാനിച്ചു അങ്ങനെ അതിനുള്ള പദ്ധതികൾ തുടങ്ങി,, എന്റെ അവസാന വർഷ പരീക്ഷ കഴിയുന്ന ദിവസം ഒളിച്ചോടാൻ ഞങ്ങൾ തീരുമാനിച്ചു എല്ലാം ഞങ്ങൾ മുൻകൂട്ടി നിച്ഛയിച്ച പോലെ നടന്നു….. പക്ഷെ എനിക്കു അറിയില്ലായിരുന്നു കണ്ണന്റെ പേരിലും സംസാരത്തിലുമുള്ള മാധുര്യം ഞങ്ങളുടെ ജീവിതത്തിൽ ഇല്ലായിരിക്കുമെന്നു,,,,,, ഒരാഴ്ച കഴിഞ്ഞപ്പോൾ കണ്ണനെന്ന രാക്ഷസന്റെ തനി രൂപം ഞാൻ കണ്ടുതുടങ്ങി അയാൾ എന്ന പലർക്കും കാഴ്ച്ചവെച്ചു ചന്തയിൽ മാംസത്തിന് വില പേശി വിൽക്കുന്നതു പോലെ…… എതിർത്താൽ ക്രൂര മർദ്ദനവും പീഡനങ്ങളും. എനിക്കു തിരിച്ചു വീട്ടിൽ പോകുവാനോ , ആരെയെങ്കിലും അറിയിക്കാനോ കഴിയുമായിരുന്നില്ല…… ഒരു പോലീസ് റെയ്‌ഡിൽ ഞാൻ പിടിക്കപ്പെടുന്നത് വരെയും ഈ കച്ചവടം അവൻ തുടർന്നു. പിടിക്കപ്പെട്ടപ്പോൾ അന്നു മാധ്യമങ്ങളിൽ ഞാൻ നിറഞ്ഞു നിന്നിരുന്നു “എത്ര പേർ, ആരൊക്ക, എത്ര പ്രാവശ്യം , വല്ല വമ്പന്മാരും ഉണ്ടോ”…….ഇതല്ലാതെ വേറൊന്നും അവർ എന്നോട് ചോദിച്ചിരുന്നില്ല?????? സ്വന്തം അമ്മയെയും കൂടപ്പിറപ്പിനെയും വരെ കൂട്ടി കൊടുക്കുന്ന മോഡേൺ മാധ്യമ ധർമ്മം… ഇത്രയും ആയപ്പൊഴെക്കും എന്റെ അച്ഛൻ അപമാനം സഹിക്കവയ്യാതെ ആദ്മഹത്യ ചെയ്തു അതോടു കൂടി അമ്മ കിടപ്പിലുമായി സ്വയം മരിക്കാനുള്ള ധൈര്യം എനിക്കില്ലായിരുന്നു…. കിടപ്പിലായ അമ്മയും നോക്കി ഞാൻ എന്റെ വീട്ടിൽ കഴിഞ്ഞു. പലരും സഹായ വാക്ക്ധാനം നൽകി പകരം അവർക്കു വേണ്ടത് എന്റെ ശരീരമായിരുന്നു……അന്നു വരെ സഹോദരസ്ഥാനത്തു കണ്ടിട്ടുള്ളവർ പോലും കഴുകന്റെ കണ്ണുകളാൽ എന്ന നോക്കിത്തുടങ്ങി… എന്റെ ചേച്ചിയുടെ ഭർത്താവ് വരെ എന്ന കൂടെ കിടക്കാൻ നിർബന്ധിച്ചു..

ഞാൻ ആട്ടി പായിച്ചപ്പോൾ കഥ തിരിച്ചായി അതു വിശ്വസിച്ച ചേച്ചി എന്നോട് പറഞ്ഞു…….. ” നിനക്കു കടി കൂടുതൽ ആണേൽ വല്ല മൂരിയെയും നോക്കി പിടിച്ചോ എന്നെയും, എന്റെ ഭർത്താവിനെയും വെറുതെ വിട്ടേരെ ” അതു കേട്ടു നിൽക്കാൻ അല്ലാത്ത ഒന്നും മിണ്ടാൻ അന്ന് എനിക്ക് കഴിഞ്ഞില്ല ആ വർഷത്തെ ബിരുദ പരീക്ഷയുടെ ഫലം വന്നു എനിക്കു സെക്കന്റ്‌ റാങ്ക് ഉണ്ടായിരുന്നു….എന്ന പഠിപ്പിച്ചു ഒരു നല്ല നിലയിൽ എത്തിക്കണം എന്ന ആഗ്രഹവുമായി അച്ഛൻ രാപകൽ കഴ്ട്ടപെട്ടതാ പക്ഷെ എന്റെ ഒരു ബുദ്ധി മോശം കാരണം എനിക്ക് എല്ലാം നഷ്ടമായി വീട്ടിലെ കഴ്ട്ടപ്പാടും പ്രാരാബ്ദവും കണ്ടു അയല്പക്കത്തെ ചേച്ചി എനിക്കു ദുബായിൽ ഒരു ജോലി വാക്ദാനം നൽകി ഇവിടെ കൊണ്ടു വന്നു… ഇവിടേയും എനിക്കു പിഴച്ചു ഇപ്പോൾ ഞാൻ ഒരു പെൺവാണിഭ സംഘത്തിന്റെ കൈകളിലാണ് പല ഭാഷക്കാരും പല പ്രായക്കാരും ദിവസവും എന്റെ ശരീരത്തിനായി വരുന്നുണ്ട് അവർക്കെല്ലാം വഴങ്ങി കൊണ്ടു ശവത്തെ പോലെ കിടന്നു കൊടുക്കും എന്തെക്കെയോ ചേഷ്ടികൾ എന്നെ കൊണ്ടു ചെയ്യിക്കും.നരക തുല്യമായ ജീവിതം, ആരെയും ശപിച്ചിട്ടോ പഴിച്ചിട്ടോ കാര്യമില്ല എല്ലാം എന്റെ മാത്രം തെറ്റുകൾ.. അറിവില്ല പ്രായത്തിലെ എടുത്തു ചട്ടത്തിന്റെ പരിണാമഫലം അനുഭവിക്കുന്നു……. അന്നു അവൻ എന്റെ ശരീരത്തിൽ സ്പർശിച്ചപ്പോൾ ഞാൻ എതിർത്തിരുന്നു എങ്കിൽ? അന്ന് അവൻ ഫോൺ നമ്പർ തന്നപ്പോൾ അവന്റെ മുഖത്തു വലിച്ചെറിഞ്ഞിരുന്നു എങ്കിൽ?? ഒരു പക്ഷെ എന്റെ ജീവിതത്തിൽ ഇങ്ങനെയൊന്നും സംഭവാക്കില്ലായിരുന്നിരിക്കാം………….  അറിവില്ല പ്രായത്തിലെ എല്ലാ തെറ്റുകളും തിരിച്ചറിവു ഉണ്ടാകുമ്പോൾ പരിഹരിക്കാൻ പറ്റിയെന്നു വരില്ല……….. മുതിർന്നവർ പറയുന്നത് അനുഭത്തിന്റെ വെളിച്ചത്തിൽ ആയിരിക്കും,,കാലങ്ങൾ കഴിഞ്ഞു ചെയ്ത തെറ്റുകൾ ഓർത്തു പശ്ചാത്തപിക്കുബെഴേക്കും സമയം അതിക്രമിച്ചിട്ടുടാകും……….

ലൈക്ക് ചെയ്ത് അഭിപ്രായങ്ങൾ കമന്റ്‌ ചെയ്യണേ… നിങ്ങളുടെ സ്വന്തം രചനകൾ ഈ പേജിൽ ഉൾപ്പെടുത്താൻ പേജിലേക്ക് മെസേജ് അയക്കുക….

വളപ്പൊട്ടുകൾ ഇൻസ്റ്റാഗ്രാം പേജിൽ ഫോളോ ചെയ്യാനായി ഇവിടെ ക്ലിക്ക് ചെയ്യൂ… 

Advertisement

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular

error: Content is protected !!