Connect with us

Relationship

എൻ്റെ ഇഷ്ടങ്ങളെക്കാൾ എൻ്റെ ഭാര്യയുടെ, ടീച്ചറാകാനുള്ള ഇഷ്ടത്തെയാണ് ഞാൻ സ്നേഹിച്ചത്…

Published

on

രചന: സന്തോഷ് അപ്പുക്കുട്ടൻ

“ഓടിപോയ സൗമ്യയെ തിരിച്ചു കൊണ്ടുവന്നു മാന്യമായി അവനു തന്നെ വിവാഹം ചെയ്തു കൊടുക്കാൻ തീരുമാനിച്ചു ഇളയച്ഛൻ” ബെഡ്ഡിൽ കിടന്ന് മൊബൈലിൽ ഗെയിം കളിക്കുന്ന വിനോദിനോട് രശ്മി പറഞ്ഞപ്പോൾ അവൻ്റെ ചുണ്ടിൽ ഒരു പുച്ഛചിരി പടർന്നു. “അതിനെന്താ ഞാൻ നാട് വിട്ടു പോണോ?” വിനോദിൻ്റെ മറുചോദ്യം കേട്ടപ്പോൾ ഒരു ശുണ്ഠിയോടെ അവനരികിലായ് അവളിരുന്നു. “നാടു വിട്ടു പോകണ്ട…. പകരം ആ നാട്ടിലേക്കൊന്നു പോകണം…. അവൾക്ക് എന്തെങ്കിലും കൊടുക്കേണ്ടേ? ഇളയച്ഛൻ്റെ മോൾ അല്ലേ?” “ഇവിടെ പഴേ പാത്രങ്ങൾ കാണും…. അമ്മയോടു അതൊക്കെ ചോദിച്ചു വാങ്ങി വർണകടലാസ്സിൽ പൊതിഞ്ഞ് കൊണ്ടുപോയി കൊടുക്ക് …” മൊബൈലിൽ നിന്നു കണ്ണെടുക്കാതെ ഒരു പരിഹാസ സ്വരത്തിൽ അവനത് പറഞ്ഞപ്പോൾ അവൾ ഒരു ചെറുചിരിയോടെ അവനരികിൽ കിടന്നു. “അമ്മയോടു ചോദിക്കാമായിരുന്നു… പക്ഷേ എന്നെ താലികെട്ടിയതും, രാത്രിയാകുമ്പോൾ പൊന്നേ, കരളേ എന്നൊക്കെ വിളിച്ചു വന്നു എൻ്റെ ഉറക്കം കളയുന്നതും അമ്മയല്ലല്ലോ?…. ഈ വിനോദ് അല്ലേ?” വിനോദിൻ്റെ മൂക്കിൻതുമ്പിൽ പിടിച്ചുലച്ചു കൊണ്ട് അവളത് കൊഞ്ചി പറഞ്ഞപ്പോൾ, അവൻ കൈ തട്ടി മാറ്റി. “രാത്രീലെ കാര്യം പറഞ്ഞ് രാവിലെ തന്നെ എന്നെ ദേഷ്യം പിടിപ്പിക്കരുത് രശ്മീ…. ” ” അല്ലെങ്കിലും നിങ്ങൾ ചില ആണുങ്ങൾക്കുള്ളതാ ഈ രണ്ടുതരം സ്വഭാവം… രാത്രി സയാമീസ് ഇരട്ടകളെ പോലെയാണെങ്കിലും, പകൽ ആലുവ മണപ്പുറത്ത് കണ്ട പരിചയം പോലും കാണിക്കില്ല” രശ്മിയുടെ സംസാരത്തിന് മറുപടി പറയാതെ അവൻ മൊബൈലിലെ കളി തുടർന്നതും, അവൾക്ക് ദേഷ്യം നുരഞ്ഞു കയറി. ” അങ്ങിനെ രണ്ടു സ്വഭാവം കാണിക്കാൻ ഞാൻ നിങ്ങൾ ഒരു രാത്രിക്ക് വേണ്ടി വിലക്കെടുത്ത തെരുവ് പെണ്ണല്ലായെന്ന് ഓർക്കണം…. നിങ്ങൾ താലികെട്ടിയ ഭാര്യയാണെന്ന് മറക്കരുത്” അതും പറഞ്ഞ് അവൾ ദേഷ്യത്തോടെ അവനരികിൽ നിന്നെഴുന്നേറ്റിരുന്നു. ” ആ ഓടിപോയ പെണ്ണിനെ ആ വഴിക്ക് തന്നെ വിടാമായിരുന്നില്ലേ? തിരിച്ചുവിളിച്ച്, കല്യാണം കഴിപ്പിച്ചു കൊടുത്തു മറ്റുള്ളവരുടെ മനസമാധാനം കളയേണ്ട ആവശ്യമുണ്ടായിരുന്നോ?” വിനോദ് ദേഷ്യത്തോടെ മൊബൈൽ വലിച്ചെറിഞ്ഞ് കമഴ്ന്നുകിടന്നപ്പോൾ, അവൻ്റെ ശരീരത്തിലെ തൻ്റെ നഖപാടുകൾ കണ്ട് അവൾക്ക് വെറുപ്പ് തോന്നി.. എല്ലാ അവഗണനയും അനുഭവിച്ചിട്ട്, അത് അറിഞ്ഞില്ലായെന്ന ഭാവത്തോടെ, രാത്രിയാകുമ്പോൾ തേൻ പുരട്ടിയ വാക്കുകളോടെ അടുത്തുകൂടുന്ന ഭർത്താവിൻ്റെ ചാരത്തേക്ക് ചേർന്നു കിടക്കുന്ന താൻ വെറുമൊരു വിഡ്ഢിയാണെന്ന് അവൾക്കു തോന്നി…. തന്നോടു തന്നെ വെറുപ്പ് തോന്നിയ അവൾ നിരാശയോടെ അവനരികിൽ നിന്നു നടന്നതും, ഒരു നിമിഷം തിരിഞ്ഞു നിന്നു നേരിയ പ്രതീക്ഷയോടെ വിനോദിനെ നോക്കി. ” എൻ്റെ ഒരു പൊട്ടിയ വളയുണ്ട്…. അത് നമ്മൾക്ക് മാറ്റി പുതിയൊരു വള വാങ്ങി അവൾക്കു കൊടുത്താലോ?” “നോക്ക് രശ്മീ…. നിൻ്റെ ഇളയച്ചൻ്റെ മോൾ താഴ്ന്ന ജാതികാരനോടൊപ്പം പോയതിൻ്റെ നാണക്കേട് ഇവിടെ നീയല്ല അനുഭവിക്കുന്നത് …. ഞാനാ…. അമ്മയുടെയും, ചേട്ടത്തിമാരുടെയും കളിയാക്കലുകൾ കേട്ട് തൊലിയുരിയുന്നത് എൻ്റേതാ….: അത് ഒരു വിധത്തിലാ ഞാൻ സഹിക്കുന്നത്…ഇനി ആ കല്യാണത്തിനും കൂടി പോയാൽ…. പറ്റില്ല രശ്മീ ” വിനോദ് അത്രയും പറഞ്ഞുകൊണ്ട്, മൊബൈൽ എടുത്ത് കളി തുടങ്ങി…. “എന്നാൽ നമുക്ക് ആ വിവാഹത്തിന് പോകണ്ട.. നമ്മൾ എടുക്കുന്ന വളയുമായി നമ്മുടെ വീട്ടിലേക്കു പോയി അവിടെ ഏൽപ്പിക്കാം… അച്ഛനോ, അമ്മയോ അവർ ആരെങ്കിലും കൊടുത്തോളും വള സൗമ്യയ്ക്ക്…. ” രശ്മിയുടെ മറുപടി കേട്ടപ്പോൾ ചിരിയോടെ തലയാട്ടി വിനോദ്…. “ഇപ്പോഴല്ലേ കാര്യം പിടികിട്ടിയത്…. സൗമ്യയുടെ കാര്യം പറഞ്ഞ് നിനക്ക് നിൻ്റെ വീട്ടിലേക്ക് ഒന്നു പോണം… ഒപ്പം ഞാനും വേണം… ഭർത്താവിനെ ഒപ്പം കാണുന്നില്ലല്ലോയെന്നുള്ള നാട്ടുകാരുടെ നിരന്തരമായ ചോദ്യത്തിന് മുന്നിലേക്ക് എന്നെ ഒന്നു കാണിക്കണം…. കാഞ്ഞ ബുദ്ധിയാണല്ലോടീ നിനക്ക്?” വിനോദിൻ്റെ ഉറക്കെയുള്ള സംസാരം കേട്ടതും അവൾ പകപ്പോടെ ചുറ്റുമൊന്നു നോക്കി. മൂത്ത ഏടത്തി, ഗൾഫിലുള്ള ചേട്ടനുമായി വീഡിയോ കോൾ ചെയ്ത് മുറ്റത്തു കൂടെ നടക്കുന്നുണ്ട്.

രണ്ടാമത്തെ ഏടത്തി സോഫയിൽ ഇരുന്ന്, കാലിൻമേൽ കാൽ കയറ്റി വെച്ച് റിമോട്ടും പിടിച്ച് ടി വി യിലേക്ക് നോക്കിയിരിക്കുന്നു…. അതൊക്കെ കണ്ട് അവൾ ദേഷ്യത്തോടെ അവനെ നോക്കി……. അവളുടെ ദേഷ്യത്തിനെ ഒന്നുകൂടി വർദ്ധിപ്പിക്കാനെന്നവണ്ണം, സ്റ്റൗവിലിരിക്കുന്ന പ്രഷർകുക്കർ ചൂളമടിച്ചു…. “എന്താ അവിടെ പോയാൽ കുഴപ്പം?അവിടെ താമസിക്കുന്നവർ എൻ്റെ അച്ഛനും, അമ്മയും ആണ്….. അവർ തന്ന ജന്മമാണ് എൻ്റേത്….” രശ്മിയുടെ മറുപടി കേട്ടതും ഒരു പരിഹാസചിരിയോടെ വിനോദ് മൊബൈലിലേക്ക് നോക്കിയിരുന്നു. “വിനോദേട്ടൻ ചിരിക്കുന്ന ഈ ചിരിയുണ്ടല്ലോ? നട്ടെല്ലുള്ള ഒരു ഭർത്താവിനും ചേരാത്തതാണ്…. സ്വന്തം ഭാര്യയെ മറ്റുള്ളവർക്കു മുന്നിൽ ഇകഴ്ത്തിയും, ഈ വീട്ടിലെ വേലക്കാരിയാക്കിയും കാണിക്കുന്ന ഈ സ്വഭാവം ആണുങ്ങൾക്കു പറഞ്ഞതല്ല ” പറഞ്ഞു വന്നപ്പോഴെക്കും രശ്മിയുടെ സ്വരം സങ്കടം കൊണ്ട് ചിതറി. ” ഞാനൊരു നല്ല പുരുഷനാകാം രശ്മി… പകരം വിവാഹം കഴിക്കുമ്പോൾ ഒരു പുരുഷന് കിട്ടുന്ന മിനിമം സ്ത്രീധനം… മിനിമം ഒരു ഇരുപത് പവനും അഞ്ചു ലക്ഷവും നീ വീട്ടിൽ നിന്നു കൊണ്ടു വാ… അപ്പോൾ ഞാൻ നല്ല ഭർത്താവായിരിക്കും ” വിനോദിൻ്റെ സംസാരം കേട്ടതും അവൾ വിഷമത്തോടെ ചിരിച്ചു.,,, ആദ്യമായല്ല അവൾ ഇതു കേൾക്കുന്നത്…. പ്രണയിച്ചു വിവാഹം കഴിച്ചതിൻ്റെ രണ്ടാം മാസം മുതൽ കേൾക്കുന്നതാണ്…. നിന്നെ മാത്രം മതിയെന്ന് ആക്രാന്തത്തോടെ ഉരുവിട്ടവൻ്റെ സ്വഭാവം, പൂതിയൊക്കെ തീർന്നപ്പോൾ പതിയെ മാറി തുടങ്ങി….. വിവാഹമെന്നത് സുഖത്തിന് വേണ്ടിയുള്ള കൂടി ചേരലാണ് എന്ന് വിശ്വസിച്ചവരിലൊരാളായിരുന്നു അവനും…. ഭാവി ജീവിതത്തിൻ്റെ പരുക്കൻ ഭാവങ്ങൾ കണ്ടപ്പോൾ…. ഇങ്ങിനെയൊരു വിവാഹം ഇപ്പോൾ വേണ്ടായിരുന്നുവെന്നും അവനും തോന്നി തുടങ്ങിയിരുന്നു…. പഞ്ചാര വാക്കുകളിൽ മതിമറന്ന് അവനെ പ്രണയിക്കാൻ തുടങ്ങിയ നിമിഷത്തെ വെറുത്തു തുടങ്ങി അവളപ്പോൾ… “നിനക്ക് അറിയാമല്ലോ രശ്മീ… എൻ്റെ രണ്ടു ചേട്ടൻമാരും നല്ല സ്ത്രീധനം വാങ്ങിയിട്ടാ വിവാഹം കഴിച്ചത്… അതു കൊണ്ട് അവരുടെ പെണ്ണുങ്ങൾ ഇവിടെ റാണിമാരായി വിലസുന്നു… ഒന്നുമില്ലാതെ വന്ന നീ വേലക്കാരിയും… അത് നാട്ടുനടപ്പല്ലേ?” അവൻ്റ ചോദ്യം കേട്ടതും അവളുടെ ചുണ്ടിൽ ഒരു പുച്ഛ ചിരി പടർന്നു. “നിങ്ങളുടെ രണ്ട് ചേട്ടൻമാർക്കും ഗൾഫിൽ നല്ല ജോലിയുണ്ട്? നിങ്ങൾക്കോ?” രശ്മിയുടെ ചോദ്യം കേട്ടതും വിനോദ് ഒന്നു കണ്ണു മിഴിച്ചു…. കാരണം, ആദ്യമായാണ് അവൾ അവൻ്റെ ജോലിയെ പറ്റി സംസാരിക്കുന്നത്….. ” ഞാൻ നിങ്ങളെ ആദ്യമായി കാണുമ്പോൾ, നിങ്ങളൊരു ഒരു ഓട്ടോ ഡ്രൈവർ ആയിരുന്നു…. ആ മനുഷ്യനെ ആയിരുന്നു ഞാൻ സ്നേഹിച്ചത്… പക്ഷേ നിങ്ങൾ ഇത്രയും വലിയ കുടുംബത്തിലെ തലതെറിച്ച ഇളമുറ തമ്പുരാനാണെന്ന് അറിഞ്ഞിരുന്നുവെങ്കിൽ ഞാൻ ഒരിക്കലും നിങ്ങളെ സ്നേഹിക്കില്ലായിരുന്നു ” “എന്നിട്ട് …. എന്നിട്ട്…? ” വിനോദ് കളിയാക്കി ചോദിച്ചു കൊണ്ട് അവളെ നോക്കി. ” ആണുങ്ങളുടെ പഞ്ചാര വാക്കിൽ മയങ്ങി മനസ്സിടറുന്ന പല പെൺകുട്ടികളെ പോലെ, ബുദ്ധിമതിയെന്ന് സ്വയം അഹങ്കരിച്ചിരുന്ന ഞാനും വീണു….. ” പറഞ്ഞു തീർന്നതും അവളുടെ മിഴികളിൽ നിന്നും കണ്ണീർ ഉതിർന്നുവീണു….. “എന്നെ എൻ്റെ വീട്ടിൽ കൊണ്ടു വിട്ടോ വിനോദേ… കഞ്ഞിയാണ് കുടിക്കുന്നതെങ്കിലും മനസമാധാനം ഉണ്ട് അവിടെ…. ” “പോകാൻ തീരുമാനിച്ചോ? … ” വിനോദ് ഒരു ചെറു ചിരിയോടെ ബെഡ്ഡിൽ എഴുന്നേറ്റിരുന്നു…. “തീരുമാനിച്ചു…. ഇവിടുത്തെ വേലക്കാരിയെക്കാൾ ഞാൻ ഇഷ്ടപ്പെടുന്നത് അവിടുത്തെ രാജകുമാരിയെയാണ് ” “ഒന്നുകൂടി ആലോചിച്ചിട്ടു മതിയല്ലോ ഈ കടുത്ത തീരുമാനം?” വിനോദ് ചോദിച്ചതും അവൾ വരണ്ട ഒരു ചിരിയുതിർത്തു. ” ഞാനെടുക്കുന്ന തീരുമാനങ്ങളൊക്കെ നല്ലവണ്ണം ആലോചിച്ചിട്ടു തന്നെയാണ്… അതൊക്കെ നൂറ് ശതമാനം ശരിയാകാറുമുണ്ട്.പക്ഷേ വിനോദിൻ്റെ കാര്യത്തിൽ മാത്രം എനിക്ക് തെറ്റിയോ എന്ന് ഒരു സംശയം ” ” അപ്പോൾ സ്ത്രീധനം ഇനി നോക്കണ്ടായെന്ന് ” വിനോദ് ചോദിച്ചതും അവൾ തീപാറും കണ്ണുകളോടെ അവനെ നോക്കി. “എന്താ സംശയം.,,, ഒരു അഞ്ച് പൈസ പോലും കിട്ടില്ല…. ഉള്ള വീടും പറമ്പും പണയം വെച്ച് അവർ തരാൻ ഒരുമ്പെട്ടാലും ഞാൻ സമ്മതിക്കില്ല….. ” “പിന്നെ?” “അന്തസായി ഞാൻ ഇവിടെ നിന്നും എൻ്റെ വീട്ടിലേക്ക് പോകും….

എന്നെക്കാളും ഞാൻ കൊണ്ടുവരുന്ന സ്ത്രീധനത്തെ സ്നേഹിച്ചിരുന്ന ഒരു ഭർത്താവിൽ നിന്നും രക്ഷപ്പെട്ട ആശ്വാസത്തോടെ ” പൊടുന്നനെ ഗെയിം കളിച്ചു കൊണ്ടിരുന്ന വിനോദിൻ്റെ മൊബൈൽ ശബ്ദിച്ചു. “നിൻ്റെ തന്തപിടിയാ ” ഡിസ്പ്ലേയിലേക്ക് നോക്കി രശ്മിയോടു പറഞ്ഞ ശേഷം മൊബൈൽ അവൻ ചെവിയോരം ചേർത്തു. സംസാരിക്കുമ്പോൾ അവൻ്റെ മുഖത്ത് തെളിയുന്ന സന്തോഷം കണ്ട് അവൾ അത്ഭുതപ്പെട്ടു. ഇതുവരെ അച്ഛനെയോ, അമ്മയെയോ കാണുമ്പോഴോ, സംസാരിക്കുമ്പോഴോ അവൻ്റെ മുഖത്ത് ഇത്ര സന്തോഷം നിറഞ്ഞു കണ്ടിട്ടില്ല.,,,, “നിൻ്റെ അച്ഛന് ലോട്ടറിയടിച്ചെന്നു… ഒരു കോടി…. നമ്മളോട് എത്രയും പെട്ടെന്ന് അങ്ങോട്ട് ചെല്ലാൻ ” വിനോദ് പറഞ്ഞത് കേട്ട് രശ്മി അമ്പരന്നു…. ഒരു സ്കൂൾ മാഷായ അച്ഛൻ ഒരിക്കലും ലോട്ടറി ടിക്കറ്റെടുക്കുന്നത് അവൾ കണ്ടിട്ടില്ല…. ലളിതജീവിതം നയിക്കുന്ന അച്ഛന് വലിയ വലിയ മോഹങ്ങളുമില്ല… താനും, ഭാര്യയും, മകളും പിന്നെ പഠിപ്പിച്ചിരുന്ന സ്കൂളുമാണ് അച്ഛൻ്റെ ലോകം…. ഏറ്റവും വലിയ സമ്പത്തായി കണ്ടിരുന്നത് പഠിപ്പിച്ച ശിഷ്യരെ ആയിരുന്നു…. ആ സ്നേഹം വലിയ നിലകളിലെത്തിയ ശിഷ്യർ പോലും ഇപ്പോഴും കാണിക്കാറുണ്ട്…. “നീയെന്താടീ ആലോചിച്ചു നിക്കുന്നേ…. വേഗം ഒരുങ്ങടീ” വിനോദിൻ്റെ സംസാരം കേട്ടതും അവൾ ഓർമയിൽ നിന്നും ഉണർന്ന് അവനെ നോക്കി. “വിനോദ് അങ്ങിനെ തന്നെയാണോ കേട്ടത് ?” രശ്മിയുടെ ചോദ്യം കേട്ടതും അവൻ ഒരു പുഞ്ചിരിയോടെ അവളെ ചേർത്തു പിടിച്ചു. “എൻ്റെ ചെവിക്ക് ഒരു കുഴപ്പവുമില്ല രശ്മീ…. ആ പൈസ കിട്ടിയിട്ട് വേണം ചേട്ടൻമാരുടെയും, ചേട്ടത്തിമാരുടെയും മുന്നിൽ ഒന്നു സന്തോഷത്തോടെ നിവർന്നു നിന്നു കാണിക്കാൻ…. നീ വേഗം ഒരുങ്ങ്… ഞാൻ ബൈക്ക് സ്റ്റാർട്ട് ചെയ്ത് നിർത്താം ” അവൻ ഒരു കൊച്ചു കുട്ടിയെ പോലെ ചാടി തുള്ളി പുറത്തേക്കിറങ്ങിയതും, അവൾ ഒരു നിമിഷം ശങ്കിച്ചു നിന്നതിനു ശേഷം മുറിയിൽ കയറി കൈയിൽ കിട്ടിയത് വാരിയണിഞ്ഞ് പുറത്തേക്കിറങ്ങി….. നൂറേ നൂറിൽ അവൻ ബൈക്ക് പറപ്പിക്കുമ്പോഴും, അവളുടെ മനസ്സിൽ സംശയങ്ങൾ പലവിധമായിരുന്നു. ആ സംശയം ശരിവെക്കുന്നതായിരുന്നു വീട്ടിലേക്ക് കയറിയപ്പോൾ സംഭവിച്ചതും….. ” ഞങ്ങളുടെ മോളെ കാണാൻ ലോട്ടറിയടിച്ചെന്നു കള്ളം പറയേണ്ടി വന്ന ഒരു അച്ഛനാ ഞാൻ….” അച്ഛൻ്റെ സ്വരം കേട്ടതും വിനോദിൻ്റെ മുഖം വിവർണമാകുന്നത് രശ്മി ശ്രദ്ധിച്ചു…… ” ഒരുപാട് ചെക്കൻമാർ ഇവൾക്കു പുറകെ നടന്നപ്പോൾ, അവരെയൊക്കെ നല്ലവർത്തമാനം പറഞ്ഞും, തല്ലു കൊടുത്തും ആട്ടിയോടിപ്പിച്ചത് എൻ്റെ ശിഷ്യരാണ്….” വേലായുധൻ മാഷ് കണ്ണടയെടുത്ത് പതിയെ കണ്ണു തുടച്ചു. “നീ എൻ്റെ മോളുടെ പിറകിൽ നടക്കുന്ന കാര്യവും പറഞ്ഞ്, ഞങ്ങളെന്ത് ചെയ്യണം എന്ന് ചോദിച്ചു കൊണ്ട് എൻ്റെ ശിഷ്യർ വന്നപ്പോൾ…. ഞാൻ ഇവളുടെ മുഖത്തേക്കു ഒന്നു നോക്കി…. അവിടെ എന്നും കാണാറുണ്ടായിരുന്ന ദേഷ്യമല്ല കണ്ടിരുന്നത്… ഒരു പുഞ്ചിരിയായിരുന്നു കണ്ടെത്”…. ” നിരാശയിലും മാഷിൻ്റെ സംസാരം ശ്രദ്ധിച്ചു വിനോദ്… ” ഇവളുടെ മുഖഭാവം കണ്ടതും ഞാൻ അവരോട് പറഞ്ഞത് നിന്നെ ഒന്നും ചെയ്യണ്ടായെന്നാ… കാരണം എൻ്റെ മോൾടെ സന്തോഷമായിരുന്നു എനിക്ക് വലുത്… നീ ഒരു ഓട്ടോക്കാരനാണെന്ന് അറിഞ്ഞപ്പോഴും ഞാൻ തടസം പിടിക്കാതിരുന്നത് അതുകൊണ്ടു മാത്രമാണ്…”

അവരുടെ സംസാരത്തിനിടയ്ക്ക് ഭാഗീരഥിയമ്മ ചായകൊണ്ടുവന്ന് ഒരു പുഞ്ചിരിയോടെ വിനോദിൻ്റെ കൈയിൽ കൊടുത്തു. “പക്ഷേ നിൻ്റെ വീടും, നിങ്ങളുടെ സെറ്റപ്പും കണ്ടപ്പോൾ ഞാൻ ഒരു നിമിഷം സംശയിച്ചു പോയി…. ആ വലിയ വീട്ടിൽ എൻ്റെ മോൾ ഒറ്റപ്പെടുമോ എന്ന സംശയം ” ചായ ഒരിറക്ക് കുടിച്ചു കൊണ്ട് വിനോദ് രശ്മിയെയും, അച്ഛനെയും നോക്കി. ” അപ്പോഴും എൻ്റെ മോൾ തന്നെയാണ് എനിക്ക് ധൈര്യം തന്നത്… വിനോദ് സ്നേഹിക്കാനറിയുന്നവനാണെന്നും പറഞ്ഞ് ” അമ്മായച്ഛൻ അതും പറഞ്ഞ് തന്നെ പുച്ഛത്തോടെ നോക്കുന്നത് വിനോദ് കണ്ടില്ലെന്നു നടിച്ചു. “എൻ്റെ സംശയം ശരിയായതോടൊപ്പം വിനോദിനെ കുറിച്ചുള്ള ഇവളുടെ സങ്കൽപ്പമാണ് തെറ്റിയത്….” “അച്ഛാ…. ഞാൻ ” വിനോദ് വാക്കുകൾ കിട്ടാതെ വിഷമിച്ചു. “കൂടുതലായി ഒന്നും പറയാതെ അവസാനമായി പറയുകയാ… വിനോദ് പോകുമ്പോൾ ഒറ്റയ്ക്ക് വീട്ടിലേക്ക് പോയാൽ മതി…. അവിടുത്തെ അടിമയാകാൻ കൂടെ ഇവൾ ഉണ്ടായിരിക്കില്ല” ” അച്ഛാ…. വിനോദേട്ടൻ” പറഞ്ഞു തീരും മുൻപ് വേലായുധൻ മാഷിൻ്റെ കൈപ്പത്തി അവളുടെ കവിളിൽ വീണു. “ഇതു നിനക്കു ആദ്യം തന്നിരുന്നെങ്കിൽ രണ്ടു വർഷം നിന്നെ കാണാത്ത വിഷമത്തിൽ ഞങ്ങൾക്ക് ജീവിക്കേണ്ടി വരില്ലായിരുന്നു… നീ അവിടുത്തെ അടിമയാകില്ലായിരുന്നു.. ” ” മോൾ അകത്തേക്കു വാ…” അടിയും കൊണ്ട് വിനോദിനെ സങ്കടത്തോടെ നോക്കി നിൽക്കുന്ന രശ്മിയെയും പിടിച്ച് അകത്തേക്ക് കയറി ഭാഗീരഥിഅമ്മ. രശ്മി അകത്തേക്കു പോകുന്നതും നോക്കിയിരുന്ന വിനോദിൻ്റെ നെഞ്ചിൽ ഒരു നീറ്റൽ അനുഭവപ്പെട്ടു. ” അച്ഛാ…. ഞാൻ…. ചേട്ടൻമാരുടെ പോലെത്തെ ഒരു ജീവിതം കിട്ടാതായ വിഷമത്തിൽ എന്തൊക്കെയോ അവളോട് കാട്ടി കൂട്ടിയിട്ടുണ്ട്… അല്ലാതെ….” പാതിയിലെത്തി മുറിഞ്ഞ വാക്കുകളുമായി അവൻ സങ്കടത്തോടെ രശ്മി പോയ വഴിയിലേക്ക് നോക്കിയിരുന്നു. ” പലരുടെയും ജീവിതം പലതുപോലെയാണ് വിനോദേ…. ധനികനായാലും ദരിദ്രനായാലും വിവാഹ ജീവിതത്തിൽ പരസ്പരം സ്നേഹമുണ്ടെങ്കിൽ രണ്ടും ഒരു പോലെയാണ് … സ്നേഹമില്ലെങ്കിലും രണ്ടും ഒരു പോലെ തന്നെ… ഒരു മാറ്റവുമില്ല” വേലായുധൻ മാഷിൻ്റെ സംസാരത്തിനു മുന്നിൽ ഉത്തരമില്ലാതെ അവൻ ഇരുന്നു. മാഷ് പോക്കറ്റിൽ നിന്ന് ഒരു ബ്രൗൺകളർ കവർ എടുത്ത് അവനു നേരെ കാണിച്ചു. ” സമ്പത്തിൻ്റെ കാര്യത്തിലല്ലേ എൻ്റെ മോളെ വിനോദ് വേർതിരിച്ചത്…. അവൾക്ക് ഇവിടുത്തെ സ്കൂളിൽ ഞാൻ കഷ്ടപ്പെട്ടിട്ടാണെങ്കിലും ഒരു ടീച്ചറായി ജോലി ലഭിച്ചിട്ടുണ്ട് ” ആ കവറിലേക്ക് സന്തോഷത്തോടെ നോക്കിയ വിനോദിന്, പിന്നെ വന്ന അമ്മായിയച്ചൻ്റെ മറുപടി ഇരുട്ടടിയായി. “എൻ്റെ മോൾ രണ്ടു ദിവസം കഴിഞ്ഞാൽ ടീച്ചറാണ് …. അതിനൊപ്പമുള്ള ഒരു ജോലി നിനക്കു കിട്ടുന്ന കാലത്ത് അവളെ നിനക്ക് കൊണ്ടു പോകാം… അല്ലെങ്കിൽ അവൾ ഞങ്ങളുടെ പുന്നാരയായി എന്നും ഇവിടെ നിൽക്കും” വേലായുധൻ മാഷ് പറഞ്ഞു തീർന്നതും പുറത്തേക്ക് നോക്കി. ” ഒരു മഴക്കുള്ള വട്ടകൂടൽ ആകാശത്ത് നടക്കുന്നുണ്ട്… ഇപ്പം ഇവിടെ നിന്നിറങ്ങിയാൽ മഴയെത്തും മുൻപേ വിനോദിന് വീട്ടിലെത്താം…” വിനോദിൻ്റെ മറുപടിക്ക് കാത്തുനിൽക്കാതെ വേലായുധൻ മാഷ് അകത്തേക്ക് നടന്നതും, ഷോക്കടിച്ചതു പോലെ ഇരുന്നു വിനോദ് ! എത്ര ചീത്ത പറയുമെങ്കിലും അവൾ അരികെ ഇല്ലായെങ്കിൽ ശ്വാസം മുട്ടുന്നതു പോലെയാണ് … അവളുടെ നിശ്വാസങ്ങളിലെ ചൂടേറ്റാണ് എന്നും ഉറങ്ങാറ്…. അവളുടെ ശ്വാസം മുഖത്തടിച്ചതു പോലെ തോന്നിയപ്പോൾ അവൻ അറിയാതെ അവിടെയൊന്നു തടവി’.. പുറത്ത് മഴതുള്ളികൾ വീഴുന്ന ശബ്ദം കേട്ടപ്പോൾ, ആ കൊച്ചു വീടിൻ്റെ എല്ലാ മുറികളിലേക്കും കണ്ണോടിച്ചു കൊണ്ട് ആശയറ്റവനെ പോലെ അവൻ കസേരയിൽ നിന്നെഴുന്നേറ്റു. മനസ്സും, ഹൃദയവും അവിടെ ഉപേക്ഷിച്ച്, മരിച്ചവനെ പോലെ അവൻ പുറത്തേക്കിറങ്ങി. ബൈക്ക് സ്റ്റാർട്ട് ചെയ്തു ഒന്നുകൂടി ആ വീട്ടിലേക്ക് നോക്കിയ ശേഷം അവൻ പതിയെ ഓടിച്ചു പുറത്തേക്കിറങ്ങി…. കണ്ണീരും മഴതുള്ളികളും ഇടകലർന്ന് കാഴ്ച മങ്ങിയ ഒരു നിമിഷത്തിലാണ്, മതിലിൻ്റെ വിടവിലൂടെ ചാടി കൊണ്ട് ഒരു പെണ്ണ് അവൻ്റെ ബൈക്കിൻ്റെ മുന്നിലേക്ക് വന്നു നിന്നത്. “വേഗം വിട്ടോ ” ബൈക്കിനു പുറകിലേക്ക് ചാടി കയറിയവളുടെ ശ്വാസം മുഖത്തടിച്ചതും അവൻ പതിയെ മന്ത്രിച്ചു… “രശ്മി” “അതെ രശ്മി തന്നെയാ… വിനോദിൻ്റെ ഭാര്യ ” സന്തോഷം കൊണ്ട് മതിമറന്ന അവൻ ഒരു നിമിഷം ശബ്ദമില്ലാതെ നിന്നു. “വിനോദിൻ്റെ പോലെയല്ല ഞാൻ… എനിക്ക് പണത്തിനെക്കാളും, ജോലിയെക്കാളും വലുത് ബന്ധങ്ങളാണ്…. എൻ്റെ ഭർത്താവാണ് …. വേഗം വിട്ടോ.’.മഴയ്ക്ക് ശക്തി കൂടും മുൻപെ വീടെത്താം” അവൻ അതു കേട്ടതോടെ ബൈക്ക് തിരിച്ച് അവളുടെ വീട്ടിലേക്ക് ഓടിച്ചു. “വീണ്ടും എന്നെ വീട്ടിലാക്കാൻ പോകുകയാണോ? ഒരു തരിമ്പും എന്നോട് സ്നേഹമില്ലേ മനുഷ്യാ ” അവളുടെ ചോദ്യം കേട്ടപ്പോൾ ബൈക്ക് നിർത്തി മുഖം തിരിച്ച് അവളുടെ നെറ്റിയിലേക്ക് ചുണ്ടമർത്തി അവൻ…. “വലിയ വലിയ സ്വപ്നങ്ങളില്ലാതെ നമ്മൾക്ക് ഇവിടെ തന്നെ കൂടാം രശ്മീ… അച്ഛനും, അമ്മയ്ക്കും കൂട്ടായിട്ട്…. ”

” അപ്പോൾ ആ വലിയ വീട്… സൗകര്യങ്ങൾ എല്ലാം മിസ് ആവില്ലേ? ഒരു ചെറുചിരിയോടെ രശ്മി ചോദിച്ചതും അവൻ അവളെ നെഞ്ചിലേക്ക് ചേർത്ത് നിർത്തി…. ” ഞാൻ ആദ്യമൊക്കെ വിചാരിച്ചത് അതൊക്കെയാണ് ഏറ്റവും വലിയ ഭാഗ്യമെന്ന്… പക്ഷെ അതൊന്നുമല്ല ഭാഗ്യം… നിന്നെ പോലെ സ്നേഹിക്കാനറിയുന്ന ഒരു ഭാര്യയെ കിട്ടുന്നതാണ് ഏറ്റവും വലിയ ഭാഗ്യം….” “എനിക്കു ജോലി കിട്ടിയതുകൊണ്ടാണോ ഈ മനമാറ്റം?…. അവൾ ചോദിച്ചു തീർന്നതും, അവൻ്റെ ചുണ്ടിൽ പുഞ്ചിരി വിടർന്നു. ” ആരാടീ ബന്ധങ്ങളുടെ പേരിൽ ലക്ഷങ്ങൾ വിലമതിക്കുന്ന ഈ പോസ്റ്റ് ഒക്കെ വെറുതെ കൊടുക്കുന്നത്? ” പിന്നെ?” സംശയത്തോടെ അവൻ്റെ മുഖത്തേക്ക് നോക്കി അവൾ…. ” എൻ്റെ കുറച്ചു ചങ്ങാതിമാരിൽ നിന്നും ഞാൻ വാങ്ങിയ പൈസയാണ് നിൻ്റെ ഈ ഉദ്യോഗത്തിനു പിന്നിൽ … ആരോടും പറയണ്ട നീ…? വിനോദ് പറഞ്ഞതും അവിശ്വസനീയതയോടെ അവൾ അവനെ നോക്കി . “ഇതൊക്കെ എങ്ങിനെ വീട്ടുമെന്നല്ലേ? അത് നീ പേടിക്കണ്ട…. രണ്ട് മാസത്തിനുള്ളിൽ ഞാൻ ഗൾഫിലേക്ക് പറക്കും… ഒരു സ്നേഹിതൻ വിസ അയച്ചു തരുമെന്ന് പറഞ്ഞിട്ടുണ്ട്… അതും പറഞ്ഞ് അവൻ അവളുടെ കൈ പിടിച്ച് ചുണ്ടോട് ചേർത്തു. “ലോട്ടറിയടിച്ചെന്നും പറഞ്ഞ് വിളിച്ചപ്പോൾ എനിക്ക് അറിയാമായിരുന്നു ഇതാണ് കാര്യമെന്ന്…. ഇതൊന്നും നീ കണക്ക് മാഷായ നിൻ്റെ അച്ഛനോട് പറയണ്ട.. :” “ഗൾഫിലേക്ക് പോകാൻ തീരെ ഇഷ്ടമായിരുന്നില്ലല്ലോ…?” ഒരു തേങ്ങലോടെ ചോദിച്ചു കൊണ്ട് അവൾ അവൻ്റെ നെഞ്ചിലേക്ക് ചേർന്നു നിന്നു. “അതെ …. പക്ഷെ എൻ്റെ ഇഷ്ടങ്ങളെക്കാൾ എൻ്റെ ഭാര്യയുടെ, ടീച്ചറാകാനുള്ള ഇഷ്ടത്തെയാണ് ഞാൻ സ്നേഹിച്ചത് … അവൾ മറ്റുള്ളവരുടെ മുന്നിൽ തൻ്റേടത്തോടെ തലയുയർത്തി പിടിച്ചു നിൽക്കുന്നതും ” “ഇതൊക്കെ നേരെത്തെ പറഞ്ഞൂടായിരുന്നോ മനുഷ്യാ…. അതെങ്ങിനെ ഉള്ളിലെ സ്നേഹം പുറത്തു കാണിക്കുന്നത് കുറച്ചിലല്ലേ?” അവൻ്റെ നെഞ്ചിൽ സ്നേഹത്തോടെ അവൾ ഇടിക്കുമ്പോൾ അവരുടെ പ്രണയത്തെ തളിർപ്പിക്കാനെന്നവണ്ണം മഴയ്ക്ക് ശക്തിയേറിയിരുന്നു.ശുഭം…. ലൈക്ക് ചെയ്ത് അഭിപ്രായങ്ങൾ കമന്റ്‌ ചെയ്യൂ, ഇനിയും കഥകൾക്ക് ഈ പേജ് ലൈക്ക് ചെയ്യുക…

Relationship

പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ വിവാഹം കഴിഞ്ഞു ഇത്രേം മാസമല്ലേ ആയുള്ളൂ…

Published

on

By

രചന: Unni K Parthan

#ഇനിയും.. “പഠിക്കാൻ ആഗ്രഹം ഇല്ലാഞ്ഞിട്ട് അല്ല ഏട്ടാ.. വിവാഹം കഴിഞ്ഞു ഇത്രേം മാസമല്ലേ ആയുള്ളൂ.. ഏട്ടന്റെ അമ്മയും അച്ഛനുമൊക്കെ ന്ത് വിചാരിക്കും..” ദേവികയുടെ ചോദ്യം കേട്ട് നിഖിൽ ചിരിച്ചു.. “നീ പഠിക്കാൻ പോകുന്നതിനു അവർക്ക് ന്താ ന്നേ… മാത്രല്ല നീ എന്റെ ഭാര്യയല്ലേ.. എന്റെ ഭാര്യ എന്ത് ചെയ്യണമെന്ന് ഞാൻ അല്ലെ തീരുമാനിക്കേണ്ടത്..” നിഖിൽ പറഞ്ഞത് കേട്ട് ദേവിക ഒന്ന് പതറി.. “അറിയാലോ ഏട്ടാ.. വീട്ടിലേ സാഹചര്യം.. മാത്രമല്ല നമ്മുടെ ലവ് മാര്യേജ് ആണ്.. ഏട്ടന്റെ അമ്മയ്ക്ക് ഒട്ടും താല്പര്യമില്ലായിരുന്നു എന്നേ.. ഏട്ടന്റെ നിർബന്ധം കൊണ്ടല്ലേ.. ഞാൻ ഈ വീട്ടിൽ വലതു കാൽ വച്ചു കയറിയത്..” ദേവികയുടെ ശബ്ദം ഇടറി.. “എനിക്ക് വിശക്കുന്നു.. നീ കഴിക്കാൻ എടുത്തു വെച്ചേ.. ഞാൻ കുളിച്ചിട്ട് താഴേക്ക് വരാം.. നേരത്തെ ഉറങ്ങണം.. രാവിലെ നേരത്തെ എണിക്കണം എനിക്ക്..” കൂടുതൽ ഒന്നും പറയാതെ നിഖിൽ.. ബാത്‌റൂമിലേക്ക് നടന്നു.. ദേവിക എഴുന്നേറ്റു താഴേക്ക് ചെന്നു.. “നിഖിൽ എവിടെ മോളേ..” പത്മാവതി ദേവികയോട് ചോദിച്ചു.. “കുളിക്കാൻ കേറി.. കഴിക്കാൻ എടുത്തു വെയ്ക്കാൻ പറഞ്ഞു ഏട്ടൻ..” “മ്മ്.. മോള് ഇങ്ങോട്ട് ഇരുന്നേ..” സെറ്റിയിൽ തനിക്കു അരികിലേക്ക് പത്മാവതി ദേവികയേ വിളിച്ചു.. “ന്തേ.. പഠിക്കാൻ പോണുണ്ടോ എന്നിട്ട്..” പത്മാവതിയുടെ ചോദ്യം കേട്ട് ദേവിക ഒന്ന് ഞെട്ടി… “കൃഷ്ണാ.. കൊല്ലാൻ ആണോ വളർത്താൻ ആണോ..” ദേവിക മനസ്സിൽ ചോദിച്ചു.. “അത് പിന്നേ…” ദേവിക വിക്കി.. ”

മോൾക്ക് ഇപ്പോളും എന്നേ മോളുടെ അമ്മയായി കാണാൻ കഴിഞ്ഞിട്ടില്ല ല്ലേ..” പത്മാവതിയുടെ ചോദ്യം കേട്ട് ദേവിക ഒന്ന് പിടിഞ്ഞു.. “ന്തേ..അമ്മ അങ്ങനെ ചോദിച്ചത്..” “അമ്മയേ മാത്രം അല്ല അച്ഛനേയും മോൾക്ക്‌ അങ്ങനെ കാണാൻ കഴിഞ്ഞിട്ടില്ല ലോ..” ഹരി ദേവികയേ നോക്കി പുഞ്ചിരിച്ചു കൊണ്ട് ചോദിച്ചു.. ദേവിക നിന്നിടത്തു നിന്ന് ഉരുകി.. “മോളേ..” പത്മാവതിയുടെ വിളി കേട്ട് ദേവിക തലയുയർത്തി നോക്കി.. “ഈ വിവാഹത്തിന് ഇഷ്ടകുറവ് ഉണ്ടായിരുന്നു എന്നുള്ളത് സത്യം.. പക്ഷെ.. ഈ വീട്ടിൽ വലതു കാൽ വെച്ച് കയറിയതു മുതൽ ഇന്ന് വരെയുള്ള ഈ നിമിഷം വരെ ഞങ്ങൾക്ക് മോള്.. ഞങ്ങളുടെ മോളാണ്.. ഇനി എന്നും മുന്നോട്ട് അങ്ങനെ തന്നേയായിരിക്കും.. പൊരുത്തപെടൽ മോൾക്ക് അൽപ്പം ബുദ്ധിമുട്ട് ഉള്ള കാര്യം ആണെന്ന് മനസിലായി.. പക്ഷെ.. മോള് പേടിക്കേണ്ട മോളേ ഞങ്ങൾക്ക് ഇഷ്ടാണ്.. ഞങ്ങൾ പറഞ്ഞിട്ടാണ് മോളോട് തുടർന്നു പഠിക്കാൻ മോൻ പറഞ്ഞത്.. കാരണം മോൾക്ക്‌ മുന്നിൽ ഒരു നല്ല ഭാവിയുണ്ട്.. ഇത്രേം നാളും കഷ്ടപാടുകൾക്ക് ഇടയിൽ നിന്നും പട വെട്ടി പൊരുതി നേടിയത് എല്ലാം ഒരു സുപ്രഭാതം കൊണ്ട് ഇല്ലാതാക്കണ്ട ന്നേ..

ഇനി മോൾക്ക്‌ കഷ്ടപാടുകൾ ഉണ്ടാവില്ല.. ഇന്ന് നിഖിലിന്റെ ഭാര്യ എന്ന് അറിയപ്പെടുന്ന മോള് കാലം കൊറേ കഴിയുമ്പോൾ ദേവികയുടെ ഭർത്താവാണ് എന്നുള്ള നിലയിലേക്കുള്ള വളർച്ചയുണ്ടാകും.. വിവാഹം ഒന്നിന്റെയും അവസാനമല്ല തുടക്കമാണ്.. പുതിയ ജീവിതവും പുതിയ ചുറ്റുപാടും.. അതിലെ പുതിയ അനുഭവങ്ങളും എല്ലാം മോൾക്ക് കരുത്തു നൽകുന്നത് മാത്രമാവും.. നാളേയുടെ പുലരികൾ.. ഞങ്ങൾ മോൾക്ക് വെളിച്ചമായ് മുന്നിൽ ഉണ്ടാവും.. കാലം മോൾക്ക് മുന്നിൽ കാത്തു വെച്ച നിധിയെന്ന സ്വപ്നം.. മോളുടെ ഭാവി.. എല്ലാം ഇനി ഭദ്രമായിരിക്കും.. പത്മാവതി പറഞ്ഞു നിർത്തി.. ദേവിക ഇരു കൈയ്യും കൂപ്പി പൊട്ടി കരഞ്ഞു.. “കരയല്ലേ പെണ്ണേ.. നീ ചിരിക്കാൻ നോക്ക്..” ഹരി പറഞ്ഞത് കേട്ട് ദേവിക ചിരിച്ചു.. ചുമരിൽ കൈയ്യും കെട്ടി തന്നെ നോക്കി നിൽക്കുന്ന നിഖിലിനെ നോക്കി ദേവിക ചിരിച്ചു.. മിഴികൾ സന്തോഷം കൊണ്ട് നിറഞ്ഞു… ശുഭം..

Continue Reading

Relationship

അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി…

Published

on

രചന: Seema Binu

പ്രണയം വരും വഴി “ങാ അഖീ പറ ” തോളിനും ചെവിക്കുമിടയിൽ ഫോണും പിടിച്ചു സംസാരിച്ചുകൊണ്ട് രണ്ടു് കയ്യിലും സാധങ്ങളുമായി വിദ്യ ഊണുമുറിയിലേയ്ക്ക് വന്നു . “ഹരിയേട്ടാ അവിടെ മേശപ്പുറത്ത് കഴിക്കാനുള്ളതും ടിഫിനും വച്ചിട്ടുണ്ട് . ഞാൻ പിള്ളേരെ എഴുന്നേൽപ്പിച്ചു സ്കൂളിൽ വിടാൻ നോക്കട്ടെ .” കഴിക്കാനായി വന്ന ഹരിയോട് അത്രയും പറഞ്ഞു കയ്യിലെ വെള്ളം ഇട്ടിരുന്ന നെറ്റിയിൽ തുടച്ചു ഫോണിൽ സംസാരിച്ചുകൊണ്ടു തന്നെ വിദ്യ അകത്തേയ്ക്ക് പോയി . ഇവൾക്കിപ്പോൾ എന്നോടു സംസാരിക്കാനോ എന്റെ കാര്യം നോക്കാനോ തീരെ സമയമില്ല . എന്തു പറഞ്ഞാലും ഒരു അഖി .. വിദ്യയുടെ പെരുമാറ്റം ഹരിയേ ചൊടിപ്പിച്ചു . അപ്പോഴേയ്ക്കും ഹരിക്കു കൊണ്ടുപോകാനുള്ള ബാഗുമായി വിദ്യയെത്തി . “നിനക്കെന്താ വിദ്യേ എന്നേ കണ്ണിൽ പിടിക്കുന്നില്ലേ ? നീ എന്നോടൊന്ന് ശരിക്കും സംസാരിച്ചിട്ട് എത്ര നാളായെന്നറിയാമോ ? എപ്പോൾ നോക്കിയാലും ഫോണിൽ തന്നെ .” അവൾ ഒരു നിമിഷം നിശബ്ദയായി . “അതിന് ഹരിയേട്ടൻ എപ്പോഴാ എന്നോട് സംസാരിച്ചിട്ടുള്ളത് ? പിന്നാലെ നടന്ന് എന്തെങ്കിലും പറഞ്ഞാൽ തന്നെ ഒന്നു നിർത്തുന്നുണ്ടോ എന്ന് പറഞ്ഞ് ഒച്ച വയ്ക്കും . ഞാനുമൊരു മനുഷ്യ ജീവിയല്ലേ ? എന്നേ കേൾക്കുന്ന ആരോടെങ്കിലും ഞാനും സംസാരിക്കട്ടെന്നേ ” “നിന്റെ ശബ്ദത്തിനെന്താ പതിവില്ലാത്തൊരു കടുപ്പം ?” ഹരിയുടെ ചോദ്യത്തിന് മറുപടി പറയാതെ അവൾ കുട്ടികളേ ഉണർത്താൻ പോയി . ശബ്ദത്തിന് കടുപ്പം പോലും ..

വെളുപ്പിന് അഞ്ചു മാണിക്കു തുടങ്ങുന്ന അങ്കമാ . എന്തെങ്കിലും ഒന്നു സഹായിക്കാൻ പറഞ്ഞാൽ അപ്പോൾ പറയും ഞങ്ങൾ അഞ്ചു മക്കളുടേം അച്ഛന്റേം പിന്നെ വീട്ടിലെ എല്ലാ പണീം ചെയ്തിട്ടും എന്റമ്മ ഒരു പരാതീം പറഞ്ഞിരുന്നില്ലല്ലോ എന്ന് .അതുപോലാണോ എനിക്ക് എന്നെങ്ങാനും പറഞ്ഞു പോയാൽ ഉടൻ വരും നിനക്ക് ജോലിയുണ്ടെന്നുള്ള അഹങ്കാരമാ എന്ന് .. അവൾക്ക് ദേഷ്യം വന്നു . വിദ്യ കുട്ടികളേ എഴുനെല്പിച്ചു റെഡിയാക്കി എങ്ങനെയൊക്ക്വയോ ബ്രേക്ക് ഫാസ്റ് കഴിപ്പിച്ചു സ്കൂൾ ബസിൽ കയറ്റി വീട്ടു . ഹരിയും കുട്ടികളും പോയപ്പോൾ അവൾ ടീ വി ഓണാക്കി സൗണ്ട് കുറച്ചു വച്ചു .ഫോൺ എടുത്തു നോക്കിയപ്പോൾ ഹരീടെ പെങ്ങളുടെ മൂന്നു മിസ്ഡ് കോൾ .. .അവൾ ഹിമയുടെ നമ്പർ ഡയൽ ചെയ്തു . ആദ്യത്തെ റിങ്ങിൽ തന്നെ ആള് ഫോണെടുത്തു . “നീ ഇത് എവിടെയാ വിദ്യേ ? എത്ര നേരം കൊണ്ട് ഞാൻ വിളിക്കുവാ ?” “അനിയന്റെ ദേഷ്യം അങ്ങോട്ടും പകർന്നോ ?”വിദ്യ ശബ്ദമില്ലാതെ ചിരിച്ചു . “നീ ഇന്നു ഓഫീസിൽ പോയില്ലേ ? “ഇല്ല ചേച്ചീ .. ഇന്നൊരു ലീവെടുത്തു . എന്റെ കൂടെ വർക്കു ചെയ്യുന്ന ഒരാളുടെ ബെർത്ത് ഡേ യാ . അതിനൊന്നു പോകണം ” “ലീവെടുത്തു പോകാനും മാത്രം ഇതാരാ ഇത്ര വല്യ ആള് ? അഖിയാണോ ??” “ങേ !!! ചേച്ചിക്ക് എങ്ങനെ മനസിലായി ?” “ങ ചേച്ചിക്കു പലതും മനസ്സിലാവുന്നുണ്ട് .

എന്താ വിദ്യേ നിന്റെ ഉദ്ദേശം ?” കുറച്ചു നേരം വിദ്യ ഒന്നും മിണ്ടിയില്ല . “ചേച്ചിക്ക് എന്താ അറിയേണ്ടത് ?” “ആരാ ഈ അഖി ? അയാളുമായി നിനക്കെന്താ ബന്ധം ?” “ഓ ഇത്രേയുള്ളോ ? അഖി .. അഖി എന്റൊപ്പം വർക്ക് ചെയ്യുന്ന വിവാഹമോചനം ഒക്കെ കഴിഞ്ഞ നല്ല സ്വീറ്റ് ആയ ഒരാൾ .. അഖിയെ എല്ലാർക്കും ഇഷ്ടമാ .. എനിക്കും . അഖി അടുത്തുള്ളപ്പോൾ ഞാൻ ഹാപ്പിയാ ചേച്ചീ …. ” “വിദ്യേ .. നീ … നീയെന്തൊക്കെയാ ഈ പറയുന്നത് എന്ന് നിനക്കു വല്ല ബോധവുമുണ്ടോ ? ഇതൊക്കെ ഹരി അറിഞ്ഞാൽ എന്തായിരിക്കും ഉണ്ടാവുക എന്നു വല്ലോം നീ ചിന്തിച്ചിട്ടുണ്ടോ ?? “ഹരിയേട്ടന് അറിയാല്ലോ ഞങ്ങളടെ ഫ്രണ്ട്ഷിപ്പിനെ പറ്റി .” വിദ്യ വാക്കുകളിൽ ദുഃഖത്തിന്റെ മേമ്പൊടിയിട്ടു. “ചേച്ചിക്കറിയാമോ വിവാഹം കഴിഞ്ഞുള്ള ഉപാധികളില്ലാത്ത പ്രണയത്തോടായിരുന്നു ബാലൻമാഷിന്റ മകൾക്കു പ്രണയം .. മനസിലും ശരീരത്തിലും ഒരാളേ മാത്രം നിറച്ചു ആ ആളിന്റെ രണ്ടു് മക്കളെ പ്രസവിച്ച എനിക്ക് പക്ഷേ ഈ പതിമൂന്നു വർഷങ്ങൾക്കിപ്പുറവും അറിയില്ല എന്താണ് പ്രണയമെന്ന് ?? ഞാനുമൊരു മനുഷ്യ സ്ത്രീ തന്നെയല്ലേ ? ഇനി എന്തിന്റെ പേരിലായാലും അഖിയുമായുള്ള സൗഹൃദം വേണ്ടെന്നു വയ്ക്കാൻ ഞാൻ തയ്യാറല്ല ചേച്ചീ ..” “എടീ ബാലൻ മാഷിന്റെ മോളേ…എന്റെ അനിയൻ കെട്ടിക്കൊണ്ടു വരുമ്പോഴല്ല നിന്നേ ഞാൻ ആദ്യമായി കാണുന്നത് കേട്ടോ . എന്തായാലും ഞാനൊന്നു കാണുന്നുണ്ട് നിന്റെയീ അഖിയേ . നിന്നെയൊക്കെ നേർവഴിക്ക് നടത്താൻ പറ്റുമോന്ന് ഞാനൊന്ന് നോക്കട്ടെ .” അടുത്ത ദിവസം തന്നെ ഹിമയുടെ കോൾ ഹരിക്ക് ചെന്നു . “ഹരീ പ്രശ്നം നമ്മള് കരുതിയതിലും സീരിയസ് ആണ് കേട്ടോ . നി ഇപ്പൊഴും നമ്മുടെ അച്ഛനെ റോൾ മോഡലാക്കി ഇരുന്നോ .ഇതു പണ്ടത്തെ കാലമൊന്നുമല്ല . അവളും ഈ പറഞ്ഞ അഖിയും ട്രാൻസ്ഫെറിന് ട്രൈ ചെയ്യുന്നെന്നാ കേട്ടത് .അവൾ അവളുടെ പാട്ടിനു പോകും . പോകട്ടെ അതാ നല്ലത് .. പറയുന്നത് കൊണ്ടൊന്നും തോന്നല്ലേ ഹരീ .. അവളേ പ്പോലൊരു പെണ്ണിനേ നീ അർഹിക്കുന്നില്ല .

അതാ സത്യം .” അപ്പുറത്ത് ഫോൺ കട്ടാകുന്ന ശബ്ദം കേട്ടിട്ടും അനങ്ങാനാവാതെ ഇരുന്നു ഹരി . സമയം കളയാതെ വീട്ടിലേയ്ക്ക് തിരിച്ചു . വീട്ടിലെത്തിയ ഹരി കാണുന്നത് എവിടേക്കോ പോകാൻ തയ്യാറായി പുറത്തേയ്ക്ക് വരുന്ന വിദ്യയെയാണ് . ഇവളിതെങ്ങോട്ടാ കെട്ടിയൊരുങ്ങി ??ഓർത്തത് അങ്ങനെയാണെങ്കിലും ചോദിച്ചത് മറ്റൊന്നാണ് . “ങേ. അടിപൊളിയാണല്ലോ .. എങ്ങോട്ടാ യാത്ര ??” ഹരീടെ ചോദ്യത്തിൽ കിളിപോയി നിന്നു വിദ്യ . “എന്താ ?” “അല്ല സാരിയൊക്കെ ഉടുത്ത് സുന്ദരി ആയിട്ട് എങ്ങോട്ടാണെന്ന് ചോദിച്ചതാ ” “അത് .. അത് കുറച്ചു സാധനങ്ങൾ വാങ്ങണം . പിന്നെ ഒരു ഫ്രണ്ടിന്റെ ബെർത്ഡേയാ .. അതിനും ഒന്നു പോകണം .” “വരാൻ വൈകുമോ ? പിക് ചെയ്യാൻ ഞാൻ വരണോ ?” വിദ്യയ്ക്ക് വീണ്ടും ഞെട്ടൽ .. “ഓ വേണ്ട … ഞാനിങ്ങു വന്നോളാം . പിന്നെ കുട്ടികൾ വരുമ്പോൾ ചായേം സ്നാക്സും എടുത്തു കൊടുക്കണേ ..” അവൾ പോകുന്നതു ഹരി നോക്കി നിന്നു . അവളുടെ ഉള്ളിൽ എന്താണെന്ന് ഒരു പിടിയും കിട്ടുന്നില്ലല്ലോ . ഇനി ചേച്ചി പറഞ്ഞതു പോലെ എന്തെങ്കിലും ??? ഏയ് .,,എങ്കിലും ഈയിടെയായി അവൾ തന്നേ അവഗണിക്കുന്നുണ്ടോന്നൊരു സംശയം .. തോന്നലാവും .. കുട്ടികൾ വന്നിട്ട് കുറച്ചു നേരം കൂടി കഴിഞ്ഞാണ് വിദ്യ എത്തിയത് . “ബെർത്ത് ഡേ പാർട്ടി എങ്ങെനെ ഉണ്ടായിരുന്നു ? എല്ലാവരും കൂടി അടിച്ചു പൊളിച്ചോ ?” ഹരിയുടെ ചോദ്യമാണ് അവളേ വരവേറ്റത് .അങ്ങനൊരു ചോദ്യം ഹരിയിൽ നിന്ന് പ്രതീക്ഷിച്ചില്ല . അതുകൊണ്ടുതന്നെ മറുപടി പറയാൻ ഇത്തിരി വൈകി . “എല്ലാവരുമൊന്നുമില്ല ..

ഞാനും അഖിയും മാത്രമുള്ളോരു കുഞ്ഞാഘോഷം .. പിന്നെ പാലട ഇഷ്ടമാണെന്നും പറഞ്ഞ് അതു വാങ്ങി വച്ചിരുന്നു . ഞാൻ ചെന്നിട്ട് അതുണ്ടാക്കി . ഒരു കേക്കും മുറിച്ചു തീർന്നു ആഘോഷം . എങ്കിലും നന്നായിരുന്നു .” “പാലടയോ ?? കൊള്ളാല്ലോ .. നീയിവിടെ പാലട ഉണ്ടാക്കിയിട്ട് ഒത്തിരി നാളായില്ലേ ?” “ഒരിക്കൽ ഞാൻ ഉണ്ടാക്കിയപ്പോൾ ഹരിയേട്ടന് ഇഷ്ടമല്ല അതുകൊണ്ട് ഇനി ഉണ്ടാക്കണ്ടാ എന്ന് പറഞ്ഞത് മറന്നു പോയോ ?” “അത് .. അതു പോട്ടെ . ഈ പറഞ്ഞ അഖിക്ക് ഇഷ്ടമാണോ ഈ വക സാധനങ്ങളൊക്കെ ?” “അഖിക്കല്ല .. എനിക്കിഷ്ടമാണെന്നറിഞ്ഞ് വാങ്ങിയതാ ” വിദ്യ അകത്തു കയറി പ്പോയിട്ടും ഹരി അതേ നിൽപ്പു നിന്നു . നിന്റെ ഇഷ്ടങ്ങളൊക്കെ അങ്ങു നിന്റെ വീട്ടിൽ . ഇവിടെ ഞാൻ പറയുന്നത് ഉണ്ടാക്കിയാൽ മതി …പണ്ടെന്നോ പറഞ്ഞ വാക്കുകൾ ഓർത്ത് ഹരിക്കു സ്വയം പുച്ഛം തോന്നി . ഒപ്പം വിദ്യയും അഖിയും മാത്രമുള്ള പാർട്ടി എന്നോർത്തൊരു അസ്വസ്ഥതയും ഹരിയേ പൊതിഞ്ഞു . വൈകിട്ട് കുട്ടികളേ പഠിപ്പിക്കാൻ ചെന്ന ഹരിയേ അവര് കണ്ടം വഴി ഓടിച്ചു . “അമ്മ ഞങ്ങളേ ഹോംവർക്ക് ചെയ്യിച്ചാൽ മതി .അച്ഛനറിയില്ല ഞങ്ങൾക്ക് പഠിക്കേണ്ടത് എന്തൊക്കെയാണെന്ന് .. ” “ആരു പറഞ്ഞു അച്ഛന് അറിയില്ലെന്ന് ?നിങ്ങൾക്കറിയാമോ അച്ഛൻ ജോലി കിട്ടുന്നതിന് മുൻപ് കുറേ നാള് പാരലൽ കോളേജിൽ പഠിപ്പിച്ചിട്ടുണ്ട് .. വന്നേ ഇന്ന് അച്ഛൻ പഠിപ്പിക്കാം . അതുമല്ല അമ്മയ്ക്ക് കിച്ചണിൽ ഒത്തിരി ജോലിയുണ്ട് ..” “അമ്മയ്ക്കെന്നും ഉണ്ടല്ലോ ഒത്തിരി ജോലി .. പിന്നെന്താ ഇന്ന് ? അച്ഛൻ പോ .ഞങ്ങളെ അമ്മ പഠിപ്പിച്ചാൽ മതി .” ഹരി മെല്ലെ ബെഡ്‌റൂമിലേക്ക് നടന്നു . വിദ്യയെ അവിടെ കാണാത്തതു കൊണ്ട് അടുക്കളയിൽ ചെന്ന് നോക്കിയപ്പോൾ ചപ്പാത്തിക്ക്‌ മാവ് കുഴയ്ക്കുന്നു . “ഇന്നെന്താ ചപ്പാത്തിയാ ? ഇങ്ങു താ . ഞാൻ ചുട്ടെടുക്കാം . നീ ചെന്ന് പിള്ളേരുടെ ഹോംവർക്ക് ചെയ്യിക്ക് ..” “വേണ്ടാ .. ” “അതു വിദ്യേ .. നിനക്കെല്ലാം കൂടി ബുദ്ധിമുട്ടാകില്ലേ ? ” വിദ്യ കുറച്ചു നേരം അനങ്ങാതെ നിന്നു . “എനിക്കു ബുദ്ധിമുട്ടൊന്നുമില്ല . ഹരിയേട്ടൻ പോയി റസ്റ്റ് എടുത്തോ . ” ഇനിയൊന്നും പറയാനില്ലാത്തതു പോലെ വിദ്യ തന്റെ ജോലി തുടർന്നു . “നീ ട്രാൻസ്ഫെറിന് ട്രൈ ചെയ്യുന്നെന്ന് ചേച്ചി പറഞ്ഞു ” “ങാ നോക്കുന്നുണ്ട് . ” “നീ പോയാൽ ഇവിടുത്തെ കാര്യങ്ങൾ ഒക്കെ എങ്ങനാ ?” “ഞാൻ ഇല്ലേലും ഇവിടെ ഒന്നും സംഭവിക്കില്ല ഹരിയേട്ടാ . അത്രയ്ക്ക് പറ്റില്ലെങ്കിൽ ഒരു ജോലിക്കാരിയെ വയ്ക്കണം . പിന്നെ രാത്രിയിലെ കാര്യത്തിന് പൈസ ഇത്തിരി കൂടുതൽ കൊടുക്കേണ്ടി വരുമായിരിക്കും .

എന്നാലും എല്ലാം നടക്കേണ്ടേ ??” “രാ ..രാത്രിയിലെ എന്തു കാര്യം ?”ഹരി നിന്നു വിക്കി . “പിള്ളേരുടെ പഠിപ്പീര് . അല്ലാതെന്താ ?അവരു ഹരിയേട്ടനെ അടുപ്പിക്കില്ലല്ലോ . അപ്പൊൾ പിന്നെ ട്യൂഷന് ആളിനേ നിർത്തണം . അവർക്ക് ഒക്കെ ഇപ്പോൾ എന്തു ഡിമാൻഡ് ആണെന്നറിയാമോ ?”അവൾ തിരിഞ്ഞു നോക്കിയപ്പോൾ ഹരി നിന്നിടം ശൂന്യം . പൊട്ടി വന്ന ചിരിയടക്കി വിദ്യ തന്റെ ജോലി തുടർന്നു . ഹരിയിൽ കാണപ്പെട്ട ചെറിയ ചില മാറ്റങ്ങൾ ഒഴിച്ചാൽ എന്നത്തേയും പോലെ വിദ്യയുടെ ആ ദിനവും പോയി മറഞ്ഞു . അടുത്ത ദിവസങ്ങളിൽ അവളേ ജോലിയിൽ സഹായിക്കാനും കുട്ടികളേ റെഡിയാക്കാനും ഒക്കെയായി ഹരി പിന്നാലെയുണ്ടായിരുന്നു . ഒന്നും പുറത്തു കാണിച്ചില്ലെങ്കിലും ഒരു കുഞ്ഞു സന്തോഷം തോന്നി അവൾക്ക് . ഒരു വെള്ളിയാഴ്ച വിദ്യ ജോലി കഴിഞ്ഞെത്തിയപ്പോൾ ഹരി മാത്രമേയുള്ളു വീട്ടിൽ . “പിള്ളേര് എന്തിയെ ? “അവൾ ഹരിയേ നോക്കി . “അതു ഞാൻ പറയാൻ വീട്ടു പോയി . ഇന്ന് അച്ഛനും അമ്മയും വന്നിട്ടുണ്ടായിരുന്നു . അവരുടെ കൂടെ പോകണമെന്ന് പിള്ളേർക്ക് ഒരേ നിർബന്ധം . പിന്നെ ഞാനും ഓർത്തു ശനിയും ഞായറുമല്ലേ . രണ്ടു ദിവസം അവിടെ നിൽക്കട്ടെ എന്ന് . ” “അവിടെ കായലും വെള്ളോമൊക്കെയുള്ളതല്ലേ .. നമ്മളില്ലാതെ അവരെ വിടേണ്ടിയിരുന്നില്ല .” “എന്റച്ഛനും അമ്മയുമില്ലേ ? എന്നേ വളർത്തിയ അവർക്കറിയില്ലേ എന്റെ പിള്ളേരെ എങ്ങനെ നോക്കണമെന്ന് ?” ങാ അതിന്റെ ഗുണം എനിക്കല്ലേ അറിയൂ . അവൾ മനസ്സിൽ പറഞ്ഞു . രാത്രിയിലേക്കുള്ള ഭക്ഷണം തയ്യാറാക്കുക ആയിരുന്ന വിദ്യയെ പിന്നിൽ നിന്നും ഹരി കെട്ടിപ്പിടിച്ചു . അവൾ ഞെട്ടിപ്പോയി . “ഹരിയേട്ടനിതെന്താ ? ഞാൻ ഇവിടെ ജോലി ചെയ്യുന്നത് കാണാൻ മേലേ ?” “അതു കൊള്ളാം എനിക്കെന്റെ ഭാര്യയേ ഒന്നു കെട്ടിപ്പിടിക്കണമെങ്കിൽ നേരോം കാലോം നോക്കണോ ?” “ആരുടെ ഉപദേശമാ ?” “എന്ത് ?” “അല്ല ഇപ്പോൾ ഈ കാട്ടിക്കൂട്ടിയത് ആരുടെ ഉപദേശമനുസരിച്ചാണെന്നാ ചോദിച്ചത് ?” “എനിക്കു നിന്നേ സ്നേഹിക്കാൻ ആരുടെയെങ്കിലും ഉപദേശം വേണോ ?” ” സ്നേഹിച്ചതാരുന്നോ ? ശീലമില്ലാത്തതു കൊണ്ടാവും എനിക്കങ്ങോട്ടു മനസിലായില്ല കേട്ടോ. സോറി ഹരിയേട്ടാ .. ” “നിന്റെ പരിഹാസം ഒക്കെ എനിക്കു മനസ്സിലാകുന്നുണ്ട് . ഞാനിനി എങ്ങനാ നിന്നേ പ്രീതിപ്പെടുത്തേണ്ടത് ? എന്റെ സ്നേഹം പോരാഞ്ഞിട്ടാണോ നീ …” “എന്തേ നിർത്തിക്കളഞ്ഞത് ? ” വിദ്യ ഹരിക്കു നേരേ നിന്നു . “ഞാനിനി മുഴുവൻ പറഞ്ഞാലേ നിനക്കു മനസിലാകൂ?” “എന്താണെങ്കിലും പറയാൻ വന്നത് മുഴുവൻ പറയെന്നേ . അല്ലാതെ ഞാൻ എങ്ങനെ അറിയും ?” “എന്നാൽ നീ അറിയണ്ടാ .” ഹരിക്ക് ദേഷ്യം വന്നു . “ഓക്കേ അത് ഹരിയേട്ടന് ഇഷ്ടമുള്ളപ്പോൾ പറഞ്ഞാൽ മതി .

ഇനി ഞാനൊരു കാര്യം പറയട്ടേ .?” എന്താണെന്നുള്ള അർത്ഥത്തിൽ ഹരി അവളേ നോക്കി . “ഞാൻ പറഞ്ഞിരുന്നില്ലേ ഞങ്ങൾ ട്രാൻസ്ഫെറിന് ട്രൈ ചെയ്യുന്നെന്ന് .” “ഞങ്ങളോ ?” “ങ ഞാനും അഖിയും .. അതു ശരിയായി .” “വിദ്യേ …”അറിയാതെ ഹരിയുടെ ശബ്ദം ഉയർന്നു . “ഹരിയേട്ടനെന്തിനാ ഒച്ചയെടുക്കുന്നത് ? ഞാൻ പറഞ്ഞു കഴിഞ്ഞില്ല . ഇപ്പോൾ അഖിക്ക് മാത്രേ ഓർഡർ വന്നുള്ളൂ . അതും ഒരു മ്യൂച്വൽ ട്രാൻസ്ഫർ . എനിക്കും താമസിയാതെ ശരിയാകുമെന്നാ സൂപ്രണ്ട് പറഞ്ഞത് . ങാ പറഞ്ഞു വന്നത് അതല്ല . നാളെ അഖി ഇങ്ങോട്ടു വരാൻ ഇരിക്കുകാരുന്നു .പോകുന്നതിനു മുൻപ് പിള്ളേരേം ഹരിയേട്ടനേം ഒന്നു കാണണം എന്ന് . ഇനിയിപ്പോൾ വരണ്ടാ എന്ന് എങ്ങനാ പറയുന്നേ ? വന്നിട്ട് പോട്ടെ .പിള്ളേരേ ഞാൻ അങ്ങോട്ടു കൊണ്ടുപോയി കാണിക്കാം അല്ലേ ? ഓഫീസിൽ വച്ചുള്ളതോന്നും പോരാഞ്ഞിട്ടായിരിക്കും ഇനി വീട്ടിലും . എന്തായാലും എന്റെ പിള്ളേരേ കൊണ്ട് നീ എവിടെ പോവില്ല. ഹരി മനസ്സിൽ ഉറപ്പിച്ചു . “ഓ വേണ്ടെങ്കിൽ വേണ്ടാ .അതു പോട്ടെ ആദ്യമായിട്ട് വരുവല്ലേ അഖി ഇവിടെ . അപ്പൊൾ ശരിക്കെന്തെങ്കിലും ഉണ്ടാക്കി കൊടുക്കണ്ടേ ? രാവിലെ പോയി കുറച്ചു നല്ല കൊഞ്ചു വാങ്ങിക്കൊണ്ടു വരണേ . അഖിക്ക് കൊഞ്ചു തീയൽ ഭയങ്കര ഇഷ്ടമാ .. ” മറുപടി പറയാതെ ഹരി തിരിഞ്ഞു മുറിയിലേയ്ക്ക് പോയി . നിന്റെ എല്ലാ കൊഞ്ചലും അവസാനിക്കാൻ പോകുവാ .. നാളെയിങ്ങു വരട്ടെ നിന്റെ മറ്റവൻ .കാണിച്ചു കൊടുക്കാം അവന് ഈ ഞാൻ ആരാണെന്ന് . ക്ഷമിക്കുന്നതിനൊക്കെ ഒരു ലിമിറ്റില്ലേ ? അടുത്ത ദിവസം രാവിലേ കോളിംഗ് ബെല്ലിന്റെ ശബ്ദം കേട്ട് ഹരി ക്ലോക്കിലേയ്ക്ക് നോക്കി . നേരം വെളുത്തില്ല അതിനു മുന്പിങ്ങെത്തിയോ ? ഈർഷ്യയോടെ വാതിൽ തുറന്ന ഹരി കണ്ടത് നല്ല ഭംഗിയായി വസ്ത്രധാരണം ചെയ്ത ഇരുപത്തഞ്ചിനും മുപ്പതിനും ഇടയിൽ പ്രായം തോന്നിക്കുന്ന ഒരു സ്ത്രീയെയാണ് . “ആരാ ?” ഹരിയുടെ ചോദ്യത്തിനുള്ള മറുപടിക്കു മുൻപ് വിദ്യ ഇറങ്ങി വന്ന് ആളിനെ അകത്തേയ്ക്ക് കൂട്ടിയിരുന്നു . “ദാ ഇതാ എന്റെ ഹരിയേട്ടൻ ” പിന്നാലെയെത്തിയ ഹരിയെ കൂട്ടുകാരിക്കു വിദ്യ പരിചയപ്പെടുത്തി . “ങാ എനിക്കറിയാം . ഫോട്ടോയിൽ കണ്ടിട്ടുണ്ടല്ലോ .” “ആളിനെ എനിക്കങ്ങോട്ട് പിടി കിട്ടിയില്ല .” ഹരി നിന്നു പരുങ്ങി . “ഞാൻ പറഞ്ഞിട്ടില്ലേ ഒരു അഖിയേ പറ്റി ?” “ഉവ്വ് . അപ്പൊൾ ഇത് അഖീടെ ??” “അഖീടെ ആരുമല്ല .

അഖി തന്നെയാ . എന്നു വച്ചാൽ അഖില .. അഖിയെന്നുള്ളത് അവളുടെ വിളിപ്പേരാ .. അല്ലേടാ ?” “ഞാൻ കരുതി ….”ഹരി എന്തു പറയണം എന്നറിയാതെ കുഴങ്ങി . “അഖി എന്റെ ബോയ് ഫ്രണ്ടാണെന്ന് അല്ലേ ?” “ഏ … ഏയ് .. അല്ല .. അതെന്തിനാ അങ്ങനെ കരുതുന്നത് ? നിങ്ങൾ സംസാരിക്ക് .. ഞാൻ ഒന്നു പുറത്തു പോയിട്ടു വരാം ..” “ഉം ഉം .ഒക്കെ ” ഹരി നിന്നു വിക്കുന്നത് കണ്ടു വിദ്യ ചിരിയടക്കി . അഖിലയുടെ ഇഷ്ടവിഭങ്ങൾ ഒക്കെ ഒരുക്കി വയറും മനസും നിറച്ചാണ് വിദ്യയും ഹരിയും അവളേ യാത്രയാക്കിയത് . കുട്ടികളേ കാണാൻ കഴിഞ്ഞില്ലല്ലോ എന്നു സങ്കടം പറഞ്ഞ അഖിയോട് അഖില പോകുന്നതിനു മുൻപൊരു ദിവസം കുട്ടികളേം കൊണ്ടു ഞങ്ങൾ അങ്ങോട്ടിറങ്ങാം .. എന്നു സന്തോഷത്തോടെ പറഞ്ഞു ഹരി. “അഖിലയല്ല ഹരിയേട്ടാ അഖി ” വിദ്യ ചിരിയോടെ തിരുത്തി. “എന്നേ കുഴക്കിയത് ഈ പേരാണ് . എന്നാലും അഖി മതി .. അതാ ഒരു ഭംഗി ..” ഹരിയും അവരുടെ ചിരിയിൽ പങ്കു ചേർന്നു . “കളഞ്ഞിട്ടു പോകുമെന്നു കരുതിയോ ?” അഖില പോകുന്നത് നോക്കി നിന്ന ഹരിയുടെ കണ്ണിലേക്ക് നോക്കി വിദ്യ . മറുപടിയായി ഹരി അവളേ വലിച്ചു നെഞ്ചോടു ചേർത്തിരുന്നു .

അവൾ അനങ്ങാതെ നിന്നു . “ഹരിയേട്ടാ ..” “എന്താ ?? ഇനി ഇതും അഭിനയമാണെന്നാണോ ??” ഹരിയുടെ ശബ്ദം അടഞ്ഞിരുന്നു . അവൾ ശബ്ദമില്ലാതെ ചിരിച്ചു കൊണ്ട് ഒന്നുകൂടി അവനോടു ചേർന്നു നിന്നു .. “ഈ കുറച്ചു ദിവസങ്ങൾ കൊണ്ട് ഞാനങ്ങ് ഇല്ലാതായിപ്പോയി .”അവൻ ആ നെറുകയിൽ മെല്ലെ തലോടി . “അത്രയ്ക്കിഷ്ടമാ എന്നേ ??” മറുപടി പറയാതെ അവളുടെ നെറുകിൽ ചുണ്ടു ചേർത്തു ഹരി . “കുട്ടികളേ കൂട്ടിക്കൊണ്ടു വരാൻ എപ്പോഴാ പോകേണ്ടത് ?” “അവരു രണ്ടു് ദിവസം അവിടെ വെള്ളത്തിലും കായലിലും ഒക്കെ കളിക്കട്ടെന്നേ ” “ശരിക്കും ? ” “ആന്നേ .. ഇന്നിവിടെ നമ്മളു മാത്രം മതി .. ” അവന്റെ കണ്ണിൽ കുസൃതി മിന്നി . “ഇന്ന് എനിക്കെന്റെ പെണ്ണിനേ ശരിക്കൊന്നു സ്നേഹിക്കണം .” അവൾ കണ്ണു കൂർപ്പിച്ചു . “ഇന്നു മാത്രമല്ല ഇനിയെന്നും …” അവളുടെ മുഖം കൈക്കുമ്പിളിൽ കോരി ആ നിറഞ്ഞ കണ്ണുകളിൽ ഹരി ചുണ്ടു ചേർക്കുമ്പോൾ അനിയനെ നന്നാക്കാൻ ബുദ്ധി ഉപദേശിച്ച ഹിമയ്ക്ക് മനസുകൊണ്ട് നന്ദി പറയുന്ന തിരക്കിലായിരുന്നു വിദ്യ .

Continue Reading

Relationship

ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്…

Published

on

By

രചന: വിദ്യ പ്രദീപ്‌ ❤

നേരം രാത്രിയായി.. അടുക്കള ജോലിയെല്ലാം തീർത്തു അന്നും അവൾ കുളിച്ചു അയാളെയും കാത്തു മുറിയിൽ സമയം ചിലവഴിച്ചു… എന്തുകൊണ്ടോ മനസ്സിൽ കുറെ പരാതികളും പരിഭവങ്ങളും അവളുടെ ഉറക്കം കെടുത്തി…. ഇവൾ ലക്ഷ്മി… ആളൊരു പാവമാണ്… “ഏട്ടൻ വന്നിട്ടു വേണം കുറച്ചെങ്കിലും എന്തെങ്കിലും സംസാരിക്കാൻ..” മോനെ വേഗം ഉറക്കി ഫോണിൽ നോക്കി ലക്ഷ്മി സമയം ചിലവഴിച്ചു… കുറച്ചു കഴിഞ്ഞ് ഒരുപാട് ടെൻഷനോടെയും പകലന്തിയോളം പണിയെടുത്തു ഓടിനടന്നതിന്റെ ക്ഷീണത്തിൽ ഉറക്ക ചടപ്പോടെ അയാൾ റൂമിലെത്തി ഒന്ന് കിടന്നാൽ മതിയെന്ന ഭാവത്തിൽ… ഇതാണ് ലക്ഷ്മിയുടെ ഭർത്താവ്.. മാർച്ച്‌ ഏപ്രിൽ മാസത്തെ കൊടും ചൂടിൽ വീട്ടിലെ ഏറ്റവും ചൂട് കൂടിയ റൂമിനു ഉടമയായിരുന്നു അവർ..

മുറിയിൽ ചിലവഴിക്കുന്ന സമയം മുഴുവൻ അയാൾക്ക് അരോചകമായിരുന്നു.. വന്നു….വെള്ളം കുടിച്ചു…. ക്ഷീണത്താൽ കിടന്നു… ഒരു ചെറു ചിരിയോടെ അവൾ അവനെ നോക്കി. കണ്ണുകളടച്ചു പാതി ചെരിഞ്ഞു കിടക്കുന്ന അയാളുടെ മനസ് മുഴുവൻ ഒരുപാട് ചിന്തകളായിരുന്നു… ആരോടും തുറന്നു പറയാതെ അടക്കി പിടിക്കുന്ന ഒരുപാട് കാര്യങ്ങൾ…. കണ്ണുകൾ കള്ളം പറയില്ല എന്നത് കൊണ്ടായിരിക്കാം ആ കണ്ണുകൾ അവൾക്ക് നേരെ അടയുന്നത്… ഒരുപാട് സംസാരിക്കണം.. ഒരു ദിവസത്തിൽ തനിക്ക് ആകെ കിട്ടുന്ന സമയം ഈയൊരു 10മിനുട്ട് ആണ് .. അല്പം ഈഗോ രണ്ടുപേരിലും ഉള്ളതുകൊണ്ടാണോ എന്നറിയില്ല ഒരാളുടെ മൗനം രണ്ടുപേരുടെയും ചിന്തകളെ ഉണർത്തിയില്ല… തണുത്ത കാറ്റിനു പകരം ഫാനിൽ നിന്ന് വരുന്ന ഉഷ്ണവും മാനസിക പിരിമുറുക്കവും അയാളിൽ അരോചകം സൃഷ്ടിച്ചു.. ലക്ഷ്മി അയാളോട് ചേർന്ന് കിടന്നു… മുടിയിഴകൾ പതുക്കെ തലോടി.. നെറ്റിയിൽ ഉമ്മ വെച്ചു… “എന്തെങ്കിലും പറയ് “എന്ന അവളുടെ ചോദ്യം അയാളിൽ ദേഷ്യമുണർത്തി.. “നിനക്കെന്താ പറഞ്ഞാൽ…. ഞാൻ കേൾക്കുന്നുണ്ടല്ലോ…. ഉറക്കം വരുന്നെങ്കിൽ ഉറങ്ങിക്കോ “…എന്ന മറുപടി അവൾക്ക് അസഹ്യമായി… മുറിയിൽ തിങ്ങി നിൽക്കുന്ന മൗനം അവരെ വീർപ്പു മുട്ടിച്ചു… പരസ്പരം കണ്ണുകളിൽ നോക്കി സംസാരിക്കാനോ എന്തിനേറെ ഒരു പുഞ്ചിരി വിടർത്താനോ പോലും അവൾക് ആയില്ല.. നേരത്തെ എണീക്കുന്നത് കൊണ്ടാകാം അവളിൽ അതുവരെയുള്ള അലച്ചിലിന്റെ ക്ഷീണം പതിയെ വന്നു .. ശേഷം ഉറക്കം…. പാതി ഉറക്കത്തിൽ രണ്ടാളും പരസ്പരം ചോദിച്ചു..” നീ ഉറങ്ങിയോ “…. ഇല്ലാ… എന്നാ എന്തേലും പറയ് “.. വീണ്ടും മൗനം…. എന്തുകൊണ്ടോ സ്വന്തം ജീവിതത്തെ കുറിച്ച് ഒന്നും സംസാരിക്കാനില്ലാതെ അവർ നിശ്ശബ്ദരാകും.. രണ്ടാളുടെയും മനസിലുണ്ട് ഒന്ന് കെട്ടിപ്പുണർന്നെങ്കിൽ..

ഉമ്മ വെച്ചിരുന്നെങ്കിൽ…😔 ഒരു ചെറു പുഞ്ചിരി മതി നമ്മുടെ മനസിനെ കുളിർമഴ പെയ്യിക്കാൻ… പതിവുപോലുള്ള മുടി തലോടലിലെ സുഖം കൊണ്ടോ അതുവരെയുള്ള ക്ഷീണം കൊണ്ടോ എന്നറിയില്ല അയാൾ ഉറങ്ങിപ്പോയി… ഉഷ്ണകാറ്റു അയാളുടെ കഴുത്തിലും പുറത്തുമൊക്കെ വിയർപ്പു തുള്ളികൾ സൃഷ്ടിച്ചു.. എന്തെല്ലാമോ പ്രതീക്ഷിച്ചു കാത്തിരുന്ന അവൾ എന്തെ തനിക്കൊരു ഉമ്മ പോലും തരാൻ തോന്നാഞ്ഞു എന്നാലോചിച്ചു സ്വയം കണ്ണീർ വാർത്തു.. ഒരുപക്ഷെ അവനിൽ ആകർഷണം ഉണർത്തി മനസിനെ സന്തോഷിപ്പിക്കാൻ അവൾക്കായില്ല എന്നതാണ് സത്യം… എല്ലാം പെണ്ണിന്റെ തെറ്റായി കാണുന്ന സമൂഹത്തിൽ സ്വന്തം തെറ്റുകളെ സ്വയം ശപിച്ചു വിദൂരതയിലേക്ക് നോക്കി അവൾ സമയം ചിലവഴിച്ചു…. ചിലപ്പോഴെങ്കിലും നമ്മുടെ ഓരോരുത്തരുടെയും ജീവിതത്തിലെ ഒരു ദിവസമാകാം ഇത്….

Continue Reading

Most Popular