പ്രണയം
അതെന്താ പെൺപിള്ളേർക്ക്‌ പ്രേമിച്ചൂടെ??
രചന: രോഹിത വിജേഷ്
നാട്ടിലെ തട്ടുപൊളിപ്പൻ ക്ലബ്ബിന്റെ വാർഷികാഘോഷം…. നാട്ടിലെ ഏക ഫ്രീക്കിയും തട്ടു പൊളിപ്പു സംഘത്തിന്റെ പ്രധാനിയും ഞാൻ ആയതു കൊണ്ടും, സ്പോൺസെറ് സ്വന്തം അച്ഛൻ ആയതിനാലും അവരെന്റെ എല്ലാ പ്രകടനങ്ങൾക്കും വമ്പിച്ച സപ്പോർട് തന്നു.. അങ്ങിനെ ആ ക്ലബ്ബിലെ കെ എസ് ചിത്രയും, പത്മ സുബ്രഹ്മണ്യവും ഒക്കെയായി വിലസി നടക്കുന്ന കാലം… ഒടുക്കത്തെ പടിപ്പായോണ്ട് സീറ്റ് കിട്ടിയത് ബി എ മലയാളത്തിന്‌ ….അന്ന് തൊട്ടു വല്യ സാഹിത്യകാരിയാണെന്ന ഭാവത്തിലെ നടക്കാറുള്ളൂ…. നാട്ടിലെ സ്ഥിരം തട്ടുപൊളിപ്പൻ ചർച്ചകളിലൊക്കെ കേറി സാഹിത്യം വിളംബലായിരുന്നു പ്രധാന പണി…
ന്റെ ഒടുക്കത്തെ അഹങ്കാരം… ചുമ്മ ഒരു പോസിന് തട്ടി വിട്ടതാണ് ഞാൻ, കലാമത്സരങ്ങളുടെ കൂടെ എഴുത്തു മത്സരങ്ങളും കൂടി വേണം ന്ന്…അപ്പൊ എല്ലാരും കൂടെ കൈയടിച്ചതങ്ങു പാസ്സാക്കേം ചെയ്തു… അങ്ങിനെ വേലിയേൽ കിടന്ന പാമ്പിനെ എടുത്തു വേണ്ടാത്തിടത്തു വച്ച അവസ്ഥയിലായി…
ഈ ഇട്ടാവട്ടത്തെ ക്ലബ്ബില് എന്നെക്കാളും വല്യ സാഹിത്യക്കാര് ആരൂല്യ….. അതോണ്ട് പ്രൈസ് ഞാൻ തന്നെ ഉറപ്പിച്ചു.. മത്സരത്തിന്റെ തലേന്ന് ,അത് വരെ നിവർത്തി നോക്കാത്ത ബുക്ക് വരെ തപ്പിയെടുത്ത് കടിച്ചാ പൊട്ടാത്ത കുറെ മലയാളം വാക്കുകളും പഠിച്ചു വെച്ചു…..
പിറ്റേന്ന് മ്മടെ കൃഷ്ണന്റെ അമ്പലത്തില് പോയി കൈക്കൂലിയായി സ്പെഷ്യൽ പാല്പായസോം കഴിപ്പിച്ച്, മൽസരത്തിന്റെ അവിടേക്ക് ചെന്നു.. വിചാരിചന്ത്യേ അല്ല.. സകലമാന തെണ്ടികളും വന്നിട്ടുണ്ട്.. ഇവന്മാരൊക്കെ എന്ത് കൂത്ത് കാണാന് ഇവിടെ വന്നിരിക്കണേ ന്നു ആലോചിക്കുമ്പോ ണ്ട് ക്ലബ്ബിന്റെ പ്രസിഡന്റ് വാര്യർ മാമ അനൗൺസ് ചെയ്യുന്നു ഇത്തവണ സ്പോൺസർമാരിലൊരാളായ അനിൽ നാട്ടിലുണ്ട്…അവനാണ് ജഡ്ജ് ത്രെ….. മലയാളത്തിൽ എം എ എടുത്തിട്ടുള്ള ആളാണ് പോലും… ഏതാപ്പാ മ്മളറിയാത്ത ഒരു അനില്.. അതും എം എ ക്കാരൻ… പണി കിട്ടോ ന്നു ആലോജിക്കുമ്പോഴാണ്‌ പുള്ളിക്കാരന്റെ എൻട്രി.. നല്ല സൂപ്പർ നീല ഷർട്ടും നല്ല കസവു മുണ്ടും… ദൈവമേ!!😇 ലുക്ക് ന്ന് പറഞ്ഞാ ഒടുക്കത്തെ ലുക്ക്.. ന്റെ തലേന്ന് അഞ്ചാറു കിളികള് ഒരുമിച്ചങ്ങു പറന്നു പോയി..
അവിടെ കഥാ മത്സരത്തിന് പകരം ഒരു വായ്‌ നോക്കൽ മത്സരം നടന്നിരുന്നെങ്കി ഫസ്റ്റ് എനിക്കായിരുന്നേനെ… കഥാമൽസരത്തില് തോറ്റു തൊപ്പിയിട്ടു മാനം പോയിന്നു പറഞ്ഞാ മതിലോ……. അങ്ങേർടെ ഒടുക്കത്തെ ഒരു ജഡ്ജിങ്….😑
എന്തായാലും കഥാമത്സരം കൈയ്യിന്ന് പോയെങ്കിലും ആള് കേറി ന്റെ മനസ്സിലങ് സെറ്റായി.. ഈ ലവ് അറ്റ് ഫസ്റ്റ് സൈറ്റ് ന്നൊക്കെ പറയുന്നത് ഇതിനാണ്… ആള് ചില്ലറ പുള്ളിയൊന്നുമല്ല.. അവിടുത്തെ ഓൾ ഇൻ ഓൾ ആയിരുന്നു ത്രേ.. നാട്ടുകാരുടെ കണ്ണിലുണ്ണി.. സൽസ്വഭാവി.. സുമുഖൻ.. സുന്ദരൻ… വേറെന്ത് വേണം ഒന്ന് പ്രേമിക്കാൻ… അങ്ങിനെ ഒരു കുഴപോം ഇല്യാണ്ട് തിന്നും കുടിച്ചും ഉറങ്ങിയും കഴിഞ്ഞിരുന്ന ഞാൻ കൂട്ടിലിട്ട വെരുകിനെ പോലെ ഉലാത്താൻ തുടങ്ങി……
എവിടെ പോയാലും കക്ഷി മാത്രം.. അമ്പലത്തില് പോയ അവിടെ, വായനശാലേല് പോയ ദവിടെ, കടേല് പോയ ദാണ്ടേ അവിടേം.. മൊത്തത്തി പൊറത്തിറങ്ങിയ ആള് മാത്രേള്ളൂ… പുള്ളിക്കാരൻ വല്ലോം അറിയുന്നുണ്ടോ!! ഇവിടെ ഒരുത്തി അങ്ങേരേം ധ്യാനിച്ച് പട്ടിണി കിടക്കുവാണെന്ന്…. പുള്ളിക്കാരൻ വന്നേ പിന്നെ ക്ലബുകാർക്കൊക്കെ ഒടുക്കത്തെ അഹങ്കാരം.. മുന്നെ എന്റടുത്തു ചോക്കാണ്ട് ഒരു കാര്യോം ചെയ്തിരുന്നില്ല.. ആ അവർക്കിപ്പോ എല്ലാറ്റിനും ഒരു അനിലേട്ടൻ മതി.. അങ്ങേരാണെങ്കി ഒടുക്കത്തെ പൊലിവ്… തിരുവാതിരക്കളിം ഗ്രൂപ് ഡാൻസും എന്ന് വേണ്ട നാട്ടിലുള്ള അണ്ടനേം അടകോടനേം പിടിച്‌ നാടകം വരെ സെറ്റ് ആക്കി..
അങ്ങനെ ആസ്ഥാന കലാതിലകപട്ടം തലയിലേറ്റിയിരുന്ന ഞാൻ ക്ളബിന്റെ ഒരു മൂലേല് പോസ്റ്റായി കുത്തിയിരിക്കാൻ തുടങ്ങി.. പെൺപിള്ളേരാണെങ്കി അനിയേട്ടാ അനിയേട്ടാ ന്നും പറഞ്ഞ് അങ്ങേർടെ പിന്നാലേന്നു മാറുന്നും ല്യാ….. ന്നാ അങ്ങേർക്ക് മ്മളേ വല്ല മൈൻഡും ണ്ടോ… അതുംല്യാ.. കൂട്ടത്തി കാണാൻ കൊള്ളാവുന്നത് ഞാൻ തന്നെയാണല്ലോ…
അങ്ങേരോന്നു നോക്കാൻ വേണ്ടി ഷാജഹാനിക്കാടെ കടയിൽ കിട്ടാവുന്ന എല്ലാ മേക്ക് അപ്‌ സാധനങ്ങളും വാങ്ങി മോത്ത് തേച്ചാണ് പോവാറ്.. ഓരോ ദിവസോം എത്രത്തോളം സുന്ദരിയാവാൻ പറ്റോ അത്രത്തോളം സുന്ദരി ആയിട്ടാ നടക്കാറ്….. എവടെ…. അങ്ങേർടെ കണ്ണിലെന്താ കുരുവാണോ?? ദേഷ്യം അണ പൊട്ടിയൊഴുകുന്നുണ്ട്.. എന്താ കാര്യം…
അതിന്റെ എടേല് ഒരു ദിവസം നാടകം റിഹേഴ്സൽ തുടങ്ങുന്ന അന്ന്, മ്മടെ സ്വന്തം ചന്തു ഏട്ടൻ (ഖജാൻജി ആണ് ട്ടോ… അതെന്താന്നു അങ്ങേർക്കും വല്യ പിടിയില്ല മ്മക്കും😊) എന്നെ നായികയാക്കാൻ വേണ്ടി പുള്ളിക്കാരന്റെ അടുത്ത് ചെന്ന് പരിചയപ്പെടുത്തി..
“അനിയേട്ടാ, ഇത് മ്മടെ സ്വന്തം വീണ, മ്മടെ ക്ലബിൽത്തെ ഒരേയൊരു പാട്ടുകാരി, ഡാൻസ്കാരി ,സകലകലാവല്ലഭി.. മ്മടെ ശിവൻ സാറിന്റെ മോളാ.. സ്ഥലം മാറി വന്ന, വില്ലേജില് ജോലി ചെയ്യുന്ന, മ്മടെ മണിക്കലെ രാജേട്ടന്റെ വീടും പറമ്പും എടുത്ത ആൾക്കാരില്ലേ… അവരുടെ ഒറ്റ മോളാ.. നാടകത്തിലെ നായിക ഈ കുട്ടി ആവും.. ”
അത്യാവശ്യം ജാഡ കാണിച് അങ്ങേർടെ മോന്ത നോക്കാണ്ട് ഞാൻ പറഞ്ഞു..
” ചന്തു ഏട്ടൻ നിർബന്ധിച്ചോണ്ടാ, കഥ കേട്ടിട്ട് തീരുമാനിക്കാം”…
“ടാ ,ചന്തു… നിന്നോട് ആരു പറഞ്ഞു ഈ കൊച്ചു മതി നായിക ന്ന്… എന്റെ നായിക ഇങ്ങിനെ എല്ലും തോലും ഉന്തിയ ഒരു വെള്ളപ്പാറ്റയല്ല… ലേശം തടിയൊക്കെ ഉള്ള ശ്രീത്വം ഉള്ള ഒരു കൊച്‌…….”
“ഓ, ഇതാണോ നിങ്ങള് പറഞ്ഞ വല്യ ഡാൻസിസ്റ്… മോള് ട്രെയിൻ ചെയ്ത ഗ്രൂപ് ഡാൻസ് തീരെ പോരാ ട്ടോ.. ഒരു ഒരു ഗപ്പ് ല്യാ….”
“എന്തില്ല്യാന്ന്??”
“എന്തോ ഒരു പോരായ്മ ണ്ട് ന്നെ ഉദ്ദേശിച്ചുള്ളൂ”…..
ചന്തുവേട്ടനെ കൊല്ലാനുള്ള ഒരു നോട്ടോം നോക്കി ഞാൻ തിരിച്ചു നടന്നു…
ഈ സ്ലിം ബ്യൂട്ടി കോൺസെപ്റ് ഒക്കെ പോയോ ഈശ്വര…. 🤔
അപ്പോ പുറകിന്ന് പറയുന്നതു കേട്ടു..
“ശ്രീക്കുട്ടി വരും,അവളോട് വരാൻ പറഞ്ഞിട്ടുണ്ട് ഞാൻ”…
“ഓ,മുറപെണ്ണിനെ തന്നെ നായികയാക്കാൻ ആണല്ലേ, ന്നാലും വീണയോട് അങ്ങിനെ പറയണ്ടായിരുന്നു.. അവളിന്ന് ന്നെ കൊല്ലും ഏട്ടാ..”…
“പിന്നെ പോവാൻ പറയെടാ”….
അപ്പൊ അതാണ് കാര്യം, മ്മള് വെള്ളപ്പാറ്റ… അല്ലേലും ഏതേലും ഒരു കോന്തനെ കേറി ഒന്ന് പ്രേമിക്കാം ന്ന് വിചാരിച്ച അപ്പൊ വന്നോളും ഈ മുറപെണ്ണോള്… അതും ഇതേ പോലത്തെ ഓരോ പേരും ശ്രീക്കുട്ടി,മണികുട്ടി,അനുകുട്ടി… ഹും… 😕
അങ്ങിനെ മൂപ്പരോട് ള്ള കട്ട പ്രേമോം വെച്ച് മൂപ്പരും മുറപെണ്ണും അഭിനയിക്കുന്നതും നോക്കി വെള്ളമിറക്കി ഇരിക്കാൻ തുടങ്ങി ഞാൻ.. ഫൂ…!!! വല്യ നാട്യ മയൂരിയെ കൊണ്ട് വന്നിരിക്കുന്നു…..ഇതാപ്പോ വല്യ അഫിനയം… കരയുന്നത് കണ്ടാ ചിരിക്കാന്ന് തോന്നും, ശ്രിങ്കാരം കണ്ടാ ഭയാനകം പോലേം.. ഇങ്ങേർക്ക് തലക്ക് ഓളം തന്നെ.. രണ്ടും കൂടി ഏതു നേരോം കളീം ചിരിം… രണ്ടിനേം കുത്തി കൊന്നാലോന്നു വരെ ആലോചിച്ചു… സഹിക്കുന്നില്ല ന്നെ…
ന്റെ മേക് അപ്‌ സാധനങ്ങളുടെ വാങ്ങല് കമ്മിയായതൊണ്ട് ഷാജഹാനിക്ക കണ്ടാ ചിരിക്കാണ്ടായി.. മൊത്തത്തില് അയാളുടെ ഒരു പൊന്മുട്ടയിടുന്ന താറാവായിരുന്നു ഞാൻ… അല്ലേലും ഇനിയിപ്പോ ആർക്കു വേണ്ടി ഒരുങ്ങണം.. അങ്ങേർക്ക് വേറെ സെറ്റ് അപ്പ് ഉണ്ടല്ലോ… അല്ലേലും അയാളെ കുറ്റം പറയുന്നത് എന്തിനാ.. എനിക്ക് ഇഷ്ട്ടാന്ന്‌ ആ പൊട്ടന് മനസ്സിലാവുന്നില്ലല്ലോ….. എത്ര ഒരുങ്ങി പോയി നിന്നു, ഇടക്കിടക്ക് ഇടം കണ്ണിട്ട് നോക്കുന്നത് പുള്ളികാരനെ കാണിക്കാൻ തന്നെയായിരുന്നു.. എന്നിട്ടും ആ സാധനത്തിനു മാത്രം മനസ്സിലാവുന്നില്ലല്ലോ !!! ഹോ ഇങ്ങനേം ണ്ടോ ആണുങ്ങള്….
അങ്ങിനെ പറഞ്ഞു പറഞ്ഞു ആ ദിവസം വന്നെത്തി.. വാർഷികാഘോഷം… പുള്ളിക്കാരൻ ന്റെ മെലിച്ചിലൊന്നും കാണുന്നില്ല ന്നു തോന്നുന്നു.. മൂന്നാഴ്ച്ച കൊണ്ട് ഞാൻ ഉണങ്ങി വരണ്ടു…. അങ്ങേരും അവളും പൂത്തുലഞ്ഞു തന്നെ….ഹും!! അങ്ങേരേം അവളേം ഒരുമിച്ചു കാണുമ്പോ നെഞ്ചിനുള്ളിൽ ഒരായിരം കത്തി ഒരുമിച്ചു കുത്തിയെറക്കുന്ന പോലൊരു ഫീല്… ദൈവമേ!! നിക്ക് വട്ടാവോ?🙄
നല്ല അസ്സലൊരു പട്ടുസാരി ഉടുത്തോണ്ട് അങ്ങേർടെ മുന്നിക്കൂടെ ഒരു പത്തു വട്ടമെങ്കിലും ഉലാത്തിക്കാണും… ആ മനുഷ്യന്റെ ഒരു നോട്ടം കിട്ടാൻ.. എവിടുന്ന്….
ഈ കോന്തനെ തന്നെയാണല്ലോ കൃഷ്ണ നിക്ക് പ്രേമിക്കാൻ തോന്നിയെ… ഇങ്ങേരുടെ കൂടെ മഴ നനയുന്നതും , ആ മഴയത്തൂടെ ഇങ്ങേരേം കെട്ടിപ്പിടിച് ബുള്ളറ്റിൽ പോണതും, കൃഷ്ണന്റെ അമ്പലത്തില് പോയി ഇങ്ങേർടെ പേരിലുള്ള പാല്പായസോം വാങ്ങിച്ച് ആലിന്റെ ചോട്ടിലിരുന്നു കൈകോർത്തു പിടിച്ചു കാറ്റു കൊള്ളുന്നതും സ്വപ്നം കണ്ട ഞാൻ ഇനിയിപ്പോ ഇതെല്ലാം അങ്ങേരും മറ്റവളും കൂടി ചെയ്യുന്നത് കാണേണ്ടി വരുമല്ലോ ദൈവമേ!!!
പ്രേമിച്ച പെണ്ണിനെ നാട് മുഴുവൻ എതിർത്തിട്ടും സ്വന്താക്കിയ ഒരച്ഛന്റെ മോളായോണ്ട് തോറ്റു കൊടുക്കാൻ ഞാനുദ്ദേശിച്ചിട്ടുണ്ടായിരുന്നില്ല… അല്ല പിന്നെ!!ഈ ആണുങ്ങൾക്ക് മാത്രേ പ്രേമിച്ച പെണ്ണിനെ തന്നെ കെട്ടണം ന്നുണ്ടാവൂ…. മ്മള് പെണ്ണുങ്ങൾക്ക് അങ്ങനൊന്നും പാടില്ലേ??😏
അങ്ങേരുടെ ഒലിപ്പിക്കല് കണ്ടു സഹിക്കാണ്ട് രണ്ടും കല്പിച്ചു ഞാൻ അടുത്തെത്തി….
“അതെ, നിങ്ങള് തമ്മില് പ്രേമാണോ??”…
എന്റെ എടുത്തടിച്ച ചോദ്യം കേട്ട് കൂടി നിക്കുന്നവരെല്ലാം ഒന്ന് ഞെട്ടി….ശ്രീകുട്ടിയാണെങ്കി നിന്ന് വിറക്കുന്നു…
“എന്താ വീണ ഇങ്ങനൊക്കെ ചോക്കണേ?? ഇതെന്റെ ഏട്ടനെ പോലെയാ”‘
” എന്ന ഓക്കേ….അല്ല,ഫുൾ ടൈം ഇയാള് തന്റെ പിന്നിൽ നിന്ന് മാറുന്നില്ല, അതോണ്ട് ചോദിക്കുവാ??”…
“ഇനീപ്പോ അങ്ങിനെ ആണെങ്കി തന്നെ നിനക്കെന്താ കൊച്ചേ??”…
“എനിക്കെന്താ കൊച്ചെ ന്നോ?? നിങ്ങടെ കൊച്ചുങ്ങടെ അമ്മയാവണം ന്നു വിചാരിക്കുന്ന, നിങ്ങളെ പ്രേമിക്കുന്ന, നിങ്ങളെ തന്നെ കെട്ടണം ന്നു വിചാരിക്കുന്ന എനിക്കേ ,നിങ്ങള് വേറൊരുത്തിടെ കൂടെ ഇങ്ങിനെ ഒലിപ്പിക്കുന്നത് പിടിക്കുന്നില്ല…
ഇത്തവണ കിളി പോയത് ആശാന്റെ ആയിരുന്നു … ഒട്ടും പ്രതീക്ഷിക്കാതെ ഒരു മുട്ടൻ പണിയല്ലേ ഞാൻ കൊടുത്തെ… ഫ്യൂസ് അടിച്ച ബൾബ് പോലെ എന്നെ തന്നെ നോക്കി നിന്ന അങ്ങേരോട് പറഞ്ഞു
” അതെ, മനുഷ്യനായാൽ ഇച്ചിരി കോമൺ സെൻസ് വേണം… ഞാനിങ്ങേരുടെ പിന്നാലേം മുന്നിലും മൂന്നാഴ്ചയായില്ലേ നടക്കാൻ തുടങ്ങീട്ട്… ഒന്ന് നോക്കിയോ… അത് വിട്… സീരിയസ് കാര്യത്തിലേക്ക് വരാം… ഇവളുമായിട്ട് വേറെ കണക്ഷൻ ഒന്നൂല്യെങ്കി വീട്ടില് വന്ന് അച്ഛനോട് എന്നെ കെട്ടിച്ചു തരാൻ പറഞ്ഞേക്കണം…… ”
“ടി!!! നീയൊരു പെണ്ണല്ലേ?? ഇങ്ങനെ ഒക്കെ പറയാമോ…. ” അങ്ങേര്‌ ദയനീയമായി ചോച്ചു…
“അതെന്താ മാഷെ നിങ്ങള് ആണുങ്ങൾക്ക് മാത്രേ ഒറ്റ നോട്ടത്തില് കണ്ടാ ഇഷ്ട്ടാവാനും പിന്നാലെ നടക്കാനും ഒരു സുപ്രഭാതത്തില് പെട്ടെന്ന് വന്നു ഇഷ്ട്ടാന്നു പറയാനും വയ്ക്കൂ ന്ന് വിചാരിച്ചോ…. പെൺപിള്ളേർക്കും അങ്ങിനെയൊക്കെ തോന്നിക്കൂടെ… പെങ്കുട്ട്യോൾക് ന്താ ലവ് അറ്റ് സൈറ്റ് പുളിക്കോ?? ആലോചിച്ചു പറഞ്ഞാ മതി… ”
“ടി കാന്താരി!!,അവിടെ നിന്നേ…. നീ ചുമ്മ ആളെ വട്ടാക്കാണോ?? ”
“അതെ നിക്ക് പിന്നേം പിന്നേം ഒരേ കാര്യം തന്നെ പറയണത് ഇഷ്ട്ടല്ല… ന്നാലും പറയാം…. നിക്ക് നിങ്ങടെ ഈ മരമോന്തേം ആ ബുള്ളറ്റിലുള്ള വരവും പിന്നെ ഒടുക്കത്തെ ജാഡേം ഒത്തിരിയൊത്തിരി ഇഷ്ട്ടയിന്ന്‌… ”
അങ്ങേരവിടെ പോസ്റ്റായി നിക്കുന്നതും നോക്കി ഞാൻ അവിടുന്ന് പോന്നു… എന്റമ്മോ!!!പിന്നുണ്ടായ പുകിലോള്… നാട്ടുകാര് മുഴോനും ഞാനെന്തോ വല്യ കൊലക്കുറ്റം ചെയ്ത കൂട്ട് ന്നെ ക്രൂശിക്കാൻ തുടങ്ങി…. അന്നത് വല്യ വിഷയായെങ്കിലും, അതോണ്ട് ഇന്നിപ്പോ അങ്ങേരുടെ ബുള്ളറ്റിന്റെ ബാക്കിലിരുന്ന് ഈ മഴയത്ത് അങ്ങേരേം കെട്ടിപ്പിടിച് പോവാറായല്ലോ…
“ടി വെള്ളപ്പാറ്റെ…. എന്നാലും നിനക്കെങ്ങനെ അന്ന് ഇത്ര ധൈര്യം കിട്ടി….??”
“എനിക്കന്ന് പ്രേമരോഗമായിരുന്നല്ലോ കോന്തുണ്ണിരാമാ !! തനി വട്ട്… ആ വട്ടല്ലേ ഈ കിഴങ്ങനെ ന്റെ തലേല് കെട്ടിവെച്ചത്….
“പോടീ,പുല്ലേ….. വെറുതെ ഇരുന്നവനെ പിടിച്‌ പ്രേമോം പിണ്ണാക്കും ആണെന്ന് പറഞ്ഞ്….
“ടാ മുന്നില് നോക്കി വണ്ടിയോടിക്ക്… എനിക്ക് നിന്റെ കൂടെ ഈ ജന്മം മുഴുവൻ ഇങ്ങിനെ ചേർന്നിരുന്നു പോണം”…..
അവനെ ഒന്നൂടെ ചേർത്ത് പിടിച്ചു മഴ ആസ്വദിക്കുമ്പോൾ ഞാനറിയുകയായിരുന്നു പ്രണയം ശരിക്കും ഭ്രാന്താണെന്ന്.. ചികിൽസിച്ചു മാറ്റാൻ കഴിയാത്ത ഭ്രാന്ത്… ഈ യാത്ര ഒരിക്കലും അവസാനിക്കല്ലെന്നു പ്രാർത്ഥിച്ചോണ്ട് അവന്റെ കവിളിലൊരു കുഞ്ഞു മുത്തം നൽകി…
“ടി, ന്റെ കൺട്രോൾ കളയാണ്ട് അടങ്ങി ഇരുന്നോണം”….
“നീ പോടാ പുല്ലേ!!!!” ന്നും പറഞ്ഞോണ്ട് അവന്റെ ദേഹത്തേക്ക് പറ്റി ചേർന്നിരിക്കുമ്പോൾ ഞാൻ മനസ്സിലോർത്തു ചിരിക്കുകയായിരുന്നു…..
ഈ പെൺപിള്ളേർക്കും പ്രേമിച്ച ചെറുക്കനെ തന്നെ കെട്ടണം ന്നു കാണത്തില്ലേ…. അല്ല പിന്നെ…..!!!😉😉
ശുഭം
(-നിങ്ങളുടെ സ്വന്തം രചനകൾ വളപ്പൊട്ടുകൾ പേജിൽ ഉൾപ്പെടുത്തുവാൻ പേജ്‌ ഇൻബോക്സിലേക്ക്‌ മെസേജ്‌ അയക്കൂ…)
രചന: നിഷ L
“നീയും ഹസ്ബൻഡും തമ്മിൽ എങ്ങനാ… “?? “!സ്വരൂപിന്റെ ചോദ്യം കേട്ട് മിഥില ഒന്ന് സംശയിച്ചു ..”അതെന്തടാ… അങ്ങനെ ചോദിച്ചത്.. രാജീവേട്ടൻ ഒരു പാവം ആണെടാ…. “!!”അതെനിക്കറിയാം ഞാൻ ചോദിച്ചത് അതല്ല.. “!!”പിന്നെ നീ എന്താ ചോദിക്കുന്നത്..? “!!”അല്ല… ഈ ബെഡ്റൂമിൽ ഒക്കെ ആൾ അങ്ങനെ എന്ന്..? “!!!ഒന്നു ഞെട്ടി മിഥില പെട്ടെന്ന് ഫോൺ കട്ട് ചെയ്തു..ഈശ്വരാ ഇവൻ എന്തൊക്കെയാ ചോദിക്കുന്നത്.. !!! കൂടെ പഠിച്ച കുട്ടിയല്ലേ എന്നു കരുതി കുറച്ചു സ്വാതന്ത്ര്യത്തോടെ പെരുമാറിയപ്പോൾ… എന്തും ചോദിക്കാം എന്നായിരിക്കുന്നോ അവന്…പഠിക്കുന്ന കാലത്ത് വളരെ നല്ല കുട്ടി ആയിരുന്നു അവൻ… ഇപ്പോൾ എന്താണ് പറ്റിയത്..????അവന്റെ ആ ചോദ്യം മിഥിലയുടെ മനസ്സിനെ അന്നു മൊത്തം അലട്ടിക്കൊണ്ടിരുന്നു..അവളുടെ മനസ്സിലേക്ക് അവളുടെ ഭർത്താവ് രാജീവന്റെയും രണ്ടു കുഞ്ഞുങ്ങളുടെ മുഖം കടന്നുവന്നു.. രാജീവ്‌ ഒരു പ്രൈവറ്റ് കമ്പനിയിലെ ജോലിക്കാരനാണ്. രണ്ടു ആൺകുട്ടികൾ ആണ് രാജീവിനും മിഥുവിനും. ഒരാൾ അഞ്ചിലും ഒരാൾ മൂന്നിലും പഠിക്കുന്നു. ഉള്ളത് കൊണ്ട് സന്തോഷമായി ജീവിക്കുന്ന ഒരു കൊച്ചു കുടുംബം.സ്വരൂപ്‌മായുള്ള ബന്ധം എത്രയും പെട്ടെന്ന് നിർത്തണം…. ഇല്ലെങ്കിൽ അത് തന്റെ കുടുംബ ജീവിതത്തെ തന്നെ ബാധിക്കും… മിഥു മനസ്സിലോർത്തു…
രാജീവും കുട്ടികളും പോയി കഴിയുമ്പോൾ വെറുതെ ഇരിക്കുന്ന സമയത്തു അവൾ വാട്സ്ആപ്പ് നോക്കാറുണ്ട്. അങ്ങനെ ഇരിക്കെ ഒരു മാസം മുൻപ് തുടങ്ങിയതാണ് അവളുടെ പത്താം ക്ലാസ്സ്‌ ബാച്ചിലെ കുട്ടികൾ ചേർന്നൊരു വാട്സ്ആപ്പ് ഗ്രൂപ്പ്. അവിടെ നിന്നാണ് അവൾക്ക് സ്വരൂപും ആയിട്ടുള്ള ബന്ധം തുടങ്ങുന്നത്. പഴയ കൂട്ടുകാരുടെ ഒക്കെ വിശേഷങ്ങൾ അറിയാൻ സാധിച്ചത് ആ ഗ്രൂപ്പിൽ കൂടിയാണ്. അതുകൊണ്ട് ഒഴിവ് സമയങ്ങളിൽ കൂട്ടുകാർ എല്ലാം ഗ്രൂപ്പിൽ വരികയും വിശേഷങ്ങൾ പങ്കു വയ്ക്കുകയും ചെയ്തു പോന്നു.അങ്ങനെ ഒരു ദിവസമാണ് സ്വരൂപിന്റെ പേഴ്സണൽ മെസ്സേജ് വരുന്നത്. അതിൽ അവൾക്ക് അസ്വാഭാവികത ഒന്നും തോന്നിയതുമില്ല. ആദ്യമൊക്കെ വളരെ നല്ല രീതിയിൽ തന്നെയായിരുന്നു സംസാരിച്ചിരുന്നത്. ഇന്നിപ്പോൾ സംസാരത്തിന്റെ ഗതി മാറിയിരിക്കുന്നു. മറ്റു കൂട്ടുകാരെ പോലെ വിശേഷങ്ങൾ പങ്കു വയ്ക്കാനൊന്നും അവന് താല്പര്യമില്ല. പകരം അവന് മറ്റെന്തൊക്കെയോ അറിയാനായിരുന്നു താല്പര്യം. കൂടെ പഠിച്ച കുട്ടികളുടെ കൂട്ടത്തിൽ ഇതുവരെ വിവാഹം കഴിക്കാത്തത് അവൻ മാത്രമാണ്.എന്തായാലും അവനുമായി ഒരു അകലം പാലിക്കാൻ അവളുടെ മനസ് പറഞ്ഞു.എങ്കിലും അവൾ തന്റെ പഴയ കൂട്ടുകാരികളെ വിളിച്ചു അവനെ കുറിച്ച് തിരക്കാൻ തീരുമാനിച്ചു.”ഹലോ പ്രിയ ഇതു ഞാനാടി മിഥില.. “!!”ഹാ… പറയെടി എന്തൊക്കെയുണ്ട് വിശേഷം..?? “!!”ഒന്നുമില്ലെടി…. ഞാനൊരു കാര്യം ചോദിക്കാൻ വിളിച്ചതാ.. “!!”എന്താടി കാര്യം..? “!!”നമ്മുടെ കൂടെ പഠിച്ച സ്വരൂപില്ലേ… അവൻ എങ്ങനെ..? “!!”അതെന്താ നീ അങ്ങനെ ചോദിച്ചത്…? “!!” അല്ലാ എനിക്കൊരു സംശയം അവൻ പഴയ ആൾ തന്നെയാണോന്ന് .. സ്വഭാവത്തിൽ കാര്യമായ മാറ്റം വന്നിട്ടുണ്ടെന്ന് തോന്നുന്നു.. “!!”എന്താടി അങ്ങനെ തോന്നാൻ..? “!!” ഇന്നലെ അവൻ എന്നോട് മോശമായി സംസാരിച്ചു…”!!ശേഷം മിഥു സംഭവിച്ചതൊക്കെ പ്രിയയോട് പറഞ്ഞു.ഒരു നിമിഷത്തെ ആലോചനയ്ക്ക് ശേഷം പ്രിയ പറഞ്ഞു…”ശരിയാടി എന്നോടും അവൻ മോശമായി സംസാരിച്ചിരുന്നു മുൻപ്. അതോടുകൂടി ഞാൻ അവനുമായുള്ള ബന്ധം നിർത്തിവെച്ചിരിക്കുകയാണ്.. “!!”ങ്‌ഹേ… സത്യമാണോ നീ പറയുന്നത്..?? “!!
“അതേടി അവന് നമ്മുടെ പേഴ്സണൽ കാര്യങ്ങളൊക്കെ അറിയണം പോലും.. എന്നോടൊരിക്കൽ അശീലമായി സംസാരിച്ചതുകൊണ്ട് ഇപ്പോ ഞാൻ അവനുമായി ഒരു കോൺടാക്ടും ഇല്ല… എനിക്ക് പേടിയാ വെറുതെ എന്തിനാ അവനോടൊക്കെ അടുപ്പത്തിന് പോയി നമ്മുടെ കുടുംബം തകർക്കുന്നത്…”!!”ശരിയാടി … ഞാനും അങ്ങനെ തന്നെയാ ചിന്തിച്ചത്.. വെറുതെ വേലിയിൽ കിടക്കുന്ന പാമ്പിനെ എടുത്തു തോളത്തു വയ്ക്കണ്ട. നമ്മുടെ ഗ്രൂപ്പിലെ ബാക്കി പെൺകുട്ടികൾക്ക് കൂടി ഒരു മുന്നറിയിപ്പ് കൊടുത്തേക്കാം. ആരും ഇനി അവനോടു കൂടുതൽ അടുപ്പത്തിന് പോകാതിരിക്കട്ടെ… !!””ഞാനെന്നാൽ നമ്മുടെ മറ്റു കൂട്ടുകാരികളെ ഒന്ന് വിളിച്ച് നോക്കട്ടെ.. നീയും മാക്സിമം പേരോട് പറയാൻ ശ്രമിക്കണം…. “!!”ശരിയെടി…..വെറുതെ മിണ്ടാതിരുന്നാൽ അവൻ മറ്റുള്ളവരോടും ഈ രീതിയിൽ പെരുമാറും… ഞാനും പറയാമെടി .. “!!”പിന്നീട് മിഥില കൂട്ടുകാരായ റീനയെയും കാവ്യയേയും മഞ്ജുവിനെയും വിളിച്ചു ഇതേകാര്യം പറഞ്ഞു.. . അതിൽ കാവ്യക്കും മഞ്ജുവിനും അവനിൽനിന്ന് ഇതേ അനുഭവം നേരിട്ടതായി അവർ പറഞ്ഞു…അപ്പോൾ അവൻ വിചാരിച്ചതിലും വലിയ തറയാണ്. ഇനി അവനെ വെറുതെ വിട്ടുകൂടാ… അവൾ മനസ്സിലോർത്തു.പിന്നീട് മിഥില ഗ്രൂപ്പിൽ ഉണ്ടായിരുന്ന മുഴുവൻ പെൺകുട്ടികൾക്കും പേഴ്സണൽ മെസ്സേജ് അയച്ചു..”സ്വരൂപിനെ സൂക്ഷിക്കണം… അവൻ വളരെ മോശം സ്വഭാവമാണ് ഇപ്പോൾ.. ഒരു അകലം പാലിക്കുന്നതാണ് നമുക്ക് നല്ലത്… “!!!മെസ്സേജ് കിട്ടിയവർ ഒക്കെ അവളെ വിളിച്ച് കാര്യം അന്വേഷിക്കുകയും…മിഥു അവൾക്ക് നേരിട്ട ദുരനുഭവം അവരോട് പറയുകയും ചെയ്തു..രണ്ടു മൂന്നു ദിവസങ്ങൾക്കുശേഷം സ്വരൂപ് വീണ്ടും മിഥിലയെ വിളിച്ചു. പക്ഷേ അവൾ ഫോൺ എടുത്തില്ല.. നിരാശനായ അവൻ മറ്റു പെൺകുട്ടികൾക്ക് മെസ്സേജ് അയച്ചു എങ്കിലും അവരൊക്കെ മെസ്സേജ് കണ്ടു എന്നുള്ളതിന് തെളിവായി നീലവര മാത്രം തെളിഞ്ഞു കണ്ടു. പക്ഷേ ആരും മറുപടി അയച്ചില്ല..അവന് എന്തൊക്കെയോ സംശയങ്ങൾ തോന്നി.. ഇതെന്താ ആരും മൈൻഡ് ചെയ്യാത്തത്… എന്തോ പ്രശ്നമുണ്ടല്ലോ.. ചിന്തിച്ചു കൊണ്ട് അവൻ വീണ്ടും മിഥുവിനെ ഫോൺ ചെയ്തു.. ഇപ്രാവശ്യം അവൾ കോൾ എടുത്തു..”എന്താടി വിളിച്ചിട്ട് എടുക്കാഞ്ഞത്….? “!!”നീ വിളിക്കുമ്പോൾ ഉടനെ എടുക്കാൻ നീ എന്റെ ആരാ..?? !!! ഭർത്താവോ, അച്ഛനോ അതോ കാമുകനോ… !!””അവൾ പരുഷമായിചോദിച്ചു..”നിന്റെ സ്വരത്തിന് എന്താ ഒരു മാറ്റം…”?? !!” എന്താ നിന്നോട് തേനൂറുന്ന സ്വരത്തിൽ സംസാരിക്കണമെന്ന് നിർബന്ധമുണ്ടോ..? “!!”ഡി….. “!!!അവൻ ദേഷ്യത്തോടെ വിളിച്ചു..”ഹ്മ്മ്… നിന്റെ ദേഷ്യം നിന്റെ വീട്ടിൽ ഉള്ളവരോട് കാണിച്ചാൽ മതി… എന്നോട് വേണ്ട.. “!!”നിനക്കിപ്പോൾ പഠിക്കുന്ന കാലത്തെ സ്വഭാവമല്ലെന്നും ,,, നിന്റെ സ്വഭാവത്തിൽ വന്ന മാറ്റത്തെ കുറിച്ചുമൊക്കെ എനിക്ക് നന്നായി അറിയാം. നീ പ്രിയയോടും മഞ്ചുവിനോടും കാവ്യയോടും പറഞ്ഞതൊക്കെ അവളുമാർ എന്നോട് പറഞ്ഞിട്ടുണ്ട്….. “!!!
അവൻ ഒന്ന് ഞെട്ടി..”എന്താ… എന്താ പറഞ്ഞത്… “??? !!”ഹാ.. നീയിപ്പോഴേ വിയർക്കാൻ തുടങ്ങിയാൽ എങ്ങനെയാ… ഞാൻ ബാക്കി കൂടി പറയട്ടെ…… !!!”നമ്മുടെ ബാച്ചിലെ മുഴുവൻ പെൺകുട്ടികൾക്കും ഞാൻ നിന്നെ കുറിച്ച് മുന്നറിയിപ്പ് കൊടുത്തിട്ടുണ്ട്. അതുകൊണ്ട് ഇനി നിന്റെ മറ്റേ സ്വഭാവം കൊണ്ട് ആരുടെയും അടുത്തേക്ക് ചെല്ലണ്ട… കുട്ടികളും കുടുംബവുമായി ജീവിക്കുന്ന ഞങ്ങൾക്ക് ഞങ്ങളുടെ ജീവിതം തന്നെയാ വലുത്. അല്ലാതെ പണ്ടെങ്ങോ കൂടെ പഠിച്ച കൂട്ടുകാരനല്ല… “!!!താൻ മെസ്സേജ് അയച്ചിട്ടുണ്ട് ആരും റിപ്ലൈ തരാഞ്ഞതിന്റെ കാരണം അവൻ ഇപ്പോൾ പിടികിട്ടി…അവന്റെ മനസ്സിൽ മിഥുവിനോട് പക തോന്നി..മിഥു വീണ്ടും തുടർന്നു….” നിന്റെ വീട്ടിലും ഇല്ലേ രണ്ടു പെൺകുട്ടികൾ,,, നിന്റെ പെങ്ങന്മാർ.. അവർ കൂടെ പഠിച്ച ആൺകുട്ടികളോട് ഇത്തിരി അടുപ്പത്തിൽ പെരുമാറി എന്ന് കരുതി ആരെങ്കിലും നിന്റെ പെങ്ങമ്മാരോട് മോശമായി സംസാരിച്ചാൽ നിനക്ക് ഇഷ്ടപ്പെടുമോ…???? !!! അതു പോലെതന്നെ അന്തസ്സും അഭിമാനവും ഉള്ള പെണ്ണുങ്ങൾ തന്നെയാണ് ഞങ്ങളും.. കൂടെ പഠിച്ചു എന്ന് കരുതി എന്തും ചോദിക്കാനുള്ള ലൈസൻസ് അല്ല അത്….”!!!”നിനക്ക് ഇപ്പോൾ എന്നെ കൊല്ലാനുള്ള ദേഷ്യമുണ്ടാവും എന്ന് എനിക്കറിയാം. പക്ഷേ നീയത് അടക്കി നിന്റെ മനസ്സിൽ തന്നെ വച്ചുകൊണ്ടിരിക്കുന്നതായിരിക്കും നിനക്ക് നല്ലത്….. “!!”ഇല്ലെങ്കിൽ നമ്മുടെ ബാച്ചിൽ ഉള്ള മുഴുവൻ ആൺകുട്ടികളെയും ഞാൻ ഇന്ന് തന്നെ നിന്റെ തനി സ്വഭാവത്തെക്കുറിച്ച് അറിയിക്കും,. അതുമാത്രമല്ല നിന്റെ വീട്ടിൽ വന്നു നിന്റെ അമ്മയുടെയും പെങ്ങന്മാരുടെയും മുന്നിൽവച്ച് നിന്നോട് ഞങ്ങൾ ചോദിക്കുകയും ചെയ്യും…..!!!”ദേഷ്യത്തോടെ പറഞ്ഞു കൊണ്ട് അവൾ ഫോൺ കട്ട് ആക്കി.ഛെ….!!!ഇനി ഇവളുമാരുടെ അടുത്ത് ഒന്നും നടക്കില്ല.. അവന് വല്ലാത്ത നിരാശ തോന്നി.. ഇനി ആരോടും കൂടുതൽ സംസാരിക്കാൻ പോകാതിരിക്കുന്നതാണ് നല്ലത് എന്ന് അവന് തോന്നി…. ഇപ്പോൾ പെൺകുട്ടികൾ മാത്രമേ തന്റെ സ്വഭാവ മഹിമ അറിഞ്ഞിട്ടുള്ളു… ഇനി ഇവളുമ്മാരോട് കൂടുതൽ വാശിക്ക് നിന്നാൽ ഇതിൽ കൂടുതൽ താൻ നാണം കെടും എന്നവന് മനസ്സിലായി….തന്റെ വിവാഹവും ഇതുവരെ നടന്നിട്ടില്ല… കൂടാതെ കുറച്ചു രാഷ്ട്രീയവുമൊക്കെയായി മറ്റുള്ളവരുടെ മുന്നിൽ ” മാന്യൻ” ആയി പോകുകയാണ്. തന്റെ തനി സ്വഭാവത്തെ കുറിച്ച് ആരെങ്കിലും അറിഞ്ഞാൽ ജീവിതത്തിലെയും രാഷ്ട്രീയത്തിലെയും ഭാവി നശിക്കും. അതുകൊണ്ട് ഇനി ഇവളുമാരുമായുള്ള അടുപ്പം നിർത്തുന്നതാണ് തന്റെ “നല്ല “ഭാവിക്ക് നല്ലത്..മനസ്സിൽ ചിന്തിച്ചു കൊണ്ട് അവൻ ഫേസ്ബുക് തുറന്നു…. അതിലെ കാണാമറയത്തെ സൗഹൃദങ്ങൾക്കായി അവൻ വല വിരിച്ചു കാത്തിരുന്നു… ഏതെങ്കിലും ഒരു ഇര തന്റെ വലയിൽ കുരുങ്ങുമെന്ന പ്രതീക്ഷയോടെ..!!!!ലൈക്ക് കമന്റ്‌ ചെയ്യണേ…
രചന: വയലിനെ പ്രണയിക്കുന്നവൻ
രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി….ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു… അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്…അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു…ചേട്ടൻ ഇപ്പൊ ബാംഗ്ലൂർ അല്ലേ…അതേല്ലോ… അതെങ്ങനെ അറിയാം…അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്…ആഹാ താൻ നഴ്സിംഗ് എല്ലാം കഴിഞ്ഞോ…കഴിഞ്ഞു… ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല…M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു…ഇപ്പോഴും കള്ളുകുടി ഉണ്ടോ…അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും..
ചേട്ടന്റെ കല്യാണം എന്തെകിലും ആയോ…ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..?എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ…അങ്ങനെ തന്നോട് ആരാ പറഞ്ഞത്…ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്..അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ… അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്…അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു…ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി…അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു…അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ…അതെ സത്യം…ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക…ഇതൊക്കെ തനിക്ക് എങ്ങനെ അറിയാം…അതോ… അത് പിന്നെ പറയാം…ഹ കഷ്ടമുണ്ട്ട്ടോ പറഞ്ഞിട്ട് പോ…പറയാം… പക്ഷെ ഇനി കള്ളുകുടിക്കരുത്…അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ…
അപ്പൊ അവള് പറയുവാണേൽ അപ്പൊ നോക്കാം…ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ..എന്താ… എന്താ പറഞ്ഞത്…അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”…എന്നിട്ടോഎന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്…എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്….അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട്‌ പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു…
കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?..ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല… പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല…അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു…അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല…….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……
രചന: Vijay Lalitwilloli Sathya
“അപ്പുവേട്ടാ..ഈഹുക്സ് ഒന്ന് ഇട്ടു തരുമോ””തന്റെ പ്രിയതമ ബ്ലൗസിന് ഹുക്സ് ഇടാൻ വിളിച്ചപ്പോൾ ബെഡിൽ ഇരുന്ന് പുസ്തകം വായിക്കുകയായിരുന്നു അപ്പു.”ഇതെന്താ ശിവകാമി പഴയ മോഡൽ””ഒന്ന് പരീക്ഷിക്കാം എന്ന് വെച്ചു “പണ്ട് തന്നെ ഇത് പോലെ അമ്മ താൻ രണ്ടു,മൂന്ന് ക്ലാസിൽ പഠിക്കുന്ന കാലത്തു വിളിക്കാറുണ്ട്. അപ്പു അപ്പോൾ ഓർത്തു.”പ്ലീസ് പിറകിൽ ആയതുകൊണ്ടല്ല…. ഹെല്പ് ചെയ്യ്…വാ”അവൾ കെഞ്ചി.അപ്പു എഴുന്നേറ്റ് ചെന്ന് ഹുക്സുകൾ ഓരോന്ന് ഇട്ടുകൊടുത്തു.””ഇവളുടെ ഒരു കാര്യം”അപ്പുവിനെ വിരലുകളിലെ സ്പർശനം ഏറ്റപ്പോൾ അവളൊന്നു പുളകിതയായി.അപ്പു എന്ന ആരാധ്യപുരുഷൻ അവളിലേക്ക് വന്ന ആ നിമിഷവും ആ ഓർമ്മയും ഇടയ്ക്കിടെ അവൾ വന്നു നിറയാറുണ്ട്അവളുടെ ചിന്തയെ ആ കഴിഞ്ഞ പഴയ മായിക ലോകത്തെക്ക്കൂട്ടിക്കൊണ്ടുപോയി.സുബ്രു കനകമ്മാൾ ദമ്പതികൾക്ക് കുട്ടികളില്ല.സുബ്രു ക്ഷേത്ര കർമ്മങ്ങളും നോക്കുന്ന ഒരാളാണ്. രാവിലെ അതിരാവിലെ ക്ഷേത്രത്തിലെത്തി പൂജയ്ക്ക് വേണ്ട ഒരുക്കങ്ങൾ ഒരുക്കുന്നതിൽ പൂജാരിയെ സഹായിക്കുന്നു.ഒരു ദിവസം പ്രഭാതത്തിൽ എഴുന്നേറ്റ് ഇങ്ങനെ പോകുമ്പോൾ ക്ഷേത്ര കുളക്കടവിൽ ഒരു പിഞ്ചു കുഞ്ഞിന്റെ കരച്ചിൽ കേട്ടു നോക്കുമ്പോൾ ഒരു പിഞ്ചുകുഞ്ഞിനെ ആരോ ഉപേക്ഷിച്ച അവിടെ കിടത്തി പോയിരിക്കുന്നു.സുബ്രു വേഗം വാരിയെടുത്തു. ആരെയും കാണാതെ വേഗം വീട്ടിലേക്ക് പോയി. തന്റെ ഭാര്യ കനകം മാളിന് വിളിച്ചു കാണിച്ചു.
അവൾക്കും സന്തോഷമായി.”സുബ്ര അണ്ണാ നമുക്ക് ഇതിനെ വളർത്താം പക്ഷേ ഈ നാട്ടിൽ നിന്നാൽ ഇത് ആരുടേതാണെന്ന് ചോദ്യം ഉണ്ടാവും നമുക്ക് വേറൊരു നാട്ടിലേക്ക് പോകാം അവിടെ താമസിച്ചു കുട്ടി ഇച്ചിരി വലുതാവുമ്പോൾ നമുക്ക് തിരിച്ചു വരാം “അങ്ങനെ തീരുമാനിച്ച അവർ ആ കുട്ടിയെ കൊണ്ട് വെള്ളകീറും മുമ്പേ നാട്ടിൽ നിന്നും സ്ഥലംവിട്ടു.പിന്നെ വേറെ നാട്ടിൽ പോയി ജീവിച്ച അവർ മകൾക്ക് പത്തു വയസ്സായപ്പോൾ സ്വന്തം നാട്ടിൽ തിരിച്ചെത്തി.നാട്ടുകാർ കരുതിയത് സുബ്രു അണ്ണൻ പോയതിനുശേഷം ആ നാട്ടിൽ വച്ചുണ്ടായ കുട്ടിയായിരിക്കും എന്നാണ്. ആർക്കും ഒരു സംശയവും ഉണ്ടായില്ല.നാട്ടിൽ വന്ന് അവർ പഴയ ആ ക്ഷേത്രത്തിൽ ജോലി നോക്കി ജീവിക്കുകയാണ് ഇപ്പോൾ.ഇതിനിടെ അവർക്ക് വേറെ കുട്ടികൾ ഒന്നും ഉണ്ടായില്ല. ആ കുട്ടിക്ക് അവർ ശിവകാമി എന്നാണ് പേര് വെച്ചത്.അതിവസുന്ദരികുട്ടി ശിവകാമിയെകാണാൻ അവളുടെ നോട്ടംകിട്ടാൻ ആ നാട്ടിലെ ആൺകുട്ടികൾ ശ്രമിക്കാറുണ്ട്.അവളെ കണ്ടു ഉന്നത ക്ലാസുകളിൽ പോകുമ്പോൾ കുട്ടികൾ എല്ലാവരും ചോദിച്ചുആരാണീ സുന്ദരി. അപ്പോൾ അവളുടെ കൂട്ടുകാരികൾ പറയുംഅമ്പല കാര്യങ്ങൾ നോക്കുന്ന കുടുംബത്തിൽ ഉള്ളതാണ് അവൾ.സുബ്രു കനകമമാൾ ദമ്പതികളുടെ അരുമ മകൾ.!പാട്ടി പട്ടമ്മാളുടെ ചെല്ലം!!ശിവകാമിയുടെ വീടിനടുത്ത് ഒരു അമ്പലമുണ്ട്.അവിടെ ആൽത്തറയിൽ ഒരറ്റത്തു എന്നും വന്നിരിക്കും.അതിന്റെ മുമ്പിൽ മൈതാനമാണ് ആ മൈതാനത്തിൽ വൈകിട്ട് കുട്ടികൾ വന്നു ഫുട്ബോളും ക്രിക്കറ്റും കളിക്കാറുണ്ട്. ശിവകാമി അവിടെയിരുന്നു ക്ഷേത്രത്തിലേക്കുള്ള പൂമാല കോർത്തു കൊണ്ടിരിക്കുംകുഞ്ഞുങ്ങളിലെ ഉള്ള ശീലം.അത്രയേ ഉള്ളൂ.ഈയിടെയായി അവളുടെ മനസ്സിൽ ചെറുപ്പക്കാരൻ സ്ഥാനംകൊണ്ടു. അപ്പു.
അപ്പുവും ആ ഗ്രൗണ്ടിൽ കളിക്കാൻ വരും. അവൾ അപ്പുവേട്ടനിലേക്ക് അടുക്കാൻ ഉണ്ടായ കാരണം ഓർത്തു”കനകം..അന്ത ടിവി പയ്യനെ കൂപ്ഡ് തമിഴ് സംമ്പരുത്തി പാക്കരുത്ക്ക്‌ ടൈം മാച്ച് “ശിവകാമിയുടെ പാട്ടിപട്ടഅമ്മാൾഓർഡർ ഇട്ടു..ഉടനെ ടിവി നന്നാക്കുന്ന അപ്പുവേട്ടനും ശരത്തും വന്നു അപ്പുനെ ഇത്രേം അടുത്തു ആദ്യം കാണുകയണ്‌ അവൾ”ഹമ്മോ എന്തൊരു സൗന്ദര്യം”ഓഫീസ് റൂമിൽ പഠിക്കുകയായിരുന്ന അവൾ വേഗം പുസ്തകംഅവിടെയിട്ട് അകത്തു കയറിപ്പോയി.30 മിനിറ്റിനുള്ളിൽ അവർ ടിവി നന്നാക്കി മടങ്ങി പോയി.അവളുടെ മനസ്സിൽ അപ്പുവിനെ മുഖം തെളിഞ്ഞു നിന്നു എന്താ ഒരു തേജസ് അവൾ തോന്നി.ശിവ കാമി ഫൈനൽ ഇയർ bsc ഫിസിക്സ് പഠിക്കുന്നു..പിറ്റേന്ന് കോളേജിൽ”എവിടെയാ ശിവകാമി നീ””ലാബിലാർന്നെടി “ക്ലാസ്സിൽ നീ ഇന്ന് വല്ല്യ ആളായെടി “”എങ്ങനെ?””ഫിസിക്സ് പ്രൊഫസർ ഇന്നലെ നമുക്ക് തന്ന പ്രോസസ് നീ മാത്രമേ സോൾവ് ചെയ്തുള്ളൂ. ക്ലാസ്സിലെ പഠിപ്പിസ്റ്റ് സോളമന് പോലും ഒന്നു പോലും ചെയ്യാൻ പറ്റിയില്ല.മൂന്നു പ്രോസും നീ സോൾവ് ചെയ്തു… എങ്ങനെ ഒപ്പിച്ചടി ഇതിന്റെ ഉത്തരം””ങേ “ഇന്നലെ രാത്രി വരെ ഒന്നും കമ്പ്ലീറ്റ് ചെയ്തില്ലല്ലോ പിന്നെ ഇതെങ്ങനെ സംഭവിച്ചു..എങ്ങനെ സംഭവിച്ചു എന്നതിനെക്കുറിച്ച് ആലോചിച്ചിട്ട് ഒരു പിടിയും കിട്ടിയില്ല.” നീയാണോ എന്റെ പുസ്തകം എടുത്തു സാറിന് കൊടുത്തത്?”ശിവകാമി അത്ഭുതത്തോടെ ചോദിച്ചു”എല്ലാവരുംകൊടുക്കുന്ന കൂട്ടത്തിൽ നിന്റെ ബുക്സും നിന്റെ ബാഗിൽ നിന്ന് എടുത്തു ഞാൻ കൊടുത്തു… ഉം എന്താ..?”സത്യത്തിൽ താൻ ഒന്നും ചെയ്തില്ലല്ലോഅത് എങ്ങനെയുള്ള പറയും. ഏതായാലും ഞാൻ ബുക്സ് കാണട്ടെ അപ്പോൾ അറിയാമല്ലോ.. അവൾ കരുതി.ക്ലാസ്സിൽ കയറി ചെന്നപ്പോൾ പ്രൊഫസർ അവളെ പ്രശംസിച്ചു.”അഭിനന്ദനങ്ങൾ ഇത്രയുംഡിഫിക്കല്റ്റായ പ്രോബ്ലം സോൾവ് ചെയ്തത നീ നാളത്തെ ഐഎസ്ആർഒ വാഗ്ദാനമാണ്‌.
കീപ്പിറ്റപ്പ്””ങേ “അവൾ അത്ഭുതപരതന്ത്രനായി.സത്യം തന്നെയാണോ ഒരുപക്ഷേ മാഷിന് പുസ്തകം മാറിയിട്ടുണ്ടാവും എന്ന് അവൾക്കു തോന്നി.സത്യത്തിൽ ഇന്നലെ വരെതന്റെ ബുക്കിൽ താൻ ഒരു അക്ഷരം പോലും എഴുതിയിട്ടില്ല.എങ്കിലും മാഷ് അഭിനന്ദിച്ചപ്പോൾ അവൾ”താങ്ക്സ്”വിറച്ചുകൊണ്ട് പറഞ്ഞു.അവൾ പുസ്തകംഎടുത്തു നോക്കി ശരിയാണ് തന്റെ പുസ്തകത്തിൽ നല്ലകൈപ്പടയിൽ ആരോ പ്രോബ്ലം സോൾവ് ചെയ്തിരിക്കുന്നു. ഈശ്വരാ ഇതെന്തു മറിമായംഈശ്വരൻ നേരിട്ട് സഹായിച്ചത്ആണോ…..അവൾ ശങ്കിച്ചു പോയി. ആ നിമിഷം…..കണ്ടിട്ട് ഈശ്വരന്റെ കയ്യക്ഷരം ആണെന്ന് തോന്നുന്നില്ല…..അതിനവൾക്ക് ഈശ്വരനെ മുമ്പിൽ കണ്ടിട്ടില്ലല്ലോ പിന്നെങ്ങനെ ഈശ്വരനെ കൈയ്യക്ഷരം അറിയും.അവൾ അവളുടെ കഴിഞ്ഞ ദിവസത്തിലെ ജീവിതത്തിലെ ഓരോ നിമിഷവും റീവൈൻഡ് ചെയ്തു.അപ്പോഴാണ് തലേന്നാൾ രാത്രി ടിവി മെക്കാനിക് വീട്ടിൽ വരുന്ന നേരം താൻ ബുക്സും കൊണ്ട് ഓഫീസ് റൂമിൽ ആയിരുന്നു പഠിച്ചിരുന്ന കാര്യം അവൾക്ക് ഓർമ്മയിൽ തെളിഞ്ഞത്.ടിവി നന്നാക്കുക അത് ഫിസിക്സ് പഠിച്ചതിന് ഭാഗമാണല്ലോഅങ്ങനെയെങ്കിൽ അവരിൽ ആരോ ആണ് അത് ചെയ്തത്.സംശയിക്കുന്ന രണ്ട് പേരിൽഏറെ നാളത്തെ പരിശ്രമത്തിനൊടുവിൽ ആളെ കൃത്യമായ ആളെ കണ്ടെത്തി.അന്ന് ടീവി നന്നാക്കാൻ വന്നപ്പോൾ മേശ പുറത്തു വച്ചിട്ടുണ്ടായിരുന്നുണ്ടായിരുന്ന പുസ്തകം അപ്പുവേട്ടൻ കണ്ടപ്പോൾആ പ്രോബ്ലംസോൾവ് ചെയ്യുകയായിരുന്നുഇത്രയുംവിദ്യാഭ്യാസം ഉണ്ടായിരുന്നെന്ന് അറിഞ്ഞിരുന്നില്ല.’ഈശ്വരാ അപ്പുവേട്ടൻ ഫിസിക്സ് എംഎസ്സി ആണെന്ന് ‘അന്നു മൊട്ടിട്ട ഒരു കുഞ്ഞു പ്രണയം മനസ്സിൽ ഉള്ളിലുണ്ട്.ആരവമുയർന്നു അപ്പുവേട്ടൻ മൈതാനത്തിൽ എത്തി എന്നു തോന്നുന്നു ഒന്ന് കാണാൻ അവളും എഴുന്നേറ്റു.അപ്പും അവളെ കണ്ടു.അവൾ പുഞ്ചിരിച്ചു!അവരുടെ പ്രണയം നാൾക്കുനാൾ വളർന്നു.കുളക്കടവിൽ ക്ഷേത്രമതിൽക്കെട്ടിനു പുറത്തു ഊടു വഴികളിലും അവർ കണ്ടുമുട്ടി. പരസ്പരം സംസാരിച്ചു മനസ്സുകൾ കൈമാറി സ്വപ്നങ്ങൾ പങ്കു വെച്ചു ദിനങ്ങൾ കഴിച്ചുകൂട്ടി.
ടിവി മെക്കാനിക് ജോലി നോക്കിയിരുന്നു അപ്പുവിനു ശാസ്ത്രസാങ്കേതിക വകുപ്പിൽ ജോലി ലഭിച്ചു. അതിനുള്ള യോഗ്യത അയാൾക്ക് ഉണ്ടായിരുന്നല്ലോ.നല്ലൊരു മുഹൂർത്തത്തിൽ ശിവകാമിയുടെ യും അപ്പുവിനെയും വിവാഹം കെങ്കേമമായി നടന്നു.ശിവകാമിയുടെ വളർച്ചയും ജീവിതവും എല്ലാം കണ്ട് ആസ്വദിച്ച് ആരുമറിയാതെ കഴിയുന്ന ഒരു അമ്മ ഏതോ ഒരു കുടുംബത്തിൽ അവരുടെ ഭർത്താവിന്റെ കൂടെ അവരുടെ കുട്ടികളുമായി ജീവിച്ചു വരികയാണ്.അന്ന് കുട്ടിയെ കുളക്കടവിൽ ഉപേക്ഷിച്ചു അവര് ഒരിടത്തു മറഞ്ഞ് ഇരിക്കുകയായിരുന്നു. മക്കളില്ലാത്ത സുബ്രു എന്തായാലും തന്റെ കുഞ്ഞിന് കാണുമെന്നും അയാൾ എടുത്തുകൊണ്ടു പോയി വളർത്തണമെന്നും നല്ല നിശ്ചയമുള്ള ഒരമ്മയാണതു.”ശിവകാമി നീ എവിടെയാണ്”അപ്പുവിനെ വിളി കേട്ട ശിവകാമി ചിന്തയിൽ നിന്നുണർന്നു. ക്ലോക്കിൽ നോക്കിയപ്പോൾനാല്പത് മിനിറ്റ് കടന്നുപോയിരിക്കുന്നു”അയ്യോ…എന്താ അപ്പുവേട്ടാ ഇത് നാലു കുടുക്കുകൾ ഇടാൻ നാല്പത് മിനിറ്റോ””നീ എന്തെടുക്കുകയായിരുന്നു.. അപ്പോൾ””അത് പിന്നെ ഞാൻ…എന്റെ അപ്പുവേട്ടൻ തൊടുമ്പോൾ എനിക്ക്…. ഒരു മണിക്കൂർ പോലും ഒരുനിമിഷം ആയി മാറുന്നു…ശോ..”അതും പറഞ്ഞ് അവൾ അടുക്കളയിലേക്കോടി…..വായിച്ചുകഴിഞ്ഞാൽ രണ്ടു വാക്കു പറഞ്ഞു പോകാൻ മറക്കല്ലേ…..