Connect with us

ബന്ധങ്ങൾ

നീയും… ഞാനും…

Published

on

രചന: അപർണ
“അതെ…. ഇച്ചായാ…. എനിക്ക് ഒരു കാര്യം പറയാൻ ഉണ്ട്…. ” പനിച്ചു കിടക്കുന്ന എന്റെ അടുത്ത് വരണ്ട എന്ന് പറഞ്ഞാലും എന്റെ പെണ്ണ് കേൾക്കില്ല…. ഇന്ന് ലീവ് എടുത്തു വീട്ടിൽ വിശ്രമിക്കാം എന്ന് പറഞ്ഞു കിടന്നതാ…. കെട്ടിയോൾടെ നിപ്പും പറച്ചിലും കേട്ടിട്ട് ഇന്ന് എന്നേം കൊണ്ട് വല്ല മാള് മുഴവൻ കറക്കാൻ ഉള്ള പരിപാടി ആണെന്ന് തോന്നുന്നു…. ഷീണം ഇച്ചിരി കൊറഞ്ഞിട്ടുണ്ട്…. ബട്ട്‌ ഇപ്പോ പറഞ്ഞാൽ പണി പാളും…. അതോണ്ട് നമ്മടെ തിരശീല അഭിനയം അങ്ങ് വെച്ച് കാച്ചാം…. എന്ന് മനസിൽ കരുതി ഞാൻ ഒന്നും കെട്ടില്ലാത്ത പോലെ അങ്ങ് കിടന്ന്…. “ഇച്ചായ….. ഞാൻ പറയണത് വല്ലോം കേൾക്കുണ്ടോ.. ” ഓഹ് !!!പെണ്ണ് വിടാൻ ഉള്ള പരിപാടി ഇല്ലാ.. “ഇച്ചയാ… ഇച്ചയാ….. ഇച്ചയാ…. ” ചെവി തിന്നും എന്ന് ആയപ്പോൾ… സഹികെട്ട് ഒറ്റ എഴുന്നേൽകലാ…. നോക്കിയപ്പോൾ പെണ്ണിന്റെ കണ്ണ് ഒക്കെ നിറഞ്ഞു… ഇപ്പോൾ കരയും എന്ന അവസ്ഥയിലായി…. ഞാൻ ഒന്ന് ചാടി എഴുനേറ്റിന് ഈ പെണ്ണ് എന്നതിനാ കിടന്ന് മോങ്ങുന്നേ എന്ന് നോക്കിയപ്പോഴാ…. എന്റെ കൈ അവൾക്ക് നേരെ ഉയർന്നു നിൽപ്പാണെന്ന എനിക്ക് ബോധം വന്നത്…. ഉയർന്നു നിൽക്കുന്ന എന്റെ കൈ മെല്ലെ താഴ്‌ത്തി ഉന്തി നിൽക്കുന്ന അവളുടെ കുഞ്ഞു വയറിൽ തൊടാൻ നോക്കിയതും പെണ്ണ് കൈ ഒറ്റ തട്ടു…. “ഹും…. തൊടണ്ട എന്റെ മോനെ… ഇച്ചായൻ… അല്ലേലും ഇപ്പോ എന്നോട് ഇച്ചിരിയോളം ഇഷ്ട്ടം പോലും ഇല്ലാ…. ” എന്നും പറഞ്ഞു അവള് കട്ടിലിന്റെ ഒരു ഓരം പോയിരുന്നു… എന്റെ കർത്താവെ… ഒരു ഭർത്താവിനും ഈ അവസ്ഥ വരല്ലേ… ഇതിപ്പോ അവൾക്ക് മാസം നാല് ആയുള്ളൂ…. അതിൽ തന്നെ ഒരു നാലായിരം പ്രാവശ്യം പറഞ്ഞ സെയിം ഡയലോഗ് ആണല്ലോ എന്റെ കെട്ടിയോൾ വീണ്ടും വീണ്ടും അലക്കുന്നേ…!!! നൈസായി… കട്ടിലിൽ പോയി കിടന്നു അവളുടെ മടിയിൽ തല വെച്ച്…. എന്റെ പെണ്ണിന്റെ വീർത്തു നിൽക്കുന്ന വയറിൽ ഒന്ന് മുഖം ചേർത്ത് ഒരു കുഞ്ഞു മുത്തം കൊടുത്തു പറഞ്ഞു തുടങ്ങി “വാവേ…. ” “ഇച്ചായന്റെ വാവേ… ” “ഉം… എന്നതാ??? “വാവേ…. പിണക്കം ആന്നോ??? “ദേ ഇച്ചായാ…. കളിക്കല്ലേ…..ഇടുപ്പിന്ന്.. മുഖം മാറ്റിയെ….. ഇങ്ങടെ ഉമ്മ ഒന്നും എനിക്ക് വേണ്ട…. എന്റെ മടിന്ന് എണീറ്റെ…. കിന്നരിക്കാൻ വന്നിരിക്കുന്നു ” അവൾ കൊറേ നോക്കിയിട്ടും ഞാൻ ഇണ്ടോ എനിക്കുന്നേ … എന്റെ മോൾ കിടക്കണ വയറും വട്ടം പിടിച്ചപ്പോഴാണ് അവൾ എന്നോട് എന്തോ ഒരു കാര്യം പറയാൻ ആണ് വന്നേ എന്ന് എനിക്ക് ഓർമ്മ വന്നേ…. “അല്ലടാ വാവേ…. എന്നതാ എന്റെ കൊച്ച് ഇച്ചായനോട് പറയാൻ വന്നേ…. ഇന്ന് ചെക്ക് അപ് എന്നേലും ഉണ്ടാരുന്നോടാ… ” അപ്പോഴാ… എന്റെ വാവേടെ മുഖം ഒന്ന് വിടർന്നേ…. അപ്പൊ തന്നെ മങ്ങി…. “എന്നതാ…. വാവേ ” “ഇച്ചായ…. അതെ.. നമുക്ക് ന്യൂസ്‌ പേപ്പർ ഇടുന്ന പയ്യനോട് പറ… നാളെ മുതൽ പത്രം വേണ്ട എന്ന്… ” “എന്ന പറ്റി…. അവൻ എന്നേലും ” മുഖത്തു ഇത്തിരി ഗൗരവത്തോട് കൂടെ അവളോട് ചോദിച്ചപ്പോൾ… അവൾ എന്റെ കയ്യ് എടുത്തു വീർത്തു നിൽക്കുന്ന വയറിനോട് ചേർത്ത് വെച്ച് പറഞ്ഞു തുടങ്ങി….. “എന്റെ ഇച്ചായ… പയ്യന്റെ പ്രശ്നം ഒന്നും അല്ല….. ഓരോ ദിവസം പത്രത്തിൽ കാണുന്ന ഓരോ വാർത്തകളെ… ഇതൊക്കെ കണ്ടും കെട്ടും ആണ് നമ്മടെ കുഞ്ഞു വളരുന്നേ…. ഇങ്ങനെ ഉള്ള വാർത്തകൾ അവരുടെ വളർച്ചയെയും ബാധിക്കില്ലേ…??? അതോണ്ടാ….. പേപ്പർ തുറന്നാൽ തറയിൽ എറിഞ്ഞു കുഞ്ഞുങ്ങളെ കൊല്ലുന്നവരുടെയും… പ്രണയത്തെ ഒരു കുപ്പി പെട്രോളിൽ ഒതുക്കുന്നവരുടെയും …. ന്യൂസ്‌ അല്ലയോ??? ഹോ…. പിന്നെ പോരാത്തതിന് പ്രമുഖൻമാരുടെ ഓരോ വെല്ലുവിളികളും…സ്ത്രീ പുരുഷ തുലാസും… ഹോ !! .മടുത്തു … ഞാൻ പറയണ കേക്ക് ഇച്ചായ…നമക്ക് ഇനി പത്രം വേണ്ടാന്നേ” അതും പറഞ്ഞു അവളുടെ മാസ്റ്റർപീസ് എടുത്തു…. വേറെ ഒന്നും അല്ലാട്ടോ… ഞാൻ അവളുടെ മടിയിൽ നിന്ന് എണീറ്റ് കട്ടിലിൽ കിടന്നപ്പോൾ…അവൾ മെല്ലെ വന്ന് എന്റെ ഇടനെഞ്ചിൽ ചാഞ്ഞു… എനിക്ക് ആകെപാടേ സ്വന്തമായുള്ള കാലിഞ്ചു ആഴമുള്ള നുണകുഴിയിൽ വിരലു കൊണ്ടു കളിക്കാ…ഇതിൽ ഞാൻ വീഴും എന്ന് അവൾക്ക് അറിയാം… ഞാൻ പതിയെ അവളെ ചേർത്ത് പിടിച്ചു ആ തിരുനെറ്റിയിൽ ഒന്ന് അമർത്തി ചുംബിച്ചു… “വാവേ..” “ഉം ” “ഇച്ചായൻ ഒരു കാര്യം പറഞ്ഞാൽ എന്റെ വാവ കേക്കോ… ഈ പേപ്പർ ഇപ്പൊ നിർത്തി കൊണ്ട് പ്രശ്നം തീരില്ല കൊച്ചേ…

ഇതിപ്പോ എന്റെ മുത്തുമണീസ് ഇങ് വരുമ്പോൾ നിന്റെ വയറ്റിൽ കിടന്ന് കേട്ടത് എല്ലാം അവര് നേരിട്ട് കാണല്ലെടാ…അപ്പോ ഇതിനുള്ള സൊല്യൂഷൻ പേപ്പർ നിരോധനം അല്ലടാ വാവേ ” പെണ്ണിന്റെ മുഖം ഒന്ന് വാടിയിട്ട് ഇണ്ട്… പിന്നെ ഒന്നും നോക്കിയില്ല അവള്ടെ കയ്യ് എടുത്തു മാറ്റി ഇച്ചിരി ഇറങ്ങി പെണ്ണിന്റെ വായറിനോട് മുഖം ചേർത്ത് കെട്ടിപിടിച്ചു കിടന്നു… ഒരു അഞ്ചു മിനിട്ട് ഇതിപ്പോ എന്ന ഞാൻ ചെയ്യുന്നേ എന്ന് എന്റെ കെട്ടിയോൾ ഏന്തി വലിഞ്ഞു നോക്കുന്നത് ഞാൻ ഇടം കണ്ണിട്ടു കണ്ടു… പിന്നെ എന്റെ മുത്തുമണീസിനോടായി പറഞ്ഞു തുടങ്ങി “അച്ഛായി …. എന്റെ മക്കൾക്ക് ആയിട്ട് ഒരു കൂട്ടം പറഞ്ഞു താരാവേ… ” “അപ്പോ എനിക്കൊ… ഹും ” അവൾ മുഖം വീർപ്പിച്ചു… ചുവന്ന ഒരു നോട്ടം “ആ.. വേണേൽ നീയും കേട്ടോ… അപ്പോ അച്ചായി പറഞ്ഞു തുടങ്ങാൻ പോവാണേ… എല്ലാരും കേട്ടോ… എന്റെ ഒരു നിരീക്ഷണ തലത്തിൽ ഇവിടെ പ്രശ്നം പത്രം അല്ല.. ആരു വലുത് ആരു ചെറുത്… തമ്മിൽ ആർക്കാണ് ഗുണകണങ്ങളിൽ മുൻ പന്തിയിൽ എന്ന് ഒക്കെ ആണ് ” “ഏഹ്… ഇതിൽ പറഞ്ഞ ആ ” ആര് ” ആരാണ് ” “ആണും പെണ്ണും…. എന്ന് വെച്ചാൽ സ്ത്രീയും പുരുഷനും.. ഇന്ന് ഈ സമൂഹത്തിൽ നടക്കുന്ന… പത്രങ്ങളിൽ വരുന്നതും വരാത്തതുംമായ ഒട്ടുമിക്ക സംഭവങ്ങളക്ക് പിന്നിലും ഉള്ള പ്രശ്നം… നാം ആരാ?? എന്ന് കണ്ടെത്താൻ സാധിക്കാത്തതു കൊണ്ടാണ് ….വ്യക്തിത്വം അത് അവർക്ക് അറിയാത്തതു കൊണ്ടാണ് “എന്റെ അഭിപ്രായത്തിൽ നമ്മൾ ആൺ ഒരു കടലും.. പെണ്ണ് ഒരു കായലും ആണ് ” “പുരുഷന്മാർ കടലോ…?? കടലമ്മ എന്ന് അല്ലെ പറയാ…?? ” “ആണ് അങ്ങനെ തന്നെയാ പറയാ… പക്ഷേ ഒന്ന് ആലോചിച്ചു നോക്ക് … പെണ്ണെ കടലാകുന്ന എന്നെ പൂർണ്ണമാകുന്ന കായൽ ആണ് നീ…. !!! “കൊള്ളാലോ…. !!!” “ഒരു പുരുഷന്റെ മനസ്സും പെരുമാറ്റവും ഒരു കടലു പോലെയല്ലേ?? രൗദ്രം അല്ലേ..!!!.” അവന്റെ ഓരോ തിരകളും….!! എത്രയൊക്കെ.. ശക്തമായി തീരത്തെ തൊട്ട് മടങ്ങി പോയാലും അവൻ തിരിച്ചു വരും എന്ന് ഉറപ്പില്ലേ.. പിന്നെ അവനിലെ അവനെ നമുക്ക് പേടിയാണ്… അവന്റെ ആഴങ്ങളെയും…. പക്ഷേ അവൻ ഇങ്ങനെ ഓക്കേ തന്നെയാണെന്ന് നമുക്കും അറിയാം…. അവന്റെ സ്നേഹം അത് ഒരിക്കലും അളന്നു കുറിച്ചെഴുതാൻ സാധ്യമല്ല…. “അപ്പൊ നിങ്ങൾ പറഞ്ഞു വരുന്നത്… നിങ്ങൾ ആണുങ്ങൾ ആണ് വലുത്.. ഞങ്ങൾ വെറും കായലും നദികളും അല്ലെ… ഹും… എന്നോട് മിണ്ടണ്ട…. ” “പിണങ്ങല്ലേ… ഞാൻ പറയട്ടെ…. എടി ഒരു കടൽ…. കടലാകുന്നത് എങ്ങനെയാ….??? ” “എങ്ങനെയാ… അതും കൂടി നിങ്ങൾ പറയ്..?? ” “എടി ഞങ്ങൾ ആണുങ്ങൾക്ക് നിങ്ങളില്ലാതെ അസ്തിത്വം ഉണ്ടോടാ വാവേ…??? നിങ്ങൾ ഓരോ പുഴയായും പെറ്റുപെരികി ചെറു കൈയ്‌വഴിയായും ഒഴുകി ചേർന്നു എന്നിൽ അലിയുമ്പോഴല്ലടാ ഞാൻ ഞാനാവുന്നത്… നിന്നിൽ നിന്ന് പിറന്നു വീഴുന്ന ഒരു കുഞ്ഞു നദികളും എന്റെ നിലനില്പിന്റെ അടയാളങ്ങൾ അല്ലെ…?? “ശരിക്കും?? “ആന്നെ… അപ്പൊ നീ ചോദിക്കും നിങ്ങൾ പെണ്ണുങ്ങൾ എങ്ങനെയാ കായൽ ആയെന്ന് പറയാം… നീ കായൽ കണ്ടിട്ടില്ലേ… അവളുടെ മേനി…( തെറ്റിദ്ധരിക്കണ്ട )പുറമെ കാണുമ്പോൾ അവൾ എത്ര ശാന്തം… അവളുടെ അടിത്തട്ടിലെ ഒഴുക്കിൽ ഒരു ആറടി ശരീരം മുഴുവൻ ഒളിപ്പിക്കാൻ തക്കവണ്ണം ആഴവും അറകളും ഉണ്ടെന്നു ആർക്കെങ്കിലും അറിയോ… !!! “ഇല്ല ലേ ” “എടി ഒരു ആണിന് ഈ ലോകത്തു അറിയാത്ത ഒരേഒരു കാര്യമേ ഉള്ളു… അത് പെണ്ണാ…!!!നിങ്ങളെ അങ്ങനെ പെട്ടന്ന് ഒന്നും വായിച്ചു തീർക്കാനോ അളന്നു ചിട്ടപ്പെടുത്താനോ പറ്റില്ല… എ വുമൺ ദി മോസ്റ്റ്‌ താങ്കൾഡ് വൺ… അതിപ്പോ എന്റെ വാവക്ക് മനസ്സിലായോ… ” “അപ്പൊ നിങ്ങൾ ആണുങ്ങളൾക്ക് ഈ രൗദ്ര ഭാവം മാത്രമേ ഉള്ളു… വേറെ വികാരങ്ങൾ.. ലൈക്‌ ഫീലിംഗ്സ്..?? ഒന്നും ഇല്ലേ… ” അവൾ ചിരിച്ചോണ്ട് എന്റെ കാത് പിടിച്ചു തിരിച്ചു പറയാ… “ഡി ഡി അത് വേണ്ട അത് വേണ്ട.. എനിക്ക് വികാരം ഇല്ലേൽ ആദ്യരാത്രി തന്നെ ഈ ഞാൻ അച്ഛൻ ആവില്ല…

പിന്നെ..നീ ” ബാക്കി പറയാൻ അനുവദിക്കാതെ അവൾ എന്റെ തലക്ക് ഇട്ട് ഒരു കൊട്ട് തന്നിട്ട്.. പറഞ്ഞു വന്ന കാര്യം മുഴുവിക്കാൻ പറഞ്ഞു “അപ്പോ ഞാൻ എവിടെയാ പറഞ്ഞു നിർത്തിയത്… ഫീലിംഗ്സ് !!!. എടി ഞങ്ങൾക്ക് എല്ലാത്തരത്തിലുള്ള ഫീലിങ്ങ്സും ഉണ്ട്… ലൈക്‌ ഐലൻഡ്സ്… ദ്വീപുകൾ… അതിൽ ചിലത് മനോഹരവും വാസയോഗ്യവും ആവുമ്പോൾ മറ്റുചിലത്… ഇരുണ്ട ഭൂമിയായി പോവുകയും ചെയ്യും…. അത് ഒക്കെ ഓരോത്തരുടെ ചിന്ത പോലെയിരിക്കും…” “പിന്നെ പ്രണയം അതിൽ ഞങ്ങളെ തൊടാൻ പറ്റില്ലമോളെ… ലോകംകണ്ട ഏറ്റവും വലിയ ആഴമേറിയ കാമുകൻ ഈ നീലക്കടൽ ആണ് മോളെ… അത് കൊണ്ടാണ് എന്റെ വാവേ… പ്രണയം പൂത്തു തറക്കല്ലു ഇടുമ്പോഴും പിന്നെയും… അവസാനം തേപ്പ് കിട്ടി… ഹൃദയം തകരുമ്പോഴും ഞങ്ങൾ ഈ കടൽ തീരത്തോട്ട് വരുന്നേ…. ” “പിന്നെ… കള്ളും കുടിച്ചു താടിയും വളർത്തി നടക്കുന്ന ടൈമിൽ കടലിലോട്ട് വരല്ലേ… ഒന്ന് പോ എന്റെ ഇച്ചായ” “എന്റെ വാവേ… അവനിലെ തകർന്ന കാമുകന്റെ കണ്ണീരിനു ഈ കടലിന്റെ ലവണാംശമായി ചേരാൻ സാധിക്കുന്നുടെങ്കിലേ… അവനു പിന്നെ ഒരു ലഹരിയുടെയും ആവശ്യം ഇല്ലടാ…. അവന്റെ കാലിലെ മണൽ തരി ഒപ്പിയെടുക്കും പോലെ അവന്റെ വേദനകളും കടൽ കൊണ്ടോവും.. ” “അപ്പൊ ഞങ്ങൾ കായലുകൾക്ക്… ചെ… ഐ മീൻ പെണ്ണുങ്ങൾക്ക്‌ ഫീലിംഗ്സ് ഇല്ലേ?? “ഉണ്ടല്ലോ…കിഴക്ക് വെള്ളകീറുന്നത് മുതൽ വെള്ളിലാവിൽ കുളിച്ച് ഈറൻ തോർത്തി ചേറിന്റെ മാറിൽ മയങ്ങുന്നതുവരെയുള്ള ഓരോ യാമങ്ങളും നിങ്ങളിൽ വികാരങ്ങൾ അല്ലെ… ഒരു ജന്മത്തിന്റെ എല്ലാം ഭാവങ്ങളും നിങ്ങളിൽ തുളുമ്പി നിൽക്കല്ലേ !!! “എനിക്ക് ഇങ്ങനെ സാഹിത്യം ഒന്നും തലേൽ കേറില്ല… ” “അത് എനിക്ക് അന്നേ അറിയാരുന്നു നിനക്ക് ഒന്നും തലേൽ കേറില്ല എന്ന്… അത് കൊണ്ടാ വേറെയൊന്നും നോക്കാതെ രേഖയിൽ കെറ്റിയത്.. നിന്റെ സിന്ദൂര രേഖയിൽ എന്റെ പേരിലുള്ള ചുവപ്പ് പടർത്തിയത് ” “ഓഓഓ സമ്മതിച്ചു…. അപ്പൊ ഞാൻ പറഞ്ഞ കാര്യം… പത്രം?? ഈ പെണ്ണ്… പിന്നെ എന്നതിന… ഈ കണ്ട പാരഗ്രാഫ് മൊത്തം ഞാൻ പറഞ്ഞത് “എന്റെ വാവേ… ഇച്ചിരിയെങ്കിലും ബുദ്ധി ഉണ്ടാരുന്നേൽ…നിന്നെ മണ്ടൂസേ എന്ന് എങ്കിലും വിളിക്കാരുന്നു… ഹിഹിഹി ” “ഉണ്ടാരുന്നേൽ… ഹും.. നിങ്ങൾ ഏണീറ്റെ… എന്റെ പിള്ളേരോട് നിങ്ങൾ കിന്നരിക്കാൻ ഒന്നും വരണ്ട… ” പെണ്ണ് എന്നെ തട്ടി മാറ്റി ബോൾ ഉരുണ്ട് പോകുന്ന പോലെ പോവാൻ നിന്നതും… ഞാൻ അവളെ പിടിച്ചു അങ്ങ് ഇരുത്തി “പെണ്ണായാലും ആണ് ആയാലും അതിനു ആളിക്കത്താൻ ഒരു തുള്ളി പെട്രോളിന്റെയും ആവശ്യം ഇല്ലാ….അത് നമ്മൾ കഴിഞ്ഞ ഓഗസ്റ്റിലു കണ്ടതല്ലേ… പിന്നെ നിന്റെ കണ്ണിൽ നിന്ന് ഒരു തുള്ളി നീ പൊഴിക്കുന്ന സമയം എന്റെ ഹൃദയത്തിൽ നിന്ന് ഒഴുകുന്ന ആ നീരിന് നിറം ചുവപ്പാണ് പെണ്ണെ !!! “അത് തിരിച്ചറിയുന്ന ലോകത്തിലോട്ട് നമുക്ക് നമ്മുടെ കുഞ്ഞിനെ ചുവട് വെപ്പിക്കാം… അവിടെ അവൻ അവളെയും അവൾ അവനെയും തിരിച്ചറിയും ” “അങ്ങനെ ആണേൽ പിന്നെ പയ്യനോട് പത്രം നിർത്തണ്ട എന്ന് പറയാം ലേ !!അല്ലെ ഇച്ചായ??? “കരയിൽ ഇരുന്നു വാർത്തകളിലെ ചുരുളഴിക്കാതെ … ആഴങ്ങളിലെ ആഴം അറിയണം…. അന്ന് അവരും തിരിച്ചറിയും നീയും ഞാനും അല്ല നാം ആണെന്ന് ” (ഈ എഴുത്ത് നിനക്കായി…..❤) (നിങ്ങൾ സ്വയം എഴുതിയ നിങ്ങളുടെ ചെറുകഥകൾ, തുടർക്കഥകൾ എന്നിവ വളപ്പൊട്ടുകൾ പേജിൽ ഉൾപ്പെടുത്താൻ പേജ് ഇൻബോക്സിലേക്ക് ഇപ്പോൾ തന്നെ മെസേജ് അയക്കൂ….)

ബന്ധങ്ങൾ

ആ ചെറുപ്പക്കാരനെ ചേർത്ത് പിടിച്ചു സുധി ഒരു സെൽഫി എടുത്തു…

Published

on

By

രചന: ഉണ്ണി കെ പാർത്ഥൻ

“ഇവള് ഇത് എവിടെ പോയി കിടക്കുവാ.. വിളിച്ചിട്ട് എടുക്കുന്നില്ല ലോ..” പലവട്ടം ഫോൺ വിളിച്ചിട്ടും കാൾ അറ്റൻഡ് ചെയ്യാതിരുന്ന ഭാര്യയെ മനസ്സിൽ ആവോളം തെറി വിളിച്ചു കൊണ്ട് സുധി ബസിന്റെ സീറ്റിലേക്ക് ഒന്നുടെ ചാരിയിരുന്നു.. “വാട്സാപ്പ് ചെയ്തു നോക്കാം..” മൊബൈൽ ഒന്നുടെ എടുത്തു നെറ്റ് ഓൺ ചെയ്തു.. “ആഹാ.. ഇവൾ ഓൺലൈനിൽ ഉണ്ടല്ലോ… ഡീ..” സുധി ഒരു മെസ്സേജ് വാട്സാപ്പ് ചെയ്തു.. ഒരു മിനിറ്റ്.. രണ്ട് മിനിറ്റ്.. നിമിഷങ്ങൾ അങ്ങനെ കടന്നു പോയി.. അപ്പുറത്ത് ഓൺലൈൻ തെളിഞ്ഞു കിടപ്പുണ്ട്… “ഡീ..” സുധി ഒന്നുടെ മെസ്സേജ് ചെയ്തു… നോ രെക്ഷ.. “എങ്കിൽ ഒന്നുടെ വിളിച്ചു നോക്കാം..” വാട്സാപ്പ് കാൾ ചെയ്തു… അനക്കമില്ല..

“ഇവള് ഈ മൊബൈലും കു ത്തി ഇരുന്നു ഉറങ്ങിപോയോ…” മനസ്സിൽ ഒന്നുടെ പറഞ്ഞിട്ട് സുധി നോട്ടം തൊട്ടടുത്ത സീറ്റിൽ ഇരിക്കുന്ന ചെറുപ്പകാരന്റെ മൊബൈലിലേക്ക് ഒരു നിമിഷം പാളി നോക്കി.. “ങ്ങേ… ഇത് ദേവി അല്ലേ.. എന്റെ ഭാര്യ.. ഇവളെ എങ്ങനെ ഇയ്യാൾക്ക് അറിയാം..” ആ ചെറുപ്പക്കാരൻ ഇടതടവില്ലാതെ വാട്സാപ്പ് മെസ്സേജ് ദേവിക്ക് അയച്ചു കൊണ്ടേ ഇരിക്കുന്നുണ്ടായിരുന്നു.. അപ്പുറത്ത് നിന്നും ഉരുളക്ക് ഉപ്പേരി പോലേ റിപ്ലൈയും.. “ചേട്ടാ.. ഒരു മിനിറ്റ്.. ആ ഫോൺ ഒന്ന് തരോ.. എന്റെ ഭാര്യക്ക് ഒരു മെസ്സേജ് ഇടാൻ ആണ്..” ആ ചെറുപ്പക്കാരനെ നോക്കി സുധി പതിയേ ചോദിച്ചു… “പിന്നെന്താ.. ദാ ചേട്ടാ ഫോൺ..” വിനീത പുളകിതനായി അയ്യാൾ ഫോൺ സുധിക്ക് നേരെ നീട്ടി.. “ഡീ.. ഞാൻ നിന്നെ കൊറേ നേരമായി വിളിക്കുന്നു… മെസ്സേജ് ഇടുന്നു..

നീ എന്റെ മെസ്സേജ് തുറന്നു നോക്കിയില്ല ലോ.. ഇത് ആരാ നിന്റെ ഫ്രണ്ട് ആണോ.. എന്റെ തൊട്ടടുത്ത സീറ്റിൽ ഇരിക്കുന്നത് കൊണ്ട് ഞാൻ ഈ ചേട്ടന്റെ ഫോൺ വാങ്ങി മെസ്സേജ് ഇടുവാ.. അതേ.. ഞാൻ ഇന്ന് വീട്ടിലേക്ക് വരുന്നുണ്ട്…വൈകുന്നേരം ആവുമ്പോളേക്കും എത്തും ട്ടോ..” മെസ്സേജ് സെന്റ്… “ങ്ങേ..” അപ്പുറത്തു നിന്നു മറുപടി വിത്ത് സ്മൈലി.. “ഓൾക്ക് മനസിലായില്ല ന്ന് തോന്നുന്നു… ചേട്ടാ മ്മക്ക് ഒരു സെൽഫി എടുത്താലോ..” ആ ചെറുപ്പക്കാരനെ ചേർത്ത് പിടിച്ചു സുധി ഒരു സെൽഫി എടുത്തു പിക്ക് ദേവിക്ക് സെന്റ് ചെയ്തു… അപ്പുറം മെസ്സേജ് ഓപ്പൺ ചെയ്തു… അപ്പുറത്ത് നിന്നു ഒരു റിപ്ലൈയും ഇല്ല… “ഓൾടെ നെറ്റ് കഴിഞ്ഞു കാണും.. അതാണ് റിപ്ലൈ ഇല്ലാത്തത്.. സർപ്രൈസ് കൊടുക്കാന്നു കരുതിയതാ.. ഇനി ഇപ്പൊ അത് വേണ്ടാ ലോ…” മൊബൈൽ തിരിച്ചു നൽകി കൊണ്ട് നിഷ്കളങ്കമായി സുധി ആ ചെറുപ്പക്കാരനെ നോക്കി.. “ചേട്ടാ ആളിറങ്ങാൻ ണ്ട്..” ചെറുപ്പക്കാരൻ സീറ്റിൽ നിന്നും ചാടിയെഴുന്നേറ്റ് കണ്ടക്ടറേ നോക്കി ഉറക്കേ വിളിച്ചു പറഞ്ഞു… “ഇനി അടുത്ത സ്റ്റോപ്പ്‌ കൊല്ലത്തു ആണ്..”

കണ്ടക്ടർ വിളിച്ചു പറഞ്ഞു… “അതൊന്നും പറ്റില്ല.. എനിക്ക് ഇവിടെ ഇപ്പൊ ഇറങ്ങണം…” ചെറുപ്പക്കാരൻ ബെൽ അടിച്ചു.. ഡ്രൈവർ വണ്ടി നിർത്തി.. ചെറുപ്പക്കാരൻ ഇറങ്ങി.. തിരിഞ്ഞു നോക്കാതെ ഓടി… സുധി മൊബൈൽ എടുത്തു ഒന്നുടെ ഭാര്യയെ വിളിച്ചു… “നിങ്ങൾ വിളിക്കുന്ന നമ്പർ മറ്റൊരു കോളിൽ ആണ്… ദയവായി അൽപ്പനേരം കഴിഞ്ഞു വിളിക്കുക..” സുധി ഒന്നുടെ വിളിച്ചു… “നിങ്ങൾ വിളിക്കുന്ന നമ്പർ ഇപ്പൊ സ്വിച് ഓഫ് ആണ്.. ദയവായി അൽപ്പ നേരം കഴിഞ്ഞു വിളിക്കുക…” “ഇന്നലെ നല്ല മഴ അല്ലായിരുന്നോ.. ഫോൺ ചാർജ് പോയി കാണും..” അതും പറഞ്ഞു സുധി സീറ്റിലേക്ക് ചാരി കണ്ണുകൾ അടച്ചു… ശുഭം.. ഉണ്ണി കെ പാർത്ഥന്റെ സ്റ്റോറി എന്തേ ഇങ്ങനെ എന്ന് ചോദിക്കുന്നവരോട് മാത്രമായി രണ്ട് വരി.. വിഡ്ഢിത്തത്തോടെ ചില ആശയങ്ങളേ കൂടെ കൂട്ടി നോക്കും.. അത് പണ്ട് മുതലേ ഉള്ള ശീലമാണ്.. സാമാന്യ യുക്തിക്ക് നിരക്കാത്തത് എന്ന് വേണേൽ പറയാം.. എഴുതി നോക്കും.. വായിക്കുന്നവരുടെ അഭിരുചിക്ക് വിടും.. അവരേ കേൾക്കും അതാണ് പതിവ്.. ജീവനുള്ള കഥയുമായി വീണ്ടും കാണാം..

Continue Reading

ബന്ധങ്ങൾ

ഈ സാരിയുടെ ഞൊറിയൊന്ന് പിടിച്ചേ..

Published

on

By

രചന: സജി തൈപ്പറമ്പ്

“ചേട്ടാ.. ഈ സാരിയുടെ ഞൊറിയൊന്ന് പിടിച്ചേ” “പിന്നേ.. എനിക്കതല്ലേ ജോലി ?,ചുരിദാറിട്ടിരുന്നേൽ ഈ പാടുണ്ടായിരുന്നോ? ഈ നേരമില്ലാത്ത നേരത്ത്,സാരിയുടുക്കാൻ നിന്നോടാരെങ്കിലും പറഞ്ഞോ?” “എന്താ ജയേട്ടാ.. ഈ പറയുന്നത്? ഇതൊരു സാധാരണ കല്യാണമല്ലല്ലോ? എൻ്റെ വല്യച്ഛൻ്റെ മകൾടെ കല്യാണമല്ലേ? അവിടെയുള്ളവർക്കൊക്കെ സാരിയെടുത്ത കൂട്ടത്തിൽ എനിക്കും വല്യച്ഛൻ,സാരിയെടുത്ത് തന്നത്, കല്യാണത്തിന് ഉടുക്കാൻ വേണ്ടിയല്ലേ?” ഓഹ് പിന്നേ, സാരിയുടുക്കാൻ പറ്റിയൊരു കോലം, നീയൊന്ന് വേഗമിറങ്ങാൻ നോക്ക് , പുശ്ചത്തോടെ പറഞ്ഞിട്ട് ജയേട്ടൻ പുറത്തേയ്ക്ക് പോയപ്പോൾ ,എനിക്ക് കടുത്ത നിരാശ തോന്നി. രാവിലെ മുതല് തുടങ്ങിയ കഷ്ടപ്പാടാണ് ,നന്നായൊന്ന് ഒരുങ്ങിയിട്ട് എത്ര നാളായി, രണ്ട് കൊല്ലം മുൻപ് അനുജത്തിയുടെ കല്യാണത്തിനാണ് ഇതിന് മുമ്പ് സമയമെടുത്തൊന്ന് ഒരുങ്ങിയത് ,അല്ലാതെയുള്ള എന്ത് ചടങ്ങിന് പോയാലും ജയേട്ടൻ്റെ ധൃതി കാരണം ഏതെങ്കിലുമൊരു ചുരിദാറുമെടുത്തിട്ട് വെളിച്ചെണ്ണ തേച്ച മുടിയൊന്ന് കോതിയൊതുക്കി കണ്ണാടിയിലൊട്ടിച്ചിരിക്കുന്ന ഒരു പൊട്ടുമെടുത്ത് നെറ്റിയിലൊട്ടിച്ചിട്ട് വേഗം ഇറങ്ങാറാണ് പതിവ്, ഇതിപ്പോൾ പുറം നാട്ടിലൊക്കെ പോയിട്ട് വന്ന കസിൻസെല്ലാം കെട്ടിയൊരുങ്ങി വരുമെന്നറിയാവുന്നത് കൊണ്ട് ,അവരുടെ മുന്നിൽ ചെറുതാവണ്ടന്ന് കരുതിയാണ്, ഇന്നലെ രാത്രി മുതൽ പോയസൗന്ദര്യമൊന്ന് തിരിച്ച് പിടിക്കാനുള്ള ശ്രമം തുടങ്ങിയത് രാത്രി തന്നെ പറമ്പിൽ നിന്ന് കറ്റാർവാഴയുടെ തണ്ട് മുറിച്ചെടുത്ത്, തൊലി കളഞ്ഞ്, അതിൻ്റെ മുകളിൽ അരിപ്പൊടി വിതറി മുഖത്ത് തേച്ച് വച്ചു, ഏറെ നേരം കഴിഞ്ഞു് അത് കഴുകിയതിന് ശേഷമാണ്, ഇന്നലെ ഉറങ്ങാൻ കിടന്നത് തന്നെ എന്നിട്ട് അതിരാവിലെയെഴുന്നേറ്റ് ബാക്കിയുണ്ടായിരുന്ന കറ്റാർവാഴയുടെ ജെല്ലെടുത്ത് ജ്യൂസാക്കി, തലയിൽ തേച്ച് പിടിപ്പിച്ചു ,മുടിക്ക് തിളക്കം കിട്ടുമെന്നാരോ മുമ്പ് പറഞ്ഞത് കൊണ്ടാണങ്ങനെ ചെയ്തത് അങ്ങേതിലെ ശോഭേച്ചി മിക്കപ്പോഴും ബ്യൂട്ടി പാർലറിൽ പോകുമ്പോൾ ചോദിക്കാറുണ്ട്, ഗീതയ്ക്ക് ബ്യൂട്ടി പാർലറിലൊന്നും പോകാൻ താല്പര്യമില്ലേന്ന്?

തൻ്റെ നല്ല തിക്നസ്സുള്ള മുടിയല്ലേ? ഒന്ന് സ്ട്രെയ്റ്റ് ചെയ്തിട്ടിരുന്നേൽ നല്ല വെറ്റായി കിടന്നേനെയെന്ന് അത് കേട്ടപ്പോഴെനിക്ക് ആത്മനിന്ദയാണ് തോന്നി . ഏത് പെണ്ണുങ്ങൾക്കാണ്, ബ്യൂട്ടി പാർലറിൽ പോകാനും, ഫേഷ്യല് ചെയ്യാനും ,മുടിയൊന്ന് സ്ട്രെയ്റ്റ് ചെയ്യാനുമൊക്കെ ആഗ്രഹമില്ലാത്തത്? ,പക്ഷേ അതിനൊക്കെ സപ്പോർട്ട് ചെയ്യുന്നൊരു ഹസ്ബൻ്റ് കൂടിയുണ്ടാവണ്ടെ? വെറും മുപ്പത് രൂപാ മുടക്കി പുരികമൊന്ന് ത്രെഡ് ചെയ്യാൻ പോലും, പുള്ളിക്കാരൻ പൈസ തരില്ല, പഠിക്കാൻ പോയ സമയത്ത്, അമ്മ ഒരുപാട് പറഞ്ഞതാണ്, മോളേ.. നീയെങ്കിലും പഠിച്ച് ഒരു ജോലി വാങ്ങാൻ നോക്ക്, ഇല്ലെങ്കിൽ കല്യാണം കഴിയുമ്പോൾ ,അമ്മയെ പോലെ സ്വന്തം ആവശ്യങ്ങൾക്കെല്ലാം ഭർത്താവിൻ്റെ മുന്നിൽ കൈ നീട്ടി നില്ക്കേണ്ടി വരുമെന്ന് , ആര് കേൾക്കാൻ ? അതിൻ്റെയാണീ അനുഭവിക്കുന്നത്, ഞാനൊരുവിധം സാരി അരക്കെട്ടിലുറപ്പിച്ചു. അമ്പലത്തിൽ വച്ചായിരുന്നു വിവാഹം അവിടെ ചെന്നയുടനെ എന്നെയും മക്കളെയും മണ്ഡപത്തിലേക്ക് പറഞ്ഞ് വിട്ടിട്ട് ജയേട്ടൻ കൂട്ടുകാരുടെയടുത്തേയ്ക്ക് പോയി. ഹായ് നാത്തൂനെ, ഇതെന്തായീ കാണുന്നത്? കാവിലെ ഭഗവതി നേരിട്ടിറങ്ങി വന്നതോ ? ചുവന്ന പട്ട് സാരി, നാത്തൂന് നന്നായി ചേരുന്നുണ്ട് കെട്ടോ? വല്യച്ഛൻ്റെ ഇളയ മരുമകള് വന്നെന്നോടങ്ങനെ പറഞ്ഞപ്പോൾ മനസ്സിനൊരു കുളിർമ്മ തോന്നി ,അവളങ്ങനെ ആരെയും പുകഴ്ത്തിപ്പറയുന്നൊരാളല്ല ങ്ഹാ ഗീതേച്ചി… പൊളിച്ചല്ലോ ? നിങ്ങൾക്കൊരു പത്ത് വയസ്സ് കുറഞ്ഞിട്ടുണ്ട്, ഗീതേച്ചി വെളുത്തതായത് കൊണ്ടാവാം ചുവപ്പ് നിറം നന്നായി മാച്ച് ചെയ്യുന്നുണ്ട്, അത് മാത്രമല്ല രശ്മി ,ഗീതേച്ചിക്ക് നല്ല ബോഡി ഷെയ്പുള്ളത് കൊണ്ട് സാരി നന്നായി ചേരുന്നുമുണ്ട് എൻ്റെ കൃഷ്ണാ … എനിക്കിനി മരിച്ചാലും വേണ്ടില്ല ബാംഗ്ളൂരിൽ മോഡലിങ്ങ് ചെയ്യുന്ന അമ്മാവൻ്റെ മക്കളാണത് പറഞ്ഞത് ഇതിൽപരം ഈയുള്ളവർക്ക് മറ്റൊന്നും വേണ്ട അതോടെ എൻ്റെ മൂഡ് ഔട്ടെല്ലാം മാറി. താലികെട്ടും, സദ്യയുമൊക്കെ കഴിഞ്ഞപ്പോൾ തിരിച്ച് പോകാൻ ജയേട്ടൻ ധൃതിവച്ചു. കുറച്ച് കൂടി നില്ക്ക് ജയേട്ടാ… ഇത്രവേഗം തിരിച്ച് പോകാൻ നമ്മള് അന്യരൊന്നുമല്ലല്ലോ? മനസ്സില്ലാ മനസ്സോടെയാണെങ്കിലും പുള്ളിക്കാരൻ കുറച്ച് നേരം കൂടി നിന്നു.

നാല് മണിയായപ്പോൾ ജയേട്ടന് പോയിട്ട് തിരക്കുണ്ടെന്ന് വല്യച്ഛനോട് കളവ് പറഞ്ഞിട്ട് ഞങ്ങളവിടുന്നിറങ്ങി. ഗീതേ .. നീ മുന്നിലോട്ടിരിക്ക് മക്കള് രണ്ട് പേരും കൂടി പിന്നിലിരുന്നോളും കാറിൻ്റെ പിൻഡോറ് തുറക്കാനൊരുങ്ങിയ എന്നോടത് പറഞ്ഞത്, ജയേട്ടൻ തന്നെയാണോ,? എന്ന് വിശ്വസിക്കാനാവാതെ ആ മുഖത്തേയ്ക്ക് ഞാൻ പകച്ച് നോക്കി . കുറച്ച് നാളുകളായി പത്താം ക്ളാസ്സിൽ പഠിക്കുന്ന മൂത്ത മകനാണ്, എന്നും ഇടത് വശത്തെ ഫ്രണ്ട് സീറ്റിലിരിക്കുന്നത്, ഒരു ദിവസം അവനോട് ഞാൻ ബാക്ക് സീറ്റിലേക്കിരിക്കാൻ പറഞ്ഞപ്പോൾ ജയേട്ടൻ സമ്മതിച്ചില്ല നിനക്ക് മുന്നിൽ തന്നെയിരിക്കണമെന്ന് ഇത്ര നിർബന്ധമെന്താണ്? ആ ചോദ്യം അന്നെന്നെ വല്ലാതെ വേദനിപ്പിച്ചിരുന്നു. വേണ്ട, ഞാനിവിടെ തന്നെയിരുന്ന് കൊള്ളാം ഉള്ളിലെ സന്തോഷം മറച്ച് പിടിച്ച്, ഞാൻ വെറുതെയൊരു നമ്പരിറക്കി. ഹാ, പറയുന്നത് കേൾക്ക് ഗീതേ .. എനിക്കത് മതിയായിരുന്നു, എൻ്റെ ഭർത്താവ് എന്നെ നിർബന്ധിച്ചാലേ, ഞാനിനി മുൻ സീറ്റിലിരിക്കു, എന്നൊരു പിടിവാശി എനിക്കന്നുണ്ടായിരുന്നു. അല്ല, നമ്മളിതെങ്ങോട്ടാ പോകുന്നത് ? വീട്ടിലേക്കുള്ള റോഡിലേക്ക് തിരിയാതെ, കാറ് ഹൈവേയിലൂടെ തന്നെ സഞ്ചരിക്കുന്നത് കണ്ട് ,ഞാൻ ജിജ്ഞാസയോടെ ചോദിച്ചു. നീയെപ്പോഴും പറയാറില്ലേ ? ഞാൻ വർക്ക് ചെയ്യുന്ന കമ്പനിയിൽ, ഒരിക്കലൊന്ന് പോകണമെന്നും, അവിടുള്ളവരെയൊക്കെ ഒന്ന് പരിചയപ്പെടണമെന്നുമൊക്കെ അയ്യോ അങ്ങോട്ടാണോ പോകുന്നത്? ,ജയേട്ടാ .. ഞാനീ പട്ട് സാരിയൊക്കെയുടുത്ത് വന്നാൽ ,അവരെന്ത് വിചാരിക്കും? നമുക്ക് വേറൊരു ദിവസം പോകാം ഹേയ് അതൊന്നും സാരമില്ല, ഇന്നാണ് അതിന് പറ്റിയ ദിവസം ഈ മനുഷ്യനിതെന്ത് പറ്റി? ആകെയൊരു മാറ്റം ?

എൻ്റെ ജിജ്ഞാസ വർദ്ധിച്ചു. അങ്ങനെ കുറെ നാള് കൊണ്ടുള്ള ആഗ്രഹം സാധിച്ചു. കമ്പനിയിലുള്ള ജയേട്ടൻ്റെ സബ്ഓർഡിനേറ്റ്സൊക്കെ എന്നെ ,മാഡം എന്ന് വിളിച്ച് സംബോധന ചെയ്തപ്പോൾ, ഞാനങ്ങ് വല്ലാതായി. അവിടുന്നിറങ്ങിയിട്ടും, വീട്ടിലേക്ക് പോകാതെ, ജയേട്ടൻ ഞങ്ങളെയും കൊണ്ട് നേരെ ബീച്ചിലേക്കാണ് പോയത്, ൻ്റെ കൃഷ്ണാ… ഇന്ന് മൊത്തം സർപ്രൈസുകളാണല്ലോ? എല്ലാ ദിവസവും, ഈ മനുഷ്യന് ഇങ്ങനെ തോന്നിയിരുന്നെങ്കിയെന്ന്, ഞാൻ വല്ലാതെ കൊതിച്ച് പോയി. ഞാനൊരു കാര്യം ചോദിച്ചാൽ, സത്യം പറയുമോ ? രാത്രിയിൽ ജയേട്ടനൊപ്പം കട്ടിലിൽ കിടക്കുമ്പോൾ, ഞാനദ്ദേഹത്തോട് ചോദിച്ചു ഉം ചോദിക്ക്, ഇന്നെന്താ ജയേട്ടന് പറ്റിയത്? ഇപ്പഴും എനിക്ക്, ഒന്നുമങ്ങട്ട് വിശ്വസിക്കാനാവുന്നില്ല, ചില തിരിച്ചറിവുകളുണ്ടാകുന്നത് മറ്റുള്ളവരിൽ നിന്നാണ് ,കല്യാണ പന്തലിൽ വച്ച് ,എനിക്കങ്ങനെയൊരു തിരിച്ചറിവ് കിട്ടി ,ഇപ്പോൾ നീ അത്രയും മനസ്സിലാക്കിയാൽ മതി. ################### അതാരാ ചേട്ടാ… ആ ചുവന്ന സാരിയുടുത്ത് നില്ക്കുന്നത്, എന്തൊരു ലുക്കാണ് ആ ചേച്ചിക്ക്? അറിയില്ലെടാ, പക്ഷേ ഒരു കാര്യം ഉറപ്പാണ്, ഏതോ ഭാഗ്യം ചെയ്തവൻ്റെ ഭാര്യയാണ് , ഈശ്വരാ … നമുക്കൊന്നും നീ ഇത് പോലൊരു ഭാര്യയെ തന്നില്ലല്ലോ? ശരിയാ ചേട്ടാ… ഇതിനെയൊക്കെ കാണുമ്പോഴാണ് ,സുരാജേട്ടൻ പറഞ്ഞത് പോലെ വീട്ടിലിരിക്കുന്നതിനെയെടുത്ത് കിണറ്റിലെറിയാൻ തോന്നുന്നത് #################### കല്യാണ പന്തലിൽ വച്ച് ,ഗീതയെ ചൂണ്ടിക്കാണിച്ച്, ക്യാമറാമാൻ്റെ സഹായിയായ പയ്യൻ ചോദിച്ച സംശയവും, അതിനയാൾ കൊടുത്ത മറുപടിയുമാണ്, തന്നിലുണ്ടായ മാറ്റത്തിന് കാരണമെന്ന് അയാൾ ഗീതയോട് പറഞ്ഞില്ല. NB :- ശരീരത്തിൽ കസ്തൂരിയുണ്ടെന്നറിയാതെ അതിൻ്റെ സുഗന്ധമന്വേഷിച്ച് നടക്കുന്ന മാനുകളെ പോലെയാണ് ചില പുരുഷൻമാർ, എന്ന് പറയാതെ വയ്യ ലൈക്ക് കമന്റ് ചെയ്യണേ…

Continue Reading

ബന്ധങ്ങൾ

വേണം എനിക്ക് ഇഷ്ടാ ഈ പെൺകുട്ടിയെ…

Published

on

By

രചന: Anu Swaroop

 

വീട്ടിലെ രണ്ടുപെണ്മക്കളിൽ ഇളയത് ആണെങ്കിലും വീട്ടുകാർക്ക് എന്നും ഒരു ഭാരം ആയിരുന്നു ഞാൻ,, ഞാൻ ജനിച്ചു പിറ്റേദിവസം ഒരു ആക്സിഡന്റ് പറ്റി അച്ഛൻ മരിച്ചു എന്ന കാരണം പറഞ്ഞു ആയിരുന്നു എന്നെ വീട്ടിലെ ഭാഗ്യദോഷി ആക്കിയത്, അമ്മക്ക് എന്നും പ്രിയപെട്ടവൾ ചേച്ചി തന്നെ ആയിരുന്നു, അമ്മയുടെ ഓരോ വാക്കിലും, പ്രവർത്തിയിലും അത് പ്രകടമായിരുന്നു എന്നേക്കാൾ രണ്ടു വയസ്സിനു മൂത്ത ചേച്ചി സ്കൂൾ പഠനം കഴിഞ്ഞു പട്ടണത്തിലെ കോളേജിൽ പോയപ്പോൾ ഞാനും ഒരുപാട് ആഗ്രഹിച്ചു,, പെൺകുട്ടികൾ പഠിച്ചിട്ട് എന്ത് കിട്ടാനാ എന്നുള്ള ചോദ്യം ആയിരുന്നു മറുപടി,.. അമ്മയെ വിധവയാക്കിയവൾ എന്ന പട്ടം നേരത്തെ ചാർത്തി കിട്ടിയതിനാൽ ബാല്യത്തിന്റെ നിറവും സ്വപ്നങ്ങളും ഒക്കെ എന്നേ പൊഴിഞ്ഞു പോയിരുന്നു,.. അമ്മയും ചേച്ചിയും ഉണ്ടായിട്ടും ഒരിറ്റ് സ്നേഹം തരാൻ ആരും ഇല്ലാതെ ഒറ്റപെട്ട ജീവിതം ആയിരുന്നു എന്നും,,.. കുത്തുവാക്കുകളും, ശാപവാക്കുകളും കേട്ടു കണ്ണുനീര് തുടക്കാൻ വേണ്ടി മാത്രം ഒരു ജന്മം,, എന്റെ ജന്മത്തെ ഞാൻ തന്നെ വെറുത്ത ദിനങ്ങൾ,,

ഗ്രാമത്തിലെ തയ്യൽ യൂണിറ്റിലെ തയ്യൽ പഠിത്തവും, വീട്ടിലെ അടുക്കളജോലിയും ആയിരുന്നു അമ്മ എനിക്ക് വേണ്ടി കരുതി വെച്ചിരുന്നത്… ഡിഗ്രി കഴിഞ്ഞു ഇറങ്ങിയ ചേച്ചിക്ക് വേണ്ടി വിവാഹആലോചന തുടങ്ങിയപ്പോൾ ആണ് അമ്മക്ക് ഞാൻ വീണ്ടും ഒരു ബാധ്യത ആവുന്നത്..,, കടമ തീർക്കാൻ എന്ന പേരിൽ ഇരുപത്തിരണ്ടുകാരിയായ തന്നെക്കാൾ ഇരട്ടി പ്രായം ഉള്ള ഒരാളെ ആയിരുന്നു അമ്മ കണ്ടെത്തിയത്,, മറ്റ് ആരുടെയോ നിർബന്ധത്തിൽ ആണ് അയാൾ ഈ വിവാഹത്തിന് സമ്മതിച്ചതെന്ന് ഒറ്റ നോട്ടത്തിൽ തന്നെ തോന്നിക്കും വിധം ആയിരുന്നു അയാളുടെ പെരുമാറ്റം, അത് അമ്മയോട് സൂചിപ്പിച്ച എന്നെ ചേച്ചിയുടെ മുന്നിൽ വെച്ചു തന്നെ പരിഹസിച്ചു വിട്ടു..,, “പിറന്നു വീണതെ എന്റെ താലിചരടും നെറ്റിയിലെ സിന്ദൂരവും മായിച്ചു, ഇനി കഴുത്തിൽ താലി ചാർത്തുന്നവന് എന്തൊക്കെയാണാവോ വരാൻ പോകുന്നത്” അമ്മയുടെ ആക്രോശത്തിനു മുന്നിൽ ഒന്നും പറയാൻ ഇല്ലാതെ തലയും താഴ്ത്തി മിണ്ടാതെ പോരേണ്ടി വന്നു എനിക്ക്,,, രണ്ടുമാസത്തിനപ്പുറം ചേച്ചിയോടൊപ്പം അണിഞ്ഞൊരുങ്ങി മനസ്സിൽ നിറയെ ഭയശങ്കകളോടെ മുഹൂർത്തം പ്രതീക്ഷിച്ചു കാത്തിരിക്കുമ്പോൾ ആണ് വീടിനുള്ളിൽ അടക്കിപിടിച്ച സംസാരവും, കുശുകുശുക്കലും കേട്ടത്… എന്തോ പ്രശ്നം ഉണ്ടെന്നു കൂടെ ഉണ്ടാരുന്നവരുടെ മുഖത്ത് നിന്നും മനസ്സിൽ ആക്കാൻ കഴിഞ്ഞു, ചോദിച്ചിട്ട് ആരും ഒന്നും പറയുന്നില്ല,,

മുറിക്കുള്ളിൽ കൂടി നിന്നവർ ഓരോരുത്തരായി പുറത്തേക്കു ഇറങ്ങി പൊയ്‌കൊണ്ടിരുന്നു എന്താ സംഭവിച്ചേ എന്നു അറിയാൻ ഉള്ള ആകാംഷ കൊണ്ടു ഇരുന്നിടത്തുനിന്നും എഴുന്നേറ്റു വാതിലിനു നേർക്കു നടക്കാൻ തുടങ്ങിയപ്പോൾ ആണ് അമ്മ കൊടുംകാറ്റ് പോലെ ഉള്ളിലേക്ക് കയറി വന്നത്,,… “എന്നോട് എല്ലാവരും പറഞ്ഞതാ ഈ അശ്രീകരത്തെ എന്റെ മോളുടെ കൂടെ പന്തലിൽ ഇറക്കണ്ട എന്നു.., അന്ന് ഞാൻ അത് കേട്ടില്ല,അത് എന്റെ തെറ്റ്‌..,,നിന്നെ താലികെട്ടാൻ വരാം എന്നു സമ്മതിച്ചവൻ വേറെ ഒരു പെണ്ണിനേയും കൊണ്ടു ഓടി പോയെടി… പെൺകുട്ടികൾ ആയാൽ കുറച്ചു ഒക്കെ ഭാഗ്യം വേണം,.. നിനക്കിപ്പോൾ മതിയായല്ലോ എല്ലാം, എന്റെ കുഞ്ഞിന്റെ ജീവിതം കൂടി നീ കാരണം നശിക്കുമല്ലോ എന്റെ ദേവിയെ….” അമ്മേ ഞാൻ….പറയാൻ വന്നത് മുഴുവൻ ആക്കാൻ കഴിയാതെ നിന്നു പോയി താൻ..,, അമ്മ അലമുറ ഇട്ടു കരഞ്ഞു കൊണ്ടിരുന്നു,,

“ലീലേടത്തി… ഇങ്ങനെ കരഞ്ഞു ബഹളം വെച്ചിട്ട് കാര്യം ഒന്നും ഇല്ലല്ലോ?? പ്രശ്നം പരിഹരിക്കാൻ ഉള്ള വഴി അല്ലെ നോക്കണ്ടത് നമ്മൾ… നിങ്ങൾക്ക് സമ്മതം ആണെങ്കിൽ ഒരു പയ്യൻ ഉണ്ട് ഞങ്ങളുടെ കൂടെ, മുഹൂർത്തം തെറ്റാതെ നമുക്ക് നടത്താം ഇത്,.. പയ്യന്റെ അമ്മാവന്റെ മകൻ ആണ് ഇത്, എല്ലാ കാര്യങ്ങൾക്കും അവൻ കൂടെ ഉണ്ടാരുന്നത് കൊണ്ടു ഇനി ഒരു ചർച്ചയുടെ ആവശ്യം വരുന്നില്ല” “അത് വേണോ?? എന്നുള്ള അമ്മയുടെ ചോദ്യത്തിന് അകത്തേക്ക് കയറി വന്ന എന്റെ പ്രിയപ്പെട്ടവൻ തന്നെ ആയിരുന്നു ഉത്തരം കൊടുത്തത്…. “വേണം എനിക്ക് ഇഷ്ടാ ഈ പെൺകുട്ടിയെ…

അവളെ എനിക്ക് തന്നേരെ അമ്മേ….,,,” മഞ്ഞനൂലിൽ കോർത്ത താലി കഴുത്തിൽ ചാർത്തി തന്നു, ഹാരവും അണിയിച്ചു, നെറ്റിയിൽ സിന്ദൂരവും തൊടുവിച്ചു തന്നു, കയ്യോട് കയ്യ് ചേർത്തു പിടിച്ചു മണ്ഡപം ചുറ്റുന്ന ഞങ്ങളെ എവിടെ നിന്നോ വന്ന ഒരിളം കാറ്റ് തഴുകി കടന്നു പോയി…ആ കാറ്റു എന്റെ ചെവിയിൽ പറഞ്ഞു മോളെ അച്ഛന്റെ അനുഗ്രഹം എന്നും മോൾക്ക്‌ ഉണ്ടാവും എന്നു…… അത് അങ്ങനെയാണ് ആരും ഇല്ലാത്തവർക്ക് ദൈവം ഉണ്ടാകും എന്തിനും.. ഏതിനും കൂടെ..,,, ലൈക്ക് ചെയ്ത് അഭിപ്രായങ്ങൾ അറിയിക്കൂ… നിങ്ങളുടെ സ്വന്തം രചനകൾ പേജിലേക്ക് അയച്ചു തരിക…

 

Continue Reading

Most Popular