Connect with us

Relationship

കാന്താരി പെണ്ണ്…

Published

on

രചന: അനു സത്യൻ നിഹാരിക

“ആരു പറഞ്ഞു മ്യാവു… ഞാനാ നിങ്ങടെ കാത്തു.. എന്നോടൊപ്പം കൂടാൻ ആർക്കാനാർക്കാണ് ഇഷ്ടം..” പാട്ടും പാടി പശു തൊഴുത്ത് വൃത്തിയാക്കുന്നതിനിടെ ആണ് കുട്ടു ബഹളം വെക്കുന്നത് കേട്ടത്. കുട്ടു വീട്ടിലെ പട്ടി ആണ് ട്ടോ. കൂട്ടത്തിൽ ആരുടെയോ ശബ്ദം കൂടി കേൾക്കുന്നുണ്ട്. വീട്ടിൽ ആരുമില്ലാത്ത സമയത്ത് വീടിന്റെ ഏഴയലത്ത് ഒരു മനുഷ്യനെയും അടുപ്പിക്കില്ല അവൻ. വഴിയേ പോകുന്നവരെ ഒന്നും ചെയ്യില്ല എങ്കിലും എന്നോട് ആരേലും സംസാരിക്കാൻ ശ്രമിച്ചാൽ അവരെ ഒരിക്കും കക്ഷി. അമ്മ വീട്ടിൽ ഇല്ലാത്തപ്പോൾ അവനെ കെട്ടിയിടാറില്ല. “ഹേയ് കുട്ടൂസ്‌.. ആരോടാ നീ കുരക്കുന്നത്..? ഇങ്ങട് വന്നെ..” തൊഴുത്തിൽ നിന്ന് ഇറങ്ങി അവന്റെ അടുത്തേക്ക് പോവുന്നതിനു ഇടയിൽ അവനെ വിളിച്ചു. എന്നിട്ടും അവൻ വരാതെ ആയപ്പോൾ അവന്റെ അടുത്തേക്ക് ചെന്നു. എന്നെ കണ്ടതും കക്ഷി വാലും ആട്ടി എന്റെ അടുത്ത് വന്നു വീണ്ടും കുരക്കാൻ തുടങ്ങി. “ഹേയ്.. കുട്ടീ.. ആ പട്ടിയെ ഒന്ന് പിടിക്കാമോ..” പരിചയമില്ലാത്ത ശബ്ദം കേട്ട് ഞാൻ ഒന്ന് നോക്കി. രണ്ടു ചെറുപ്പക്കാർ. ഡെനിം കളർ ഷർട്ടും ജീൻസും ഇട്ടു ട്രിം ചെയ്ത മീശയും താടിയും ചുരുണ്ട മുടിയുള്ള ആളാണ് എന്നോട് സംസാരിച്ചത്. മറ്റെ ആൾ എന്തോ ആലോചനയിൽ ആണ്. ആകെ വിയർക്കുന്നുമുണ്ട്. കോഫീ ബ്രൗൺ കളർ ഷർട്ടും ഓഫ് വൈറ്റ് പാന്റും ആണ് വേഷം. മുടി നന്നായി ചീകി ഒതുക്കി വച്ചിരിക്കുന്നു. താടി ക്ലീൻ ഷേവ് ആണ്. നല്ല കട്ടി മീശ. “കുട്ടു.. അകത്തേക്ക് പോയെ.. ചെല്ല്..” കുട്ടുവിനെ നോക്കി കണ്ണുരുട്ടിയതും അവൻ എന്നെ ഒന്ന് നോക്കി അവരെ നോക്കി മുറുമുരുത്തിട്ട് വീടിന്റെ പടിക്കൽ പോയി കിടന്നു. “കുട്ടീ.. ഈ സുരേന്ദ്രൻ ചേട്ടന്റെ വീട്..?” വീണ്ടും മറ്റെ ആൾ ആണ്. “ദാ ആ കാണുന്ന വീട് ആണ്..” കുറച്ച് മാറി മുകളിൽ ആയുള്ള വീട് ചൂണ്ടി ഞാൻ പറഞ്ഞു. “പിന്നെ കുട്ടീ.. പട്ടിയെ ഒക്കെ കെട്ടി ഇട്ടു വളർത്തണം കേട്ടോ..” “ഇയാള് കുറെ നേരം ആയല്ലോ എന്നെ കുട്ടീ കുട്ടീ എന്നു വിളിക്കുന്നു.. ഞാൻ അത്ര ചെറിയ കുട്ടി ഒന്നുമല്ല.. എനിക്കെ 20 വയസ്സ് ആയി.. പിന്നെ പട്ടിയുടെ കാര്യം.. അതിനെ കെട്ടിയിടണോ കെട്ടാതെ വിടണോ എന്നു ഞാൻ തീരുമാനിച്ചൊളാം..” ഇത്തിരി പൊക്കം കുറഞ്ഞതിന്റെ പേരിൽ എല്ലാവരും എന്നെ കുട്ടീ എന്നു വിളിച്ചു കളിയാക്കുന്നതിന്റെ ദേഷ്യത്തിൽ അയാളോട് പറഞ്ഞു. “ഒരു സംശയം… ഈ 20 വയസ്സ് എത്ര നാള് മുൻപായിരുന്നു.??” “4 മാസം മുൻപ്.. എന്തെ.??” “ചുമ്മാ ചോദിച്ചതാ..” എന്നും പറഞ്ഞു ഒന്ന് ചിരിച്ചു അയാള്. “അതേ.. താൻ 20 വയസ്സുള്ള ഒരു പെണ്ണല്ലേ… എന്നിട്ടെന്താ ഈ വേഷം.??” ആ ചോദ്യം കേട്ട് ഞാൻ എന്നെ തന്നെ ഒന്ന് നോക്കി.. “എന്റെ വേഷത്തിനെന്താ കുഴപ്പം..?” “അല്ല.. ഈ മുട്ടിനു താഴെ വരെയുള്ള പാവാടയും ചിലങ്കയെ വെല്ലുന്ന കൊലുസ്സും ഒക്കെ.. അതോണ്ട് ചോദിച്ചതാ…” “അതേ മാഷേ.. ഈ പാവടക്ക് ആവശ്യത്തിന് നീളം ഉണ്ട്..” എന്നും പറഞ്ഞു തൊഴുത്ത് വൃത്തിയാക്കുന്നതിന്‌ മുൻപ് ചൊരുക്കി വച്ച പാവാട താഴ്ത്തിയിട്ടു.. “പിന്നെ ഈ കൊലുസ്.. ഇത് ഞാൻ ഇടുന്നതിൽ എന്റെ വീട്ടിൽ ആർക്കും ഒരു പ്രശ്നവുമില്ല.. എന്റെ വീട്.. എന്റെ സ്ഥലം.. എന്നെ സംബന്ധിച്ചിടത്തോളം മാന്യമായി വസ്ത്രം ധരിച്ചിട്ടുണ്ട്.. പിന്നെ പാവാട പൊക്കി വെച്ചത് തൊഴുത്ത് വൃത്തിയാക്കാൻ വേണ്ടിയാണ്..”

“ആഹാ… അപ്പോ പശു ഒക്കെ ഉണ്ടോ .?” “ഹാ.. ഉണ്ട്..” അപ്പോഴാണ് പട്ടിക്കുഞ്ഞ് പൂച്ചക്കുഞ്ഞിനേ വഴക്കുണ്ടാക്കി അങ്ങോട്ട് വന്നത്.. “ആഹാ… കൊള്ളാലോ… ഇതെന്താ… വന്യജീവി സങ്കേതം ആണോ..?”. “താങ്കളുടെ നാട്ടിൽ പട്ടിയും പൂച്ചയും ഒക്കെ വന്യജീവികൾ ആണോ..?” “അത്.. ഞാൻ.. എന്നെ അവൻ വിളിക്കുന്നു.. പോട്ടെ..” ഞങ്ങളുടെ വാക്‌വാദം ഉടനൊന്നും തീരില്ല എന്നു തോന്നിയത് കൊണ്ടാകും മറ്റെ ചേട്ടൻ ഇയാളെ തോണ്ടി വിളിച്ചു നടക്കാൻ തുടങ്ങി. “ചെല്ല് ചെല്ല്… പെണ്ണ് കാത്തിരുന്നു മുഷിഞ്ഞു കാണും..” ഇളിഭ്യത മറക്കാൻ അയാള് തിരിഞ്ഞു പോലും നോക്കാതെ പോകുന്നത് കണ്ടപ്പോൾ അറിയാതെ ചുണ്ടിൽ ഒരു പുഞ്ചിരി വിടർന്നു.. പണിയെല്ലാം കഴിഞ്ഞ് മുറ്റത്ത് ഫോണിൽ കളിച്ചൊണ്ടിരുന്നപ്പൊഴാണ് അവർ തിരിച്ചു പോകുന്നത് കണ്ടത്. കസാരകയ്യുടെ മുകളിൽ കൂടി കാലു താഴേക്കിട്ടു ആട്ടി അവരെ മൈൻഡ് ചെയ്യാതെ ഫോണിൽ കുത്തുന്നത് തുടർന്നപ്പോൾ ആരോ വിളിക്കും പോലെ തോന്നി. തലയുയർത്തി നോക്കിയപ്പോൾ അവർ ആണ്. ഞാൻ ഫോണും പിടിച്ചു അവരുടെ അടുത്തേക്ക് ചെന്നു. “ഞാൻ അഭിരാം.. ഇത് എന്റെ അനിയൻ ശിവ രാം.. അങ്ങോട്ട് പോയപ്പോൾ പെണ്ണ് കാണാൻ പോകുന്നതിന്റെ ടെൻഷൻ ആയിരുന്നു കേട്ടോ.. അതാ മിണ്ടാതെ പോയത്..” മറ്റെ പാവം ചേട്ടൻ ആണ് ട്ടോ.. പുള്ളിയാണ് പെണ്ണ് കാണാൻ വന്ന ചെക്കൻ. “എന്നിട്ട് പെണ്ണിനെ ഇഷ്ടായോ..?” “അത് വീട്ടുകാരല്ലെ തീരുമാനിക്കേണ്ടത്.. എനിക്ക് കുഴപ്പമില്ല..” “ആഹാ… അപ്പോ ചായകുടിക്ക് വിരാമമായി അല്ലേ..?” പുള്ളി ഒന്ന് ചിരിച്ചു തന്നു.. “അപ്പോ ഞങ്ങൾ അങ്ങോട്ട് പോട്ടെ… പട്ടി വഴിയിൽ ഇല്ലല്ലോ അല്ലേ..” “ഇല്ല.. പോക്കൊളു..” അഭിരാം ചേട്ടൻ താഴേക്കിറങ്ങി. മറ്റേയാൾ ചേട്ടന്റെ ചെവിയിലെന്തോ പറഞ്ഞു. ചേട്ടൻ അത് കേട്ട് ചിരിച്ചോണ്ട് പോയി. അപ്പോഴാണ് എന്റെ ഫോണിൽ ഒരു മെസ്സേജ് വന്നത്. അത് വായിച്ച് ചിരിച്ചോണ്ട് ഞാൻ നോക്കിയത് ശിവറാമിന്റെ മുഖത്തേക്ക്. “ലവർ ആണോ..??” “എന്തെ.. ലോവേഴ്സ് മാത്രേ മെസ്സേജ് അയക്കവു എന്നുണ്ടോ..?” “തന്റെ മുഖം കണ്ടപ്പോൾ അങ്ങനെ തോന്നി..” “അധികം മുഖലക്ഷണം നോക്കാൻ നിൽക്കണ്ട.. പോവാൻ നോക്ക്..” “എനിക്കൊരു കാന്താരി പെണ്ണിനെ കെട്ടനാണ് ആഗ്രഹം..” “ദേ.. അവിടെ ചോദിച്ചു നോക്ക് പെണ്ണുണ്ടോ എന്ന്..” എവിടെ എന്നും ചോദിച്ചു ആളു ചുറ്റും നോക്കാൻ തുടങ്ങി. “ദേ.. അവിടെ.. അത് ഒരു കൊല്ല ആണ്.. കാന്താരി ഉണ്ടാകുന്ന ചെടി.. പെൺ കാന്താരിയും ആൺ കാന്തരിയുമോക്കെ ഉണ്ടാവും.. ഇഷ്ടമുള്ളതിനെ ചൂസ്‌ ചെയ്തോ..” അതും പറഞ്ഞു ഞാൻ ചിരിച്ചപ്പൊഴാണ് ആൾക്ക് ഞാൻ പുള്ളിയെ ആകിയതാണെന്ന് മനസ്സിലായത്.. “വീണ്ടും കാണാം..” “താല്പര്യമില്ല..” “സാരമില്ല.. ഞാൻ താൽപര്യം ഉണ്ടാക്കിക്കൊളാം..” “ബുദ്ധിമുട്ടാവും..” “എനിക്ക് ഒരു ബുദ്ധിമുട്ടുമില്ല..” “തനിക്കല്ല.. എനിക്ക്….” “കഴുത്തിന് ചുറ്റും നാവ് ആണല്ലേ..” “അല്ലല്ലോ.. എന്റെ വായിൽ മാത്രേ നാക്കുള്ളൂ… കണ്ണിനു എന്തോ കുഴപ്പമുണ്ട് കേട്ടോ.. ഒന്ന് നോക്കിച്ചേക്ക്..” “നോക്കാം.. ഇപ്പൊ ഞാൻ പോട്ടെ..” “ആട്ടെ..” അപ്പോഴേക്കും അഭിരാം ചേട്ടൻ വണ്ടി സ്റ്റാർട്ട് ചെയ്തിരുന്നു. എന്നെ നോക്കി ഒന്ന് കൂടി ചിരിച്ചിട്ട് ശിവറാം ഇറങ്ങിപ്പോയി. അമ്മ വന്നപ്പോൾ അമ്മയോട് കഥകളെല്ലാം പറഞ്ഞു കുറെ ചിരിച്ചു. ദിവസങ്ങൾ കടന്നു പോയപ്പോൾ അയാളെയും മറന്നു.

അന്ന് അവർ കാണാൻ വന്ന പെണ്ണ് സുരേന്ദ്രൻ അങ്കിളിന്റെ മോള് ഗാഥ ചേച്ചിയുടെ കല്യാണം വേറെ ഒരു ചേട്ടനുമായി നടന്നു. മറ്റെ ആലോചന അവർക്ക് ഇഷ്ടമായില്ല പോലും. രണ്ടു മൂന്നു വർഷങ്ങൾ കടന്നു പോയി. ജോലി കിട്ടിയിട്ട് മതി കല്യാണം എന്ന എന്റെ വാശിക്ക് അന്ത്യം എന്ന പോലെ എനിക്ക് ജോലി കിട്ടി. അതും സർകാർ ഉദ്യോഗം. എന്റെ നാട്ടിൽ തന്നെ കളക്ട്രേറ്റിൽ ക്ലർക്ക് ആയിട്ട്. രണ്ടു മൂന്നു മാസം ജോലി ആയി കടന്നു പോയപ്പോൾ ആണ് വീണ്ടും കല്യാണം എന്നത് ഒരു ചോദ്യചിഹ്നം പോലെ മുന്നിൽ വന്നു നിന്നത്. അതിന്റെ വളവ് നിവർക്കാൻ പല വഴി നോക്കിയിട്ടും ഒന്നും നടന്നില്ല. അവസാനം പെണ്ണ് കാണലിന് സമ്മതിച്ചു. ഏറ്റവും അടുത്ത ഞായറാഴ്ച തന്നെ പെണ്ണ് കാണാൻ ആളെത്തി. അച്ഛനും അമ്മയും അമ്മാവനും കൂടി ആണ് വന്നത്. പയ്യന് ഇന്ന് എന്തോ വേറെ അത്യാവശ്യം ഉണ്ടത്രേ. ചെക്കന്റെ പേര് ശിവ. അഡ്വക്കറ്റ് ആണ്. ഒരു ചേട്ടൻ ഉണ്ട്. വിവാഹം കഴിഞ്ഞ് ഭാര്യയും കുഞ്ഞുമായി കാനഡയിൽ ആണ്. ചേട്ടൻ ഡോക്ടറും ചേച്ചി നഴ്സും. വലിയ റിച്ച് ഫാമിലി. പൊന്നും പണവും ഒന്നും വേണ്ട. പെൺകുട്ടിയെ മതി എന്ന് ചെക്കന്റെ വീട്ടുകാർ പറഞ്ഞപ്പോൾ തൊട്ടു എന്തോ ഒരു അപാകത പോലെ. മോൾക്ക് കാണാൻ ഫോട്ടോ വല്ലതും ഉണ്ടോ എന്ന് ചോദിച്ചപ്പോൾ നേരിട്ട് കണ്ടാൽ മതി എന്ന അവന്റെ അഭിപ്രായം എന്നു കൂടി അമ്മ പറഞ്ഞതോടെ എന്റെ സംശയം ബലപ്പെട്ടു. എന്റെ വീട്ടുകാർ നേരത്തെ പയ്യനെ കണ്ടതിനാലും എല്ലാം കൊണ്ടും നല്ല ആലോചന ആയതിനാലും നിശ്ചയം ഇല്ലാതെ നേരെ കല്യാണം ആയിരുന്നു. താലി കഴുത്തിൽ വീണപ്പോൾ കണ്ണടച്ചു ഭയങ്കര പ്രാർത്ഥന ആയിരുന്നു. അതിനു മുന്നേ നോക്കാൻ ശ്രമിക്കുമ്പോൾ എല്ലാം അങ്ങേരു വേറെ എവിടെയോ നോക്കി ഇരിക്കും. എനിക്ക് മുഖം തരുന്നില്ല. ശരിക്കും പറഞ്ഞാൽ വിവാഹ പന്തലിൽ എനിക്ക് സിന്ദൂരം തൊട്ടു തരുമ്പോൾ ആണ് ഞാൻ ആളെ കണ്ടതെന്ന് സാരം. ആ മുഖം കണ്ടപ്പോൾ എവിടെയോ കണ്ട് മറന്നത് പോലെ തോന്നി. ഞാൻ വീണ്ടും നൊക്കവെ അങ്ങേർ എന്നെ സൈറ്റഡിച്ച് കാണിച്ചു. ഞാൻ വേഗം തല താഴ്ത്തി. ഒരു ചിരിയോടെ പുള്ളി എന്നെ നോക്കുന്നത് ഇടം കണ്ണിട്ടു ഞാൻ കാണുന്നുണ്ടായിരുന്നു. കഴിക്കുമ്പോഴും ഫോട്ടോ എടുക്കുമ്പോഴുമെല്ലാം ഞാൻ ആ മുഖം എവിടെ വെച്ചാണ് കണ്ടതെന്ന് ഓർക്കുകയായിരുന്നു. ഇറങ്ങാൻ നേരം ആണ് ചിന്തയിൽ നിന്ന് ഉണർന്നത്. അച്ഛനെയും അമ്മയെയും കെട്ടിപ്പിടിച്ചു കരഞ്ഞു. അപ്പോഴേക്കും ആള് വന്നു എന്നെ കാറിൽ കയറ്റിയിരുന്നു. കാർ മുന്നോട്ട് പോകവേ “ഹേയ് കാന്താരി.. എന്നെ ഓർമയുണ്ടോ” എന്ന ചോദ്യം കേട്ട് ഞാൻ ഞെട്ടി മുന്നോട്ട് നോക്കി. ഡ്രൈവിംഗ് സീറ്റിൽ നിന്നും ഒരു തല എന്നെ നോക്കി ചിരിക്കുന്നു. “അഭിരാം ചേട്ടൻ..” അമ്പരപ്പോടെ എന്റെ വായിൽ നിന്നും ആ പേര് വീണത് കേട്ട് ചേട്ടനും എന്നെ നോക്കുന്നുണ്ടായിരുന്നു. “അപ്പോ എന്നെ മറന്നില്ല അല്ലേ.. എന്റെ പേരും..” “ഇല്ലാ ചേട്ടാ.. ഞാൻ ഗാഥ ചേച്ചിയെ കാണുമ്പൊൾ ഒക്കെ ചേട്ടൻ ചേച്ചിയെ പെണ്ണ് കാണാൻ വന്നത് ഓർക്കും.. ” ഞാൻ ചിരിയോടെ പറഞ്ഞതും ചേട്ടനും ചിരിച്ചു. “അല്ല ചേട്ടാ.. ചേട്ടന്റെ അനിയൻ ഇപ്പൊ എന്ത് ചെയ്യുവാ..? പണ്ടത്തെ പോലെ പെൺകുട്ടികളുടെ നാവിന്റെ എണ്ണം നോക്കി നടക്കുവാണോ..?” എന്റെ ചോദ്യം കേട്ട് ചേട്ടൻ തലയറഞ്ഞ് ചിരിക്കുന്ന കണ്ട് ഞാൻ നോക്കിയപ്പോൾ കോ ഡ്രൈവർ സീറ്റിലേ ചേച്ചിയും എന്നെ നോക്കി ചിരിക്കുന്നു. “മോളേ.. ഇത് എന്റെ ഭാര്യ ആണ്.. പൂജ..” എന്റെ നോട്ടം കണ്ട് ചേട്ടൻ എനിക്ക് ചേച്ചിയെ പരിചയപ്പെടുത്തി. “പിന്നെ മോളുടെ അടുത്തിരിക്കുന്ന ആളില്ലെ.. അതാ എന്റെ അനിയൻ.. ശിവ.. ശിവറാം..” അത് കേട്ട് ഞെട്ടലോടെ ഞാൻ എന്റെ അടുത്തിരുന്ന ആളെ നോക്കി. സത്യം പറഞ്ഞാല് അഭിരാം ചേട്ടനെ കണ്ടപ്പോൾ ഇങ്ങനെ ഒരാളും കൂടെ അടുത്ത് ഉള്ളതായി ഞാൻ മറന്നു പോയിരുന്നു. ദേഷ്യം നിറഞ്ഞ മുഖത്തോടെ എന്നെ നോക്കുന്ന ആ മനുഷ്യനെ കണ്ട് നിന്ന നില്പിൽ ആവി ആയി പോയിരുന്നെങ്കിൽ എന്നു ഞാൻ ആത്മാർത്ഥമായി ആഗ്രഹിച്ചു.

എന്റെ നോട്ടം കണ്ട് കഴുത്ത് വെട്ടിതിരിച്ച് പുറത്തേക്ക് നോക്കി ആളിരുന്നു. ആ കഴുത്ത് വെട്ടികലിൽ കഴുത്തിന് എന്തേലും പറ്റിയോ എന്ന ചിന്തയിൽ ഞാനും. “ഇറങ്ങു.. വീടെത്തി..” ഡോർ തുറന്നു പൂജെച്ചി പറഞ്ഞപ്പോൾ ആണ് ഞാൻ മയക്കത്തിൽ നിന്ന് ഉണർന്നതു. എന്നെ കെട്ടിയ ആൾ ആദ്യമേ വീടിന്റെ പടിക്കൽ എത്തിയിട്ടുണ്ട്. എന്നെ നോക്കി നിൽക്കുകയാണ്. അങ്ങനെ സംഭവ ബഹുലമായി നിലവിളക്കിന്റെ തിരി കെടാതെ ഞാൻ ആ വീട്ടിലേക്ക് വലതു കാൽ വച്ച് കയറി. വിരുന്നുകാർ എല്ലാരും പോയി അത്താഴത്തിന് വീട്ടുകാർ മാത്രമായപ്പോൾ എന്നെ വിവാഹം കഴിക്കാൻ വേണ്ടി ഒറ്റക്കാലിൽ നിൽക്കുവായിരുന്നു എന്നു അമ്മായി അമ്മ പറഞ്ഞത് കേട്ട് ഞാൻ പുള്ളിയെ നോക്കിയപ്പോൾ ആള് ആരെയും നോക്കാതെ ഭക്ഷണം കഴിച്ച് കഴിഞ്ഞ് മുറിയിലേക്ക് പോയി. അപ്പോഴും എനിക്ക് മാത്രം കാണാവുന്ന ഒരു പുഞ്ചിരി ആ ചുണ്ടുകളിൽ തങ്ങി നിൽക്കുന്നുണ്ടായിരുന്നു. “മോളേ അവനു ഒരുപാട് ഇഷ്ടമാണ്.. നിന്നെ വിവാഹം കഴിക്കാൻ വേണ്ടി മാത്രം ആണ് ഉഴപ്പി നടന്ന അവൻ നന്നായി പഠിച്ചു അഡ്വക്കറ്റ് ശിവറാം എന്ന നിലയിൽ എത്തിയത്.. മോൾക്ക് അവനെ ഇഷ്ടമാകും.. പാവമാണ്.. ” പാൽ ഗ്ലാസ് കയ്യിൽ തരുന്നതിന് ഇടയിൽ അമ്മ പറയുന്നത് കേട്ടു ഞാൻ ചിരിച്ചു. “മോൾ നല്ല വായാടി ആണെന്ന് ശിവ പറഞ്ഞു അറിയാം.. പിന്നെ മോളുടെ വീട്ടുകാരും പറഞ്ഞിട്ടുണ്ട്.. അത് കൊണ്ട് നാളെ മുതൽ ഈ പാവത്തം ഒന്നും വേണ്ട.. ആ കാന്താരി മുളക് ആയാൽ മതി കേട്ടോ..” മുറിയിലേക്ക് പോവാൻ തിരിഞ്ഞ എന്നോട് അമ്മ പറഞ്ഞു. മുറിയിൽ ചെന്നപ്പോൾ അവിടെ കട്ടിലിൽ ഇരിപ്പുണ്ട് നായകൻ. “ഞാൻ അറിയാതെ.. കാറിൽ വച്ച്.. ചേട്ടനെ കണ്ടപ്പോൾ..” എന്നെ കണ്ട് എന്റെ അടുത്തേക്ക് വരുന്നയാളേ കണ്ട് വിക്കി വിക്കി ഞാൻ പറഞ്ഞൊപ്പിക്കാൻ തുടങ്ങി. “നിനക്ക് ഇത് വരെ വിക്ക് ഇല്ലായിരുന്നല്ലോ.. എപ്പോ തുടങ്ങി..?” “അത്.. ഞാൻ..” പാൽഗ്ലാസ്സ്‌ മേശയിലേക്ക് വെച്ച് ഞാൻ വിയർപ്പ് ഒപ്പി. “ഞാൻ എത്ര പെൺകുട്ടികളുടെ നാവു എണ്ണാൻ പോയിട്ടുണ്ട്..?” ഒരു പുരികം പൊക്കി ചോദ്യഭാവത്തിൽ എന്നെ നോക്കുന്ന ആളെ കണ്ട് ഞാൻ തല താഴ്ത്തി. “ഞാൻ സ്നേഹിച്ചത് വർഷങ്ങൾക്കു മുന്നേ വാചകമടിച്ച് എന്നെ തോൽപ്പിച്ചു ഒരു കാന്താരി പെണ്ണിനെ ആണ്.. അന്ന് അവിടുന്ന് പോന്നത് മുതൽ ഈ മുഖം മനസ്സിൽ നിന്ന് പോയിരുന്നില്ല.. ഇടക്കൊക്കെ നിന്നെ വന്നു കാണാറുണ്ട് നീ അറിയാതെ തന്നെ.. പിന്നെ നിന്നെ സ്വന്തമാക്കാൻ വേണ്ടി ഉഴപ്പു കളഞ്ഞു നന്നായി പഠിച്ചു.. ജോലി ആയി.. ജോലി കിട്ടി കഴിഞ്ഞ് ആദ്യം ചെയ്തത് നിന്നെ കാര്യം വീട്ടിൽ പറയുക ആണ്.. ചേട്ടൻ കൂടി സപ്പോർട്ട് ചെയ്തതോടെ എല്ലാവരും സമ്മതിച്ചു.. അന്ന് നിന്നെ പെണ്ണ് ആലോചിച്ചു വന്നപ്പോൾ നീ ജോലി കിട്ടിയിട്ട് മതി കല്യാണം എന്നു പറഞ്ഞു ഇരിക്കുവായിരുന്നല്ലോ.. അന്നേ നിന്റെ അച്ഛനോടും അമ്മയോടും പറഞ്ഞിരുന്നു ഇനി നിനക്ക് കല്യാണം നോക്കി തുടങ്ങേണ്ട നീ കല്യാണത്തിന് സമ്മതിക്കുമ്പോൾ എനിക്ക് തന്നേക്കണം എന്ന്..” “എനിക്ക് വേറെ പ്രണയം വല്ലതും ഉണ്ടായിരുന്നെങ്കിലോ..?” മനസ്സിൽ സന്തോഷം നിറഞ്ഞിരുന്നു എങ്കിലും ഈ ചോദ്യം ആണ് പെട്ടെന്ന് വായിൽ വന്നത്. “നിനക്ക് വേറെ പ്രണയം ഒന്നും ഇല്ലെന്ന് അറിയാമായിരുന്നു പെണ്ണേ.. പിന്നെ നീ എനിക്ക് ഉള്ളതാണെന്നും..” ചിരിയോടെ എന്നെ നെഞ്ചോടു ചേർത്ത് പിടിച്ചു പറഞ്ഞു. “പിന്നെ ഇനി എന്നെ അങ്ങേരു, പുള്ളി, ആള് എന്നൊന്നും വിളിക്കണ്ടാ.. ശിവെട്ടാ എന്നു വിളിച്ചാൽ മതി കേട്ടോ..” ഞാൻ മനസ്സിൽ ചിന്തിച്ചത് എങ്ങനെ ഏട്ടന് മനസ്സിലായി എന്ന് ആലോചിക്കും മുന്നേ ഏട്ടൻ പകുതി കുടിച്ച പാൽ ഗ്ലാസ് എന്നെ ഏൽപ്പിച്ചിരുന്നു. “എന്റെ കാന്താരി.. നീ ചിന്തിക്കുന്നത് എനിക്കല്ലതെ വേറെ ആർക്കാണ് പെണ്ണേ മനസ്സിലാവാത്തത്..? രാവിലെ എന്നെ കണ്ടപ്പോൾ തുടങ്ങിയ ചിന്തയല്ലെ.. ബാക്കി നമുക്ക് പിന്നെ ചിന്തിക്കാം.. ഇപ്പൊ കുറച്ചു പണി ഉണ്ട്..” നിറഞ്ഞ ചിരിയോടെ ഏട്ടൻ എന്നെയും കൊണ്ട് കട്ടിലിലേക്ക് വീഴുമ്പോഴും എന്റെ മനസ്സ് സന്തോഷം കൊണ്ട് നൂലില്ല പട്ടം പോലെ പാറി പറക്കുകയായിരുന്നു.

ഇഷ്ടമായെങ്കിൽ ലൈക്ക് കമന്റ് ചെയ്യണേ

Advertisement

Relationship

പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ വിവാഹം കഴിഞ്ഞു ഇത്രേം മാസമല്ലേ ആയുള്ളൂ…

Published

on

By

രചന: Unni K Parthan

#ഇനിയും.. “പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ.. വിവാഹം കഴിഞ്ഞു ഇത്രേം മാസമല്ലേ ആയുള്ളൂ.. ഏട്ടന്റെ അമ്മയും അച്ഛനുമൊക്കെ ന്ത് വിചാരിക്കും..” ദേവികയുടെ ചോദ്യം കേട്ട് നിഖിൽ ചിരിച്ചു.. “നീ പഠിക്കാൻ പോകുന്നതിനു അവർക്ക് ന്താ ന്നേ… മാത്രല്ല നീ എന്റെ ഭാര്യയല്ലേ.. എന്റെ ഭാര്യ എന്ത് ചെയ്യണമെന്ന് ഞാൻ അല്ലെ തീരുമാനിക്കേണ്ടത്..” നിഖിൽ പറഞ്ഞത് കേട്ട് ദേവിക ഒന്ന് പതറി.. “അറിയാലോ ഏട്ടാ.. വീട്ടിലേ സാഹചര്യം.. മാത്രമല്ല നമ്മുടെ ലവ് മാര്യേജ് ആണ്.. ഏട്ടന്റെ അമ്മയ്ക്ക് ഒട്ടും താല്പര്യമില്ലായിരുന്നു എന്നേ.. ഏട്ടന്റെ നിർബന്ധം കൊണ്ടല്ലേ.. ഞാൻ ഈ വീട്ടിൽ വലതു കാൽ വച്ചു കയറിയത്..” ദേവികയുടെ ശബ്ദം ഇടറി.. “എനിക്ക് വിശക്കുന്നു.. നീ കഴിക്കാൻ എടുത്തു വെച്ചേ.. ഞാൻ കുളിച്ചിട്ട് താഴേക്ക് വരാം.. നേരത്തെ ഉറങ്ങണം.. രാവിലെ നേരത്തെ എണിക്കണം എനിക്ക്..” കൂടുതൽ ഒന്നും പറയാതെ നിഖിൽ.. ബാത്‌റൂമിലേക്ക് നടന്നു.. ദേവിക എഴുന്നേറ്റു താഴേക്ക് ചെന്നു.. “നിഖിൽ എവിടെ മോളേ..” പത്മാവതി ദേവികയോട് ചോദിച്ചു.. “കുളിക്കാൻ കേറി.. കഴിക്കാൻ എടുത്തു വെയ്ക്കാൻ പറഞ്ഞു ഏട്ടൻ..” “മ്മ്.. മോള് ഇങ്ങോട്ട് ഇരുന്നേ..” സെറ്റിയിൽ തനിക്കു അരികിലേക്ക് പത്മാവതി ദേവികയേ വിളിച്ചു.. “ന്തേ.. പഠിക്കാൻ പോണുണ്ടോ എന്നിട്ട്..” പത്മാവതിയുടെ ചോദ്യം കേട്ട് ദേവിക ഒന്ന് ഞെട്ടി… “കൃഷ്ണാ.. കൊല്ലാൻ ആണോ വളർത്താൻ ആണോ..” ദേവിക മനസ്സിൽ ചോദിച്ചു.. “അത് പിന്നേ…” ദേവിക വിക്കി.. ”

മോൾക്ക് ഇപ്പോളും എന്നേ മോളുടെ അമ്മയായി കാണാൻ കഴിഞ്ഞിട്ടില്ല ല്ലേ..” പത്മാവതിയുടെ ചോദ്യം കേട്ട് ദേവിക ഒന്ന് പിടിഞ്ഞു.. “ന്തേ..അമ്മ അങ്ങനെ ചോദിച്ചത്..” “അമ്മയേ മാത്രം അല്ല അച്ഛനേയും മോൾക്ക്‌ അങ്ങനെ കാണാൻ കഴിഞ്ഞിട്ടില്ല ലോ..” ഹരി ദേവികയേ നോക്കി പുഞ്ചിരിച്ചു കൊണ്ട് ചോദിച്ചു.. ദേവിക നിന്നിടത്തു നിന്ന് ഉരുകി.. “മോളേ..” പത്മാവതിയുടെ വിളി കേട്ട് ദേവിക തലയുയർത്തി നോക്കി.. “ഈ വിവാഹത്തിന് ഇഷ്ടകുറവ് ഉണ്ടായിരുന്നു എന്നുള്ളത് സത്യം.. പക്ഷെ.. ഈ വീട്ടിൽ വലതു കാൽ വെച്ച് കയറിയതു മുതൽ ഇന്ന് വരെയുള്ള ഈ നിമിഷം വരെ ഞങ്ങൾക്ക് മോള്.. ഞങ്ങളുടെ മോളാണ്.. ഇനി എന്നും മുന്നോട്ട് അങ്ങനെ തന്നേയായിരിക്കും.. പൊരുത്തപെടൽ മോൾക്ക് അൽപ്പം ബുദ്ധിമുട്ട് ഉള്ള കാര്യം ആണെന്ന് മനസിലായി.. പക്ഷെ.. മോള് പേടിക്കേണ്ട മോളേ ഞങ്ങൾക്ക് ഇഷ്ടാണ്.. ഞങ്ങൾ പറഞ്ഞിട്ടാണ് മോളോട് തുടർന്നു പഠിക്കാൻ മോൻ പറഞ്ഞത്.. കാരണം മോൾക്ക്‌ മുന്നിൽ ഒരു നല്ല ഭാവിയുണ്ട്.. ഇത്രേം നാളും കഷ്ടപാടുകൾക്ക് ഇടയിൽ നിന്നും പട വെട്ടി പൊരുതി നേടിയത് എല്ലാം ഒരു സുപ്രഭാതം കൊണ്ട് ഇല്ലാതാക്കണ്ട ന്നേ..

ഇനി മോൾക്ക്‌ കഷ്ടപാടുകൾ ഉണ്ടാവില്ല.. ഇന്ന് നിഖിലിന്റെ ഭാര്യ എന്ന് അറിയപ്പെടുന്ന മോള് കാലം കൊറേ കഴിയുമ്പോൾ ദേവികയുടെ ഭർത്താവാണ് എന്നുള്ള നിലയിലേക്കുള്ള വളർച്ചയുണ്ടാകും.. വിവാഹം ഒന്നിന്റെയും അവസാനമല്ല തുടക്കമാണ്.. പുതിയ ജീവിതവും പുതിയ ചുറ്റുപാടും.. അതിലെ പുതിയ അനുഭവങ്ങളും എല്ലാം മോൾക്ക് കരുത്തു നൽകുന്നത് മാത്രമാവും.. നാളേയുടെ പുലരികൾ.. ഞങ്ങൾ മോൾക്ക് വെളിച്ചമായ് മുന്നിൽ ഉണ്ടാവും.. കാലം മോൾക്ക് മുന്നിൽ കാത്തു വെച്ച നിധിയെന്ന സ്വപ്നം.. മോളുടെ ഭാവി.. എല്ലാം ഇനി ഭദ്രമായിരിക്കും.. പത്മാവതി പറഞ്ഞു നിർത്തി.. ദേവിക ഇരു കൈയ്യും കൂപ്പി പൊട്ടി കരഞ്ഞു.. “കരയല്ലേ പെണ്ണേ.. നീ ചിരിക്കാൻ നോക്ക്..” ഹരി പറഞ്ഞത് കേട്ട് ദേവിക ചിരിച്ചു.. ചുമരിൽ കൈയ്യും കെട്ടി തന്നെ നോക്കി നിൽക്കുന്ന നിഖിലിനെ നോക്കി ദേവിക ചിരിച്ചു.. മിഴികൾ സന്തോഷം കൊണ്ട് നിറഞ്ഞു… ശുഭം..

Continue Reading

Relationship

അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി…

Published

on

രചന: Seema Binu

പ്രണയം വരും വഴി “ങാ അഖീ പറ ” തോളിനും ചെവിക്കുമിടയിൽ ഫോണും പിടിച്ചു സംസാരിച്ചുകൊണ്ട് രണ്ടു് കയ്യിലും സാധങ്ങളുമായി വിദ്യ ഊണുമുറിയിലേയ്ക്ക് വന്നു . “ഹരിയേട്ടാ അവിടെ മേശപ്പുറത്ത് കഴിക്കാനുള്ളതും ടിഫിനും വച്ചിട്ടുണ്ട് . ഞാൻ പിള്ളേരെ എഴുന്നേൽപ്പിച്ചു സ്കൂളിൽ വിടാൻ നോക്കട്ടെ .” കഴിക്കാനായി വന്ന ഹരിയോട് അത്രയും പറഞ്ഞു കയ്യിലെ വെള്ളം ഇട്ടിരുന്ന നെറ്റിയിൽ തുടച്ചു ഫോണിൽ സംസാരിച്ചുകൊണ്ടു തന്നെ വിദ്യ അകത്തേയ്ക്ക് പോയി . ഇവൾക്കിപ്പോൾ എന്നോടു സംസാരിക്കാനോ എന്റെ കാര്യം നോക്കാനോ തീരെ സമയമില്ല . എന്തു പറഞ്ഞാലും ഒരു അഖി .. വിദ്യയുടെ പെരുമാറ്റം ഹരിയേ ചൊടിപ്പിച്ചു . അപ്പോഴേയ്ക്കും ഹരിക്കു കൊണ്ടുപോകാനുള്ള ബാഗുമായി വിദ്യയെത്തി . “നിനക്കെന്താ വിദ്യേ എന്നേ കണ്ണിൽ പിടിക്കുന്നില്ലേ ? നീ എന്നോടൊന്ന് ശരിക്കും സംസാരിച്ചിട്ട് എത്ര നാളായെന്നറിയാമോ ? എപ്പോൾ നോക്കിയാലും ഫോണിൽ തന്നെ .” അവൾ ഒരു നിമിഷം നിശബ്ദയായി . “അതിന് ഹരിയേട്ടൻ എപ്പോഴാ എന്നോട് സംസാരിച്ചിട്ടുള്ളത് ? പിന്നാലെ നടന്ന് എന്തെങ്കിലും പറഞ്ഞാൽ തന്നെ ഒന്നു നിർത്തുന്നുണ്ടോ എന്ന് പറഞ്ഞ് ഒച്ച വയ്ക്കും . ഞാനുമൊരു മനുഷ്യ ജീവിയല്ലേ ? എന്നേ കേൾക്കുന്ന ആരോടെങ്കിലും ഞാനും സംസാരിക്കട്ടെന്നേ ” “നിന്റെ ശബ്ദത്തിനെന്താ പതിവില്ലാത്തൊരു കടുപ്പം ?” ഹരിയുടെ ചോദ്യത്തിന് മറുപടി പറയാതെ അവൾ കുട്ടികളേ ഉണർത്താൻ പോയി . ശബ്ദത്തിന് കടുപ്പം പോലും ..

വെളുപ്പിന് അഞ്ചു മാണിക്കു തുടങ്ങുന്ന അങ്കമാ . എന്തെങ്കിലും ഒന്നു സഹായിക്കാൻ പറഞ്ഞാൽ അപ്പോൾ പറയും ഞങ്ങൾ അഞ്ചു മക്കളുടേം അച്ഛന്റേം പിന്നെ വീട്ടിലെ എല്ലാ പണീം ചെയ്തിട്ടും എന്റമ്മ ഒരു പരാതീം പറഞ്ഞിരുന്നില്ലല്ലോ എന്ന് .അതുപോലാണോ എനിക്ക് എന്നെങ്ങാനും പറഞ്ഞു പോയാൽ ഉടൻ വരും നിനക്ക് ജോലിയുണ്ടെന്നുള്ള അഹങ്കാരമാ എന്ന് .. അവൾക്ക് ദേഷ്യം വന്നു . വിദ്യ കുട്ടികളേ എഴുനെല്പിച്ചു റെഡിയാക്കി എങ്ങനെയൊക്ക്വയോ ബ്രേക്ക് ഫാസ്റ് കഴിപ്പിച്ചു സ്കൂൾ ബസിൽ കയറ്റി വീട്ടു . ഹരിയും കുട്ടികളും പോയപ്പോൾ അവൾ ടീ വി ഓണാക്കി സൗണ്ട് കുറച്ചു വച്ചു .ഫോൺ എടുത്തു നോക്കിയപ്പോൾ ഹരീടെ പെങ്ങളുടെ മൂന്നു മിസ്ഡ് കോൾ .. .അവൾ ഹിമയുടെ നമ്പർ ഡയൽ ചെയ്തു . ആദ്യത്തെ റിങ്ങിൽ തന്നെ ആള് ഫോണെടുത്തു . “നീ ഇത് എവിടെയാ വിദ്യേ ? എത്ര നേരം കൊണ്ട് ഞാൻ വിളിക്കുവാ ?” “അനിയന്റെ ദേഷ്യം അങ്ങോട്ടും പകർന്നോ ?”വിദ്യ ശബ്ദമില്ലാതെ ചിരിച്ചു . “നീ ഇന്നു ഓഫീസിൽ പോയില്ലേ ? “ഇല്ല ചേച്ചീ .. ഇന്നൊരു ലീവെടുത്തു . എന്റെ കൂടെ വർക്കു ചെയ്യുന്ന ഒരാളുടെ ബെർത്ത് ഡേ യാ . അതിനൊന്നു പോകണം ” “ലീവെടുത്തു പോകാനും മാത്രം ഇതാരാ ഇത്ര വല്യ ആള് ? അഖിയാണോ ??” “ങേ !!! ചേച്ചിക്ക് എങ്ങനെ മനസിലായി ?” “ങ ചേച്ചിക്കു പലതും മനസ്സിലാവുന്നുണ്ട് .

എന്താ വിദ്യേ നിന്റെ ഉദ്ദേശം ?” കുറച്ചു നേരം വിദ്യ ഒന്നും മിണ്ടിയില്ല . “ചേച്ചിക്ക് എന്താ അറിയേണ്ടത് ?” “ആരാ ഈ അഖി ? അയാളുമായി നിനക്കെന്താ ബന്ധം ?” “ഓ ഇത്രേയുള്ളോ ? അഖി .. അഖി എന്റൊപ്പം വർക്ക് ചെയ്യുന്ന വിവാഹമോചനം ഒക്കെ കഴിഞ്ഞ നല്ല സ്വീറ്റ് ആയ ഒരാൾ .. അഖിയെ എല്ലാർക്കും ഇഷ്ടമാ .. എനിക്കും . അഖി അടുത്തുള്ളപ്പോൾ ഞാൻ ഹാപ്പിയാ ചേച്ചീ …. ” “വിദ്യേ .. നീ … നീയെന്തൊക്കെയാ ഈ പറയുന്നത് എന്ന് നിനക്കു വല്ല ബോധവുമുണ്ടോ ? ഇതൊക്കെ ഹരി അറിഞ്ഞാൽ എന്തായിരിക്കും ഉണ്ടാവുക എന്നു വല്ലോം നീ ചിന്തിച്ചിട്ടുണ്ടോ ?? “ഹരിയേട്ടന് അറിയാല്ലോ ഞങ്ങളടെ ഫ്രണ്ട്ഷിപ്പിനെ പറ്റി .” വിദ്യ വാക്കുകളിൽ ദുഃഖത്തിന്റെ മേമ്പൊടിയിട്ടു. “ചേച്ചിക്കറിയാമോ വിവാഹം കഴിഞ്ഞുള്ള ഉപാധികളില്ലാത്ത പ്രണയത്തോടായിരുന്നു ബാലൻമാഷിന്റ മകൾക്കു പ്രണയം .. മനസിലും ശരീരത്തിലും ഒരാളേ മാത്രം നിറച്ചു ആ ആളിന്റെ രണ്ടു് മക്കളെ പ്രസവിച്ച എനിക്ക് പക്ഷേ ഈ പതിമൂന്നു വർഷങ്ങൾക്കിപ്പുറവും അറിയില്ല എന്താണ് പ്രണയമെന്ന് ?? ഞാനുമൊരു മനുഷ്യ സ്ത്രീ തന്നെയല്ലേ ? ഇനി എന്തിന്റെ പേരിലായാലും അഖിയുമായുള്ള സൗഹൃദം വേണ്ടെന്നു വയ്ക്കാൻ ഞാൻ തയ്യാറല്ല ചേച്ചീ ..” “എടീ ബാലൻ മാഷിന്റെ മോളേ…എന്റെ അനിയൻ കെട്ടിക്കൊണ്ടു വരുമ്പോഴല്ല നിന്നേ ഞാൻ ആദ്യമായി കാണുന്നത് കേട്ടോ . എന്തായാലും ഞാനൊന്നു കാണുന്നുണ്ട് നിന്റെയീ അഖിയേ . നിന്നെയൊക്കെ നേർവഴിക്ക് നടത്താൻ പറ്റുമോന്ന് ഞാനൊന്ന് നോക്കട്ടെ .” അടുത്ത ദിവസം തന്നെ ഹിമയുടെ കോൾ ഹരിക്ക് ചെന്നു . “ഹരീ പ്രശ്നം നമ്മള് കരുതിയതിലും സീരിയസ് ആണ് കേട്ടോ . നി ഇപ്പൊഴും നമ്മുടെ അച്ഛനെ റോൾ മോഡലാക്കി ഇരുന്നോ .ഇതു പണ്ടത്തെ കാലമൊന്നുമല്ല . അവളും ഈ പറഞ്ഞ അഖിയും ട്രാൻസ്ഫെറിന് ട്രൈ ചെയ്യുന്നെന്നാ കേട്ടത് .അവൾ അവളുടെ പാട്ടിനു പോകും . പോകട്ടെ അതാ നല്ലത് .. പറയുന്നത് കൊണ്ടൊന്നും തോന്നല്ലേ ഹരീ .. അവളേ പ്പോലൊരു പെണ്ണിനേ നീ അർഹിക്കുന്നില്ല .

അതാ സത്യം .” അപ്പുറത്ത് ഫോൺ കട്ടാകുന്ന ശബ്ദം കേട്ടിട്ടും അനങ്ങാനാവാതെ ഇരുന്നു ഹരി . സമയം കളയാതെ വീട്ടിലേയ്ക്ക് തിരിച്ചു . വീട്ടിലെത്തിയ ഹരി കാണുന്നത് എവിടേക്കോ പോകാൻ തയ്യാറായി പുറത്തേയ്ക്ക് വരുന്ന വിദ്യയെയാണ് . ഇവളിതെങ്ങോട്ടാ കെട്ടിയൊരുങ്ങി ??ഓർത്തത് അങ്ങനെയാണെങ്കിലും ചോദിച്ചത് മറ്റൊന്നാണ് . “ങേ. അടിപൊളിയാണല്ലോ .. എങ്ങോട്ടാ യാത്ര ??” ഹരീടെ ചോദ്യത്തിൽ കിളിപോയി നിന്നു വിദ്യ . “എന്താ ?” “അല്ല സാരിയൊക്കെ ഉടുത്ത് സുന്ദരി ആയിട്ട് എങ്ങോട്ടാണെന്ന് ചോദിച്ചതാ ” “അത് .. അത് കുറച്ചു സാധനങ്ങൾ വാങ്ങണം . പിന്നെ ഒരു ഫ്രണ്ടിന്റെ ബെർത്ഡേയാ .. അതിനും ഒന്നു പോകണം .” “വരാൻ വൈകുമോ ? പിക് ചെയ്യാൻ ഞാൻ വരണോ ?” വിദ്യയ്ക്ക് വീണ്ടും ഞെട്ടൽ .. “ഓ വേണ്ട … ഞാനിങ്ങു വന്നോളാം . പിന്നെ കുട്ടികൾ വരുമ്പോൾ ചായേം സ്നാക്സും എടുത്തു കൊടുക്കണേ ..” അവൾ പോകുന്നതു ഹരി നോക്കി നിന്നു . അവളുടെ ഉള്ളിൽ എന്താണെന്ന് ഒരു പിടിയും കിട്ടുന്നില്ലല്ലോ . ഇനി ചേച്ചി പറഞ്ഞതു പോലെ എന്തെങ്കിലും ??? ഏയ് .,,എങ്കിലും ഈയിടെയായി അവൾ തന്നേ അവഗണിക്കുന്നുണ്ടോന്നൊരു സംശയം .. തോന്നലാവും .. കുട്ടികൾ വന്നിട്ട് കുറച്ചു നേരം കൂടി കഴിഞ്ഞാണ് വിദ്യ എത്തിയത് . “ബെർത്ത് ഡേ പാർട്ടി എങ്ങെനെ ഉണ്ടായിരുന്നു ? എല്ലാവരും കൂടി അടിച്ചു പൊളിച്ചോ ?” ഹരിയുടെ ചോദ്യമാണ് അവളേ വരവേറ്റത് .അങ്ങനൊരു ചോദ്യം ഹരിയിൽ നിന്ന് പ്രതീക്ഷിച്ചില്ല . അതുകൊണ്ടുതന്നെ മറുപടി പറയാൻ ഇത്തിരി വൈകി . “എല്ലാവരുമൊന്നുമില്ല ..

ഞാനും അഖിയും മാത്രമുള്ളോരു കുഞ്ഞാഘോഷം .. പിന്നെ പാലട ഇഷ്ടമാണെന്നും പറഞ്ഞ് അതു വാങ്ങി വച്ചിരുന്നു . ഞാൻ ചെന്നിട്ട് അതുണ്ടാക്കി . ഒരു കേക്കും മുറിച്ചു തീർന്നു ആഘോഷം . എങ്കിലും നന്നായിരുന്നു .” “പാലടയോ ?? കൊള്ളാല്ലോ .. നീയിവിടെ പാലട ഉണ്ടാക്കിയിട്ട് ഒത്തിരി നാളായില്ലേ ?” “ഒരിക്കൽ ഞാൻ ഉണ്ടാക്കിയപ്പോൾ ഹരിയേട്ടന് ഇഷ്ടമല്ല അതുകൊണ്ട് ഇനി ഉണ്ടാക്കണ്ടാ എന്ന് പറഞ്ഞത് മറന്നു പോയോ ?” “അത് .. അതു പോട്ടെ . ഈ പറഞ്ഞ അഖിക്ക് ഇഷ്ടമാണോ ഈ വക സാധനങ്ങളൊക്കെ ?” “അഖിക്കല്ല .. എനിക്കിഷ്ടമാണെന്നറിഞ്ഞ് വാങ്ങിയതാ ” വിദ്യ അകത്തു കയറി പ്പോയിട്ടും ഹരി അതേ നിൽപ്പു നിന്നു . നിന്റെ ഇഷ്ടങ്ങളൊക്കെ അങ്ങു നിന്റെ വീട്ടിൽ . ഇവിടെ ഞാൻ പറയുന്നത് ഉണ്ടാക്കിയാൽ മതി …പണ്ടെന്നോ പറഞ്ഞ വാക്കുകൾ ഓർത്ത് ഹരിക്കു സ്വയം പുച്ഛം തോന്നി . ഒപ്പം വിദ്യയും അഖിയും മാത്രമുള്ള പാർട്ടി എന്നോർത്തൊരു അസ്വസ്ഥതയും ഹരിയേ പൊതിഞ്ഞു . വൈകിട്ട് കുട്ടികളേ പഠിപ്പിക്കാൻ ചെന്ന ഹരിയേ അവര് കണ്ടം വഴി ഓടിച്ചു . “അമ്മ ഞങ്ങളേ ഹോംവർക്ക് ചെയ്യിച്ചാൽ മതി .അച്ഛനറിയില്ല ഞങ്ങൾക്ക് പഠിക്കേണ്ടത് എന്തൊക്കെയാണെന്ന് .. ” “ആരു പറഞ്ഞു അച്ഛന് അറിയില്ലെന്ന് ?നിങ്ങൾക്കറിയാമോ അച്ഛൻ ജോലി കിട്ടുന്നതിന് മുൻപ് കുറേ നാള് പാരലൽ കോളേജിൽ പഠിപ്പിച്ചിട്ടുണ്ട് .. വന്നേ ഇന്ന് അച്ഛൻ പഠിപ്പിക്കാം . അതുമല്ല അമ്മയ്ക്ക് കിച്ചണിൽ ഒത്തിരി ജോലിയുണ്ട് ..” “അമ്മയ്ക്കെന്നും ഉണ്ടല്ലോ ഒത്തിരി ജോലി .. പിന്നെന്താ ഇന്ന് ? അച്ഛൻ പോ .ഞങ്ങളെ അമ്മ പഠിപ്പിച്ചാൽ മതി .” ഹരി മെല്ലെ ബെഡ്‌റൂമിലേക്ക് നടന്നു . വിദ്യയെ അവിടെ കാണാത്തതു കൊണ്ട് അടുക്കളയിൽ ചെന്ന് നോക്കിയപ്പോൾ ചപ്പാത്തിക്ക്‌ മാവ് കുഴയ്ക്കുന്നു . “ഇന്നെന്താ ചപ്പാത്തിയാ ? ഇങ്ങു താ . ഞാൻ ചുട്ടെടുക്കാം . നീ ചെന്ന് പിള്ളേരുടെ ഹോംവർക്ക് ചെയ്യിക്ക് ..” “വേണ്ടാ .. ” “അതു വിദ്യേ .. നിനക്കെല്ലാം കൂടി ബുദ്ധിമുട്ടാകില്ലേ ? ” വിദ്യ കുറച്ചു നേരം അനങ്ങാതെ നിന്നു . “എനിക്കു ബുദ്ധിമുട്ടൊന്നുമില്ല . ഹരിയേട്ടൻ പോയി റസ്റ്റ് എടുത്തോ . ” ഇനിയൊന്നും പറയാനില്ലാത്തതു പോലെ വിദ്യ തന്റെ ജോലി തുടർന്നു . “നീ ട്രാൻസ്ഫെറിന് ട്രൈ ചെയ്യുന്നെന്ന് ചേച്ചി പറഞ്ഞു ” “ങാ നോക്കുന്നുണ്ട് . ” “നീ പോയാൽ ഇവിടുത്തെ കാര്യങ്ങൾ ഒക്കെ എങ്ങനാ ?” “ഞാൻ ഇല്ലേലും ഇവിടെ ഒന്നും സംഭവിക്കില്ല ഹരിയേട്ടാ . അത്രയ്ക്ക് പറ്റില്ലെങ്കിൽ ഒരു ജോലിക്കാരിയെ വയ്ക്കണം . പിന്നെ രാത്രിയിലെ കാര്യത്തിന് പൈസ ഇത്തിരി കൂടുതൽ കൊടുക്കേണ്ടി വരുമായിരിക്കും .

എന്നാലും എല്ലാം നടക്കേണ്ടേ ??” “രാ ..രാത്രിയിലെ എന്തു കാര്യം ?”ഹരി നിന്നു വിക്കി . “പിള്ളേരുടെ പഠിപ്പീര് . അല്ലാതെന്താ ?അവരു ഹരിയേട്ടനെ അടുപ്പിക്കില്ലല്ലോ . അപ്പൊൾ പിന്നെ ട്യൂഷന് ആളിനേ നിർത്തണം . അവർക്ക് ഒക്കെ ഇപ്പോൾ എന്തു ഡിമാൻഡ് ആണെന്നറിയാമോ ?”അവൾ തിരിഞ്ഞു നോക്കിയപ്പോൾ ഹരി നിന്നിടം ശൂന്യം . പൊട്ടി വന്ന ചിരിയടക്കി വിദ്യ തന്റെ ജോലി തുടർന്നു . ഹരിയിൽ കാണപ്പെട്ട ചെറിയ ചില മാറ്റങ്ങൾ ഒഴിച്ചാൽ എന്നത്തേയും പോലെ വിദ്യയുടെ ആ ദിനവും പോയി മറഞ്ഞു . അടുത്ത ദിവസങ്ങളിൽ അവളേ ജോലിയിൽ സഹായിക്കാനും കുട്ടികളേ റെഡിയാക്കാനും ഒക്കെയായി ഹരി പിന്നാലെയുണ്ടായിരുന്നു . ഒന്നും പുറത്തു കാണിച്ചില്ലെങ്കിലും ഒരു കുഞ്ഞു സന്തോഷം തോന്നി അവൾക്ക് . ഒരു വെള്ളിയാഴ്ച വിദ്യ ജോലി കഴിഞ്ഞെത്തിയപ്പോൾ ഹരി മാത്രമേയുള്ളു വീട്ടിൽ . “പിള്ളേര് എന്തിയെ ? “അവൾ ഹരിയേ നോക്കി . “അതു ഞാൻ പറയാൻ വീട്ടു പോയി . ഇന്ന് അച്ഛനും അമ്മയും വന്നിട്ടുണ്ടായിരുന്നു . അവരുടെ കൂടെ പോകണമെന്ന് പിള്ളേർക്ക് ഒരേ നിർബന്ധം . പിന്നെ ഞാനും ഓർത്തു ശനിയും ഞായറുമല്ലേ . രണ്ടു ദിവസം അവിടെ നിൽക്കട്ടെ എന്ന് . ” “അവിടെ കായലും വെള്ളോമൊക്കെയുള്ളതല്ലേ .. നമ്മളില്ലാതെ അവരെ വിടേണ്ടിയിരുന്നില്ല .” “എന്റച്ഛനും അമ്മയുമില്ലേ ? എന്നേ വളർത്തിയ അവർക്കറിയില്ലേ എന്റെ പിള്ളേരെ എങ്ങനെ നോക്കണമെന്ന് ?” ങാ അതിന്റെ ഗുണം എനിക്കല്ലേ അറിയൂ . അവൾ മനസ്സിൽ പറഞ്ഞു . രാത്രിയിലേക്കുള്ള ഭക്ഷണം തയ്യാറാക്കുക ആയിരുന്ന വിദ്യയെ പിന്നിൽ നിന്നും ഹരി കെട്ടിപ്പിടിച്ചു . അവൾ ഞെട്ടിപ്പോയി . “ഹരിയേട്ടനിതെന്താ ? ഞാൻ ഇവിടെ ജോലി ചെയ്യുന്നത് കാണാൻ മേലേ ?” “അതു കൊള്ളാം എനിക്കെന്റെ ഭാര്യയേ ഒന്നു കെട്ടിപ്പിടിക്കണമെങ്കിൽ നേരോം കാലോം നോക്കണോ ?” “ആരുടെ ഉപദേശമാ ?” “എന്ത് ?” “അല്ല ഇപ്പോൾ ഈ കാട്ടിക്കൂട്ടിയത് ആരുടെ ഉപദേശമനുസരിച്ചാണെന്നാ ചോദിച്ചത് ?” “എനിക്കു നിന്നേ സ്നേഹിക്കാൻ ആരുടെയെങ്കിലും ഉപദേശം വേണോ ?” ” സ്നേഹിച്ചതാരുന്നോ ? ശീലമില്ലാത്തതു കൊണ്ടാവും എനിക്കങ്ങോട്ടു മനസിലായില്ല കേട്ടോ. സോറി ഹരിയേട്ടാ .. ” “നിന്റെ പരിഹാസം ഒക്കെ എനിക്കു മനസ്സിലാകുന്നുണ്ട് . ഞാനിനി എങ്ങനാ നിന്നേ പ്രീതിപ്പെടുത്തേണ്ടത് ? എന്റെ സ്നേഹം പോരാഞ്ഞിട്ടാണോ നീ …” “എന്തേ നിർത്തിക്കളഞ്ഞത് ? ” വിദ്യ ഹരിക്കു നേരേ നിന്നു . “ഞാനിനി മുഴുവൻ പറഞ്ഞാലേ നിനക്കു മനസിലാകൂ?” “എന്താണെങ്കിലും പറയാൻ വന്നത് മുഴുവൻ പറയെന്നേ . അല്ലാതെ ഞാൻ എങ്ങനെ അറിയും ?” “എന്നാൽ നീ അറിയണ്ടാ .” ഹരിക്ക് ദേഷ്യം വന്നു . “ഓക്കേ അത് ഹരിയേട്ടന് ഇഷ്ടമുള്ളപ്പോൾ പറഞ്ഞാൽ മതി .

ഇനി ഞാനൊരു കാര്യം പറയട്ടേ .?” എന്താണെന്നുള്ള അർത്ഥത്തിൽ ഹരി അവളേ നോക്കി . “ഞാൻ പറഞ്ഞിരുന്നില്ലേ ഞങ്ങൾ ട്രാൻസ്ഫെറിന് ട്രൈ ചെയ്യുന്നെന്ന് .” “ഞങ്ങളോ ?” “ങ ഞാനും അഖിയും .. അതു ശരിയായി .” “വിദ്യേ …”അറിയാതെ ഹരിയുടെ ശബ്ദം ഉയർന്നു . “ഹരിയേട്ടനെന്തിനാ ഒച്ചയെടുക്കുന്നത് ? ഞാൻ പറഞ്ഞു കഴിഞ്ഞില്ല . ഇപ്പോൾ അഖിക്ക് മാത്രേ ഓർഡർ വന്നുള്ളൂ . അതും ഒരു മ്യൂച്വൽ ട്രാൻസ്ഫർ . എനിക്കും താമസിയാതെ ശരിയാകുമെന്നാ സൂപ്രണ്ട് പറഞ്ഞത് . ങാ പറഞ്ഞു വന്നത് അതല്ല . നാളെ അഖി ഇങ്ങോട്ടു വരാൻ ഇരിക്കുകാരുന്നു .പോകുന്നതിനു മുൻപ് പിള്ളേരേം ഹരിയേട്ടനേം ഒന്നു കാണണം എന്ന് . ഇനിയിപ്പോൾ വരണ്ടാ എന്ന് എങ്ങനാ പറയുന്നേ ? വന്നിട്ട് പോട്ടെ .പിള്ളേരേ ഞാൻ അങ്ങോട്ടു കൊണ്ടുപോയി കാണിക്കാം അല്ലേ ? ഓഫീസിൽ വച്ചുള്ളതോന്നും പോരാഞ്ഞിട്ടായിരിക്കും ഇനി വീട്ടിലും . എന്തായാലും എന്റെ പിള്ളേരേ കൊണ്ട് നീ എവിടെ പോവില്ല. ഹരി മനസ്സിൽ ഉറപ്പിച്ചു . “ഓ വേണ്ടെങ്കിൽ വേണ്ടാ .അതു പോട്ടെ ആദ്യമായിട്ട് വരുവല്ലേ അഖി ഇവിടെ . അപ്പൊൾ ശരിക്കെന്തെങ്കിലും ഉണ്ടാക്കി കൊടുക്കണ്ടേ ? രാവിലെ പോയി കുറച്ചു നല്ല കൊഞ്ചു വാങ്ങിക്കൊണ്ടു വരണേ . അഖിക്ക് കൊഞ്ചു തീയൽ ഭയങ്കര ഇഷ്ടമാ .. ” മറുപടി പറയാതെ ഹരി തിരിഞ്ഞു മുറിയിലേയ്ക്ക് പോയി . നിന്റെ എല്ലാ കൊഞ്ചലും അവസാനിക്കാൻ പോകുവാ .. നാളെയിങ്ങു വരട്ടെ നിന്റെ മറ്റവൻ .കാണിച്ചു കൊടുക്കാം അവന് ഈ ഞാൻ ആരാണെന്ന് . ക്ഷമിക്കുന്നതിനൊക്കെ ഒരു ലിമിറ്റില്ലേ ? അടുത്ത ദിവസം രാവിലേ കോളിംഗ് ബെല്ലിന്റെ ശബ്ദം കേട്ട് ഹരി ക്ലോക്കിലേയ്ക്ക് നോക്കി . നേരം വെളുത്തില്ല അതിനു മുന്പിങ്ങെത്തിയോ ? ഈർഷ്യയോടെ വാതിൽ തുറന്ന ഹരി കണ്ടത് നല്ല ഭംഗിയായി വസ്ത്രധാരണം ചെയ്ത ഇരുപത്തഞ്ചിനും മുപ്പതിനും ഇടയിൽ പ്രായം തോന്നിക്കുന്ന ഒരു സ്ത്രീയെയാണ് . “ആരാ ?” ഹരിയുടെ ചോദ്യത്തിനുള്ള മറുപടിക്കു മുൻപ് വിദ്യ ഇറങ്ങി വന്ന് ആളിനെ അകത്തേയ്ക്ക് കൂട്ടിയിരുന്നു . “ദാ ഇതാ എന്റെ ഹരിയേട്ടൻ ” പിന്നാലെയെത്തിയ ഹരിയെ കൂട്ടുകാരിക്കു വിദ്യ പരിചയപ്പെടുത്തി . “ങാ എനിക്കറിയാം . ഫോട്ടോയിൽ കണ്ടിട്ടുണ്ടല്ലോ .” “ആളിനെ എനിക്കങ്ങോട്ട് പിടി കിട്ടിയില്ല .” ഹരി നിന്നു പരുങ്ങി . “ഞാൻ പറഞ്ഞിട്ടില്ലേ ഒരു അഖിയേ പറ്റി ?” “ഉവ്വ് . അപ്പൊൾ ഇത് അഖീടെ ??” “അഖീടെ ആരുമല്ല .

അഖി തന്നെയാ . എന്നു വച്ചാൽ അഖില .. അഖിയെന്നുള്ളത് അവളുടെ വിളിപ്പേരാ .. അല്ലേടാ ?” “ഞാൻ കരുതി ….”ഹരി എന്തു പറയണം എന്നറിയാതെ കുഴങ്ങി . “അഖി എന്റെ ബോയ് ഫ്രണ്ടാണെന്ന് അല്ലേ ?” “ഏ … ഏയ് .. അല്ല .. അതെന്തിനാ അങ്ങനെ കരുതുന്നത് ? നിങ്ങൾ സംസാരിക്ക് .. ഞാൻ ഒന്നു പുറത്തു പോയിട്ടു വരാം ..” “ഉം ഉം .ഒക്കെ ” ഹരി നിന്നു വിക്കുന്നത് കണ്ടു വിദ്യ ചിരിയടക്കി . അഖിലയുടെ ഇഷ്ടവിഭങ്ങൾ ഒക്കെ ഒരുക്കി വയറും മനസും നിറച്ചാണ് വിദ്യയും ഹരിയും അവളേ യാത്രയാക്കിയത് . കുട്ടികളേ കാണാൻ കഴിഞ്ഞില്ലല്ലോ എന്നു സങ്കടം പറഞ്ഞ അഖിയോട് അഖില പോകുന്നതിനു മുൻപൊരു ദിവസം കുട്ടികളേം കൊണ്ടു ഞങ്ങൾ അങ്ങോട്ടിറങ്ങാം .. എന്നു സന്തോഷത്തോടെ പറഞ്ഞു ഹരി. “അഖിലയല്ല ഹരിയേട്ടാ അഖി ” വിദ്യ ചിരിയോടെ തിരുത്തി. “എന്നേ കുഴക്കിയത് ഈ പേരാണ് . എന്നാലും അഖി മതി .. അതാ ഒരു ഭംഗി ..” ഹരിയും അവരുടെ ചിരിയിൽ പങ്കു ചേർന്നു . “കളഞ്ഞിട്ടു പോകുമെന്നു കരുതിയോ ?” അഖില പോകുന്നത് നോക്കി നിന്ന ഹരിയുടെ കണ്ണിലേക്ക് നോക്കി വിദ്യ . മറുപടിയായി ഹരി അവളേ വലിച്ചു നെഞ്ചോടു ചേർത്തിരുന്നു .

അവൾ അനങ്ങാതെ നിന്നു . “ഹരിയേട്ടാ ..” “എന്താ ?? ഇനി ഇതും അഭിനയമാണെന്നാണോ ??” ഹരിയുടെ ശബ്ദം അടഞ്ഞിരുന്നു . അവൾ ശബ്ദമില്ലാതെ ചിരിച്ചു കൊണ്ട് ഒന്നുകൂടി അവനോടു ചേർന്നു നിന്നു .. “ഈ കുറച്ചു ദിവസങ്ങൾ കൊണ്ട് ഞാനങ്ങ് ഇല്ലാതായിപ്പോയി .”അവൻ ആ നെറുകയിൽ മെല്ലെ തലോടി . “അത്രയ്ക്കിഷ്ടമാ എന്നേ ??” മറുപടി പറയാതെ അവളുടെ നെറുകിൽ ചുണ്ടു ചേർത്തു ഹരി . “കുട്ടികളേ കൂട്ടിക്കൊണ്ടു വരാൻ എപ്പോഴാ പോകേണ്ടത് ?” “അവരു രണ്ടു് ദിവസം അവിടെ വെള്ളത്തിലും കായലിലും ഒക്കെ കളിക്കട്ടെന്നേ ” “ശരിക്കും ? ” “ആന്നേ .. ഇന്നിവിടെ നമ്മളു മാത്രം മതി .. ” അവന്റെ കണ്ണിൽ കുസൃതി മിന്നി . “ഇന്ന് എനിക്കെന്റെ പെണ്ണിനേ ശരിക്കൊന്നു സ്നേഹിക്കണം .” അവൾ കണ്ണു കൂർപ്പിച്ചു . “ഇന്നു മാത്രമല്ല ഇനിയെന്നും …” അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി ചുണ്ടു ചേർക്കുമ്പോൾ അനിയനെ നന്നാക്കാൻ ബുദ്ധി ഉപദേശിച്ച ഹിമയ്ക്ക് മനസുകൊണ്ട് നന്ദി പറയുന്ന തിരക്കിലായിരുന്നു വിദ്യ .

Continue Reading

Relationship

ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്…

Published

on

By

രചന: വിദ്യ പ്രദീപ്‌ ❤

നേരം രാത്രിയായി.. അടുക്കള ജോലിയെല്ലാം തീർത്തു അന്നും അവൾ കുളിച്ചു അയാളെയും കാത്തു മുറിയിൽ സമയം ചിലവഴിച്ചു… എന്തുകൊണ്ടോ മനസ്സിൽ കുറെ പരാതികളും പരിഭവങ്ങളും അവളുടെ ഉറക്കം കെടുത്തി…. ഇവൾ ലക്ഷ്മി… ആളൊരു പാവമാണ്… “ഏട്ടൻ വന്നിട്ടു വേണം കുറച്ചെങ്കിലും എന്തെങ്കിലും സംസാരിക്കാൻ..” മോനെ വേഗം ഉറക്കി ഫോണിൽ നോക്കി ലക്ഷ്മി സമയം ചിലവഴിച്ചു… കുറച്ചു കഴിഞ്ഞ് ഒരുപാട് ടെൻഷനോടെയും പകലന്തിയോളം പണിയെടുത്തു ഓടിനടന്നതിന്റെ ക്ഷീണത്തിൽ ഉറക്ക ചടപ്പോടെ അയാൾ റൂമിലെത്തി ഒന്ന് കിടന്നാൽ മതിയെന്ന ഭാവത്തിൽ… ഇതാണ് ലക്ഷ്മിയുടെ ഭർത്താവ്.. മാർച്ച്‌ ഏപ്രിൽ മാസത്തെ കൊടും ചൂടിൽ വീട്ടിലെ ഏറ്റവും ചൂട് കൂടിയ റൂമിനു ഉടമയായിരുന്നു അവർ..

മുറിയിൽ ചിലവഴിക്കുന്ന സമയം മുഴുവൻ അയാൾക്ക് അരോചകമായിരുന്നു.. വന്നു….വെള്ളം കുടിച്ചു…. ക്ഷീണത്താൽ കിടന്നു… ഒരു ചെറു ചിരിയോടെ അവൾ അവനെ നോക്കി. കണ്ണുകളടച്ചു പാതി ചെരിഞ്ഞു കിടക്കുന്ന അയാളുടെ മനസ് മുഴുവൻ ഒരുപാട് ചിന്തകളായിരുന്നു… ആരോടും തുറന്നു പറയാതെ അടക്കി പിടിക്കുന്ന ഒരുപാട് കാര്യങ്ങൾ…. കണ്ണുകൾ കള്ളം പറയില്ല എന്നത് കൊണ്ടായിരിക്കാം ആ കണ്ണുകൾ അവൾക്ക് നേരെ അടയുന്നത്… ഒരുപാട് സംസാരിക്കണം.. ഒരു ദിവസത്തിൽ തനിക്ക് ആകെ കിട്ടുന്ന സമയം ഈയൊരു 10മിനുട്ട് ആണ് .. അല്പം ഈഗോ രണ്ടുപേരിലും ഉള്ളതുകൊണ്ടാണോ എന്നറിയില്ല ഒരാളുടെ മൗനം രണ്ടുപേരുടെയും ചിന്തകളെ ഉണർത്തിയില്ല… തണുത്ത കാറ്റിനു പകരം ഫാനിൽ നിന്ന് വരുന്ന ഉഷ്ണവും മാനസിക പിരിമുറുക്കവും അയാളിൽ അരോചകം സൃഷ്ടിച്ചു.. ലക്ഷ്മി അയാളോട് ചേർന്ന് കിടന്നു… മുടിയിഴകൾ പതുക്കെ തലോടി.. നെറ്റിയിൽ ഉമ്മ വെച്ചു… “എന്തെങ്കിലും പറയ് “എന്ന അവളുടെ ചോദ്യം അയാളിൽ ദേഷ്യമുണർത്തി.. “നിനക്കെന്താ പറഞ്ഞാൽ…. ഞാൻ കേൾക്കുന്നുണ്ടല്ലോ…. ഉറക്കം വരുന്നെങ്കിൽ ഉറങ്ങിക്കോ “…എന്ന മറുപടി അവൾക്ക് അസഹ്യമായി… മുറിയിൽ തിങ്ങി നിൽക്കുന്ന മൗനം അവരെ വീർപ്പു മുട്ടിച്ചു… പരസ്പരം കണ്ണുകളിൽ നോക്കി സംസാരിക്കാനോ എന്തിനേറെ ഒരു പുഞ്ചിരി വിടർത്താനോ പോലും അവൾക് ആയില്ല.. നേരത്തെ എണീക്കുന്നത് കൊണ്ടാകാം അവളിൽ അതുവരെയുള്ള അലച്ചിലിന്റെ ക്ഷീണം പതിയെ വന്നു .. ശേഷം ഉറക്കം…. പാതി ഉറക്കത്തിൽ രണ്ടാളും പരസ്പരം ചോദിച്ചു..” നീ ഉറങ്ങിയോ “…. ഇല്ലാ… എന്നാ എന്തേലും പറയ് “.. വീണ്ടും മൗനം…. എന്തുകൊണ്ടോ സ്വന്തം ജീവിതത്തെ കുറിച്ച് ഒന്നും സംസാരിക്കാനില്ലാതെ അവർ നിശ്ശബ്ദരാകും.. രണ്ടാളുടെയും മനസിലുണ്ട് ഒന്ന് കെട്ടിപ്പുണർന്നെങ്കിൽ..

ഉമ്മ വെച്ചിരുന്നെങ്കിൽ…😔 ഒരു ചെറു പുഞ്ചിരി മതി നമ്മുടെ മനസിനെ കുളിർമഴ പെയ്യിക്കാൻ… പതിവുപോലുള്ള മുടി തലോടലിലെ സുഖം കൊണ്ടോ അതുവരെയുള്ള ക്ഷീണം കൊണ്ടോ എന്നറിയില്ല അയാൾ ഉറങ്ങിപ്പോയി… ഉഷ്ണകാറ്റു അയാളുടെ കഴുത്തിലും പുറത്തുമൊക്കെ വിയർപ്പു തുള്ളികൾ സൃഷ്ടിച്ചു.. എന്തെല്ലാമോ പ്രതീക്ഷിച്ചു കാത്തിരുന്ന അവൾ എന്തെ തനിക്കൊരു ഉമ്മ പോലും തരാൻ തോന്നാഞ്ഞു എന്നാലോചിച്ചു സ്വയം കണ്ണീർ വാർത്തു.. ഒരുപക്ഷെ അവനിൽ ആകർഷണം ഉണർത്തി മനസിനെ സന്തോഷിപ്പിക്കാൻ അവൾക്കായില്ല എന്നതാണ് സത്യം… എല്ലാം പെണ്ണിന്റെ തെറ്റായി കാണുന്ന സമൂഹത്തിൽ സ്വന്തം തെറ്റുകളെ സ്വയം ശപിച്ചു വിദൂരതയിലേക്ക് നോക്കി അവൾ സമയം ചിലവഴിച്ചു…. ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്….

Continue Reading

Most Popular

error: Content is protected !!