Connect with us

Love

നിന്റെ മനസ്സിനോടും നിന്റെ ശരീരത്തോടും ആ പഴയ ഇഷ്ടം ഇപ്പോൾ എനിക്കില്ല…

Published

on

രചന: സുഹൈല സിദ്ധീഖ്

“ജീവിതകാലം മുഴുവൻ ഒരു പെണ്ണിനെ തന്നെ സ്നേഹിച്ചു കൊള്ളാം എന്ന് ഞാൻ ആർക്കും വാക്കുകൊടുത്തിട്ടില്ല… !” എന്ന് പറഞ്ഞതിനുശേഷം ഹരീന്ദ്രൻ തിരിഞ്ഞുനടന്നു “അങ്ങനെ പറയരുത് ഹരിയേട്ടാ… എനിക്ക് നിങ്ങൾ ഇല്ലാതെ പറ്റില്ല” “നീ എന്താണ് അഞ്ജലി പറയുന്നത്? നമ്മൾ തമ്മിൽ സ്നേഹിച്ചിരുന്നു…. നമ്മൾ തമ്മിൽ ശരീരം പങ്കുവച്ചിരുന്നു…. പക്ഷേ… നിന്റെ മനസ്സിനോടും നിന്റെ ശരീരത്തോടും ആ പഴയ ഇഷ്ടം ഇപ്പോൾ എനിക്കില്ല… കാരണം ഞാൻ എപ്പോഴും പ്രാക്ടിക്കലായി ചിന്തിക്കുന്ന ഒരു വ്യക്തിയാണ്…” എന്നു പറഞ്ഞതിനുശേഷം ഹരീന്ദ്രൻ തിരിഞ്ഞുനോക്കാതെ നടന്നകന്നു.. നിറഞ്ഞ കണ്ണുകളുമായി അത് നോക്കി നിൽക്കാനേ അഞ്ജലിക്ക് കഴിഞ്ഞുള്ളൂ….  “ഏയ് ഹരി…” എന്ന വിളി കേട്ടാണ് ഹരീന്ദ്രൻ തിരിഞ്ഞു നോക്കിയത് “ഹെലോ…. !” “എന്തൊക്കെയാണ് ഹരി കുട്ടാ നിന്റെ വിവരങ്ങൾ… കോളേജിൽ നിന്നു പോന്നതിനു ശേഷം നിന്നെ കണ്ടിട്ടേയില്ല… വിവാഹം കഴിഞ്ഞോ?” എന്നും പറഞ്ഞു വിഷ്ണു ഹരിയുടെ വയറിന്മേൽ ചെറുതായി ഒന്ന് ഇടിച്ചു… “ഹേയ് കൂൾ വിഷ്ണു ബ്രോ…. കോളേജ് കഴിഞ്ഞതിനുശേഷം ഞാൻ അച്ഛന്റെ കൂടെ ബാംഗ്ലൂരിലായിരുന്നു.. കഴിഞ്ഞ വീക്കിൽ വന്നതേയുള്ളൂ ഇങ്ങോട്ട്….” “ഓഹോ അവിടെ എന്തായിരുന്നു പരിപാടി..?” “എനിക്കങ്ങനെ പ്രത്യേകിച്ച് പരിപാടികളൊന്നും ഇല്ലായിരുന്നു.. അച്ഛൻ ബിസിനസ് നടത്തുന്നു.. അപ്പോ കൂടെ ഞാനും… പിന്നെ ബാംഗ്ലൂർ നല്ല സ്ഥലം…. നല്ല കിളികളും ഉണ്ടായിരുന്നു… അതുകൊണ്ടുതന്നെ ഇങ്ങോട്ടുള്ള വരവും കുറവായിരുന്നു…” “ഓഹോ കിളികൾ അല്ലേ അപ്പോൾ നിന്റെ പണ്ടത്തെ സ്വഭാവത്തിൽ ഒരു മാറ്റവും സംഭവിച്ചിട്ടില്ല… അല്ലേ” “ചുട്ടയിലെ ശീലം ചുടല വരെ.. കിളികൾ ഇല്ലെങ്കിൽ പിന്നെ ഈ ഹരി ഉണ്ടോ…?” ഹരിയും വിഷ്ണുവും കൂടി ഒരുമിച്ചു പൊട്ടിച്ചിരിച്ചു…. പെട്ടെന്ന് എന്തോ ഓർത്തത് പോലെ വിഷ്ണു ചോദിച്ചു “അപ്പോൾ നമ്മുടെ അഞ്ജലി…?” “അവളും ആയിട്ട് ഞാൻ ബ്രേക്ക് അപ്പ് മുത്തേ… അവളെ ആദ്യം കണ്ടപ്പോൾ തന്നെ ഞാൻ മനസ്സിൽ വിചാരിച്ചതാണ്.. അവളുടെ ആ പൂ പോലത്തെ ശരീരം ഒന്നു രുചിച്ചു നോക്കണം എന്ന്..” “എന്നിട്ട് രുചിച്ചു നോക്കിയോ..?” ഒരു കള്ളച്ചിരിയോടെ വിഷ്ണു ചോദിച്ചു “ഈ ഹരി മനസ്സിൽ വിചാരിച്ചത് ഒന്നും നടത്താതെ പോയിട്ടില്ല മോനേ… വല്ലാത്തൊരു ഫിഗർ തന്നെ ആയിരുന്നു അവൾ.. ഇപ്പോഴും അവളെ പറ്റി ആലോചിക്കുമ്പോൾ കടിച്ചു തിന്നാൻ തോന്നാറുണ്ട് എനിക്ക്.. !”

“അത്രക്ക് നല്ല ചരക്ക് ആയിരുന്നെങ്കിൽ പിന്നെ വിട്ടു കളഞ്ഞത് എന്തിന്..?” “ഹേയ്… ഇനിയും വിട്ടു കളഞ്ഞില്ല എങ്കിൽ തലയിൽ ആവും എന്നുറപ്പുള്ള നിമിഷത്തിലാണ് ഞാൻ അവളോട് ബ്രേക്ക് അപ്പ് പറഞ്ഞത്….” “ഓഹോ അപ്പോ കുറെ കാലം കൊണ്ടുനടന്നു തിന്നിട്ടുണ്ട് അല്ലേ…?” “ഇല്ലടാ… മൂന്നു വർഷത്തെ പ്രണയം… അതിൽ രണ്ടര വർഷവും ദിവ്യപ്രണയം ആയിരുന്നു.. ആ കാലയളവിൽ ഒന്നു തൊടാൻ പോലും അവർ സമ്മതിച്ചിരുന്നില്ല…” പെട്ടെന്ന് വിഷ്ണുവിന്റെ ഫോൺ ബെല്ലടിച്ചു.. “ജലീൽ…. ഞാനിവിടെ ഹോട്ടലിലെ മുന്നിലുണ്ട്..” എന്ന് പറഞ്ഞതിനുശേഷം വിഷ്ണു ഫോൺ കാൾ കട്ടാക്കി “ആരാടാ….?” ഹരി ചോദിച്ചു “അത് എന്റെ ഒരു ഫ്രണ്ട് ആണ് അവനെ കാണാൻ വേണ്ടി വെയിറ്റ് ചെയ്തു നിൽക്കുകയായിരുന്നു ഞാൻ…” അപ്പോഴേക്കും ജലീൽ അവിടേക്ക് എത്തി.. വിഷ്ണു ഹരിയെ ജലീലിനു പരിചയപ്പെടുത്തിക്കൊടുത്തു… ശേഷം ഹരിയുടെ നിർബന്ധപ്രകാരം മൂന്ന് പേരും ഭക്ഷണം കഴിക്കാനായി ഹോട്ടലിലേക്ക് കയറി.. ഭക്ഷണം ഓർഡർ ചെയ്തതിനുശേഷം തന്റെ കയ്യിലുള്ള ഫോണിൽ അഞ്ജലിയുടെ ഫോട്ടോ വിഷ്ണുവിന് കാണിച്ചുകൊടുത്തു ഹരി… “നീ പറഞ്ഞത് ശരിയാ.. സൂപ്പർ സാധനം തന്നെ..” വിഷ്ണു പറഞ്ഞു.. സംഭവങ്ങൾ ഒന്നും മനസ്സിലായില്ല എന്ന് ജലീലിന്റെ മുഖത്തുനോക്കി മനസ്സിലാക്കിയ വിഷ്ണു… ഹരിയുടെ പാസ്റ്റിനെ പറ്റിയും അഞ്ജലിയെ പറ്റിയും ജലീലിനോട് പറഞ്ഞു… ഭക്ഷണം കഴിച്ച് ഇറങ്ങിയതിനു ശേഷം ജലീൽ അവരോടായി പറഞ്ഞു.. “വിരോധമില്ലെങ്കിൽ നിങ്ങൾ രണ്ടുപേരും എന്റെ കൂടെ ഒരു സ്ഥലം വരെ വരണം…” എന്ന്…. “അതിനെന്താ നമുക്കു പോകാം” എന്ന് ഹരി പറഞ്ഞു അവരെ രണ്ടു പേരെയും കൂട്ടി ജലീൽ പോയത് ഒരു ഭ്രാന്ത് ആശുപത്രിയിലേക്ക് ആയിരുന്നു… അവിടത്തെ നൂറ്റി ഒന്നാം റൂമിൽ വെച്ച് ജലീൽ അവർക്ക് രണ്ടുപേർക്കും മറ്റൊരാളെ പരിചയപ്പെടുത്തി കൊടുത്തു.. ശേഷം ആ മുറിയുടെ പുറത്തിറങ്ങി അവർ രണ്ടുപേരോടും ആയി ജലീൽ പറഞ്ഞു തുടങ്ങി “ഇത് എന്റെ അനിയൻ ഫൈസൽ… 17 വയസ്സേ ഉള്ളൂ ഇവൻക്ക്… ഇവൻ പത്താം ക്ലാസിൽ പഠിക്കുമ്പോൾ ആമിന എന്ന ഒരു പെൺകുട്ടിയുമായി പ്രണയത്തിലായി… എന്തു കാര്യവും എന്നോട് പറയുന്ന അവൻ ഇതും എന്നോട് പറഞ്ഞു.. എല്ലാ കാര്യത്തിനും അവനെ സപ്പോർട്ട് ചെയ്യുന്ന ഞാൻ ഇതിലും അവനെ എതിർത്തില്ല.. അങ്ങനെ അവരുടെ രണ്ടു വർഷത്തെ പ്രണയം കളിയും ചിരിയും തമാശകളും ഇണക്കങ്ങളും പിണക്കങ്ങളും ആയി മുന്നോട്ടു പോയി.. അങ്ങനെ അവർ രണ്ടുപേരും പ്ലസ് ടുവിൽ പഠിക്കുമ്പോൾ നിസ്സാരമായി എന്തോ ഒരു കാര്യത്തിന് വേണ്ടി അവർ തമ്മിൽ പിണങ്ങി.. മൂന്നുദിവസം അവർ തമ്മിൽ മിണ്ടിയില്ല.. പലപ്പോഴും അവൾ മിണ്ടാൻ കൂട്ടാക്കിയിട്ടും ഇവൻ തിരിച്ചു മിണ്ടിയില്ല… അങ്ങനെ മൂന്നു ദിവസത്തിനു ശേഷം ആമിന ഇവനോട് പറഞ്ഞു.. ഇന്ന് രാത്രി 12 മണി വരെ ഞാൻ കാത്തിരിക്കും അതിനുള്ളിൽ നീ എന്നോട് ഫോൺ വിളിച്ച് സംസാരിച്ചില്ല എങ്കിൽ ആളു നീ കാണുന്നത് എന്റെ മയ്യത്ത് ആയിരിക്കും എന്ന്.. പക്ഷേ അപ്പോഴും അവൻ അവന്റെ വാശിയിൽ ഉറച്ചുനിന്നു അവൻ അവൾക്ക് ഫോൺ വിളിച്ചില്ല പിറ്റേ ദിവസം അവൾ സ്കൂളിലേക്ക് വരുന്ന വഴി ഒരു ആക്സിഡന്റിൽ മരണപ്പെട്ടു….

ആ ഒരു വാർത്ത അവൻ താങ്ങാവുന്നതിനും അപ്പുറമായിരുന്നു.. ടിപ്പർ ലോറി കാരന്റെ അശ്രദ്ധ അതായിരുന്നു ആമിനയുടെ മരണകാരണം… പക്ഷേ ഫൈസൽ ചിന്തിച്ചു കൂട്ടിയത് അവനോടുള്ള പിണക്കത്തിൽ അവൾ മനപ്പൂർവ്വം ആ ലോറിയുടെ… മുന്നിലേക്ക് എടുത്തു ചാടി ആത്മഹത്യ ചെയ്തതാണ് എന്നാണ്.. അന്നുമുതൽ ഫൈസൽ ഇവിടെയാണ് ഈ ആശുപത്രിയുടെ 101 നമ്പർ റൂമിൽ.. സ്വബോധം നഷ്ടപ്പെട്ട ഭവനിലെ ഇപ്പോഴത്തെ ഏക ചിന്ത… ഇപ്പോഴും ആമിനാ തന്നോട് പിണങ്ങി ഇരിക്കുകയാണ് എന്നാണ്… പിണക്കം മാറ്റാൻ എന്നവണ്ണം എല്ലാദിവസവും ഇവൻ ആമിനക്ക് വേണ്ടി ഒരു കത്ത് എഴുതും… ഞാൻ വരുന്ന ദിവസങ്ങളിൽ അത് എന്റെ കയ്യിൽ തന്ന ആമിനക്ക് കൊടുക്കാൻ പറയും.. ഞാൻ അവന്റെ കൈകളിൽനിന്നും ആ കത്തുകൾ സ്വീകരിച്ചതിനുശേഷം അവളുടെ ഖബറിന് അടുത്ത് പോയി അതിന്റെ മുകളിൽ ആ കത്തുകൾ വെക്കും.. കത്തുകൾ അവൾ ആഗ്രഹിക്കുന്നു എന്നതുപോലെ കാറ്റായും മഴയായും ആ സമയം അവള് ആ കത്തുകൾ തഴുകിപ്പോകും.. കാരണം അത്രക്ക് പവിത്രവും ആത്മാർത്ഥതയും ഉള്ളതായിരുന്നു അവരുടെ പ്രണയം” ജലീൽ ഇത്ര പറഞ്ഞപ്പോഴേക്കും ഹരിയുടെ കണ്ണുകൾ നിറഞ്ഞു… അതു കണ്ടിട്ട് ഹരിയോട് ആയി ജലീൽ വീണ്ടും പറഞ്ഞു “പ്രണയം അത് അനുഭവിച്ചവർക്ക് മാത്രം പറയാൻ കഴിയുന്ന ഒരു ദിവ്യ അനുഭൂതിയാണ്… ഒരുപക്ഷേ ഒരു പ്രണയത്തിന്റെ തീവ്രത കൊണ്ടാകാം ഫൈസലിന് ഈ നിലയിൽ എങ്കിലും ജീവനോടെ ഞങ്ങൾക്ക് കിട്ടിയത്… അല്ലെങ്കിൽ അവന്റെ ജീവനും ഞങ്ങൾക്ക് എന്നോ നഷ്ടമായി കഴിഞ്ഞിരുന്നു.. അത് കൊണ്ട് പ്രണയം അതൊന്നും സത്യസന്ധമായി മാത്രം ആയിരിക്കുക ഒരിക്കലും ആരെയും ചതിക്കാൻ വേണ്ടി ആകരുത്… ”

ഹരി തിരിച്ചുപോകുമ്പോൾ ഹരിയുടെ മനസ്സു മുഴുവൻ ജലീൽ പറഞ്ഞ കാര്യങ്ങൾ ആയിരുന്നു.. എത്രയും പെട്ടെന്ന് അഞ്ജലിയെ കാണാൻ ഹരിയുടെ മനസ്സ് കൊതിച്ചു… അവളോട് ചെയ്ത തെറ്റിന് എല്ലാം മാപ്പ് പറയണം അവളെ എന്റെ നെഞ്ചോട് ചേർത്തു കെട്ടിപ്പിടിക്കണം എന്ന് മനസ്സിൽ ഉറപ്പിച്ചു കൊണ്ട് ഹരി നേരെ അഞ്ജലിയുടെ വീട്ടിലേക്ക് പോയി…. “തെറ്റുപറ്റി പോയി അഞ്ജലി.. നീ എന്നോട് ക്ഷമിക്കണം.. ജീവിതകാലം മുഴുവൻ എനിക്ക് നിന്നെ എന്റെ കൂടെ വേണം എന്റെ സുഹൃത്തായി എന്റെ ജീവിതപങ്കാളിയായി… ഇനി ഒരിക്കലും ആ പഴയ ഹരിയായി മാറില്ല….” ഹരി കണ്ണ് നിറച്ചു കൊണ്ട് അഞ്ജലി യോട് പറഞ്ഞു.. “അത് സാരമില്ല ഹരീ… നീ പഴയ ഹരി ആയാലും എനിക്ക് കുഴപ്പമില്ല… എന്റെ സ്നേഹം ഇപ്പോഴെങ്കിലും നീ തിരിച്ച് അറിഞ്ഞല്ലോ എനിക്ക് അത് മാത്രം മതി…” അഞ്ജലി അത് പറഞ്ഞതും.. സന്തോഷംകൊണ്ട് ഹരിയുടെ കണ്ണുകൾ നിറഞ്ഞു.. അഞ്ജലിയെ കെട്ടിപ്പിടിക്കാൻ തുനിഞ്ഞ കൈകൾ തടഞ്ഞു വെച്ചുകൊണ്ട് അഞ്ജലി പറഞ്ഞു… “ഞാനിപ്പോ ആ പഴയ അഞ്ജലി അല്ല.. i have a newboy friend…..” എന്ന് പറഞ്ഞതിനുശേഷം തന്റെ ഫോണിൽ ഉണ്ടായിരുന്ന അബിയുടെ ഫോട്ടോ ഹരിക്ക് നേരെ കാണിച്ചു….. ശുഭം

ലൈക്ക് ചെയ്ത് അഭിപ്രായങ്ങൾ അറിയിക്കണേ, നിങ്ങളുടെ ചെറുകഥ ഈ പേജിൽ ഉൾപ്പെടുത്താൻ പേജിലേക്ക് മെസേജ് ചെയ്യുക.

വളപ്പൊട്ടുകൾ ഇൻസ്റ്റാഗ്രാം പേജിൽ ഫോളോ ചെയ്യാൻ ഇവിടെ ക്ലിക്ക് ചെയ്യൂ… 

Advertisement

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular

error: Content is protected !!