Connect with us

Love

എന്നെ മാത്രം സ്നേഹിക്കുന്ന ഈ മനസ് നഷ്ടപ്പെടുത്താൻ എനിക്കാവില്ല…

Published

on

രചന: Aishwarya Aishu

ഓഫീസിലെ തിരക്ക് പിടിച്ച ജോലികൾക്കിടയിൽ ആണ് ഫോൺ ബെൽ അടിക്കുന്നത്. ശല്യം ആരാണോ ഈ സമയത്ത്. വൈകുന്നേരം അമ്മയെയും കൊണ്ട് ഹോസ്പിറ്റലിൽ പോകാൻ ഉള്ളതാണ്. അതിനു മുന്നേ തീർക്കാൻ ഒരുപാട് ജോലിയും ഉണ്ട്. ഞാൻ കമ്പ്യൂട്ടറിലേക്ക് നോക്കി കൊണ്ടു തന്നെ ഇടതെ കൈ കൊണ്ടു ഫോൺ എടുത്തു ചെവിയിലേക്കി വെച്ചു. “ഹലോ” “നീ എവിടാ ഞാൻ ദീപു ആണ്” “ആ ദീപു ഓഫീസിൽ ആണെടാ. എന്താ വിശേഷം?” “ഡാ നീ പെട്ടന്ന് തന്നെ പ്രൊവിഡൻസ് ലേക്ക് ഒന്ന് വായോ” “എന്താടാ കാര്യം ആരാ ഹോസ്പിറ്റലിൽ. ഡാ അമ്മ.. അമ്മയ്ക്ക് എന്തേലും” “നീ പെട്ടന്ന് വാ കാര്യം ഒക്കെ ഇവിടെ വന്നിട്ട് പറയാം.” എന്നും പറഞ്ഞു അവൻ ഫോൺ വെച്ചു. ഞാൻ പെട്ടന്ന് തന്നെ ചെന്നു സർ നോട് ലീവും പറഞ്ഞു. ബൈക്കിൽ നേരെ ഹോസ്പിറ്റലിലേക്ക് ചെന്നു. ദീപുനെ വിളിച്ചപ്പോൾ അവൻ ഐ സി യൂ വിന്റെ മുന്നിൽ ഉണ്ട് അവിടെക്കു ചെല്ലാൻ പറഞ്ഞു. ഞാൻ അങ്ങോട്ട് നടന്നു. ഐ സി യൂ ന്റെ മുന്നിൽ എത്തിയതും. കരഞ്ഞു തളർന്നു ഇരിക്കുന്ന രാജീവ്‌ ഏട്ടനെയും മിനി ചേച്ചിയെയും ആണ് കണ്ടത്. ഈശ്വര എന്താ പറ്റിയെ ആവോ. ഞാൻ അവർക്കടുത്തേക്ക് ചെന്നതും. രാജീവ്‌ ഏട്ടൻ എന്നെ നോക്കി ഞാൻ ചേട്ടന്റെ അടുത്തേക്ക് ചെന്നു. “അഭി നിനക്കെങ്കിലും പറയരുന്നില്ലേ എന്നോട്. എന്റെ കുട്ടിടെ മനസ്സിൽ എന്താണ് എന്നറിയാത്ത ഒരു അച്ഛൻ ആയി പോയല്ലോ ഞാൻ !” എന്ന് പറഞ്ഞു കരഞ്ഞു. “എന്താ ചേട്ടാ എനിക്കൊന്നും മനസിലായില്ല?” അപ്പോഴേക്കും ദീപു എന്നെയും വിളിച്ചു അവിടുന്ന് കുറച്ചു മാറി നിന്നു. ഞാൻ അവനോടു എന്താടാ സംഭവിച്ചത് എന്ന് ചോദിച്ചതും ഒരു കത്ത് എടുത്തു എനിക്ക് തന്നു ഞാൻ അത്‌ തുറന്നു വായിച്ചു. പ്രിയപ്പെട്ട അച്ഛനും അമ്മയ്ക്കും, ചെയ്യാൻ പോകുന്നത് തെറ്റാണു എന്നറിയാം എന്നിരുന്നാലും എനിക്ക് ഇതല്ലാതെ വേറെ വഴിയില്ല. എന്റെ മനസ്സിൽ മുഴുവൻ അഭിയേട്ടൻ മാത്രം ആണ്. മറ്റൊരാളെ ആ സ്ഥാനത്തു കാണാനും സാധിക്കില്ല. തെറ്റ് എന്റെ ഭാഗത്തു തന്നെ ആണ് ആ മനസ് അറിയാതെ ഞാൻ ഒരുപാട് സ്നേഹിച്ചു പോയി. ഒരുപാട് ആഗ്രഹിച്ചു പോയി സ്വപ്നം കണ്ട് പോയി. ഇനി മറ്റൊരാളെ അങ്ങനെ കാണാൻ സാധിക്കുമോ??

ഇല്ല എനിക്കാവില്ല അത് കൊണ്ട സോറി സ്നേഹത്തോടെ കൃഷ്ണ വേണി “ഡാ… എന്താടാ വേണിക്കു പറ്റിയത്” ഇന്ന് ഉച്ച കഴിഞ്ഞപ്പോൾ ആണ്. കുളിക്കാൻ കയറിയ അവൾ കുറച്ചു സമയം കഴിഞ്ഞിട്ടും വരാത്തത് കണ്ടു ചെന്നു നോക്കുമ്പോ ബാത്‌റൂമിൽ വെയ്ൻ കട്ട്‌ ചെയ്തു കിടക്കുക ആയിരുന്നു. മറ്റേ കൈയിൽ ഈ എഴുത്തും ഉണ്ടായിരുന്നു. ഞാൻ അവിടുത്തെ കസേരയിൽ ഇരുന്നു. “ഡാ… നിങ്ങൾ തമ്മിൽ അങ്ങനെ എന്തെങ്കിലും ഉണ്ടായിരുന്നോ…” “ഡാ.. നിനക്ക് തോന്നുണ്ടോ അങ്ങനെ. ഞാൻ എന്റെ അമ്മയും ആയി ഈ നാട്ടിൽ എത്തുമ്പോൾ സഹായത്തിനു ഉണ്ടായിരുന്നത് രാജീവ്‌ ഏട്ടനും മിനി ചേച്ചിയും അല്ലെ. അവരോടുള്ള കടപ്പാട് മറന്നു ഞാൻ അങ്ങനെ ചെയ്യുമോ?” “ഡാ നിനക്ക് അപ്പോൾ ഒന്നും അറിയില്ല എന്നാണോ?” “ഡാ ഒരിക്കൽ അവൾ എന്നോട് ഇഷ്ട്ടം ആണെന്ന് പറഞ്ഞിരുന്നു. ഇടക്കൊക്കെ എനിക്ക് മെസ്സേജ് അയക്കാറും ഉണ്ട്. മെസേജ് ലൂടെ ഒരുപാട് സംസാരിക്കുന്നു അവൾ എന്നെ നേരിൽ കണ്ടാൽ സംസാരിക്കാൻ മടി ആണ്. അത്‌ എന്താണ് എന്ന ചോദ്യത്തിന്. എന്നെ ഇഷ്ട്ടമാണെന്നും എന്റെ കണ്ണിൽ നോക്കാൻ കഴിയുന്നില്ലന്നും ഒക്കെ അവൾ സാഹിത്യകാരിയെ പോലെ സംസാരിച്ചപ്പോൾ ഞാൻ അതൊക്കെ അധികം ഗൗനിച്ചില്ല. അവളുടെ സംസാരം ഒക്കെ ഇഷ്ടമാണെങ്കിലും എന്റെ പരിമിതികൾ എനിക്ക് ഓർക്കണം ആയിരുന്നു. അത് കൊണ്ടു തന്നെ ഞാൻ നിരുത്സാഹപ്പെടുത്തി. പിന്നെ പിന്നെ എനിക്കും മടിയായി ചാറ്റ് ചെയ്യാൻ അതോണ്ട് തന്നെ പിന്നെ അങ്ങനെ സംസാരം ഒന്നും ഇല്ലായിരുന്നു… ഇടക്കൊക്കെ അവളായി മെസ്സേജ് അയക്കും. ഞാൻ മെസ്സേജ് അയക്കുന്നില്ല എന്നാ പരാതിയും ആയി. ഞാൻ തിരക്ക് ആണെന്ന് ഒക്കെ പറഞ്ഞു ഒഴിവാക്കി വിടും. അല്ലാതെ അവൾ ഇത്ര സീരിയസ് ആയിരുന്നു ഈ കാര്യത്തിൽ എന്ന് എനിക്ക് അറിയില്ലായിരുന്നു. ഇപ്പോഴത്തെ പിള്ളേരുടെ ജസ്റ്റ്‌ ഇൻഫെക്ചുവേഷൻ ആണെന്നാണ് കരുതി ഇരുന്നേ.. അല്ലാതെ മറ്റൊന്നും ഇല്ലടാ. ഇപ്പൊ കുറെ ആയിട്ട് അവളും മെസ്സേജ് അയക്കില്ലായിരുന്ന അപ്പൊ അവൾ അതൊക്കെ മറന്നു എന്നോർത്തു….” “നീ ഇതൊന്നും ഇപ്പോൾ രാജീവ്‌ ഏട്ടനോട് പറയണ്ട. വാ നമുക്ക് അങ്ങോട്ട് ചെല്ലാം.” ഞങ്ങൾ അവിടെ ചെന്നതും. ഡോക്ടർ അവളുടെ കൂടെ ഉള്ളവരോട് ഡോക്ടർ ന്റെ റൂമിലേക്ക്‌ ചെല്ലാൻ പറഞ്ഞു. ഞാനും രാജീവ്‌ ഏട്ടനും കൂടി റൂമിലേക്ക്‌ ചെന്നു. ഇപ്പോൾ അവൾ ഒക്കെ ആണെന്നും രാജീവ്നെ പേഴ്സണാലി അറിയാവുന്ന കൊണ്ട് കേസ് ആക്കുന്നില്ല എന്നും പറഞ്ഞു. കുറച്ചു കഴിഞ്ഞാൽ അവളെ റൂമിലേക്ക്‌ മാറ്റും എന്നും.

ഞങ്ങൾ പുറത്തിറങ്ങി. അവളെ അര മണിക്കൂർ കഴിഞ്ഞപ്പോൾ റൂമിലേക്ക് മാറ്റി. കണ്ണ് തുറന്നപ്പോ അച്ഛനെയും അമ്മയെയും കണ്ടപ്പോൾ മാപ്പ് ഒക്കെ പറഞ്ഞു കരച്ചിൽ ആയിരുന്നു. എന്നെ അവിടെ അവൾ കണ്ടപ്പോൾ ആ കണ്ണിലേ പിടപ്പ് ഒന്ന് കാണേണ്ടത് ആയിരുന്നു… എന്നെ നോക്കി ഒരു മങ്ങിയ ചിരി ചിരിച്ചു. കുറച്ചു ദിവസങ്ങൾക്കു ശേഷം രാജീവ്‌ ഏട്ടനും മിനി ചേച്ചിയും അമ്മയെ വന്നു കണ്ടു ഞങ്ങളുടെ കല്യാണം തീരുമാനിച്ചു. അമ്മയ്ക്ക് ഒരുപാട് സന്തോഷം ആയിരുന്നു. അമ്മയ്ക്ക് വേണ്ടി അവർക്കൊക്കെ വേണ്ടി ഞാനും സമ്മതിച്ചു… പിന്നീട് രാജീവ്‌ ഏട്ടൻ എന്നെ വിളിച്ചു മാറ്റി നിർത്തി എന്നോട് സംസാരിച്ചു. അഭി നിനക്ക് എന്റെ മോളെ ഇഷ്ട്ടം ആണോന്ന് എനിക്കറിയില്ല. ആണോ എന്ന് ഞാൻ ചോദിക്കുന്നും ഇല്ല. അവൾ നിനക്കൊപ്പം സന്തോഷവതി ആയിരിക്കും എന്ന് എനിക്കുറപ്പുണ്ട്. എന്റെ മകൾ ആയ കൊണ്ടു പറയുക അല്ലടോ തനിക്ക് കിട്ടാവുന്നതിൽ വെച്ചു ബെസ്റ്റ് ചോയ്സ് അവൾ ആണ്…. ദാ ഈ ഡയറി അവളുടെ ആണ് ഇത് വായിച്ചത് കൊണ്ട് ആണ് ഞങ്ങളും ഇങ്ങനെ ഒരു തീരുമാനത്തിൽ എത്തിയത്. യാത്ര പറഞ്ഞു അവർ പോയതും ഞാൻ ആ ഡയറിയും ആയി മുറിയിലേക്ക് ചെന്നു. ഓരോ താളുകളിൽ കൂടിയും ഞാൻ അറിയുക ആയിരുന്നു അവൾക്കു എന്നോടുള്ള പ്രണയം.. ആദ്യമായി സംസാരിച്ചു തുടങ്ങിയത്… ചാറ്റ് ചെയ്തു തുടങ്ങിയത് അവളോട്‌ ജാഡ കാണിച്ചിട്ടും അവളുടെ മനസ് എനിക്കൊപ്പം സഞ്ചരിച്ചത്. എന്റെ ചിലനേരത്തെ മൗനം അവളെ വേദനിപ്പിച്ചത്. എന്റെ നേട്ടങ്ങൾ സന്തോഷങ്ങൾ ഒക്കെ അവളെയും സന്തോഷിപ്പിച്ചത്. എനിക്ക് ഒന്ന് വയ്യന്നറിഞ്ഞാൽ അമ്മയോട് വന്നു എന്നെ അന്വേഷിച്ചിരുന്നത്. മനസ്സിൽ ഒരുപാട് ആഗ്രഹിച്ചിട്ടും ഉള്ളിലെ പേടി കാരണം എന്നെ കണ്ടിട്ടും കാണാത്ത പോലെ നടന്നിട്ട് അവസാനം എന്റെ ഫോട്ടോയും നോക്കി കിന്നാരം പറഞ്ഞിരുന്നത്…. ഞാൻ ഏതേലും പെൺകുട്ടികളോട് മിണ്ടുമ്പോൾ അസൂയയോടെ വലയം ചെയ്തിരുന്ന അവളുടെ കണ്ണുകളെ കുറിച്ച് അങ്ങനെ ഒരുപാട് ഒരുപാട് എനിക്ക് അന്യമായിരുന്ന അറിവുകൾ എന്നിലേക്ക് എത്തുക ആയിരുന്നു…. എത്ര ഒക്കെ അവൾ മറക്കാൻ ശ്രെമിച്ചിട്ടും തെളിമയോടെ എന്റെ മുഖം മാത്രം നിറഞ്ഞു നിന്ന് അവളെ സമ്മർദ്ത്തിൽ ആക്കിയപ്പോൾ അറിയാതെ ചെയ്യാൻ പോയ ആ തെറ്റിനെ കുറിച്ച് അങ്ങനെ പറഞ്ഞാൽ തീരാത്ത ഒരുപാട് കാര്യങ്ങൾ…. ഇത്രയ്ക്കൊക്കെ ഒരാളെ സ്നേഹിക്കാൻ ആവുമോ….. ഇതൊക്ക വായിച്ചു തീർന്നപ്പോൾ ആ സ്നേഹം അനുഭവിക്കാൻ എനിക്കും ആഗ്രഹം ആയി തിരിച്ചു അവളെയും ഇത് പോലെ സ്നേഹിക്കാനും. പിറ്റേന്ന് സൺ‌ഡേ ആയിരുന്നു. അവൾ സൺ‌ഡേ അമ്പലത്തിൽ പോകും എന്നും ആൽത്തറയിൽ കൂട്ടുകൂടി ഇരിക്കുന്ന എന്നെ മാറി നിന്നു കാണുന്നതും ഒക്കെ ആ ഡയറിയിൽ ഉണ്ടായിരുന്നു. അവളോട്‌ ഒന്ന് സംസാരിക്കാം എന്നോർത്തു ഞാനും രാവിലെ അമ്പലത്തിലേക്ക് വെച്ചും പിടിച്ചു. അവളുടെ കണ്ണുകളെ ആയിരുന്നു ഞാൻ തിരഞ്ഞു കൊണ്ടിരുന്നത്. അവസാനം എന്റെ കണ്ണുകൾ അതിന്റ ഇണയെ കണ്ടെത്തി. ഒരു പിടപ്പോടെ അവൾ കണ്ണുകൾ വെട്ടിച്ചു. ഇപ്പൊ ഓടി മറയും എന്നോർത്തു ഇരുന്ന അവൾ എനിക്ക് നേരെ നടന്നു വന്നു. ഞാൻ കൂട്ടുകാരോട് പറഞ്ഞിട്ട് അവൾക്കടുത്തേക്കും നടന്നു. അവന്മാരുടെ കളിയാക്കലുകൾ കൂട്ടാക്കാതെ അവൾക്കടുത്തേക്കു ചെന്നു.

അവൾ എന്റെ കണ്ണിൽ നോക്കി. അഭിയേട്ട…. എനിക്ക് സംസാരിക്കാൻ ഉണ്ടെന്ന് പറഞ്ഞപ്പോൾ… ഇത്രയും നാളും ഉണ്ടായിരുന്ന ഇവളുടെ റീഫ്ളക്സ് റിയാക്ഷൻ എവിടെ പോയി എന്ന ചിന്തയിൽ ഞാനും നടന്നു അവൾക്കൊപ്പം. കുറച്ചു നേരത്തെ നിശബ്ദത ഭേധിച്ചു കൊണ്ടു അവൾ തന്നെ പറഞ്ഞു തുടങ്ങി…. “അഭിയേട്ടൻ എന്നോട് ക്ഷെമിക്കണം… അറിയാതെ ഈ പൊട്ടമനസ്സിൽ തോന്നിയ ഒരു പാഴ് മോഹം ആയി കണ്ടാൽ മതി. അച്ഛൻ ഇന്നലെ എന്നോട് പറഞ്ഞു അഭിയേട്ടനും ആയി എന്റെ കല്യാണം ആണെന്ന്… എന്നോടുള്ള സഹതാപം കൊണ്ടാവും അല്ലെ. എനിക്കത് വേണ്ട…എപ്പോഴോ ഒക്കെ എന്നോട് സംസാരിച്ചപ്പോൾ ഒക്കെ ഞാൻ ഒരുപാട് ആഗ്രഹിച്ചു പോയത് ആണ്. നമ്മൾ തമ്മിൽ പൊരുത്തക്കേടുകൾ ഉണ്ടേൽ എന്റെ സ്നേഹം കൊണ്ടു മാറും എന്നും വിചാരിച്ചു മൗനമായ് പ്രണയിച്ചു. അതെന്റെ തെറ്റാണു ഏട്ടൻ കാണിച്ച അകൽച്ചയിലൂടെ എങ്കിലും മനസിലാക്കണം ആയിരുന്നു. പക്ഷെ ഞാൻ എന്റെ ഭാവനയുടെ ലോകത്ത് ആയി പോയി… യഥാർഥ്യങ്ങൾ തിരിച്ചറിഞ്ഞില്ല അവസാനം തിരിച്ചറിഞ്ഞപ്പോൾ പിടിച്ചു നിൽക്കാനും ആയില്ല. എന്നാൽ ഇന്ന് ഞാൻ തിരിച്ചറിയുന്നു നമ്മൾ സ്നേഹിക്കുന്നവരെ അല്ല നമ്മളെ സ്നേഹിക്കുന്നവരെ ആണ് തിരിച്ചും സ്നേഹിക്കേണ്ടത് എന്ന്. വിവാഹത്തിന് സമ്മതം അല്ല എന്ന് ഞാൻ പറഞ്ഞോളാം. മാപ്പ്” എന്ന് പറഞ്ഞു തിരികെ നടക്കുന്ന അവളെ കൈയിൽ പിടിച്ചു നിർത്തി… അതെ തിരിച്ചറിയാൻ വൈകി എന്ന് കരുതി എന്നെ മാത്രം സ്നേഹിക്കുന്ന ഈ മനസ് നഷ്ടപ്പെടുത്താൻ എനിക്കാവില്ല. നീ വേണം എനിക്കൊപ്പം എന്റെ ജീവിതം പൂർണതയിൽ എത്തിക്കാൻ…. കേട്ടോടി ഉണ്ടകണ്ണി… എന്ന് പറയുമ്പോൾ അത്ഭുതത്തോടെ എന്നെ നോക്കി നിന്നു അവൾ. ഞാൻ ഒന്ന് കണ്ണടച്ച് കാണിച്ചതും ഒരു പുഞ്ചിരിയോടെ എന്റെ നെഞ്ചിലേക്ക് ചേർന്നു നിന്നു അവൾ… ഒരു പരിഭവവും കാണിക്കാതെ ഇവൾക്കിതു എങ്ങനെ കഴിയുന്നു അത്ര മാത്രം എന്ത് പ്രത്യേകത ആണെനിക്ക്… ഞാൻ ഒന്ന് കൂടി അവളെ ചേർത്ത് പിടിച്ചു. “അഭിയേട്ട….. എന്താ ഞാൻ ഇത്രയ്ക്കു അഭിയേട്ടനെ സ്നേഹിക്കുന്നത് എന്നാണോ ചിന്തിക്കുന്നത്.” “മ്മ്” കൂടുതൽ ചിന്തിക്കേണ്ട അത്‌ ഇത്ര വർഷം ആയിട്ടു ഇന്നും എനിക്ക് പോലും അറിയില്ല…. “ഹ കൊള്ളാം” എന്ന് പറഞ്ഞു ഞാൻ ചിരിച്ചതും. എന്റെ നെഞ്ചിലേക്ക് പല്ലുകൾ ആഴ്ത്തി അവൾ.. “ആഹ്ഹ്. ഡീ എനിക്ക് വേദനിച്ചു” എന്ന് പറഞ്ഞതും അവിടെ സ്നേഹ ചുംബനം സമ്മാനിച്ചു അവൾ….. എന്നിട്ട് എന്നെ നോക്കി ഒന്ന് കണ്ണിറുക്കി. എന്റെ ചുണ്ടിലും ഒരു പുഞ്ചിരി സ്ഥാനം പിടിച്ചിരുന്നു… “നീ എന്നെ സ്നേഹിക്കുന്ന അത്രേ ആവുമോ എന്നറിയില്ല വേണി…. എങ്കിലും ഞാനു തിരിച്ചു സ്നേഹിച്ചു പോകുന്നു പെണ്ണെ…. നിന്റെ സ്നേഹം കൊണ്ടു നീ എന്നെ തോൽപ്പിച്ചു കളഞ്ഞു……..” (അവസാനിച്ചു.. )

നിന്നോടെനിക്കുള്ള പ്രണയം വാക്കുകൾ കൊണ്ടു പറഞ്ഞറിയിക്കാൻ ആവില്ലൊരിക്കലും എന്റെ കണ്ണുകൾ നിന്നോട് പറയാതെ പറയുന്നുണ്ടായിരുന്നു എന്റെ പ്രണയം… ഇനിയും കഥകൾക്ക് ഈ പേജ് ലൈക്ക് ചെയ്യുക. നിങ്ങളുടെ സ്വന്തം രചനകൾ പേജിലേക്ക് മെസേജ് ആയി അയക്കുക.

Advertisement

Love

അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി…

Published

on

By

രചന: ഭാഗ്യലക്ഷ്മി. കെ. സി.

മൊബൈലും അവളും

ഒരു സ്മാർട്ട് ഫോൺ കിട്ടിയതോടെ അവളാകെ മാറി. ഓഫീസ് വിട്ടുവന്നാൽ തനിക്ക് അവളുടെ വ൪ത്തമാനം കേൾക്കലായിരുന്നു ഏറ്റവും വലിയ ബോറടി. പകൽമുഴുവൻ തനിച്ചിരിക്കുന്നതല്ലേ.. ഒന്നും എതി൪ത്ത് പറയാനും വയ്യ.. അഥവാ വല്ലതും പറഞ്ഞാൽ കരച്ചിലായി, പരിഭവമായി.. മക്കൾ രണ്ടുപേരും ഹോസ്റ്റലിലല്ലേ.. എനിക്ക് സംസാരിക്കാൻ നിങ്ങളല്ലാതെ പിന്നാരാണുള്ളത്… അവളുടെ സ്ഥിരം പരിഭവമാണ്.. അപ്പോഴാണ് യാദൃച്ഛികമായി ഒരു സുഹൃത്ത് ഗൾഫിൽനിന്നും കൊണ്ടുവന്ന മൊബൈൽ ഫോൺ തന്നത്. തനിക്ക് വിലകൂടിയ ഒരെണ്ണം ഉള്ളതുകൊണ്ടും അതിലെ നമ്പേ൪സും മറ്റ് ഡാറ്റാസും അടുത്തതിലേക്ക് മാറ്റാനുള്ള മടികൊണ്ടുമാണ് അത് അവൾക്ക് കൊടുത്തത്.. ആദ്യമൊക്കെ അവൾക്ക് വലിയ താത്പര്യമൊന്നുമില്ലായിരുന്നു. പിന്നീട് പതിയെ ഓരോന്ന് പഠിച്ചെടുത്തതോടെ അവൾ സോഷ്യൽ മീഡിയയിൽ സജീവമായി. വാട്സാപ്പ് ഗ്രൂപ്പുകൾ, അവയിൽ പഴയ സുഹൃത്തുക്കൾ ഒക്കെ ആയതോടെ നിലത്തൊന്നുമായിരുന്നില്ല അവൾ. എപ്പോഴും ചാറ്റും കമന്റും സന്തോഷവും തന്നെയായിരുന്നു.

വൈകുന്നേരങ്ങൾ അവളുടെ പരിഭവമോ ഗോസിപ്പോ കേൾക്കാതെ കുറച്ചുസമയം ന്യൂസ് കാണാൻ സാധിച്ചതോടെ താനും ഹാപ്പിയായി. പക്ഷേ പൊടുന്നനെ ഒരു ദിവസം അവൾ മൊബൈൽ സോഫയിലേക്ക് വലിച്ചെറിഞ്ഞു. എന്താ.. എന്തുപറ്റി? തന്റെ ചോദ്യത്തിന് അവളുത്തരമൊന്നും തരാതെ പോയി കിടന്നു. തന്റെ തലയിൽ സംശയങ്ങൾ പെരുകാൻ തുടങ്ങി. പതിയെ അടുത്തുപോയി വളരെ മൃദുവായി ചോദിച്ചുനോക്കി.. എന്താ..? ആരെങ്കിലും പിണങ്ങിയോ? അതോ വഴക്കിട്ടോ? മൌനം മാത്രം മറുപടി. ആഹാരമൊക്കെ കഴിച്ച് പോയികിടന്നപ്പോൾ വീണ്ടും ചോദിച്ചുനോക്കി.. എന്തിനാ നേരത്തെ ഫോൺ വലിച്ചെറിഞ്ഞത്? ഒന്നൂല്ല… അവൾ പുതപ്പ് വലിച്ച് മുഖം മൂടിക്കിടന്നു. പക്ഷേ അവൾ കരയുന്നുണ്ടോ… തന്റെയുള്ളിൽ സംശയം കിളി൪ക്കാൻ തുടങ്ങി. അവളെന്തോ ഒളിക്കുന്നുണ്ട്.. കണ്ടുപിടിക്കുക തന്നെ.. പക്ഷേ പാസ് വേ൪ഡ് എങ്ങനെ അറിയും. മകനാണ് എല്ലാം സെറ്റ്‌ചെയ്തു കൊടുത്തത്. തനിക്കും വലുതായൊന്നും മൊബൈലിനെക്കുറിച്ച് അറിയില്ല. അവനാണ് എല്ലാം പറഞ്ഞുതന്നത്. അവനിനി അടുത്ത പ്രാവശ്യം ബാംഗ്ലൂർനിന്ന് വരണം. അപ്പോഴേ ചോദിക്കാൻ പറ്റൂ.. അതുവരെ ക്ഷമയോടെ കാത്തിരിക്കുകതന്നെ. അടുത്തദിവസം ഓഫീസിൽ പോയിട്ട് ഇരിക്കപ്പൊറുതി കിട്ടിയില്ല. ഇവൾക്ക് എന്തുപറ്റിയതാണെന്നറിയാതെ ആകെ ഒരു വല്ലായ്ക.. നേരിട്ട് ഗൌരവമായി ചോദിച്ചാലോ.. വലിയ വഴക്കാകുമോ.. അതോ വല്ല കള്ളത്തരവും കണ്ടുവെച്ചിട്ടുണ്ടാവുമോ പറയാൻ… ഒരുവിധം വൈകുന്നേരമാക്കി. ബസ്സിറങ്ങി, അത്യാവശ്യം പച്ചക്കറികളും സാധനങ്ങളും വാങ്ങി ഓട്ടോപിടിച്ച് ഓടിവന്നു. നോക്കുമ്പോൾ ചെടികൾക്ക് വെള്ളമൊഴിച്ചും മൂളിപ്പാട്ട് പാടിയും സന്തോഷമായി നിൽക്കുന്ന അവളെയാണ് കണ്ടത്.

പെട്ടെന്ന് ഒന്നും ചോദിക്കാൻ തോന്നിയില്ല. വരട്ടെ, പതുക്കെ ചോദിക്കാം.. മനസ്സിൽ കരുതി. തന്നെ കണ്ടതും അവൾ ഓടിവന്ന് സാധനങ്ങൾ വാങ്ങി. ഇന്നെന്താ നേരത്തേ ഇറങ്ങിയോ? ഉം.. ഞാൻ കപ്പ പുഴുങ്ങിവെച്ചിട്ടുണ്ട്.. മത്തി മുളകിട്ടതും.. വേഗം കുളിച്ചിട്ട് വന്നോളൂ.. അവൾ ചായവെക്കാൻ അടുക്കളയിലേക്ക് പോയി. അവളുടെ മൊബൈൽ ടീപ്പോയിൽ അനാഥമായി കിടക്കുന്നു. ഇതാദ്യമായാണ് ഇങ്ങനെ കാണുന്നത്. എപ്പോഴും അതും കൈയിൽ വെച്ചുകൊണ്ടല്ലാതെ അവളെ കാണാറില്ല. താനാ മൊബൈൽ എടുത്ത് തിരിച്ചും മറിച്ചും നോക്കി. ഒന്നും ചെയ്യാനാകാതെ അവിടെത്തന്നെ വെച്ചു. കുളിച്ചുവരുമ്പോഴേക്കും ഡൈനിങ് ടേബിളിൽ അവൾ പലതും കഴിക്കാനായി നിരത്തിയിരുന്നു. വിശപ്പോടെ എല്ലാം ആസ്വദിച്ച് കഴിച്ചു. പഴയതുപോലെ അവൾ ഓരോന്ന് പറഞ്ഞുകൊണ്ടിരുന്നു. അടുത്തവീട്ടിലെ പൂച്ച നാല് കുഞ്ഞുങ്ങളെ പ്രസവിച്ചതും പറമ്പിലെ വാഴ കുലച്ചതും എല്ലാം പറഞ്ഞുകഴിഞ്ഞപ്പോൾ പതിയെ ചോദിച്ചു: ഇന്നെന്താ… എഫ്ബീയിലൊന്നും കയറിയില്ലേ? ഇല്ല.. ഇനി കയറുന്നില്ല… അവൾ മുഖംകറുപ്പിച്ച് പാത്രങ്ങളുമെടുത്ത് അകത്തേക്ക് പോയി. വീണ്ടും ടെൻഷൻ.. ടെൻഷൻ… ആവുന്നത്ര മയപ്പെടുത്തി വീണ്ടും പിറകേനടന്ന് ചോദിച്ചു: അതെന്താ? നിന്റെ പാചകഗ്രൂപ്പിൽ ആരും പുതിയ റെസിപ്പിയൊന്നും ഇട്ടില്ലേ? മൊബൈൽ തുറന്നാൽപ്പിന്നെ വേണ്ടാത്ത ഓരോന്ന് കയറിവരും.. അത് വായിച്ചാൽ എന്റെ മനഃസ്സമാധാനം പോകും.. എന്ത്..? നിങ്ങളുടെ കഴുത്തിന്റെ ഇവിടെ വേദനയുണ്ടോ.. സൂക്ഷിക്കുക, നിങ്ങൾ രാത്രി ഉറങ്ങുന്നത് ഇങ്ങനെയാണോ.. ശ്രദ്ധിക്കുക, നിങ്ങളുടെ കാലിൽ ഈ പാടുകളുണ്ടെങ്കിൽ ഉറപ്പായും എത്രയും പെട്ടെന്ന് ഡോക്ടറുടെ സഹായം തേടുക, എന്നിങ്ങനെ എപ്പോഴും ഒരോ പോസ്റ്റുകൾ കാണാം.. വായിച്ചുവായിച്ച് എനിക്കില്ലാത്ത രോഗങ്ങളില്ല എന്നായിട്ടുണ്ട്… ഇനി വയ്യ… അവൾ പാത്രംകഴുകൽ തുട൪ന്നു. താൻ പതിയെ അടുക്കളയിൽനിന്ന് പിൻവാങ്ങി പൂമുഖത്ത് പോയിരുന്ന് വിസ്തരിച്ചൊന്ന് ചിരിച്ചു… ആശ്വാസത്തോടെ.

Continue Reading

Love

തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ…

Published

on

By

രചന: സജി തൈപ്പറമ്പ്

“മോളേ ചാരു … അമ്മേടെ ഫോണെന്തേടാ?” ഹാളിലിരുന്ന് ടിവി കാണുന്ന മകളോട് ഊർമ്മിള ചോദിച്ചു. “അതുമെടുത്തോണ്ടാണ്, രാവിലെ അച്ഛൻ പുറത്തോട്ട് പോയത്” “ങ് ഹേ, അപ്പോൾ അച്ഛൻ്റെ ഫോണെന്ത്യേ?” അതില് ചാർജ്ജ് തീർന്ന് പോയെന്ന് പറഞ്ഞ് ,മുറിയിൽ കുത്തിയിട്ടിരിക്കുവാ ഓഹ് നിൻ്റെ അച്ഛൻ്റെയൊരു കാര്യം? എനിക്കെൻ്റെ അമ്മയെ ഒന്ന് വിളിക്കണമായിരുന്നല്ലോ? അതാണോ കാര്യം? അമ്മമ്മയെ വിളിക്കണമെങ്കിൽ, അച്ഛൻ്റെ ഫോണിൽ നിന്ന് വിളിച്ചാൽ പോരെ? അത് നേരാണല്ലോ ? ഞാനെന്ത് മണ്ടിയാണ് ? അതിപ്പഴാണോ അമ്മയ്ക്ക് മനസ്സിലായത്? ഡീ ഡീ … ,നീയങ്ങനെയെന്നെ കൊച്ചാക്കണ്ട കെട്ടാ ?, ഞാൻ മണ്ടിയാണെങ്കിലേ, നീ വെറും കഴുതയാ… മരക്കഴുത.., മകളോട് പരിഭവിച്ചിട്ട്, ഊർമിള നേരെ ബെഡ് റൂമിലേക്ക് പോയി. അവിടെ ചാർജ് ചെയ്തിട്ടിരുന്ന ഭർത്താവിൻ്റെ ഫോണെടുത്തിട്ട് കോണ്ടാക്ട്സ് ഓപ്പൺ ചെയ്തപ്പോൾ,

കാൾ രജിസ്റ്ററാണ് ആദ്യം കണ്ടത് അതിൽ ഏറ്റവും മുകളിൽ, ഇൻകമിങ്ങ് കോളായി വന്നിരിക്കുന്ന പേര് കണ്ട്, ഊർമ്മിള, ഞെട്ടലോടെ അതിലേക്ക് സൂക്ഷിച്ച് നോക്കി. സെക്കൻ്റ് വൈഫ് .,,, വിശ്വാസം വരാതെ, വീണ്ടും വീണ്ടും ഇംഗ്ളീഷ് അക്ഷരങ്ങൾ അവൾ കൂട്ടി വായിച്ചു. അതെ, സെക്കൻ്റ് വൈഫ് എന്ന് തന്നെയാണ് എഴുതിയിരിക്കുന്നത്, ഈശ്വരാ… തൻ്റെ ഭർത്താവിന് താനറിയാതെ ഒരു രണ്ടാം ഭാര്യയോ? അവൾക്ക് തല കറങ്ങുന്നത് പോലെ തോന്നി ,വീണ് പോകാതിരിക്കാൻ, കട്ടിലിൻ്റെ ക്രാസിയിൽ, വിറയ്ക്കുന്ന കൈകൾ കൊണ്ടവൾ മുറുകെ പിടിച്ചു. എന്നാലും ജീവന് തുല്യം സ്നേഹിച്ച തന്നെ ചതിക്കാൻ തൻ്റെ രമേശേട്ടന് എങ്ങനെ തോന്നി? മ്ഹും രമേശേട്ടൻ, ഇനി മുതൽ തനിക്കങ്ങനെ വിളിക്കാൻ കഴിയില്ല ,ദുഷ്ടനാണയാൾ ഫോൺ കൈയ്യിൽ പിടിച്ച് കൊണ്ട്,

എന്ത് ചെയ്യണമെന്നറിയാതെ, അവൾ ബെഡ്ഡിലേക്ക് തളർന്നിരുന്നു. തൻ്റെ ഭർത്താവിനെ തട്ടിയെടുത്ത ആ എരണം കെട്ടവളെ, വിളിച്ച് രണ്ട് വർത്തമാനം പറയണമെന്ന് ഊർമിളയ്ക്ക് തോന്നി. അവൾ, സെക്കൻ്റ് വൈഫൈന്നെഴുതിയ, ആ നമ്പർ ഡയൽ ചെയ്തു. പക്ഷേ, അത് എൻഗേജ്ഡായിരുന്നു ഛെ! അസ്വസ്ഥതയോടെ അവൾ തല കുടഞ്ഞു. അടുത്ത നിമിഷം ഊർമ്മിളയുടെ കൈയ്യിലിരുന്ന ഫോൺ റിങ്ങ് ചെയ്തു. സെക്കൻ്റ് വൈഫ് കോളിങ്ങ് എന്ന് ഡിസ്പ്ളേയിൽ കണ്ടപ്പോൾ, അരിശത്തോടെ അവൾ കോൾ അറ്റൻറ് ചെയ്തു. സത്യം പറയെടീ… ആരാടീ നീ? നിനക്ക് സ്വന്തമാക്കാൻ എൻ്റെ ഭർത്താവിനെ മാത്രമേ കിട്ടിയുള്ളോ? എടീ.. ഊർമ്മിളേ… നിനക്കെന്താ ഭ്രാന്തായോ ? എടീ ഇത് ഞാനാണ് , നിൻ്റെ ഭർത്താവ് രമേശൻ ങ്ഹേ, അപ്പോൾ നിങ്ങൾ അവളുടെയടുത്തേക്കാണല്ലേ? രാവിലെ കാപ്പി പോലും കുടിക്കാൻ നില്ക്കാതെ ഓടിപ്പോയത് ? നീയാരുടെ കാര്യമാണീ പറയുന്നത് ? ഓഹ്, ഒന്നുമറിയാത്ത പോലെ ? നിങ്ങളിപ്പോഴുള്ളത് സെക്കൻ്റ് വൈഫിൻ്റെ കൂടെയല്ലേ?

നിങ്ങളിപ്പോൾ വിളിക്കുന്നത് അവളുടെ ഫോണിൽ നിന്നല്ലേ? ഓഹ് അപ്പോൾ അതാണ് കാര്യം? എടീ കഴുതേ… ഞാൻ വിളിക്കുന്നത് നിൻ്റെ ഫോണിൽ നിന്ന് തന്നെയാണ് ,നീയാ നമ്പരൊന്ന് നോക്കിക്കേ ? ഇന്നലെ നീ പുതിയൊരു സിം കൂടി അതിനകത്തിട്ടില്ലേ? നിൻ്റെ പഴയ നമ്പര് വൈഫ് എന്നാണ് എൻ്റെ ഫോണിൽ സേവ് ചെയ്തിരിക്കുന്നതെന്ന് നിനക്കറിയാമല്ലോ ?അപ്പോൾ നിൻ്റെ രണ്ടാമത്തെ നമ്പരാണിതെന്ന് തിരിച്ചറിയാനാണ് ,ഞാൻ സെക്കൻ്റ് വൈഫ് എന്നെഴുതി സേവ് ചെയ്തത് ,അതിന് നീയിത്ര വലിയ ഭൂകമ്പമുണ്ടാക്കണോ? അത് ശരി ,എൻ്റെ മനുഷ്യാ… വൈഫിൻ്റെ രണ്ടാമത്തെ ഫോൺ നമ്പര് സേവ് ചെയ്യുമ്പോൾ, വൈഫ് സെക്കൻ്റെന്നല്ലേ എഴുതേണ്ടത്, അതിന് പകരം സെക്കൻ്റ് വൈഫെന്നെഴുതിയ നിങ്ങളല്ലേ യഥാർത്ഥ കഴുത, ഓഹ് അത് ശരിയാണല്ലോ ? വൈഫ് സെക്കൻ്റ് എന്നത് തിരിച്ചെഴുതിയപ്പോൾ, അതിൻ്റെയർത്ഥം ഇത്രയും വ്യത്യാസം വരുമെന്ന് ഞാൻ ചിന്തിച്ചില്ല ,സോറി എൻ്റെ ഫസ്റ്റ് വൈഫേ… അല്ല വെറുംവൈഫേ..’ അതും പറഞ്ഞയാൾ ചിരിച്ചപ്പോൾ, ഊർമിളയ്ക്കും ചിരി അടക്കാനായില്ല

Continue Reading

Love

അറിയാതെ കിട്ടിയ പ്രണയം….

Published

on

By

രചന: വയലിനെ പ്രണയിക്കുന്നവൻ

രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി…. ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു…

അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്… അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു… ചേട്ടൻ ഇപ്പൊ ബാംഗ്ലൂർ അല്ലേ… അതേല്ലോ… അതെങ്ങനെ അറിയാം… അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്… ആഹാ താൻ നഴ്സിംഗ് എല്ലാം കഴിഞ്ഞോ… കഴിഞ്ഞു…

ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല… M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു… ഇപ്പോഴും കള്ളുകുടി ഉണ്ടോ… അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും.. ചേട്ടന്റെ കല്യാണം എന്തെകിലും ആയോ… ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..? എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ… അങ്ങനെ തന്നോട് ആരാ പറഞ്ഞത്… ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്.. അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ…

അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്… അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു… ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി… അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു… അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…

ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ… അതെ സത്യം… ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക… ഇതൊക്കെ തനിക്ക് എങ്ങനെ അറിയാം… അതോ… അത് പിന്നെ പറയാം… ഹ കഷ്ടമുണ്ട്ട്ടോ പറഞ്ഞിട്ട് പോ… പറയാം… പക്ഷെ ഇനി കള്ളുകുടിക്കരുത്… അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ… അപ്പൊ അവള് പറയുവാണേൽ അപ്പൊ നോക്കാം… ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ.. എന്താ… എന്താ പറഞ്ഞത്… അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…

അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”… എന്നിട്ടോ എന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്… എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്…. അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു… കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?.. ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല…

പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല… അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു… അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല… ….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……

Continue Reading

Most Popular

error: Content is protected !!