പ്രണയം
ഞാൻ ആദിദേവ്.. കണ്ണൻ എന്ന് വിളിക്കും .. ഈ കഥ പറയുന്നത് ഞാനാണ് ..പക്ഷെ ഇതെന്റെ കഥയല്ലാട്ടോ… ഇത് അവളുടെ കഥയാണ് … നൂപുര എന്ന ഞങ്ങളുടെ നിധിയുടെ കഥ …
രചന: Niharika Ammu
ഞാൻ ആദിദേവ്.. കണ്ണൻ എന്ന് വിളിക്കും .. ഈ കഥ പറയുന്നത് ഞാനാണ് ..പക്ഷെ ഇതെന്റെ കഥയല്ലാട്ടോ… ഇത് അവളുടെ കഥയാണ് … നൂപുര എന്ന ഞങ്ങളുടെ നിധിയുടെ കഥ …
3 വർഷങ്ങൾക്കു മുൻപ്
———————-
“നിധി എവിടെ അമ്മായി? ഇന്ന് അമ്പലത്തിലോട്ടൊന്നും കണ്ടില്ലല്ലോ..”
” ആ കണ്ണനോ.. അവള് തലവേദന ആണെന്നു പറഞ്ഞ് കെടക്കുവാ മോനേ..ഇന്നലെ രാത്രി ഒന്നും കഴിച്ചില്ല.. കുറച്ചൂടെ കിടക്കട്ടേന്നോർത്താ ഞാൻ ഇതുവരെ വിളിക്കാഞ്ഞത്..”
“ആണോ ഞാൻ ഒന്നു നോക്കട്ടെ..”
കോണിപ്പടി കേറി മുകളിലോട്ട് ചെല്ലുമ്പോൾ എനിക്ക് വല്ലാത്ത ഒരു നിശബ്ദത തോന്നുന്നുണ്ടായിരുന്നു.. ആ വീടിന്റെ ശബ്ദമാണ് നിധി.. നൂപുര എന്ന നിധി.. ഇരുപത്തിരണ്ടാം വയസിലും കൊഞ്ചി കുഴഞ്ഞ്‌ നടക്കുന്ന ഒരു തല്ലുകൊള്ളി… പേരു പോലെ തന്നെ അവളുടെ പൊട്ടിചിരികൾക്കും ആ കാലിലെ പാദസ്വരങ്ങളുടെ അതേ കിലുക്കം ആണ്.. ആ ശബ്ദമാണ് ഇന്നു കേൾക്കാത്തത്.. അവളുടെ നിശബ്ദത എനിക്ക് ഭയമാണ്.. തലവേദന അല്ല തല തന്നെ പൊളിഞ്ഞു പോയാലും അടങ്ങി ഇരിക്കാത്ത ഒരു സ്വഭാവക്കാരിയാണ് എന്റെ മുറപ്പെണ്ണ്..ആ അവൾ മുറിയിൽ അടങ്ങി കിടക്കണമെങ്കിൽ കാര്യം അത്ര നിസാരമല്ല .അവളുടെ അമ്മയ്ക്ക് പോലും അറിയാത്ത ഒരു നിധി ഉണ്ട് , ഈ കണ്ണന് മാത്രം അറിയുന്ന നിധി..
മുറിക്കു പുറത്തുനിന്നു ഞാൻ പലതവണ മുട്ടി വിളിച്ചിട്ടാണ് അവൾ വാതിൽ തുറന്നത് . മുടി ഒക്കെ പാറിപ്പറന്നു കണ്ണൊക്കെ ചുവന്നു,ഇന്നുവരെ കണ്ടിട്ടില്ലാത്ത ഒരു രൂപമായിരുന്നു അവൾക്കു.
എന്നെ കണ്ടതും ചുവന്നു തുടുത്ത കണ്ണുകൾ വീണ്ടും നിറഞ്ഞു തുടങ്ങി .
“എന്താടാ എന്തുപറ്റി എന്റെ പെണ്ണിന് ” എന്നുടെ ചോദിച്ചപ്പോൾ ഒരു ഏങ്ങലടിയോടെ എന്റെ നെഞ്ചിലേക്ക് വീണു അവൾ പൊട്ടിക്കരഞ്ഞു..
കാര്യം എന്താന്ന് അറിയാതെ പകച്ചു നിന്ന ഞാൻ അവളെ പതിയെ കട്ടിലിലേക്ക് ഇരുത്തി അവൾക്കൊപ്പം ഇരുന്നു …അപ്പോഴും കരച്ചിൽ നിർത്താതെ അവളെന്റെ തോളിൽ ചാരി ഇരിക്കുന്നുണ്ടായിരുന്നു ..
കുറച്ചു നേരത്തെ നിശബ്ദതയ്ക്കു ശേഷം ഞാൻ അവളുടെ മുഖം കൈയിൽ എടുത്ത് കണ്ണിലേക്കു നോക്കികൊണ്ട് പറഞ്ഞു .” കരഞ്ഞത് മതി , എന്ത് പറ്റി എന്റെ നിധിക്ക് ? ഒന്നുമില്ല എന്ന കള്ളം കണ്ണേട്ടന് കേൾക്കേണ്ട , സത്യം പറയണം, പറ എന്താ ?”
അവൾ ഒന്നുമില്ലെന്ന്‌ തലയാട്ടി നിരസിച്ചു വീണ്ടും എന്റെ നെഞ്ചിലേക്ക് ചായാൻ തുടങ്ങിയപ്പോൾ അവളുടെ തോളിൽ ശക്തിയായി പിടിച്ചു കുലുക്കി ഞാൻ ദേഷ്യത്തോടെ അലറി ” എന്താന്ന് വാ തുറന്നു പറ ”
ഞാൻ ഇങ്ങനാണ് പെട്ടന്ന് ദേഷ്യവും സങ്കടവും സ്നേഹവും ഒക്കെ വരും .. ഇനി അടുത്തത് എന്റെ കയ്യിന്നുള്ള അടി ആണെന്ന് അറിയാവുന്നത് കൊണ്ടാവും അവൾ പതുക്കെ സംസാരിച്ചു തുടങ്ങി..
” ഇന്നലെ വൈകിട്ട് ഞാൻ കാവിൽ വിളക്ക് വച്ച് തിരിച്ചു വരുമ്പോൾ ഭദ്രൻചെറിയച്ഛൻ തോഴാൻ വന്നു , സന്ധ്യ ആയത്കൊണ്ട് ഞാൻ പോകുയാണ് എന്ന് പറഞ്ഞപ്പോൾ നീ നിൽക്ക് ഞാൻ കൊണ്ടുപോയി വീട്ടിൽ വിടാമെന്ന് പറഞ്ഞു..തൊഴുതു തിരിച്ചുവന്നപ്പോൾ തൊട്ട് അയാളുടെ നോട്ടത്തിലും ഭാവത്തിലും എന്തോ ഒരു പ്രശനം എനിക്ക് തോന്നി. ” നീ വല്യ കുട്ടി ആയല്ലോ” എന്ന് ഇടയ്ക്കിടെ അയാൾ പറഞ്ഞോണ്ടിരുന്നപ്പോൾ ഞാനത് ചിരിച്ചു തള്ളി .പക്ഷെ ഇരുട്ട് വീണു തുടങ്ങിയപ്പോൾ കാവിന്റെ അടുത്ത ഇടവഴിയിൽ വച്ച് അയാൾ എന്റെ കൈയിൽ കേറി പിടിച്ചു, ഞാൻ അലറി വിളിച്ചപ്പോൾ അയാൾ വാ പൊത്തി. പിന്നെ അയാളുടെ കയ്യിൽ അമർത്തി കടിച്ചിട്ട് ഞാൻ ഓടി രക്ഷപെട്ടതാ കണ്ണേട്ടാ , എനിക്ക് പേടിയാ കണ്ണേട്ടാ ഇനി പുറത്തോട്ട് ഇറങ്ങാൻ.. അയാൾ ഇനിയും വരും , അമ്മയോട് ഞാൻ ഒന്നും പറഞ്ഞില്ല കണ്ണേട്ടനും പറയരുത് ” ഇത്രേം പറഞ്ഞു അവൾ വീണ്ടും എന്നെ കെട്ടിപിടിച്ചു കരയാൻ തുടങ്ങി ..
അതോടെ എന്റെ സർവ നിയന്ത്രണവും വിട്ടു , ചെറിയച്ഛൻ എന്ന് വിളിക്കുമെങ്കിലും അയാൾ ഞങ്ങളുടെ ഒരു അകന്ന ബന്ധു മാത്രമാണ് ..കല്യാണം കഴിച്ചിട്ടില്ല , സാഹിത്യവും കഥയും ഒക്കെയായി നാട് ചുറ്റലാണ് . എല്ലാരോടും സൗമ്യമായ പെരുമാറ്റം. അയാൾക്ക് ഇങ്ങനെ ഒരു മുഖം ഉണ്ടെന്നു എന്റെ ജീവന്റെ പാതി പറഞ്ഞിട്ട് പോലും എനിക്ക് വിശ്വസിക്കാൻ പറ്റുന്നില്ല..പക്ഷെ ആട്ടിൻതോലിട്ട ചെന്നായ്ക്കളുടെ കഥകൾ ഒരുപാട് കേൾക്കുന്ന ഈ കാലത്ത് ഇത് വിശ്വസിക്കാതിരിക്കാനും വയ്യ …
ഒരു നീണ്ട നിശബ്ദതയ്ക്കു ശേഷം ഞാൻ അവളുടെ കണ്ണിലേക്കു നോക്കികൊണ്ട് ചോദിച്ചു ” പുറത്തിറങ്ങാൻ നി എന്തിനാ പേടിക്കുന്നത് ? നി എന്തേലും തെറ്റ് ചെയ്തോ ?”
എന്റെ ചോദ്യത്തിന് മറുപടി പറയാതെ അവൾ എന്റെ കണ്ണിലേക്കു തന്നെ നോക്കി ഇരുന്നു ,ഒരു ഭാവഭേദവുമില്ലാതെ.
അപ്പോഴും അവളുടെ കണ്ണുകൾ നിറഞ്ഞു ഒഴുകുന്നുണ്ടായിരുന്നു ..
ഞാൻ ഒന്നുടെ കനപ്പിച്ചു ചോദിച്ചു ” നി എന്തിനാ പേടിക്കുന്നത്?”
“അയാൾ ഇനിം ഉപദ്രവിച്ചാലോ കണ്ണേട്ടാ”.നിഷ്കളങ്കതയോടെ അവൾ എന്നോട് മറുചോദ്യം ചോദിച്ചു..
“ഇനി അങ്ങനെ ഉണ്ടായാൽ നിന്റെ കൈ കൊണ്ട് തന്നെ കൊന്നു കളഞ്ഞേക്കണം ആ പേപ്പട്ടീനെ” .ആളിക്കത്തുന്ന രോക്ഷത്തോടെ ഞാൻ അത് പറഞ്ഞപ്പോൾ ഒരു ഞെട്ടലോടെ അവളെന്നെ നോക്കി..
” എന്തിനാ ഇങ്ങനെ നോക്കുന്നത്.. പെണ്ണിന്റെ മാനത്തിനു വില കൽപ്പിക്കാത്തവനെ ഒക്കെ കൊന്നു തള്ളിയേക്കണം.. ദൈവം അങ്ങനൊരു അവസരം തന്നാൽ അത് നഷ്ടപെടുത്തരുത്‌.. നഷ്ടപ്പടുത്തിയാൽ നാളെ നമ്മുടെ കുഞ്ഞിനാകും അത് സംഭവിക്കുന്നത്‌.. ഇത് പോലുള്ള വിഷ ചെടികളെ മുളയിലേ നുള്ളണം നിധി.. ഇന്നലെ നീ രക്ഷപ്പെട്ട പോലെ എന്നും രക്ഷപെടും എന്നു വിചാരിക്കുന്നുണ്ടോ.. അച്ഛനും ആങ്ങളയും കാമുകനും ഭർത്താവും ഒക്കെയായി ഒരു പെണ്ണിനു ചുറ്റും സുരക്ഷിതത്വത്തിന്റെ ആൺ വലയങ്ങൾ പലതുണ്ടാകും.. എന്നാലും ഇത് പോലുള്ള കാമഭ്രാന്തന്മാർ തക്കം നോക്കി നടക്കും ഒരു അവസരത്തിനായി… എനിക്ക് വേണേൽ ഇന്നു തന്നെ അവനെ കൊന്നു തള്ളാം പക്ഷെ അത് പൊരാ നിന്നെ പോലുള്ള പെൺകുട്ടികൾ ഇനി എങ്കിലും പ്രതികരിച്ച് തുടങ്ങണം.. തെരുവിൽ തുണി ഉലിഞ്ഞ്‌ നിന്നു സമത്വം വേണമെന്നു പറഞ്ഞു കാണിക്കുന്ന തൊന്നിവാസം അല്ല ,ഇത് പൊലുള്ള അവസരങ്ങളിൽ പ്രതികരിക്കാൻ ഉള്ള തന്റേടം ഉണ്ടാക്കി കൊടുക്കൽ ആണ് യഥാർത്ഥ സ്ത്രീശാക്തീകരണം… നിനക്ക് ഞാൻ പറയുന്നത് മനസിലാവുന്നുണ്ടോ..”
അവൾ ഒന്ന് മൂളി..
”എങ്കിൽ വാ, നമ്മുക്കൊരിടം വരെ പോണം”
“എങ്ങോട്ടാ കണ്ണേട്ടാ പോണേ”
“അതൊക്കെ പറയാം, നീ ആദ്യം റെഡി ആയി എന്തേലും കഴിച്ചിട്ട് വാ ”
മറുപടി ഒരു മൂളലിൽ ഒതുക്കികൊണ്ട് അവൾ എണീറ്റു . ഞാനും അവൾക്കൊപ്പം താഴേക്ക് പോയി ..
കോണിപ്പടി ഇറങ്ങുമ്പോൾ ഞാൻ അവളുടെ കാലിലേക്ക് ശ്രെദ്ധിച്ചു ,ഇന്നെന്തോ അവളുടെ കൊലുസിനു ആ പഴയ കൊഞ്ചൽ ഇല്ലാത്തപോലെ. എന്റെ ഏറ്റവും പ്രിയപ്പെട്ട ആ ശബ്‍ദം ഇന്നെനിക്കു അന്യമാകുന്ന പോലെ..
താഴെച്ചെന്നു കുറച്ചു സമയം ഞാൻ അമ്മായിയോട് സംസാരിച്ചിരുന്നു .അവൾ അപ്പോഴേക്കും റെഡി ആയി വന്നു ..
“പോകാം ” ഞാൻ അവളോട് പറഞ്ഞു .
എങ്ങോട്ടാ രണ്ടാളുംകൂടെ എന്ന അമ്മായിയുടെ ചോദ്യത്തിന് ഭദ്രൻ ചെറിയച്ചനെ കാണാൻ എന്ന് ഞാൻ മറുപടി പറഞ്ഞപ്പോൾ അവളൊന്നു നടുങ്ങി ..
“ആ ഭദ്രൻ വന്നിട്ട് കുറച്ചൂസം ആയല്ലേ ? എത്ര നാളായി അലഞ്ഞുതിരിഞ്ഞു നടപ്പ് തുടങ്ങിയിട്ട് ,സമയം കിട്ടുമ്പോൾ ഇങ്ങോട്ട് ഒന്ന് ഇറങ്ങാൻ പറയ് അവനോട് ..നിധിടെ അച്ഛൻ മരിച്ചപ്പോൾ വന്നിട്ട് പോയതാ ഇവിടേയ്ക്ക്, പിന്നെ കേറീട്ടില്ല ”
ശെരി അമ്മായി എന്നും പറഞ്ഞ് അവളുടെ കയ്യും പിടിച്ച് പുറത്തോട്ടിറങ്ങുമ്പോൾ ആ ശരീരത്തിലെ വിറയൽ ഞാൻ അറിയുന്നുണ്ടായിരുന്നു…
ഞങ്ങളുടെ ഏറ്റവും പ്രിയപ്പെട്ട ബുള്ളറ്റിൽ ,അവൾക്കു ഏറ്റവും പ്രിയപ്പെട്ട ഇടത്തേക്ക് അവളേം കൊണ്ട് ഞാൻ പാഞ്ഞു ..
മഞ്ചാടിമരങ്ങൾ തിങ്ങി നിൽക്കുന്ന ഒരു കാടുണ്ട് ഞങ്ങളുടെ നാട്ടിൽ , അവളുടെ ഏറ്റവും ഇഷ്ടപെട്ട ഇടം, എന്റെയും..
സാധാരണ അവിടെത്തുമ്പോൾ വണ്ടി നിർത്തുന്നതിനുമുന്നേ ചാടി ഇറങ്ങി ഓടുന്നവളാണ് ഇന്ന് ഒന്നും മിണ്ടാതെ ആദ്യമായിട്ട് കാണുന്ന സ്ഥലം പോലെ നോക്കി നിൽക്കുന്നത് ..
ഞാൻ അവളേം കൂട്ടി ഞങ്ങളുടെ സ്ഥിരം മരത്തിന്റെ താഴെ ചെന്നിരുന്നു.. അവളെന്റെ തോളിലേക്ക് ചാഞ്ഞു ..ഒന്നും മിണ്ടാതെ കുറെയധികം സമയം ഞങ്ങൾ ഇരുന്നു ..അവസാനം ആ നീണ്ട മൗനത്തെ കീറിമുറിച്ചു ഞാൻ അവളെ വിളിച്ചു .
“നിധി”..
“പറ കണ്ണേട്ടാ ”
“ഇപ്പോൾ നിന്റെ മനസൊന്നു തണുത്തില്ലേ ,ഇനി നമുക്ക് പോകാം അയാളുടെ വീട്ടിലേക്ക്”.
തീരുമാനിച്ച് ഉറപ്പിച്ചത് പോലുള്ള എന്റെ ചോദ്യം കേട്ട് അവളൊന്നു പതറി .
“അത് വേണ്ട ഏട്ടാ ,നമുക്ക് തിരിച്ച് പോകാം അയാളെ എനിക്ക് പേടിയാ, ഇനി അയാളുടെ മുൻപിൽ ചെന്ന് പെടാതെ ഞാൻ നോക്കിക്കോളാം ,നമുക്ക് തിരിച്ച് പോകാം കണ്ണേട്ടാ “. കരഞ്ഞുകൊണ്ട് അവളെന്നോട് കെഞ്ചി.
പക്ഷെ അപ്പോൾ അവളോടെനിക്ക് സഹതാപമല്ല, ദേഷ്യമാണ് തോന്നിയത് .
“എത്രവട്ടം നീ രക്ഷപെടുമെടീ ? പറ ? “. ഞാൻ അലറി ..
എന്റെ ഭാവം മാറിയപ്പോൾ അവളുടെ കരച്ചിലിന്റെ ശക്തി കൂടി..
കുറച്ച് നേരത്തെ മൗനത്തിനു ശേഷം ഞാൻ വീണ്ടും സംസാരിച്ച് തുടങ്ങി.
“ക്ഷമിക്കേടാ പെട്ടന്നുള്ള ദേഷ്യത്തിന് പറഞ്ഞതാ, ഞാൻ വീട്ടിൽ വച്ച് എന്തൊക്കെ കാര്യങ്ങൾ നിനക്ക് പറഞ്ഞു തന്നതാ ,എന്നിട്ടും നീ എന്താ കൊച്ച് പിള്ളേരെപ്പോലെ ? നിനക്കിത്രേം പ്രായമായില്ലേ ? ഇനി കുറച്ച് പക്വത കാണിക്കണം.ഇപ്പോൾ അങ്ങോട്ട് പോകുന്നത് അയാളെ കൊന്നു കൊലവിളിക്കാനൊന്നുമല്ല.. പക്ഷെ നീ അവിടെ ചെല്ലണം ,വല്യമ്മയോട് കാര്യങ്ങൾ പറയണം . അവിടേം ഉണ്ടല്ലോ രണ്ട് പെൺകുഞ്ഞുങ്ങൾ ,അയാൾ അവിടെ നിൽക്കുന്നത് അവർക്കും അപകടമാണ്. ഒന്ന് കരുതി ഇരിക്കാൻ പറയണം.. നീ പറഞ്ഞാൽ വല്യമ്മ കേൾക്കും. വല്യച്ഛൻ നാട്ടിൽ ഇല്ലാത്തത്കൊണ്ട് അയാൾക്ക് കാര്യങ്ങൾ എളുപ്പമാകും അതോണ്ട് നീ ഈ കാര്യത്തിൽ ഒരു ഉപേക്ഷ വിചാരിക്കരുത് “.
“പക്ഷെ കണ്ണേട്ടാ ഗൗരിയും മാളുവും ഒക്കെ അയാളുടെ സ്വന്തം ചേട്ടന്റെ മക്കളല്ലേ ? അവരോടൊക്കെ ഇങ്ങനെ പെരുമാറുമോ ?നമ്മൾ ചെന്ന് പറഞ്ഞാൽ വല്യമ്മ വിശ്വസിക്കുമെന്നു എനിക്ക് തോന്നുന്നില്ല ,അയാൾ അത്രയ്ക്ക് മാന്യനാ എല്ലായിടത്തും. എന്നോട് മാത്രമാണെങ്കിലോ ഇങ്ങനെ തോന്നിയത് ?അതും ചിലപ്പോൾ ഒരു അബദ്ധം കൊണ്ട് സംഭവിച്ചതാകും ,അതിന്റെ പേരിൽ ആ കുടുംബം നശിപ്പിക്കാനോ കണ്ണേട്ടാ ? ഞാൻ ഇനി ശ്രെദ്ധിച്ചാൽ പോരെ ?..”
“ഓ ശെരി എങ്കിൽ നീ ഇനി തൊട്ട് അങ്ങ് ശ്രെദ്ധിച്ച് നടന്നോ , ഇനി മേലാൽ അയാൾ എന്തേലും പറഞ്ഞു, ചെയ്തു എന്നും പറഞ്ഞു എന്റടുത്തു വന്നാൽ എന്റെ കയ്യിടെ ചൂടറിയും നീ. പിന്നൊരുകാര്യം അയാൾ കാരണം ഗൗരിക്കോ മാളുനൊ എന്തേലും സംഭവിച്ചാൽ പിന്നെ നിന്നോട് ഇങ്ങനെയായിരിക്കില്ല എന്റെ സംസാര രീതി . കേറടീ വണ്ടിയിൽ നിന്നെ വീട്ടിൽ കൊണ്ടുപോയി ആക്കിയേക്കാം “.
ഇത്രയും പറഞ്ഞ് ദേഷ്യത്തോടെ ഞാൻ തിരിഞ്ഞ് നടന്നപ്പോൾ പിന്നിൽ നിന്നും വിളി വന്നു .”കണ്ണേട്ടാ , നിൽക്ക് ഞാൻ വരാം അയാളുടെ വീട്ടിലേക്ക് ”
”അങ്ങനെ ഞാൻ നിർബന്ധിച്ച കൊണ്ട് മാത്രം നീ വരണ്ട. നന്നായിട്ടു ആലോചിച്ചിട്ട് പറഞ്ഞാൽ മതി. ”
”ഇല്ല കണ്ണേട്ടാ ഞാൻ വരാം.. കണ്ണേട്ടൻ പറഞ്ഞതാ ശരി.. എന്തെങ്കിലും സംഭവിച്ചിട്ട് പിന്നെ ദുഃഖിച്ചിട്ട് കാര്യമില്ല… നമുക്ക് ഇപ്പോൾ തന്നെ പോകാം, വാ”
”മ്..എങ്കിൽ വാ വണ്ടിയിൽ കേറി.. നല്ല മഴ വരുന്നുണ്ട്.. ”
പോകുന്ന വഴിയിൽ ഇടക്ക് മഴ തുടങ്ങി. മഴയത്ത് അവളേം പുറകിൽ ഇരുത്തി ഒരുപാട് യാത്രകൾ ചെയ്തിട്ടുണ്ട്. ഞങ്ങളുടെ ഭ്രാന്തുകളിൽ ഏറ്റവും പ്രിയപ്പെട്ടതും അത് തന്നെ ആയിരുന്നു. പക്ഷെ അന്ന് ആ മഴ പോലും ഞങ്ങളെ ചുട്ടു പൊള്ളിക്കുന്നുണ്ടായിരുന്നു..
ആ പെരുമഴയത്ത് നനഞ്ഞു കുളിച്ചു ഞങ്ങൾ ആ വലിയ തറവാടിന്റെ മുറ്റത്ത് എത്തി.. മഴ ആയതു കൊണ്ടാകും എപ്പോഴും പുറത്തു കളിച്ചു നടക്കുന്ന മാളൂനെ കണ്ടില്ല. ഗൗരിടെ സൈക്കിൾ മഴയത്തു ഇരുന്നു നനയുന്നുണ്ട്.. ഞങ്ങൾ വണ്ടിയിൽ നിന്നും ഇറങ്ങി .. ഞാൻ സൈക്കിൾ എടുത്തു വീടിനോട് ചേർത്ത് നനയാതെ വെച്ചു.. പുറത്ത് ആണുങ്ങളുടെ ചെരുപ്പ് ഒന്നും ഇല്ല.. അപ്പോൾ അയാൾ അവിടെ ഇല്ലെന്നു സാരം..
ഞാൻ നിധിയെ അടുത്തേക്ക് വിളിച്ചു പറഞ്ഞു. ”ഡാ അയാൾ ഇവിടെ ഇല്ലെന്ന തോന്നണേ നീ പറയാൻ ഉള്ളതെല്ലാം വല്ല്യമ്മയോട് പറയണം. ഗൗരിക്ക് ഇപ്പോ ഇതൊക്കെ മനസിലാവുന്ന പ്രായമായി , എന്നാലും തത്കാലം അവള് കേൾക്കാതെ പറഞ്ഞാൽ മതി. വല്ല്യമ്മ തന്നെ അവളോട് പറയട്ടെ.. ”
ശരി ഏട്ടാ എന്ന് പറഞ്ഞു അവൾ അകത്തേക്ക് കയറി . പിന്നാലെ ഞാനും .
പക്ഷെ അകത്തൊന്നും ഒരു ആളും അനക്കവും ഇല്ലാത്തപോലെ.. തീർത്തും നിശബ്ദത. ഞങ്ങൾ വല്യമ്മയേയും ഗൗരിയേയും മാളൂനേം മാറി മാറി വിളിച്ചു , ആരും വിളി കേട്ടില്ല ..
വലിയ നാലുകെട്ട് ആണ് തറവാട് ,ഒരുപാട് മുറികൾ ഉണ്ട്..
ഞങ്ങൾ ഓരോ മുറിയും കേറി നോക്കി പക്ഷെ ആരെയും കണ്ടില്ല .. പെട്ടന്നാണ് അടുക്കളയിൽ നിന്നും ഒരു അടക്കിപിടിച്ചുള്ള കരച്ചിൽ കേട്ടത് , ഞങ്ങൾ അങ്ങോട്ടേക്ക് നടന്നു ..എന്തോ അരുതാത്തത് സംഭവിച്ചു എന്ന് ഉള്ളിൽ നിന്നാരോ പറയുന്നതുപോലെ. നിധി എന്റെ കയ്യിൽ മുറുകെ പിടിച്ചു..
അടുക്കളയിലെത്തിയപ്പോൾ അവിടുത്തെ ആ കാഴ്ച കണ്ട് അതുവരെ നിധിക്കു ധൈര്യം കൊടുത്ത ഞാൻ പോലും വിറങ്ങലിച്ചു നിന്നുപോയി ..ദേഹം മുഴുവൻ തളരുന്നപോലെ, ഞാൻ ഭിത്തിയിലേക്കു ചാരി നിന്നു.. നിധി ഒരു അലർച്ചയോടെ എന്റെ നെഞ്ചിലേക്ക് മുഖമമർത്തി എന്നെ വലിഞ്ഞു മുറുക്കി…
തറയിൽ ചോരയിൽ കുളിച്ച് കിടക്കുന്ന ഭദ്രൻ ,അടുക്കളയുടെ ഒരു മൂലയിൽ മാളൂനേം ചേർത്ത് പിടിച്ച് കൈയിൽ വെട്ടുകത്തിയുമായി ഇരിക്കുന്ന ഗൗരി …ഇതിലും ഭീകരമായ ഒരു കാഴ്ച ഇനി ജീവിതത്തിൽ കാണാൻ ഇല്ല ..
ഞാൻ പതിയെ നിധിയുടെ കൈകൾ വിടുവിച്ചു ഗൗരിക്ക് അടുത്തേക്ക് ചെന്നു .. 16 വയസേ ഉള്ളു അവൾക്ക് .. അവളായിരുക്കുമോ ഇത് ചെയ്തത് ? കണ്ണുകൾ പോലും കള്ളം പറയുന്നു എന്ന് തോന്നിയ നിമിഷങ്ങൾ..
“ഗൗരി മോളെ ” ഞാൻ പതുക്കെ അവളെ കുലുക്കി വിളിച്ചു , അവൾ വിളി കേട്ടില്ല ,നിർവികാരയായി എവിടേക്കോ ദൃഷ്ടി പതിപ്പിച്ച് വേറേതോ ലോകത്ത് എന്നപോലെ ഒരേ ഇരിപ്പായിരുന്നു…മാളു ഗൗരിയെ കെട്ടിപിടിച്ച് അടക്കി കരയുന്നു …എട്ട് വയസിൽ കണ്മുന്നിൽ ഒരു കൊലപാതകം കണ്ടതിന്റെ ഭീതി ആണ് ആ കണ്ണുകളിൽ.. ഞാൻ പതിയെ മാളൂനെ ഗൗരിടെ അടുത്തുനിന്നും എടുത്ത് എന്റെ നെഞ്ചിലേക്ക് ചേർത്തു… നിധി ഗൗരിടെ അരികിലേക്ക് ഇരുന്നു അവളെ ചേർത്തുപിടിച്ച് പൊട്ടിക്കരഞ്ഞു …
“എന്താ മോളേ , അയാൾ നിന്നെ ഉപദ്രവിച്ചോ “എന്ന് നിധി വിങ്ങിക്കൊണ്ട് ചോദിച്ചപ്പോൾ അതുവരെ മൂകയായിരുന്നു ഗൗരി പൊട്ടിക്കരഞ്ഞു ..
“എന്നെ അല്ല നിധിയേച്ചി ,ന്റെ മാളൂനെ അയാള് കേറിപിടിച്ചപ്പോൾ ഇതല്ലാതെ വേറൊന്നും ചെയ്യാനില്ലായിരുന്നു എനിക്ക് ” എന്ന് പറഞ്ഞു അവൾ അലമുറയിട്ടപ്പോൾ കേട്ടത് വിശ്വസിക്കാനാവാതെ ഞാനും നിധിയും നടുങ്ങി …
“വല്യമ്മ എവിടെ ഗൗരി ?” ഞാൻ ചോദിച്ചു ..
“‘അമ്മ അമ്പലത്തിൽ പോയതാ ,ഇയാൾ ഇവിടെയുള്ളോണ്ട് ഞങ്ങളെ കൊണ്ടുപോയില്ല ,മഴയല്ലേ നിങ്ങള് വരണ്ട ചെറിയച്ഛന്റെ കൂടെ ഇരുന്നോ എന്ന് പറഞ്ഞു” ഗൗരി കരഞ്ഞുകൊണ്ട് പറഞ്ഞു …
ഗൗരിയെ സമാധാനിപ്പിക്കാൻ ഞാനും നിധിയും ആവുന്നതും നോക്കി …മാളു അപ്പോഴും എന്നെ പിടി വിടാതെ ചേർന്ന് ഇരിക്കുകയാണ്..
“എന്നെ പോലീസ് പിടിക്കുവോ ചേച്ചി “എന്നും ചോദിച്ച് ഗൗരി കരഞ്ഞപ്പോൾ നിധി ദയനീയമായി എന്നെ നോക്കി ..
എത്ര ചങ്കുറപ്പുള്ള ആൺപിള്ളേരും കരഞ്ഞുപോകുന്ന ചില നിമിഷങ്ങൾ ഉണ്ട് അവരുടെ ജീവിതത്തിൽ..അന്ന് മാളൂനെ ചേർത്തുപിടിച്ച് ഞാനും കരഞ്ഞു..
പെട്ടന്ന് ഇടിവെട്ടുന്നപോലെ നിധി സംസാരിച്ച് തുടങ്ങി “കണ്ണേട്ടാ എത്രയും പെട്ടന്ന് ഇത് പോലീസിൽ അറിയിക്കണം , ഈ കാലണക്ക് ഗുണമില്ലാത്തവനെ ഇവിടെ എവിടേലും കുഴിച്ചിട്ടാൽ പോലും ഒരു പട്ടിയും അറിയാൻ പോകുന്നില്ല ,ആരും അന്വേഷിക്കത്തുമില്ല, അയാൾ വീണ്ടും നാടുവിട്ടെന്നു കരുതിക്കോളും. എന്നാലും അത് വേണ്ട ,ഇവനെപ്പോലുള്ളവരുടെ മരണം മറ്റു ചിലർക്ക് പാഠം ആകണം ..എല്ലാരും അറിയട്ടെ , നാളെ എല്ലാ പത്രങ്ങളുടെയും തലക്കെട്ട് ഇങ്ങനെയായിരിക്കണം ‘പീഡിപ്പിക്കാൻ ശ്രമിച്ച ബന്ധുവായ മധ്യവയസ്കനെ യുവതി വെട്ടിക്കൊന്നു ‘.. കൊന്നത് നൂപുര രവിശങ്കർ എന്ന 22 കാരി “..
അത് കേട്ട് ഞാൻ ഞെട്ടലോടെ നിധിയെ നോക്കി …”നിധിയെ നീ …?”
“അതെ കണ്ണേട്ടാ കൊന്നത് ഞാനാ , ഇവനെ കൊന്നത് ഞാൻ തന്നെയാ അങ്ങനെയേ പുറംലോകം അറിയാവൂ ..ഗൗരി നീയും കേട്ടല്ലോ ? ഇനി ഇതിൽ മാറ്റമില്ല, കുറ്റം ഞാൻ ഏറ്റെടുക്കുന്നത്കൊണ്ട് ഇനി മാളൂനെ ആരും ചോദ്യം ചെയ്യില്ല..വിളിക്കു കണ്ണേട്ടാ പോലീസിനെ ” .അതുവരെ കാണാത്ത ഒരു ഭാവമായിരുന്നു അവൾക്ക് ..
കൊഞ്ചി കുഴഞ്ഞു നടന്ന പേടിത്തൊണ്ടിയിൽ നിന്നും 22 വയസിൽ കവിഞ്ഞ പക്വതയിലേക്കുള്ള അവളുടെ ആ പെട്ടന്നുള്ള മാറ്റം എനിക്ക് അത്ഭുതമായിരുന്നു..
അവളുടെ കണ്ണുകളിൽ എരിയുന്ന ആ കനൽ ഞാൻ കണ്ടു..
അതാണ് പെണ്ണ്.. അവളോളം സഹനം ഈ ഭൂമിയിൽ മറ്റൊന്നിനുമില്ല , അവളോളം മനക്കട്ടിയും.. സാഹചര്യങ്ങൾക്കനുസരിച്ച് ഭാവം മാറുന്നവൾ തന്നെയാണ് പെണ്ണ്… അതിൽ ഇങ്ങനെയും ചില ഭാവങ്ങളുണ്ട്.. പക്ഷെ സമൂഹം പാടി നടക്കുന്നത് പെണ്ണിന്റെ ഒരു ഭാവം മാത്രമാണ്.. പ്രേമിച്ച് വഞ്ചിക്കുന്ന പെണ്ണിന്റെ ഭാവം..ഉണ്ടായിരിക്കാം , അങ്ങനെ ഒരുപാട് പേർ ,പക്ഷെ അത് മാത്രമല്ല പെണ്ണ്.. അവൾ ഇങ്ങനെയും ചിലത് കൂടി ആണ്…
ഞാൻ പോലീസ് സ്റ്റേഷനിൽ വിളിച്ച് കാര്യം പറഞ്ഞു.. ഇടക്ക് വല്യമ്മയും തിരിച്ചെത്തി.. വല്യമ്മയെ കണ്ടതോടെ ഗൗരിയും മാളുവും കൂടി വീണ്ടും കരച്ചിലും ബഹളവുമായി.. കണ്ട കാഴ്ചയുടെ ഞെട്ടലിൽ നിന്നും വല്യമ്മ ഒന്ന് മാറുന്നതിനു മുന്നേ പോലീസ് എത്തി ,നാട്ടുകാർ കൂടി , മാധ്യമങ്ങൾ എത്തി.. തിക്കും തിരക്കുമായി..
എല്ലാവർക്കും മുന്നിൽ വച്ച് തന്നെ നിധി കുറ്റം സമ്മതിച്ചു ,പോലീസ് അവളെ കൂട്ടികൊണ്ട് പോയി…
അയാളുടെ ജഡം പുറത്തേക്ക് എടുക്കുമ്പോൾ വല്യമ്മ അലറി വിളിക്കുന്നുണ്ടായിരുന്നു ഇനി ഈ ശവം കൊണ്ട് ആരും തിരിച്ച് ഇങ്ങോട്ട് വരരുതെന്ന് . ഇയാളെ അടക്കാൻ ഒരു തുണ്ട് ഭൂമി പോലും ഇവിടുന്നു തരില്ലെന്ന്…
പിറ്റേന്നുള്ള പത്രത്താളുകളിൽ ആ വാർത്ത നിറഞ്ഞു നിന്നു ..കേസ് കോടതിയിലെത്തി ..നിധിക്കു വേണ്ടി എല്ലാവരും ഒരേ ശബ്ദത്തിൽ വാദിച്ചു ..കോടതിയും പോലീസ് സ്റ്റേഷനും കേറി ഇറങ്ങി നിധിയുടെ ശരീരം തളർന്നു, പക്ഷെ മനസ് തളർന്നില്ല…ഒടുവിൽ ഒരു നാടിനെ മുഴുവൻ സന്തോഷത്തിന്റെ കൊടുമുടിയിലേക്കു കയറ്റിവിട്ടുകൊണ്ട് കോടതി ആ കേസിനു വിധി പറഞ്ഞു..ഞങ്ങളുടെ നിധിയെ നീതി ദേവത വെറുതെ വിട്ടു..
ഇത്പോലെ മനസിന് അർബുദം ബാധിച്ച മനുഷ്യ മൃഗങ്ങളെ സ്വയം രക്ഷക്ക് വേണ്ടി കൊല്ലേണ്ടി വന്ന പെണ്ണിനെ ശിക്ഷിക്കാൻ ഒരു കോടതിക്കും അവകാശമില്ല എന്ന് പറഞ്ഞ് ജഡ്ജി ആ ഫയൽ മടക്കുമ്പോൾ ആ മുറിയുക്കുള്ളിൽ നിന്നും വലിയൊരു കരഘോഷം മുഴങ്ങുന്നുണ്ടായിരുന്നു..മനസാക്ഷി മരിക്കാത്ത മലയാളി മനസുകളുടെ കരഘോഷം..
അങ്ങനെ ഞങ്ങളുടെ ജീവിതത്തിലെ സംഭവബഹുലമായ ഒരു അദ്ധ്യായം കഴിഞ്ഞിട്ട് ഇന്നേക്ക് മൂന്നു വർഷം ആയി.. മാളു ഇപ്പോളും തുമ്പിക്കും പൂമ്പാറ്റക്കും പിന്നാലെ തന്നെ.. ഗൗരിക്ക് ഈ വർഷം മെഡിസിന് കിട്ടി..
കുട്ടി ഡോക്ടർ ഇപ്പോൾ കുറച്ചു തിരക്കിലാണ്..
ഇപ്പോ നിങ്ങൾ ആലോചിക്കുന്നത് നമ്മുടെ നായിക എവിടെ എന്നായിരിക്കും അല്ലെ..
അവളിപ്പോൾ ആ പൊട്ടൻ ക്യാമറാമാൻ ആൽഫീടെ കൂതറ ഫോട്ടോകൾക്ക് പോസ് ചെയുവായിരിക്കും.. വേറൊന്നും അല്ലാട്ടോ, നാളെ ഞങ്ങളുടെ മാംഗല്യം തന്തുനാനേനയാണ്…..
Nb: പിഞ്ചുകുഞ്ഞുങ്ങളെ പോലും കൊത്തി വലിക്കുന്ന കഴുകന്മാരേ നിങ്ങൾ കരുതി ഇരിക്കുക.. സൗമ്യക്കും ജിഷക്കും നിർഭയക്കും ആസിഫക്കുമൊകെ സംഭവിച്ചത് ഇനി ഞങ്ങൾക് സംഭവിക്കാതിരിക്കാൻ കൊല്ലാനും മടിക്കില്ല ഞങ്ങൾ..
(-നിങ്ങളുടെ സ്വന്തം രചനകൾ വളപ്പൊട്ടുകൾ പേജിൽ ഉൾപ്പെടുത്തുവാൻ പേജ്‌ ഇൻബോക്സിലേക്ക്‌ മെസേജ്‌ അയക്കൂ…)
രചന: നിഷ L
“നീയും ഹസ്ബൻഡും തമ്മിൽ എങ്ങനാ… “?? “!സ്വരൂപിന്റെ ചോദ്യം കേട്ട് മിഥില ഒന്ന് സംശയിച്ചു ..”അതെന്തടാ… അങ്ങനെ ചോദിച്ചത്.. രാജീവേട്ടൻ ഒരു പാവം ആണെടാ…. “!!”അതെനിക്കറിയാം ഞാൻ ചോദിച്ചത് അതല്ല.. “!!”പിന്നെ നീ എന്താ ചോദിക്കുന്നത്..? “!!”അല്ല… ഈ ബെഡ്റൂമിൽ ഒക്കെ ആൾ അങ്ങനെ എന്ന്..? “!!!ഒന്നു ഞെട്ടി മിഥില പെട്ടെന്ന് ഫോൺ കട്ട് ചെയ്തു..ഈശ്വരാ ഇവൻ എന്തൊക്കെയാ ചോദിക്കുന്നത്.. !!! കൂടെ പഠിച്ച കുട്ടിയല്ലേ എന്നു കരുതി കുറച്ചു സ്വാതന്ത്ര്യത്തോടെ പെരുമാറിയപ്പോൾ… എന്തും ചോദിക്കാം എന്നായിരിക്കുന്നോ അവന്…പഠിക്കുന്ന കാലത്ത് വളരെ നല്ല കുട്ടി ആയിരുന്നു അവൻ… ഇപ്പോൾ എന്താണ് പറ്റിയത്..????അവന്റെ ആ ചോദ്യം മിഥിലയുടെ മനസ്സിനെ അന്നു മൊത്തം അലട്ടിക്കൊണ്ടിരുന്നു..അവളുടെ മനസ്സിലേക്ക് അവളുടെ ഭർത്താവ് രാജീവന്റെയും രണ്ടു കുഞ്ഞുങ്ങളുടെ മുഖം കടന്നുവന്നു.. രാജീവ്‌ ഒരു പ്രൈവറ്റ് കമ്പനിയിലെ ജോലിക്കാരനാണ്. രണ്ടു ആൺകുട്ടികൾ ആണ് രാജീവിനും മിഥുവിനും. ഒരാൾ അഞ്ചിലും ഒരാൾ മൂന്നിലും പഠിക്കുന്നു. ഉള്ളത് കൊണ്ട് സന്തോഷമായി ജീവിക്കുന്ന ഒരു കൊച്ചു കുടുംബം.സ്വരൂപ്‌മായുള്ള ബന്ധം എത്രയും പെട്ടെന്ന് നിർത്തണം…. ഇല്ലെങ്കിൽ അത് തന്റെ കുടുംബ ജീവിതത്തെ തന്നെ ബാധിക്കും… മിഥു മനസ്സിലോർത്തു…
രാജീവും കുട്ടികളും പോയി കഴിയുമ്പോൾ വെറുതെ ഇരിക്കുന്ന സമയത്തു അവൾ വാട്സ്ആപ്പ് നോക്കാറുണ്ട്. അങ്ങനെ ഇരിക്കെ ഒരു മാസം മുൻപ് തുടങ്ങിയതാണ് അവളുടെ പത്താം ക്ലാസ്സ്‌ ബാച്ചിലെ കുട്ടികൾ ചേർന്നൊരു വാട്സ്ആപ്പ് ഗ്രൂപ്പ്. അവിടെ നിന്നാണ് അവൾക്ക് സ്വരൂപും ആയിട്ടുള്ള ബന്ധം തുടങ്ങുന്നത്. പഴയ കൂട്ടുകാരുടെ ഒക്കെ വിശേഷങ്ങൾ അറിയാൻ സാധിച്ചത് ആ ഗ്രൂപ്പിൽ കൂടിയാണ്. അതുകൊണ്ട് ഒഴിവ് സമയങ്ങളിൽ കൂട്ടുകാർ എല്ലാം ഗ്രൂപ്പിൽ വരികയും വിശേഷങ്ങൾ പങ്കു വയ്ക്കുകയും ചെയ്തു പോന്നു.അങ്ങനെ ഒരു ദിവസമാണ് സ്വരൂപിന്റെ പേഴ്സണൽ മെസ്സേജ് വരുന്നത്. അതിൽ അവൾക്ക് അസ്വാഭാവികത ഒന്നും തോന്നിയതുമില്ല. ആദ്യമൊക്കെ വളരെ നല്ല രീതിയിൽ തന്നെയായിരുന്നു സംസാരിച്ചിരുന്നത്. ഇന്നിപ്പോൾ സംസാരത്തിന്റെ ഗതി മാറിയിരിക്കുന്നു. മറ്റു കൂട്ടുകാരെ പോലെ വിശേഷങ്ങൾ പങ്കു വയ്ക്കാനൊന്നും അവന് താല്പര്യമില്ല. പകരം അവന് മറ്റെന്തൊക്കെയോ അറിയാനായിരുന്നു താല്പര്യം. കൂടെ പഠിച്ച കുട്ടികളുടെ കൂട്ടത്തിൽ ഇതുവരെ വിവാഹം കഴിക്കാത്തത് അവൻ മാത്രമാണ്.എന്തായാലും അവനുമായി ഒരു അകലം പാലിക്കാൻ അവളുടെ മനസ് പറഞ്ഞു.എങ്കിലും അവൾ തന്റെ പഴയ കൂട്ടുകാരികളെ വിളിച്ചു അവനെ കുറിച്ച് തിരക്കാൻ തീരുമാനിച്ചു.”ഹലോ പ്രിയ ഇതു ഞാനാടി മിഥില.. “!!”ഹാ… പറയെടി എന്തൊക്കെയുണ്ട് വിശേഷം..?? “!!”ഒന്നുമില്ലെടി…. ഞാനൊരു കാര്യം ചോദിക്കാൻ വിളിച്ചതാ.. “!!”എന്താടി കാര്യം..? “!!”നമ്മുടെ കൂടെ പഠിച്ച സ്വരൂപില്ലേ… അവൻ എങ്ങനെ..? “!!”അതെന്താ നീ അങ്ങനെ ചോദിച്ചത്…? “!!” അല്ലാ എനിക്കൊരു സംശയം അവൻ പഴയ ആൾ തന്നെയാണോന്ന് .. സ്വഭാവത്തിൽ കാര്യമായ മാറ്റം വന്നിട്ടുണ്ടെന്ന് തോന്നുന്നു.. “!!”എന്താടി അങ്ങനെ തോന്നാൻ..? “!!” ഇന്നലെ അവൻ എന്നോട് മോശമായി സംസാരിച്ചു…”!!ശേഷം മിഥു സംഭവിച്ചതൊക്കെ പ്രിയയോട് പറഞ്ഞു.ഒരു നിമിഷത്തെ ആലോചനയ്ക്ക് ശേഷം പ്രിയ പറഞ്ഞു…”ശരിയാടി എന്നോടും അവൻ മോശമായി സംസാരിച്ചിരുന്നു മുൻപ്. അതോടുകൂടി ഞാൻ അവനുമായുള്ള ബന്ധം നിർത്തിവെച്ചിരിക്കുകയാണ്.. “!!”ങ്‌ഹേ… സത്യമാണോ നീ പറയുന്നത്..?? “!!
“അതേടി അവന് നമ്മുടെ പേഴ്സണൽ കാര്യങ്ങളൊക്കെ അറിയണം പോലും.. എന്നോടൊരിക്കൽ അശീലമായി സംസാരിച്ചതുകൊണ്ട് ഇപ്പോ ഞാൻ അവനുമായി ഒരു കോൺടാക്ടും ഇല്ല… എനിക്ക് പേടിയാ വെറുതെ എന്തിനാ അവനോടൊക്കെ അടുപ്പത്തിന് പോയി നമ്മുടെ കുടുംബം തകർക്കുന്നത്…”!!”ശരിയാടി … ഞാനും അങ്ങനെ തന്നെയാ ചിന്തിച്ചത്.. വെറുതെ വേലിയിൽ കിടക്കുന്ന പാമ്പിനെ എടുത്തു തോളത്തു വയ്ക്കണ്ട. നമ്മുടെ ഗ്രൂപ്പിലെ ബാക്കി പെൺകുട്ടികൾക്ക് കൂടി ഒരു മുന്നറിയിപ്പ് കൊടുത്തേക്കാം. ആരും ഇനി അവനോടു കൂടുതൽ അടുപ്പത്തിന് പോകാതിരിക്കട്ടെ… !!””ഞാനെന്നാൽ നമ്മുടെ മറ്റു കൂട്ടുകാരികളെ ഒന്ന് വിളിച്ച് നോക്കട്ടെ.. നീയും മാക്സിമം പേരോട് പറയാൻ ശ്രമിക്കണം…. “!!”ശരിയെടി…..വെറുതെ മിണ്ടാതിരുന്നാൽ അവൻ മറ്റുള്ളവരോടും ഈ രീതിയിൽ പെരുമാറും… ഞാനും പറയാമെടി .. “!!”പിന്നീട് മിഥില കൂട്ടുകാരായ റീനയെയും കാവ്യയേയും മഞ്ജുവിനെയും വിളിച്ചു ഇതേകാര്യം പറഞ്ഞു.. . അതിൽ കാവ്യക്കും മഞ്ജുവിനും അവനിൽനിന്ന് ഇതേ അനുഭവം നേരിട്ടതായി അവർ പറഞ്ഞു…അപ്പോൾ അവൻ വിചാരിച്ചതിലും വലിയ തറയാണ്. ഇനി അവനെ വെറുതെ വിട്ടുകൂടാ… അവൾ മനസ്സിലോർത്തു.പിന്നീട് മിഥില ഗ്രൂപ്പിൽ ഉണ്ടായിരുന്ന മുഴുവൻ പെൺകുട്ടികൾക്കും പേഴ്സണൽ മെസ്സേജ് അയച്ചു..”സ്വരൂപിനെ സൂക്ഷിക്കണം… അവൻ വളരെ മോശം സ്വഭാവമാണ് ഇപ്പോൾ.. ഒരു അകലം പാലിക്കുന്നതാണ് നമുക്ക് നല്ലത്… “!!!മെസ്സേജ് കിട്ടിയവർ ഒക്കെ അവളെ വിളിച്ച് കാര്യം അന്വേഷിക്കുകയും…മിഥു അവൾക്ക് നേരിട്ട ദുരനുഭവം അവരോട് പറയുകയും ചെയ്തു..രണ്ടു മൂന്നു ദിവസങ്ങൾക്കുശേഷം സ്വരൂപ് വീണ്ടും മിഥിലയെ വിളിച്ചു. പക്ഷേ അവൾ ഫോൺ എടുത്തില്ല.. നിരാശനായ അവൻ മറ്റു പെൺകുട്ടികൾക്ക് മെസ്സേജ് അയച്ചു എങ്കിലും അവരൊക്കെ മെസ്സേജ് കണ്ടു എന്നുള്ളതിന് തെളിവായി നീലവര മാത്രം തെളിഞ്ഞു കണ്ടു. പക്ഷേ ആരും മറുപടി അയച്ചില്ല..അവന് എന്തൊക്കെയോ സംശയങ്ങൾ തോന്നി.. ഇതെന്താ ആരും മൈൻഡ് ചെയ്യാത്തത്… എന്തോ പ്രശ്നമുണ്ടല്ലോ.. ചിന്തിച്ചു കൊണ്ട് അവൻ വീണ്ടും മിഥുവിനെ ഫോൺ ചെയ്തു.. ഇപ്രാവശ്യം അവൾ കോൾ എടുത്തു..”എന്താടി വിളിച്ചിട്ട് എടുക്കാഞ്ഞത്….? “!!”നീ വിളിക്കുമ്പോൾ ഉടനെ എടുക്കാൻ നീ എന്റെ ആരാ..?? !!! ഭർത്താവോ, അച്ഛനോ അതോ കാമുകനോ… !!””അവൾ പരുഷമായിചോദിച്ചു..”നിന്റെ സ്വരത്തിന് എന്താ ഒരു മാറ്റം…”?? !!” എന്താ നിന്നോട് തേനൂറുന്ന സ്വരത്തിൽ സംസാരിക്കണമെന്ന് നിർബന്ധമുണ്ടോ..? “!!”ഡി….. “!!!അവൻ ദേഷ്യത്തോടെ വിളിച്ചു..”ഹ്മ്മ്… നിന്റെ ദേഷ്യം നിന്റെ വീട്ടിൽ ഉള്ളവരോട് കാണിച്ചാൽ മതി… എന്നോട് വേണ്ട.. “!!”നിനക്കിപ്പോൾ പഠിക്കുന്ന കാലത്തെ സ്വഭാവമല്ലെന്നും ,,, നിന്റെ സ്വഭാവത്തിൽ വന്ന മാറ്റത്തെ കുറിച്ചുമൊക്കെ എനിക്ക് നന്നായി അറിയാം. നീ പ്രിയയോടും മഞ്ചുവിനോടും കാവ്യയോടും പറഞ്ഞതൊക്കെ അവളുമാർ എന്നോട് പറഞ്ഞിട്ടുണ്ട്….. “!!!
അവൻ ഒന്ന് ഞെട്ടി..”എന്താ… എന്താ പറഞ്ഞത്… “??? !!”ഹാ.. നീയിപ്പോഴേ വിയർക്കാൻ തുടങ്ങിയാൽ എങ്ങനെയാ… ഞാൻ ബാക്കി കൂടി പറയട്ടെ…… !!!”നമ്മുടെ ബാച്ചിലെ മുഴുവൻ പെൺകുട്ടികൾക്കും ഞാൻ നിന്നെ കുറിച്ച് മുന്നറിയിപ്പ് കൊടുത്തിട്ടുണ്ട്. അതുകൊണ്ട് ഇനി നിന്റെ മറ്റേ സ്വഭാവം കൊണ്ട് ആരുടെയും അടുത്തേക്ക് ചെല്ലണ്ട… കുട്ടികളും കുടുംബവുമായി ജീവിക്കുന്ന ഞങ്ങൾക്ക് ഞങ്ങളുടെ ജീവിതം തന്നെയാ വലുത്. അല്ലാതെ പണ്ടെങ്ങോ കൂടെ പഠിച്ച കൂട്ടുകാരനല്ല… “!!!താൻ മെസ്സേജ് അയച്ചിട്ടുണ്ട് ആരും റിപ്ലൈ തരാഞ്ഞതിന്റെ കാരണം അവൻ ഇപ്പോൾ പിടികിട്ടി…അവന്റെ മനസ്സിൽ മിഥുവിനോട് പക തോന്നി..മിഥു വീണ്ടും തുടർന്നു….” നിന്റെ വീട്ടിലും ഇല്ലേ രണ്ടു പെൺകുട്ടികൾ,,, നിന്റെ പെങ്ങന്മാർ.. അവർ കൂടെ പഠിച്ച ആൺകുട്ടികളോട് ഇത്തിരി അടുപ്പത്തിൽ പെരുമാറി എന്ന് കരുതി ആരെങ്കിലും നിന്റെ പെങ്ങമ്മാരോട് മോശമായി സംസാരിച്ചാൽ നിനക്ക് ഇഷ്ടപ്പെടുമോ…???? !!! അതു പോലെതന്നെ അന്തസ്സും അഭിമാനവും ഉള്ള പെണ്ണുങ്ങൾ തന്നെയാണ് ഞങ്ങളും.. കൂടെ പഠിച്ചു എന്ന് കരുതി എന്തും ചോദിക്കാനുള്ള ലൈസൻസ് അല്ല അത്….”!!!”നിനക്ക് ഇപ്പോൾ എന്നെ കൊല്ലാനുള്ള ദേഷ്യമുണ്ടാവും എന്ന് എനിക്കറിയാം. പക്ഷേ നീയത് അടക്കി നിന്റെ മനസ്സിൽ തന്നെ വച്ചുകൊണ്ടിരിക്കുന്നതായിരിക്കും നിനക്ക് നല്ലത്….. “!!”ഇല്ലെങ്കിൽ നമ്മുടെ ബാച്ചിൽ ഉള്ള മുഴുവൻ ആൺകുട്ടികളെയും ഞാൻ ഇന്ന് തന്നെ നിന്റെ തനി സ്വഭാവത്തെക്കുറിച്ച് അറിയിക്കും,. അതുമാത്രമല്ല നിന്റെ വീട്ടിൽ വന്നു നിന്റെ അമ്മയുടെയും പെങ്ങന്മാരുടെയും മുന്നിൽവച്ച് നിന്നോട് ഞങ്ങൾ ചോദിക്കുകയും ചെയ്യും…..!!!”ദേഷ്യത്തോടെ പറഞ്ഞു കൊണ്ട് അവൾ ഫോൺ കട്ട് ആക്കി.ഛെ….!!!ഇനി ഇവളുമാരുടെ അടുത്ത് ഒന്നും നടക്കില്ല.. അവന് വല്ലാത്ത നിരാശ തോന്നി.. ഇനി ആരോടും കൂടുതൽ സംസാരിക്കാൻ പോകാതിരിക്കുന്നതാണ് നല്ലത് എന്ന് അവന് തോന്നി…. ഇപ്പോൾ പെൺകുട്ടികൾ മാത്രമേ തന്റെ സ്വഭാവ മഹിമ അറിഞ്ഞിട്ടുള്ളു… ഇനി ഇവളുമ്മാരോട് കൂടുതൽ വാശിക്ക് നിന്നാൽ ഇതിൽ കൂടുതൽ താൻ നാണം കെടും എന്നവന് മനസ്സിലായി….തന്റെ വിവാഹവും ഇതുവരെ നടന്നിട്ടില്ല… കൂടാതെ കുറച്ചു രാഷ്ട്രീയവുമൊക്കെയായി മറ്റുള്ളവരുടെ മുന്നിൽ ” മാന്യൻ” ആയി പോകുകയാണ്. തന്റെ തനി സ്വഭാവത്തെ കുറിച്ച് ആരെങ്കിലും അറിഞ്ഞാൽ ജീവിതത്തിലെയും രാഷ്ട്രീയത്തിലെയും ഭാവി നശിക്കും. അതുകൊണ്ട് ഇനി ഇവളുമാരുമായുള്ള അടുപ്പം നിർത്തുന്നതാണ് തന്റെ “നല്ല “ഭാവിക്ക് നല്ലത്..മനസ്സിൽ ചിന്തിച്ചു കൊണ്ട് അവൻ ഫേസ്ബുക് തുറന്നു…. അതിലെ കാണാമറയത്തെ സൗഹൃദങ്ങൾക്കായി അവൻ വല വിരിച്ചു കാത്തിരുന്നു… ഏതെങ്കിലും ഒരു ഇര തന്റെ വലയിൽ കുരുങ്ങുമെന്ന പ്രതീക്ഷയോടെ..!!!!ലൈക്ക് കമന്റ്‌ ചെയ്യണേ…
രചന: വയലിനെ പ്രണയിക്കുന്നവൻ
രാവിലെ ഫോൺ എടുത്തുനോക്കിയപ്പോൾ കുറെ നോട്ടിഫിക്കേഷൻ വന്നുകിടക്കുന്നു അതിൽ എനിക്ക് പരിചയമുള്ള ഒരു പെൺകുട്ടിയുടെയും നാട്ടിൽ ഉണ്ടായിരുന്നപ്പോൾ ഞാൻ എപ്പോഴും ശ്രദ്ധിക്കുമായിരുന്നു ആ കുട്ടിയെ…. നല്ലൊരു കുട്ടിയാണ് എപ്പോഴും അമ്പലത്തിൽ പോകുകയും മുടിയിൽ തുളസിക്കതിർ വെക്കുകയും എല്ലാം ചെയുന്ന (ഇപ്പോഴത്തെകാലത്തു ഇങ്ങനെയുള്ള കുട്ടികളെ കാണാൻ ഇല്ല )ഒരു തനി നാട്ടിൻപുറത്തുകാരി കുട്ടി….ആദ്യം ഓർത്തു ഒരു റിക്വസ്റ്റ് അയച്ചാലോയെന്നു പിന്നെ വിചാരിച്ചു വേണ്ട… ഒരു മെസ്സേജ് അയച്ചുനോക്കാം എന്നിട്ട് അതിനു റിപ്ലൈ കിട്ടുവാണേൽ ചോദിച്ചിട്ട് റിക്വസ്റ്റ് അയക്കാമെന്നു… അങ്ങനെ ഒരു മെസ്സേജ് അയച്ചു… പേരും അറിയുമോ എന്നെല്ലാം ചോദിച്ചുകൊണ്ട്…. കുറെ നേരം നോക്കിയിരുന്നിട്ടും റിപ്ലൈ ഒന്നും കിട്ടിയില്ല… വൈകുന്നേരം ജോലിയെല്ലാം കഴിഞ്ഞു റൂമിൽ ചെന്നപ്പോൾ വെറുതെ ഫോൺ എടുത്തു… അവൾ എന്റെ മെസ്സേജ് സീൻ ചെയ്തോ എന്ന് നോക്കി… അപ്പൊ ജസ്റ്റ്‌ സീൻ ചെയ്തതെ ഉള്ളു… എന്തോ റിപ്ലൈ ടൈപ്പ് ചെയുന്നു… അവിടെത്തന്നെ നോക്കിയിരുന്നു എന്താവും അവളയ്ക്കുക എന്ന്…അപ്പൊ അവളയച്ചത് അവൾക്ക് ആളെ മനസിലായില്ല എന്ന്… ഞാൻ അപ്പൊ തന്നെ അവൾക്ക് എന്റെ ഒരു ഫോട്ടോ സെന്റ് ചെയ്തുകൊണ്ട് ചോദിച്ചു ഇപ്പൊ മനസ്സിലായോ എന്ന്… അതിനു അറിയാം എന്ന് മറുപടി വന്നു… “”എങ്കിൽ ഞാൻ റിക്വസ്റ്റ് അയക്കട്ടെ”” എന്നുചോദിച്ചപ്പോൾ… “”റിക്വസ്റ്റ് അയക്കണ്ട ചേട്ടൻ എന്തെകിലും ഉണ്ടകിൽ ഇവിടെ വന്നു സംസാരിച്ചാൽ മതിയെന്നു”” പറഞ്ഞു… ഞാൻ പറഞ്ഞു… “”അങ്ങനെ സംസാരിക്കാൻ ഒന്നുമില്ല… വെറുതെ കണ്ടപ്പോൾ ഒന്ന് വിശേഷങ്ങൾ അറിയാൻ ഒരു ആഗ്രഹം… അത്രയും ഉള്ളു…ചേട്ടൻ ഇപ്പൊ ബാംഗ്ലൂർ അല്ലേ…അതേല്ലോ… അതെങ്ങനെ അറിയാം…അതൊക്കെ അറിയാം… ഞാൻ മംഗലാപുരത്താണ് നഴ്സിംഗ് ചെയ്തത്…ആഹാ താൻ നഴ്സിംഗ് എല്ലാം കഴിഞ്ഞോ…കഴിഞ്ഞു… ചേട്ടൻ കഴിഞ്ഞ തവണ നാട്ടിൽ വന്നപ്പോൾ ഞാൻ കണ്ടിരുന്നു ചേട്ടനെ… പക്ഷെ ചേട്ടൻ എന്നെ കണ്ടില്ല…M ഞാൻ കഴിഞ്ഞ തവണ മൂന്നു ദിവസം ലീവിന് ആണ് വന്നത്… പിന്നെ ഫ്രണ്ട്സിന്റെ എല്ലാം വീട്ടിൽ പോയി തിരിച്ചു പോന്നു…ഇപ്പോഴും കള്ളുകുടി ഉണ്ടോ…അതില്ലാതെയിരിക്കുമോ ബാംഗ്ലൂർ അല്ലേ… എപ്പോ വേണേൽ സാധനം കിട്ടും… പിന്നെ കുടിക്കാതെ ഇരിക്കുമോ… അതും നാട്ടിലെക്കാൾ വിലക്കുറവും..
ചേട്ടന്റെ കല്യാണം എന്തെകിലും ആയോ…ഓ എന്ത് കല്യാണം… അതൊന്നും വേണോന്ന് ഒന്നും ഇല്ല.. ഇപ്പൊ ഈ ലൈഫ് സുഖം ഉണ്ട്… തന്റെയോ..?എന്റെ കല്യാണം വീട്ടുകാർ നോക്കുന്നുണ്ട്… ചേട്ടന് എന്നെ ഇഷ്ടമായിരുന്നു അല്ലേ…അങ്ങനെ തന്നോട് ആരാ പറഞ്ഞത്…ഞാൻ കണ്ടിട്ടുണ്ടല്ലോ ചേട്ടൻ എന്നെ നോക്കുന്നത്..അതിനു നോക്കി എന്ന് വെച്ചു.. തന്നെ കാണാൻ ഒരു പ്രേത്യേക ഐശ്വര്യം ഉണ്ടായിരുന്നു അതാ നോക്കിയത്… പിന്നെ എന്റെ കാര്യങ്ങൾ എല്ലാം അറിയാല്ലോ… അറിയാൻ എന്തിരിക്കുന്നു അല്ലേ നാട്ടിൽ പാട്ടല്ലേ… ഒരു പെണ്ണിനെ പ്രണയിച്ചു അവൾ പോയി കഴിഞ്ഞു കള്ളുകുടിച്ചു ജീവിതം നശിപ്പിക്കുന്ന ഒരു മണ്ടൻ അല്ലേ… ഞാൻ വേറെ ഒന്നും വിചാരിച്ചല്ല തന്നെ നോക്കിയത്…അപ്പൊ ചേട്ടന് എന്നെ ഒട്ടും ഇഷ്ടമല്ലായിരുന്നു…ഇഷ്ടം അങ്ങനെ ചോദിച്ചാൽ… എനിക്ക് തന്നോട് ഒരു സ്നേഹം ഉണ്ടായിരുന്നു… കാരണം നമ്മുടെ നാട്ടിൽ ആണെകിലും വേറെ എവിടെ ആണെകിലും തന്നെ പോലെ ഒരു പെൺകുട്ടിയെ കാണാൻ ഇല്ലായിരുന്നു… രാവിലെ കുളിച്ചു തുളസിക്കതിർ എല്ലാം ചൂടി അമ്പലത്തിൽ വരുന്ന ഒരു കുട്ടി…അതിനു ചേട്ടൻ ആ ഉത്സവത്തിന്റെ സമയത്തു മാത്രം അല്ലേ എന്നെ അങ്ങനെ കണ്ടിട്ടുള്ളു…അതെ… ആ സമയത്തു ഫുൾ ടൈം അമ്പലത്തിൽ ആണല്ലോ അതുകൊണ്ട്…ബാക്കി എല്ലാദിവസവും അടിച്ചുപൂക്കുറ്റിയായി കിടന്നുറങ്ങിയാൽ പിന്നെ എഴുനേൽക്കാൻ പാടാനല്ലേ…അതെ സത്യം…ഉത്സവത്തിന്റെ സമയത്തും ആ കൗണ്ടറിൽ ഇരിക്കുമ്പോഴും ആരെകിലും രസീത് എഴുതാൻ ഉണ്ടെകിൽ ചേട്ടൻ പോയി രണ്ടെണ്ണം അടിച്ചിട്ടല്ലേ അവിടെവന്നിരിക്കുക…ഇതൊക്കെ തനിക്ക് എങ്ങനെ അറിയാം…അതോ… അത് പിന്നെ പറയാം…ഹ കഷ്ടമുണ്ട്ട്ടോ പറഞ്ഞിട്ട് പോ…പറയാം… പക്ഷെ ഇനി കള്ളുകുടിക്കരുത്…അത് അങ്ങനെ പെട്ടന്ന് നിർത്താൻ പറ്റുമോ… ഇനി എന്നെകിലും ഒരിക്കൽ എന്നെ സ്നേഹിക്കാൻ ഒരു പെണ്ണ് വരട്ടെ…
അപ്പൊ അവള് പറയുവാണേൽ അപ്പൊ നോക്കാം…ഞാൻ മതിയോ… ഞാൻ ചേട്ടനെ സ്നേഹിക്കാം.. അപ്പൊ ഞാൻ പറയുന്നതെല്ലാം ചേട്ടൻ കേൾക്കുമോ..എന്താ… എന്താ പറഞ്ഞത്…അതോ ഒരു ദിവസം അമ്പലത്തിന്റെ അടുത്തുവെച്ചു ഞാനും അമ്മയും അതിലെ പോകുവായിരുന്നു… അപ്പൊ ചേട്ടനും കൂട്ടുകാരും എല്ലാവരും അവിടെ നിൽക്കുന്നുണ്ടായിരുന്നു… ചേട്ടൻ ആണേൽ അടിച്ചു നല്ല പൂസ്… ഞാൻ അമ്മയോട് ചോദിച്ചു “” ആ ചേട്ടൻ ആണേൽ എനിക്ക് അമ്മ ഞങ്ങളുടെ കല്യാണത്തിന് സമ്മതിക്കുമോ എന്ന് “”…അപ്പൊ അമ്മ പറഞ്ഞു… “” ആ കള്ളുകുടിയനോ എന്ന്.. ഒരിക്കലും ഇല്ല എന്ന് “”… അപ്പൊ ഞാൻ പറഞ്ഞു “”അമ്മേ ആ ചേട്ടൻ ആ ചേച്ചി ഇട്ടിട്ട് പോയതുകൊണ്ട് അല്ലേ ഇങ്ങനെ ആയതു എന്ന്… ആ ചേട്ടന് ആ ചേച്ചിയെ അത്രയും ഇഷ്ടം ആയിട്ടല്ലേ… ഇങ്ങനെ ചങ്ക് പറിച്ചു സ്നേഹിക്കുന്ന ഒരാളെ അല്ലേ അമ്മേ എല്ലാ പെണ്ണും ആഗ്രഹിക്കുക എന്ന്.. “”…എന്നിട്ടോഎന്നിട്ട് അമ്മ പറഞ്ഞു അവൻ എന്നെകിലും നന്നായി വരുവണേൽ നിന്നെ അവനു ഇഷ്ടം ആണേൽ അവൻ ഇവിടെ ഞങ്ങളോട് വന്നു ചോദിക്കട്ടെ എന്ന്…എന്നിട്ട് ഇതൊക്കെ എന്താ താൻ അന്ന് പറയാതെയിരുന്നത്….അത് പിന്നെ ഞാൻ പറയാൻ ആഗ്രഹിച്ച സമയത്തു ചേട്ടനെ കണ്ടില്ല… പിന്നെ ചേട്ടന് എന്നെ ഇഷ്ടമാണെകിൽ എന്നോട് വന്നു പറയട്ടെ എന്ന് വിചാരിച്ചു… ചേട്ടൻ അത് പറഞ്ഞതും ഇല്ല… പിന്നെ എനിക്ക് നഴ്സിംഗ് അഡ്മിഷൻ കിട്ടി ഞാൻ അങ്ങോട്ട് പോയി… പിന്നെ അമ്മയെ വിളിക്കുമ്പോൾ ചേട്ടനെപ്പറ്റി ചോദിക്കുമായിരുന്നു…
കുറെ നാൾ ഇവിടെ ഉണ്ടെന്ന് പറഞ്ഞു കേട്ടു… പിന്നെ ബാംഗ്ലൂർ പോയി എന്നും കെട്ടു… കോൺടാക്ട് ചെയ്യാൻ ഒത്തിരി നോക്കി പക്ഷെ കിട്ടിയില്ല… ഇനി പറ ഞാൻ പറഞ്ഞാൽ കേൾക്കുമോ…?..ഇനി എന്റെ ലൈഫിൽ ഒരു പെണ്ണ്… അത് ശെരിയാവുമെന്നു തോന്നുന്നില്ല… പിന്നെ ഇനി എനിക്ക് പഴയതുപോലെ ആവാൻ പറ്റുമെന്നും തോന്നുന്നില്ല…അതൊക്കെ ഞാൻ ശെരിയാക്കി എടുത്തോളാം… മര്യാദക്ക് കള്ളുകുടിക്കാതെ വീട്ടിൽ പോയി നമ്മുടെ കാര്യം സംസാരിച്ചോളണം… ഇനി അവധിക്കു വരുമ്പോൾ… പിന്നെ ചേട്ടനെ കള്ളുകുടി എല്ലാം നിർത്തി ശെരിയാക്കി എടുക്കുന്നകാര്യം ഞാൻ ഏറ്റു…അവൾ ഇതുപറഞ്ഞപ്പോഴാണ് ഒരു കാര്യം ഓർത്തത് ഒരു പെണ്ണ് പോയതുകൊണ്ട് ഇങ്ങനെ കള്ളുകുടിച്ചു കുറെ ജീവിതം കളഞ്ഞു… ഇപ്പൊ നല്ല ഒരു പെൺകുട്ടി… അവളുടെ ജീവിതം നശിപ്പിച്ചുകൊണ്ട് എന്റെ ജീവിതം നന്നാക്കാൻ എന്റെ ലൈഫിലേക്ക് വരാൻ റെഡിയായിനിൽക്കുവാണ്… ഇതുപോലൊരു സ്നേഹം ഇനി ഒരിക്കലും കിട്ടി എന്ന് വരില്ല… നമ്മൾ സ്നേഹിക്കുന്നവരെ നമ്മളെ സ്നേഹിക്കുന്നവരെ നമ്മൾ സ്നേഹിക്കാൻ… ഇനി ഇതിന്റെ സ്നേഹം വേണ്ട എന്ന് വെക്കാൻ ആവില്ല…….. എങ്കിൽ അവളുടെ വീട്ടിൽ ഒരു ദിവസം എങ്കിലും കള്ളുകുടിക്കാതെ ഡീസന്റ് ആയി പോയി ചോദിച്ചു നോക്കാം അല്ലേ…?… കെട്ടിച്ചുതരുവാണേൽ തരട്ടെ അല്ലേ…?.. പക്ഷെ കെട്ടിക്കഴിഞ്ഞു ഒരു തുള്ളിപോലും അവൾ കുടിപ്പിക്കാതെ ഇരിക്കുമോ എന്നാണ് സംശയം……
രചന: Vijay Lalitwilloli Sathya
“അപ്പുവേട്ടാ..ഈഹുക്സ് ഒന്ന് ഇട്ടു തരുമോ””തന്റെ പ്രിയതമ ബ്ലൗസിന് ഹുക്സ് ഇടാൻ വിളിച്ചപ്പോൾ ബെഡിൽ ഇരുന്ന് പുസ്തകം വായിക്കുകയായിരുന്നു അപ്പു.”ഇതെന്താ ശിവകാമി പഴയ മോഡൽ””ഒന്ന് പരീക്ഷിക്കാം എന്ന് വെച്ചു “പണ്ട് തന്നെ ഇത് പോലെ അമ്മ താൻ രണ്ടു,മൂന്ന് ക്ലാസിൽ പഠിക്കുന്ന കാലത്തു വിളിക്കാറുണ്ട്. അപ്പു അപ്പോൾ ഓർത്തു.”പ്ലീസ് പിറകിൽ ആയതുകൊണ്ടല്ല…. ഹെല്പ് ചെയ്യ്…വാ”അവൾ കെഞ്ചി.അപ്പു എഴുന്നേറ്റ് ചെന്ന് ഹുക്സുകൾ ഓരോന്ന് ഇട്ടുകൊടുത്തു.””ഇവളുടെ ഒരു കാര്യം”അപ്പുവിനെ വിരലുകളിലെ സ്പർശനം ഏറ്റപ്പോൾ അവളൊന്നു പുളകിതയായി.അപ്പു എന്ന ആരാധ്യപുരുഷൻ അവളിലേക്ക് വന്ന ആ നിമിഷവും ആ ഓർമ്മയും ഇടയ്ക്കിടെ അവൾ വന്നു നിറയാറുണ്ട്അവളുടെ ചിന്തയെ ആ കഴിഞ്ഞ പഴയ മായിക ലോകത്തെക്ക്കൂട്ടിക്കൊണ്ടുപോയി.സുബ്രു കനകമ്മാൾ ദമ്പതികൾക്ക് കുട്ടികളില്ല.സുബ്രു ക്ഷേത്ര കർമ്മങ്ങളും നോക്കുന്ന ഒരാളാണ്. രാവിലെ അതിരാവിലെ ക്ഷേത്രത്തിലെത്തി പൂജയ്ക്ക് വേണ്ട ഒരുക്കങ്ങൾ ഒരുക്കുന്നതിൽ പൂജാരിയെ സഹായിക്കുന്നു.ഒരു ദിവസം പ്രഭാതത്തിൽ എഴുന്നേറ്റ് ഇങ്ങനെ പോകുമ്പോൾ ക്ഷേത്ര കുളക്കടവിൽ ഒരു പിഞ്ചു കുഞ്ഞിന്റെ കരച്ചിൽ കേട്ടു നോക്കുമ്പോൾ ഒരു പിഞ്ചുകുഞ്ഞിനെ ആരോ ഉപേക്ഷിച്ച അവിടെ കിടത്തി പോയിരിക്കുന്നു.സുബ്രു വേഗം വാരിയെടുത്തു. ആരെയും കാണാതെ വേഗം വീട്ടിലേക്ക് പോയി. തന്റെ ഭാര്യ കനകം മാളിന് വിളിച്ചു കാണിച്ചു.
അവൾക്കും സന്തോഷമായി.”സുബ്ര അണ്ണാ നമുക്ക് ഇതിനെ വളർത്താം പക്ഷേ ഈ നാട്ടിൽ നിന്നാൽ ഇത് ആരുടേതാണെന്ന് ചോദ്യം ഉണ്ടാവും നമുക്ക് വേറൊരു നാട്ടിലേക്ക് പോകാം അവിടെ താമസിച്ചു കുട്ടി ഇച്ചിരി വലുതാവുമ്പോൾ നമുക്ക് തിരിച്ചു വരാം “അങ്ങനെ തീരുമാനിച്ച അവർ ആ കുട്ടിയെ കൊണ്ട് വെള്ളകീറും മുമ്പേ നാട്ടിൽ നിന്നും സ്ഥലംവിട്ടു.പിന്നെ വേറെ നാട്ടിൽ പോയി ജീവിച്ച അവർ മകൾക്ക് പത്തു വയസ്സായപ്പോൾ സ്വന്തം നാട്ടിൽ തിരിച്ചെത്തി.നാട്ടുകാർ കരുതിയത് സുബ്രു അണ്ണൻ പോയതിനുശേഷം ആ നാട്ടിൽ വച്ചുണ്ടായ കുട്ടിയായിരിക്കും എന്നാണ്. ആർക്കും ഒരു സംശയവും ഉണ്ടായില്ല.നാട്ടിൽ വന്ന് അവർ പഴയ ആ ക്ഷേത്രത്തിൽ ജോലി നോക്കി ജീവിക്കുകയാണ് ഇപ്പോൾ.ഇതിനിടെ അവർക്ക് വേറെ കുട്ടികൾ ഒന്നും ഉണ്ടായില്ല. ആ കുട്ടിക്ക് അവർ ശിവകാമി എന്നാണ് പേര് വെച്ചത്.അതിവസുന്ദരികുട്ടി ശിവകാമിയെകാണാൻ അവളുടെ നോട്ടംകിട്ടാൻ ആ നാട്ടിലെ ആൺകുട്ടികൾ ശ്രമിക്കാറുണ്ട്.അവളെ കണ്ടു ഉന്നത ക്ലാസുകളിൽ പോകുമ്പോൾ കുട്ടികൾ എല്ലാവരും ചോദിച്ചുആരാണീ സുന്ദരി. അപ്പോൾ അവളുടെ കൂട്ടുകാരികൾ പറയുംഅമ്പല കാര്യങ്ങൾ നോക്കുന്ന കുടുംബത്തിൽ ഉള്ളതാണ് അവൾ.സുബ്രു കനകമമാൾ ദമ്പതികളുടെ അരുമ മകൾ.!പാട്ടി പട്ടമ്മാളുടെ ചെല്ലം!!ശിവകാമിയുടെ വീടിനടുത്ത് ഒരു അമ്പലമുണ്ട്.അവിടെ ആൽത്തറയിൽ ഒരറ്റത്തു എന്നും വന്നിരിക്കും.അതിന്റെ മുമ്പിൽ മൈതാനമാണ് ആ മൈതാനത്തിൽ വൈകിട്ട് കുട്ടികൾ വന്നു ഫുട്ബോളും ക്രിക്കറ്റും കളിക്കാറുണ്ട്. ശിവകാമി അവിടെയിരുന്നു ക്ഷേത്രത്തിലേക്കുള്ള പൂമാല കോർത്തു കൊണ്ടിരിക്കുംകുഞ്ഞുങ്ങളിലെ ഉള്ള ശീലം.അത്രയേ ഉള്ളൂ.ഈയിടെയായി അവളുടെ മനസ്സിൽ ചെറുപ്പക്കാരൻ സ്ഥാനംകൊണ്ടു. അപ്പു.
അപ്പുവും ആ ഗ്രൗണ്ടിൽ കളിക്കാൻ വരും. അവൾ അപ്പുവേട്ടനിലേക്ക് അടുക്കാൻ ഉണ്ടായ കാരണം ഓർത്തു”കനകം..അന്ത ടിവി പയ്യനെ കൂപ്ഡ് തമിഴ് സംമ്പരുത്തി പാക്കരുത്ക്ക്‌ ടൈം മാച്ച് “ശിവകാമിയുടെ പാട്ടിപട്ടഅമ്മാൾഓർഡർ ഇട്ടു..ഉടനെ ടിവി നന്നാക്കുന്ന അപ്പുവേട്ടനും ശരത്തും വന്നു അപ്പുനെ ഇത്രേം അടുത്തു ആദ്യം കാണുകയണ്‌ അവൾ”ഹമ്മോ എന്തൊരു സൗന്ദര്യം”ഓഫീസ് റൂമിൽ പഠിക്കുകയായിരുന്ന അവൾ വേഗം പുസ്തകംഅവിടെയിട്ട് അകത്തു കയറിപ്പോയി.30 മിനിറ്റിനുള്ളിൽ അവർ ടിവി നന്നാക്കി മടങ്ങി പോയി.അവളുടെ മനസ്സിൽ അപ്പുവിനെ മുഖം തെളിഞ്ഞു നിന്നു എന്താ ഒരു തേജസ് അവൾ തോന്നി.ശിവ കാമി ഫൈനൽ ഇയർ bsc ഫിസിക്സ് പഠിക്കുന്നു..പിറ്റേന്ന് കോളേജിൽ”എവിടെയാ ശിവകാമി നീ””ലാബിലാർന്നെടി “ക്ലാസ്സിൽ നീ ഇന്ന് വല്ല്യ ആളായെടി “”എങ്ങനെ?””ഫിസിക്സ് പ്രൊഫസർ ഇന്നലെ നമുക്ക് തന്ന പ്രോസസ് നീ മാത്രമേ സോൾവ് ചെയ്തുള്ളൂ. ക്ലാസ്സിലെ പഠിപ്പിസ്റ്റ് സോളമന് പോലും ഒന്നു പോലും ചെയ്യാൻ പറ്റിയില്ല.മൂന്നു പ്രോസും നീ സോൾവ് ചെയ്തു… എങ്ങനെ ഒപ്പിച്ചടി ഇതിന്റെ ഉത്തരം””ങേ “ഇന്നലെ രാത്രി വരെ ഒന്നും കമ്പ്ലീറ്റ് ചെയ്തില്ലല്ലോ പിന്നെ ഇതെങ്ങനെ സംഭവിച്ചു..എങ്ങനെ സംഭവിച്ചു എന്നതിനെക്കുറിച്ച് ആലോചിച്ചിട്ട് ഒരു പിടിയും കിട്ടിയില്ല.” നീയാണോ എന്റെ പുസ്തകം എടുത്തു സാറിന് കൊടുത്തത്?”ശിവകാമി അത്ഭുതത്തോടെ ചോദിച്ചു”എല്ലാവരുംകൊടുക്കുന്ന കൂട്ടത്തിൽ നിന്റെ ബുക്സും നിന്റെ ബാഗിൽ നിന്ന് എടുത്തു ഞാൻ കൊടുത്തു… ഉം എന്താ..?”സത്യത്തിൽ താൻ ഒന്നും ചെയ്തില്ലല്ലോഅത് എങ്ങനെയുള്ള പറയും. ഏതായാലും ഞാൻ ബുക്സ് കാണട്ടെ അപ്പോൾ അറിയാമല്ലോ.. അവൾ കരുതി.ക്ലാസ്സിൽ കയറി ചെന്നപ്പോൾ പ്രൊഫസർ അവളെ പ്രശംസിച്ചു.”അഭിനന്ദനങ്ങൾ ഇത്രയുംഡിഫിക്കല്റ്റായ പ്രോബ്ലം സോൾവ് ചെയ്തത നീ നാളത്തെ ഐഎസ്ആർഒ വാഗ്ദാനമാണ്‌.
കീപ്പിറ്റപ്പ്””ങേ “അവൾ അത്ഭുതപരതന്ത്രനായി.സത്യം തന്നെയാണോ ഒരുപക്ഷേ മാഷിന് പുസ്തകം മാറിയിട്ടുണ്ടാവും എന്ന് അവൾക്കു തോന്നി.സത്യത്തിൽ ഇന്നലെ വരെതന്റെ ബുക്കിൽ താൻ ഒരു അക്ഷരം പോലും എഴുതിയിട്ടില്ല.എങ്കിലും മാഷ് അഭിനന്ദിച്ചപ്പോൾ അവൾ”താങ്ക്സ്”വിറച്ചുകൊണ്ട് പറഞ്ഞു.അവൾ പുസ്തകംഎടുത്തു നോക്കി ശരിയാണ് തന്റെ പുസ്തകത്തിൽ നല്ലകൈപ്പടയിൽ ആരോ പ്രോബ്ലം സോൾവ് ചെയ്തിരിക്കുന്നു. ഈശ്വരാ ഇതെന്തു മറിമായംഈശ്വരൻ നേരിട്ട് സഹായിച്ചത്ആണോ…..അവൾ ശങ്കിച്ചു പോയി. ആ നിമിഷം…..കണ്ടിട്ട് ഈശ്വരന്റെ കയ്യക്ഷരം ആണെന്ന് തോന്നുന്നില്ല…..അതിനവൾക്ക് ഈശ്വരനെ മുമ്പിൽ കണ്ടിട്ടില്ലല്ലോ പിന്നെങ്ങനെ ഈശ്വരനെ കൈയ്യക്ഷരം അറിയും.അവൾ അവളുടെ കഴിഞ്ഞ ദിവസത്തിലെ ജീവിതത്തിലെ ഓരോ നിമിഷവും റീവൈൻഡ് ചെയ്തു.അപ്പോഴാണ് തലേന്നാൾ രാത്രി ടിവി മെക്കാനിക് വീട്ടിൽ വരുന്ന നേരം താൻ ബുക്സും കൊണ്ട് ഓഫീസ് റൂമിൽ ആയിരുന്നു പഠിച്ചിരുന്ന കാര്യം അവൾക്ക് ഓർമ്മയിൽ തെളിഞ്ഞത്.ടിവി നന്നാക്കുക അത് ഫിസിക്സ് പഠിച്ചതിന് ഭാഗമാണല്ലോഅങ്ങനെയെങ്കിൽ അവരിൽ ആരോ ആണ് അത് ചെയ്തത്.സംശയിക്കുന്ന രണ്ട് പേരിൽഏറെ നാളത്തെ പരിശ്രമത്തിനൊടുവിൽ ആളെ കൃത്യമായ ആളെ കണ്ടെത്തി.അന്ന് ടീവി നന്നാക്കാൻ വന്നപ്പോൾ മേശ പുറത്തു വച്ചിട്ടുണ്ടായിരുന്നുണ്ടായിരുന്ന പുസ്തകം അപ്പുവേട്ടൻ കണ്ടപ്പോൾആ പ്രോബ്ലംസോൾവ് ചെയ്യുകയായിരുന്നുഇത്രയുംവിദ്യാഭ്യാസം ഉണ്ടായിരുന്നെന്ന് അറിഞ്ഞിരുന്നില്ല.’ഈശ്വരാ അപ്പുവേട്ടൻ ഫിസിക്സ് എംഎസ്സി ആണെന്ന് ‘അന്നു മൊട്ടിട്ട ഒരു കുഞ്ഞു പ്രണയം മനസ്സിൽ ഉള്ളിലുണ്ട്.ആരവമുയർന്നു അപ്പുവേട്ടൻ മൈതാനത്തിൽ എത്തി എന്നു തോന്നുന്നു ഒന്ന് കാണാൻ അവളും എഴുന്നേറ്റു.അപ്പും അവളെ കണ്ടു.അവൾ പുഞ്ചിരിച്ചു!അവരുടെ പ്രണയം നാൾക്കുനാൾ വളർന്നു.കുളക്കടവിൽ ക്ഷേത്രമതിൽക്കെട്ടിനു പുറത്തു ഊടു വഴികളിലും അവർ കണ്ടുമുട്ടി. പരസ്പരം സംസാരിച്ചു മനസ്സുകൾ കൈമാറി സ്വപ്നങ്ങൾ പങ്കു വെച്ചു ദിനങ്ങൾ കഴിച്ചുകൂട്ടി.
ടിവി മെക്കാനിക് ജോലി നോക്കിയിരുന്നു അപ്പുവിനു ശാസ്ത്രസാങ്കേതിക വകുപ്പിൽ ജോലി ലഭിച്ചു. അതിനുള്ള യോഗ്യത അയാൾക്ക് ഉണ്ടായിരുന്നല്ലോ.നല്ലൊരു മുഹൂർത്തത്തിൽ ശിവകാമിയുടെ യും അപ്പുവിനെയും വിവാഹം കെങ്കേമമായി നടന്നു.ശിവകാമിയുടെ വളർച്ചയും ജീവിതവും എല്ലാം കണ്ട് ആസ്വദിച്ച് ആരുമറിയാതെ കഴിയുന്ന ഒരു അമ്മ ഏതോ ഒരു കുടുംബത്തിൽ അവരുടെ ഭർത്താവിന്റെ കൂടെ അവരുടെ കുട്ടികളുമായി ജീവിച്ചു വരികയാണ്.അന്ന് കുട്ടിയെ കുളക്കടവിൽ ഉപേക്ഷിച്ചു അവര് ഒരിടത്തു മറഞ്ഞ് ഇരിക്കുകയായിരുന്നു. മക്കളില്ലാത്ത സുബ്രു എന്തായാലും തന്റെ കുഞ്ഞിന് കാണുമെന്നും അയാൾ എടുത്തുകൊണ്ടു പോയി വളർത്തണമെന്നും നല്ല നിശ്ചയമുള്ള ഒരമ്മയാണതു.”ശിവകാമി നീ എവിടെയാണ്”അപ്പുവിനെ വിളി കേട്ട ശിവകാമി ചിന്തയിൽ നിന്നുണർന്നു. ക്ലോക്കിൽ നോക്കിയപ്പോൾനാല്പത് മിനിറ്റ് കടന്നുപോയിരിക്കുന്നു”അയ്യോ…എന്താ അപ്പുവേട്ടാ ഇത് നാലു കുടുക്കുകൾ ഇടാൻ നാല്പത് മിനിറ്റോ””നീ എന്തെടുക്കുകയായിരുന്നു.. അപ്പോൾ””അത് പിന്നെ ഞാൻ…എന്റെ അപ്പുവേട്ടൻ തൊടുമ്പോൾ എനിക്ക്…. ഒരു മണിക്കൂർ പോലും ഒരുനിമിഷം ആയി മാറുന്നു…ശോ..”അതും പറഞ്ഞ് അവൾ അടുക്കളയിലേക്കോടി…..വായിച്ചുകഴിഞ്ഞാൽ രണ്ടു വാക്കു പറഞ്ഞു പോകാൻ മറക്കല്ലേ…..